في ضريح العشق حمامه,,,,,,,,, 💙🕊
وئام الشيخلي،،،،،،،
وتمضي_السنين
هناك بصمة لا تنسى ..
قد نلتقي بأرواح ..
و قد نحب كلمات مست قلوبنا ..
دون أن نعرف كاتبها ..
وقد نبكي مع عيون لم تراها أعيننا ..
وقد نفرح لفرح قلوب ..
نثرت بسمتها ..بكلمات ..
ويبقى احترام الروح ..
أسمى عناوين المحبة ...!!
مســــٓــاء الورد والياسميــــٓــن.
ـــــــــــــــــــــ
شلونكم ياحلوات باجر باذن الله احاول انزل الكم بارت هديه
وهاي الاغلفه.
توقعاتكم للقادم
////////////
مسك ـــ
ونَوَّر حياتنا ثمــــٓــرة حبنا الروحــــٓــي. نورنا الڪائن الملائڪي اللي منتظريــــٓــه.
ملايين الحروف والڪلمات وڪل لغات الڪون تقف عاجزه عن وصف شعوري باللحظه اللي شفتــــٓــه بيها بين ايدين توٵم روحي وهو يضمــــٓــه لگــــٓــلبه.
بهاي اللحظه نسيت ڪل ٵلمــــٓــي ڪل وجعــــٓــي ٵنزاح وانسحب منــــٓــي وٵني افتح عيوني بصعوبه وارڪز بملامح غالي روحي وهو يحضن ٵبن گــــٓــلبه اللي ڪان متلهف ويحسب ٵله الايام ومنتظر هاي اللحظه.
يشمــــٓــه ويستنشق عطره وڪٵن آخــــٓــر مــــٓــنفذ للاوڪسجين يتنفس براحــــٓــه ويگول الله ياعطر الجنــــٓــه.
يغمــــٓــض عيونه ويشڪر رب العــــٓــزه
قربه مني ويگول صار بــــٓــيٌَ من عطرج.
اريد اضمــــٓــه بروحي بس ماالي القدره اتحرك. طلبت يقربــــٓــه اڪثر يگولي من الفــــٓــرحه ايديني ترجف قربــــٓــه مني بوســــٓــته وشميتــــٓــه يروح امك استنشقه بلــــٓــهفه صدگ عطر الجنــــٓــه.
طاف السرور بخافقي وكياني عبرات قلبي بللت أجفاني دموع الشوق تسبقني وتكتب فرحتي الأجمل
يارب حمدا حينما أهديتني
طفلي وقرة ناظري وجناني
دخت ڪلش احس نفسي گاعده بــ ارجوحــــٓــه گلت شيلــــٓــه لايوگع فدوه.
حــــٓــس بيه اخذه نطاه لٵمي. ويسٵلني بلــــٓــهفه. وخوف عليــــٓــه.
نطوني الابره المسڪنــــٓــه اغفــــٓــى واصحى وصوتــــٓــه بمسمعــــٓــي.
افتح عيوني واسٵل وينــــٓــه؟؟
والماســــٓــه قريبه مني تلعب بــ ٵحوالي تگول منو الوينــــٓــه مُــخلد لو ابنه؟؟؟
بعد ساعات صحيت وٵمي قريبه منــــٓــي والدكتوره تگولي ياله اسمعي صوته يناديج يگول ماما جوعان.
رضعيــــٓــه الصمغه حتى يصير ذڪي مثل اهــــٓــله.
ٵمي ساعدتني اغير ملابسي والماســــٓــه وياها.
رفعتلي السرير وجابته حبيبي قربته مني وهي تحاول وياه ياخذ الحلمه وهو ڪان يصرخ وڪٵن صراخــــٓــه ؏ گــــٓــلبي ٵتمنى انطيــــٓــه روحي حتى يسڪت.
من التقفها بنــــٓــهم قشعريره بڪل جسمي. ياربي سبحانك شنو هالشعور. دموعي نزلت بدون اراده منــــٓــي. فــــٓــرحتي ما يوسعــــٓــها الڪون.
اردد الحمد والشڪر بداخــــٓــلي وادعيلــــٓــه ربي يحفظه ويجعلــــٓــه من ابناء السلامه.
ادعيلــــٓــه ما يصيبــــٓــه مڪروه ولايمســــٓــه سوء. ويبعد عنــــٓــه الغدر.
اباوع اله مبتسمــــٓــه سبحان الخالقك من روحــــٓــي يربي شنو غلاته. وامي ساندته بــ ايدينها وتسمي وترقيــــٓــه بــ آيات القرآن.
غفــــٓــه. سٵلت ٵمي شبسرعه شبع؟؟؟؟
ٵخاف بعده جوعان شلون؟؟؟
ابتسمت ٵمي وگالت لا اڪيد شبع.
لايضل بالج ارتاحــــٓــي ٵمي. غفيت وصحيت ؏ صوت ضحڪتــــٓــه الاب الروحي وابوي.
فدوه لعيونه يگول الله حلو الشعور تصير جد وانت بعز شبابك وهذا اول ســــبط الي غالي جده غلاته من غلاة ٵمــــٓــه.
وابوي يرد عليــــٓــه الله يحفظهم.
فدوه لشبابك ارفع راسي اريده يدخل واشوفــــٓــه. هو وٵبوي.
دخل مبتسم يگول بعدها بتٵثير البنج لو لا.
اريد اسٵلها اني اغلى لو ابوج محمد. بلڪي ماتگول اثنينڪم.
وابوي يضحك يگول اقبل اذا انت اغلــــٓــى تستحق والله.
مااتاخرو يمي بارڪوا وٵطمٵنوا عليــــٓــه وگالوا ارتاحي.
للصبح طلعنا الجو بارد ڪلش يمڪن ستين مــــٓــره گالها مُــخلد.
والماســــٓــه تگوله هاي الڪتڪوت مالتڪم بالعش لاتخاف عليــــٓــه.
اما بالنسبــــٓــه لامه شوفــــٓــة عينك لابســــٓــه ڪل باب الشرجي.
وهو ضحــــٓــك.
وربي ما تنلام اني لابســــٓــه ڪومــــٓــة ملابس ومتدفيه وهو الا نزع قمصلته الجلد وخلاها ؏ اڪتافي.
و ساندني الى ان وصلني السياره وعدل الڪشن وساعدني اصعد. وسياقتــــٓــه مثل ما گال مهند راح يسوق ؏ النص واحد. اول مره اشوف السياقه الهادئه وي مُــخلــد ومن يسمع صوت حبيبي يبجي يريد يلتفت ويگوله هاا يروح ابوك.
وطلعنا لبيتنا مُــخلد ماقبل لابيت اهــــٓــلي ولا لبيت جده.
نفس طبيعــــٓــة بيت جدو عبدلله ذبحوا ذبايح شڪر لوجه الله تعالى قبل لاندخل البيت.
ومؤيد يسمــــٓــع مُــخلد ترا اني اتزوجت وصرت صاحب عايلــــٓــه ومسؤليه برگبتي.
ورفيده ماتقبل تشلعون گلبي. ولهنا وڪافي. وهاي ذبحت الذبايح لعيون ابن الذيب.
صاحبك عسل لاتاڪلــــٓــه ڪلــــٓــه ضم منه ليوم الشده.
ورفيده تگول والله ما گلت شوڪت گلت؟؟؟
وهو سوالفــــٓــه نفس سوالف اوس. يگول اي هســــٓــه گعد حظي. الحمى تجي من الرجلين.
دخلنا لبيتنا موجودات الحبايب حواليــــٓــه وقبل الضهر وصلتنا خالتــــٓــي والحجيه. اللي مايعرفن بيا طريقــــٓــه يعبرن عن شعورهن بالفــــٓــرحه.
بس مُــختار واللي معروف بحنيتــــٓــه وطيبــــٓــة گلبــــٓــه وحبــــٓــه لـــ مُــخلد. عــــٓــبر عن فرحتــــٓــه بدموع وڪلمات ودعاء.
ومن اجتني بيبي ام ابوي گالت يشبــــٓــه ابوج. بس العيون انت. واني مثل المجنونه احلفها الرب عليج بيبي صدگ يشبــــٓــه ابوي؟؟؟
وام عادل تاڪدلي تگول اي والله سبحان الخالق.
مــــٓــر اليوم وحبيبي مگابلــــٓــه قبل لايبجي هو يشيله من الڪريڪوت.
واذا اريد اوگف لحيلــــٓــي هو اللي يسندني ويمشيني وڪلش متمسك بيــــٓــه يگول اخاف دايخــــٓــه.
والعلاج رتب مواعيده بالموبايل وقبل لايدگ المُــنبــــٓــه هو عينــــٓــه ؏ الساعه وينطيني العلاج بوقتــــٓــه.
رتب اجازه اسبوع وشيخلصــــٓــه من لسان مؤيد ومهند.
وهو يگولهم مفــــٓــڪر اقدم اجازه سنــــٓــه.
بعد الاسبوع يبدل وينزل يمنا للصاله ياخذه بحضنه يبوســــٓــه يشمــــٓــه ويضمه لگــــٓــلبه. يسولف وياه يگول غلاته بروحي تفوق الوصف.
ومن يرجعــــٓــه لمڪانه ويطلع يوصل الباب يلتفت يضحك يگول شلون بيــــٓــه والله اشتاگيت.
ومن يوصل لدوامــــٓــه يتصل اڪثر من مره ويسٵل. ومن يرجع يگول اويلااااه ميت من شوگي الڪم.
وبعده يعاملني طفلــــٓــه يهمسلي ترا مااخذ من غلاتج ذره. غلاتج تزيد ماتنقص.
بعدج انت بنت گــــٓــلبي وروحــــٓــه ونبـــــٓــضه والنفس وهوا ريتي.
وهو ضنا گــــٓــلبي وابني وحبيبي وروحي اللي شال اسم انسان غــــٓــصة عمري وعايش بروحي.
ويڪمل وصف ابنــــٓــه اللي مرت ؏ ولادته اسبوعين وماسمعتــــٓــه نطق اسمــــٓــه.
والماســــٓــه تگول نطقه بس من الممرضــــٓــه سٵلت شنو تسمــــٓــوه.؟؟
شنو غلاته هالڪائن الملائڪي اللي ملــــٓــى علينا البيت.
والماســــٓــه تگول راح ياخذ غلاة الڪل.
جدهم ابو غياث عندي شوفته جزء مهم بيومي واحنا نروح لبيتهم ونشوفه ومن ننشغل يتصل يسٵل علينا يگول ما بينتوا تعالوا اشوفڪم ما شفتڪم اليوم.
هــــٓــسه هو يجينا من الصبح ومن الحديقــــٓــه يجي صوته يسٵل وينــــٓــه غالي جده ابن الذيب.
يدخل ياخذه بين ايديه واحس شگد غالي عنده وهو يگول يصير ذاك السبع النشمي الماخذ من صفات ابوه وٵخواله.
ويدعي ربنا يمــــٓــده بالصحــــٓــه ويشوفه وهو يڪبر.
ومن اجوني اخوالي وزوجاتهم نور حبيبتي تهددني تاخذه الهم حتى اني اتبعه وارجع يمهم.
والحجيــــٓــه تگولها صارت بنتنا ما نرجع بعد.
واللي ماصبرت يمنا بالعطله غير شهر.
طلع الاربعين وهي يمنا ونهائي ما مفڪره تترڪنا. وجودها برڪــــٓــه للبيت.
و مُــخلد ما مصدگ يبوس تجاعيد ايدها ويرفعهن لجبيــــٓــنه يگولها نعمــــٓــه عظيمه.
خالتي مرتين راحت واجتنا خلال الاربعين.
وعمو ابو مختار وڪل عيالي والبنات اجوني.
وحتى بعد الاربعين الحبايب ماترڪني بوحدي خاصــــٓــه بالنهار ماالمســــٓــه بس ارضعــــٓــه.
ام همام يوميه تجينا ومرات ماتجي الصبح.
مُــخلد من يطلع من الدوام يجيبها.
والموضوع حاجين بيــــٓــه مسبقا. وهو يگولي اعمامهم واخوالهم يفدوهم بروحهم.
بس ربج ڪاتبها اعاشر همام الله يرحمــــٓــه هالاشهر ويتعلق بيــــٓــه ڪــ اخ.
ورحيــــٓــله خلاهم يشوفوني بمڪانه.
واني فعلا اشوف هالشي اللي يفرحنــــٓــي اڪثر ويكبره بعيوني اڪثر.
ومن اتذڪر الظروف اللي مرينا بيها اتاڪدت ٵن اللي جمعنا هو دعاء المحبين النا وٵعماله الصالحــــٓــه.
ڪلش احبها وغلاتها عندي تفوق الوصف. افرح من اشوفها تاخذه تغيرله وتغيلــــٓــه وتسمي حفيدها.
افرح من تگول ملى علينا دنيانا. افرح من اشوفها ماخذه راحتها بالبيت وڪٵن بيت ابنها.
ابيت اهلي تربيت ؏ المحــــٓــبه والالفــــٓــه واخذتها من ڪل الحواليــــٓــه.
و بعد يوم ولادتي والموقف اللي صاير امي توصيني بـــ ام همام من جهــــٓــه وخالاتي عنيده وٵميره يوصوني.
باقي شوي وازعل وڪٵنهم مايعرفون طبــــٓــعي.
وخالتي عنيده تگول نعرف طبعــــٓــج بس نذڪرج مو نعلمــــٓــج.
جدج حجي عبدلله اڪيد نعرف طبعج.
وبعــــٓــد هاي الايام الحلوه بيوم گاعدين گاعدين ڪلنــــٓــه بالصاله عيالي جاين من الـبـــٓــصره واخوالهم وابو غياث اجونا.
وانفتح موضوع ڪانت بداياته بعد ولادة حبيبي بــ ايام.
بخصوص هديل ورضاب. واروى.
اروى ماڪو اي مشڪله بــ امرها ورايدها ابن عمها وضاح ومتفقين ؏ ڪل شي.
و هديل رايداها ابن خالها رماح واڪو موافقــــٓــه مبدئيه من ڪل الاطراف.
اما رضاب رايدها حماي رعد. ايضا اڪو موافقــــٓــه مبدئيه من الڪل.
بس هي رٵيها ڪان موافقه بس ما اعيش بالبصــــٓــره. لان مااحب جدك. گالتها گدام الڪل.
وبوڪتها لاموها اهلها هواي وگالو طلعتج مو حلوه. گدام ابو مختار واولاده.
ومهند ومؤيد يگولون بالعڪس اصلا طلعتها زادت الگعده حلاوه.
وهي فهمــــٓــته السبب لــ رعد وعمتها والسبب تگول بڪم موقف دخلت بيهن البــــٓــصره سمعت جدهم وهو يسب جدي واعمامي ويسميهم بــ اسماء ماتليق بيهم.
وبيوم خطوبــــٓــه اسيل هي ما ساكتــــٓــه اله من سامعتــــٓــه وراده عليــــٓــه.
وصايره مشڪلــــٓــه ولاماتها الحبايب وٵم مؤيد. وما وصلنها للكبار.
و گالت لــ رعد اني مااضمن نفسي اذا جاب سيرتهم ماارد.
ومو ارد عادي اگلبها گلاب وهالڪلام صار گدامي. ضحڪت شلون هالنازڪــــٓــه انفعلت واحتجت واتنرفزت.
تگول لــ رعد بحده هو جدك يحلم يحلم يوصل شخصيــــٓــة جدي ومكانتــــٓــه وحتى بالحلم ما مسموحله يحلم.
خليــــٓــه يوصل حنيته ومــــٓــحبة الناس اله. ووووو.
انطلقت وهو يضحك. وبعدين انتبهت لنفسها.
گالت اعذرني هذا اللي تربيت عليــــٓــه. جدي خط احمر. مايستحق الا يڪون تاج فوگ الراس.
ما يستحق الا يڪون قدوه والناس تقتدي بيــــٓــه.
وهو رد عليها بــ ابتسامــــٓــه ترا هو جدي مو بس جدج. وڪمل ڪلامه وياها بعقلانيــــٓــه وحڪمــــٓــه.
بس هي مااقتنعت.
ماصاير سابقا نقاش بيني وبين رعد. رغم يجينا دائما.
واشوفه نفس اطباع وصفات اخوانه. تربيــــٓــة الحجيه وعمو وخالتي شلون يڪون.
و الماســــٓــه تگول ڪلــــٓــه ؏ بعضــــٓــه مُــخلد.
ويگولولون هو المدلل مالتــــٓــه. وخالتي تگول دلاله اله بحدود علــــٓــمه الصــــٓــح من الغلــــٓــط.
وعلمــــٓــه الطموح وڪان دائما وياه بڪل خطوه يخطيها.
شنو يطلب مُــخلد يوفره اله بس ابد مااغتر بالمال مثل بعض الشباب.
بينما هو من ڪان بالجامعه اشتغل وي صديقه بمڪتب عقار. حبا بالشغلــــٓــه مو علمود محتاج.
و مُــخلد شجعــــٓــه عليها و؏ تصميم الخرائط. ڪان يشجعــــٓــه اڪثر. يگول خليــــٓــه يتعلم اهم شي ماشي صــــٓــح. واصدقائــــٓــه مثلــــٓــه.
هواي ڪان يهتم من هاي الناحيــــٓــه يگول الصديق يٵثر بصديقه سواء صديق صدوق او العڪس.
هديــــٓــة تخرجه ڪانت سياره من المعرض.
وهو بعد تخرجــــٓــه حصــــٓــل عــــٓــقد بشركــــٓــه اهليــــٓــه. والعصر يشتغل وي صديقه بالمڪتب.
وهاي غير تصميم خرائط بيوت وتنزيلها. وشغلــــٓــه ڪلش حلو ومرغوب.
بس اني اليوم شفت هالشي فعلا ـ فعلا هو نسخــــٓــة الذيب. لما رضاب ما اقتنعت بڪلامه ونهضت راحت لبيتهم.
نظراته تبتعها الى ان طلعت لباب الصاله. مبتسم هز راســــٓــه والتفت الي ڪنا گاعدين اني وطيبــــٓــه.
گالها بـــ اعجاب ڪلش تعجبني قوة شخصيتها وعجبتني ردة فعلها.
يستحق جدي ابو غياث هالموقف منها. المابيها خير لاهلها مابيها خير لراعيها. گالها بلــــٓــهجه جنوبيه حلوه .
وڪملها يگول هي اللي تحب اهلها وما ترضا احد يجيب سيرتهم وترفعهم هي اللي تستحق تڪون ام بيت وتحفظ زوجها بغيبته وحضوره.
شخصيتها قويه بالحق مو صــــٓــلفه حاشاها وطويلــــٓــة لسان وصوتها عالي.
احس بيها من ٵمي وشخصيتها هواي هواي.
وباقي ڪلامه ڪان ڪلش حلو وبحڪمه ٵن هو ڪون اله مستقبل بالبــــٓــصره. ومن شغلــــٓــه مشتري نص قطعــــٓــه اللي النص الثاني ماخذه زوج إنعام وجاي يبناه. وصايره گبال اهلــــٓــه.
بعدها ابتسم وهو متفائل ويگول مصيرها تقتنع ادري شگــــٓــد تحب عمتها.
گلت عمتها لو ابن عمتها.؟؟!!!!
اللي ادري ڪانت ناويه تدرس تقنيه وجابت معدل عالي. وبعدها فڪرت تقدم هندسه يمڪن لخاطر عمتها.
بس بعدين عمتها گالت لا التقنيــــٓــه افضل الج .
ضحك وگال اي بالضبط.
وطيبــــٓــه ڪانت مقهوره تگوله شلون؟؟؟
مااقتنعت رضاب. وڪانت مقهوره تشوفه اخوها ربت بينهم وتحبهم ڪلش وهو گالها يحلها رب العالمين. بعد الها سنتين ما عدا هالسنــــٓــه.
وبيومها تٵجل النقاش بالموضوع.
وهي من اجتنه بعد ما رجعوا عيالي للبــــٓــصره. گالت لــ مُــخلد احجيلك بصراحــــٓــه وانت حقاني وتحڪم بالعــــٓــدل.
بگــــٓــد مااحب رعد ومقتعــــٓــه بيــــٓــه وبڪل صفاته.
بگــــٓــد ما موضوع جدك ومسبتــــٓــه لجدي واعمامي مسسبلي ڪابوس. ومااستبعدها اسويلي ڪارثه بجدك واخرب حياتي.
ضحك بصوت وبعدين تناقش هو وياها بهدوء وفسح الها المجال تاخذ وقتها بالتفڪير اڪثر.
واللي فهمتــــٓــه منها بعدين ڪلش تحبــــٓــه. وسالت مُــخلد تگول تتوقعــــٓــه زعل؟؟؟
رد عليها لاااا. مازعل بــ العڪس صراحتج حلوه.
بس ورود زوجــــٓــة وعد من نزلت لبغداد فهمتها ٵن عمو ٵبو مختار بعد ما طفح الڪيل والاذيه والغدر اللي صابهم فاق الحدود.
وضــــٓــع حدود لڪلشي.
والجد مو مثل قبل، مرض ابو غدير هــــٓــد حيلــــٓــه. اغلب وقته يروح اله ويرجع. ماله علاقه ومايتدخل بالبيت.
وبالمقابل عمو بار بيــــٓــه ويطيعه وقايم بواجبــــٓــه.
وام رماح گالت لــ ورود حتى وان ڪان مثل ماتگولين عذرها مو عذر.
ورعد والنعم منــــٓــه نسخــــٓــة مُــخلد وعمتها ياقوت تحطها بعيونها.
واللي لاحظتــــٓــه من زوجات اخوالهم ڪلش ڪلش يعزن خالتي ويذڪرنها بغيايها اڪثر من حضورها.
يگولن لو عدنا ولد بعمر انعام مستحيل نفوتها.
وياريت عدها بعد بنات وناخذهن لولدنا.
واليوم من انفتح الموضوع تم الاتفاق ؏ ڪلشي.
وبعد باجر الجمعــــٓــه عــــٓــقد رعد ورضاب شرعا. والزواج بعد ماتڪمل جامعه.
و بالايام الجايه ياخذون مشيه للبصره ؏ هديل وبنفس اليوم العــــٓــقد. والزواج بعطلــــٓــة نهايــــٓــة السنه.
ويڪون بنفس اليوم زواج الاخوان رماح. و وضاح اللي رايد اروى اخت مؤيد.
وحلوه ڪلمــتــٓــه ابو غياث من گال مو معناه. هديل بديلــــٓــة رضاب. واروى بديلــــٓــة رفيده.
ڪل وحده وحسن تصرفها واحترامها وتربيتها هي الاساس بدوام عشرتها وسعادة حياتها.
وضرب الهن امثلــــٓــه بالحياة ومدح ٵم مؤيد وخالتي. وگال ڪل وحده منهن عڪست تربيتها واحترامها وحسن التصرف وحافظت ؏ عيلتها.
والجمعه ڪان عــــٓــقد قران رعد ورضاب. وحبيب گــــٓــلب ٵُمــــٓــه حاضر حفلــــٓــة عمــــٓــه.
خالتي ڪلش فرحــانــٓــه لــ بزر گُـــعدتها ولبنت اخوها اللي طالعه مثل الگمُــــٓــر.
وتگول مو مثل فــــٓــرحتي بــ ابن الذيب تغنيله واخذته وخلته بين ايدين رعد و رضاب. اثناء التصوير.
يجننون ڪناري الحب وڪلش متلائمين. ربي يسعدهم .
والحفلــــٓــه عائليه ابينهم ودام موجودين مؤيد ومهند اڪيد اڪو اشواط تحشيش وضحك.
مؤيد يگول لــ مهند شنو شعورك اذا رضاب تڪافشت وي الاغااااا.
مهند يگول متٵڪد من هالشي وهســــٓــه جاي تهمس لــ رعد وتنطي مقدمات هو يگولها اي بس مو اول شهر.
مــــٓــر اليوم بفــــٓــرحه والايام البعده اجمــــٓــل.
ملاڪي الصغير مالي عليــــٓــنا ايامنا. ومتطوره صايره اعرف اگمطــــٓــه واسبحــــٓــه.
ورغم معلوماتي سواء اللي درستها او اللي قاريتها عن الاطفال.
طلبت من ٵمي الڪتب اللي تخص الطفل. وبعثت الي ڪتب وتقارير ودراسات حديثه واقرا عنــــٓــه.
قريت دراسة تأكد على أن الطفل من الممكن أن يبتسم ليجعل والدته تبتسم اله وهو في عمر أقل من ٵربع أشهر وفي هذه الحالة يكون عقله نضج بما يكفي ويقوم باستخدام الابتسامة للتواصل مع الآخرين.
فدوه لعقلــــٓــه الناضج حبيب امه.
قريت الطرق التي تجعل الطفل يبدأ المناغاة.
واللي مسبقا اعرفهن واتذڪرهن لما ڪتبتهن لامي بتقرير.
واللي من ضمنهن اللعب معه ودغدغة أسفل قدميه وبطنه مما يجعله يضحك ويتفاعل معك.
وتكرار كلمة بابا وماما أمامه بكثرة.
واضحــــٓــك لما قريتهن وڪٵن حبيبي سارق الاسئلــــٓــه دائما يلعبــــٓــه يسولف وياه يدغدغ اسفل قدمــــٓــه.
واگولها لامي اجمل دراســــٓــه تجننن تجننن. وٵمي تضحك ؏ سوالفي مــــٓــجنونه رسمي بحبيب روحي.
ورجعت اقرا ــ متى يبدا الطفل بالانتباه.؟؟
والدراسه تتڪلم عن الحواس بدايــــٓــة بـــ حاسة البصر وتنتهي حاسة اللمس.
وعن حاسة الشم: الدراسه تگول يستطيع الطفل الانتباه إلى رائحة والدته ولبنها وهو في الأسبوع الأول. فدواته وليدي اقرا والعبــــٓــه واسولف وياه يبتسم وتبتسملي ڪل الحياة.
فعلا مــــٓــجنونه بيــــٓــه. وبــ ابوه والعڪس ڪذلك ابوه مجنون بينا.
ورتبــــٓــت وقتي ومهتمــــٓــه بــ ادق تفاصيل توٵم روحي. اللي صاير هواي يقدم اجازات ويگابلنــــٓــه.
يبدٵ صباحنا واني اجيب الوردات من الحديقه واخليهم بفازه زجاجيه. واخليهم ؏ ميز الطعام واحضر القهوه المهيله اللي نشربها ؏ انغام موسيقى هادئه واليوم ڪان لحن اغنيــــٓــة ڪلمات يجننن لحنها.
هواي ارڪز بيــــٓــه لما يڪون هيمو ابين ايدينه يسميــــٓــه البطل لو ابو الهمــــٓــه لو حبيب ابوه.
يحمد الله ويشڪره يگول اجمل النعم انت وهو.
واجمل مفاجٵه ڪانت محضرها الي واول عيدالام يمر علينا والڪيڪه ومكتوب عليها ست الحبايب. واول احتفال النا بوجود غالينا.
اضحك بعدني ما معترفــــٓــه بنفسي ٵم وحبيبي يگول غير تجنين.
بهاي الايام راحوا للبصره مشيــــٓــه ؏ هدوله وبنفس اليوم العقــــٓــد ربي يتممها عليهم ويسعدهم.
ودخلنا بشهر نيسان والافڪار هالمــــٓــره لالماســــٓــه اللي اقترحت ختان ايســــٓــر ابنهم وهيمو وابن عمهم رائد. بنهايــــٓــة الشهر تگول نسوي الحنــــٓــه بيوم حفلتڪم حتى تجيبوله اخ لو اخت. وشبعتنا تصنيف وتحشيش.
وثاني يوم الوليمــــٓــه. والختان.
والماســــٓــه وذوقها فعلا مرتبــــٓــه الامور.
متصلــــٓــه بصديقتها بترڪيا موصيتها ؏ زي السلطان هذا خاص بحفلــــٓــه ختان الطفل. والي والها ولـــ رفل فساتين تجنن. امهات السلاطين ؏ گولتها.
مــــٓــر الشهر بلــــٓــمح البــــٓــصر وصلنــــٓــه زي السلطان لونه اوف وايت مطعم بجويتي يجنن يجننن.
الثلاثاء2014/04/29
29 جمادى الآخرة 1435
سوينا حفلــــٓــة الحنــــٓــه ابيت جدهم اللي بالرغم من انها ڪانت بس اهلنا واهلهم. واجوا عيالي من البصره. وخالتي ڪلش فرحانه بمبادرة ام موده لان فاجئت رفل اللي هي ڪلش تحبها.
بس ٵڪلت طن رزايل بصوره مباشره وغير مباشره ؏ لبس هيمو.
والرب ابن يبعدهم وابن رائد يجننون واللبس عليهم اجمل لان اڪبر من هيمو اللي ضايع بالملابس.
بس ابوه اخدله صوره وبسرعه بدلت ملابسه وگمطته.
وابوه هم اخذله نصيب من الرازيل رغم هو من بدلت اله ما رضا.
گال الملابس ضاربه ؏ وجهه ولون عيونه وڪان خايف عليه.
بلعتهن عادي واستمتعت بالحفلــــٓــه ؏ الآخــــٓــر. دام ســــٓــحر موجوده يعني اڪيد حفلــــٓــه حلوه.
ومن رجعنا لبيتنا ؏ اساس زعلت وهو يگولي عيب تزعلين ڪبرتي. انت ٵم.
يرضيني حتى نڪمل حفلتنا الخاصــــٓــه.مو ابن ياقوت اللي يضيع حــــٓــقه.
وثاني يوم الوليمه والختان وشنو حالي لما هو يبجي اڪثر منــــٓــه بجيت. طلعت الدنيا من عيني هواي صرخ. واجا مُــخلد اخذه مني. يگول هسه اسڪت منو بيڪم.
وياريت لو گدر يسڪته ومثل حالي مُــخلد لو ما عيب يگابلــــٓــه ويبجي.
صار يلوم نفســــٓــه يڰول جدي گال ختانه بيوم السابع افضل بس اخخخخخ شجاني عاندت.
تعب وهو يحاول ما سڪت صراخــــٓــه يٵذي الگلب. اخذته منه احاول ارضعه مااتقبل الثدي و؏ صرخــــٓــه وحده.
من خالتي لام همام لامي ونفس الحاله.
و مُــخلد انجن يگول گلبــــٓــه راح يطلع من صدره. احس صرختــــٓــه بگلبي.
وغالي روحي الا تعب ڪلش وصار يغفي ياله سڪت والشهگــــٓــه بصدره.
اخذتــــٓــه ورحت بغرفــــٓــة الحجيه ام غياث. وخالتي گالت لا تطلعين منها ابد.
و مُــخلد مــــٓــره يگابلني وشوي يروح يم الزلم ويرجع.
وهيمو اقل من نص وصحا نفس الصرخــــٓــه وما ياخذ الثدي. وحتى من يسڪت ما يرضع.
صدگ طلعت الدنيا من عيني وتعبت حيل.
مــــٓــر اليوم ؏ خير والحمدلله هدٵ. ورضع شوي.
رجعنا لبيتنا و مُــخلد اخذه منــــٓــي نيمه ؏ صدره يشڪي حبيب گلب ابوه وهو يناغيله.
من التعب اني صرت اغفي وصوته وصوت هيمو صرت اسمــــٓــعه مو مفهوم عندي.
بس گلت اله طفيت وضمني ليمينــــٓــه. وبالگوه انطق فدوه بالك يمه لاتنام وتنساه ويوگع.وهو يضحك.
واكررها وعيوني ما بيه افتحهن وماافهم شنو يرد عليــــٓــه.
بس ڪلش گــــٓــلبي يمه وخايفه عليه. واول ماغفيت فزيت ؏ هذا الحلم اللي يجينا من واصلين غايــــٓــة التعب ومن نغفــــٓــى نوگع من مڪان عالي.
حسيت ؏ مُــخلد وهو يگول اسم الله.
بالگوه فتحت وگلت فدوه خليــــٓــه بسريره.
گال هســــٓــه رويحتي صار يغفي نامي ارتاحي.
نمت من التعب وظل ابالي ومن صحيت مرعوبه فززته اسٵل وينه؟؟؟؟
واتهمس ادور اله. و مُــخلد يسمي عليه يگول بسريره والله.
لحد ما نهض وجابه الي اني دموعي شلالات ماادري شنو اللي صابني.
مُــخلد رجعــــٓــه لسريره واخذني لحظنه يسمي عليه يسٵلني حلمانه شي؟؟
رديت لا بس من التعب ابالي انت همات تعبان ونسيته ؏ صــــٓــدرك و وگع. اسم الله عليه.
ثاني يوم الحمدلله احسن بس هو مرات اذا بجا شوي واتاخرت ثواني يزعل ما يرضع.
وامي تكول انت هيج ڪنتي والله جابها عدله.
يگوله حبيب ابوك ازعل بس منها.واخذ حقي. شيبت گلبي وزعلاتها ثگال.
ومــــٓــرت الايام حلوه ومتظرين موقع الوزاره ينشر اسمائنا بالتعينات.
وهاي السنــــٓــه عدنا الحسن سادس علمي. ذڪي وشاطر وبمدرســــٓــة متميزين.
هو الوحيد من احفاد الحجي اللي دخل مدارس متميزين.
وعدنا وسن حفلــــٓــة تخرجها بعد ايام.
وقبلها حفلــــٓــة تخرج مصطفى.
واللي صديقــــٓــة روحي خلت فرحتــــٓــه فرحتين وهي ترد خــــٓــبر بالموافقــــٓــه قــــٓــبل حفــــٓــلة تخرجــــٓــه بيوم بالضبط.
واني اللي بشرته ڪنت متمنيــــٓــه اشوفها هالفــــٓــرحه وشفتها الف الحمدلله والشڪر.
ٵخذني مُــخلد لبيت ٵخوالي وبالطريق اتصلت اذا موجود بالبيت.
گال اي هســــٓــه دخلت للبيت. خبرته اني جايتهم بس لايگول الهم.
وقبل لانوصل بيت جدي. ڪان يردد الحمدلله والشڪر. وگال ڪلما ڪنت اوصل هيام ڪنت اتمنــــٓــى المح ظلج او اسمع صوتج.
الحمدلله هســــٓــه انت بجانبي والقمــــٓــر اللي يشبهج منور ايامنا.
حمــــٓــدت ربي وشڪرته ودعيت ربي يديم ايامنا الحلوه.
وصلنا لبابهم وطلع مصطفى بالباب. نزل مُــخلد سلم عليــــٓــه وگال من ارجع اخذها اسلم ؏ البقيه.
نزل جنطــــٓــة هيمو اخذها منــــٓــه مصطفى. وڪانت علامات السؤال باينه ؏ ملامحــــٓــه.
ومن دخلنا للحوش يسٵلنــــٓــي عن احوالي.
واني سٵلتــــٓــه باجر الحفلــــٓــه؟؟
وشگد نسبــــٓــه فرحتك؟؟
وشنو اللي ممڪن يفرحك اڪثر؟؟
هنا توقف وگبالنه خالتي نجلــــٓــه اللي ابتسمت وتگول هلا.
مااتاخرت مباشراً بارڪت اله. وگلت لــــٓــعد شگد تحبك ورادت فرحتك تڪون فرحتين.
ويفرحتي واني اشوف اجمــــٓــل فرحــــٓــه بعيونه. اللي خلتــــٓــه ما يگــــٓــدر ينطق. بس يردد الحمدلله والشڪر الله يفرح گلبج .
وخالتــــٓــي نجلــــٓــه اڪيد بسرعه فهمــــٓــت. الدموع وهي تبارك وتضمه لحضنها. هذا غاليها اللي ربته ما يناديها غير يمه.
اللمه اڪيد ابيت جدي اتفاجئــــٓــو دخولي اللهم.
سلمت ؏ الڪل وخالو ارشد اخذ هيمو منــــٓــي. وهو يفر براســــٓــه يتلفت. وخالو يگول هسه اعرفك عليهم حبيبي هاي امك گاطعــــٓــه.
ومن وصلت لام مصطفى بشرتها.
وبســــٓــرعه انسٵلت شعجب اليوم ومنين طلعت الشمس. اتبشروا وفرحوا وترڪوا الاسئله.
واڪتمل العدد باليل. واجوي اهلي. والڪل فرحان وهم يعرفون ورقاء عز المعرفه.
المــــٓــن اباوع وبعيون منو اشوف الفــــٓــرحه.
اخوالي لو ولدهم لو ابوي واخواني لو امي زوجات اخوالي وبيبي ثريه.
وجدو عبدلله ڪان تعبيره بفرحــــٓــه ومفتخر بنسب جديد يدخل العائله وهو يشيد ويفتخر بنسب زوجات اخوالي ويمدحهم ويوصفهم بــ اجمل وصف.
الڪل ڪانوا مستعدين باجر يحضرون حفلــــٓــة تخرجه. واجتهم فــــٓــرحه ثانيه. ربي يديم الافراح عليهم.
واتصل توٵم روحي يگول قربت اوصل.
رديت ابالي نسيتنا.
ضحك ويگول ڪل عقلج؟؟!!!!!
صرت قريبه من ٵمي وسٵلتها ڪلــــٓــه سريات انت ورقاء واني خارج قوس.
ابتسمت وگالت والمطلوب؟؟؟
اذا تريد تسولف الج هي صديقتج وتسولف من يمي ايسي حبيبتي.
اجــــٓــه وتعلل وياهم شوي وبعدها رجعنا لبيتنا.
بنفس الاسبوع بيت جدو عبدلله اخذو المشيه من اهلهم وناسهم ومحبيهم والاجمل خالو ارشد موجود.
گلت اتوقع الخطوبه ماتطول شهر بوجوده. والبقيه يگولن ويمڪن ٵقل.
ابو غياث واخوالهم وتوٵم روحي وشيخ مهند من ضمن المشيه. تمت الموافقــــٓــه وتحدد الاسبوع الجاي العــــٓــقد.
اللي حضرته بڪل فرحــــٓــه. مثل ما فرحت لاخواني واڪثر.
قبل بيوم نتفق اني ومناهل وآن واتصلنا تعذرنا منها ما نگدر نحضــــٓــر. ومناهل صاحبــــٓــة الفڪره.
مناهل گالت اني حامل واخاف ؏ ولي العهــــٓــد. واني گلت شيبتي گلبــــٓــه ياله وافقتي وزعلت عليج.
وآن گالت عندي دراســــٓــه وانت تعرفين صعوبة المرحلــــٓــه الخامســــٓــه.
وبعدها سولفنــــٓــه شوي وسٵلتها تاڪدتي من حبــــٓــه اڪيد.
گالت اي والله اتاڪدت. الله ينطيها ويوفقها ويسعدها ويحفظ الها ابوج.
ٵمج وياي ڪل هاي الاشهر. بس هو مايدري من نتناقش وتسٵلــــٓــه. وتوصل الي ڪلامه بڪل ٵمانه.
وتربط الاحداث وتناقشنــــٓــي. واني هم شوي اتعلمت من ابو همام من ڪان يريد يسمــــٓــع صوتج بدون علمج.
وهيج اتفقنا وسمعت النقاش الاخير بينهم بالتليفون.
وبنفس اليوم تفاجٵت لما اتصل بــ ٵبو شيماء وطلب منــــٓــه يحجي وياي بحضــــٓــوره هوَ،
وٵبو شيماء رحب بيــــٓــه واجانا وتعالي شوفنــــٓــي الموقف ڪلش صعب عليــــٓــه.
بس ڪلامه ڪان الحــــٓــد الفاصل وبڪل ڪلمــــٓــه گالها اثبت حبــــٓــه.
فرحت ڪلش ودعيت الهم بالسعاده.
وثاني يوم طلعنا من بغداد وڪٵنً سيارات زفــــٓــه واڪيد احنا سابقيهم وقريب منا احمد. وسيارة باسل ومناهل.
حبيب ٵمــــٓــه بحضنــــٓــي ڪان نايم واني مندمجــــٓــه اسولف وي ابوه انتبهت اله مفتح عيونه الحلوه ومبتسم.
بس گلت يروح امك انت فدواته. انطلق يڪرڪر ويناغي.
جنن مُــخلد اللي يناديه حبيب ابوه بصوت عالي وهو يناغي علك الجو. و مُــخلد يضحك ويحاجيــــٓــه وهو يزيد اول مــــٓــره صوته مناغاته عالي. وڪٵن صراخ ويڪرڪر. ڪل مره مناغاته معقوله.
وابوه يگولي رويحتي انطينياه بعد مااتحمل اسمع صوته ومااضمــــٓــه لگلبــــٓــي.
رديت مُــخلد ڪل عقلك؟؟!!!!
لافدوه استر علينا منا سياقتــــٓــك سرعــــٓــه وتريد هيمو بحضنك!!!
ولــﭻ هو باقي خيط واحد طيرتوا ابراج عــــٓــقلي انت وابنج.
وابنه يزيد. فدوه لصوته. گلت اسكت وليــــٓــدي استر علينا.
مُــخلد الظاهر بعد ما يتحمل اڪثر لدرجــــٓــة سٵلني منو يسوق سيارة اهلج؟؟
رديت ٵنس.
معناه الحيد موجود گالها وفتح تليفونه واتصل عليــــٓــه. وهو يگول راح اصف جانب اذا مو زحمــــٓــه تسوق بدالي.
الحيد رد وخايف لابي شي. وطمنــــٓــه مُــخلد. ماڪو شي.
صف السياره ويگول تعجبني سياقتــــٓــه ؏ گلبي.
رديت اڪيد لان مثلك يعشق السرعه.
وگفتنــــٓــه دخلتهم انذار وطمنهم ماڪو شي.
رجعت ليورا واخذ هيموا مني والحيد يسوق سيارتنه ابتسم من عرف السبب.
وبعده يناغي وابوه يعلمــــٓــه بابا.
ومن وصلنا نزلت ونطانياه ويوصيني فدوه بالج يمــــٓــه.
مفاجٵه حلوه لصديقــــٓــة الروح من دخلنا اني و مناهل وآن اللي فرحتها ڪلش لان ورقاء راح تڪون قريبه علينا .
و مثل ما وعدتــــٓــه افرحلــــٓــه وفرحتي اضعاف واني اشوف فــــٓــرحتهم.
يجننون غوالي الگلب. وام مصطفى طلبت اني اللي اخذ الذهب واگف لما يلبســــٓــها مثل ما وگفت وي مهــــٓــيمن وايســــٓــن.
واڪيد بعيوني الاثنين. نطيت هيمو لٵمي اللي ڪلش ڪلش فرحانه الهم.
واخذت الذهب وگفت قريب منهم حسيت نــــٓــغزه بگلبــــٓــي واني اباوع لٵمها ڪلش تذڪرني بخالتي نجلــــٓــه.
وارجع اباوع لحلقــــٓــة مصطفى اللي جابها اله اوس ومايدري بحسام جايب حلقــــٓــه قبلــــٓــه.
ان شالله يڪونون اثنينهم اخوان الها. واذا اتفقت وي اخوها اوس الله يعين مصطفى ساعتها.
ورقاء مثل مرام وطيبــــٓــه ما انكتب الها تشوف ابوها ولا تنطق ڪلمــــٓــة بابا.
وهي ما عدها بس اختها حسناء زوجة حاتم.
ربي يعوضها وان شالله خالو ابو مصطفى يڪون مقام ابوها. و مصطفى يڪون الاخ والحبيب والســــٓــند والزوج الصالح.
سرعان ما ابتسمت وقدمت الهم الحلقات
وگلت الحلقــــٓــه جايبها اوس. يعنــــٓــي يصير ٵخ لعروستنا.
من هــــٓــسه شلت همك مصطفى. يعني اوس يصير اخو ورقاء. معناها الله يعينــــٓــك ؏ مابلاك.
وين الاب الروحي ويگول هذا ابتلاء.
ضحڪــــٓــوا اثنينهم. وصارت ضحڪتنا بصوت.
و مصطفى گال خليها سڪتــــٓــه ما شفتي البارحــــٓــه محضر اوراق ويڪتب عليه شروط وتعهدات واهم شي سعر الحلقه جواه خطوط ويسٵلني شلونه نظرك؟؟؟؟
شوڪت تردهن النا. بصفتــــٓــي راح اڪون خال اطفالك .
اما اذا اتحدوا اثنينهم عليــــٓــه. نظر الها خجلت ڪلش. ما ڪمل ڪلامــــٓــه.
وامي گالت الها الذهب شي بسيط ذوقي اني وام حسام.
من تجــــٓــهزين تاخذين الذهب اللي يعجبج.
وهي ردت ڪلش حلو وڪافي مايحتاج اخذ بعد.
والمعدله تگولها هو ذهب ويسوى عدال وزنه ذهب.
وانت تختارين ؏ ذوقج ان شالله.
وما قصرت باالهلاهل. لان ٵمــــٓــه خلصتها دموع.
هيوم اختصاصــــٓــها التصوير. ومناهل ڪل شوي تضحڪها تگولها ضليتي تلعبين علينا عمــــٓــي حسين باع الطماطه بفلسين ولا مره طلعتي انت. وهسه اخذتي.
اڪو سر ورا الموضوع. لو منج اسمي ابني حسين. وقررت تسمي ورقاء ام حسين.
واني صايره مثل اوس اگول وجــــٓــه هيمو حبيبي خير عليڪم.
الحفلــــٓــه ڪانت ڪلش حلوه.
واتحدد موعد زواجهم بعد ما يڪمل هو امتحانات الفاينل.
وبعد ٵسبوع من حفلــــٓــة الخطوبه اعلنت الوزاره اسمائنا بالتعين.
واني ورقاء وميرنا ومياده ومناهل بنفس المستشفى. وثلاث ولد من دفعتنا من ضمنهم نبيل. هالولد قمــــٓــه بڪلشي ومحترم لابعد حــــٓــد.
طايره من الفــــٓــرحــــٓــه ومنتظــــٓــره مُــخلد يرجع من دوامه وابشره. رغم اتصل بس ما گلت اله.
ڪملت ڪلشي وگعدت انتظر. وشگد اكره الانتظار. احس الوقت يتوقف وما يمشي.
ماادري اني من الفــــٓــرحه ڪملت ڪلشي بــ استعجال. واول مــــٓــره اسويها.
سبحت ولبست فستان ابيض قصير قماشــــٓــه ڪيبور خيطته الي ڪرستين وڪٵن بدلــــٓــة اطفال مخصر وينزل ڪلوش وطوله ؏ گوله الماســــٓــه شبرين ونص ويلبس موده.
و هو صار يعشــــٓــق ملابسي بالون الابيض.
لبست الخلخال واضحك ؏ نفسي لما سويت حرڪات راقصــــٓــه الباليــــٓــه وهو حبيبي يكرڪر.
؏ گولــــٓــة خالك اوس شلون ٵم تتفلس ؏ الباگلا. لحد الان ما معترف بيــــٓــه.
سبحتــــٓــه حبيبي وگعدت العب وياه واغنيــــٓــله اغنيــــٓــة الروضــــٓــه هســــٓــه يجي بابا البطل.
وهو يجرجر بشعري واتصلت بتوٵم روحي اســــٓـمـعه صوته. ضحك يگول شناويه عليــــٓــه اليوم؟؟
رديت ڪل خير. تعال وشوف الخير.
بس هيمو صار يغفي ومن اجــــٓــه مثل ڪل مــــٓــره لــــٓــما يڪون هيمو صاحي نتلگاه اثنينا وهو يعبــــٓــر عن سعادته بجمــــلــــٓــة الله انزاح ڪل تعبي.
ياخذه مني وقبل لا يغير ملابســــٓــه يگعد يلاعبــــٓــه ويبوســــٓــه. يسولف وياه وڪٵنَ شخص واعي ويفهم عــــٓــليّ ياله يسبح ويبدل ومن نتغدا يبقيــــٓــه بحضنه وياڪل.
اليوم من دخل وتلگيناه ابتسم ويگول بعيونج ڪلام رويحتي. وشطالعــــٓــه مهرتي الخيلاء؟؟!!!!
گالها وهو يرفع خصلات شعري وينثرها .
نطيتــــٓــه هيمو وحسسته ماڪو شي. واگول بداخلي لايسمع اوس ويگولي مڪشوفه ماتضمين سالفــــٓــه.
اخذ هيمو بوسه وهو نايم وخلاه بڪاروڪه الموجود بالصاله. و يگول انت نيمتي متعمده لو هو ذواق وگلبــــٓــه ؏ گلب ابوه.
ابتسمت ؏ سوالفــــٓــه يگولهن بمــــٓــڪر ونيتــــٓــه باينه. اللي تقدم و حاوط خصري. وهو يگول وين وصلنا نــــٓــبض الگلب.
رديت يمك.
وهو المطلوب گالها وهو يقربني منــــٓــه اڪثر. ويبوس بهدوء ويهمس بڪلمات الغزل.
ومن حاولت اتسحب منــــٓــه بحجــــٓــة اصب الغدا گال مو جوعان. معدتي مليانه. وماتشتهــــٓــي الا عروستي وملاڪي الابيض.
شال هيمو وسبقني صعد گدامي. ومنتظرني.
حوريةٌ عربيةٌ في حسنها
در الجمال الفاتن العدنانِ
شــــٓــقراء تقتل حسن كل صبية
اخاذة فيــــٓــروزية العينــــٓــانِ
مايضــــٓــيع حقوقه سيادة الرائد نساني حتى ابشره.
سبحت ونزلت قبلــــٓــه اصب الغدا.
سحب الڪرسي گعد وهو يثني عليــــٓــه واني اقدملــــٓــه الصحون. ويبدي اعجابه بڪلماته الاعشقهن.
وگعدنا ناڪل والڪلام عادي بعدها گال اي رويحتي شوڪت تگولين؟؟
رديت ابلاها شنووو؟
گال الشي اللي مخليــــٓــج مو گادره تخفينــــٓــه وباين ؏ ڪل ملامحج. والابتسامه من الاذن للاذن.
بشــــٓــرته بس صدمــــٓــتني ردة فعــــٓــله.
حسيته انصعق وما شفت اي فــــٓــرحه ؏ ملامحــــٓــه بالعڪس حسيــــٓــته ضاج و تڪدر.
وبالگوه طلعت منــــٓــه مُـبارك دڪتوره.
ترك الاڪل ونهض يغسل وصعد وهو يگول اخاف يصحى وما نسمــــٓــع صوته .
بينما ڪل يوم ڪان حتى من يڪمل يبقى گاعد گبالي الى ان اڪمل ڪلشي ونطلع سوا.
ابتغيت اله عذر يمكن ضاج علمود هيمو راح اضطر انطــــٓــيّ حليب صناعي.
بس داخلــــٓــي نار وڪلش حــــٓــز بنفسي.
من نهض اختنگت وبعد ما گدرت اڪل شلت الاڪل ونضفت الصحون وڪملت المطبخ.
غسلت وطلعت گعدت بالصاله مالي واهس اصعد. طفــــٓــه فرحتي وين ڪنت افڪر وهســــٓــه وين.
صعدت بخطوات متثاقلــــٓــه دخلت لغرفــــٓــة المكتبه.
اڪو ڪتاب بِــــــي حڪــــٓــم واقتباسات حفظت منــــٓــه هواي.
ومن ضمنهن هالاقتباس حسيته ڪلش يمثل حالي.
ڪتبتــــٓــه بورقه ڪــ الطفلــــٓــه ڪان يستهويني جدا ٵن اڪتب وانت تصفق بدهشــــٓــه وحين توقفت انت عن الدهشــــٓــه. توقفت انا عن الڪتابه فدهشتك العفويه تلك ڪانت هي روح قــــٓــلمي.
نهايــــٓــة الورقه ڪتبت غاليتك.
صوته يناديني وصوت هيمو يبجي. اباله بعدني بالصاله. خليت الورقه ؏ المڪتب اڪيد يقراها لان مايمر يوم اذا ما يدخل الها يتصفح ڪتاب.
دخلت للغرفه اخذته منــــٓــه. وهو نزل .
رضعته وغيرت ملابسه ونام رجعته لسريره وتمددت مغمضــــٓــه عيوني بس ڪل حواسي صاحيه وشغاله. غفيت عبالك واگعــــٓــه ابير عميق. هو اني شگد غفيت وحلمت ستين حلم ومتداخلات ابعضهن ڪلشي مااتذڪر منهن غير الخربطه.
اجــــٓــه يصحيني يگول امج وٵنس يمنا. اريد اصحصح دايخــــٓــه. غيرت ملابسي ونزلت سلمت عليهم بارڪولي بفرحــــٓــه ونظري توجه اله ما منتبــــٓــه الي ڪان يسولف وي ٵنس.
حضرت ضيافه واجيت گعدت يم ٵمي اللي ڪلامها ونصايحها خلتني اشك ٵن مُــخلد هو متصــــٓــل عليها.
من گالت حلو صديقاتج المقربات وياج راح تقضين وياهن وقت حلو وتنسين التعب. واي شي يخص الدوام والمواقف حدها باب المستشفى.
شلون ڪنتي معتنيه بتفاصيلهم وادق التفاصيل. وشنو الڪلام اللي ڪان يدور بينڪم ويتجدد بجمال حبڪم.
صــــٓــح راح يڪون شوي تعب عليج بس انت گدها.
واحتمال من راح تداومين يضوج شوي او ينغث. ادري شگد غيور ومڪان عملج. بــــٓــيَّ احتكاك وي المرضى وذويهم والاطباء.
وڪملتها تنصحني وڪٵنها قاريه ڪل افڪاره.
وتطلب مني اقدر غيرته واتفهم وما ٵٵزم الامور لان اني عنيده.
ونصائح نصائح نصائح وباقي الڪلام ڪلــــٓــه خايفــــٓــه ؏ مشاعره وغيرته واني اني واني ڪررتها وگلت انت ٵمي لو ٵمــــٓــه.؟؟!!!!
واني ماما واني. هو شنو ڪان مفڪر اخذ الشهاده واعلگها بالحايط واگعد بالبيت؟؟!!
يعنــــٓــي هو الاتصل بيج؟؟
ٵمي تلمست جبيني وهو تگول ماما مسك انت مصخنه؟؟
ابتسمت وتگول ليش لحتى يتصل بيه. قابل اول مــــٓــره نجي نشوفڪم اني وٵنس؟
صاير شي؟؟؟
حسيتي ضاج؟؟
رديت تقريبا.
دافعت اله وگالت يجوز شي بدوامــــٓــه شاغلــــٓــه منو يگول ضاج لان طلع تعينج.
واگول بداخلي اڪيد لاااا ڪان شارگ حلگــــٓــه ويتغزل وڪلشي ما بــــٓــيَّ،
گالت شبيــــٓــج تتصفنين اجينا نبارك الج. وخالج بعث الج لاب ڪوت صار اڪثر من اسبوعين هو يمي منتظر اعلان الوزاره.
وٵنس محضر الج الختم. وهيومه تگول افضل حليب صناعي اله سيملاك ادﭬـــانس.
واجيت اگول لابوه بساعات دوامج تجيبوه يمنا اني اعتني بيــــٓــه ومن ترجعين من دوامج تمرون تٵخذوه.
رفعت نظري اله مــــٓــره ثانيــــٓــه يضحك ومندمج بالڪلام وي ٵنس.
وبعــــٓــدها ٵمي گالت اله عن رٵيها وهو تشڪر وبين الها شايل همــــٓــه وخايف عليــــٓــه.
وبڪل ڪلمــــٓــه نطقها اثناء النقاش يبين علــــٓــيَّ شگد ضايج والحجــــٓــه هيمو.
اترخصوا يطلعون رغم ٵصــــٓــر عليهم يبقون ؏ العشا. بس ٵتعذروا.
وبعد ما طلعــــٓــوا گال نروح لبيت جده ومن رحنا ڪلهم بارڪو وٵم مؤيد گالت اني حاسبــــٓــه حسابي لو تعينتي اني اداريــــٓــه بعيوني.
فدوه لعينها وهمَ اولاد مهند يمهم ثلاثتهم وفعلا مداريتهم بعيونها هي واروى لان الماســــٓــه نص نهارها بالجامعه بدت بدراســــٓــة الدڪتوراه رغم ابنها ڪلش صغير .
ومن رجعنا لبيتنا و؏ گولــــٓــة بيبــــٓــي بعده شمسه بالغيوم وسفــــٓــنه غراگانه بالبحر .
حييل بالغ بردة فعلــــٓــه بس راح اتحمل لخاطر الوعد اللي قطعته ؏ نفسي والا ڪان گلبتها جبهه وهواي ڪلام بداخلــــٓــي لو اناقشــــٓــه اني صاحبــــٓــة الحق.
نهض للطاوله اخذ الحاسبه. اتذڪرت ڪلام امي سحبت الحجلــــٓــه خليت هيمو بيها وقربته من ابوه.
وتوجهت للمطبخ اقطع الفاڪهــــٓــه وارتبها مثل ما هو يحبها.
حسيت بخطواته من دخل سحب الڪرسي وگعد. مالتفتت اله لما هيمو سحب فازه الورد وگلبها لان ابوه مگعده ؏ الميز. واتبلل بميها.
شلت الفازه واخذته اغيرله ملابسه ورجعت قدمت اله ٵخذ قطعــــٓــة ٵنناس يمڪن اڪلها مجاملــــٓــه.
عاشت ايدج گالها ونهض. نفس الڪلمــــٓــه يگولها ڪل يوم ويضيف الها ڪلمــــٓــة غزل ثالثه.
بس شگد فرق بين ڪل اليوم واليوم اللي صار شطوله وما عاد يخلص.
مامتعوده هيــــٓــج بساعات قليله حسيت انخلق حاجز بينا.
هواي افڪار اتضاربت ودخت و مو جاي استوعب هذا حاله وخربطــــٓــة احواله بس لان راح اداوم.
لــــٓــعد اذا داومت شلون.؟؟؟!!!!!!
وارجع لنصائح ٵمي بيدج انت.
اسلوبج انت.
لاتعظمين الامور.
لاتفسرين ؏ هواج.
ابتغيلــــٓــه عذر.
ضايج غيريله مزاجه. مو تحبيــــٓــه؟؟
مو بـــﭼـــيتي دم واتحديتي ڪل الظروف لخاطره ؟؟
لاتخلين بحياتج ڪــــٓــبوه. انت قويه واثبتيها بمواقف.
العناد انطيــــٓــه اجازه مفتوحــــٓــه. العمر نعيشــــٓــه مــــٓــره وحده. عيشــــٓــي بــحب.
وشريك هالعمــــٓــر يستحق. و وصفتــــٓــه بــ اجمل وصف.
ٵبتسمت اجمل ٵم بالڪون ڪــــٓــله.
صعدت باب غرفــــٓــة المڪتب مفتوح ڪان واگف گبال المڪتبــــٓــه وبيــــٓــده الورقه اللي ڪتبتها.
دخلت لغرفتنا حبيب گلب ٵمــــٓــه نايم بوسته. واخذت ملابسي واختاريت اللي هو يحبه . غيرت ملابسي وگفت گبال المرايا امشط شعري.
صوت تليفوني يرن بالصاله نزلت ڪانت ٵمي رديت عليها واڪيد جرعــــٓــة طاقه ايجايبه ربي مايحرمنا منج. وختمتها ضحڪتني ؏ موقف لابوي بموضوع الغيره. فدواته شگد يحبها ويغار عليها واڪيد دافعت اله وگلت حقــــٓــه.
دخلت للغرفه ڪان مطفي الاضويه ومشغل الضوا الخافت تيـﭘــلام برڪن الغرفــــٓــه.
ومنتجى ؏ التخت ومشبك ايدي خلف راسه. من دخلت فتحلي ايدي يستدعيني.
ارتميت بحضنــــٓــه وراســــٓــي ؏ گلبــــٓــه مثل ما گال اذا زعلتي مني مڪانج گــــٓــلبي اشڪيله منــــٓــي.
لايربطني بِــــــهِ إحتياج
بل يربطني بِــــــهِ نبضآ وأنفاسآ وحياة.
لحظات صــــٓــمت استمع لانفاســــٓــه ودگات گلبــــٓــه.
وبعدها گال رويحتي. وصار يفهمني موقفــــٓــه وغيرته عليه ويربطها بحبه الي وغلاتي عنده ونفس ڪلام ٵمي حرفيااا.
لدرجــــٓــة سٵلته انت اتصلت بــ ٵمي لحتى تجي وتسمعني نفس هالڪلام.؟؟؟
احتضن وجهــــٓــي بــ ايدينه اثنين ورڪز بعيوني مبتسم. گال بــــٓــعد شلون تصير النِـــعم. الحمدلله حمدا دائما لا ينقطع بدوام ملك الله.
واني ارددها وياه فعلا من ٵجمــــٓــل النعم ٵمي صديقــــٓــة روحي.
فك شوي الحمدلله وضحك. استمع لكلامه ساعات بقينا نسولف غفيت واني استمع اله.
ومن صحيت الصبح ؏ رنــــٓــة المنــــٓــبه شفت وردات الجوري اللي لونهن اصفــــٓــر ؏ الوساده. وتحتهن ورقه مڪتوب بيها.
لَآ شُيَءٌ ألَذُِّ مًِنَِ آلَعٌتٌآبًِ
تٌوٌآقَُفَُ عٌآشُقُآنِِ عٌلَيَ آرتٌِقُآبًٍ
أرآدٍآ آلَوٌصّلََ مًِنِ بًعٌدٍِ آجّتٌنِآبًِ
فُلَآ هّذِآ يََمًَلَُّ عٌتٌآبًَ هّذِآ
وٌلَآ هّذِآ يََمًَلَُّ مًنِ آلَجّوٌآبًِ!
قريتهن ابتسمت هو وينــــٓــه احتمال يغسل السياره. انتبهت هيمو ماڪو بسريره.
نزلت والوردات بيدي اشمهن واستنشق عبيرهن. مشغل المباخر بــ الصاله.
اسمــــٓــعه حبيب امه فدوه لصوتك ٵمي.
طليت فارش بالحديقه والحمامات حواليه وحده بين ايديه متعارك وياها وابوه يضحك.
ٵباوع الهم مبتسمــــٓــه انتبــــٓــه الي يگولي شوفي الراحه النفسيه من الصبح.
صبحت علــــٓــيَّ فتحلي ايده وضمني و رد انتو الخير بڪل صباح.
الله يديم الخير علينا و؏ عباده جميعا.
باشرت الحمدلله واڪيد ڪلشي بدايتــــٓــه صعبه. تعب تعب مو طبيعي. وهو اني شلوني بطيئــــٓــه.
وهو ومزاجــــٓــه البرتقالي لما نطلع الصبح العطر اللي يستخدمــــٓــه يتعمد يرشلي منــــٓــه.
ومن رجعنا للبيت العــــٓــصر اجتنا الماســــٓــه نطتني مجموعه علاليك گالت والرب ڪلهن مارڪات.
فتحتهن حجابات ساده ومشجر والوان واشڪال.
عرفت هو موصيها ومتوقعــــٓــه هالشي. وهي ما مقصره حاسبه حساب لڪل الملابس والوانهن.
وبعد اڪثر من شهر الحمدلله مطمئنــــٓــه من ناحيــــٓــة هيمو الحليب ڪلش ملائمــــٓــه.
وٵمي بدت تنطي ڪل يوم عصير تمره. وگالت نهايــــٓــة هالشهر تبدي تنطي عصير جزر وشوربات.
وبدوامي وجود صديقاتي راحــــٓــه نفسيه تخفف التعب وما يخلــــٓــى من مواقف طريفه مباشراً اتذڪر اوس. ومواقف حزينه وغيرها من المواقف.
وبوجود ورقاء ومناهل يامڪثر المواقف الطريفه.
مناهل ڪلش مرتاحــــٓــه وتمدح عيالها وارتاحت اڪثر بعد ما صار دوام باسل ابغداد. وبدا بدراســــٓــة الارڪان.
ومرت الايام وشفت الغيــــٓــره ؏ اصولها الغيــــٓــره بڪل معانيها. بس مو مثل اليوم اللي ڪملت تواجدي وهو اتصل جايني بالطريق.
والطبيب المختص طلبنا احنا مجموعه بالردهه ويسالنــــٓــه عن حالــــٓــة مريض.
ڪنت اني وصديقاتي بالڪروب واثنين بنات مامتعرفه عليهن واثنين ولد ونبيل اللي من دفعتنا.
الطبيب المختص يسٵل واحنا نجاوب وڪلنا جاوبنا مــــٓــره وحده. ومياده اڪثر وحده جاوبت. وبعدها صار هو يشرح.
بــ اثناء الشرح مياده لمست ڪف ايدي مافهمت عليها. ڪانت ؏ يميني تحولت ؏ يساري. ورجع الدڪتور يسٵل.
رن تليفوني يجيب الاﭖ ڪوت. استٵذنت منــــٓــه ابتعدت شوي حتى ارد گلت بالردهه والدڪتور يشرح.
من گال ادري والاثول اللي گبالج مايباوع للدڪتور اللي يشرح لو الشرح بعيونج.؟؟!!!!
شلون يريدني افگسله عيونه.؟؟
التفتت لباب الردهه واڪف. والڪتاب باين من عنوانه.
استٵذنت اطلع والدڪتور گال ڪملنا. وطلعن البنات وياي. مناهل گالت ولج صارله عشر دقايق واگف عبالي تدرين.
ورقاء تگول اللهم ثبنها عند السؤال.
مياده تگول حقــــٓــة يگول عليــــٓــه اثول صدگ صافن عليج. ماتشوفين نبهتج و غيرت مڪاني حتى ماتصيرين گباله وهو عينــــٓــه صلفــــٓــه بس ڪون ما يعوقه سيادة الرائد .
البنات سلمن ؏ مُــــخلـــد وطلعنا. وڪمل ڪلامــــٓــه بالسياره. واني احاول افهمــــٓــه صرت اسولف عن حالــــٓــة المريض وشــــٓــرح الدڪتور. وهو جاوب الدڪتور عن حاله ومن واحد منا يجاوب ڪلنا ننتبــــٓــه اله.
يگول شنو تشڪڪيني بنفسي ترا ما بينا الا امتار.
بس انت ما جاوبتي ولانطقتي حرف من ڪنت واڪف.
اي صح انتبهت من احد يجاوب تنتبهون اله. بس هو ما ڪان منتبه الا الج ومرڪز ڪلش.
ليش الولد الثاني ونبيل عينهم ؏ الدڪتور. الا هو.
سڪتت لان من اجاوب وابرر يزيد. خليــــٓــه يهدء افضل.
بس گلت والرب ما ٵنتبهت اله ولاشفته مرڪز بيه مثل ماتگول لان اني گايلتها سابقا اني مااشوف رجل الا انت.
واني اعرف شلون اخلــــٓــي حدود بيني وبين الڪل مثل ما خليتها سابقا. واني مو ؏ ذمتك.
فما بالك هســــٓــه شلون راح تڪون الحدود واني مُــــلك الذيب؟؟!!!!
گلتها ولمست ڪف ايده اطمنــــٓــه واهديــــٓــه.
حسيتــــٓــه شوي هدٵ بس بعده يستنشق بقوه ويستغفر.
واني حسسته صدعت وبعد ما اتحمل كلام اكثر.
قربنا نوصل لبيت اهلي حتى ناخذ هيمو و قبل لا افتح باب السياره وانزل كالي ياريت تستعجلين.
گلت بداخلي قابل ما اعرفك لو ما اعرف طبعك عيشتك مستعجل هزيت راسي بأي ودخلت.
تلكتني امي سلمت عليها وسٵلتها وينه حبيبي؟؟
كالت نايم وطلبت انادي الافندي نتغده غداها حاضر ولحت تگول تعبانين اڪيد.
فهمتها مستعجل ما تنطي بي ابد گالت اي حقه.
والظاهر اتاخرت عليــــٓــه نزل سلم ؏ ٵمي وگال ياله.
رن تليفونه ڪان احمد رد علــــٓــيّ وگالي راح يطلع ليم ٵحمد.
وٵمي تگول حاسبه حسابڪم وتوقعت تجون مستعجلين حضرت الڪم تاخذي تتغدون ابيتڪم. تدري بهذا الشي من سابع المستحيلات.
تقربت منها كلت هو هسه طايره ابراج عقله ترديني اشيل غده من بيتكم!!!!
دائماً يگولها باقي اخر خيط حتى هذا اخر خيط ينكطع والله اليستر.
وهمات دافعتله تگولي شمسويه خاتونه؟؟
من كالتها حرت شنو اجاوبها شسويت ماما مثلا شتتوقعين سويت أنًـي؟؟
ضحكت لمــــٓــا گلت انت صرتي خبــــٓــره وفاهمــــٓــه ڪلش زين شخصيته ،
بس أنــي بعدني بــ اول الطريق وتعبت والرب ويمين عليــــٓــه ما اخلي يصير مثل ابوي. لاتطاق الغيره مالتهم.
كالت وينه خالج ابو الحسن خلي يجي يشوف اللي دائماً يكول لمحمد الحمدلله من اجه اليشبهك.
وابوج يرد عَــلــــٓــيّ نسيبك ونسيبي.
والله يا امي هذا اكثر من ابوج ابوج اهون صحيح عنده مواضيع يبالغ بيها. ابوكم مايتناقش ڪلش.
مااتٵخر وي احمد الظاهر واگفين بالباب اتصل يستعجلني.
اخذت ابني ڪان نايم وطلعنا ما احس بالطريق من بيت اهلي لبيتنا اذا ماكو ازدحامات ماشاءالله متعود عالسرعه ومايكدر يتركها واني تعودت عليها.
صرت استغرب مرات من يجي انس ياخذني احس السياره واكفه بالشارع سياقته هادئه اما الياس لا مايختلف عنه كلش نفس السياقه اثنيناتهم.
من وصلنا للبيت صار يبرر غيرته عليه والهوسه السواها اول مصعدت للسياره.
وبعدها گال قسما بذات الله من وعيت للدنيا لـــ مراهقتي لهذا يومي مايوم تبعت النظره بنظره وما رڪزت بنظري لمخلوقــــٓــه.
وما نظرت الا لعيونج وبڪل مــــٓــره اشوفج بيها استغفر ربي واتصدق. لان نظرتي ڪانت شوگ ولهــــٓــفــه ومااملي عيوني منهن بس الما ارضاه لنفسي ماارضاه لغيري.
وهذا واحد من الاسباب اللي خلاني ٵصــــٓــر اتقدملج وانت بالمرحلــــٓــه الاولى بالجامعــــٓــه.
ردت نظراتي الج ماتڪون حرام عليه. بس حالت بينا الظروف والحمدلله ختامها مسك وصرتي ملڪي.
اما السنوات القبلها. مسحت دموعج وشلتج بين ايديه بوست اصابعج اصبع اصبع.
من ادخل بغداد مباشراً تحتلين افڪاري اتلــــٓــهف شوڪت اوصل لحتى اشوف اجمل ما شافت عيني.
امووت ؏ شخصيتج واسلوبج بالڪلام.
واتفائل ويصيبي ڪل الخير بشوفتج.سواء من ناحيــــٓــة الرزق وشغلــــٓــي بالمعارض والراحــــٓــه النفسيه.
ويومي يڪون مُــختلف تماما.
وڪـٵنج جُـــزء منــــٓــي وشي يخصني وڪلش مهم.
بــــٓــس.!!!
قــــٓــسماً بذات الله وڪل حــــٓــرف بڪتابه المُــعجــــٓــز ماڪان يتبادر لذهنــــٓــي ولو لمجــــٓــرد فڪره انت اللي راح تڪونين حوائي.
او انت اللي راح تڪونين كُلــــٓــي ومعشوقــــٓــة المُتـــيم.
وگايلها الج مليون مــــٓــره من زعلتي وڪلمتج الوحده مالها ثاني شسويتي بحالي.
شلون سنين ما ناسي حرف من تفاصيلهن.
مااجملها ترتيبات القدر. من اجمل نعم ربي. اني اعرف معشوقتــــٓــي من صغرها. واحسها تربت ؏ ٵيدي. لدرجــــٓــة صرت اشوف ڪم تشابه بينا اشبهج بصفاتي وتشبهيني.
اعترف غيرتي عليج لاتُطاق وانت بڪل تصرف تڪونين. مثل ما گــــٓــلبي يحب ويريد. وٵڪثر.
شفتها فرصــــٓــه بااعترافه هذا و مستحيل اقبل بهذا الوضع لازم احط حد. بديت اناقشه.
واگول اذا تعتبرون هذا الشي حب. فــ الحب اللي يزود عن حده مؤذي اذا انت دائماً تشبهني بالورده واكو نوع من الورد يموت بكثرة الماء واني هذا الشي ما اتحمله.
ورجعت احجي عن بيبيتي اللي من تمرضت نذرتلي عيونها. وتمنت يندار وجعــــٓــي بيها. اسم الله عليها.
روحها من الدنيا اني و حبها الي يفوق الوصف بس عدها تصرفات ڪانت ماذيتني بيها حيل.
و دائماً استنجد بالياس منها لان هي ڪانت تاخذ خاطره اكثر مما تاخذ خاطر ابوي.
يعني على جرح بسيط صار بطرف حاجبي بداية شهر الخامس أنــــٓـــي هذا الشهر كله والشهر السادس و لحد 14/7لما حضرت التخرج مالتك و لخاطر هيام واحمد يعني تخيل شهرين ونص أنًٌـي ماشايفه باب البيت وحتى لخوالي ما واصله.
وهاي اللي يكولون عني مدلله حتى الفروسيه والمزرعه اللي هي راحتي النفسيه ڪان الياس يحاول وياها ويتوسل تكول ابد. حلفت يمين وتخيل واربط بمواقفك انت اذا تعتبره حب واذا تعتبره عشق ما اريده يفوق حده اريد شي يكفيني مو اكثر.
كلشي منك احبه وانت ماعندك شك بهالشي فدوه لا تربطلي الغيره الزايده بالحب كل مره تبرر غيرتك الزايده حب.
لا تحبني ذاك الحب القوي أنًــــٓــي كلش قنوعه حبني ؏ گدي يكفيني.
ولتربطلي الغيره بالجمال لانه الانسان اذا حب انسان يشوفه قمــــٓــة الجمال. يشوفه خالي من العيوب وحتى سلبياته يشوفها ايجابيات.
مو شرط اللي انتو تشوفوه حلو وكلش حلو بعيونكم. الناس تشوفه مثل ما انتو تشوفوه.
كل انسان واله نظره، يعني النظره اللي انت تشوفني بيها لان اللي بينا حب روحي ومن بعد معاناه اتوج بزواج وثمره.
اما غيــــٓــرك ما يشوفني بنفس نظرتك.
تدري بدال هالعصبيه والنرفزه وكدرت خاطرك واعصابك مو گادر تسيطر عليها.
وكدرت خاطري ڪنت تكدر باسلوب بسيط تكولها الي.
حلفتلك بالرب أني ما منتبهه اله ولاشفته مركز بيــــٓــه.
ڪنت تكدر تكول هذا اللي كبالج كلش صافن ومركز بيج بتصرف بسيط مني اعرف شلون احطله حد واخلي بحياته بعد ما يباوع لناحيتي بنظره وحده.
و انت اكثر واحد فاهم ومتفهم و مثقف واعي وشايف المفروض تعرف طبيعه المستشفى والطوارئ والردهات وهاي الامور كلها.
يعني ليش دائماً من ينصحون وحده اخذي انسان فاهم واعي يتفهمج.
.
ياريت تتفهمني، حاسبني على ذنب اقترفته حاسبني على تصرف اخطأت بي.
يمكن ذاك الوكت مباشراً انتبه لنفسي واصحح خطأي اذا كنت مذنبه راح اراجع نفسي مية الف مره بالشي الاني اتصرفته.
بس انت من تجي تحاسبني على انسان نظرلي وحلفتلك ما منتبهه ينظرلي وتتعصب وتكدر خاطرك وخاطري.
شنو الٵگدر اسوي مثلا؟؟!!!
وغير هالتصرف مئات اذا ٵعدلك يحتاجلــــٓــي ايام مااخلص عــــٓــد .
ياريت تراجع نفسك وحتى اذا هالشي طبع بيك وتشوف نفسك صعب تغيره ياريت تغيره لخاطري.
وانت نفسك كلتها انت هوايه اشياء غيرتيها لخاطري وتصرفاتج ڪانت مثل ما كٓٓلٍٰــــبْْي يحب ويريد.
مراح اطلب منك المستحيل ياريت شويه تهونها. وانت تعرف طبيعــــٓــة دوامي، ملاحظ نفسك قبل الخفاره بيوم سفنك غرگانه بالخليج وبعدها بيوم شرڪاتك خسرانه وشمس بالغيوم.
ڪان يستمع الي ومن ڪملت ضحك ؏ عبارتي الاخيره والتشبيه.
واكيد عنده اسلوب بــــٓــعد غضبه وعصبيته و بــــٓــعد ما يحولي گــــٓــلبي لليمين ويتعبني يرجع الگلب لمكانه ويرتبله نبضاته هذا ختام ڪل نقاش.
والايام البعدها فعلا رڪزت هواي بوضع حدود بيني وبين الڪل.
وفهمت مــــٓــدى حكمــــٓــة ٵمي لما گالت اي شي يصــــٓــير بالدوام حــــٓــده باب المستشفى وينتهي.
لاتسولفين اي شي من اللي يصير وياج بالدوام. ونصايحها شنو اسوي بالبيت.
ومن سولفت لصديقاتي عن نصايح ٵمي. البنات يگولون لــــٓــعد شگد تحب نسيبها وتخاف علــــٓــيَّ لايرتڪب جريمــــٓــه.
ورقاء ڪملتها تسٵلنــــٓــي البارحــــٓــه سمعتي المڪالمــــٓــه المشترڪه بينهم الثلاثي.
رديت سمعتــــٓــه يضحك وادري المڪالمــــٓــه بينــــٓــه وبين احمد وحاتم بس ڪنت ملتهيــــٓــه وي هيمو.
ورقاء گالت يدرون شنو غيرته عليج. والبارحــــٓــه يسٵلون تندمت لان حولت من الطب للصيدله؟؟
وحاتم واحمد من يتفقون لعبوا لعب.
طبعا سمعتــــٓــه يضحك وبصوت وادري من يڪون الڪلام وياهم ينطلق ڪلش بس ماادري هذا موضوعهم.
واجمل ما بالدوام لما اسمــــٓــع مصطفى يتصل ؏ ورقاء ويسٵل عنها. او هي تتصل لاااا هنا مناهل تلعب بــ احوالها.
ومااجملــــٓــه من اتصل يذڪرها اليوم عازم دفعـتـــٓــه علمود الخطوبه ومستٵذن من حاتم حتى تحضر هي وياه بجامعتهم.
وحاتم موافق واتصل بيها بعده وگالها تروح وي مصطفى وهو ڪلــــٓــه ثقــــٓــه بيها.
شنو فــــٓــرحتي لما اجــــٓــه اخذها من المستشفى. دعيت من ڪل گــــٓــلبي ربي يسعدهم.
ڪلش متلائمين مااحلاهم صديقــــٓــي الصدوق وابن خالي واخوي وسندي . وصديقــــٓــة روحي االاخت والصديقه وڪاتمــــٓــة اسراري.
وثاني يوم سولفت النا بفــــٓــرحه عنــــٓــه وعن احتفاليتــــٓــه بخطوبتهم گالت ترتيب يجنن والاجمل ڪلشي ڪان اختياره. والڪيكه ابداع ڪرستين عليها اسمائنا.
وهديه محبس يجنن. خجلت وهي تسولف من گالت هو لبســــٓــه الي.
وڪلامه وياها لما راحوا ولما مرجعها لبيت حاتم ونازل مسلم وباقي شوي ياله راجع.
ممتليه فــــٓــرح الهم واگول بداخلــــٓــي الحمدلله ڪلشــــٓــي صار بحڪمــــٓــه وما يصح الا الصحيح.
الحمدلله ما ٵملتــــٓــه ولابادلتــــٓــه ولاترڪتــــٓــه يعيش الحب وياي.
وهاي النتيجــــٓــه. يستحقها وتستحقــــٓــه ومتاڪده راح يعيش وياها اجمل ايامــــٓــه واني اشوف ڪلامها عنــــٓــه تحبــــٓــه الحب اللي يستحقــــٓــه .
ومناهل لعبت بيها لعب وتسٵلها تندمتي لان شلعتي گــــٓــلبـــه وشهور ياله رديتي الموافقــــٓــه.؟؟!!!
وبعدها صار عــــٓــقد المـحڪمــــٓــه وبهذا اليوم فرحتــــٓــي ڪانت الاڪبر واني اشوفهم لما ڪملوا التحاليل بالمستشفى. وطلعوا للمحڪمــــٓــه. وياهم اخوالي وجدي.
واليوم ڪانت وليمــــٓــه واامها واهل دڪتور حاتم موجودين. وحضرنا احنا ومناهل وزوجها وعيالها.
وهاليوم مو اول دخول لــ ورقاء لبيت الحجي.
بس هاليوم دخلت وهي زوجــــٓــة مصطفى شرعا وقانونا.
وبعد الوليمــــٓــه ولمــــٓــتنا بالصاله ابيت جدي والڪلام عن تجهيز بيتهم.
ورقاء ونظرها لاختها اللي مندمجه بڪلامها وي هيوم. وبعدين انتبهت الها گالت لــ ورقاء اي عادي گولي الحبايب مابيها شي.
گالت ورقاء رٵيها تسڪن وي عيالها واني ايدت رٵيها هم عيلــــٓــه صغيره وهو ڪبيرهم.
زوجات اخوالي گالن هو شنو بعده عن بيت عيالها ڪم متر. واحنا ڪلنا لمتنا هنا بس مبيتنا ببيوتنا.
وهي هم بنتنا وراح تصير وحده منا. وڪل ماتزيد لمتنا تصير احلى. وبعد النقاش گالن اللي تشوفيــــٓــه.
وخالتي ام مصطفى فرحت برٵيها. ما بقه ؏ عرسهم الااسابيع ويردن يڪملن تجهيز.
والايام البعدها هو انشغل بــ امتحانات الفاينل.
وهي تتشاقه وي مناهل تگول بالي يمه شلون جوابه ومناهل تستلمها.
واتصلت زينــــٓــه تبشرني اسمى جابت بنوته وبعثت الي صورتها تجنن حبيبتي. سٵلتها عن اسمى گالت الحمدلله زينه ورجعنا من المستشفى للبيت.
بارڪت الها وسولفت وي اسمى اللي ڪانت فرحانه وتحسب ان يڪون عمر بنوتتها ؏ الاقل شهر من اليوم للعرس ربي يديم فرحتها.
وڪلنا ندري شگد غالي عدها مصطفى وتحب تشارك بفرحتــــٓــه.
وبعد ما ڪمل مصطفى امتحانات. والحسن ڪمل امتحانات السادس العلمي.
واثنينهم الحمدلله ماينخاف عليهم واڪيد جوابهم عال العال.
و بعد اسبوعين اتحدد موعد الحنه والعرس اثنين وخميس.
وبحڪم المسافه من رحنا للحنه بتنا وثاني يوم ياله رجعنا.
وعدد الحضور ماشالله الامه العربيه ڪلها. بعد هذا اول فرحــــٓــة سامي والنسمــــٓــه الهاديه لبيت الحجي. دڪتور المستقبل مصطفى.
حفلــــٓــه الحنــــٓــه ڪلش حلوه وهي تجنن طالعه.
واڪيد حضرنا اني ومناهل وآن. وباليل صارت التعلوله احلى.
اجاني ياسر يگول عمو مُـــخلــد يريد هيمو مشتاگ اله.
هيوم طلعت وياه گالت واڪفين الثلاثي ينتظرونه.واڪثر من ساعه ياله جابه يغفي.
ثاني يوم رجعنا لبغداد والاستعداد لحفلــــٓــه العرس يوم الخميس.
والحلو سهلو الامر والزفــــٓــه من بيت حاتم اللي ابغداد.
عرس حفيد الحجي وخالو ارشد موجود وڪل اهلنــــٓــه وناسنــــٓــه والمحبين. شلون راح يڪون هالعرس.
واللي قبلــــٓــه بيوم صارت الحنــــٓــه مالته.
الحفلــــٓــه تجنن تجنن بوجود ابو هيا وهوشيار وعبدلله ابن جدو إياد. هالثلاثه احييوا الحفلــــٓــه ؏ الاخر.
وصوت الطبل والزرنايه ينطي حماس اڪثر.
تمنيت وجودها صورت وحولت الها. تگول لو ادري هيج ڪان اجيت متخفيه. صوري بعد فدوه.
واني مستمره اصور واحول ماعندي شي. لان حبيب ٵمه ڪان عند ابوه اللي تعلقــــٓــه بيه يفوق الوصف. صورتهم شلون معلك برگبــــٓــة ابوه وٵنس واحمد يمه. ڪل شوي واحد منهم ياخذه.
وبعدما خلصت الحفلــــٓــه رجعنا لبيتنا.
وثاني يوم العرس. وياجمالها صديقــــٓــة روحي بالبدلــــٓــه البيضه وياجماله دڪتورنا. اللي دخل بــ اجمل طلــــٓــه بين ابوه واعمامــــٓــه واجداده.
استلمها من ايد اعمامها وحارث وحاتم اللي ڪانوا الاقرب الها.
وهم اللي وصــــٓــوه بيها وهو يگول بعيوني الاثنين.
زفــــٓــه من بيت حاتم للقاعه والحفلــــٓــه واجوائها. وقبل المغرب رجعنا لبيت جدي وليمــــٓــه العشا والحفلــــٓــه اللي صارت بالليل اجمل من حفلــــٓــة القاعه باعترافها هي عروستنا الجميله .
واجمــــٓــل من حفلــــٓــة حنــــٓــة البارحــــٓــه بــ اعتراف الڪل. طبل وزرنايه. ويايمه انطيني الدربيل والاغاني الجميلــــٓــه.
اللي يبدع ابوهيا بالجوبي ؏ انغامها. واليوم ايده بــ ايده ابوي. فدواتهم شلون اثنين.
وگبالهم عبدلله ابن جدو إياد .
ويڪمل الجوبي بالبقيه الاب الروحي وحسام واخواني.
وفرحــــٓــة ابوه مالها وصــــٓــف ربي يديمها عليهم.
وبعدها اغاني ڪرديه وخاله خلود تگول لامي اريد اتعلم شنو رٵيج. واريد تتوسطين يم خالج من ياخذ ٵمي اني وياها لان اني بنتها الوحيده.
وٵمي تگولها وابو غياث وعمي إياد؟؟!!!!
وخاله خلود تگول لا ثبتنا ؏ خالج اريد اعيش الباقي من عمري بالاقليم.
ومستمــــٓــره سلسله ايامنا الحلوه الڪل ناجحين وبتقديرات عاليه.
والحسن و معدله العالي اللي يٵهلــــٓــه لدخول الطب.
وصلنا بفرحتنا لــ وسن.
وسن اللي ڪل ما نتقدم من موعد زوجها تشيل هم فراگ اهلها.
والڪل شايلين هم فراڪها بس مو مثل خالتي نجله اللي ربتها وهي صغيره ورجعت لحضنها من يوم حنــــٓــة مرام وحتى بعد زواج اسمى ما رجعت لاهلها تگول عدهم اولاد حسام مالين عليهم البيت.
شلون امي نجله تبقى بوحدها. ماتنام الا بحضنها وتسولف الها يومها بالڪامل. ومتعلقــــٓــه بيها ڪلش.
وشايله همها اڪثر من الڪل. رغم نور متحضره وتگول اني اعيش يم امي نجله. وام الحسن راضيه وتگول فدوه لبنتي الحنينه.
ڪملت وسن تجهيز عرسها وتوصيات ونصائح من الڪل.يوصوها بعيالها.
بس وصيــــٓــة جدو عبدلله ڪانت مؤثره لدرجة نزلت دموعها. وهو يوصفها بــ اجمل وصف. وهي اللي راح تعڪس تربية الحجي وابنه. بديرة غُرب وتصون عيالها.
وصاها بالشيخ اللي هو صديق عمــــٓــره. اللي يفتخر بصداقتــــٓــه وصار يعد موافقه الحلوه. واول فرحته مازن اجــــٓــاه بعد اربعه وعشرين سنه انتظار.
وصاها بزوجات الشيخ قبل لايوصيها بــ ام مازن.
وصايا ونصايح وهي گباله تگول ان شالله جدي ڪل ڪلمــــٓــه اطبقها بالحــــٓــرف الواحد .
واني استمع اله واگول ٵمي ؏ منو طالعه.
وجدو يشبهها بــ امي يگولها انت نسخــــٓــة عمتج المها وامج ٵم حسام شمعــــٓــة بيتنا وعين الگلاده.
واخر شي وصاها بــ مازن اللي اختارها وصار اڪثر من خمس سنوات ؏ خطوبتهم.
حُبــــٓــه الها يفوق الوصف بڪل لمــــٓــة النــــٓــه نتبادل المواضيع وهي تسولف عنــــٓــه والمواقف اللي تدل ؏ مدى حبه الها.
وهو واهلــــٓــه حاضرين بڪل مناسبات اهلنا.
والماســــٓــه تگول صرت ؏ يقين تام عشگ اهل الجنوب لاقبــــٓــله ولابعده. يمڪن جدهم قيس بن الملوح.
حفلــــٓــه حنتها ڪانت مثل ڪل حفلــــٓــه لبناتنا يهتمون بيها الڪل ؏ الاخر.
وصديقــــٓــة روحي ورقاء مااجملها ڪلش مندمجــــٓــه وي الحبايب وحده منهن وڪٵنما صار الها سنين وياهن.
ونور لساتها تعيرني. صديقتي ابيت جدها وعروستين اجن لاهلي الا اني ترڪت بيت اهلي.
بس اللي ڪلش اتٵثرت بِــيّ بهذا اليوم حال حسام صعب صعب لابعد حد.
وثاني يوم الزفه صارت الصبح وقبلها ڪلهم گالوا ممنوع وحده تبجي ادعولها بالسعاده.
وهي طلبت امي وخالتي نجله يروحن وياها.
والماســــٓــه ويبعدهم مايفوتهم العرس اڪيد.وهيام ومرام.
آيه من الجمال طالعــــٓــه بسم الله ماشالله.
اتسلمت من ايد جدي لايد صديق عمره الوفي. وهو يتشڪر منه ويگول هاي ٵمنيــــٓــه وربي حققها.
من سنين گبل لا الله يرزقني الذريه دعيت ربي ما يحرمني صحبتك و تمنيتها تدوم ولايفرقنا.
وربك ڪريم رزقني بالضنا وحققلي امنيتي بالقرب منك وصارت رابطتنا اقوى.
اليوم اللي تڪرمت و وافقت ؏ طلبنا وحفيدتك اتسمت بــ اسم ابني. وهذا اليوم. فرحتي اڪبر من اليوم اللي الله جل وعلا اڪرمني بالولد.
اشيلها بعيوني واحافظ عليها. هذا غاليه بغلاه روحي وغلاها من غلاتك. وانت تدري شگد غالي عندي.
هدوء واحنا نسمع هالعبارات و رد جدو عبـدلله علــــٓــيَّ ،
واتسلمت بيد الانسان اللي ٵختارها ويستاهلها.
ودعناها الڪل متمنين الهم السعاده. وحسام اخر واحد سلم عليها. وهو مبتسم ومن دنگت رفع راسها وباسها بحبينها.
وسلم ؏ مازن والڪلام بينهم همس اڪيد يوصي بيها.
ومن سلموا وطلعوا متوڪلين للبصره. جدو عبدلله ٵشر لام حسام اتقربت منه يگولها شمعــــٓــة بيتي مااريد اشوف دموعها.
واني من يمي نزلت دموعي وهو يوصفها. الاصيلــــٓــه ورفعــــٓــة الراس ام حسام ومن گال ام حسام. رايه وعلم عالي.
وبعــــٓــد سلسلــــٓــه هالايام الحلوه اللي تتخــــٓــلد بالذاكره شنو المڪتوب النا؟؟!!!
يتبــــٓــع ـــ
وئام الشيخلي،،،،،، 💞