عُد الله لو اذنبت الف ذنباً ♡
~~~~~~~~~~~~~~~~~~~~~
فتحت عيوني واني اتذكر الحلم الحلو والولد الحلو الي مكرشه عليه بالتلفون طلعلي بالحلم اويليي يبوو ضهري يموتني وجع باوعت وانصدمت انو المنبه ما دك اععع صرت اركُض ادورلي ملابس طلعتلي ملابس اخذت مشط اخذت نضره سريعه على الساعه ثواني هاي شنوو؟؟..
الساعه بالـ 6:12 دقيقه واني خابصه نفسي خبص الحمدالله محد وياي بالغرفه جاي غطيت بـ هدومي من الفشله بدلت لبست البدي والصدريه سويت شعري ذيل حصان وطلعت خصلتين صرت اشق الساعه صارت 6:30حطيت ميك اب خفيف حمره قلوس ومسكاره ومورد خدود لبس جنطتي ولبست حذائي صارت الساعه 6:50 وبوجهي للمدرسه وصلت للمدرسه 7:00 وكالعاده صديقتي بوجهي سلمت عليهه ومشه اليوم طبيعي رجعت للبيت وتذكرت اهلي نزلت دمعه حاࢪه على خدي تعالو شويه نرجه للماضي
~~~~~~~~~~~~~~~~~~
Back to the past
~~~~~~~~~~~~~~~~~~
: مامههه ماامهههه تعاليي
الام: ولج شتريدين خبصتيني خبص
: مامههه شنو بس صديقاتي يجيبولهن اهلهم شرايط مال شعر بيضات اني هم اريد هسه هسه هسه معليه بعد اذا ما جبتولي اكول ل جدو عليكم والله واخليه يكتلكم
الاب: يمه منج ومن سوالفج جنج امج هههه يلا سوزان كومي حضري نفسج نروح للسوق نجيب كم شغله ونجيب شرايط لشطورتي
سوزان: شنو جنج امج لا تجاوز ترا اعضك"ببرائه"
ساري: يلا عيوني بعد ما اعيدهه وانت شبيج
: يس راح يجيبلوليي شرايطط اغور صديقاتي بيهن ههههه والله احبكم *حضنتهم*
ساري: يله حبيبتي خلي امج تتحضر علمود نروح نجيبلج شرايط حلوات مثلج
سوزان: ديري بالج على روحج
:شنووو لاا والله اجي وياكم معلي شنو تضحكون علي لو شنو
ساري: اش كملي واجباتج وتعالي اشاورج بشي انتِ تحبينه هواااي
ابتسمت لان كالي راح اوديج للالعاب من ارجع من
السوق
: والله احبكم يلا اجت ماما يله روحو باي
ساري: يلا سوزان
سوزان: اني طالعه ديري بالج على روحج ولا تسوين وكاحه هاا اني كلتلج بعد لا تكسرين الغراض ومن تجوعين باليل لو فد شويه تلكين الاكل عالطباخ يلا باي
: باي
بعد ما صارت الساعه 12:6 ليل
ماما وبابا ما اجو شو صارلهم 7 ساعات من طلعو ولحد هسه ما اجوي شنو هاي بله خل اروح انام احسلي واشوف شيصير
~~~~~~~~~~~~~~
ثاني يوم
~~~~~~~~~~~~~~
فتحت عيوني و اول من اجه على بالي اهلي ما اجو سمعت صوت سيارات إجت يم الباب اندق الباب منوو
اني يبووووو
فتحت الباب واشوف بوجهي خالااتي وعماتي و وجوه اول مره اشوفهم وصريخ گب بالبيت
واستوعبت الموضوع
استوعبت انو اهلي سوو حادث
بعد ما اشوف امي سوزان
ولا اشوف ابوي ساري
اني شلون ح اعيش بدونهم ما احس اله دموعي بدت تنزل بحراره وصرت ابجي طفله بـ عمر ال 9 سنوات تريد امهه اجة كبورهم رحت الهم واني اعاتب بيهم
ولكم ليش عفتوني باباا باباا كوم هذا المكان ما يلوكلك انتَ حلو لا تتّرب وازيد بجي
مامه عيونج الحلوه الزرُك سمعت انضربتي وانعمت وحده منهم مااما كومي اني انطيج عيوني كومي يلا مو كلتيلي عيوني نسخه من عيونج وعيوني احلى وكلتيني عيوني عاجبتج يلا كومي اخذيلج عين وانطيني عين والله احبج اني لاتعوفيني انتِ مو كلتيلي الاكل على الطباخ؟ ها؟ ما بيه حيل اكوم كومي صبيلي اكل بابا يله كوم شو ما خذتني للالعاب باباا اوكفوو خل احجي وي اهليي باابااااا ماممااااا عوفوهمممم لاااا اهههىىى وزدت بجي من شفتهم اخذو التابوتات ومن لحضته ولا واحد اجانه للبيت كل واحد ومهتم بروحه محد قبل يربيني يكولون
ما ناقصنه جهال كبرت وتعلمت كله لوحدي ما عايزه لاحد اني اربي روحي ومدرستي اني شاطره ما يحتاج احد يقريني
~~~~~~~~~~~~~~~~~
Back to reality
~~~~~~~~~~~~~~~~~
عافوني واني ضيم حالي خلي اكمل واجباتي علمود دوامي باجر
اتذكر
~~~~~~~~~~~~~~~
Back to the past
~~~~~~~~~~~~~~~
بابااا
هااا
اريد اطلع العب وي صديقاتي
اطلعي بس ديريبالج على روحج
خوش بابا طلعو وي صديقاتي دا العب
ما احس اله البنت الي اكرهها دفعتني ووقعت بالطين وصرت اني وياها امالخ من الروس اني اجر وهيه تجر والبنات يفاككون بينه محد من الي بالشارع تجرأ واجه يفاككنه لان يعرفوني بنت ساࢪي الله ما يجرعني الكاع ما تحملني
دخلت للبيت خرمشت ايدي ودخلت ابجي اهلي انصدموا وراحو لاهل البنت واهل البنت اعتذرو مني وكتلوها كدامي واني انطيها نضرة الشماته ونضرت النصر اشو هاي هجمت علي واني لبدت ورا ابوي
وامهه ضربتهه راشدي ودخلتها جوه وابوي و امي دخلوني همين للبيت وامي عقمت جروحي وحطتلي مرهم
~~~~~~~~~~~~~~~~~
Back to reality
~~~~~~~~~~~~~~~~~
شوف شلون جانو يخافون عليه من اتفه الاسباب وهسه حته من انصربت بـ رجلي البارحه وصارت رجلي تنزف دم جنت انتضرها تجي تحطلي مرهم وتعالجني وتعقملي جروحي هسه وين وقبل جنت وين شوف حالي قبل وحالي هسه احس ح اطك واموت صار عندي اكتأب
ما صديقتي ميار الله يحفظها الي طلعتني من اجوائي الكئيبه وطلعتني من اكتأبي المهم كملت واجباتي وطلعت للاسواق ابو الاسواق يغمزلي واني ضيم حالي والله بطران
هذا اشتريت وكملت وغميته بنص وجهه وطلعت والله يستاهل بحاله اني صعدت لـ بيتي الصغير الي سجله ابوي باسمي اول ما انولدت المهم كعدت بغرفتي طلعت حلوياتي وكمت اكل حلويات واتابع مسلسلي المفضل اباوع الساعه صارت 1:38 خلي اروح انام
ثاني يوم
كعدت و كالعاده بدلت صدريتي وفتحت شعري ومشطته حطيت ميكب خفيف لبست الجنطه والحذاء وطلعت بره اتمشى شفت ابو الشعر بنات واني عندي 3 الاف يعني اكدر اشتري شعر بنات ابو الالف
رحت اركض وراه اشتريت شعر بنات اباوع اني وين اعع تيهت صرت امشي اريد اطلع من هاي المنطقه المهجوره ساعه كامله اني امشي رجليه ما احس بيهن اباوع الساعه صارت بالـ 8:36 بطني مغضتني من الوجع ما اسمع اله صوت كلاب اباوع الكه شله مال كلاب ما احس اله هجمو عليه صرت اركض كل قوتي وهمه يركضون وراي
و اني نطكيتها بركضه و حسيت انلطمت بشي ضخم عبالك عمود بعدني ما شايفه منو
و سحبني من جنطتي ودخلت بيت مهجور صرت اضرب سن بسن من الخوف اباوع هذا ولد ضخمم وطوييل يمكن طوله 190 ضليت صافنه عليه وهوه صافن عليه ما احس.......
اله شي انحط على وجهي
فتحت عيوني امم اممم وخر الوصله من حلكي كلت اني اني ويينن و.. و.. ا.انتَ منو و. وو. وين ماخذني
احجي ش. شبيك صافن م. مو. دا احجي وياك انتَ م. منو وليش ماخذني ه. هنا وشنو ه. هذا المكان اني ويييييننن ا. انتَ انتَ منووو احجييي؟؟؟
اني؟ هههههه
الـمَـامـوُن ......
~~~~~~~~~~~~
flash back
~~~~~~~~~~~~
وهاي لعيونكم اول بارت ان شاء الله استمر على هاي القصه وما اسحب عليكم بس صوتو للقصه علمود تصعد وانشاء الله اذا كدرت
كل يوم انزل الكم بارت بس ما اريد منكم بس تصويتاتكم الجميله طبعاً كتبتلك 1064 كلمه وما تقدرون تعبي يلا حبايبي صوتولي علمود القصه تصعد وعلمود انزل الكم بعد بارتات بايي ♡