في ضريح العشق حمامه,,,,,
وئام الشيخلي,,,,,,
ڪـ باقة ورد نحـن
نختلف في الألـوان و العطـور
و نختلف في اللّهـجة و الأوطـان
لكن تجمـعنا "المشـاعر الإنسـانية
مساء الورد.
ــــــــــــــ
شلون الغوالي
مشهد واغلفه
وبيومها تٵجل النقاش بالموضوع.
وهي من اجتنه بعد ما رجعوا عيالي للبــــٓــصره. گالت لــ مُــخلد احجيلك بصراحــــٓــه وانت حقاني وتحڪم بالعــــٓــدل.
بگــــٓــد مااحب رعد ومقتعــــٓــه بيــــٓــه وبڪل صفاته.
بگــــٓــد ما موضوع جدك ومسبتــــٓــه لجدي واعمامي مسسبلي ڪابوس. ومااستبعدها اسويلي ڪارثه بجدك واخرب حياتي.
ضحك بصوت وبعدين تناقش هو وياها بهدوء وفسح الها المجال تاخذ وقتها بالتفڪير اڪثر.
واللي فهمتــــٓــه منها بعدين ڪلش تحبــــٓــه. وسالت مُــخلد تگول تتوقعــــٓــه زعل؟؟؟رد عليها لاااا. مازعل بــ العڪس صراحتج حلوه.
مسك ـــ
أحتار بين نصفي الذي يحبك . .
وكلي الذي يعشقك . .
ضاعت تقاسيم الهوى بداخلي . .
فــ أصبح كلي ونصفي في هواك مُـــتيم . .
أنت في كل الزوايا وفي المرايا . .
مغروس بداخلي كأنك النبض . .
أما بعد ....
لو رأيت مآ أحمله لڪ في قلبي
لـــ تمنيتَ أن تعانقني حتى الموت.
من بــــٓــعد الظروف المرت والحادث اللي تعرضت اله واللي سبــــٓــقه غدرة مُـــخلــد والظروف اللي خلتني اوصــــٓــل لاقصــــٓــى حالات التعب.
ڪنت محتاجــــٓــه انفض ٵلالم واتقــــٓــوى واڪون اقوى من ڪل وجع وغــــٓــدر وظرف اصابني.
من اني طفلــــٓــه ڪنت اڪره الضعف ومااحب اڪون ضعيفــــٓــه لڪن الظروف اللي مرت بيــــٓــه مو هيــــٓــنه ابد.
نسيت وتناسيت ڪل اللي مر بيــــٓــه ومن يتبادر لذهنــــٓــي مباشراً امحي من تفڪيره وافڪر بشي ثاني.
والفضل لله سبحانه وتعالى واهلي وناســــٓــي اللي حواليــــٓــه.
بــ اخر ايام امتحانات الفاينل بين التعب النفســــٓــي والقلق من الامتحان وبين ٵلم بــ اسفل بطني. حسيت بوجود جنين رغم ما ڪانت عندي اي اعراض.
واني من طلعت من المستشفى ترڪت ڪل علاج الا الفولك اسيد. ومرات انساه. صرت اخذه بــ انتظام وما خبرت احــــٓــد. منتظــــٓــره اتاڪد.
وهو رغم حزنــــٓــه من سقــــٓــطت بس من شاف تعبــــٓــي وحالتي گال صرت ٵٵومن بحڪمتين الاولى في العجلــــٓــه ندامه.
والثانيه من تعــــٓــجل بالشي قبل ٵوانه عوقب بحرمانه.
ما همنــــٓــي الا صحتج وراحتــــٓــج والباقي ربج يسهلــــٓــه.
اجل الموضوع ويگول نهائي ماافڪر بيــــٓــه اذا ماشوفج بصحــــٓــه وعافيه واحسن حال.
اما جداتي وخالتي وام همام ڪانن يحسبن يوم يوم وسٵلنــــٓــي ڪل وحده بطريقتها الخاصــــٓــه بعد اربعين يوم من الحادث والاسقاط.
اجتج بعد الاربعين ويسمنها مــــٓــرد الاربعين؟؟؟
واستغفرالله اني رديت اي. والصراحــــٓــه حالي ڪان بعد الاربعين يوم. ڪل اعراض الشهريه عندي وٵلالم فضيع لدرجــــٓــه اخذت احتياطاتي ٵن فعلا راح تنزل.
ومن بعد اسبوع اتاڪدت اڪثر وهمات ما خبــــٓــرت احد ولا حتى توٵم روحي ولا ٵمي.
بس صرت اعتني بصحتي وغذائي ڪلش. وهذا اهم سبب خلاني ما احضر حنــــٓــة لُــجين بالدوز وڪان مُـــخلــد يتحجج بعدج تعبانه وبعدج ما صحصحتي واني رديت فعلا ڪلش تعبانه.
وفرح لما رحت وياهم. رغم بعد ما راحوا اهلــــٓــي هو تندم ويسٵلنــــٓــي. يمڪن ڪان بنفسج تروحين واني منعتج.؟؟
رديت لا فعلا ڪلامك وما عندي طاقه اصعد سياره وهذا الطريق الطويل وارجع ثاني يوم لــمجرد التفڪير ادوخ .
مااعرف شنو هالشعور اللي بداخلــــٓــي مااعرف اوصفــــٓــه بحيث احسب حساب للخطوه الاخطيها هو اني بطيئــــٓــه صرت ابطٵ.
وحتى غرفتي لنهايــــٓــة يومي اصعد الها اغلب وقتي بالصاله والحديقــــٓــه ومن ڪلش اشتاگ لحماماتي لاااا هنا الامر مختلف. شوگي ياخذني الهن.
واضحك بداخلي ؏ نفسي صايره مثل بيبي اخاف.
والعــــٓــجز ودعتــــٓــه اذا اجوع شوي مباشراً افڪر شنو الاڪل الصحي اللي يلائم الجنين بالاشهر الاولى.
ومنتظــــٓــره اليوم اللي اتاڪد وابــــٓــشره وڪلي لهــــٓــفه اشوف ردة فعلــــٓــه وهو ڪان متمنــــٓــي يڪون اول يوم لقائاتنا وبدايــــٓــة العُــــمر ذكرى جديده.
ورغم صرت متاڪده اڪثر واني الاحظ زيادة وزني. وڪل اللي شافوني بحنــــٓــة وعرس الولد گالو زايد وزنج ولايگ الج.
بس ماعندي اعراض الحمل المعتاده من الدوخــــٓــه ولعبان النفس وغيرها.
وشاءت الاقدار صارت ولادة انوســــٓــه باليوم اللي هو والحجيــــٓــه راحوا للبصــــٓــره واني اجيت لاهلــــٓــي وڪانت فرصــــٓــه اتاڪد اڪثر اثناء تواجدي وياها.
وهالمــــٓــره استٵذنت منــــٓــه وافق واخذت الاوڪي ياله رحت وياها. مابيــــٓــه حيل زعلــــٓــه. حولي گــــٓــلبي باليمين لما زعل.
ومن طلعت من الردهــــٓــه ولاگتنــــٓــي دڪتوره سُهــــٓــى اللي هي صديقــــٓــة ام الحسن سلمت عليها وهي تسٵلنــــٓــي عن احوالي اللي تعرفها ڪلش زين همــــٓــست الها ابتسمت وهي تگول يالله يعني اني راح اڪون اول من يعلم.
متحمســــٓــه اڪثر منــــٓــي واخذت بيدي متوجهين لغرفــــٓــة السونار. وهي تطلب من اخصائيــــٓــة السونار من تڪمل المراجعين تنادينا. وهي ردت بعيــــٓــوني.
شعوره لايوصف وهي تسمعني النبض و تراويني. شوفي البطل ماادري البطلــــٓــه اللي اتحدى ڪل الظروف ومقاوم وبــ افضل حال. بسم الله ماشالله.
يعنــــٓــي ڪنتِ حامل بــ ثــــٓــمرتين و بسبب الحادث اجهضتي المضغة الاضعف والمضغة الاقوى هي اللي اكمــــٓــلت طريقها طــــٓــبعا هالشي يحدث كثير وي كثير م̷ـــِْن النساء اللي يحملن بتوأم طبيا من يصير اجهاض للمرأة لسبب ما اذا كان كيس الحمل بكامل اموره الصحية ما يٵثر بيــــٓــه شي الا ما شاء رَبّــي اما أذا اڪو خلل ما بــ تكوين كيس الحمل فهذا بأي مؤثر خارجي يحدث ڵـهٍ اجهاض واحيانا دون اسباب.
وهذا مــِْن رحمة رَبّنا بينا حتى لايتٵثر الثاني بالاول.
وتحسبلي ڪل عشرين بالشهر تدخلين بشهر جديد.
يعني فعلا هذا المقاوم البطل واللي اللي تمناه مُـــتيمي تحقق.
ومن گالت انت داخله بالرابع واني اتلمس بطني واگولها لعد وينــــٓــه؟؟!!!
اشو بطنــــٓــي ما مبين بيها روح امــــٓــه.
وهي تضحك تگول عوفيــــٓــه روح امــــٓــه حتى تڪملين الفلم مالتج.
فتحت تليفوني صورت السونار ومن ڪملت.اخذته مني وهو تصور وتشرح عن حاله و وضعيته وابتدتها من النبض وڪملت شرحها.
وترجع توجه التليفون لوجهي تگول وهذا الحلو ماادري الحلوه يشبه امه وتوصف وتضحك تگول العيــــٓــون ملونه والشعر اشقرر.
وتڪملها تگول مع تحياتي دڪتوره سُهــــٓــى.
وهســــٓــه ابــــٓــشر منوو؟؟
لو انادي بالمايك ويوصلهم الخبــــٓــر.
رديت لا فدوه اريد ابشر ابوه هو اول واحد والمشڪلــــٓــه مااريد ابشره بــ اتصال لان هو بالبصره.
بارڪت الي وهي تدعيلي ربي يتمم ؏ خير وڪتبت الي فيتامينات. ونطتني موعد للرعايه واللقاح الاول.
اردد بداخلي الحمدلله والشڪر الك يارب فــــٓــرحتي مايوسعها الڪون شلون راح اتحمــــٓــل اليومين لنزوله وابشــــٓــره.
واني امشي بالممر اتصل عليــــٓــه يسٵلني عن انوســــٓــه ويبارك . واني من من فرحتــــٓــي باقي شوي واجيب العيــــٓــد.
لما گال صوريلــــٓــيها وحوليها واني ارد لا من تجــــٓــي وتشوف اجمل بشاره.
گال لاتصيرين بخيلــــٓــه حوليلي صورة الطفلــــٓــه اريد اشوف تشبــــٓــه موده لولا.
هنا استوعبت واني اتعلثم هااا لا هاا اي هســــٓــه اصورها.
ومن دخلت للردهات وفرحتــــٓــي ما يوسها الڪون مااحد يستغرب لان ڪلنا فرحانين بالمها الصغيره.
اخذتها لحضني حبيبــــٓــة خالتها. وين رحت بــ افڪاري وابتسم بداخلــــٓــي اوس جاب عمره يگول ام عطوب ماتضم سر وسرها بجريده.
شوف هالمــــٓــره شلون ضميت هالســــٓــر المهم.
ومن رجعنا للبيت صورتها وحولتها اله رد بسم الله ماشالله آيــــٓــه من الجمال ربي يجعلها من الصالحات ويحفظها الهم.
من شفتيها هم فڪرتي بنتنا شلون راح تڪون؟؟؟
نسخــــٓــة امها اڪيد اووووف ياامها وغلات امها اللي جننتني. اعشقج والرب. وماترك ڪلمــــٓــة غزل تعتب عليــــٓــه.
وڪملها يگول راح اخلف بوعدي لما گلت الج مااريد طفل حاليا واترك هالموضوع.
شوفيلي الڪابتن الطيار اڪو طياره من البصره لبغداد حتى انزل لبغداد.
هاي اني طالع ومتوجــــٓــه للمطار.
ويضحك فدوات لضحڪتــــٓــه.
اليومين اللي يم اهــــٓــلي بس اتصفن وافڪر والفــــٓــرحه ماليتني. ياربي تتممها ؏ خير شلون شعور حلو وانت تحسين اڪو جزء من روحج ساڪن بــ احشائج.
لعد من يتحرك شنو راح يڪون شعوري.
ويتبادر لذهنــــٓــي ڪلام الممرضه ثواني مو اڪثر وابعده من تفڪيري.
واتذڪر من گالها توٵم روحي. ربي اڪرم وارحم واقرب النا من حــــٓــبل الوريد. حاشاه جل وعلا يحرمنا من امنيــــٓــه تمنيناها.
وادعي بتضرع ربي يتممها ونفرح بيــــٓــه.
واللي صار من اجا واخذني حسيت فرحتــــٓــي طفت واني اسمع.
بــ ايدي التمس بطني وصرت اتذڪر مواقف قاسيــــٓــه مرينا بيها بالطفوله بسبب الغــــٓــدر.
دموعي تنزل جــــٓــمر. والمواقف وڪٵنها قبل ٵيام مو قبل سنين. ليش ما نسيتها؟؟
ليش بعدها منقوشــــٓــه بذاكرتي.
وهســــٓــه وبعد ڪل هالسنين بــــٓــعده اللي غدر ابوي وعــــٓــمتي واللي لاحنا هواي من اذيته وهو نفســــٓــه اللي دا يهدد ويتوعد.
بــــٓــعد هو هو بنفس نــــٓــبرة الصوت ماڪفاه اللي سواه.
بعدنا ما تشافينا من طعناته.
واتذڪر لُــجين البارحــــٓــه وهي تگول مو بيدي مااگدر اقترب من جدي واحن عليــــٓــه بعده اثر جرحي بگــــٓــلبي. رغم حاليا اشوف نفسي اسعد انسانه.
شنو هالحقد والغل هذا؟؟!!!!
ما خايفــــٓــه منــــٓــه ولا اتذڪر بيوم بحياتي خفت.
گــــٓــلبي وجعني ودموعي حرگت وجهي مي نار مو دموع تجري.
اذا هو بعده جنين بــ احشائي واغلى من روحي شگد سمعت جملــــٓــة بعدج ماشفتي غلاة الضنا.
يربي اخاف عليــــٓــه من حرڪتــــٓــي واني نايمه.
شلون اذا صار وڪبر وصابتــــٓــه اذيه؟؟!!!
مااتخيل شنو حالي لا سامح الله. الله لايجيب هاليوم.
يمڪن اتحول وحش ڪاسر واقتل اللي يٵذيــــٓــه.
طلع صوتي بالبجي. تمسڪت بطرف الجــــٓــلسه ونزلت ؏ ڪيف للگاع. جثيت ؏ رُڪبــــٓــي وبجيت بدون اراده مني. اريد اڪتم شهگاتي مااگدر.
؏ صوتي دخل مذهول ومستغرب حالي وهو يسٵلنــــٓــي بلــــٓــهفه وخوف رويحتــــٓــي شجاج.
ليش هذا حالج؟؟!!
انخبص بيه يمسح دموعي يحتضني بس فهميني فدوه اروحلج.
شنو اللي مٵذيج؟؟
واني اريد عبرتي تخلص ما تخلص احسها جرحت صــــٓــدري.
بصعوبــــٓــه نطقتها ماڪافي شوڪت ينتهــــٓــي هالعِـــداء؟؟!!!
منــــٓــو اللي راح يدفع الثمــــٓــن هالمــــٓــره؟؟؟!!!!!
اختنگت وهواي ڪلام اريد اگوله ما گلتــــٓــه.
وهو يگول قسمــــٓــا بذات الله نيتي هاي اخر ضربه اردها اله واڪتفي.
هذا يمين عليــــٓــه بيوم سمعت صرختج بالتليفون. ومن شفتج بالمستشفى وانت تٵنين وشفت الجروح بوجهج حسيتها بگلبــــٓــي.
اقسمت بالله ڪل واحد تسبب بـــ اذيتج اردها اله مضاعف ابجيــــٓــه دم وهذا اللي صار وي افراد العصابه وبقا هو ورديتها اله.
رديتها اول مره واني اخــــٓــسره املاڪه بس حسيت نفسي ما اڪتفيت.
ماشفى غليلي الا من شفتــــٓــه يبجــــٓــي ويتوســــٓــل وشفت دمه.
راح اترڪــــٓــه وعيونج بس رديت اله بتهديد لان ادري جبان ومرعوب.
هو اصلا مريض وافتــــٓــر بمستشفيات الدوله المحتمي بيها وما عرف شنو علتــــٓــه.
هاي غير هو قبل فتره صاير بي جرب. وحتى زوجته تارڪتــــٓــه ونازله للعراق و اشهر ياله تشافه منــــٓــه.
بس عيــــٓــنه گويه والحقــــٓــد يمشي بدمــــٓــه.
حرفيااااا مثل اللي يتسمــــٓــى عمنا لحد هســــٓــه ما شفــــٓــى من الحروق وحقــــٓــده يســـــري بدمه و يحير شلون يزرعــــٓــه بــ اولاد بنتــــٓــه. ولو موجودين منعم وغدير يڪفون ويوفون.
وهــــٓــسه اريد افهم ليش بجيتــــٓــي رويحتي حتى وان سمعتــــٓــي ڪل الڪلام.
مو بنت محمد وٵخت إلياس ومُــــهرة مُـــخلــد اللي تخاف من تهديد.
ابتسم ايدينه متمسك بــ ايديني وقرب راســــٓــه مرڪز بعيوني يگول وانت طفلــــٓــه حبيت قوتج ولباقتج ونطقج للڪلمات.
وڪبرتي وصرتي اقوى.
امووووت عليها السفيــــٓــره اللي تريد تتعلم لغات العالم تصير سفيــــٓــره وتڪسر الحصار وتجيب دواء وحليب للاطفال.
بحياتي ماشفتج ضعيفــــٓــه ولابيوم شفت الخوف بعيونج.
وعيونج الحلوه فارغ وبس يهــــٓــدد من لوجــــٓــة روحــــٓــه لان خسارته هالمــــٓــره جبيــــٓــره.
مسك ــ بس نــــٓــفذ وهواي ومو بس يهدد نفذها تهديداته.
مُـــخلــد ــ بس هــــٓــسه فــــٓــلس ؏ الاخر يعنــــٓــي ماعنده امڪانيــــٓــه حتى يگدر يستخدم ناس تنفذ اله جرائمــــٓــه.
رويحتي ونبــــٓــبض گــــٓــلبي دموعج تٵذيني. بعد الحادث اللي صار گلتها الج مستعد اترك ڪلشي و نعيش خارج العراق بالدوله اللي انت تختاريها وشنو ردج ؏ ڪلامي.
گلتي مااگدر اعيش بعيد عن ٵهلــــٓــي. وقدرتي حاجــــٓــة اهلــــٓــي الي وگلتي ولا انت تگدر. ولا اقبل تترك طموحك وحلمك.
ساڪتــــٓــه واباوع اله واستمــــٓــع واگول وي نفســــٓــي. شنو غلاتي عنده.
مو المفروض افتــــٓــخر بيــــٓــه.وبحبــــٓــه اللي الڪل تحسدني عليــــٓــه ويگولون فاق الوصــــٓــف ماڪو عاشق مثلــــٓــه ؟؟
فعلا الذيب اللي ما يسڪت عن حقــــٓــه وياخذه اضعاف مضاعفــــٓــه.
بس بگد ڪلها واضعاف مضاعفــــٓــه خايفه ؏ اللي ساڪن روحي.
شلون افهمــــٓــه اني ما خايف ؏ نفســــٓــي بس مااريد ثمــــٓــرة حبنا يعيش ولو جزء بسيط من الاذيه اللي عشناها. ومن هاللحظه اني اخاف عليــــٓــه من الغــــٓــدر.
ما گدرت انطق عجزت عن الرد اتسحبت منه ونهضت اخذت تليفوني من الطبله ونظره يتبعنــــٓــي منتــــٓــظرني ارد عليــــٓــه .
فتحت تليفوني دخلت الاستوديو و فتحت الفيديو اللي صورته ونطيته التليفون بيــــٓــده.
عيونه مارمشت طول وقت الفيديو.ومن وصــــٓــل لما گلت لــ دڪتوره سُــــــهــى اريد ابشر ابوه اول واحد. هنا التفت الي ابتسم. وڪٵن مو مستوعب اللي يشوفــــٓــه يگول رويحيتي فسريلــــٓـي فهمينــــٓــي وي ڪلماته نزلت دموعه بغزاره.
يعنــــٓــي شنو؟؟؟
يعنــــٓــي اڪو ثــــٓــمره باقيــــٓــه.؟؟
يعنــــٓــي ڪانوا توٵم.؟؟؟
هزيت راسي بـــ اي. ومسحت دموعه رجع للتليفون وعاد الفيديو اڪثر من مره ودموعه شلالات ويردد الحمدوالشڪر لله تعالى ويدعي ربي ارزق ڪل محروم بالذريه الصالحــــٓــه.
تقرب مني ضمني لگــــٓــلبه ودموعــــٓــه تنزل ؏ راســــٓــي. بعدني عنه بهدوء ونهض بدون ما ينطق واتوضا وصلى رڪعتين وبعدهن اطال بسجوده دقايق.
لم المصلايه ورتبها ورجعنا بمڪانها. واني بعدني بنفس گعدتي. اجــــٓــه يمي وخذ ڪفوف ايدي ضغطهن بــايدي.
بوسني ويطلب منــــٓــي اسولف اله ڪلشي عندي علم قبل السونار لولا؟؟ وشلون وشوڪت سولفيلي.
ضمنــــٓــي تحت جناحــــٓــه واني اسولف اله يگول رويحتي شلون نطاج ڪلبج تضمين عليــــٓــه.
رديت ـ گلت اتاڪد وابشــــٓــرك افضل وهاي انت اول من ٵتبــــٓــشر.
مستمر يردد الحمد والشڪر ويسجد شڪر لله.
واول من تبــــٓــشر بعد توٵم روحي هي ٵم همام اللي صوت بجيها اختلــــٓــط بفرحتها وتگوله اني جايه اشوفها مااتحمل.
وفعلا اجتنا بين ما اتصل وبــــٓــشر خالتي اللي ماتعرف بـــ اي طريقه تعبر عن فــــٓــرحتها ونفس الحال تگول باجر ننزل لبغداد اني والحجيــــٓــه ومختار.
الحــــٓــجيه مو اقل من فرحتهن. وبنفس اليوم بشرنا اهــــٓــلي واهلــــٓــه واخواله وصديقاتي. ويفرحتهم الي الڪل ڪلهم وصلــــٓــني احساسهم بالفــــٓــرحه النا والدعاء اللي تقشــــٓــعر اله الابدان اسمــــٓــعه منهم.
وتوٵم روحي ما يعرف شلون يعبــــٓــر عن فــــٓــرحته يگول بعدني مو مستوعب اتصل بصديقــــٓــه يجيلــــٓــه هذا المقرب وثقــــٓــه يوصل مبالغ لعائلتين محتاجــــٓــه وساڪنين بالتجاوز. حضر مبالغ حتى يوصلها الهم من الفــــٓــرحه ايدينه ترجف الفلوس توگع منــــٓــه ويرجع يزيد. وصلهن اله للباب ورجع.
مــــٓــره يتلمس بطنــــٓــي ومــــٓــره يباوع الفيديو.
يڰول لو گايلــــٓــه الي بنفس اللحظه ڪان نزلت من البــــٓــصره بطياره.
وهو اني ردت انزل بطياره واني اشوف صورة غزالتڪم الصغيره.
ويرجع يحمد الله ويشڪره ويسجد.
ومن وصلتنا ٵم همام حسيت مو بوعيها وهي تبجي وتهلهل وتطش جڪليت وڪلماتها تگطع الگلب تحاجي همام الف رحمــــٓــه لروحــــٓــه. افرح ولــــٓــيدي راح تصير عم افرح راح ينورنا ضنا اخوك.
گطعت گلبــــٓــي وهو شنو حنيته عليها ويگولها انت اول وحده بشرتج. بقت يمنا لليل وتوصيني بنفسي ومن عرفت بــ اشهر الحمل تشرق وتدعي وتگول شلون بشاره حلوه.
وثاني يوم اجتنا خالتي هي والحجيــــٓــه وبقت ايام يمنا.
ومُتيــــٓــمي هو قبل شلونه وهســــٓــه واني احمل قطعــــٓــه من روحنا اوصلــــٓــه للباب وما يطلع الا وحده من البنات لو عمتــــٓــه ام مؤيد لو جدته ام غياث تجي يمي.
وڪل شوي يتصل ويوصيني. واني اشوف نفسي الحمدلله بصحــــٓــه. اقضي صباحي بين اڪمل شغلــــٓــي واڪيد ما يخلى يومي من اتصال ام همام شنو حالي من تگول شلونه حفيدي؟؟؟
تحير شلون توصيني وتحير شنو تطبخ بــ ايدها وتجيب وتوصيني اڪلي حتى يطلع متعافي.
وخالتي مايمر يوم ما تسٵل وتوصيني و امي ڪذلك تسمعني نصائحها ومرات تبقى وياي ؏ الخــــٓــط وهي تقتــــٓــرح عليــــٓــه اسوي طبخــــٓــه معينــــٓــه تگول يجي تعبان خطيه.
ومن اڪمل تگول صوري وحوليلي. وتشجعنــــٓــي بڪلماتها. بس بعدني بطيئــــٓــه.
وهو يگول الترتيب بوحــــٓــده يفتــــٓــح النفس ولا تعبين نفسج بعد يڪفي وجودج بحياتي اجمل نعمــــٓــه انت .
ومرات تجيني امي للبيت يجيبها واحد من الولد اذا ڪلش تطول يمــــٓــي ساعه. اگولها بعدني ما شفتج. تگول اهم شي اطمن عليج گلبــــٓــي يمج.
وبالايام البعدها سويت ڪارت رعايه واخذت اللقاح الاول.
وبالمضبوط بعد ما ڪــــٓــملت الشهر الرابع ودخلت بالخامس بــ اربع ايام حسيت بحرڪته بــ احشائي قبل لا انهض الصبح من التخت.
يالله شنوو الشعور والاحساس حبيبي منتبــــٓــه الي ابتسمت وضميت ايديني لبطنــــٓــي.
عساها دايمــــٓــه الابتسامــــٓــه ؏ اجمل مخلوقــــٓــه بالڪون.
گالها وقرب ايده يتلمس بطنــــٓــي وهو يوصينــــٓــي مااسٵل الدڪتوره عن الجنس.
ولاتڪتبــــٓــه بالتقرير مالت السونار. خليها لليوم اللي ينور الدنيا.
واڪيد ماعندج اعتراض ؏ الاسم اذا ولد يشــــٓــيل اسم غصــــٓــة عمري العايش بروحــــٓــي هُمام. واذا بنت اريدها ؏ اسمج لان اغــــٓــلى من روحــــٓــي.
اڪيد مااعترض ؏ اسم الولد بس اعترضت ؏ اسمــــٓــي.
گال خليها تنور دنيانا ويصير خيــــٓــر.
يضحك يگول ؏ اعصابي اروح للدوام ڪلش متعاجز.
شلون بيــــٓــه بعد شهور لما نزداد قطعــــٓــة سُڪر.
ويذڪرني بعد ايام نحتفل بمرور سنــــٓــه ؏ زواجنا والحمدلله ٵمنيتي ڪانت مايجي هاليوم الا واحنا متٵملين ثمــــٓــرة حبنا ومنتظريها تنور دنيانا وتحقق هالشي بفضل الله.
رن تليفونه رد واجاه صوت مهند يگول شلونه عم وليدي الشيخ ايســــٓــر.
مُـــخلــد نهض يريد يتاڪد منــــٓــه ڪلامه جــــٓــد لو يمزح.
گال والله ها هو بيدي سمعنا صوته فدوه لعيــــٓــنه حبيبي صوته ناعم.
يگول عــــٓــنه يشبــــٓــه حماده بس لون عيونه إلياس.
بارك اله وگال اتصل لدوامي واجيك ومهند رد ما يحتاج والله.
فهمت بعد ما اخذت التليفون هي من الليل عدها اوجاع والفجــــٓــر ماخذيها للمستشفى. سٵلت عنها گال بعدها بغرفــــٓــة الافاقه.
رحت الها للمستشفى اطمٵنيت عليها الحمدلله بــصحه وسلامه والشيخ ايســــٓــر بسم الله ما الله. يجنن.
وابو الشيخ مخبوص ڪلش يخاف عليــــٓــه يگول للدڪتوره سجلــــٓــي الها خروج اني دڪتور وانطيها العلاج بالمضبوط بالساعه والدقيقه والثانيه.
يگول اخاف الممرضات يبدلن ابني شو حاطات عينهن علــــٓــيّ ،
وثاني يوم طلعــــٓــها للبيت ويگول اني اقصد عليج انت دڪتوره واتابعين حالتها وما قصــــٓــر بالمعايير يگول لوما احنا مانجحتي بالفانيل.
ياله همزين ما گال اطلبج ونريد من الراتب.
تستاهل ماي عيوني الماســــٓــه هي اخت روحي وصديقتي وبحنيتها امي.
نشطه ماشالله ايام واستعادت صحتها وصارت تعتمــــٓــد ؏ نفسها رغم الڪل حواليها وما يقصــــٓــرن وخالتي وسحر اجن وبقن ايام.
وبهاي الايام احتفلنا بمرور سنــــٓــه ؏ زواجنا الاحتفاليــــٓــه ابينا ڪانت ڪلش حلوه تتخلد وي ايامنا الحلوه.
ومرت الايام حلوه وصار حبيبي الوڪح ماادري الوڪحه حرڪته قويه.
وتوٵم روحي ســــٓــلوته لما يتلمســــٓــه ويحس بحرڪته اباوع لملامحــــٓــه مبتسم والراحــــٓــه النفسيــــٓــه ياربي يديمها عليــــٓــنا.
وقريبا اڪمل ثمان شهور بس اللي صار صبحت النزف شايلني وبدون ٵلم انرعبت اريد اتحرك حسيت روحي نشليت مااعرف شنو اسوي.
اتلمــــٓــس بطني اريد احس بحرڪته حتى اطمٵن يمڪن من الرعب اللي اڪلته ورجــــٓــفة ايديني مااحس بشي.
دخيلك ربي ساعدني اريد انهض مُـــخلــد ماڪو يمي. وينه؟؟
وهو صحاني صلينا الفجر ونمت وهو يسٵلني گلت ماافهم عليك نعسانه ڪل اسٵلتك ترك.
سميت بــ اسم الله وحاولت انهض الدوخــــٓــه لزمتني. انفتح باب الغرفه دخل وهو يصبح عليــــٓــه بڪلماته.
انصعق لما وصل يمي وشاف حالي يمڪن صدگ فقد اخر ذره بعــــٓــقله واني نسيت حالي واطمنــــٓــه گلت ماڪو شي الطفل يتحرك لايضل بالك.
انخبص مايشوف طريقه شالني بين اخذني للحمام اغسل وساعدني اغير ملابسي واتصل بــ الماســــٓــه وعمتــــٓــه ام مؤيد.
اخذنا للمستشفى وشلونه حاله بالطريق بين يسوق ويلتفت الي يگول هاااا.
اطمنه اني زينــــٓــه الحمدلله.
وصلنا المستشفى دڪتورتي موجوده وبعد الفحص بالسونار گالت عندج انزياح المشيمه.
يعني ولادتج تڪون عمليه قيصريه. تحتاجين راحــــٓــه تامه. وماڪو داعي للقلق والخوف ڪلشي تمام.
واتذڪرت هيومه نفس الحال ڪانت بحملها بــ ياسر.
ومن طلعنا من المستشفى واجتني اڪدت هالشي.
بس شيطمن مُـــخلــد اللي اتبهذلت ڪل احواله من اللي صار اليوم.
وبعد ايام دخلت بالتاسع ودخلنا بسنــــٓــه 2014. ياربي يجعلها سنــــٓــة خير علينا و؏ ڪل بــــٓــني ادم وحواء.
وبعدني عند وعدي وفعلا مااعرف جنس الطفل ولا سٵلت الدڪتوره. اهم شي الطفل بصحــــٓــه الحمدلله واني صحتــــٓــي من فضل الله بــ احسن حال.
هالايام ڪنت مرتاحه ؏ الاخر والنزف انقطع وڪلشي تمام.
وجهاز الطفل ڪملتــــٓــه ام همام وشلون جهاز يجنن.
وڪرستين مجهزه بــ ايدها ڪله حياڪه شي يفوق الوصف.
وخالتي تگول من يصير ٵمانه اول قطعه ملابس تطخ جسمه هي دشادشــــٓــة ٵبوي هيج شفت بالرؤيا.
وحبيبي احس عنده شويه خوف مااعرف سببه بس دايم يگولها اتمنى الايام تمــــــر مثل لــــٓــمح ويجــــٓــي اليوم اللي اشوف بيــــٓــه هالغالي منورنا.
لو من يتلمس بــــٓــطني ويسولف وياه شوڪت يجي اليوم اللي اشوفك واشيلك بــ ايديني.
شوڪت يجي هاليوم؟؟!!
ارڪز بيــــٓــه ڪل ملامحــــٓــه تتغير وعيونه تغرغر.
اغيرله جو واگول يخوفي لاياخذ غلاتي بگلبك.
وهو يضمنــــٓــي اله يبتسم ويگول غلاتج مالها وصف ولا احد ياخذها وغلاته لان انت ٵمه لان هو قطعــــٓــه من روحج.
الإثنين2014/01/13
12 ربيع الأول 1435
وهذا اليوم هو ولادة سيد الڪائنات عليه و؏ آله افضل الصلاه والسلام.
والاجواء بالاعظميــــٓــه والاحتفال بالمولد النبوي.
وبيت جدو عبدلله متهيٵيين وهالمره غيير غيير عن ڪل مولد بوجود خالو ابو هيا اللي يگول اشتاگ ڪل سنــــٓــه بيوم المولد واتمنى موجود وياڪم.
ومن يوم الجمعــــٓــه بدوا التحضيرات وحضرت خالتي عنيــــٓــده واخوال امي وجماعــــٓــة ڪرڪوك.
ومن البصــــٓــره بيت الشيخ ابو مازن وعياله.
وبيت ابو غياث والحبايب والبنات الڪل متحضرين وتوٵم روحــــٓــي عنده خفاره هاليومين.
بس وعدني يحضــــٓــر المولد.
ومن رحت لاهلــــٓــي بالطريق اجــــٓــه ؏ بالي لُـــجين راح تحضــــٓــر بــــٓــعد سنين طويلــــٓــه وهي تدري امها الله يرحمــــٓــها ڪانت تعشق اجوائه ابيت جدي.
وقبل سنتين بيوم المولد اتصلت بيها اسمعــــٓــها المدائح النبويه لما طلبت مني. وهي تگول شلون راحــــٓــه نفسيــــٓــه حسيت بيها.
وصلت بيت اهلــــٓــي وبعدها لبيت جدي واللمــــٓــه مااحلاها ما صايره هيج لــــٓــمه بس بالاعراس.
واڪتملت بخالــــه خلود وڪرستين وريتا. اللي ايديهن بــ ايدين الحبايب يساعدن.
واني اسٵل شنو اللي سوته بيبي بهيــــٓــه احب آڪل من ايديها. ؏ گولــــٓــة الاب الروحي بي نڪهــــٓــه خاصه.
رغم ڪبر عمرها تساعد بالطبخ ونفسيتها بالاڪل ڪلش طيبــــٓــه.
الوليمــــٓــه ڪانت ؏ العشا وبعدها بدت المنــــٓــقبه النبويه.
اتٵڪدت توٵم روحي حاضر اتصل يخبرني وبنفس اللحظه اجاني يزن يخبرني بطلــــٓــة القمر لبيت جدي.
گلتها لالماســــٓــه ولعبت بـــ احوالي تگول لعد لو بجمال يبعدهم!!
رديت لا هو اجمــــٓــل.
ربي يحفظه لاهلــــٓــه والج گالتها ام مصطفى من سمعتنا.
واجت تسٵلنــــٓــي عن ورقاء اذا عندي اتصال بيها.
رديت اي ڪل يوم اتصال بينا. وفهمت سبب سؤالها.
وگلت خاله انت حابتها وحابــــٓــه تڪون هي جنتج؟؟
ردت اي والله مُنــــٓــى عيني.
اني شايفتها البنيه مرات ومرات من حضرت مناسباتنا ڪلشي بيها يعجب واخلاقها وصفاتها واصلها.
والاهم من هذا ڪــــٓــله مصطفى رايدها ورايدها حييل يگولي ادعيلي. دعاء الام مستجاب . شعجب لحد الان ماردت خبر.؟؟؟
گلت خليها تفڪر اڪثر. اول وتالي ترد خــــٓــبر ومصطفى هســــٓــه مشغول بالسنــــٓــه الاخيره. وڪل همــــٓــه معدل عالي حتى بٵذن الله يڪمل التخصص اللي عاجبــــٓــه.
ولايظل بالج هي استشارت امي ولســــٓــه وبعد تتصل بيها.
ان شالله تسمعين خبر موافقتها وتفرحين بيهم.
يالله گالتها بحــــٓــسره و رفعت ايدها وشرقت تدعي بجاه شفيع الامه عند رب العالمين اسمع موافقتها واتم ؏ خير.
مشارڪه الحبايب بحلويات المولد وناذره اذا تمت الموافقــــٓــه المولد للسنــــٓــه الجايه بالڪامل يڪون تڪاليفه عليهم.
گلت ان شالله تڪون موجوده وتورق من راتبها.
عيوني دمعت من شفت دموعها وهي تگول ابد والله مااريد منها بس الله يسهل واتم الموافقه ؏ خير.
مصطفى ڪل هاي الشهور سٵلني مــــٓــره وحــــٓــده گال لساتها تفــــٓــڪر لو نهت الموضوع؟؟
رديت لا ما نهت الموضوع انطيها الوقت الكافي.
گال ياله خيــــٓــر ؏ راحتها.
بس اللي سٵلني ستين الف مــــٓــره هو حسام لدرجــــٓــة يريد هو يحجي وياها.
يگول ليش ماتعرف مصطفى؟!!!
ومُــصر ڪل عــــٓــقله يگول اخليها بنفس اللحظه توافق.
ومن گلت الها ضحڪت تگول لا الله عليج لايسويها استحي.
هو اني من اشوفه استحي منــــٓــه.
مُتيمــــٓــي اتصل گال اطلعــــٓــي اشوفج اريد ارجع وياي جماعه.
طلعت ڪان واگف وي ٵنس. بيده الڪوت الطويل مالتــــٓــه گال اڪيد تطلعين حتى تسمعين والجو بارد.
خلاها ؏ اڪتافي. والرب مااعرف شلون اوصف فرحتــــٓــي بتصرفه.
واني ادري الڪوت بالبيت وهو اجــــٓــه من دوامه ومن سٵلتــــٓــه. گال من طلعت حسيت ببروده الجو ومباشراً اجيتي ؏ بالي رحت للبيت جبته لان ادري ڪل مولد تحبين تسمعين وتگعدين بالحديقه.
اخذته منــــٓــه وهو سلم ويوصيني ؏ نفسي وطلع ومن وصل قريب الباب شفت جماعه وياه.
خليته ؏ اڪتافي ورجعت يم البنات يمڪن اني و ڪل اهلــــٓــي اليوم نــــٓــظرنا ؏ لُـــجين ونراقب حالها دموعها ما بــــٓــطلت تهمل.
مــــٓــره اشوف خالتــــٓــي عنيده يمها ومــــٓــره خالاتي ام حسام واميره ومــــٓــره امي.
وٵبوي اجــــٓــه وسٵل عنــــٓــها ما گدرت اتقرب منهم واسمع شنو ڪلامه. اڪتفيت واني اشوفه يحجي وياها ونزلت دموعه وبعدها هي مسحت دموعها وابتسمت.
طلعنا ڪلنا البنات بالطارمــــٓــه نسمع بس شنو نسـمـــٓــع بوجود الماســــٓــه وخاله خلود. اللي تگول طولتوها ماڪو خطبه هلڪد تطول شوڪت جدڪم ياخذ امي.
وامي تذڪرها شو رجعتي ؏ جدهم لعد وخالي ابو هوشيار؟؟؟
تگولها من حلگج لباب السما هو احنا گايلين لا. بس همي نفسج واجمعي راسين بالحلال. وراسي اني وجهالي نروح وراهم. لان اني وحيده امي ولازم اتبعها.
واڪيد ما بقت احد يعتب عليها. وامي گالت الها ريتا وڪرستين يبقن يمنا اليوم شنو رايج تبقين.
گالت عيني بيــــٓــضه مشتاگه لجلسات الســــٓــمر بس ابو سمــــٓــره منو يقنعــــٓــه.
واخاف يقتنع ونجيڪم ومانڪمل السهره.
يجوز ابو إلياس ؏ واهس هالاحفاد والاسباط الحلوين يفڪر بهذا اليوم المبارك يسوي عم وخال الهم. ماادري عــــٓــمه وخاله.
ڪلنا ضحڪنا شگد حلو تحجيها وشلون تگولها بثقــــٓــه.وحرڪاتها تجنن. شگد غاليه عدنا.
وبعدها ڪلش عجبتها الفڪره واتصلت بــ امير و تگوله شلون البنات حلفن عليــــٓــه.
وهو يگولها شو مااصدگ وبعد ڪلام دار بينهم بس شبعنا ضحك ؏ سوالفها.
المهم گدرت تقنعه. واتفقنا حتى احنا البنات نسويها سهره يم اهلــــٓــي. وهيام گالت سجلن اسمي رقم واحد.
واني گدرت اقنع ام رماح ابقاء رضاب ورفيده بعدها تحاول وي مؤيد. بعد ما اسيل وطيبه حصلن الاوڪي.
وخاله خلود من شافت اوس اجه التفت لالماســــٓــه تڰولها تلاحظين حتى هالمشعشع داگ ثگل ومشعشعج هو هو.
والماســــٓــه تگولها ظالمته وماعنده حظ وياج غير هو عــــٓــقل وثگل.
بس من اجانه اوس هم ما قصرت منه استلمتــــٓــه.
هو اجــــٓــه باله يم لُـــجين. ويسٵلني باقيه يمنا اليوم؟؟
رديت اي باقيه يمڪم مشتاگه الڪم و مشتاگه اسمع اغانيك اللي صايره بس لام هادي و لُـــجين.
گال حقج والله بس لاعبالج بس انس صديقج المقرب ويطمٵن ؏ احوالج. اني اڪثر منــــٓــه حتى مــــٓــره سٵلت ابوڪم تغنيلها؟؟؟
لان ٵني امعلمها اسمعها الطرب الاصيــــٓــل.
وهو گال اني اغنيلها. خايب هو خايب هو. وگلت انعم الله عليك يمشي الحال المهم تغنيلها.
اختنگت من الضحك. وبعدها گلت اصلا اغانيــــٓــه ڪلها حلوه اذا طرب اصيل وتراث واذا اغاني حديثـــٓــه.
والاشعار والدواووين الحافظها هاي لوحدها حڪايه.
سوا حرڪــــٓــه لزم گلبــــٓــه يگول الله يطمن گلبج طمنتيني.
عبالي يغنيلج بس خايب هووو.
خلص المولد ورجعنا لاهلــــٓــي وجابن من حلويات المولد للسهــــٓــره اللي صارت من العمــــٓــر. بحيث تمنيت جايبــــٓــه دفتر مذڪراتي واڪتبها قبل لا انســــٓــى حرف منها ومو بس ڪلامي ڪان هذا ڪلام البنات وهن يگولن شوڪت نعيدها اللمــــٓــه.؟؟؟؟
من الضحك صرت مااميز الوجع اللي يجيني . وامي منتبهه الي وڪل شوي تسٵلني. گلت وجع خفيف.
وخاله خلود تگول اذا جبتي اليوم ڪل سنه سوي ميلاده بالتاريخ الهجري يعني بمولد النبي عليه و؏ اله الصلاه والسلام. يعني نحضر المولد ابيت جدج ونرجع هنا نسوي سهره ميلاد ابنج. شلوني بالافڪار؟؟؟؟
والبنات يردن والله خوش فڪره. وهي تڪول خايبات اسڪتن راح ننطرد. افڪارنا جهنميــــٓــه.
بقيا لوقت متٵخر وڪل مااريد انام خاله خلود تذڪر سالفه وتگول بس هاي السالفه. والسالفه تجر سالفه. وختمتها گالت قبل شوي غفيت حسيتن بيه غفيت؟؟؟
اي المهم وبالحلم شفت ابو إلياس اللهم صل ؏ محمد وال محمد ــ ذاك الوجه الحلو والدشداشه بيضه عبالك عريس بصباحيه عرســــٓــه.
يعني تدرن اني احلامي ما تخيب يعني ڪله شهر ونص والحلوه تتنسى عسل وتگول والنبييييي مو حامل اني احب الحلا.
ضحڪنا ڪلنا.
گالت خلي اڪمل ريتا لاتلابڰين. اي وابو الياس هو ودشداشتــــٓــه البيضه وجايب النا ريوگ ڪاهي وگيمر الله لايجذبني هيج شفته بعد اذا اڪو علاليك بيهن حبشڪلات ما رڪزت زين .
ڪرستين تگولها هذا حلم مال واحد صاحي.
وامي تگولها وصلت الفڪره ادللي. غاليــــٓــه والطلب رخيص.
صحيت الصبح ؏ اصواتهن بالمطبخ ڪرستين وٵمي وريتا وخاله خلود وريحــــٓــه المخبوزات تشهي.
وصارت اللمــــٓــه ؏ الريوگ تجنن ذڪرتني بصباحيــــٓــه عرس الحيــــٓــد هيج صارت اللمــــٓــه.
وللضحى اجه مؤيد اخذ البنات يگولهن آل ابو غياث مسوين احتلال العثماني للوطن العربي. فضحتونا راح يشيلون من بيتهم.
؏ طول النهار مُـــخلــد يتصل ويسٵل عنــــٓــي واني اطمنه بخير الحمدلله.
بس حاســــٓــه اوجاعي تزداد. وامي قريبه مني تسٵلني واطمنها گالت وجههج اصفر.
وبعدها گالت تدرين انت صرتي يوم ثلاثاء.
بعد المغرب اجانا خالو ابو هيا وخالتي اميره وخالتي عنيده.
وبعدهم انوســــٓــه وحسام واولادهم. الصاله مليانه واخواني ڪلهم موجودين نظري يتنقل بينهم الڪل وسوالفهم الحلوه.
ويرجع نظري لابوي وخالو اللي عبالك توٵم ؏ يمنهم الحيد ؏ يسارهم حسام ربي يحفظڪم گلتها بداخلي.
حسيت ناقصنا بس وجوده هوو. اتمنيت وجوده.
اللي اتصل وگلت ابن الحلال ابذڪره وفهمتــــٓــه متمنيــــٓــه وجوده وهو رد خيرها بغيرها. سٵل عنــــٓــي وعن الڪل وموده من عرفت هو اخذت التليفون تسلم عليــــٓــه. ومن نهت الاتصال تگولهم عمو مُـــخلــد يسلم عليڪم.
سوالفهم الحلوه والاحفاد عالگين الجو.
الماســــٓــه بصفــــٓــي همســــٓــت الها احس وجعــــٓــي يزداد. بس مااريد يحسون بيــــٓــه.
گالت واضح ڪلش.
اتسحبي بهدوء بين ما احضر ملابسج واتصل بــ ام اجود تحضــــٓــر جهاز الطفل.
واتصل بدڪتوره سُـــهى.
بس وصلت غرفــــٓــة جداتي حسيت بقوة الالم بـــ اسفل ظهري شل حرڪتي بالكامل.
ــــــــــــــــــــ
ميس ـــ
أُمّي سراجاً أنار قناديل دنيانا وشمعةً ذابت لتُدفئ قلوبنا ، أخبرينا كيف نقدِّم لكِ السّعادة التي منحتينا إيّاها، و كيف نزرعُ البهجة بقلبكِ كما زرعتي الأمل في كلِّ سنين عمرنا ، يا تاريخ الحياه. يا أجمل فرحةٍ زينت ملامح الطفوله، وزرعت الثّقة في الحاضر، ورسمت أبعاد المستقبل ، علّمينا كيف يكون العطاء دون مُقابل ودون حساب لآخر رمقٍ في الأنفاس.
لمــــٓــا يڪون الڪلام عن ٵمــــٓــي يطول الحديث وماڪو الكلمات اللي توصفها.
هي الصديقه القريبه وتوٵم الروح ابتعدت مسافات لڪن ڪانت قريبــــٓــه لروحي لدرجــــٓــة وڪٵنها توٵم متماثل لروحــــٓــي وتحس بڪل اللي احس بيــــٓــه.
وهذا الحال بالنسبــــٓــه لاخواتي. فڪيف يڪون بالنسبــــٓــه لصغيرتنا المدلله.
من بشرتنا حمامتنا بحملــــٓــها وفرحتنا الهم ما يوسعها الڪون.
وامي وياها وياها تنصحها توصيها تتصل تجيها لبيتها وترجع توصيني الماســــٓــة امها عينج ؏ اختج. شوفيلي اختج. وووووو.
رغم تدري اني شڰد گلبــــٓــي عليها ومثل حالهم بعدني اشوفها ذيج الصغيره وتتنافس هي وموده بغلاتها عندي. وهي تتفوق ؏ موده.
ومن دخلت مسك بشــــٓــهرها وامي ڪلش گلبها يمها وتخاف عليها ودايم تگول هي تعودت تڪتم وجعها. وحييل خايفه عليها لڪون وضعها يتطلب اهتمام بسبب انزياح المشيمه.
واگولها مو لهاي الدرجه هذا الالم يختلف.
واحنا نظرتنا الها هي اللي تخليج تفڪرين هيج. تراها ڪبرت وصارت ام بيت وڪلش مهتمــــٓــه بصحتها وصحـــٓــة طفلها.
واليوم الثلاثاء2014/01/14
13 ربيع الأول 1435
من صحينا وٵمي گالت مسك اليوم مو ؏ بعضها وجهها شاحب وتتٵلم وهي گالت لا شوي وجع خفيف ويختفي.
و؏ العشا ماقبلت تاڪل اي شي گالت احس معدتي مليانه واذا اشرب مي اتقيٵ.
واحنا گاعدين نتعلل خبرتني وڪلش واضح عليها.
حضرت الها ملابس واتصلت بدڪتوره سُـــهــى الحمدلله ڪانت موجوده گالت لا تتاخرون. ولا تگوليلي عدها طلوگه.
اتصلت بــ ام اجود تجيب جهازها ابيتنا واهم شي وصيــــٓــة خالتي دشداشــــٓــة ابوها لان حلفتني.
وانزل ليمها جاثيــــٓــه ؏ رڪبها تون وتطلب مني مااخبصهم.
رادت بس ٵمي وتريدني اتصل بــ مُـــخلــد. اخبــــٓــره.
واني ڪان رٵيي خليــــٓــه لانخبصــــٓــه شفتي بيوم اللي نزفتي شصار بحاله.
احنا وياج وبعد ماتولدين بسلامه نتصل نبشره يجيج ؏ راحتــــٓــه.
سڪتت متوجعه. حضرت الها ملابسها ودخلت ٵمي ساعدتها تغيرهن.
طلعت للصاله الڪل واگفين استعداد. وڪلها تريد تجي ويانا.
وٵنس شغل السياره وبدون نقاش اجــــٓــه شالها وصلها للسياره. واني وامي بصفها وخالتي عنيده واميره اجن وي ٵلياس
وامي طلبت من ابوي يبقــــٓــى وهي تتصل تطمنه وهي تشوف دهورة حاله.
ومسك تٵن بصوت خفيف تريد مُـــخلــد وتلح تتصل عليــــٓــه. ماادري ليش ما ايدت رٵيها واني اتذڪره بيوم اللي نزفت حالته تبجي الحــــٓــجر. حسيت الدنيا انهدت عليــــٓــه. شبعت قهر عليه بيومها.
فڪيف هســــٓــه اذا شاف حالها واني ادري. هو شگد خايف عليها و؏ الطفل.
وامي ايدت ڪلامي.
اتذڪرت ام همام حلفتني اذا مسك صار عدها ولاده اخبرها تحضر و مُـــخلــد گال شي اڪيد لازم تڪونين موجوده وانت اول من يشوفه منا.
مهند اتصل بيــــٓــه يگول جايين بالطريق هو وام اجود ويسٵلني خبرتي ام همام؟؟؟
لو تتصل عليها ام اجود.
رديت خليها تتصل.
ذاك الوڪت اتذڪرت اني طلعت وما وصيت اي وحده بــ ابني اللي عمره خمس شهور ولو ما يحتاج اوصيهن ڪلهن حريصات.
وقبل لانوصل المستشفى مسك گالت ماادخل عمليــــٓــه اذا ما يجي مُـــخلــد واشوفه.
وفعلا عاندت حضرنا الطبلــــٓــه والدڪتوره تلومها متٵخره المفروض اول ما توجعتي تجين.
امري لله اتصلت وخبرته واني اگوله لايضل بالك واطمنــــٓــه عن حالها. واگوله بـــ احسن حال والله.
منتظرين وصوله اللي اجــــٓــه مــــٓــلهوف ماادري شلون اوصف حاله دقايق شافها ويهمس الها يقويها ومن دخلت للعمليــــٓــه وهو ما شفتــــٓــه طلع من الممــــٓــر بدون ما ينطق حرف.
. وبالي يمــــٓــه تبعــــٓــه مهند شوي ورجع سٵلتــــٓــه وينــــٓــه.؟؟؟
گال يصلــــٓــي بالحديقــــٓــه. بس ربج يعلم بنار گلبــــٓــه عليها. ماتحملت اشوف حاله.
اباوع لحال اخواني وخالتي عنيده واميره وامي ڪلنا نلهــــٓــج بالدعاء الها.
وصلوا ابو همام وام همام سلــــٓــموا وسٵلوا عنها.
و مُـــخلــد دخل للممــــٓــر يباوع بساعتــــٓــه وشنو حاله يمڪن ماعنده القدره ينطق حرف گــــٓــد ما متوتر وخايف عليها.
واگف لحيلــــٓــه ماقبل يگعد وحرڪــــٓــة قدمــــٓــه يدگها بالارض بقوه. دايم تگولها وبهذا الشي همات يشبــــٓــه ابوي ونفس الحرڪه لما ينتظر شي.
اباوع الياس قريب منه قدمله مي يشرب.
والاتصالات مشتغلــــٓــه يسٵلون عنها.
ومؤيد اتصل يگول امي وجدي علگوا الجو جبتهم وجاي بالطريق خبلوني والله اريد اشوف طريقــــٓــي مااشوف.
ومهند راح يشبع رزايل لان ما گايل بس لام اجود.
ومن طلعت الممــــٓــرضه طلبت ملابس الطفل واني اگولهم هســــٓــه شسوي وامانــــٓــة خالتي وحلفانهه لازم دشداشــــٓــة ابوها.
مُـــخلــد گال بس خليها تطمنا عليها وما سٵل عن الطفل ولا جنسه.
اتقربت واني اگولها جدته حالفه ونطيتها الدشداشه ضحڪت وگالت عادي يمعــــٓــوده. ماره علينا هيج حالات.
گالت عاد شلونه جده حلو؟؟؟
رديت يجننن جاي بالطريق من يوصل اراوي الج.
قبل لاينفتح باب الصاله وصلنا صوته فدوه لصوتك. حيلــــٓــي يرجف ڪنت واگفــــٓــه استندت ؏ الحايط وگعدت ماادري شنو حالي واني اسمــــٓــعه يعلن عن وجوده روح خالتــــٓــه.
وين القوه مالتي واني اتحلف اول وحده اشوفه.بعد ام همام.
مو گادره اسيطر ؏ دموعي ونظري يتنقل بينهم امي ودموعها وام اجود نفس حالها.
مُـــخلــد نظره للباب ويمسح دموعه ابو همام ومهند قريبين منــــٓــه.
طلعت الممــــٓــرضه تبشرنا نور الدنيا ابن مُـــخلــد.
ڪانت فرحانه وهي تگول مبارك عليڪم مااجاڪم.
بسم الله ماشالله اجاڪم ولد قطعه من الگمُــــر.
تتلفت النا وگالت متلهفــــٓــه اريد اعرف شنو راح تسمــــٓــوه.
مُـــخلــد رد عليها اسمــــٓــه هُــمام ؏ اسم عــــٓــمه. گالها واختنگ بدموعــــٓــه.
وهي ردت عاشت الاسامي. يتربى بعزك ودلالك.
واستلمتــــٓــه منها ام همام وهي تصلي ؏ النبي وآل النبي.
نشفت دموعها سبحان الله ڪانت تحمد رب العالمين وتشڪره ؏ نعــــٓــمه.
ڪلماتها تگطع الگلب. باست جبينه ورفعته ؏ راسها وتدعي ربي يحفظه وهي تگول شلت اسم عمــــٓــك؟؟؟
الله يحفظلنا ابوك وما يحرمنا منا. انتو العِـــوض من رب العزه.
ڪلماتها خلتنا الڪل مالنا سيطره ؏ دموعنا.
قربت منا وهي تسمي عليــــٓــه و مُـــخلــد ماقبل ياخذه بيــــٓــده ولا يشوفه الا تطلع مسك بسلامــــٓــه ويطمٵن عليها.
ومهند طلب منها تنطي لابو همام ما گدر يشوفه من دموعه. وهو بيدها باس راسه وڪلماته ما مفهومه.
وهنا وصــــٓــل جدهم ابو غياث وام مؤيد ومؤيد.
وهو يسمــــٓــع صوت الطفل ســــٓــلم واجــــٓــه اخذه بين ايدينه ويبارك للڪل وهو مبتسم وبهذا الحال واتحلف لــ مهند يگوله حسابك بعدين. وحساب عــــٓــسير.
ومؤيد يگول اللهم اني شامت.
اخذه وانتبــــٓــه هو ملفوف بدشداشتــــٓــه ابتسم يگول سوالف ياقوته الله لايحرمها منهم ويعوضها ويجعل ڪل ايامها سعاده.
رفع الطفل باس جبينــــٓــه يحفظك ربي ياروح جدك.
اذن بــ اذنه اليمنى واقام الصلاه باليسرى والدعاء يڪون من عباده الصالحين.
وگعد وبقاه بحضنــــٓــه ويرقيــــٓــه بــ آيات القرآن.
بعدين نطاه لام مؤيد وهو يباوع لمهند وگال حظك بــ ٵبن الذيب واالا والخلقك جنت ناويلك نيــــٓــه.
مهند يضحك واخذه يگول فدواته من هــــٓــسه ياخذون خاطره.
يشبهني سبحانه الخالق الناطق. ومؤيد يگول لو انت تشبهه ڪان عمتي ياقوت ضمتك بمتحف اللوفر.
بشرناهم اللي ما بطلوا يرنون علينا. ويسٵلون. اول من بــــٓــشرته ابوي.
وهو بــــٓــشر جداتي اللي علگن الجو.
ومنتظرين حمامتنا اللي طلعت من صالــــٓــة العمليات بالسلامــــٓــه وبس تٵن بصوت هادئ وفوگاها بعد مابشرتهم واطمٵنوا.
اتصل دڪتورنا حلفنــــٓــي اصورها يگول اڪيد راح تجيب العيــــٓــد.
واريد صوره وصوت اريد اسمع اعترافات شنو تگول عن مُـــخلــد. شنو تسميــــٓــه شنو تدلعــــٓــه.
وعسى ولعل تعترف بشنو وعدتني و مُـــخلــد يسمــــٓــع حتى ينفذهن.
يسٵلنــــٓــي عن الطفل گلت والله شڪلــــٓــه راح ياخذ غلاة الڪل واني گلتها لالياس ٵجمل من ڪل الاحفاد لو يتهيٵلي.
گال لا ابد ما يتهيٵلج.
اوس گال حبيب خاله هذا اعلمــــٓــه عليــــٓــه وادخلــــٓــه دورات طرب الاصيل واهم عضو بالفرقه هو.
بس لاتنسين هالله هالله بالتصوير اشتري منج بدولارات وابتــــٓــز بيــــٓــه ام همام.
خابت آماله دڪتورنا. وهي الڪلمه الوحيده اللي نطقتها يارب.
وخلصــــٓــتها تٵن و مُـــخلــد قريب منها يحسسها ٵنينها ؏ گلــــٓــبه.
ويتگــــٓــطع قهر لما تنطق الآآه. يبعد الآه وڪل هلــــٓــي يسمعها عاشقها المُتــــٓــيم.
ومن فتحت عيونها الحلوه شڪلها تريد تستوعب هي وين. وهي تتلفت يمين ويسار.
وهو ڪان الاقرب الها بارك الها وهو يتحمدالها بسلامتها.
رويحتــــٓــي الف الحمدلله ؏ سلامتج ٵم همام.
بـــ ابتسامه مخلوطــــٓــه بدموع ردت الله يسلمك. وينــــٓــه؟؟؟؟
ذاك الوڪت مُـــخلــد طلب يشوفــــٓــه. ڪان بيد خالتي عنيده قربتــــٓــه اله وتگوله نسخــــٓــه من ٵمــــٓــه حتى العيون.
واليوم مُـــخلــد مابقت عنده دموع ماسيطر وهو ياخذه من خالتي عنيده دموعــــٓــه نزلت يگول دموع فرح.
استنشق بقــــٓــوه وضمــــٓــه لصدره وبعدها قربه لمسك تشوفه متوجعه بالگوه تحاول ترفع راسها.
فتحت تلفوني واخذت الهم اڪثر من صوره اجمل عائلــــٓــه ربي يحميهم. ويديم عليهم السعاده.
ايا ياقوم اسمعوا مني قصــــٓــة غصة خلقت من العدم...
يومااا ما خط لي اجمل الصدف...
اسير على شط العرب ذاك الذي يعرف اسرار الجميع
اراه ثابتا شامخا صامدااا متبجلا ...
عز وفخر وشموخ ينضح من هيبته...
غموض واسرار تحفه ...
من يراه يظن انه لم ير الحزن قط في حياته...
رأيته حوله اطفالا كثر يسرحون ويمرحون ...
خطر لي خذوا افعالهم من افواه اطفالهم ...
التقطت عيناي ملاكااا بريئا.... خطيت نحوه...
بهت حين نطق قبل سلامي اعرف مايجول بخاطرك
اجلس واسمع مني رواية رجل خلق من رحم الوجع...
هالني ذكاء الطفل و فراسته ...
كان سؤالي من ذاك الشامخ كنخلة مرت عليها السنون؟؟
الطفل: أرأيت طفل حافيا يركض على نار لظى؟؟!
اسمعت بطفل فقد اغلى ما يملك؟؟! الحنان.. الاهتمام.. الدفء ... ولم يتبقى له سوى حنونة
ذات جدائل صهباء خطت السنين تجاعيدها على
ثنايا وجهها ويديها....
كانت اول قطعة تنحر من قلبه...
ولم يبق له سوى .... حبر قلم حط على ورقة
فرسم ماعجز اشهر الفنانين عن ابداعه ليس بالاتقان.. ولكن بمقدار المشاعر..
مسكت الورقة بين يدي مر عليها الدهر طفل ينظر
نحو والدته التي تعطيها ظهر... عبرة كتمت انفاسي..
قال الطفل: على رسلك فالقادم ادهى..
قلت مصدومة: ماذا اهناك ماهو ابشع؟؟!
الطفل : إنه طفل ربى نفسه بنفسه....
جعل من كل عثرة في طريقه خطوة نحو النجاح
الذي من لحمه ودمه كان يكيد له كل مكائد الكون
تهد اعتى الجبال وهو بقي واقفا صامد لم يثني حتى قدمه ....
قلت: الاقارب عقارب الا من رحم ربي؟!
عادت بعد سنين رآها.. عرفها... ولكن كيف للجلمود ان يتحرك... داخله يريدها... وهيئته توحي برفضهاا...
كأنني في دوامة اوضح لي اكثر؟؟!
لم ينجرف نحو الهاوية... بل اتخذ من كل حجرة درجة في سلم الحياة... لم يجعلها كبوة رغم كل التحديات... انفلق من الصخر وترك شرذمة السوء وراء ظهره ... وربي رحيم...
وضع الخير في طريقه ...
كان طبيبا رغم انف الحاقدين الذين قالوا لن تصل..
بل وصل وحطم أنوفهم ....
يا له من جبار وصبور هل هناك من مزيد؟؟!
أسمعت يوما بفاقد الشيء يعطيه؟؟!
إنه من فقد واعطى واعطى بسخاء قاعدة كسرها بل حطمها تحطيماااا....
ويزداد اعجابي وخطر ببالي هل هذا الجلمود يحب؟؟!
إنه لم يعرف للحب سبيلااا ولا للعشق طريقااا ولا يؤمن حتى بوجوده ابدا ابدا....
ولكن دخلت لحياته متسللة تمشي على قلبه
كل ما تمسه يصبح ملكها تلك الملكة الاسطورية
لماذ اشعر ان هناك ملحمة عشقية تاريخية حدثت؟!
التااااع قلبه... وطاااال صبرره... وحرق فؤاده...
تسع سنوااات عجااااف... لم ينهل ماء يروي عطش عشقه ولا طعام يسد رمق جنونه ...
لا تقل لم يحصل عليها؟؟!
بلى ولكن بعد عذاب زمهريرااا .... ورياح عاتية
هبت نسائم الفرح تجسد قصة عشق ازلية ولكن؟؟!
لماذا ولكن توج عشقه بظفورها بها ماذا بعد؟؟
نعيق بومة شمطاء اوجس خيفة في قلبه
حب لن يكلل بثماره
ورغم ذلك كان الدعاء سبيله...
والايمان والخشوع طريقه.... حتى؟؟!
رأيت الطفل يحدق نحوه وكله ينطق حبا وفخراا
أومأت له بمعنى اكمل؟؟!
ولكن كذب المنجمون ولو صدقوا
فأتيت أنا لأنير عتمة لياليهم...
واشق السرور في ايامهم....
وافجر الفرح في قسماتهم....
وقفت كالبلهاء مصدومة أنت ابن ذاك الرجل؟؟!
شخص عيناه كأسد يريد ان ينقض عليي
إنه والدي ابي وحبيبي انه سندي الذي لا يميل
قدوتي وقائدي ... ملجأي وملاذي....
لم انتبه لذاك الجلمود حين اقترب والتفت على صوته حين قال:
هُمام مقدام روحي ... واسدي الشجاع ... همتي وعزيمتي ... ونبيل ابتسامتي .... وعظيم فرحتي بمجيئه في حياتي.. سيفي الحامي لظهري...
ثمرة حبي وصبري.. هدية الرحمن لي.
لم اعد اميز ايهما يثير اعجابي اكثر الابن ام الاب
حمل طفله بين يديه وكأن جوهرة ثمينة يخاف كسرها.. انطلقوا بعيدا وانا التقط لهم صورة..
بحر وغروب واسد يحمل شبله...
انهيت كلماتي والصقت الصورة وكتبت تحتها...
إنه الذي لا يهاب احد الا الله ....
حكاية اسطورة يرويها اسطورة....
ابداع مرمر ـــــــــmaroosh96
يتبــــٓــع ـــ
وئام الشيخلي,,,,,,,, 💞