اسد. من يوم الي راحت واني بالي يمها ما اعرف ليش ما تمر ليله بدون ما احلم بيها قررت اروح الها البيتهم لان بالجامعه مجاي داوم بس شلون واذا طلعو اهلها شسوي هسه يي لكيتها اطيااف 😎✌️
رحت للمستشفى ولكيت هاي البنيه الي مبين محمد معجب بيها بس يجذب ع نفسه
اسد. صباح الخير خيتي
اطياف. صباح النور
اسد. شلونج
اطياف. بعد الفضل الي سويتو الي اني بخير
اسد.لا تحجين هيج خويه هاذ واجبنه شنو نسيتي احنه ضباط وهاذ شغلنه يعني ما مفضلين ع واحد
اطياف.من لم يشكر العبد لم يشكر المعبود واني مديونه الكم بالشكر
اسد.اممم اذا انتي هيج اشوفين نفسج مديونه النه ساعديني لان الصراحه اني اليوم جاي مخصوصي عليج اريد منج شغله
اطياف.اتفضل مريض
اسد.لا عرج مطاكني لا تفاولين علي بس اريد احجي ويه سمر ومجاي داوم واريدج دبريلي شوفه الها لان احس نفسي غلطت بحقها واريد اعتذر منها
اطياف. اوك سهله اليوم احنه رايحين السفره الكربلاء ونجف وهيه ح تجي تبات يمي تعال قبل لا نطلع وحجي وياها
اسد.اوك شكرا
رحت للمركز واني طاير من الفرح لگيت الولد كاعدين. ضلينه نشتغل خلصنه واجينه نطلع وتصل تلفون محمد رد علي وجها عفس
جواد.شبيك محمد
محمد. احمد متعارك ويه مرته ولله مليت من هذول لاثنين
بهاي الاثناء اتصل تلفون مراد رد علي ونفس حاله محمد هم عفس وجها
محمد.ها احمد اتصل عليك
مراد. لا خ نرجع للبيت تعبان
رجعنه للبيت وتلكتنه الطلابه طبعا اني ومراد طفرنه ذبيناها براس محمد هوه گعد يحلها
مراد. گاعد يم الولد وتصلت بلوتي ابتسمت لا أراديا بس ختفت ابتسامتي من گالت باجر نجي للبصره شنو تجي للبصره وين اكيد بيت عمها ابو خالد يعني راح تعيش هيه وخالد نفس البيت سيطرت ع نفسي وگلتلها بعدين تحجي هسه مشغول رجعت للبيت وصعدت الغرفتي وگبل خابرتها
تسواهن. الو
مراد.شنو تجين للبصره خبله انتي لو تردين تحركين دمي
تسواهن. ع كيفك مراد نهديت علي جدي يريد يجي شكدر اسوي اني بعدين كلهن اسبوعين
مراد.هاي السبوعين ضلين بيهن هناك مو هنا جايتني انتي وخالد بنفس البيت
تسواهن.مراد وين اضل تريد اضل وحدي بعدين حته لو بقيت جدي ما يقبل واذا على خالد لا تخاف اني گلت الجدي شنو سوه وحسب الي فهمته من جدي مراح نشوفه لان ح يروح الاربيل مده شهر يعني ما موجود
مراد.استغفر الله خوش تعالي بس اذا سوه شي هلمره اطك رگبتج ورگبته
تسواهن. حياتي احبك بدون تهديد
ضلينه نحجي شويه وسدت الخط اوووف تسواهن باجر تجين يمي المفروض افرح بس بسبب هاذ الناقص تعكر مزاجي رحت سبحت ونمت حته بدون ما اتغده
حمزه. صار فتره اتصل ع تسواهن ونحجي ونسولف وگلتلي تريد تروح البيت عمها والي صدمني بيت عمها بالبصره حيل ارتاحيت الها
شمس. الحمد الله اني وجواد وضعنه تمام بس ما نلتقي هوه مشغول بعرس اخو ودوامه واني بالدراسه مرتين اجانه وما شفته اول مره جنت نايمه والمره الثانيه جنت يم صديقتي ادرس والله لا يشوفكم شصار بيه اتصل علي غلط ورزايل لان ما گلتله ولان رايحه وحدي
احمد.من اخر مشكله اني وفاء قررنه نطلك والبت عندي اصلا هيه گالت ما اريدها وهسه طلگنه سيد وجاي نمشي بامور المحكمه
محمد. البنيه اطياف حيل داخله بخاطري بس ما شفتها من اخر موقف صار وما تصلت بس اشوف استورياتها ع الواتساب ورد عليهن
اسد.نمت وگعدت العصر وطياره البيت اطياف دكيت الباب وطلعت اطياف وراها بلوتي هيه نصدمت ما خليتها تكمل صدمتها جريتها من ايدها صاحت اطياف گلتلها بس احجي وياها هيه متصنمه بس تباوع ههه
صعدتها السياره ورحت المكان فارغ ما حسيت غير صرخت
سمر.انت شجابك وشتريد مني واصلا شلون تعرف بيت اطياف مو كافي الي سويته بيه وضربتني
اسد.ممكن توكفين المسجل شويه شكد تهذين ما اريد شي منج بس اريد اتاسف لان وربي مجان قصدي
سمر. مجان قصدك انت ضربتني
اسد.ولله اسف مجان قصدي من عصبيتي وخوفي عليج صارت ك رده فعل
ضليت اقنع بيها وعتذر الحد ما واخيرا قبلت
اسد. ها هسه اصدقاء ونفتح صفحه جديده
سمر.يي خلاص اصدقاء
اسد.اوك معناها معزومه السبوع الجاي ع عرس ابن عمتي
سمر.اوك نشالله اجي باي
اسد.باي
"""""""""
تسواهن.اجينه للبصره والحمد الله خالد مو موجود. حيل تونست ويه البنات تعرفت ع اخت مراد وبنات عمته حيل حبابات وعزمني ع عرس اخوهن وبيوم خابرتني شمس گالت تعالي ويانه نشتري ملابس للحنه والعرس
تسواهن. اوك حبي بس اگول الجدو ورجعلج خبر
رحت الجدي وگلتله وقبل اتصلت ع شمس وگلتلها قبل جدي گالت العصر نروح نستوك ونحجز صالون النه
رحنه للسوك اخذنه ابن عمتهم جواد اهواي افترينه بالسوك وهاذ الولد لو بيده يجمعنه ويحط بنصنه عبوه ويفجرنه كلنه هلگد ما ضاج من فرتنه 😂
رجعت للبيت وتصل مراد رديت علي واجاني صوته اليرعد
مراد. ولج انتي كلش طالعه عينج شلون طلعين بدون ما تگولين رجل كرسي اني لو شنو الضاهر اتساهلت وياج اهواي ماشي يل فصمه دواج عندي اني اعرف شلون اعيد نضامج
حجه وسد الخط حته ما لحكت احجي شي اكلني بكشوري
ضليت اتصل علي ما يرد الحد يوم الحنه العصر رحنه اني والبنات البيت العروس نتجهز اني لبست فستان ماروني منفوش وسويت شعري برم ع نص ومكياج ماروني وكعب عالي طلعت اشق ع گوله گوله نرجس
شمس. اتصل علي جواد وگالي لا ترحين وياهن للسوك طلعيلج عذر حته اني اخذج وحدنه بس ما گدرت افوت فره السوك ويه البنات الها طعم خاص اگيد انتو بنات وتعرفون لذتها
ضليت اتحايل وتوسل الحد ما وافق.رحنه للسوگ بالبدايه يسرق نضرات واذا صرت وحدي يتغزل بس بعدين طلعت روحه من فرتنه ضل بس يخزر ويحجي ويه روحه 😂
صارت الحنه ولبست فستان اسود ضيگ طويل وكعب عالي ومكياج سموكي وسويت شعري تسريحه بسيطه مال بيت بس مرتبه كلش راضيه عن شكلي 😌
نرجس. اني لبست فستان فضي بس اني بيضه ضرب ع وجهي صدك صار وجهي فاهي ع گوله محمد زعلت وطنگرت طلعتلي شمس من عدها فستان احمر كلش حلو بس المشكله قياسها مو مثل قياسي هيه ساعه رمليه عدها شغلات بارزه اني ممسوحه طلع مو حلو علي طنگرت وخبالاتي وصلن للستار عفتهن ونزلت بالحديقه وضليت ابجي 🥺
سمر. ما مطمنه الهاذ اسد بس ما حبيت ابين ومع ذالك قبلت العزيمه والحلو بالموضوع اطياف ح تجي وياي
لبست لبس عادي بس كلش حلو ومكياج عادي وشعري گصير ما سويتله شي بس سرحته(طبعا للمعلومه تسواهن وسمر مو محجبات)
اطياف. اتصل علي محمد وعزمني العرس ابن عمته حيل خجلت وحاولت ارفض بس اصر علي گلتله اذا اجيت للعرس اجي بصفتي شنو گال بصفتج صديقه شمس وافقت بس ما مقتنعه
لبست فستان محجبات بس كلش مرتب وحجاب ومكياج خفيف كلش بحيث اله واحد يركز يلله يبين وفوگهن اكيد العبايه اهناك انزعها
خلصنه وگالت سمر يلله نتوكل طلعنه عساس ناخذ تكسي بس المفاجئه لگينه محمد بالباب جاي ياخذنه صعدنه ورحنه والطريق كله عينه علي حيل وترني خفت لا سمر تنتبه وجيب الي يخلصني من السانها بس الحمد الله مشغوله بجهازها شغل اغنيه شواي شويي يبنيه فلك طرج وسمر استغلت الوضع وضلت تصور استوريات اخر شي صورت ايدينه وفيدوهات للطريق وتصور فيديوهات تغني ويه الاغنيه المهم كومه صورت واني جنت اتمنه اصور بس استحي گلت بعدين اخذهن منها وانشرهن وصلنه ونزلنه وبسرعه دخلنه للبيت جان بي كومه بنات بس كلهن شابات استغربنه گالت وحده اني شمس اخت محمد سلمنه عليها وعرفتنه ع البنات خوات العروسه وبت عمتهم وصديقتهم گالت انضل اهنا بين ما انخلص تجهيز نفسنه ونروح للقاعه اتفاجئنه جنت متصوره الحفله بالبيت
تجهزن وسمر هم عدلت مكياجها ونطلقت وياهن سوالف وضحك سمر اجتماعيه عكسي اني حيل اخجل تعارفنه وتبادلنه الارقام شويه وگالو يلله طلعن لبست عباتي والبنات لبسن بشت فوك فساتينهن لان مكشوفات ما عدا سمر جان فستانها مستور صعدنه بالكوستر وصعد ويانه رجال جبير بالعمر گعد بالصدر مشينه وشغل اغنيه نسمع احلا هلهوله كلهن هلهلن حته سمر ههه بعدين انطلقن تصفك وهلاهل ورگص وهنه گاعدات الحمد الله ليل والگلوب مطفي جان نفضحنه وصلنه ونزلنه القاعه مال بنات وحد
البنات نزعن البشوته واني نزعت العبايه وبدت الحفله سمر رگصت اشويه واجت ضايجه والبنات كملن ركص واني ضليت گاعده مكاني
اطياف. اشبيج سمر ليش ضايجه
سمر. اريد تلفوني هاي الي بالرسبشن مجاي تقبل تنطيني يا اريد اصور
اطياف. لا شصورين بعدين هاي حفله خاصه يعني طبيعي تنسحب الاجهزه
سمر.مو هاي البنات عدهن تلفوناتهن
اطياف. حبي هذن خوات العروس يعني عادي
ما احس غير طكتها بجيه هههه شگد عدها سوالف ورعونيه بس طفله ضليت احجي وياها وهيه ماكو قافله اخر شي گالت اذا ما اصور شكو باقيه اريد اروح
اطياف.سمر وين انروح منو يرجعنه هسه غير ننتضرهم
سمر.شنو ننتضرهم احنه نرجع ضجت
اطياف.سمر وين نرجع بنات وحدنه باليل واحنه ومكياجنه والبسنه صدك تحجين
سمر.يي صدك احجي يلله
لبست عباتي وطلعنه بالشارع جاي ننتضر تكسي وتصل تلفوني شفته محمد جاوبته
اطياف. الو
محمد.الو اطياف انتي وين ليش طالعه من الحفله بيج شي
اطياف.لا ما بيه شي بس سمر تريد ترجع وضلت تبجي ههه
محمد.شبيها احد حاجاها
اطياف. لا بس تريد تلفونها وما قبلو ينطونه الها وضلت تبجي
محمد. زين انتو وين
اطياف. بالشارع منتضرين تكسي
محمد. استغفر الله اطياف رجعي للقاعه بين ما اجي اني بعيد عليكم من اوصلكم ارجعكم بيدي
اطياف. ما يحتاج هسه ناخذ تكسي ونروح
محمد.شهل حجي باليل وبنات وحدجن ترحن بتكاسي اني جبتجن واني ارجعجن يلله بس مسافه الطريق جاي
اطياف.صدكني ما يحتا
ما مكمله وگال
محمد. گلت رجعن
اطياف. نشالله
رجعنه وسمر عندت ما تدخل لان بالطلعه تعاركت ويه البنيه الي اخذت منها التلفون حاولت وياها گالت ما ارجع انتضر اهنا صدك نتضرنه تقريبا نص ساعه رجلي نملن يلله وصل شافنه بالباب عقد حواجبه واشر النه نصعد
صعدنه ومشه
محمد.ليش منتضرات بره والرايح والجاي عينه عليجن مو گلت دخلن جوه بين ما اوصل
اطياف. سمر ما قبلت لان تعاركت ويه البنيه
هسه راسه وعض شفته مبين عصبي
وسمر مطنگره ومكتفه ايديها وعاقده حواجبها
اطياف.انت شلون عرفتنه طالعين من القاعه
محمد.اتصلت علي شمس وگلتلي
اطياف.امممم
وصلنه للبيت وراح