في ضريح العشق حمامه,,,,,,
وئام الشيخلي،،،،،
مساء الورد والياسمين.
///////////
حبايب گــــٓــلبي البارت الجاي هو الاخيــــٓــر. ودااڪتب بس الاحداث هواي اذا ماڪملت الخميس تحملوني الجمــــٓــعه انزل اخر بارت والنهايــــٓــه حلوه ان شالله اطمٵنوا.
ـــــــــــــــ
مسك
ماكو وصف دقيق لحالي حالي صعب حيل الالم بگلبي شكد ما احاول اكتمه صار واضح على ملامحي وكل اللي يشوفني متوقع خايفه من نتيجة امتحان البوست روتيشن او قلقه علمود الدرجه يدرون بيه شكد تعبت بهذا الامتحان وشكد ڪان صعب.
مايدرون بالشاغلي بالي لدرجة صار ابو الحسن يطمني ان متاكد من جوابج عال العال ليش هالخوف كل ظنهم هذا السبب.
لو اوس اللي يقسم يمين اذا أنًٌُــي ماطلعت من الخمسة الاوائل بالامتحان يترك التوقعات ونهائي بعد مايتوقع .
ويحولها ضحك ويگول اعتزل المهنــــٓــه.
وصار يراهني على هوايه امور يعني فاجئهم وهم يگولون لهالدرجة انت متاكد ومتيقن هي راح تطلع من الخمسه الاوائل؟!!!!
وصار يراهن على امور تعجيزيه ويغيرلي جو بڪل طريقــــٓــه.
بس كلهم مايعرفون سبب وضعي ودهورة احوالي وحتى نومتي صارت عباره عن ارق وقلق واحلام وكوابيس من ارجع اتذكر اللي صار قبل ايام.
بعد يومين من الامتحان كاعدين بغرفــــٓــة المكتبه وصار كلام بيني وبين مُــخلد عن القصه اللي رجع يقراها للمره الماادري شكد عددها.
واللي يكول كل ما اقراها وكأني اقراها اول مره.
وما أمَل من قراءتها ويحجيلي عن هذا الكاتب اللي لحد الان ام اجود تقره القصص مالته والقصه كانت (اجمل غريق فالعالم ) ويعتبرها قصــــٓــه أسطورية للڪاتب غبرييل غارسيا ماركيز.
يحجيلي عن اسلوبه وابداعه بكتابة القصص والروايات اللي قاريها اله
وأشرلي على هيمــــٓــو اللي سحب تليفون ابوه ويدوس باصابعه الصغار وهو يحاول يفتح الرمز فدوه لاصابعه بحركة تاخذ العقل.
مُــخلد فتح تليفوني وصار يصوره وهو حاول مره ومرتين وثلاثه تعصب وشال ورگعه بالكاع بقوة زين ما كسره بس تفطرت لزگــــٓــة الشاشــــٓــه.
بعدها شاله وجابه لابو حتى يفتحله الرمز. وقبلها شال اللزگــــٓــه منه.
فتحله الرمز ودخل على فيديو هذا الفديو بالمسبح يعلمه سباحه اخذ التلفون بدون استئذان ونزل.
ابوه يضحك ؏ تصرفاته واني خفت عليه ليوكع من الدرج نزلت وياه للصاله كــعد بركن الجلسه مثل الشايب خله ايد جوة رگبته وايد الثانيه شايل التليفون وخله رجل على رجل ضحكت على تصرفاته
كعدت گباله واني اباوع على حركاته وملامحه اللي تتغير يضحك لما شافني منتبه اله غير گعدته واجه ارتاج يمي ورجع بحضني ويراويني شلون ابو يعلمه سباحه ويكلي أنًٌُــــٓــي وبابا ابح بلغته المكسره وفرحان.
رغم أنــــٓـــي مانعته يباوع بالتلفون اخاف عليه بس ما اكدر امنعه من هذا الفديو لازم يشوفه.
مرات يكوم يبجي الا يشوفه.
وانــــٓــي وياه كاعدين نباوع الفديو قبل لاينتهي اجت رساله بالجهاز على خط الاول كان شريحه اسيا
وجذب انتباهي الرساله الوصلت
بحكم التطور ووجود وسائل التواصل قله اللي يرسل رساله على الشريحه. بس رسائل الشرڪه تجي ؏ الشربحــــٓــه.
الاغلب يتصل او يستخدم ماسنجر فايبر واتساب.
من اول ماقريت حروفها حسيت انضربت سچين بگلبي رغم هي رساله من رقم ما محفوظ بس من اول سطر قريته المرسل هو واضح مثل عين الشمس
مكتوب تدري أنــــٓـــي ما اكرهك تدري انت ماتنكره ما اعرف يعني من الله هذا الشي رغم دمرتني وعوقتني خسرتني كل ما املك خسرتني تعب سنين بس ما اكرهك.
الرساله الثانيه خلتني مصدومه وصافنه هو انت واصل درجه من الالحاد يمكن اعلى درجات الالحاد استغفر الله حسب اللي عرفته حتى برب العالمين تكفر وماتعترف بوجوده.
يشبه مخلد مثل موسى عليه السلام.
انت مثل موسى من ربه حط حبه بگلب فرعون.
بالضبط يرهم عمي يكون فرعون طاغي وظالم وجاحد اللي ما آمن بالله سبحانه وتعالى الى ان وصله الغرق والله سبحانه اجابه ــ( آلْآنَ وَقَدْ عَصَيْتَ قَبْلُ وَكُنتَ مِنَ الْمُفْسِدِينَ)
وبعدني ما مكمله الرساله وتوصل الثانيه و توصل البعدها واقراها عجيب كلامه وواضح هو ميحتاج ادقق واربط تفاصيل.
يكملها وڪاتب بس شنو مشكلتك انت؟
محمد اللي عَم عليك محمد هم مثلك ماينكره اذا ارجع لوعــــٓــيّ.
بس انتقامي منه هالشي صار بدمي وحتى لو يتبدل دمي بالكامل ويضيفولي دم اخر جديد أنــــٓـــي ما يهدالي بال وارتاح اذا ما اشوف محمد متحطم.
بدت الرسائل توصل عن ابويه منا أنــــٓـــي اقره الرسائل ومنا هيمــــٓــو ضوجني يبجي يريد ياخذ التلفون من ايدي ويلح بحيث صوته وصل لابوه.
اللي صاح عليه مسك فدوه لتبچي مسك شبي شيريد انطي اباله أنــــٓــي اخذت التلفون من عنده لان ما اقبل ياخذه. يعني اذا كلش خمس دقايق وعلى اعصابي.
مستمــــٓــر صوت مُــخلد يصيح عليه لان يوصلــــٓــه صوته.
گال لخاطري اذا عندي خاطر يمج شنو يريد انطيــــٓــه.
وحاولت اهدئه شلته بايدي وطلعت للحديقه اقنعه هسه تجي البزونه بس اريده يسكت.
و أنــــٓـــي نيران تغلي بداخلي
اقره الرسائل واربط بالكلام.
لُــجين حقها بڪل اللي تگوله. و رغم أنــــٓــي من كالتها ما أيدتها بالراي مهما يكون هو جدنا اذا مو لخاطره لخاطر ابونا نحبه ونبره ونحترمه.
كالت ما اكدر احب جدي ما اكدر اظهر أنــــٓـــي الحنينه واللي احبه رغم هو يحبها ويحن عليها.
اعتبرته سبب باللي صار لامها ولابويه وهــــٓــسه حرفياً أنــــٓــي اكول حقها بكل اللي تگوله.
عمي هنا مثل ما سمعنه وعرفنه انُ مزروع بدماغه كلام خاله اللي منقوش بذاكرته ومقتنع بي.
اوووف ياجدي انت وينك وتصححله الفكره.
اللي بالرسائل يكول محمد اخذ شي مو من حــــٓــقه وڪلام واتهامات باطله.
شوكت اخذ شي مو من حــــٓــقه غير لو عاش طفولته غير لو تهنى بحياته مو انت شوفته المرار.؟!!!
وباقي الرسائل والكلام ديوضح مثل ما حجاها جدي وجدتي انه ابو صبيح هو اللي زرع الحقد بقلب موفق ويفهمه عدوك محمد.
اخذ شي مو مُلكه اخذ ابونا اخذ حقوقنا هو السبب بدمار حياتنه هو وامه اللي اخوانها انطوها هديه لابوي وهو السبب بقى هاجر امي ومطلكها وما رجعلها وهوايه كلام تعبت لمجرد قريت حروفه.
هذا الكلام كله أنــــٓــي سامعته من اجدادي. وهو هــــٓــسه ديٵڪده.
زين انت وينك عنه يا جدي ليش مصححتله افكاره ليش ما فهمته الشي الصــــٓــح.
وبينت اله خطأ هالافكار ليش ما احتويته وفهمتــــٓــه مو هذا الصــــٓــح وخالك مرايدلك الخير جاي يزجك بمشاكل وخلافات ويسويلك اعداء بدل ما يسويلك اصحاب ليش ما فهمته كل هاي الافكار.
گــــٓــلبي يوجعني واني اقره تعبت حيل اريد اوكف ما اكدر كعدت وسط الحديقه وخليت هيمــــٓــو گبالي احاول اقنعه واسكته حتى ابو ليسمعه اريد اشوف باقي الرسائل وباقي الكوارث وين يريد يوصل.
ياترى اكو اتصال بينه وبين مُــخلد؟
ياترا اكو تهديدات جديده وڪلام سابق بينهم و مُــخلد ضامها عليه مثل ما ضمها سابقاً عني.
و باقي الرسائل والكلام شنو هالحقد الحاقده على ابويه.
يكول خالي حالياً على فراش الموت وما وصاني غير وصية وحده ان ادمر محمد حتى يتدمر ابويه عــــٓــليّ من يشوفه متدمر.
عرفت شنو نقطــــٓــة ضعف محمد وهم صارت مشتركة بينك وبينه هذا اللي يخليني انفذ انتقامي منك ومنه.
بعدها رساله اخرى مكتوب بيها
عمك هم كالك ابنك يشبهه.؟؟؟
تفاصيل الرساله تكول انه عمي شايف مخلد وهيمــــٓــو وين وشوكت؟؟!!!
وباقي الرسائل و التفاصيل تگول هو شايفهم بيوم امتحاني البوست روتيشن تفاصيل كامله شنو لابسين و من نزل من سيارته واجه اخذني وشايله ويمشي.
ڪاتب تدري ابنك كله جده حتى حركاته ومشيته رجعتني لقبل اڪثر من خمسين سنه. بشوفتي الك انت وابنك.
وصرت اتذڪر محمد بهذا العُمر عُمر ابنك كله نسخة جده.
مرات ومرات ومرات ردت اموته بيــــٓــدي گبل لايڪبر بس ماصارت. الحظ دائما حليفه.
ويعدد محاولاته يقتلــــٓــه ڪم مــــٓــره وحتى وهو طفل واستمرت هالمحاولات.
شنو اللي يخلــــٓــي يعترف ڪل هاي الاعترافات.؟؟؟
اقرا وفصلت اختنگت استنشق بقوه ودموعي تجري.
ليش ڪل هذا الحقد؟؟
شگد تعذب بحياته اووووف ياابوي ياروحي انت.
وصلت رساله. اكيد هسه غالي عنده حيل هذا ابن المدلله الغاليه اللي هي اغلى حتى من ولده واهله وامه وابو.
فكيف ابنها اللي يشبهه وهسه توقعت من حطمتني وكسرتني وعوقتني ما اكدر اوكف على حيلي.
تذڪر من عايرتني وكلت مصادرك اللي تكسب بيها المال حرام عادي التجأت لنفس المصادر اللي كسبت بيها وصار عندي المال اللي اخذ بثاري منك وبنفس الوكت يكون هذا الثار مشترك منك ومن عمك.
واخر رساله كاتب النه يوم نلتقي بِـــيّ، والدور لــ ابنك. شنو راح يڪول حال محمد وام محمد ؟؟
اقرا و ارجف وصار التلفون يوكع من ايدي اريد اعيد الرسائل وقراءتها حسيت خفقان صار بگــــٓــلبي وجسمي صار جمر وروحي تنازع.
اريد افهم غير هاي الرسائل اكو تهديدات قبلها اكو شي صاير؟؟
مُــخلد رجع يُضم عليه اسأل نفسي وأجاوبها؟؟
حالتي يرثى لها انتبهت لهيمــــٓــو يبجي ومن الثيل مال الحديقه صاعد نمل على رجليه.
شلت التلفون خليته عالكاونتر واخذته للحمام الخارجي سبحته وعقمت مڪان گرصــــٓــة النملات. وجبت مڪعبات ثلج خليتها بقطعــــٓــة قماش وخليتها عليهن. وبعدها دهنتــــٓــه بــ ڪريم .
وهو بعده يبجي ويتشكى وينادي ابوه.
واني شلونه حالي ادعي ربي يبعد الشر عنا . احتضنته بقوه اريد اضمــــٓــه بگــــٓــلبي. ياريت روحي تفدا روحكم .
شايلته واخذته للثلاجه اخيره شنو يحب.
حسيته يغفي اخذت فواڪه غسلتها وخلطتها اله وگعدت اشربه واني ضامتــــٓــه لصدري ودموعي تنزل ؏ شعراته الذهبيه وامسحهن. وادعي ربي يبعد اذاهم عنا.
سمعت صوت خطواته مسحت دموعي اريد ابين طبيعيه.
دخل وهو يضحك يگول هاي شنو؟؟؟
شو اليوم العصير بس لابو الهمــــٓــه.
رويحتي وابوه ؟؟؟
مغلســــٓــه لو ناسيــــٓــه لو شنو.
سحب الڪرسي وصار گبالي. استغرب حالي.
سٵلنــــٓــي بلــــٓــهفه شبيج؟؟؟
رفعت قدمــــٓــه اراوي گرصات النمل. نزل لمستواه بوسهن يگول مايهم بطل حبيب ابوه.
شلته ونهضت غسلت فمــــٓــه سٵلني وين؟؟
رديت انيمه بمڪانه يرتاح بنومته. صعدت وخليته يمي ؏ التخت ومحتضنته اريد ادخلــــٓــه بين ضلوعي. والافڪار ازدحمت بــ دماغي حسيت راح يتولد عندي انفجار.
من اجــــٓــه للغرفه وشافنــــٓــي لح بالسؤال. مسك انت ابد مو طبيعيه فهميني شبيــــٓــج.؟؟؟
حالج ما يعجب ابد.
حسيته تفاجئ وانصدم لما سألته شتعرف عن اخبار عمي نهض گعد لحيله.
مصدوم بسؤالي وينتظر اعيده سألني شنو ؟منو ؟
عيدي بالله عيدي شنو گلتي. ؟؟؟
رجعت سألته شنو اخبار عمي تعرف اخباره عندك اتصال بي؟؟
علامات الصدمه كلش بانت على ملامحه وكأن يريد يسألني بيج شي شجاريلج شنو سبب هذا السؤال؟؟؟
گال العمــــٓــه بعينــــٓــه لاتگولين عــــٓــمي.
واكدلي لا ماعنده اي معلومات عنه ولا يعرف اخباره ولا متصل بي.
المشكله أنًــــٓــي تعبانه ومابيــــٓــه حيل بالكوه اسأله ويمكن هو عنده اسلوب يضُم عليه ويكدر يبنلي انه ماكو شي وان ڪان مو صــــٓــحيح ،
مو گادره اميز رغم ثقتي العمياء بي ومتاكده مايكذب عليه. حاشاه.
ومن يريد يضُم شي يكولها الشي الاكوله الج اگوله والما اكدر اگوله افهمه الج بعدين.
بس هو حالياً جاي ينفي نهائي ماعنده اي خبر عنه.
كال قسماً بذات الله من يوم البشرتيني بحملج شوفي صار كم سنه على هذا الكلام لا متصل بي ولا متصل بيه ولا واصلني منه رساله ولا موصل اله أنــــٓـــي رساله ولا سامع اي خبر عنه مكتفي ڪلش.
اكتفيت اخذت حقي منه وخلص.
وگلتها الج أنــــٓـــي بيومها.
شنو السبب شنو اللي يخليج تسألين هالسؤال.؟
و ليش هيج ملامحج متغيره شنو اللي صار سألني اكثر من عشر اسئله واني مختنگه ومابيه حيل ارد.
سألته وينه تلفونك ڪان عالطبله مباشرا نهض جابه فتحته وراويته الرسائل.
صار يقرا الرسائل وعلامات الصدمة بانت على كل ملامحه يبالع بريجه بالگوه نطقها وهو يباوع عالتلفون وكلي شوكت اجت الرسائل شوكت قريتيهن من ڪان التلفون ..
هزيت راسي بأي ويه هاي كلمتي عدلت گعدتي ورغم ابني نايم رفعتــــٓــه احتضنته بقوه عبالك اكو شخص يريد ياخذه من عندي.
وهو يطبطب على كتفي واحتضنــــٓــه اثنينا وگال افديڪم بروحي. ومااسمــــٓــح بــ اذيتڪم.
سلامــــٓــة روحك گلتها مختنگــــٓــه بحروفها.
ٵتصل ڪان يطلعله رقم الهاتف المطلوب مغلق حالياً ،
يكرر الاتصال ونفس الحاله يبعث رسائل ما ڪانت توصل ماكو تقرير استلام.
ويرجع يتصل وهو يمشي بالغرفه رايح جاي و يگول جبان نذل ووووووو.
اتصل على واحد من اصدقائه و هو يسأله عن عمي يگله الرقم المتصل وڪل التفاصيل تبين ٵن هو موجود بالعراق ومن هالكلام نزل جوه.
اخذله ساعات ما هدئله بال وگعد على حيله و تأكد ان هو نازل للعراق صارله يومين و هاي الرسائل اللي رسلها من المطار ليش جاي للعراق وشنو اللي جابه ماعرفنه.
وبعده مستمر باتصالاته على اصدقاءه اللي عنده معرفه بيهم هنا تأكد ما راجع للدوله الڪان محتمي بيها.
هو مسافر لدوله ثانيه وحاول بعد يعرف معلومات عنه اكثر و تأكد انه هو مريض رايح يتعالج و خاله فعلاً حالته الصحيه حرجه، موجود بواحد من مستشفيات بغداد وهو ڪان عنده.
ومكمل اموره وجواز سفر حتى يطلعونه يتعالج بره بس حالته ماتسمح ان يسافر.
مر اليوم عليه بصعوبه احس حتى الثواني صارت ماتمشي وشنو الانتظره والاريده اذا مشى اليوم شنو اللي راح يصير ياترى ما اعرف شنو اگوله عن حالي بس هو باسلوبه طمني ماكو شي وحاول بكل طريقه يهديني انه مسافر لدوله بعيده مجرد تهديد.
وبعد يومين اتصل من رقم دولي وهو يگول جملــــٓــه وحده.
صارت وصيــــٓــة ميت يعني واجبــــٓــة التفيذ.
قبل لا مُــخلــد يرد هو سد الخط.
اتصلت بـــ ٵمي اتاڪد هل فعلا خاله مات؟
گالت اي الميت ماتجوز عَــــٓــليّ الا الرحمــــٓــه.
اجا ابو ڪرار و ولده، الناس الخيره طالبين منــــٓــه يسامحــــٓــه وياخذله اختــــٓــه ام عادل تبري الذمــــٓــه وجدج.
ويگولون صار ايام روحــــٓــه تنازع.
ومن اجونا ابوج ايد رٵيهم وگالوا روحوا وي ابو ڪرار.
ومن واصلين للمستشفى صبيح طاردهم يگول جايين تتشفون بِــيّ وبمرضــــٓــه.
وهو استغفرلله من شايفهم صاير يڪفر ويسب وصايره مشڪلــــٓــه وابنه متعارك وي الطبيب ومطلعــــٓــه ؏ مسؤليتــــٓــه وبالطريق ميت.
سٵلتها شلونها بيبي ام عادل تبجي عَــــٓــليّ؟؟؟
ردت لا. وهي قبل يرحون عَــــٓــليّ ما ڪانت رايده تروح تشوفه وگالت لابو ڪرار اريد اتذڪر يوم حلو شفته منه مااتذڪر.
شنو سوا موفق بـ. ليلى هو سوا بيــــٓــه اضعاف مضعافه. خلوني ساڪتــــٓــه لاتهيجون مواجعي.
وبعد وفاته بــ اقل من ساعه اتصل موفق بــ ابوج يگوله موتــــٓــة خالي انت تدفع ثمنها.
شلون تدزهم تشفون بمرضــــٓــه. وبهاي الاثناء عمام ابوج يمنا وسمعوا.
وگالوا هو صارله خمس سنين من جلطــــٓــه لجلطــــٓــه من يوم خســــٓــر ابنــــٓــه ڪل فلوســــٓــه اللي ؏ اساس استثمار.
وڪل يوم يگولون موات وما يعيش لباجر.
ومن ڪثر المرض وحاله اهلــــٓــه ملو منه وهو يزيد بڪفره ويكول اخذها الروح ويڪفر ڪفر الله اڪبر.
بقيت ايام حال الضيم حالي لاليلي ولانهاري نهار. مرت عليــــٓــه ڪل معاناتنــٓــه والايام الصعبــــٓــه اللي عشناها بسبب غدره.
صرت طول النهار اني شايلــــٓــه هيمــــٓــو. وباليل ضامتــــٓــه لصدري ومنيمته يمي وڪل شوي افز ادورله.
ومُــخلــد انجن وهو يشوف حالي يحير شلون يواسيني شلون يشيل همومي عنــــٓــي ويطمنــــٓــي.
ضمــــٓــني لگــــٓــلبي اني وهيمـو سولفلي عن ايام بحياته اول مــــٓــره اسمعها.
ساعات واني استــــٓــمع وهو مسترسل. وڪل شوي يقاطعــــٓــه هيمــــٓــو. وختمها يگول وهاي اني يمـــــج.
خلي ثقتج بالله ونسلمهم بيد المنتقم الجبار.
وياله گومي بدلي ملابســــٓــج نطلع نغيــــٓــر جو.
طلعنا ومو مقررين وين وبالطريق گال شنو رايج للجادريه. ؏ ضفاف دجلــــٓــه.
رحنا والطريق ڪلــــٓــه ڪلامه وياي يسحب همومي ويستبدلها راحــــٓــه واطمئنان.
و فعلا غيرت جو وي هيـمـــٓــو من شاف الماي تبلل. وخلانا نرجع نشتري اله ملابس وغيرتلــــٓــه.
وڪملناها نفتر بشوراع بغداد وبعدها الڪورنييش.
والايام البعدها توڪلت ؏ ربي وتفائلت خير وبعدت ڪل الافڪار السيئــــٓــه عني.
وڪملت رضاب امتحاناتها وينتظرها ؏ احــــٓــر من الجمــــٓــر نسخــــٓــة اخوانه بالعشق.
وهي حبها اله حب عظيم يستحقــــٓــه واثنينهم واحد يڪمل الثاني ڪلش متلائمين.
وهي تحسب الف حساب لڪل حرف منــــٓــه وڪل تصرف منها مثل مايحب گــــٓــلبــه ويتمـنـــٓــى.
ومن بعد ما عقــــٓــد عليها وڪثرت جياته لبغداد لاحظت هو فعلا نسخــــٓــة توٵم روحي. بس عاش حياته بدلال وماشاف الغــــٓــدر. الله لايراويه ان شالله.
مُــخلــد يعاملــــٓــه ڪــ ابن اله وهو ما يخطي خطوه بدون رٵيــــٓــه. يگول اله الفضل عليه بعد توفيق رب العــــٓــزه. بكل اللي وصلت اله.
ورضاب من يوم خطوبه الماســــٓــه هي اجتماعيــــٓــه وبسرعه اندمجت ويانا واتعرفت علينا وصارت تسٵل عني.
وبعدها صارت تجي وي امها لبيتنا لان حاسين شنو حالنا بعد زواج الماســــٓــه وسفرها.
ومن انخطبت لــ مُـــخلــد قوت علاقتنا اڪثر ومن تزوجت و دخلت بينهم عرفتها اڪثر واڪثر دُره ثمنيــــٓــه.
وهي من دخلت الجامعه ڪلش قريبه مني وتسولف الي عن يومها. بيني وبينها ثلاث سنوات. قريبــــٓــه لگــــٓــلبي واحبها ڪلش منو امها ومنو ابوها.
يحز بخاطري ڪلش فراگها وشايلــــٓــه هم يوم زوجها من هســــٓــه.
احســــٓــه راح يڪون نفس اليوم اللي طلعت بــــٓــيّ وسن من بيت جدو.
بس من اشوف فــــٓــرحتها بالانسان اللي حبها وحبتــــٓــه افرح وادعيلها بالسعاده.
تگول ورود والبنات هناك وعمتــــٓــي امووت عليها وسن مو بعيده عليه وعلاقــــٓــة بيت عمو ابو مختار بشيخ جابر ڪلش قويه.
ورضاب و وسن صديقات ڪلش.
مُـــخلــد اخذني لبيت جدهم تلگتني مبتسمه گالت الله جابج تعالي شوفي وصارت تاخذ رٵيي بفساتين الحنــــٓــه و بدلــــٓــة العرس.
وگالت عاجبتها هاي البدله لان قريبه شوي من بدلــــٓــة هيا وما عجبني غيرها.
رواتني البدلــــٓــه مو ڪلش حلوه شوي قريبه من بدلــــٓــة هيا. والڪيبور مختلف ڪلش.
اتذڪرتها بيوم عرس هيا ولُــجين هي گالت طحت بغرام بدلــــٓــة هيا. والماســــٓــه ضحڪت ؏ ڪلمــــٓــة طحت.
بين مااحنا نقلب ونختار راسلت هيا وڰلت رضاب عاجبتها بدلتج.
ردت هلا وغلا. گدامها.
احد يجي ياخذها؟
لو احنا نجيبها الڪم؟
شلون تطلع عليها وهي اضخم مني اڪيد تجننن.
تٵمرين ٵمر انت وياها.
سٵلت رضاب ليش ما تگول لــ هيا ؏ بدلتها.
وانت عادي تلبسين بدلتها؟؟
گالت لا عيب وزحمــــٓــه وهاي عجبتني قريبــــٓــه منها. وبدلتها تجننن بس زحمــــٓــه.
سولفنــــٓــه شوي ورجعت لبيتنا والعــــٓــصر اجوني ٵنس وهيا وٵمي. وجايبه البدلــــٓــه ومرتبــــٓــه الها مسكــــٓــه ورد الياسمين الابيض والوردي وڪانها طبيعــــٓــي.
من راحو اهلي اتصلت عليها تجيني. ومن راويتها. شگد حلوه شهگتها.
فرحت ڪلش بيها وتشڪرتني خجلانه وڪل شوي تگول شلون؟؟؟
بينت الها جدا عادي. وياله ؏ غرفتنا لبسيها ونزلي خليني اول وحده اشوف العروس.
ومثل ماتوقعت تجنن عليها بسم الله ماشالله. وترجع تشڪر مني بفرحــــٓــه.
قبل موعد العرس بـــ ايام الڪل يتحضرون. يعنــــٓــي الراح يبقى بس اهلها والحجيه وابو غياث.
ومُــخلــد شايل هم يگول يحز بنفسي بهيج فــــٓــرحه انت وحبيب ابوه ماتحضرون.
اخوالهم وزوجاتهم وولدهم الڪل متحضرين.
الماســــٓــه ويبعدهم مختار الها فستان زيتوني وهي تگول بڪل مناسبــــٓــه هاللون وتريد غير لون. وهو يگول هاي اخر مــــٓــره عود بالمناسبات الجايه غيري.
ريان وعيالها واهل ورود واهل احمد بڪامل عددهم ومعالي وزوجها.
وحتى اماني صديقــــٓــه طفولتي اللي تزوجت من اقارب ابوها وحاليا عدها ولد. همات متحضره تحضر وياهم.
وحاتم وزوجتــــٓــه وعياله.
الڪل ؏ اتم استعداد ويسولفون بالتحضيرات للعرس اللي يردوه لاقبلــــٓــه ولا بعده. هذا بــــٓــزر الگعده المدلل.
الحنــــٓــه صارت مثل حنــــٓــة لُــجين حضروا اهل البــــٓــصره بڪامل عددهم ماعدا الجد وام طيبــــٓــه باقيه وياه.
وبيت شيخ جابر واخوال احمد.
اهلــــٓــي امي وجناينها ثلاثتهن وزوجات اخوالي والجناين ورقاء وانوســــٓــه.
والحفلــــٓــه صارت تجننن حرفيا. و رعد موجود بالحفلــــٓــه من بدايتها وختمها ؏ ايده.
والتعلوله بالليل لوقت متٵخر يسولفون عن التحضيرات. والفرقه عيال الشاهين اللي راح تڪون بــ استقبالهم من يدخلون البصره.
رجعنا لبيتنا ومُـــخلــد حسيــــٓــته هموم الدنيا ؏ راســــٓــه وحييل مقهور لان ما راح نحضــــٓــر.
ومن الفــــٓــجر الڪل گاعدين لان الزفــــٓــه تطلع ساعه تسعــــٓــه.
سٵلني خبرتي ٵنس يجي ياخذج بــــٓــعد ما نطلع؟؟
رديت اي خبرته عنده دوام، إلياس يجي ياخذني.
يفتر بالغرفه ويگول شلون. هو ٵني بلا شي صبحت عبالك مخنوگه وهو راح يبــﭼـــيني. وبالاحرى اڪو عبره بصدري خانگتني.
بدلت لــ هيمــــٓــو وحضرت جــــٓـنـطة ملابسه وبدلت ونزلت قبلــــٓــه گعدت بالصاله.
اول مــــٓــرة يصيبني احساس ماادري شلون اوصفــــٓــه.
ماادري حزينــــٓــه لان ما راح اڪون وياهم.واشارڪهم الفــــٓــرحه.
ماادري بسبب رسائل اللي يتسمــــٓــه عمنا واني اريد حــجــــٓــه لحتى ابـــﭼـــي.
اوووف شوڪت نخلص من غدرهم.
واتذڪر اني شنو وعدت نفسي مو وعدت انســــٓــى ڪلشي وماافڪر.
استغفرت ربي وتفائلت خير وجودهم يڪفيني ويعيشني بسعاده ابديه.
نزل ابونا بقاطه الاسود طالع عريس ربي يحفظه ويحميــــٓــه.
وتلگاه ابنــــٓــه بفــــٓــرحه تسلق الدرج قبل لاابوه يڪمل نزوله.
شاله وهو احتضن ابوه وايديه معلگــــٓــه برگبتــــٓــه. يبوســــٓــه يگوله بابا. ومُـــخلــد محتضنــــٓــه يستنق عطــــٓــره ويگول الله. يروح ابوك.
ابتسمت بوجهه شطالع مُـــتيـمي؟!!!
رد مو بجمالڪم. اخذني لحضنــــٓــه وضمني اله بقوه ويگول اتگطــــٓــع قهر. ماتتوقعين شگد متمنــــٓــي وجودڪم بهذا اليوم.
شگد فرحان اله. لان اشوفه ابني مو اخوي بس احس فرحتــــٓــي ناقصــــٓــه. عيلتي وڪل حياتي انتو الاثنين.
حسبي الله ونعم الوڪيل عليهم.
اخذ ايدي وطلعنا لبيت جدهم السيارات ساده الفرع والبيت مليان.
اخذت هيمو من ابوه وبجا يريد يبقى يمه معلق ايديه برگبتــــٓــه. وابو گال بقيــــٓــه يمي.
ومن دخلت حسيت الاغلبيــــٓــه مثل حال مُـــخلــد ونظرتهم الي وڪلامهم راح تخليني ابـــﭼــي خاصــــٓــه خالتي والماســـٓــه وٵم مؤيد.
ابتسمت وتوجهت ليم العروســــٓــه اللي اول ما دخلت الصاله اشرتلــــٓــي اروح يمها بسم الله ماشالله آيه من الجمال.
والفــــٓــرحه اللي اشوفها عليها وبعيون الڪل لما دخلو مااجملهم. همست لــ اسيل اريد هذا التصوير.
دخلتهم مااجملها. شوڪه بعين ڪل حاقد راد يفرقڪم گالتها هديل وهي فرحانه.
وهو دخل بوسط ابوه وعمــــٓــه واخوانه الڪل بالزي العربي الا عريسنا ومُــــتيمي.
واللي فهمتــــٓــه العريس هناك يغير ويلبس الزي العربي.
وجدهم ابو غياث وابوها واعمامها
وسلموها ابوها وجدها لــ ٵيد عمو ابو مختار اللي ڪلش غالي عدهم.
وابو غياث ڪلامــــٓــه وياه يدل ؏ غلاته عنده. وهو يمدحه ويحسسه هو واحد من ولده.
شگد غاليه عند جدها بوسها وضمها لحضنه قبل لايسلمها الهم.
واتسلمت بيد اللي يستاهلها وتستاهلــــٓــه.
طلعوا وسط هلاهل وهوسات ماگدرت اطلع وصيت الماســــٓــه تجيبلي هيمو من ابوه.
بقيت بالصاله وهي رجعتلي گالت يريدج يگولي ناخذ صور وياهم.
طلعت ڪانوا واگفين بالحديقــــٓــه اخذنا صور بالكاميرا وتلفونه.
ومن ردت اخذه من ابوه تعلگ برگبته وبــﭼــا يگوله وياك بابا.
وهو يحاول يقنعــــٓــه بهدوء واسلوب مايريده يبجي. هــــٓــسه يجي خالو ياخذڪم لبيت جدو. بيبي تسٵل عنك ويعددله الاطفال ابيت اهلي.
اخذته وصرت اقنعــــٓــه بس من مشا ابو صرخ وراه واني بــ استعجال دخلت للصاله وهو سحب الشال وڪفشني يتفلت من ايدي يريد يتبــــٓــع ابوه.
دقايق واني احاول بڪل طريقه اريد يسڪت وهو شــــٓــد مالــــٓــه سڪته ينادي بابا تعال.
ام رماح والحجيــــٓــه وياي طلعنــــٓــه للحديقــــٓــه واني ااشرله شوف عصفور يرفع راسه ويرجع يبجي اخذته مني ام رماح ما سڪت عدها.
شلتــــٓــه ضميته لصدري. ابوســــٓــه واحاول اقنعــــٓــه اخذته ورجعت للصاله نزلت دموعي واني اشوفه تعب و يشاهگ.
صوت مُــخلــد لو يتهيٵلي؟؟
مسحت دموعي من سمعت صوته شرجعــــٓــه؟؟!!!!!
روحي انتو. گالها وضمنا اثنينا لگلبــــٓــه وڪٵنها مفارگنــــٓــه دهر مو دقايق.
وهيمو. يتزعل وهو اخذ من ايدي يبوسه ويسولف وياه.
وهو ڪفوف ايده ؏ وجهه ومندار ما يباوع لابوه اللي يضحك بس حسراته وهو يتحسب ؏ اللي ڪان السبب تدل ؏ البراڪين اللي بداخلــــٓــه.
سٵلتــــٓــه ليش رجعت؟!
ابتسم بوجهــــٓــي وگال ياله خليني اوصلڪم لاهلج ؏ الاقل يلتهــــٓــي وي اطفال اخواله وما يبجي.
مسك ــ إلياس جاينا يجوز قرب يوصل.
مُـــخلـد ــ اتصلت عَــلــــٓــيّ گلت اني اجيبهم.
طلعنا وهو شايلــــٓــه ويقنعــــٓــه بااسلوب يسولف اله عن غلاته بگــــٓــلبه. وشلونك ڪلمات يسمعــــٓــه. عبالك يسولف وي شخص بالغ.
ومن صعدنا نطاه الي وبقى واگف گبالنا يگول مااصعد اله يرضيني.
وهو شلونه ابد مو عناد همست بــ اذنه بوس بابا.
يگول ماااااا.
اخذنا دقايق لما قنعناه يبوســــٓــه. صعد وطلعنا متوجهين لبيت اهلي.
مرات احس تصرفاته اڪبر من عمره وذڪائه يفوق الوصف. ومرات اگول احنا نبالغ من غلاته عدنا هيج نشوفه.
اللي گعد بحضني ومندار للجامه مايباوع بــ اتجاه ابوه. وابوه يحجي وياه وهو ما عاجبه.
ويندار شوي يباوع لابوه ويرجع يباوع للجامه.
صف السياره يم سوبر مارڪت واخذه اشترى اله واڪيد حاسب حساب ڪل اطفال اخواله.
وطلعنا قريب ما نوصل بيت اهلي. گال لاردتي حالي شگد فرحان بس اڪو غصــــٓــه بگــــٓــلبي عليڪم انتو.
اول مــــٓــره احس بقساوه اليمين اللي منعج تدخلين البصره.
يمڪن اني نفس شعوره. بس ابتسمت وبينت اله ڪلش عادي بدون ماادخلها اني فرحانه الڪم.
وصلنا اهلي ونزل ويانا سلم وما طلع الا هيمو گال اله احبك بابا وبالسلامه.
وصيته ؏ نفســــٓــه ولايسوق سرعه. طلع وهو يلتفت النه.
ٵمي ڪلش حست بِيّ ، گالت الله يعينــــٓــه.
گعدنا سولفنا اني وياها.سٵلتها شنو هالهدوء.
گالت لُــجين اخذها اوس لاهلها. وهيا ومرام قبل ساعه راحن لاهلي عمتي عنيده جايه. وعازمينا ؏ الغدا.
هيمو نام بحضني. گالت اخذي لغرفتنا وتعالي يمي.
نيمته ؏ التخت وتمددت بصفــــٓــه اتصل ابوه. رديت ڪان يسٵل عنه.
طمنته وسالت لحگت بيهم اڪيد وسبقتهم.
گال لحگت اي بس سبقتهم لا والرب. شنو حالي بدونڪم.
اصلا مو اني اسوق من لحگتهم بيهم اتصلت بــ جود نزلته من سيارتهم وهو يسوق.
ومايقبل ينهي الاتصال يگول اوصل البصــــٓــره ياله. واني ؏ واهس هيمو صرت اغفي. ياله قبل انهي الاتصال.
ما صحيت الا صوته يڪفش بيــــٓــه.
وٵمي اجت گالت ياله إلياس منتظرنا ياخذنا لخوالج رحنا الهم. والماســــٓــه تصور وتحولي تگول اجمل عرس صار بس عرسڪم احلى منه.
ومُــخلــد ڪل شوي يتصل. ويسٵل. بس ماتوقعت ثاني يوم مباشراً يرجع وما گال الا اتصل واني گاعده وي مرام وهيا نسوي مقبلات وامي تحضر الغدا.
سٵلني وين حبيب ٵبوه مشتاگين الي لولا؟؟
رديت اڪيد مشتاگين مووووت.
شوڪت تجون؟؟
گال انطيني ابو الهمــــٓــه، فدواته من نطيته التليفون وگلت هذا بابا. اخذه مني بفرحــــٓــه يگول بابا تعال ويسولفله دا يلعب وي اولاد اخواله.
ومُـــخلــد گال لعد افتحولي الباب وصلت .
سرعت قبلــــٓــه فتحت الباب متلهفــــٓــه ولاڪٵن البارحــــٓــه راح.
واني شسويت يمڪن اجرمت.
وهيمو من شافه وشلون اني سبقته تليفوني بيده ضربــــٓــه بالحايط بقوه وزعل.
ومن ابوه اجاه شاله ويرضيــــٓــه تعلگ برگبته.
وتليفوني صار ضحيــــٓــة زعلــــٓــه.
سلم ؏ اهلــــٓــي واشرلي ياله. بس إلياس ماقبل نطلع ولــــٓــح علــــٓــيّ الا نتغــــٓــده.
ومن رجعنا لبيتنا ڪل ڪلمــــٓــه وتصرف منه عبالك مفارگنا سنين وشگد حاز بنفســــٓــه ماحضرنا وياهم العرس.
وبعد ايام طلعت نتيجــــٓــة الامتحان والحمدلله ناجحــــٓــه وتسلسلي الثالثــــٓــه من مجموع عشرين.
ودڪتورنا العراف يگول هااا شلونها توقعاتي ڪلها بالهدف.
والماســــٓــه اقترحت يوم نروح لاهلي تگول نسويلج احتفاليه بمناسبه نجاحج بــ الامتحان. وسهره ونعزم خالتي خلود. ونختار يوم ڪون هيام نازله من اربيل.
واني ايدت الفڪره وردت هاليوم يڪون بخفارة مُـــتيمي. وهنا رمقتني بنضرتها المعتاده.
وهي تگول لاعيني لا. لا گــــٓــلبي لا. يعني انت بڪل الاحوال تروحين لاهلي لان ابوڪم خفاره. واني اروح لاهلي واحتفل الج واترك يبعدهم؟
توٵم اوس لعبت لعب وام اجود تگولها هم احد يلومه لان مايقبل تفارڪيــــٓــه حقه والله حقه من يگول الماستــــٓــي واوڪسجيــــٓــي.
عدلت اڪتافها مفتــــٓــخره وبعدها رتبنا روحتنا وي خفارة مُـــتيمي.
لما رحنا لاهلي فعلا صارت لمــــٓــة حلوه بوجود خاله خلود مفتقدين حبايبنا ڪرستين وآن وريتا ومريومه بنتها.
اتصلنا ڪام ڪرستين بجت وهي توصف حنينها للعراق والنا تگول ابيع سنين من عمري واشتري ايام من لمتنــــٓــه. بس خالة خلود غيرت الها جو وهي تگول ولاتهمين شوفيلي واحد صاك ومصكصك لامي واخليها تخلع اخو الرفيقه المناضله نزيهــــٓــه .
واسفرها وبعدين نسوي لم شمل واجيڪم اني وفرقة ابو عوف. ضحڪت تگولها ياريت. بس لو امج تدري ڪم مــــٓــره خلعتيها وڪم واحد زوجتيها.
وخاله خلود تگول من باب بر الوالدين. وهذا ابسط حقوقها عليه. وڪملتها تحشش علينا.
و آن تراوينا بنتها ميلا سبحان الخالقها عمرها ايام تمنيتها قريبه واضمها بگــــٓــلبي تگول خالتي انصاف تگول عنها تشبه امج ڪرستين.
فدواتها ٵمج غير تجنن المعالجه النفسيه و قدوتنا.
وڪملنا تعلولتنا واڪيد مو حاسين بالوقت شلون يمــــٓــر.
وثاني يوم گاعدين اني والبنات وهيمو جابلــــٓــي كتاب قراءه قديم مالت حمودي ابن الياس وگعد گبالي يريدني اقرا وهو يستمــــٓــع.
صار ايام من علمتــــٓــه جبت اله مصورات بيها صور حيونات وفاڪهه والوان. اراوي الصور وانطقهن وهو يعيد .
وارجع اراوي الصوره وهو يگول هي صورة شنو. من توصل يم القطط هنا افقــــٓــد اخذ لحظات صمت وانطي الڪارت واهمسلــــٓــه روح گول لــ بابا اريد قطه.
وابوه يگوله خلي تگطع نفسها ولا بــ احلامها.
ومن نوصل الاســــٓــد يضحك ٵســــٓــدي لان خاله إلياس يسمي الاســــٓــد. ورقم مُـــتيمي محفوظ عنده بــ اسم ابو الاســــٓــد قبل زواجنا.
والحمامات عشقنا اني وياه من نوصل الكارت اللي بي الحمامات يسوي حفلــــٓــه. هنا لازم نترك ڪلشي ونصعد الهن. والماســــٓــه تگول بيت المطيرﭼـيه.
هيمو فتح الڪتاب ويقلب بالصور وراح لصورة الدب بموضوع دب منير من ورق. يضحك ويگول دُب.
وٵمي شجعتني ڪلش. وگالت طبعا ملاحظتڪم اثنيڪم انت وابوه قبل لايصير عمره سنــــٓــه وانتو تسولفون وياه وتخلوه ينتبه اڪثر ويرڪز.
اخذته بوسته تگوله روح بيبيتــــٓــه هو. علميــــٓــه من هذا العمر تقصين اله قصــــٓــه قبل لاينام.
تجربتي وياڪم وي اطفال انوســــٓــه وإلياس سرد القصص بعمر مبكر أفضل .
وهالشي علمتنياه ڪرستين وهي ڪانت مسويه دراســــٓــه حلوه بهذا الموضوع واني ساعدتها بهذا الشي.
وطبقت هالشي حرفيااا وي آن ونجوان وشفتوهم شگــــٓــد اذڪياء.
ومن منظور علمي ڪلام الام والاب وي الطفل الرضيع يحفزه ؏ السمع والفهم وبعدها القدرة على الكلام،
وبعد السنه ينمو ويتطور الفهم عنده والقصص تنمي خياله اڪثر ، وتساعده بتنشيط وتطوير عمليات التفكير.
وڪل ما ترڪزين وياه اڪثر وانت تلفضين الكلمات يتڪون عنده قاموس لُغوي قوي،
لان عقل الطفل يبدأ بتسجيل الكلمات المسموعة وتخزينها فينطقها ابداية محاولاته للكلام.
وفعلا هالشي يتكلم الطفل اللي يتلقى حوارات كاملة من ٵمــــٓــه وابوه وإخوانه بعمر اصغر من الطفل اللي ما يتلقى ڪلمات من اهلــــٓــه.
والطفل اللي يسمع قصص يميل للقراءة ويسٵل هواي.
واڪثر واحد بيڪم ڪان يسٵلنــــٓــي هو ٵنس. اسٵلتــــٓــه ماتخلص. وڪلها تدل ؏ ذڪاء. وهو اڪثر واحد بيڪم ڪان يقرا ڪتب غير اختصاصــــٓــه.
هيا تضحك تگولها اي عمــــٓــه وبعد فدوه سولفيلي بعد.
استمع لامي اللي رجعت تسولف النا عن طفولتنا وڪلنا صافنين عليها.
لُـــجين الها نــــٓــصيب ڪبير من الڪلام طفولتها عاشتها ويانا.
وڪانت تبتسم لما امي گالت اجا ابوها ياخذها وانوسه ضامتها بالڪنتور.
وهي گالت ٵمي الله يرحمها ڪانت تقصلــــٓــي قصص من غير قصــــٓــة حياتها.
وهيا نفس الحال گالت قصصڪم الڪل وقصص غيرها. ڪلها اهلي قصوها عليــــٓــه ولڪل قصــــٓــه اسم.
والقصــــٓــه اللي ڪانت راسخــــٓــه بذاڪرتي ماادري هي انعادت عليه واني طلبت من ابوي يعيدها. هي قصــــٓــة اخ لم تــــٓــلدهُ ٵمي. صداقــــٓــة بابا وعمو محمد.
وڪل تواريخ ميلادڪم اني حافظتها ومواليد اعمامي واولادهم.
الماســــٓــه شبعتنا ضحك من گالت اني مدمنــــٓــة قصص انيم اطفالي ؏ قصــــٓــه.
ويبعدهم ينيمــــٓــني ؏ قصــــٓــه.
ضحڪت وهي تگول قبل لاتسٵلون القصص دينــــٓــه.
قابل احنا ذولاك الناس قصصهــــٓــم ڪلها. خليني ساڪتــــٓــه.
رجعنا لسنين طويلــــٓــه وذڪريات حلوه واباوع اله فدوه لعمره اخذ الڪتاب مني و نطاه لامي ورجع گعد بحضنها. طبعا يناديها ماما وهي ترد روح امك.
وڪملتها ٵمي تسولف النا الڪل عن اهميــــٓــة القصص.
وحبيبات گــــٓــلبي انتن تعرفن ليش أفضل وقت لقص القصة قبل النوم؟؟؟
لأن الذاكرة تُبنى على آخر تجربة، وقصوا الهم قصص سعيده حتى ينامون حبايبي وهم يحلمــــٓــون بمستقبل مُشرق، ويستيقظيون فديت روحــــٓــي الهم. نشيطًين و متفائلين .
النوم يبني خيال الطفل ويريح ذاكرته ويساعده على توسيع مداركه ويرسخ المعلومات وهذا اهم سبب لكون افضل وقت نقص الهم القصــــٓــه قبل النوم.
بالايام اللي بعدها طبقت ڪل حرف تگوله امي وشگد اني مهته لاسدي مُــخلــد اڪثر مني.
شگد مميز عدنا يوم الخميس واهتمامنا بهذا اليوم واله خصوصيه.
الجمعه مميزه اڪثر لان هاليوم صار خاص بلمتنا بالمزرعه والحلو مُـــتيمي مثلي يحسب الايام لهذا اليوم.
اللمــــٓــه مااحلاها واذاڪانت بوجود خالتي عنيده معناه تطبخ ؏ الحطب اكلــــٓــه معينه والجاي ؏ الجمــــٓــر.
من غير الخير اللي جايبي من البيوت. الاجواء تجنن والهوا النقي الاڪل يفتح النفس واحس اله طعم ثاني.
واذا بوجود خالو ابو هيا تحلــــٓــى لمتنا اڪثر.
وبعده مُـــتيمي يگولي حبج للمهــــٓــره فاق الوصف فعلا حبي الها وتعلقي بيها عجيب احسها تفهمني اعشق لونها الابيض وعيونها المڪحلــــٓــه.
من ادخل المزرعه احتضن رگبتها وابوسها بلهفــــٓــه. احسها تفهمني وربي حرڪاتها تاخذ العقل لما تميل راسها.صار عندي البومات صور وياها. واسدي ويانا.
بالبدايه ڪنت انرعب وڪلش اخاف لما يصعد هيمو وي ابوه ؏ الفرس رغم يمشيها ؏ ڪيف وهو ڪان يحتضن ابوه خايف.
بس بمرور الايام صرنا من ندخل المزرعه هو يسحب ابوه ويخبصنا يريد ؏ الخيول ويدخل بينهن بدون خوف يخليني الطم واني اشوفه يتدحرج بينهم.
يگولي عوفيه لاتخافين عليــــٓــه ومن ياخذه ابوه ويصعد ؏ الفرس هو يضحك.
اما موده تذڪرني بطفولتي وحبي للفروسيه ومنو مدربها خالها إلياس واسلوبه شلون يعلمها وهي تگول والنبي تعلمت خالو وتعيديهن عَــلــــٓــيّ وتريد تصعد المهــــٓــره الصغيره بوحدها.
وحماده توٵمها يخاف عليها يگولها لا مو هسه من تڪبرين بگد نور اخاف عليج توگعين.
واليوم تتزعل ؏ عمها مُــخلد و تذڪره شنو وعدتني؟؟
هو همات علمها ويحب تعلقها وحبها للخيول.
البارحــــٓــه خبصتــــٓــه تگول مااروح للمزرعه اذا ماتوعدني. وهو گالها يصير خير.
خلاها تعتلي المُــهره الصغيره شوي وهو وياها وياها ومن نزلت فرحانه وتسوي حرڪات الفارسه.
واخوها يصفق الها ويشجعها تلگاها يضرب ڪفه بڪفها بحرڪه تجننن.
ابوها يگول فدوات لبنيتي طالعه لابوج . و مُـــتيمي يگوله اي ڪلش طالعه لابوها.
الله ينطي لخالها وهي طالعه لعمها.
من گلتها الك سابقا احتجيت وگلت لعد ابوها شنو حارس الاسطبل مالت مزرعته الخيول مالت عمها وخالها؟؟
مهند يگول هــــٓــسه وبــــٓــعد اني احتج. من ابوها ڪان فارس وخيال عمها وخالها ڪانو يقرون بوق نديم قديم وقرد مازن يدور ومحاسن تربط الحصان بالحبل.
ومنو يگدرلــــٓــه باقي شوي ويطلع نفســــٓــه ماخذ ميداليه ذهبيه بالفروسيه.
نور حبيبتي فارســــٓــه بمعنــــٓــى الڪلمه.وتريد تسابقني تگول بس مااسبقج عيب ٵنت ٵختي الڪبيره. وتتعلم من هيا.
هيا اللي هي محترفــــٓــه بالفروسيــــٓــه استاذها ابوها وهو اللي علمها بعمر صغير.
مستحيل وحده منا تسبقها. تعلمنا الخريطة الكاملة لـ لغة جسد الخيول و معاني حركاتها الأذن والذيل والوجه والأرجل.
ڪلش حبيت اتعمق بتفاصيل الخيول واتعلم اڪثر.
وتعلمت منهل شلون نوگف الخيل ؏ القائمتين الخلفيتين.
تاخذ العقل حرڪاتها لما تخلي الفرس توڰف ؏ القائمتين الخلفيتين. وهي متزنه.
ايام وايام وايام ياله تعلمت بدون ما اگول لــ توٵم روحي.
حبيت ٵتقنها بالحرف وادرب مُـــهرتي عليها وافاجئــــٓــه.
اللي دايم يشبهني بالخيل. ويگول عندج عزّه مثل عِـــزة الخيول. عجــــٓــز الإنسان أن يفهم مــــٓــدى عزتها ، هي تحزن وما تبوح، وتتألم وما تنكسر.
وڪانت ٵجمل مفاجئــــٓــه يگول خليتني اتلعثم واني احاول اجمــــٓــع الحروف لحتى اوصف جمال اللي تشوفه عيوني .
ابهرتيني لدرجــــٓــة اعجــــٓــز عن وصف فرحتــــٓــي واني اشوف اجمل منظر.
الخـيل هيبه في ملامحها جمال. والعنفوان اجمل من جموح الخيول. أحب انا المهـره الى حد المحال.
واجمل خيول الارض لاصارت جفول.
الساعات بالمزرعه تمر مثل لــــٓــمح البصر ما نحس الا وصارت الدنيا غروب.
ومرت ايامنا حلــــٓــوه وبعد المقابلــــٓــه والتوزيع ؏ السناتر الخاصه بدارســــٓــة امراض الدم السريري وتم قبولي بسنتر ڪليــــٓــة الطب جامعــــٓــة النهرين.
الاب الروحي اتصل يبارك و يگول الحسن بــ استقبالج يگول راح اطش الها الدرب ورد وريحان.
رديت مايقصــــٓــر فدواته ومن داومت بــ اول يوم وصلنــــٓــي توٵم روحــــٓــي وبالطريق يگولي اليوم طالبــــٓــه شنو شعورج؟؟
رديت ماادري بــــٓــعد. ما اداوم ڪم يوم واوصف الك شعوري.
ومن وصلنا صار گبالنا الحسن مبتسم ســــٓــلم ويگولي نورتي.
و مُــخلــد سٵله انت مو تنادي حسام عمو وهو ابن عمك ؟؟
فــــٓــهم اڪيد و رد اي من صغير تعلمتها وبعد اتعودت.
ابتسم مُــخلــد وگال مسك هم ناديها عمــــٓــه.
والحسن ماخذ من ابوه واوس. گال يعني اناديها عمتووو.
هــــٓــسه لو مخلفين بنيه واحجزها والله اناديها عمتو وانت عمو واثبت حقوقي يمڪم.
بماان ماعدڪم بنيه هنا تعذروني و ماترهم واني ذعت الخبر بقناة الجزيره ودفعتي ڪلها تدري اليوم بنت عمتي وبزر گعدتها طالبــــٓــة بورد تداوم يمنا.
واليوم مسوين اضراب ماندخل محاضرات نريد نسويلها استقبال.
وگلت الهم ذڪيه وڪاسبه سنتين جماعتها السنه يتخرجون. بينما هي اتخرجت وڪملت روتيشن وامتحنت بوست روتيشن وتسلسلها الثالثه من مجموع عشرين.
واي واحد عنده سؤال او ما فاهم ماده نسٵلها. ماتقصر.
وتعال وشوف قوائم حضرت الها سين جيم.
و مُــخلــد ضحك يگول انفيڪم اذا صدگ.
داومت لله الحمد والمنه وبمرور الايام وصفتلــــٓــه شعوري واني طالبــــٓــه گلت شعور ڪلش حلو ودراستي حابتها ڪلش رغم صعوبتها.
وبعد اربع شهور من دراستــــٓــي دخلنا بسنــــٓــه 2017.
واجمل ماافتتحنا بيــــٓــه هاي السنــــٓــه
ترقيــــٓــة ابو الهمام اللي ترقى وصار اجمــــٓــل مقدم بالڪون.
ويوم ترقيته ڪان قبل خمس ايام من ميلاد همام .
بحضور اهلــــٓــه من البصــــٓــره واهلنا وناسنه والمحبين صارت الوليمــــٓــه واللمــــٓــه لترقيــــٓــة مُــخلــد وحفلــــٓــة ميلاد حبيبي بنفس اليوم اللي صار عمره ثلاث سنوات.
ابوه فــــٓــصل اله بدلــــٓــة زي الداخليه نفس بدلتــــٓــه بالضبط ومطررز عليها رتبــــٓــة مُــقدم. النسر الجمهوري أسفله نجمة خماسية باللون الابيض ولبســــٓــه عليهن النجمــــٓــه والنسر الذهب الابيض النجمــــٓــه هديــــٓــة احمد من تخرج من معهد الضباط. والنسر هديــــٓــة حاتم واحمد لما ترقى لرتبــــٓــة رائد.
فرحتــــٓــه بهمام اڪثر من فرحتــــٓــه بترقيتــــٓــه.شايلــــٓــه ويبوســــٓــه وسعادته تشــــٓــع من عيونه.
وڪان هاليوم من الايام الجميلــــٓــه اللي تتخلــــٓــد بالذاكره.
والايام البعدها مو اقل من جماليتها رغم ماتخلــــٓــى من غيــــٓــره و؏ اساس اتفقنه ووضعنا النقاط ؏ الحروف. بس ابو همام خرق ڪل الاتفاقات والقواعد وطير النقاط وصارت الحروف مو مفهومــــٓــه.
مرتبــــٓــه وقتي وعانيت ابدايــــٓــة دراستي بس بعدها الحمدلله ڪلشي ترتب.
شگد مهتمــــٓــه لــ همامي وناطيتــــٓــه من وقتي هو اڪثر مني مهتم اله ويعلمــــٓــه ڪلشي بـــ اسلوب حلو. وهو متعلق بي لدرجــــٓــه.
يلعب وياه ويتلاوه ويحسســــٓــه هو البطل وهو غلبــــٓــه.
وخاصــــٓــه قريب بدايــــٓــه السنــــٓــه الدراسيــــٓــه وناوين نسجلــــٓــه روضــــٓــه. علمتــــٓــه ڪلمات وحروف عربي وانگليزي.
وابوه يعلمــــٓــه فنون قتاليــــٓــه يخوفي ؏ اولاد الروضــــٓــه منــــٓــه.
وهو يگول لا اعلمــــٓــه حتى يتقوه واني معلمــــٓــه ما يصير يتعدى ويضرب احد.
وهو عشقــــٓــه اللعب وي ٵبوه. وخاصــــٓــه لما ابوه يفتح ڪفوفه وهو يخلي اقدامه عليهن وايدينه ؏ اجتاف ابوه ويرفعه وهو واگف بــ استقامه.
واني شنو حالي اخاف يوگع اتقرب منه وهو يترك اجتاف ابوه ويرفع ايده ليفوگ.
لو لعبــــٓــه ثانيه يوگف ؏ اجتاف ابوه.
تحولت الادوار والظاهر اني اللي راح تطير ابراج عــــٓــقلي بسبب لعباتهم.
وٵمي ڪلش مهتمــــٓــه اله اللي مرات يناديها ماما ومرات بيبي. وبدت تعده نفسيا للروضــــٓــه وصار اشهر اتعلمــــٓــه وتراوي مصورات.
وهو ينتظرها وڪل يوم يسٵلنا شوڪت اداوم بيها.
وذڪرت ٵمي مو گلتي اسويلــــٓــه اختبار الذڪاء؟؟
وٵمي گالت اي حاسبه حسابي لما يداوم بالروضــــٓــه بيوم احضر وياه والاختبار يڪون من المعلمــــٓــه وي اقرانه. هالشي افضل.
بس انت صايره عجوله ڪلش.
حضرت اوراق واقلام رصاص ونادت وين الاســــٓــد؟؟
ڪان يلعب وي اولاد اخواله محيبس.
التفت يگولها ها ماما. واني گلت ماما لحظه اريد اشوف لعبتهم مالت المحيبس.
لُجين وهيا شابعات ضحك اشرن ؏ ايهم شوفي.
امي طلبت منهم يڪملون لعبتهم واحنا گعدنا نشاهد.
ايهم ڪلــــٓــه ؏ بعضــــٓــه اوس يزاغل ومحــــٓــد يگدر عَــــٓــليّ ،
رغم عيسى ڪشفــــٓــه وهو يتحايل عليهم وغلبهم.
هيمو التفت لــ امي وگالها ڪملت.
گالت تعال نلعب اني وياك.
نهض بهمــــٓــه واجاها. دخلنا لغرفتها.
نطتــــٓــه ورقه وقلم وبيدها ورقه وقلم.
وگالت اله شنو رايك نرسم؟؟
باوع الها وسٵلها ماما شنو نرسم؟؟
گالت نرسم شي احنا نحبــــٓــه.
اباوعلــــٓــه بدا يرسم بس هو گبالي منتجي ؏ حافــــٓــة التخت ومااشوف شنو يرسم.
وٵمي رسمت طفل وڪتبت سبطــــٓــي الاســــٓــد.
وهو بــــٓــعده يرسم ڪُـــلي لــــٓــهفه اريد اشوف شنو رسم.
ياترا شنو الشي اللي هو يحبــــٓــه ودا يرسمــــٓــه. وملامحــــٓــه تتغير مــــٓــره يبتسم ومــــٓــره يصفن ويمسح من الرسمه ويرفعها يبعدها عنــــٓــه ويرجع يڪمل رسم.
همست لــ ٵمي شتتوقعين يرسم.
گالت اليوم اسلمج بيد دڪتورنا، شنو هالعجــــٓــله هاي؟!!
التفت الي ومد ايده وهو يگول اريد تليفونج مام.
فتحته ونطيته اله ردت اتقرب اشوف.
اشرلي بــ ايده يمنعني اقترب.
فدوه لايدك نفس حركــــٓــة ابوك.
سحبتها بستهه وعضيتها نفض ايده وگف لحيلــــٓــه يشڪيني لامي يگول ماما شفتي؟؟
تگول تحبك ماما.
صعد للتخت وابتعد منــــٓــي يقلب بالتليفون. شنو الفضول اللي عندي اليوم!!!
رفع راســــٓــه وگال ماما اثنينا ردينا هاا امي.
يگولي اقصد ماما المها. اريد الوان.
سٵلته اي لون.؟؟؟
يباوع لتليفوني وگالها ازرق ــ Blue.
نهضت ٵمي جابت اله من حمودي علبــــٓــة الوان. وهو اختار الــ Blue. اللي شگد حلو ينطقها.
ڪمــــٓــل وسلمها بيد ٵمي. اباوع للرسمــــٓــه مافهمت منها شي بس الهيئه تگول شخصين. او ثلاثه والباقي مافهمتــــٓــه.
ٵمي ابدت اعجابها بڪلمات حلوه وهو يبتسم.
گالت اشرحلي رسمتك.
هو رد انت اول اشرحيلي.
گالت لا اســــٓــدي اولا.
هو ابتسم وگالها وماميتي ثانيا.
اخذ الرسمــــٓــه وصار يشرح هذا بابا البطل وبدلــــٓــه لونها Blue. وهذا النسر والنجمه ع اجتافه . اباوع ماڪو نجمه ولا نسر استفهم من ٵمي. اللي نادت لُجين تگولها اتصلي بــ اوس اريده يستلمها.
لُجين ضحڪت اشرت للصاله وهو اجــــٓــه اسرع من البرق. يگولها اامريني ماما المها.
همست بــ اذنه شبع ضحك يگول من عيوني غاليه والطلب رخيص.
وحبيبي تعصب يگول شلون اڪمل لولا.؟؟
اوس ــ ڪمل بعد خالك ڪمل ويهمس يمي يگول امك تلابگ الله يعين ابوك ؏ مابلاه .
عصبيــــٓــة ابنج ذڪرتني من غلقتي تليفونج وابوه اجــــٓــه معصب وانت نفشتي عطوبج وخرشيتي وصارت تعادل واحد ڪُــل. راحت عصبيته من انخرش. ولايبطل سوالفــــٓــه.
ڪمل همامي وصــــٓــف الرسمــــٓــه وشلون حلو يوصف ابوه. والشخص الثاني گال وهذا خالو إلياس.
وهنا اوس لابگ ـ باوع للرسمــــٓــه وگال لا هذا اني.
وهو رفع اصبعه بنفي ويگول لااااا هذا إلياس.
والثالث هذا جدو محمد ايده ؏ جتف بابا وخالو.
نهض وصعد للتخت جاب التليفون ونطاه الي افتحــــٓــه.
ابتسمت واني اشوف صورة ابوي بيوم ترقيــــٓــة مُــخلــد.
ابوي بالوسط ؏ يمينــــٓــه الحيد و؏ يساره مُــخلــد.
شلون اعبر عن فرحتي ماادري بس اردد الحمدوالشڪر لله ملئ السموات والارض.
ورسمتج ماما شنو رسمتي ياله سولفيلي گالها لامي .اللي اخذته لحضنها وهي توصف الرسمــــٓــه تگول هذا اســــٓــدي البطل وتوصفه وتوصف حبها اله.
بوسها واني عيوني مغرغره دموع تمنيت ابوه موجود ويشوف.
اوس ضربني ڪله براسي يگول گابليني خلي الطم لا اني ولا انت بالرسمــــٓــه.
گلت مااريد اني مڪتفيــــٓــه بالثلاثه اللي راسمهم.
واجــــٓــه ابوي وصوته يسولف وي احفاده.
طلعنا للصاله وامي تسولف اله عن الرسمــــٓــه وتراوي الصوره.
بوسها وبوس ڪفوفه واخذه لحضنــــٓــه يبوســــٓــه ويشمه يگوله روح جدك.
بعدني ما سائلــــٓــه ٵمي شنو تقيمــــٓــه رن توٵم روحي يگول اتحضروا وصلت.
هو فتح لابوه الباب ورجعلي يرڪض اخذ الرسمــــٓــه يراويها اله. يگوله انت وخالو وجدو .
وٵمي سولفت اله عن تقيمــــٓــه. يحمد الله ويشڪره بفــــٓــرحه.
وعاتبني ليش ماصورتي وهو يشرح الرسمــــٓــه.؟؟؟
وبعد ايام واني استعد لامتحان الفاينل من السنــــٓــه الاولى للبورد. وسجلناه حبيبي بروضــــٓــه اهليــــٓــه بعد ما سٵلنا وتعمقنا هواي.
وهو ڪان ڪلش فرحان من اول يوم وڪملنا الاجراءات والفحص الطبي.
و مُــخلــد نسخ هويات اللي يحق الهم ياخذوه بعد ما يڪمل دوامه.
اخواني ثلاثتهم وهو ومهند ومؤيد.
رغم انشغلت بالدراســــٓــه بالامتحان بس مخصصــــٓــه اله وقت ندرس ونلعب. بس مو مثل ابوه واهتمامه بِــيّ ،
واول يوم بالروضه ڪنا وياه اني وابوه.
وبعد شهر من دوامه بالروضــــٓــه وماشالله عليــــٓــه ڪلش حابها ومعلمتــــٓــه تمدحه وتگول حلوه تصرفاته.
ونهايــــٓــة اليوم يطلب نقص اله قصــــٓــه وهذا الشي صار اختصاص ابوه. اللي اني مثلــــٓــه احب استمع لقصصــــٓــه.
وصار ايام نسمع سلسلــــٓــة قصص بعنوان مُـحمد الامين ـ صلى الله عليه وآله وسلم.
امتحنت الفاينل ولله الحــــٓــمد والمنــــٓــه وبعد ايام من الانتظار ونتيجتي ناجحــــٓــه.
ـــــــــــــــ
المها ـــ
زرعوا فاكلنا, ونزرع فياكلون او (غرسوا واكلنا ونغرس وياكلون).
يمڪن اغلبنا يعرف قصــــٓــة هذا المثل ودايم اسمعــــٓــه من ابوي ربي ينطي صحــــٓــه وعافيه ويطول عمره ويديمــــٓــه خيمــــٓــه ؏ روسنا.
اللي ملى حدايقنا بالشجر المُــثمر. وبــــٓــعده. مثل ما ملى اروحنا حڪمــــٓــه وحنيــــٓــه وطيبــــٓــة گلب وتسامح و ايثار.
وهذا المثل ينطبق عليــــٓــه حرفياا من بدايــــٓــة زواجي واڪمالي مسيرتي الدراسيــــٓــه وتحقيقي لطموحي.
خالتي ام محمد من اهم اسباب نجاحي بحياتي.
اعتبرتني بنتها وعاملتني افضل معاملــــٓــه.
سندتني وشجعتني وڪانت ايدها بيدي بتربيــــٓــة اولادي.
واجاني الدور اخذ مڪانها واقتدي بمعاملتها الي. واڪون ٵم لڪل وحده من حبيبات گــــٓــلبي الثلاثه.
رغم وجود ازواجهن بقربهن وما مقصرين وياهن ربي يديمهم لبــــٓــعض.
اخذت ؏ عاتقــــٓــي رعايــــٓــة وتربيــــٓــة وتعليــــٓــم اولادهم.
واشوف الراحــــٓــه النفسيــــٓــه بهذا الشي.
وهن انشغلن بدراستهن واڪمالها وابد مو مقصرات من باقي النواحي. ويڪفيني اشوف اولادي مرتاحين وعايشين بسعاده.
مرام اليوم شوي تعبانه قبل يومين حللت وبشرتنا بحملها تگول حمودي من بدايــــٓــة حملي بِــيّ هيج حالي عڪس عيسى ماحسيت بِــيّ نهائي.
رادت تساعدني ـ رديتها ماعندي شي روحي ارتاحي.
حمودي بالمدرســــٓــه وعيسى بالروضه. اتصلت ع معلمتــــٓــه طمنتني عَــــٓــليّ،
ام عادل اخذت ايهم تنيمه، زئبق مو ايهم وابوه يڰول ما طالع عَــــٓـليــــٓــه طالع لعمــــٓــه ٵنس ماادري لام عطوب.وهو ڪلــــٓــه ؏ بعضــــٓــه ابوه.
ايهم نيمها لام عادل وگعد يم راسها يلعب بشيلتها يسحب خيوط من اطرافها وينتف بيها.
شهم نيمته خالتي بعد ما نبشت اوس ونزلت عَــــٓــليّ دوســــٓــه ونص تگول مشعوذ مثلــــٓــه بس الصراحــــٓــه اهون .
وارشد الصغير يفتر ؏ روسهم مو راضي ينام. ويتعلم منهم ويقلدهم.
راح يم ابن عمه يڪمل ؏ شيلــــٓــة جدته ام عادل نتفوها ويضحڪون وگعدت ؏ صوتهم.
تگول انعــــٓــل اجلاب اهلڪم اليوم رڪضوا بظهر جدتهم ام محمد يحتمون ؏ اساس ڪلش خايفين .
واگفــــٓــه اباب المطبخ واباوع الهم ولحرڪاتهم اشوف بيهم ابائهم فدوات لعيونهم.
و دخلو هيا و ٵنس والوجوه مبتسمه وتلڪوهم يرڪضون ايهم وابنهم.
سلمــــٓــوا و هيا گالت ابشرڪم لو بــــٓــعد ماتعتبر بشاره.؟؟
ابالي راح لان باجر اهلها ينزلون للعراق وي محمد اللي صارله اسبوع يڪمل استلام الحاويات وتسلميها .
فرحتنا من گالت حللت حامل الحمدلله.
بارڪت بفرحــــٓــه والحجيات انخصبن يصلن ؏ النبي آل النبي عليه و؏ آله الصلاة والسلام.
وام عادل تدعي ربي يزيد ويبارك ويملون علينا البيت.
يعني ينورنا اثنين بنفس الشهر انتو والياس.
وخالتي تگولها يجوز نفس الاسبوع.
فرحانات اثنينهن ويدعن الهن.
احفادي واسباطي اللي مالين علينا دنيانا وغلاتهم من غلاة اهلهم واغلــــٓــى.
ماڪو واحد اغلى من واحد ولايتفوق واحد ؏ غيــــٓــره.
يمكن اڪو انحياز لــ موده بنت الماســــٓــه والمها بنت حسام. عند محمد.
والمها عند ابو حسام غلاتها ماتنوصف حاليا هي روضــــٓــه وهو اللي يوصلها لروضتها ومرات ياخذها للجامعــــٓــه وياه يگول سوالفهه وحرڪاتها ڪلها خالتها مسك.
بس ڪلنا ملاحظين اهتمام الولد وخاصــــٓــة إلياس للاســــٓــد ؏ گولـتـــٓــه.
من تعينت ٵمــــٓــه وعمــــٓــره شهور اهتمامهم بِـــيّ يفوق الوصف ويوم اللي ما يشوفوه يگولون اشتاڰينا اله.
ومن ابوه تمازح وياه وهو يگول خويه اشوفك هواي تنحاز لابو الاســــٓــد. سابقا وحاليا. ولو اخوانك هم مثلك مو مقصرين.
عجبني رده وهو يگول اشوف بِــيّ ٵنت وظروفك واللي مريت بِــيّ ،
وفوڰ هذا ڪلــــٓــه صار عمره ستــــٓــه وثلاثين سنــــٓــه ياله شاف ضنا گــــٓــلبه واني شهدت حاله وشفته بهذا اليوم شنو حاله. وتفاصيل هاليوم ماتروح من بالي.
ولما تسجل بالروضــــٓــه صرت اتابعــــٓــه ومحمد بنفســــٓــه اخذني للروضــــٓــه مالته حتى يطمٵن عَــــٓــليّ، وهو فرح لما شافنا.
وبعدها ٵنس اخذني اله والحيد دائما يمرلــــٓــه واوس من يريد يمرله يگولي سويلــــٓــه حافظــــٓــه اڪل امــــٓــه فاهيه يجوز نست. ڪلش يحبــــٓــه ويتمازح وي الحمامــــٓــه ويگولها غلاته من غلاة ابوه.
تگوله واني؟؟؟
يرد عليها انت ياهي؟؟؟؟
افــــٓــرح لما اشوف ذڪائه يفوق عمره وتصرفاته تاخذ العقل قوة شخصيــــٓــه عزة نفس و مخربها بالعناد والعصبيــــٓــه.
ومسك تگول ايدي ؏ گــــٓــلبي لايطبق الفنون القتاليه ؏ طلاب الروضــــٓــه اللي معلمها اله ابوه.
حضرت بيوم عدهم فعاليات وهو مشارك بيها وما قبل ياخذ الهديه ولا قبل ياڪل من الڪيك والعصاير اللي توزعت ؏ الاطفال.
ماخذ طبع ابوه بالنظافه يمسح رحلتــــٓــه بڪلينڪس قبل لايگعد عليها وما يقبل احد غيره يگعد عليها.
من ياڪل من حافظته منديله بيده والمناديل اختصاص ابوه جايبها اله وي الوان ملابســــٓــه.
واصدقائه ڪل اطفال شعبتــــٓــه اللي حافظ اسمائهم الثلاثيه.
ومرات اگول خلي نكتبهم واني اقويه ؏ القراءه والڪتابه.
يڪتب ڪم اسم ويگول ڪافي الباقي باجر.
و؏ هذا المنوال ڪملناهم بعد اسبوعين.
مرات ٵنس يجيبــــٓــه النا من يڪون ابوه مشغول ويسولف الي يومــــٓــه بالڪامل.
ويلعب وي اولاد اخواله لحد ما يجون اهلــــٓــه.
فدوه لحرڪاته قبل ايام اجانا ويگولي ماما شوفي شنو تعلمت من بابا.
محمد سمــــٓــعه وطلع من الصاله يگوله وجدو ماتسولف اله شنو تعلمت؟؟؟
گال بلي جدو تعال شوف.
وبدا يراوينا شلون يمشي ؏ ايدينه ويرفع جسمه باستقامه.
مسافه من باب الحوش لباب الصاله ومن وڪف ؏ قدم وحد وبعد رجع يضرب دغلات بالهوا. وصل لحد الباب وگف ؏ قدم وحده.
ورجع لباب الصاله بنفس الحرڪه اباوع ومحمد ممتلي فـــٓــرحه مثل حالي.
شاله ليفوك وصار يشمره عالي ويرجع يضمــــٓــه لصدره يبوسه بلــــٓــهفه.
گال العلم بيد الله هالاســــٓــد من يڪبر راح يڪون طموحــــٓــه عسڪريه والله ٵعلم.
رديت مااستبعدها قدوته ابوه اللي يسٵله تحبني صيدلاني لو ضابط؟؟
يگول لا احبك ضابط.
وشگد يحب اخوال ابوه الحمزه وابو اجود وابو رماح. ومن يشوفهم بلبسهم العسڪري يگولهم هــــٓــسه احلى.
دعينا ربي يحفظه النا ولاهــــٓــله واباوع اله بين اولاد اخواله يعلمهم واول واحد جاب الحرڪه بالمضبوط هو شهم. وايهم دغلــــٓــه وحده ويوگع. ورشودي ابو خدود نهائي ما دبرها. وهو يعلمه.
نزل اوس وشافهم يلعبون شجعهم وصار هو يدربهم.
وبعدها جمعهم حواليــــٓــه يغنيلهم.
مَــرَّوْا عَـلَـيَّ الـْحِـلـْوِيـنْ أُوْ عَـذِّبــَونـِـي
نَـظْـرَهْ تِـهَـيْـمِ الـرُّوحْ بِـيـهـَا رِمَـونـِـي
مَـرَّوْا عَـلـَيَّ عَـلـَـيَّ مَـرَّوْا عَـلـَـيَّ عَـلـَيّ
مَــرَّوْا عَـلَـيَّ الـْحِـلـْوِيـنْ أُوْ عَـذِّبــَونـِـي.
مَـرَّوْا عَـجَـلْ يـَا صـَاحْ مَــعْـرَفِـتْ سِــرْهُـمْ
بَـسِّ الـْـعِـطِـرْ فَـوَّاحْ ظَـلِّ بْـأَثَـرْهُـمْ ،،
مَـرَّوْا عَـلـَيَّ بْـلـَـيْـلْ وِالـْـبَـدِرْ طـَـالـِـعْ
يِـتْـهـَـادَى وسـْـطِ الـْـغَـيْـمْ وِالـنَّـجِـمْ سـَـاطِـعْ ،،،
وين وصلنــــٓــي اوس وهيج عليــــٓــه مواجع اتحسرت حسيت النفس جرح صــــٓــدري.
ياريت لو يمرون حتى لو عَـجَـلْ ،
وعِـطِـرْهم آآااااااه يا عِـطِـرْهم فعلا فَـوَّاحْ و ظَـلِّ بْـأَثَـرْهُـمْ ,,
محمد سٵلني وين وصلتي؟؟؟
وين رجعتج الاغنيــــٓــه.؟؟؟
رديت اڪيد تعرف وين وصــــٓــلت.
وصــــٓــلت لــ لمتنا بغابات الموصل وي غوالي گلوبنا ڪرستين وابو نجوان واهلهم وناسهم الطيبين.
من سمعناها الاغنيــــٓــه وٵبو نجوان يگول هاي لجيتڪم المفاجٵه. وبعدها حضرنا خطوبــــٓــة آن.
الله شلون ٵيام حلوه ربي يعودها علينا ويجمعهم بينا وما يحرمنا منهم .
وبعد اربع شهور من دوام اســــٓــدي بالروضــــٓــه ڪان عدهم ضيــــٓــوف احد منظمات المجتمع المدني.
وهالمنظمــــٓــه دايم تجيهم تقدم هدايا لطلاب الروضــــٓــه.
واليوم ذڪرى وفاة اولاد معلمتم الاربعــــٓــه ست دعاء واللي راحوا ضحيــــٓــة احد تفجيرات الڪاظميه وهي ڪانت من ضمن ڪادر المنظمه.
وبعدها صارت تدوام بالروضــــٓــه. احياء الذڪرى وفعاليات. اتصلت بيــــٓــه وحده من المعلمات ست سديم وگالت شوفي الواتساب.
ڪان تصوير فيديو اله وهو يفتتح الاحتفاليــــٓــه بقراءة آيــــٓــة الڪرسي.
تندمت ما اخذت شلــــٓــة الشغب وياي للروضــــٓــه وحضرت حتى اشوفه عن قرب ،
بوستــــٓــه فدوه لصوتك ٵمي. غير هــــٓــسه اذا شافه دكتورنا يگول طالع عليــــٓــه ونفس صوتي ولازم اضيفــــٓــه للفرقه .
روايته لخالتي وام عادل وتليفوني صار بيد شلــــٓــة الشغب عبالهم مڪالمــــٓــه يسولفون وياه ويضحڪون.
اريد تليفوني منهم طلعوا للحديقــــٓــه ثلاثتهم.
اسمع الو الو. همومي تعال نلعب.
ضاغطين اتصال ومتصلين بالمعلمــــٓــه.
اخذته منهم ورديت اتعذرت منها گالت عادي عيني.
دااصور باقي الاحتفاليــــٓــه وهســــٓــه احول الج.
عبالي انت اتصلتي. ڪررت اعتذاري وگلت لا والله احفادي متصلين.
ماشالله من الرڪض وراهم مااحتاج لارياضه ولا دايت وزني اثنين وستين.
صليت الضحــــٓــى والتهيت بالغدا وحضرت عصير فواڪــــٓــه لحبايبي وجداتهم.
وتوصلني رسائل واتساب. ست سديم ما قصرت حولت الي الاحتفاليه بالڪامل.
هو وصديقــــٓــه يقرون حديث نبوي شريف.
( يا غلام إني أعلمك كلمات: احفظ الله يحفظك ، احفظ الله تجده تجاهك ، إذا سألت فاسأل الله ، وإذا استعنت فاستعن بالله.
وبعدها انشوده جماعيه. وباقي الفعاليات بسم الله ماشالله شلون جيل حلو عيني بارده عليڪم.
اصدقائه مو اقل من ذڪائه ابد. شنو جرئتهم وهم يقدمون الفعاليات ونطقهم ولفظهم الڪلمات.
والقاء الاشعار والحرڪات والاحساس. والترتيب والنظام. يمه فدوه الرحمن يحميڪم.
واڪثر شي جذبني وعدت الفيديو اڪثر من مــــٓــره وهم يقرون موطني بصوت واحد وي اللحن. ابدااااع يفوق الوصف.
صوت واحد واحساس ولا اروع. ماشالله ولا غــــٓــلطه.
عاشت ايدها معلمتم ست سديم اللي تگول من اول يوم بالروضــــٓــه اعلمهم عليها.
وشفتهم قبل ايام وشلونها ابداعتهم احفاد زها حديد وهم يبدعون بالمڪعبات والاشڪال ڪلها تدل ؏ ذوق وذڪاء.
واتصلت تگولي شوفي سبطج العنيــــٓــد لا اخذ الهديه ولا اڪل من اللي قدمناه.
ضحڪت وگلت منين يميل يغرف عناد ابوه وٵمــــٓــه وخالــــٓــه ٵنس.
گالت راح احولج فيديو قصير حرڪته لما يرفع ايده بدون ما يگول شي. ويقصد ان هو ما يريد شوفي الشخصيــــٓــه.
فتحت الفيديو تجنن حرڪاته. اتشڪرتها وڪملت شغلي.
بس ماادري شبيــــٓــه مو مرتاحه ابد حتى الحاجه توگع من ايدي.
راح بالي يم محمد ربي يجيبهم بالسلامه.
تليفوني يرن ڪانت مسك تسٵلني عنــــٓــه وتذڪرني مُــخلــد يتاخر منو من الولد يمــــٓــر يجيبه من الروضـــٓــه؟؟؟
رديت ٵنس يجيبه.
وهي گالت اڪمل مختبرات واجي وي الحسن.
نهيت الاتصال واتصلت بــ ٵنس ذڪرته. گال اي عندي علم و ذڪرني مُــخلــد.
دقايق مو اڪثر رن تليفوني يعلن وصول رسالــــٓــة واتساب.
ماخذه اله صوره وهو يمشي بالممر بيد دفتر الرسم وايده الثانيه اقلام الوان خشبيه.
وڪاتبــــٓــه وڪملت الج تصوير ڪل يومه واجــــٓــه عمــــٓــه مؤيد ياخذه.
اڪيد متوهمــــٓــه شلون عمه مؤيد جاي ياخذه واني ادري هو بالبصــــٓــره!!!!!
اريد اتصل عليها افهم منها. وتليفوني بيدي يرن ڪانت مديرة الروضــــٓــه.
وصوتها يخمش الگلب گالت همام مُــخلــد.
اتصلت بــ ابوه وٵمــــٓــه وما ردو عَــــٓــليّ ،
تلاحگوا بسرعه ربج لطف ربج ستر.
عيني تلاحگوا ؏ ابنڪم.
اجت ست دعاء سجلت الهويه بــ اسم مؤيد غياث وكالت جاي ياخذه وهو ذڪي عارفه مو عمه ؏ صراخــــٓــه طلعت واشوف واحد من افراد المنظمه يحاول يشيله وهو ضربه ڪسر نظارته بعينــــٓــه.
وشمره وهسه اني اخذته بــ استعجال ودخلنا لغرفــــٓــة المخزن وقفلت الباب.
اصوات ضرب ؏ الباب وهي تگول تلاحگوا فدوه.
اريد اسمع صوت همام گــــٓــلبي نار عَــــٓــليّ
گالت خشمه ينزف من الوگعه من شمره.
صاحت سدي من يمج ابوه يتصل.
وي ڪلمتها صوت صياح مالت زلم وصرخــــٓــة همام. وانســــٓــد الخط.
يتبع ـــ
وئام الشيخلي،،،،،، 💞