33.
Jorino
Third Person's POV
Higit na mas tahimik kesa sa karaniwan ang library sa oras na ito. Karamihan sa mga estudyante ay nasa mga klase nila o di kaya'y nasa cafeteria kaya iilan lamang ang nandito at kabilang sa kanila sina Ponzi at Serenity na nasa pinakalikurang bahagi ng library kung saan malayo sila sa paningin at pandinig ng librarian.
Hindi maiwasan ni Serenity ang mailang dahil habang nagsusulat siya sa kanyang notebook ay nakahalumbaba lamang si Ponzi sa tapat niya na animo'y tinititigan ang bawat galaw niya.
"Ponzi answer your workbooks and quit messing with me." Kalmadong giit ni Serenity sabay turo sa mga libro ni Ponzi na nakalatag sa mesa.
"Kinikilig ka lang eh." Biro ni Ponzi habang pinagtatawanan ang dalaga.
"Hey we're both at the library quit messing with me, pag tayo napagalitan ng librarian di na talaga kita papansinin at kakausapin ulit." Banta ng dalaga sabay turo sa direksyon matandang librarian na napakalayo lamang mula sa kanila.
"Really Serenity?" Ngumisi si Ponzi at mas lalong inabante ang upuan upang mas lalong malapit ang mukha niya sa dalaga. "Can you really ignore me?" Muling tanong ni Ponzi ngunit hindi kumibo ang dalaga, sa halip ay nagpatuloy lamang ito sa pagsusulat sa kanyang notebook na animo'y walang naririnig na kahit na ano dahilan para agad na mawala ang ngisi sa mukha niya.
"Oo nga, kaya mo nga." Napangiwi na lamang si Ponzi at marahas na napakamot sa ulo niya.
"Told ya boy." Pagmamalaki ni Serenity habang nakasentro parin ang atensyon at paningin sa notebook na kaharap. Hinihinaan lamang nito ang boses niya sa takot nab aka mapagalitan ng librarian o maistorbo ang mga kasamang estudyante sa library.
"Ano ba 'yang sinusulat mo?" Nang akmang sisilipin na ni Ponzi ang notebook ay dali-dali itong sinara ni Serenity.
"This is homework and cheating is a mortal sin so your peeking is a no-no. Get ya brain together boy." Nakangiting sambit ni Serenity dahilan para lalong mapangiwi si Ponzi.
Nang muling inihiga ni Ponzi ang ulo sa mesa ay muling nagpatuloy si Serenity sa pagsusulat habang nagpipigil ng tawa.
"Yung ghetto-gangsta-slang mo bumabalik na pero puro naman kabanalan ang mensahe ng pinagsasabi mo. Bwisit, mababaliw na talaga ako." Pabulong na sambit ni Ponzi na kulang nalang ay iuntog na ang ulo niya sa mesa.
"Don't go Dustin-like-crazy." Biro ni Serenity na hindi man lang tinitingnan si Ponzi dahil sa sinusulat.
"Yung crush mo na naman. Tss." Inis na pasaring ni Ponzi.
"Hindi siya ang crush ko..." Pakantang sambit ni Serenity na animo'y nang-iinis dahilan para mapaangat si Ponzi sa kanyang ulo.
"Si God crush mo?" Tanong ni Ponzi na animo'y naniniguro.
Tumingin si Serenity kay Ponzi ang ngumiti ng nakakaloko, "God is my great love. Crush is different." Anito dahilan para muling mapasimangot si Ponzi.
"Sino na naman yang crush mo?" Kunot-noong tanong ni Ponzi na halos magsalubong na ang kilay. Lalo siyang nainis dahil imbes na sumagot ay ngumiti lamang si Serenity sabay angat ng mga balikat niya.
Napangiwi si Ponzi, "Wag mong sabihing si Jorino Jomomo?"
Agad na nakunot ang noo ni Serenity saka napatingin kay Ponzi, "Ano ang Jorino Jomomo?"
Suminghal si Ponzi at ngumisi na animo'y nagmamayabang, "Scientific name 'yon ni Jojo Tirador. Jorino Jomomo Tirador"
Hindi na napigilan pa ni Serenity ang matawa kaya naman dali-dali niyang ibinaon ang mukha sa mga palad niya sa takot na baka may makarinig sa kanya.
Napangisi si Ponzi na animo'y ipinagmamayabang kanyang tagumpay "Sa wakas natawa ka rin. Sinasabi ko na nga ba't andiyan pa yang kabaliwan mo't naka-hiatus lang. 'Wag mong pigilan ang tawa mo, baka mamaya mautot ka." Biro niya kaya naman agad siyang sinamaan ng tingin ni Serenity na ngayo'y seryoso na ulit.
"Shh, tumigil ka na okay? Baka mapagalitan pa tayo. Ayokong mapagalitan, hindi ako pwedeng mapagalitan." Muling giit ni Serenity.
"Serenity ang layo na natin mula sa librarian at isa pa ang tanda na nun, hirap na nga yung marinig eh." Giit ni Ponzi pero hindi siya pinansin ng dalaga't nagpatuloy ito sa pagsusulat.
"Psst.." Muling ngumisi si Ponzi, "Astig ng scientific name ni Jojo no? Parang tribal gaya ng pagmumukha niya." Tumatawang sambit ni Ponzi pero ngumiwi lamang si Serenity at tinakpan ang dalawang tenga niya.
"Maririnig mo parin ako Serenity." Humalakhak si Ponzi, "Akala ko ako ang may pinakamabantot na pangalan, meron pa pala—Jorino Jomomo, tangina anong klaseng pangalan 'yon? Ano kayang nahithit ng nanay ni Jojo?" Sabi pa ni Ponzi na pilit parin pinapatawa si Serenity.
Gustong-gusto nang matawa ni Serenity kaya naman pilit na lamang niyang tinatakpan ang bibig niya habang patuloy ang pagsusulat bagay na ikinainis ni Ponzi.
"Sige na, tawa ka na. Pagtawanan natin ang scientific name ni Jojo. Aminin mo nakakatawa talaga. Jorino Jomomo Tirador, mukha palang para sarap ng bagsakan ng aparador. Manood tayo ng Lord of The Rings, andun si Jojo, kamukhang-kamukha niya yung kalbo na nagsasabi ng 'My precious'—"
"Hoy ang sakit mo nang magsalita ah! Isa ka nalang at isusumbong na kita sa nanay ko!" Biglang umalingawngaw ang napakalakas na sigaw ni Jojo na kanina pa pala nakaupo malapit sa kanila dahilan para dali-daling magtago ni Serenity sa ilalim ng mesa.
"Problema nun?" Gulat na sambit ni Jojo kay Ponzi na naguguluhan din sa naging reaksyon ng dalaga.
Yuyuko na sana si Ponzi upang tanungin si Serenity pero bigla na lamang umalingawngaw ang piton ng librarian.
"Library 'to at hindi sabungan, kung gusto niyong mag-ingay, lumabas kayo!" Bulyaw sa kanila ng librarian kaya dali-daling ngumiti si Ponzi at nag-peace sign sa matanda.
"Ma'm pasensya na po, nadala lang po kasi sa emosyon tong kaibigan ko. Pasensya na po talaga, ako po ang may kasalanan." Pag-ako ni Ponzi sa kasalanan kaya napabuntong-hininga na lamang ang librarian at bumalik sa mesa niya.
"Ikaw 'wag ka kasing sumigaw." Pabulong na sambit ni Ponzi kay Jojo.
"Ba't mo ako nilalait? Ikaw nga tong may utang sakin ng porn!" Nanlilisik ang mga matang sambit ni Jojo na hinihinaan din ang boses niya.
Dali-daling sinilip ni Ponzi ang ilalim ng mesa at nakita niya si Serenity na nagtatago at animo'y natatakot.
"Okay ka lang? Lumabas ka na diyan." Nag-aalalang sambit ni Ponzi, "Inako ko ang kasalanan, I promise, you're not in any trouble." Giit ni Ponzi saka inabot ang kamay niya kay Serenity.
"Please let's stick with the rules." Giit ni Serenity kaya agad na tumango-tango si Ponzi.
****
From Ponzi: Asan ka? Vacant ka diba?
To Ponzi: still @ library.
From Ponzi: Wag mo akong mamiss masyado, tapusin ko lang 'tong chem class
To Ponzi: Listen well, God bless :)
Matapos makapagpadala ng mensahe ay ibinalik ni Serenity ang pansin sa librong kanyang binabasa at maya't-mayang nagsusulat sa kanyang notebook. Ilang sandali pa ay bigla niyang naramdaman na may tumabi sa kanya at nagulat siya nang makita kung sino ito—Si Jojo.
"Hi Babe." Biglang hinalikan ni Jojo ang sariling palad at idinampi ito sa pisngi ni Serenity sabay kindat. Dahil sa ginawa nito ay biglang namutla si Serenity habang nanlalaki ang mga mata dala ng gulat at pandidiri.
"Wala bang hello babe diyan?" Tanong ulit ni Jojo kay Serenity na animo'y hindi na makagalaw o makapagsalita pa.
"Masyado ka na bang na-mesmerized sakin kaya na-speechless ka? Mamaya bigla kang mahimatay diyan, maiuuwi kita ng wala sa oras." Muling sambit ni Jojo saka muling kinindatan ang dalaga.
"I know you're not my boyfriend. Quit fooling around." Huminga na lamang ng malalim si Serenity, "Jojo kelan ka huling nagdasal sa diyos at nagbasa ng bibliya?" Tanong na lamang niya dahilan para agad na mawala ang ngisi sa mukha ng binata.
"Alam kong 'yan ang sasabihin mo sakin Diablo, akala mo ba maloloko mo ako sa pagbabalat-kayo mong 'yan? Ako si Jorino Jomomo Tirador at nanggaling ako sa angkan ng mga albularyo, sa ngalan ng mga Tirador, inuutusan kita, lubayan mo ang katawan ni Sisa Demonyita!" Sigaw ni Jojo at bigla na lamang tinapon kay Sisa ang mga piraso ng bawang na kanina pa pala niya kinukuyom sa mga palad niya dahilan para mapapikit na lamang si Serenity at muling mapabuntong-hininga.
"God bless you Jojo." Sabi na lamang ni Serenity habang nakangiti at ibinalik ang pansin sa librong binabasa kahit pa may mga bawang pang naiwan sa ulo't damit niya.
"Aish! Alam mo ba kung gaano kahirap maglinis dito?!" Biglang umalingawngaw ang boses ng isang lalakeng animo'y naiinis kaya kapwa napalingon sina Jojo at Serenity dito.
"Anong pangalan mo? Isusumbong kita kay Dean." Sambit ng lalakeng kasing-edad lamang nila pero nakasuot ito ng isang kulay asul na uniform na siyang palatandaan na isa siya sa mga working student ng Crimson Lake University.
"Agapito Zosimo Tanya! Bye pre!" Sigaw ni Jojo saka nagtatakbo palayo dahilan para mapabuntong-hininga na lamang si Serenity.
"Ginugulo ka ba ng lalakeng 'yon?" Muling tanong ng lalakeng may napakamaamong ngiti sa kanyang labi.
"Naku hindi," Ngumiti si Serenity at umiling-iling, "Magkakilala daw kasi kami noon kaso hindi ko na siya naalala kaya medyo nagtatampo yata pero sabi nila mabait naman 'yon kahit madaming kalokohan. Ewan ko kung totoo ba." Tumatawang sambit ni Serenity dahilan para matawa rin ang lalake.
"Di mo maalala? Ano yun nagka-amnesia ka?" Biro ng lalake saka naupo sa tabi ni Serenity.
"Ganun nga siguro 'yon, I was in this car accident and I can't remember a thing." Tumatawang sambit ni Serenity.
"Ah, akala ko pa naman transferee ka gaya ko." Sabi pa ng lalake.
"Actually I just transferred back here so with my memories reformatted like a computer, para rin akong new student gaya mo." Sabi pa ni Serenity.
"Hindi ka ba nahihirapang maghanap ng kaibigan?" Tanong pa nito kaya umiling si Serenity.
"God gave me good people that could guide me. I'm blessed and I couldn't ask for more." Pagmamalaki ni Serenity saka tinitigan ang mata ng lalake, "You look familiar? Have we met before?" Aniya.
"Baka oo, baka hindi. Generic tong pogi kong mukha eh." Biro ng lalake dahilan para bahagyang tumawa si Serenity bilang respeto.
"I'm Serenity and you are?" Tanong niya rito.
Ngumiti ang lalake saka nakipagkamay sa kanya, "Serenity... Nice name, parehong-pareho sa ugali mo. Ako pala si Dexter."
END OF CHAPTER 33.
THANKS FOR READING!
VOTE AND COMMENT <3