البارت السابع عشر...
في صباح يوم جديد صحي حسام من النوم بدري عشان يروح شغله
قام بهدوء من جم فيروز بهدوء دخل جهز نفسه ولبس وبعد كده قرب منها براحه وهي نايمه فضل باصصلها شويه وبعدين قرب من جبهتها قبلها بهدوء فتحت فيروز عينها براحه و أبتسمت
فيروز...صباح الخير.
قرب حسام ايده من شعرها صباح الجمال.
فيروز....أنت ماشي
حسام....أيوه يا حبيبي رايح الشركه
فيروز....طيب ليه نازل بدري كده
حسام....انهارده كمان في شغل كتير قولت أنزل بدري شويه عشان ألحق أخلص و أرجعلك بسرعه.
فيروز....طيب مش هتفطر قبل ما تمشي يا حبيبي.
أبتسم حسام بحب متشغليش بالك يا حبيبي هفطر في الشركه علي طول يلا نامي و أرتاحي لسه بدري و مش عايزك تتعبي نفسك أبداً ولا عايزك حتي تخرجي من الأوضه دي مفهوم
فيروز...بحب حاضر يا حبيبي.
حسام.....لو أحتاجتى أي حاجه أطلبيها من ماما ماشي
فيروز....حاضر خلي بالك من نفسك.
حسام...وأنتي كمان يا حبيبي بصلها شويه
فيروز...بأبتسامه بتبصلي كده ليه.
حسام....بحب أبصلك وانتي صاحيه من النوم
فيروز...بأبتسامه بحبك يا حسام و مقدرش أعيش من غيرك.
حسام....وانا بموت فيكي فيروز عارف ان الفتره اللي فاتت زعلتك كتير حقك عليا انا أسف يا حبيبتي
فيروز...بحب وانا خلاص مش زعلانه ونسيت تقريباً كده البيبي اللي هيشرف رحمك من أيدي
حسام...بأبتسامه حبيب قلبي ده ربنا يحفظه لحد ما نشوفه ونلمسه بأدينا.
فيروز....تفتكر يا حسام هنشوفه🥺
حسام...مش قولنا بلاش نفكر ولا نضغط نفسنا و نتوتر انا عايزك تكوني هاديه يا فيروز و متفكريش في أي حاجه أبداً هيجي يا فيروز و هيبقي كويس قولي بس يارب.
فيروز....يارب يا حبيبي.
حسام...ممكن بقي تكملي نوم واروح أنا شغلي عشان متأخرش عليكي.
فيروز....ممكن طبعاً❣️
قرب حسام من شفايفها طبع عليهم بوسه رقيقه وبعدين خرج من الأوضه خالص.
أبتسمت فيروز بحب و حضنت المخده ورجعت تاني نامت.
نزل حسام كان البيت هادي جداً الكل نايم لسه لأنه نازل بدري شويه.
سمعت سما صوت الباب بيتقفل عرفت انه خرج وهو نزل فتحت الباب براحه وبصت حواليها بهدوء وبعدين جريت علي تحت وراه بسرعه.
سما....حسااام
وقف حسام وبص وراه بسرعه و أتصدم أول ما شافها كان بيحاول يهرب منها بأي طريقه حتي نزوله بدري مش زي ما قال لفيروز انه عنده شغل كتير لكن كان بيهرب من مواجهتها مش عارف يعمل ايه ولا يقولها أيه دماغه وقفت تماماً وكأن خبر حمل فيروز وقف عقله عن التفكير تماماً لدرجه أن خبر حمل فيروز اللي كان منتظره بفارغ الصبر ضاعت فرحته وسط تفكيره في المصيبه اللي حصلت بينه وبين سما.
حسام....أيوه يا سما.
سما....عايزه أتكلم معاك.
حسام...بتوتر بعدين يا سما عندي حجات مهمه لازم أعملها
سما....أستني هنا مفيش حاجه أهم من المصيبه اللي انت حطتني فيها😠
حسام....سما وطي صوتك قولتلك مش وقته بعدين نتكلم
سما.....بصوت أعلي نسبياً قولتلك مفيش بعدين.
حسام...شششش😠 انتي أتجننتي بقولك وطي صوتك
سما...أيه خايف الهانم بتاعتك تسمع.
حسام....سما اتكلمي بطريقه كويسه عن فيروز من فضلك.
سما...بدموع تمثيل أنت كمان مش عاجبك كلامي وزعلان اوي عشانها طيب وانا يا حسام 🥺مفكرتش فيا مفكرتش في المصيبه اللي انا فيها مفكرتش لو ماما عرفت هيحصل فيا أيه.
شدها حسام من أيدها وخرج بيها بره في الجنينه وفضل يبعد بعيد عن الڤيلا عشان محدش يسمع.
حسام....سما انا قولتلك أني مش هسيبك ولا هتخلي عنك غير لما نلاقي حل
سما....حل!! حل ايه ملهاش حل أنا في مصيبه أنت ازاي مش مقدر اللي أنا فيه ازاي مش حاسس بيا
حسام....سما اللي أنتي حاسه بيه انا حاسس بيه اكتر منك أنا مش عارف أنام مش عارف أشتغل مش قادر أركز دماغي مش بتبطل تفكير حتي الني اللي فضلت مستنيه مقدرتش افرح بيه من وقت اللي حصل وانا حاسس اني في كابوس مش قادر حتي اصحي منه.
سما....🥺🥺وانا كسبت أيه من كل كلامك ده المصيبه اللي انا فيها أتحلت؟
حسام....قولتلك انا هتصرف يا سما.
سما...طيب قولي هتتصرف ازاي هتعمل أيه و هتخرجني من المصيبه دي ازاي؟
حسام....أنا فكرت في حل هو اللي هيخلينا نخرج من الورطه دي وبسرعه
سما...ايه هو؟🥺
حسام...انا هشوف دكتور يعملك عمليه وترجعي زي ما كنتي
سما....أنت أكيد أتجننت عايزني أضحك علي ماما وأضحك علي احمد مستحيل
حسام...مفيش قدامنا حل غير ده يا سما اللي حصل ده كانت غلطه مش مقصوده محدش فينا كان قاصدها صدقيني انا مش قادر حتي افتكر اللي حصل أكيد ربنا هيسامحنا و هيقف معانا لأننا بنحاول نداري فضيحه حصلت من غير اي قصد.
سما....بتمثيل الخوف انا مستحيل اعمل كده هخاف يا حسام مش ممكن اعمل العمليه دي
حسام...هكون معاكي متخافيش صدقيني مفيش حل قدامي غير الحل ده ومينفعش أبداً ان بسبب غلطه حصلت من غير قصد اني اخسر مراتي
سما....يعني انت كل اللي فارق معاك مراتك وانا مش فارقه معاك مش فارق معاك أن بنت خالتك تتفضح وفارق معاك انك متخسرش مراتك لأ بجد راجل🥺
حسام...بعصبيه سما ألزمي حدودك انتي عارفه ان اللي حصل ده مش مقصود وايوه فارق معايا مراتي فيروز لو عرفت حاجه زي دي مستحيل تكمل معايا والأهم من كل ده فيروز لو عرفت مستحيل أبني يفضل في بطنها انتي عارفه أن حملها صعب ومش سهل انه يثبت والتوتر و العصبيه غلط عليها.
سما....بس أنا عادي اتفضح وعادي حياتي تبوظ وتدمر وعادي اني اخسر البني ادم اللي حبيته وعادي أن امي يجرالها حاجه لو عرفت اللي حصل كل ده عادي صح انت أناني اوي و مكنتش فكراك كده للاسف🥺
حسام.....انا مش أناني يا سما ومقولتش ان كل ده عادي بس لازم نفكر بعقل شويه.
سما....بغضب وانهيار عقل انت خليت فيها عقل كل اللي بتفكر فيه ازاي تخلي حياتك ماشيه طبيعيه كل اللي هامك انك تحافظ علي مراتك وعلي حملها كل اللي فارق معاك ان حياتك تكون هاديه لكن أنا مش مهم مش هتفرق معاك حياتي باظت ولا أتدمرت المهم ان حياتك انت ماشيه بالمسطره صح يا حسام بس صدقني أدام انت بتفكر في نفسك وبس يبقي انا كمان هفكر في نفسي و هحمي نفسي بطريقتي.
حسام....سما أنا بحذرك تعملي أي تصرف تخلينا كلنا نندم عليه.
سما...أوعي تكون فاكر أنك ممكن تهددني انا مبقاش في حاجه أخاف عليها انت الحمد لله قدرت تدمرني وتدمر كل حاجه في مستقبلي
مسكها حسام من أيدها بخوف سما أرجوكي أهدي صدقيني انا مقصدش ولازم تقدري الظرف اللي انا كمان فيه انا متوتر وتعبان زيك بالظبط و مقصدش أضايقك صدقيني بس كمان انا معنديش حل غير ده أنتي ايه أعتراضك عليه بس.
سما....معنديش استعداد أكدب علي احمد و أخدعه في حاجه زي دي معنديش استعداد ان لو أتجوزنا يقدر يكتشف اني مكنتش بنت و أتفضح معنديش استعداد أعمل العمليه دي من الأساس لأني بخاف يا حسام 🥺
حسام....طيب خلاص نسيب الحل ده أنتي عندك حل غيره قوليلي وانا هعمله.
سما....بدموع مش عارفه انا دماغي واقفه مش قادره افكر ولا عارفه اكون طبيعيه وخايفه ماما تحس بأني متغيره وكل حاجه تتكشف لأنها لو بس قالتلي مالك انا عارفه اني مش هقدر امسك نفسي🥺
حسام...لا يا سما لازم تهدي شويه مينفعش حاجه تبان عليكي
سما....انا الوقت مفيش قدامي غير حل واحد اني أنهي علاقتي بأحمد بأي حجه لازم اخليه يكرهني ويبعد عني ولازم أعرف ماما اني خلاص اقتنعت بكلامها وسبته.
حسام...طيب أزاي بس يا سما ده مش حل أنتي بتحبيه.
سما...وعشان بحبه لازم مبقاش أنانيه انا خلاص مبقتش أنفعه أحمد يستاهل حد احسن مني يستاهل واحده متخدعهوش يمكن هيزعل شويه في الأول بس ده في مصلحته انما انا خلاص حياتي أدمرت و مبقتش عايزه اعيش
حسام....سما بلاس جنان عابزه تموتي نفسك
سما...هتفرق ايه من ساعت اللي حصل وانا كده كده ميته.
حسام....أرجوكي بلاش تصعبيها عليا اكتر من كده كفايه الذنب اللي انا شايله بسبب اللي حصل و أحساسي اني أذيتك ودمرت حياتك عايزه كمان تحمليني ذنب موتك لا ياسما مستحيل انا هفضل معاكي صدقيني.
سما....يبقي مفيش قدامنا غير حل واحد يا حسام🥺
حسام...لو في مصلحتك انا موافق عليه يا سما.
سما....نقول لماما اللي حصل ونعرفها ان اللي حصل ده كانت غلطه غير مقصوده حتي ممكن تقولها انك كنت شارب ومش في وعيك.
حسام....لا طبعا انتي اكيد أتجننتي
سما....طيب اعمل ايه بس علي الاقل ابقي مرتاحه وعلي الأقل تبطل تجبلي في عرسان
حسام....سما اللي بتقوليه ده مش هيحصل زي ما قولتلك احنا محتاجين نهدأ شويه وأكيد هنلاقي حل عشان خاطري خليكي طبيعيه و أوعدك كل حاجه هتتحل ماشي.
سما....بدموع حاضر🥺
حسام...يلا انا همشي الوقت قبل ما حد يصحي و يشوفنا سلام يا سما وخلي بالك من نفسك
سما....حاضر سلام🥺
فضلت سما واقفه في مكانها لحد ما حسام طلع من الڤيلا
سما....بشر بقي خايف علي مراتك وابنك يا سي حسام وحياتك عندي لا هخليك تجيلي زاحف بس الصبر حلو قريب اوي هتكون ليا انا وبس😠
................
في تركيا صحيت مريم من النوم وهي مفزوعه حاسه ان في حاجه غريبه بتحصل قامت بسرعه وفضلت واقفه في وسط الاوضه بتركيز وفجأه اللي شكت فيه حصل المكان بيتهز بيهم وزلزال للمره التانيه جريت بسرعه وهي بتصرخ و بتنادي علي نادر.
مريم...نااااادر نااااادر زلزااااال فتحت باب الاوضه بتاعته وفضلت تقوم فيه
نادر...بفزع في ايه؟
مريم...قوم بسرعه زلزال
قام نادر معاها وهو حاسس بالهزه جريت مريم علي شنطته و موبايله وراحت بسرعه عليه فتحت الباب وخرجوا بره بسرعه
الشجر من حواليهم كان بيعمل صوت و العصافير بتجري من عششها و بتطير في السماء الارض بتتهز جامد مسكوا في بعض ومريم بتصرخ من الرعب
نادر....اهدي اهدي
مريم....كفايه بقي🥺🥺
نادر...يارب يارب لا حول ولا قوة إلا بالله
فضل نادر يقرأ قرأن ويدعي و يستغفر و يتشاهد هو ومريم بس اللي كان مطمنه انه واقف بعيد عن اي مباني حتي البيت اللي هما فيه بيت بسيط ارضي من الخشب لكن الهزه كانت قويه.
عدت دقيقتين وكل حاجه وقفت مره واحده والهزه راحت.
نادر...الحمد لله خلاص راح
مريم...بدموع احنا هنموت هنا با نادر صح🥺
نادر....متخافيش يا مريم احنا اهو كويسين وعدت علي خير الحمد لله.
مريم...أحنا هنفضل في الرعب ده لحد أمته🥺
نادر....متخافيش قولتلك كل حاجه هتخلص ان شاء الله تعالي يلا الحو برد لازم ندخل
مريم...لا مش هدخل انا هفضل هنا 🥺
نادر...يابنتي الجو هنا تلج لو فضلنا هنا بلبسنا ده هنموت من البرد
مريم....قولتلك مش هدخل انا عندي اموت من البرد ولا أموت تحت التراب مستحيل أجرب اللي حصلي قبل كده والنبي يا نادر خلينا هنا🥺🥺
فضلت مريم تعيط زي العيال الصغيره و باين عليها الخوف بجد
نادر...بتعب طيب اهدي اهدي خلاص خلينا هنا شويه متعيطيش بقي.
مرت دقايق وهما ساكتين ومريم لسه بتعيط فصل نادر واقف يبص حواليه في كل مكان.
مريم....انا جعانه🥺
بصلها نادر وضحك بالذمه دي منظر واحده كانت بتعيط😂
مريم....أعمل أيه طيب انا بجد جعانه اوي🥺
نادر....طيب استني هروح اجيب التوست و النوتيلا وارجع.
مريم....توست و نوتيلا ايه حرام عليك انا هموت من الجوع ومش واكله نوتيلا تاني انت تروح تجيب اكل زي الناس وكمان انا عايزه حاجه ألبسها حاسه اني طالعه من الكهف😭
نادر....مش ملاحظه أنك خدتى عليا أوي و بتأمريني كمان🤨
مريم....بقولك أيه بما أنك انت الوحيد اللي معاك فلوس هنا
فا أنت مضطر تتحملني وبعدين مش انت اللي أنقذتني أتحمل بقي
حرام عليك انا تعبانه ومش حاسه بجسمي😭😭
نادر...بضحك ماشي يا ستي أيه رأيك نروح مع بعض وجيبي كل اللي انتي عيزاه لأني فاشل في حوار الأكل ده وكمان نروح نشوف اي محل نجيب منه لبس بدل لبسنا ده وكمان نجيبلك العلاج اللي الدكتور كتبهولك أنتي شكلك تعبان أوي يا مريم
مريم.....وأنت كمان لازم تروح تشوف الجروح اللي فكت دي عشان أكيد بمنظرك ده إتلوثت
نادر.....ماشي لأني معرفتش كمان أغير لنفسي ولا حتي اطهر الجرح.
مريم....طيب يلا بينا.
..........................
في القاهره عند شمس تحديداً
كانت راكبه في المواصلات راحه علي شغلها سندت راسها علي الشباك علامات الحزن غزت ملامحها سرحت في اللي حصل امبارح.
فلاش باك..
خرجت شمس من شغلها وراحت لواحده من معارفهم تحاول تتصرف منها بأي طريقه.
شمس...انا عارفه يا طنط صفاء ان المبلغ اللي أنا طلباه ده كتير اوي وعارفه كمان اني مستحيل الاقي حد يسلفني المبلغ ده كله بس انا قولت يمكن الاقي الحل عندك أنا عارفه انك بتعملي جمعيات كبيره عشان كده قولت اجي أطلب منك تدخليني معاكي اي جمعيه صدقيني انا كل الابواب أتقفلت في وشي مفيش قدامي غيرك.
صفاء...بحزن أيوه يا شمس انا علي عيني اني ماقفش جمبك بس انا عامله جمعيتين واحده صغيره وواحده كبيره و الأتنين شغالين من شهور في ناس كنان قبضت يعني مستحيل تدخلي الوقت وبعدين يا بنتي 300 ألف ده مبلغ كبير فعلاً انا عمري ما عملت جمعيه بالمبلغ ده أنا أخري 50 ألف يعني مستحيل تعرفي تجمعي المبلغ ده معايا خصوصا كمان هتفضلي تسديها لأمته الجمعيه الواحده ممكن تقعد بال3 سنين.
شمس...بدموع طيب أعمل ايه انا مش عارفه اتصرف خالص أمي بتروح مني وانا واقفه بتفرج عليها.
صفاء....مش عارفه اقولك ايه يا شمس والله بس مفيش قدامك غير حل واحد وممكن اقدر أساعدك فيه
شمس....ايه هو قولي ؟
صفاء....أنك تخرجيها من المستشفي دي وتخليها تعمل العمليه علي نفقه الدوله ولو علي المبلغ بتاع المستشفي كل اللي حواليكي يساعدك فيه وانا اولهم خمسين ألف سهله تتجمع و تسديها للمستشفي و خرجيها.
شمس....بخيبه أمل ياريت ينفع بس مستحيل انا فكرت في الحل ده بس عشان ماما تاخد دور وتعمل العمليه علي نفقه الدوله هنقعد شهور وكمان هي حالتها محتاجه رعايه خاصه ولو خرجتها هخرجها علي مسؤوليتي وانا مش هقدر أعمل كده ماما مش هتستحمل صدقيني قعدتها في البيت فيها خطر عليها
صفاء....مش عارفه اقولك ايه يا بنتي انا بحاول الاقي حل معاكي يمكن اقدر أساعدك
مسحت شمس دموعها بوجع للاسف مفيش حل كل حاجه مقفله في وشي🥺
صفاء...سيبيها علي الله يا بنتي صدقيني هو الوحيد اللي عنده الحل.
شمس....من يوم ما ماما تعبت وانا سيباها علي الله بس صدقيني مفيش أي حل كل الناس اللي حواليا صعب يساعدوني كل واحد فيهم علي قد حاله يادوب عارف يعيش.
صفاء...بردوا سيبيها علي الله انتي بتعملي اللي تقدري عليه مفيش حد بيقدر يعمل اكتر من طاقته
شمس....اللي فيه الخير يقدمه ربنا قامت وقفت أسفه يا طنط علي الإزعاج.
صفاء...إزعاج ايه بس يا حبيبتي كان نفسي اساعدك
شمس....تسلمي يا طنط
فاقت شمس علي دموعها اللي بتنزل بغزاره مسحت وشها بسرعه وفضلت تبص حواليها تشوف حد شايفها وهي بتعيط ولا لأ.
وبعد وقت بسيط وصلت شمس علي شغلها و قررت تجرب وتعمل اخر محاوله وتطلب من مدير الشغل المساعده كانت واثقه من رفض طلبها لأن المبلغ كبير بس مكانش قدامها اي حل.
دخلت شمس عشان تغير وتلبس لبس الشغل.
واحده من زمايلها...شمس مستر إبراهيم عايزك في مكتبه
شمس....طيب هغير و أروحله يا رحمه
رحمه....بس هو قال لما تيجي خليها تيجي فوراً علي المكتب
شمس بتنهيده...ماشي يارحمه
خرجت شمس وراحت علي مكتبه خبطت ودخلت
شمس....صباح الخير يا مستر إبراهيم
إبراهيم....صباح الخير يا شمس أتفضلي اقعدي.
قعدت شمس قدامه ومش عارفه هو عايزها في أيه ولا عارفه تبدأ هي كلامها وتطلب منه مساعدته ولا تشوف الأول هو عايز لكن قاطعها إبراهيم وبدأ هو كلامه.
إبراهيم....أنا عارف الوقت أنك بتسألي نفسك ياتري انا عايزك في أيه بس أكيد أنتي عارفه اني هتكلم معاكي بخصوص اللي حصل أول امبارح.
شمس...بإحراج مستر إبراهيم انا..
قاطعها إبراهيم أسمعيني ياشمس من فضلك أنا لا هسألك عملتي كده ليه ولا هفتح معاكي أي كلام بخصوص اللي حصل
شمس...صدقي يا مستر إبراهيم الشنطه رجعت لصتحبها خلاص وهو كان مجرد سوء تفاهم وخلاص أتحل
إبراهيم....أياً كان أيه اللي حصل يا شمس سوء تفاهم او حاجه مقصوده المهم انه حصل والدنيا اتقابت هنا في المكان وطبعاً الموضوع سمع جامد وأنتي عارفه إن المكان هنا مش بيدخله غير الناس المهمه اللي ليها وضعها في البلد واولاد رجال ألاعمال يعني سمعه المكان تهمني وتفرق معايا واللي حصل ده عمل شوشره كبيره وللأسف أنتي و قعتي مع سالم الطوبجي يعني واحد من أهم رجال الأعمال ومش سهل الداً انه يتسرق بكل سهوله في المكان هنا أحنا معروفين يا شمس ان اللي بيدخل هنا بيسيب اي متعلقات شخصيه بكل أمان حتي لو نسيوها عارفين انهم هيرجعوا يلاقوها بسهوله لكن ان حد من العملاء يتسرق في مبلغ كبير زي ده و من موظفينه فا دي مصيبه
شمس....بدموع مستر إبراهيم صدقني انا مكنتش عامله حسابي ان كل ده يحصل أرجوك لازم تفهمني و تديني فرصه أدافع عن نفسي انا عمري ما عملت كده ولا في حد قبل كده اشتكي مني
إبراهيم....عارف يا شمس بس للأسف غلطه الشاطر ديماً بألف وزي ما قولتلك انتي يوم ما غلطتي غلطتي مع سالم الطوبجي وأنا معنديش استعداد ان المكان سمعته تتهز قدام الزباين بتوعنا لأنهم مش اي زباين للاسف و معنديش استعداد بسبب اللي حصل اللي يجي المكان يكون قاعد قلقان عشان كده انا أسف يا شمس شغلك معانا خلص لحد كده وتقدري تاخدي حسابك في الايام اللي اشتغلتيها خلال الشهر ده
شمس...بصدمه ودموع مستر إبراهيم ارجوك انا محتاجه الشغل ده جداً وصدقني الشنطه رجعت ومش ناقصه اي حاجه تقدر تسأل استاذ سالم بنفسك.
إبراهيم...عرفت يا شمس وكنت متابع الموضوع بنفسي بس للأسف انا مضطر أنا اسف يا شمس مبقاش ليكي مكان معانا هنا.
بصتله شمس بضياع مش عارفه تدافع علي نفسها ولا قادره تعمل اي حاجه كل شويه الدنيا بتضيق اكتر والأبواب بتتقفل في وشها من غير اي أمل حتي الشغل اللي كان يادوب معيشها ومخليها تقدر تصرف راح
قامت شمس وقفت و شكرته بإنكسار خرجت بعد وقت بسيط من المكان وفضلت تمشي في الشارع وهي منهاره بتحاول تخبي دموعها لكن مش قادره تسيطر علي نفسها حيت أنها محتاجه تروح تترمي في حضن والدتها بس مش هتقدر تشيلها الهم و تتعبها لأنها مش هتستحمل
فضل ماشيه وسط الطريق و العربيات وهي دماغها واقفه مش قادره تعمل اي حاجه غير انها تعيط وبس.
..............
بعد خروج شمس مسك إبراهيم موبايله وأستني الرد.
إبراهيم ....الوووو مساء الخير يا سالم باشا
سالم....مساء النور اهلا يا مستر إبراهيم.
إبراهيم...اسف علي الإزعاج بس أتصلت عشان اقولك كل حاجه تمام آنسه شمس مشيت الشغل زي ما حضرتك طلبت.
سالم...بأبتسامه تمام جداً براڤو
إبراهيم....المهم حضرتك تكون مبسوط ومش مضايق
سالم....لا انا كده تمام أوي
إبراهيم.....يارب ديماً نكون عند حسن ظنك واسف مره تانيه علي الإزعاج.
سالم...لا ابداً مفيش إزعاج
إبراهيم....مع الف سلامه
سالم....سلام.
قفل سالم الموبايل وحطه علي المكتب وأبتسم
سالم....كده بقي خالصين يا ست شمس لما نشوف اخرتها معاكي وأكيد انا في انتظارك😎
.............
في إنجلترا.
نزل ايمن من الفندق عشان يروح يعرف نتيجه الفحوصات كان خايف و قلقان لكن من جواه مبسوط و حاسس بأمل كبير حس انه محتاج يتكلم مع صبا ومحتاج انه يفرحها ويشاركها معاه اهم لحظاته.
اتصل بيها فوراً
صبا....حبيبي صباح الخير
ايمن...صباح الجمال عامله ايه
صبا...الحمد لله بخير طمني انت عليك عامل أيه.
ايمن...انا كويس يا حبيبتي ومحتاجلك اوي
صبا....انا محتجالك اكتر يا ايمن حاسه انك مسافر بقالك كتير اوي
ايمن...هانت خلاص يا حبيبي بس انا مكلمك الوقت عشان حاجه تانبه وكنت محتاج اقولك علي خبر واثق انه هيفرحك
صبا...بترقب خير يا ايمن في ايه؟
ايمن....انتي عارفه اني بحبك يا صبا و مقدرش اعيش من غيرك وعارف اني تعبتك معايا كتير اوي وجيت عليكي اكتر انتي طلبتي مني كتير اوي اني اكشف واحاول الاقي علاج للحاله بتاعتي وانا عملت كده امبارح كنت عايز اعملهالك مفجأه بس بصراحه مقدرتش المفروض اني رايح الوقت عشان اعرف نتيجه الفحوصات وكنت قلقان حسيت اني محتاج اسمع صوتك واقولك اللي حصل
صبا...بدموع وفرحه بجد يا ايمن 🥺
أيمن...بجد ياروح قلب ايمن صبا اما محتاج انك تدعيلي ربنا يقف معايا ومعاكي وكل حاجه تتصلح ونقدر نعيش حياتنا طبيعيه
صبا....بدموع وضحك وفرحه انا مش مصدقه نفسي ولا مصدقه اللي بسمعه حاسه اني طايره من الفرحه الخطوه دي انا استنتها كتير اوي يا ايمن وعندي احساس ان ربنا هيكرمنا ويعوض تعبنا كله خير
ايمن....بتنهيده انا كمان حاسس بكده بس خايف اوي يا صبا
صبا...لا يا حبيبي متخافش الخطوه اللي انت خدتها دي كانت اصعب خطوه والمهم انك خدتها اللي جاي كله سهل صدقني ربنا هيقف معانا يا حبيبي🥺🙏🏻
ايمن...بحب طول ما انتي جمبي اكيد انا مس خايف عارفه ياصبا انا نفسي لو اتعالجت وحياتنا بقت طبيعيه اجيب منك اطفال كتير اوي بصي انا عايز سته بس 3 ولاد و 3 بنات
ضحكت صبا من بين دموعها سته مره واحده حرام عليك انت كده لتنتقم مني انا
ايمن...بضحك لا مش بنتقم منك انا بعوض السنين اللي فاتت وأعملي حسابك انا بس ابقي كويس ومش هسيبك من ايدي لحظه اقولك انا هاخد سنه اجازه من الشغل و هنقضيه في أوضتنا😉
صبا...بابتسامه و كسوف ايمن🙈
ايمن...ياقلب ايمن بقولك ايه تنسي الكسوف ده خالص انا هقطعك يا صبا 😉 و هعوض معاكي كل السنين اللي فاتت في وجع ودموع وحزن و اللي جاي معايا يا حبيبتي هيكون كله حب ودلع وبس كل حاجه وحشه عشتيها معايا واستحملتيها ياصبا
هعوضك عنها ومن انهارده مش هيبقي حزن تاني
صبا...بحب المهم انك معايا يا حبيبي والاهم انك خدت الخطوه دي صدقني دي احلي مفجأه واحلي خبر ابدأ بيه اليوم
ايمن...انا خدت الخطوه دي عشانك يا صبا قبل ما اخدها عشاني انتي تعبتي كتير معايا وجه الوقت اللي ربنا يعوض صبرك خير.
صبا....بحبك يا ايمن ومستنيه رجوعك ليا بفارغ الصبر
ايمن...قريب يا حبيبي قريب اوي هرجعلك بس وانا حد تاني بني ادم جديد حابب الحياه وعايز يعيشها معاكي بكل تفاصيلها❣️
صبا...ربنا يرجعك ليا بكل خير خلي بالك من نفسك وابقي طمني
ايمن...حاضر يا حبيبي هخلص واطمنك
صبا...هستناك متتاخرش عليا
ايمن....حاضر يلا سلام عشان انا وصلت
صبا....سلام يا حبيبي
وصل ايمن عند الدكتور عشان يعرف نتيجه الفحوصات علي قد خوفه لكن مكالمته مع صبا فرقت كتير وحس بشويه أمل.
ايمن...خير يا دكتور طمني نتيجه الفحوصات ظهرت ؟
الدكتور....أستاذ ايمن النتيجه ظهرت مش حابب أخبي عليك لكن لازم تعرف الفحوصات نتيجتها مش كويسه لكن كمان مش ضعيفه يمكن نحتاج لإجراء عمليه بسيطه.
بس قبل ما ناخد قرار في فحص مهم لازم نعمله.
ايمن....بحزن فحص أيه ؟
الدكتور....ده فحص بسيط لازم نعمله قبل العمليه عباره عن اختبار نقيس بيه نسبه تأثرك الجنسـ ـي يعني هتمر بكام اختبار هنقدر نحدد من خلاله النسبه قد ايه وعلي الاساس ده هنقدر نعرف مدي احتياجك للعمليه.
ايمن...مش فاهم الاختبار ده عباره عن ايه
الدكتور....يعني في أجهزه بتتوصل بيك بتشتغل عن طريق الأستشعار و الذبذبات بنقدر نعرف انت بتتأثر جنسياً لأي مدي
حس ايمن بالضعف و الإنكسار و الإحراج لكن مكانش قدامه بديل
ايمن...تمام يا دكتور انا جاهز.
الدكتور....طيب تمام جداً عشر دقايق نجهز و هنبدأ علي طول
بعد وقت بسيط دخل ايمن مع الدكتور في اوضه مش كبيره اوي كلها من الزجاج و وراء الزجاج ده مكتب صغير عباره عن اجهزه كتير متوصله بشاشه
طلب الدكتور من ايمن انه يقلع هدومه كلها
كانت اصعب لحظه مرت علي ايمن حاسس بأحساس مهين و بشع لحظات مرت عليه وهو بيصارع نفسه جواه صوت داخلي بيقوله امشي و صوت تاني بيقوله لأ خليك عشان خاطر صبا انت وعدتها لازم تكمل للاخر استسلم ايمن للصوت التاني وفعلاً استني عشان خاطر صبا.
وبدأ ينزع كل هدومه وهو بيموت من جواه حاسس ان اللي باقي من رجولته بينهار لكن محبش انه يفكر بالطريقه دي في النهايه ده اسلوب علاج ولازم يمر بيه
دخل مساعد الدكتور وطلب منه ينام علي السرير وبدأ يوصل بيه اجهزه صغيره فيها ذبذبات زي الكهرباء كان مغمض عينه و بيضغط عليها بقوه نفسه اللحظه دي تنتهي بأي طريقه.
خلص المساعد توصيل الاجهزه الصغيره وخرج من الأوضه خالص
سمع الدكتور بيكلمه عن طريق مايك صغير
الدكتور...استاذ ايمن جاهز
خرج صوت ايمن بضعف ايوه.
الدكتور....طيب قبل ما نبدأ حاول تكون هادي سيب نفسك خالص متفكرش في اي حاجه حاول تخلي ذهنك صافي تماماً عارف ان اللحظه دي صعبه عليك ومحرجه شويه بس لازم تتخطي الشعور ده
كل اللي عايزه منك سيب نفسك بلاش تشد جسمك خليك هادي فكر في حاجه حلوه أفتكر يوم حلو لايمكن تنساه
ساب أيمن نفسه تماماً وحاول انه يسترخي و ينسي اللحظه المهينه لرجولته دي بأي طريقه وبدأ يفك قبضة أيده و يرخي رجله و يريح ضغط عينه وبدأ يفتكر يوم فرحه هو وصبا كان طاير من الفرحه خصوصا لما شاف صبا بفستانها الابيض كانت شبه الملايكه أفتكر اللحظه اللي بقي معاها لوحدهم بعد الفرح ما انتهي وهي مكسوفه منه و مدياله ضهرها أفتكر لما قرب منها ومال علي رقبتها بحب
وبدأ يحس بالذبذبات اشتغلت
فضل يحاول ميركزش خالص وتخيل نفسه مع صبا في وضع حميمي و علاقه كامله حاول ما يفكرش في اللي حصل ليله الدخله والنهايه اللي مكانش متوقعها حاول يحط نهايه مختلفه وسعيده وعاش اللحظه اللي اتمناها بخياله.
وفي الأثناء دي كان الدكتور بيتابع الإشعارات اللي بتتسجل قدامه علي الشاشه نسبه التأثر الجنسي ضعيفه جداً الإنتصاب ضعيف يكاد يكون معدوم.
سمع صوت الدكتور بيقوله انه خلص ويقدر يلبس
دخل المساعد شال الأجهزه كلها و ساب ايمن لوحده يلبس
وبعد وقت بسيط رجع تاني في المكتب الخاص بالدكتور وهو بيقسم ان اللحظات اللي مرت عليه كانت أصعب لحظات في حياته.
الدكتور...اتفضل يا استاذ ايمن
ايمن...خير يا دكتور طمني؟
الدكتور....مش هخبي عليك بس الأنتصاب ضعيف جداً حضرتك اتأخرت كتير اوي العمليه دي كان لازم تتعمل من فتره كبيره
ايمن....يعني ايه مفيش امل؟
الدكتور....العمليه نسبتها ضعيفه للاسف يعني نسبه نجاحها حوالي 20٪ استاذ ايمن حضرتك بتعاني من ضعف جنسي كبير
أيمن...بس كمان 20٪ مش وحش انا كده كده مش هخسر اي حاجه خلينا نعملها
الدكتور....انا من رأيي اننا ناخد علاج ناخد منشطات يمكن تساعدنا شويه
ايمن....العلاج هياخد وقت بس العمليه هتكون بالنسبالي هي الفيصل ارجوك انا عندي أمل ومش عايز أرجع عن الخطوه اللي خدتها صدقني الخطوه دي مكانتش سهله بالنسبالي ابداً مش حابب أرجع فيها
الدكتور...استاذ ايمن انا مقدر كلامك بس كمان انا بقول العلاج افضل يمكن ياخد وقت لكن هيفضل في امل لكن العمليه لو منجحتش هتقضي علي الأمل ده نهائي
أيمن....صدقني انا خلاص مش هقدر استني العلاج خلينا نعمل العمليه أفضل
الدكتور....ده قرارك؟
ايمن...بتنهيده طويله أيوه وانا مسؤول عنه.
الدكتور....تمام وانا هعمل كل اللي أقدر عليه
أيمن...طيب العمليه دي ممكن تتعمل امته.
الدكتور...ممكن انهارده لو حابب هتقعد معانا شويه نطمن علي الضغط والقلب و بعد كده تجهز للعمليه ونبدأ علي طول هي عمليه بسيطه مش هتاخد وقت
أيمن....طيب ينفع تكون بكره لاني جاي هنا لشغل وفي حجات لازم اخلصها انهارده عشان اكون فاضي
الدكتور....تمام جداً معنديش اي مشكله بكره تكون هنا الساعه عشره صباحاً و تمنع اي اكل من الساعه 12
ايمن...تمام يا دكتور
الدكتور....مش عايزك تكون قلقان انا هعمل كل حاجه اقدر عليها
ايمن...ان شاء الله شكراً يا دكتور بعد أذنك
خرج ايمن من عند الدكتور وهو حاسس انه محطم لكن خلاص مفيش قدامه اي حل غير العمليه عشان يبقي عمل اللي عليه لأخر لحظه.
حاول يغير نبره صوته ويطمن صبا عرفها ان في تدخل جراحي بسيط لازم يتعمل كانت قلقانه عليه لانه لوحده لكن هو طمنها ان العمليه مش هتاخد عشر دقايق وطلب منها تدعيله.
دعتله صبا وحاولت تطمنه وتديله امل والحقيقه انها كانت قلقانه اكتر منه كل واحد فيهم كان بيمثل القوه قدام التاني لكن من جواهم كانوا مرعوبين.
...................
في شركه الطوبجي
مسك زيد موبايله و أتصل علي مكتب ياسين.
زيد...ايوه يا ياسين تعالي يفي المكتب شويه عشان عايزك
ياسين...ماشي يا بوص جاي حالاً
زيد...بقولك هات معاك آنسه ملك وجلال كمان
ياسين....خير إجتماع ده ولا ايه؟
زيد....لا عايزكم في مكتبي
ياسين...اوك تمام دقيقه واكون عندك.
قفل معاه زيد وأتصل علي يوسف
يوسف....زيد باشا
زيد...يوسف تعالي انت وامير سويه في مكتبي
يوسف...اعوذ بالله 🙄خير
زيد...انجزززز ومش عايز تهريج خليني اخلص
يوسف...وعلم وينفذ يا بوص
قفل معاهم زيد وابتسم ابتسامه شر ماشي انا بقي هعرف ايه اللي بيتم من وراء ضهري فاكرني نايم علي ودني يا شويه صيع اتقلوا عليا..
دقيقتين بالظبط وكانوا اتقابلوا قدام مكتب زيد
ياسين...علي فين
يوسف...انتوا اللي علي فين
ياسين...زيد طالبنا
أمير...هااار اسود واحنا كمان
ملك....😳 ممكن يكون عرف
ياسين....عرف ايه لا لا مستحيل
جلال...شكل حاج توفيق باعنا🥴
يوسف...وانا اللي فاكره راجل طيب🧐
ياسين...بس انت وهو باعنا ايه مفيش الكلام ده اكيد عايزنا في حاجه تانيه
ملك...هو انا لو مدخلتش هيحصل ايه🙄
جلال....السؤال الأهم هو انا لو جريت من هنا فقد هيبه رجل الأعمال🥴
ضربه يوسف علي كتفه أتنيل😒
خبط ياسين ودخل وهما وراه
ياسين....خير يا مستر زيد في حاجه ولا أيه
زيد...ابداً اتفضلوا اقعدوا
قعدوا كلهم و بصوله مستنينه يتكلم
مسك زيد فنجان القهوه ببرود شرب شويه ورجعه مكانه وبعدين قام وقف قلع چاكت البدله
جلال....بصوت واطي ده بيقلعلنا😳
أمير...اسكت الله يخربيتك
وقف زيد شمر اكمام القميص
جلال...ده بيشمر😳
أمير....انا عايز ادخل الحمام🥴
يوسف...ماتيجي نجري🙄
قعد زيد تاني وهو سايبهم علي اعصابهم و بصلهم
يوسف...في ايه يا مستر زيد هو حد مزعلك🥴
بصلهم زيد بأبتسامه طويله
زيد....انا معروف اني في الشغل بحب ادي كل واحد مساحته الخاصه بكل حريه في الشغل وبحب ديماً اسمع كل الموظفين و مسموح لكل موظف يقول رأيه في اي حاجه تخص الشغل و بشجعه كمان والأهم اني بحب الكل يتعامل ان الشركه دي شركته هو مش مجرد موظف عادي
لكن أن الموظف ده يستغفلني محبش خااالص أن الموظف ده يفكرني اني سايبه براحته وعيني مش عليه محبش خاااالص أن الموظف ده يفكرني مشغول وهو يعمل اللي علي كيفه مينفعش معايا🤨
ياسين...هو في ايه اللي حصل للمقدمه الكبيره والخطيره دي🤨
ملك...مستر زيد انا هحكي لحضرتك😩
جلال...يا ختاااااي بتعترفي من قبل اول قلم هي تقصد يعني تقولك انها كانت عايزه تمشي بدري امبارح 🙄
أبتسم زيد وهز راسه
زيد...وأيه كمان يا استاذ جلال يا ابن امبارح🤨
جلال....ليه الغلط بس يا بوص متصغرناش🥴
زيد....بخصوص المقدمه الخطيره دي يا مستر ياسين هقولك
امبارح كنت في مكتب مستر داوود تحت وخير اللهم اجعله خير آنسه ملك والاستاذ جلال رجل الاعمال الكبير
رفع جلال ايده بتحيه وبطريقه مضحكه😂😂
زيد...لمحتهم وهما مشافونيش بس لفت نظري حاجه غريبه في توتر ونظرات غريبه وبعدها آنسه ملك وقفت بعيد ودخل جلال علي الاوضه بتاعت الارشيف.
جلال....قوموا نجري دع عرف🥴
زيد...وتجري ليه خليك استني
المهم ثواني و حاج توفيق طلع
بصراحه بدأت اشك طلعت علي مكتبي فتحت الكاميرات
لقيت جلال واقف بره عامل فيها نادورجي وحاج توفيق في المكتب عند ياسين ومش بس كده ثواني و افراد العصابه بداوا يظهروا نزل يوسف وأمير وفي في ايدهم شنطه
بصلهم جلال بابتسامه...منورين
رفع يوسف وامير ايدهم يحيوا بطريقه مضحكه بنوووورك ياغالي
وكل ده زيد ماسك نفسه بالعافيه عشان ميضحكش🙈
زيد...المهم دقايق ولقيت الاربعه خارجين بسرعه بيتلفتوا حواليهم وبعدين حاج توفيق خرج وبعد كده الاربعه اللي قدام سعادتك يا مستر ياسين دخلولك
ماشاء الله رئيس عصابه قاعد في مكتبه وباقي افراد العصابه بيعملوا مصيبه هي ايه لسه معرفهاش
ابتسم ياسين و فضل يحك في جبهته 😂😂
زيد....السؤال بقي الشنطه كان فيها ايه؟ ايه المصيبه اللي بتحصل من وراء ضهري
والاهم بقي اني اتوقع منكم اي مصيبه عادي لكن انتي يا آنسه ملك تشتركي معاهم🤨
ملك...بتوتر مستر ياسين بص انا هقولك علي كل حاجه وامري لله بس اوعدني ان اللي هتسمعه ده يكون بينا والاهم انك متاخدش اي إجراء إلا لو اتأكدنا
زيد...هو في ايه انا مش فاهم حاجه؟
ياسين...زيد انا اللي قولتلهم انك متعرفش لاني عارف انك معندكش تفاهم وبصراحه احنا حابين نتأكد الاول
زيد...طيب مش اعرف الاول في ايه وبعدين انا اقرر هعمل ايه بدل ما تقرروا عني
ملك...تمام انا هحكيلك كل حاجه من البدايه.
زيد....وانا سامع.
وبدأت ملك تشرحله كل حاجه من البدايه خالص.
......................
في تركيا.
دخل نادر ومريم في مكان بيبع ملابس كل واحد فيهم اختار حجات للبيت و للخروج وبعد كده راحوا علي السوبر ماركت فصلت مريم تشتري الحاجه اللي هحتاجوها للاكل.
مريم....هو انت هتفضل ماشي كده مش تساعدني
نادر...اعمل ايه طيب انا مليش في حوار الاكل ده قولتلك وبعدين مش كفايه اني بزوقلك العربيه دي بايد واحده وانا أصلا تعبان وحاسس اني سخنت تاني
مريم...علي اساس انا اللي مش تعبانه تصدق بالله انا ماسكه نفسي عشان مش هنلاقي حد يساعدنا لو انا رقدت😭😭
نادر...طب خلاص خلاص انتي هتفتحي تاني في النكد قوليلي عايزه ايه وانا اجيبه
مريم...ماهو انا مش عارفه انا كمان مليش في حوار الامل ده خالص 😭😭
نادر...🙄طيب بصي انا رأيي نجيب جبن و معلبات يعني الحجات السريعه دي لو حد جاع في اي وقت ولو علي الغداء نبقي ناكل بره
مريم....ماشي طيب لو كده انا خلصت يلا روح حاسب🙄
نادر...😒اللهم طولك يا روح
مريم...مابلاش روح والنبي🙄
ضحك نادر وراح حاسب شالوا الحاجه مع بعض وقرروا يروحوا يرجعوها البيت و يغيروا هدومهم وبعدين يروحوا المستشفي يشوفوا الجرح بتاع نادر
وفعلاً خلصوا بسرعه وراحوا علي المستشفي خيط نادر جرح ضهره من تاني و الجرح اللي في حاجبه
مريم كانت وقفاله بره بعد ما خلص خلي الدكتور يطمن عليها هي كمان كانت فعلاً تعبانه رقبتها فيها كدمه كبيره وباقي جسمها لكن كانت تبان انها كويسه او بمعني اصح ما بتحبش تبين انها تعبانه.
خرجوا من المستشفي وراح نادر جابلها العلاج بتاعها وراح نادر جاب من مطعم سوري شاورما ورجعوا علي البيت
بعد ما كلوا قعدوا وفضلوا ساكتين مفيش اب حاجه يعملوها ولا في تلفزيون في المكان اللي هما فيه.
اتصلت في الوقت ده روح.
روح....الووو
نادر...ايوه يا حبيبتي
روح...روح قلبي طمني عليك يا حبيبي
نادر...انا زي الفل الحمد لله احسن متقلقيش ولسه راجع من المستشفي وخيط الجروح تاني اطمني
روح...الحمد لله كنت هموت عليك سمعت ان في زلزال تاني🥺
نادر...متقلقيش يا روح دي توابع بسيطه والمكان اللي انا فيه امان اطمني يا حبيبتي
روح...الحمد لله المجنونه اللي معاك دي رعبتني عليك امبارح
نادر...بضحك مريم ليه بس
بصتله مريم 🙄
روح....متوتره و وترتني معاها اكتر ورعبتني عليك ومش عارفه تعملك كمادات وفضلنا معاها لحد ما خرجت كانت مرعوبه تخرج لوحدها
نادر...اصل المكان اللي احنا فيه زي بيوت صغيره في وسط الغابه وبعدين اللي مرينا بيه اصلا خلي نفسيتنا في الارض
روح...المهم انك بخير يا حبيبي ورغم انها وقعت قلبي بس الحمد لله قدرت تتصرف
نادر...فعلاً والله لولا مريم معرفش ايه اللي كان حصلي
ضحكه مريم ضحكه عبيطه 😁 ضحك نادر عليها
روح....بس قولي يا سي نادر ايه حمايه مريم دي🤨
نادر...الله وليه قلبه الصوت دي بس يا روح🤨
روح....ماهو انت واخواتك محدش يطمنلكم بصراحه😒
نادر...بضحك والله ابداً زي ما قولتلك قامت مريم تغسل ايدها
نادر...صدفه والله ياروح بس هي حالتها وحشه وتعبانه جدا والمشكله حاجتها كلها ضاعت في الزلزال مقدرتش اسيبها خصوصا انها لوحدها.
روح ...ماشي يا سيدي المهم خلي بالك منها يا حبيبي دي مهما كانت في غربه لوحدها
نادر...متقلقيش يا روح
روح...ماشي يا حبيبي خلي بالكم من نفسكم وهلي بالك منها يا حبيبي دي امانه يا نادر
نادر....بابتسامه بتثق فيا موت
روح...عرفاك انت واخواتك 🤨
نادر...لا ياستي اطمني متقلقيش
روح...ماشي يا حبيبي يلا روح ارتاح
نادر...سلام يا حبيبتي
روح...سلام.
رجعت مريم تاني قعدت وبصتله
نادر...في ايه🤨
مريم...انا زهقانه اوي احنا هنفضل قاعدين محبوسين كده
نادر...طيب نعمل ايه هو في حاجه نعملها في المصيبه اللي احنا فيها دي حتي شغلي مش عارف اعمله
مريم....صحيح انت بتشتغل ايه
نادر...رجل اعمال😉
ضحكت مريم وبصتله طب بقولك ايه احنا منعرفش حاجه عن بعض ما تيجي نرغي في اي حاجه
نادر....ماشي يا ستي ابدأي انتي
مريم....اقول ايه
نادر...كنتي بتعملي ايه هنا يعني عايشه هنا وبتشتغلي جايه سياحه قبل الزلزال ما يحصل كنتي بتعببي ايه😠
مريم...😳
..............
في شركه الطوبجي
ملامح الغضب ارتسمت علي وش زيد.
ياسين....هو ده كل اللي حصل يا زيد طبعاً كان صعب اني اقولك قبل ما نتأكد
زيد...كان لازم تعرفوني يا ياسين
ملك....انا قولت كده والله بس هما عارفين حضرتك اكتر مني وقالولي بلاش
زيد....طيب الورق اللي خدتوا في اي حاجه ناقصه في الحسابات
ياسين....احنا لسه مراجعناش كل حاجه لاننا مش هنلحق بس مبدأياً كده واضح ان السرقه مش في السنه اللي احنا فيها بس يا زيد
ملك...ده حقيقي الجزء اللي معايا من الورق في نقص في الحسابات وفي تلاعب كبير في الارقام
يوسف...اللي انا مش فاهمه يازيد انت وداوود وسالم ازاي محدش فيكم لاحظ النقص الكبير ده
زيد....في حاجه غلط يا يوسف اللي تجيله الجرأه يسرق مجموعه الطوبجي و بالارقام دي و بالصياعه دي اكيد مش سهل
أمير....ده اكيد حد من الشركه صح؟
زيد...بتفكير أكيد بس الأكيد ان اللي يعمل كده مش هيعمل كده من نفسه في حد وراه
ياسين....شاكك في حد
زيد....ايوه بس مش وقته خلينا الاول نعمل حصر باللي أتاخد عايز كل ورقه في 2021 و2022 تتراجع بدقه وتركيز ومعلش هنزود عليهم 2020 عايز اجيب بس بدايه الخيط وأعرف السرقه بدأت في اي سنه و لما هعرف هشوف مين اللي دخل علينا في التوقيت ده لان موظفين الشركه دول معانا من زمان ومستحيل اشك فيهم احنا هنا عيله كبيره ومحدش يقدر يتجرأ و يعملها إلا اللي لسه داخل علينا وده غالباً حد من بره هو اللي زقه علينا
ياسين...طيب ماتقولي شاكك في مين
زيد...مش هتفرق الوقت يا ياسين خلينا الوقت في المهم
يوسف....تفتكر حاج توفيق مع اللي سرق
زيد...مستحيل يا يوسف حاج توفيق ميعملش كده ابداً و عموما سيبكم الوقت من مين اللي عملها
خلينا في المهم يوسف وامير طبعا انا فهمت الحوار مكانش يخصكم انتوا كنتوا مجرد عامل مساعد بس من اللحظه دي انتوا مع ياسين وملك وجلال الحوار ده ميطلعش برانا لو ايه حصل مفهوم
يوسف...تمام متقلقش
زيد...عايز المراجعه دي تحصل في اسرع وقت حتي لو أضطريتوا تفرغوا نفسكم تماما للمطلوب منكم
ياسين....تمام يا زيد.
زيد...آنسه ملك بجد شكراً انتي معانا من وقت بسيط جداً لكن قدرتي تثبتي مجهودك اللي واضح للكل
ملك...بأبتسامه انا معملتش غير شغلي يا مستر زيد ده واجبي
زبد...طيب تقدروا تروحوا انتوا علي مكاتبكم الوقت.
ثواني والكل خرج وفضل زيد قاعد شارد و بيفكر في المصيبه اللي هتقلب الدنيا قريب و اتأكد الشك اللي كان جواه مكانش مجرد شك ده كان يقين🙄
.............
وقفت ليلي قدام غرفه والدتها
بصتلها بحزن كل ما تفوق ترجع تاني تدخل في غيبوبه يادوب تفوق تقول كلمتين وترجع تروح لدنيا تانيه
افتكرت اخر مره فاقت ونزلت دموعها.
سميحه....ليلي يا حبيبتي عشان خاطري انسي اللي فات وارجعي انتي وداوود لبعض طمني قلبي عشان اسيبك وانا مرتاحه
ليلي...مامي متقوليش كده عشان خاطري عايزه تسيبيني لمين بس ولو علي داوود متقلقيش انا مش هسيبه ابداً وعايزه كمان افرحك واقولك ان انا و انكل راجح اتكلمنا واتصافينا خلاص احنا بس مستنينك تقومي بالسلامه عشان نفرح كلنا🥺
سميحه...بدموع هتفرحي يا ليلي و هتعيشي ايامك اللي ضاعت داوود بيحبك وعمري ما فقدت ثقتي فيه ابداً طول عمره متمسك بيكي
فاقت ليلي من شرودها وفضلت تدعي من قلبها لوالدتها تقوم بالسلامه.
................
في المستشفي عند خلود
خلود...بعد اذنك ممكن تبلغي دكتور مجدي اني عايزه اكلم استاذ يوسف ضروري هو قاللي لو أحتجتيني بلغيهم وهما هيكلموني
فوراً.
الممرضه...حاضر يا آنسه خلود هبلغه حالاً.
خرجت الممرضه بعد ما أطمنت عليها وسابت خلود لوحدها
بتتنهد بتعب وحزن ومستنيه تكلم يوسف بفارغ الصبر.
...........
عند شمس
لف كتير ومشيت اكتر دموعها مش بتقف الدنيا ضاقت عليها لدرجه انها حاسه ان النفس بيخرج منها بصعوبه الشغل راح كل وسائل المساعده اللي فكرت فيها كانت مجرد حلم مكتملش💔
وقفت شمس قدام النيل دموعها نازله بغزاره شردت شويه ولقت ان مهما حاولت تفكر بترجع تاني لنقطه معينه مفيش غيرها
وقررت انها تلجأ لأخر حل أتمنت انها متلجألهوش ابداً🥺💔
مسكت شمس موبايلها و طلعت الكارت بتاع سالم طلبت رقمه وأستنت الرد.
بمجرد ما رن موبايل سالم
رد علي طول.
وأول ما سمع صوتها أبتسم🤨😎
وللحديث بقيه.......