قسوة الشيخ وعذابي

البارت السادس والاربعون 💔

البارت السادس والاربعون

انت بحاجه
لمن يحس فيك قبل ان يحبك... وان يفهم كلامك من السكوتك... ومن يتقبلك كما انت دوما.. في جدالك او نقاشك.. ومن يهتم بأدق تفاصيلك.. ويراعي عصبيتك ويفهم مزاجك المتقلب ليست من فراغ بل وراءه سباب....

.......................

فييصل...... دلللع طللللعييي مااكو وحده مخبله مثلج تتبقه اكثرر من سااعتين تردين تمووتين

ماجاوبته دفر الباب برجله كمت من الباب بسسرعه بقه يحجي وياي بهدوء وكلماته كزبرن جسمي

فيصل...... طلعي وسوي بيه التردينه لا توجعين كلبي وروحي متعلقه بيج ماريد اخسرج عمي زهراء راح تبقه هناا علمود ابوها لا يئذيها واكابلج وكعد ماروح يمها بس طلعي وداعت ابوي ماحبها نسسيها وبالي بس انتي طلعي كافي فدوه اروحلج

بقيت اسمع حجيه بتركيز وابتسم وحدي بالحمام جان يسكت حجيت بدون تفكير

دلع...... اي كمل وانه شنو اعني عندك بعد

فيصل..... ههههه هاا ولج طلع وكملج وجه لوجه

خجللت من نفسي وشكد فشله يوميه اجفص يمه بحجي طلعت هو واكفلي بالباب فتحلي ايده عود احضنه دنكت من جوها وعبرت

فيصل..... هاي المكان كله اله جوه ايدي

دلع..... بكييفي

فيصل..... فدوه للكيفج تشرح صدري

دلع....... صدكك

فيصل..... هههههه بدلي مو ملابسج وشكلهن خربن نيتي وراح يكفرني ويطلعني من طورري

دلع.... يااا شبيهن

باوعت عليهن كلهن مااي ولازكات ع جسمي ركضت دخلت للحمام وسديته مرة ثانيه

دلع..... نطييني ملابسسس

فيصل..... طلعي اخذي بنفسج ماعندج ايدين

دلع.... فيصل حباب انطيني

فيصل.... بدام صرت حباب تدللين

اخذت الملابس منه وبدلت وطلعت جان بعده كاعد باوعلي عضلي شفه بفيت صافنه

دلع.... شنو شبيك

فيصل..... والله ماتفتهمين شي لازم اكعد اعلمج كلشي عن هل سوالف

دلع..... رحت يمه وكعدت صرت فضوليه.... اي سوالفلي اسمعك

فيصل...... كومي تعشي بالاول وباليل من ننام اسولفلج براحتي

دلع..... مارييد خلي تفيدك سوالفك

فيصل..... انتي الخسرانه يروحي

عفته وكمت مششطت شعري الزغير وحسيت فيصل وراي اخذ المشاطه مني وخلاها ع الميز

فيصل..... كسرر بيدج كون كصيتي وخربتي

دلع.... كله منك لا تحجي عليه

فيصل...... هو كله مني صح بس منو كصه بيده

دلع..... بعد صاارت محاجه كل ساعه تذكرني 

فيصل...... نزلي جوه تعشي باجر نروح للسوك

دلع.... بستغراب ليش شنو نسوي

فيصل.... ماعندج ملابس شتلبسين العصر بخطوبه شهد

دلع... بصرخه اخططططبت شهدد

فيصل...... انتي وين عاشيه ويانه لو وحدج

دلع..... ياغير تكلولي اباركلها

عفت فيصل وطلعت وهو صاح عليه كتله شووي واجيي رحت لكيت البنات يمها وهيه تضحك دخلت وحضنتها وباوستها وباركتلها

شهد...... شنو القضيه هيج كلجن فرحانات تردن الفكه مني

شهزنان..... شفايدتج ماخذ اخوي زينة الشباب

رقيه.... عذرينها قصدها خزينة الشباب

شهد..... انجبيي تررحيله فدوه انتي وعشيررتج القذرة ام الوصخ والجرب تحجي ع حسونايتي

دلع...... ولا تكعد ام حسونايتي

رقيه..... الجربه ما غيرج انه تحجين عليه ع لمود هذت الجلح الاملح مايفيد لبو الحلاوه

شهزنان...... عفيه شهد هذا اخوي دافعيله مو تحجين عليه كدام خواتج

ميس.... جااي تحجوون

رقيه...... تعااي شوفي ست شهد وشهزنان مسويات حزب علينه عود هي وحماتها صافات سوه

ميس...... هجم بيت الحموات اذا صفن يخربن دول مو بس بيوت

شهد...... خير خيرر تردن تحجن ع رجلي واسكت ترحله فدوه وسبع فدوات انتن منو وتحجن عليه

كبت بينهن وشهد يهي تحجي ع حسن تكب بوجها انه وشهزنان كاضينها ضحك خوات وبيناتهم ورقيه واكفه عضم بالبلعوم لشهد ومسودنتها ع كل حجايه بقيت يمهن وبالكوه غيرن الموضوع وكمنه نحجي ع تحضيرت باجر وشهد دك تلفونها

شهد..... يممه حسوني يتصل كوومن طلعن براا

ميس.... خلي نتفق ع باجر تعقودن وراها خطوبتكن لازم نجهز كلشي وبعدين حاجي

رقيه..... انه من هسه الكوشه عليه انه وشهزنان ودلع تساعدينه افكارج هم حلوه نستفاد منهن

دلع..... ماكو مشكله اذا رجعت من وكت من السوك اساعدكم

شهد..... طللعن خللصني

طردتنه براا وسدت الباب كعدن البنات بالصاله يكملن حجيهن وشهزنان اياد صاحلها وراحت انه دخلن للمطبخ اريد تشووف شنو اكو حته اكل ما لكيت شي ومابيه حيل اكلي صعدت للفيصل

دلع..... فيييصل فيييصل وييينك

هذا وين راااح باوعت للغرفه مهو دخلت للحمام فارغ سديت وطلعت من الغرفه وانه جاي انزل من الدرج صار بوجهي

دلع..... وين جنت دورت عليك ما لكيتك

فيصل..... كاعد بالحديقه تردين شي

دلع.... اي والله جوعانه ومابيه حيل اسوي جيبلي جاهز

فيصل.... تعلمتي ع الجاهز ع حضرتج

دلع.... شنو تملن عليه جا تريد تجيبلي ماريد خلي فلوسك الك

ردت انزل مخلاني لزمني من خصري وصعدني وياه ويمشي بيه وانه احجي وياه هو ماجاوبني ويمشين غصب عني دخلني للغرفه وسد الباب

فيصل.... بدلي خلي اخذج تاكلين ونرجع

عفته ورحت للجربايه وكعدت وجتف ايديه ع صدري ودرت وجهي عنه

فيصل..... صاير عندج حالة من حالات الزعل الجديده

دلع.... درت وجهي عليه.. ليشش مو من حقي ازعل لو بس انته تتزعل حلال

فيصل..... زعلي شكد ما تردين حاضر انه اراضيج بكل طررق واساليب

غمزلي ورفع حاجبه الي صفت شويه جاي افتهم شنو قصده من افتهمت فكيت عيوني وباوعتله

فيصل..... الحمدلله بديت تتعلمين بدون ما احجي

دلع..... كافي والله سوالفك سخيفه

فيصل..... شنوو كلتي سوالفي شبيها

هو يتغرب عليه وانه طفرت من الجربايه والحظ خلاني بصفه جان هو فراني من جهت ضهري وحضني صار ضهري ع صدر

دلع...... شبيك فيصل ميل عني

فيصل..... كلشي بيج صاطرني شنو الحل بريج

دلع.... عووفني جاي تذيني

فيصل...... دلع كافي ماطله خلي نعيش باقي حياتنه بتفاهم ونرتاح من هذا الضيم

دلع...... هاااا

شال ايده من عندي وعافني وكال بدلي انتضرج جوه بدلت بسرعه تنورة وقميص بسرعه ونزلت بدون ما خلي شي ع وجهي وحذائي شايلته بيد ونزلت.. شفته واكف بالباب ينتضرني بتسملي

فيصل.... شهل حلاوه ولج وين اضمج

دلع..... لا تسويني كلش ترا انغر عليك مو تكول بعدين صرتي مغروره

فيصل..... يلوكلج الغرور بس دارينه شويه

دلع..... هههههه اداريك وتداريني وتخلص

فيصل..... امشي امشي اول مرة اشوف وحده يعجبها تمشي حافي اكثر من ما تلبس الحذاء

دلع..... متميزه بكلشي حتى بهااي

فيصل...... تخبلين بكلشي ضلت ع هاي

خجلت من كلامه وصعد وشغل اغنيه هادئة ولزم ايدي ويسوق وانه جانت هااي فرحتي ومتونسه كلش رغم الجاي سويلي شي عادي بس انه اعتبره شي جبير هواي وكف يم مطعم وطلب وجابو للسيارة وخذنه وطلعنه وكف ع الشارع وخلاه بحضني

فيصل..... يلا اكلي وهاي الجامه نزلتها حتى يطكج الهوه

دلع...... هاذا هوواي اكل وياي

فيصل..... شبعان اكلي انتي والا تفكرين بي هواي

اكلت شويه وشلت قطعه من البيتزا خليته بيده هو اخذها وباوع ع الشارع محد وكلاها شكله يكول حرامي

دلع.... ههههههه لا تلتفت صادووك

فيصل.....هههههه

خلصت اكل وبقه قسم انطيته الفيصل كله بعد ما توسلت بي ياكله ادري بي ما متعشي ويجذب عليه بقينه نفتر بالشارع والجو باليل يخبل والهو يضرب بوجهي ورجعنه للبيت دخلنه جانت ميس كاعده بعدهي وملاك عدهاا وتبجي رحت اخذتها منها وفيصل صعد فوك قبلي

دلع..... علي وين

ميس..... كاعد فوك يلعب بالايباد

دلع..... تعبتج بيها

ميس.... لا عادي همشي انتي تتونسين

دلع.... يكلبي يلا تصبحين على خير

ملاك بيدي وصعدت فوك بقيت انوم بيها وفيصل يكلب ويه علي بالايباد نامت ملاك وخليتها جوه ع فراشها

فيصل..... يلا ولك عليوي كافي مباوع كوم نام

علي.... ماريد انام نمت الصبح

فيصل..... اي ونام هسه وتكعد الصبح

قصده نايم البارحه هو يسميها صبح... ماقبل علي يكوم وفيصل شاله وخله ع الفراش واجه جلب بيه

علي..... نامي يمي

دلع..... تعال يمي نام وعوف ملاك نايمه صايىدر هل ايام نومك خبصه وتدفر باملاك

فيصل..... خل يوولي بمكانه وين جايبته

دلع.......من ينام انزله شبيك

اخذته واخذت الايباد منه ونيمته يمي وفيصل بقه كاعد ع تلفونه مدري يراسلمن نومت علي وكمت نزلته وفتحت ايباد علي وكعدت اباوع ع اليوتيوب وجان ينطفي بيدي

دلع....... ليششش طفيته

فيصل..... نامي باجر شيكعدج تعدت الوحده

دلع..... توا اريد اباوع ليش

فيصل..... نايمي وباجر اشتريلج تلفون وباوعي براحتج

دلع..... واللله

فيصل.... اي والله اصلان مقرر من يمته بس ماصارتلي فرصه اجيبلج

دلع..... شكرااا يا احلى فيصل... حضني وكال

فيصل...... كولي ياحلى حبيبي شي موفيصل والله هواي عليج شو ميلي

دفعني من حضنه ودار وجهاا وانطاني ضهر يااا شبيه هذا ما هتميت درت وجهي انه هم وردت انام وسلهمت وكعدت مفزووعه...

................................

اتصل تلفوني كمت للحمام وجاوبته وشويه واجاني صوت ضياء هو يكح

رقيه..... ضياء

ضياء..... روحه وحياته شكد تعبان بدونج وانتي ما عولتي تخلصين مني وما سئلتي عليه

رقيه.... ليش اسئل عليك وانته ماتريدني

ضياء..... رقيه قدمت ع الجيش

رقيه..... شنوو يمته لا الله يخليك ضياء لا تريد تروح ويجوبونك الي بتابوت لا ماكدر

ضياء..... ما قدمت ع قسم الحروب قدمت ع المعالج الجروح ممرض

رقيه.... جريت نفسس واووف خوفتن والله اجه كلبي يوكف

ضياء..... اسم الله ع كلبج

رقيه..... شلونك

ضياء..... مو زين افلاونزه لازمتني من يوم الكطعتي بيه

رقيه...... كله منك انته كلتلي ماريدج

ضياء..... جنت ادري بيج ماراح تقبلين ع الجيش وانه كوه قنعت ابوي بروحه بس ما قبلون بالحرب قدمت ع الجرحه همشي اساعد في خدمت الوطن

رقيه...... تدري بيه اخاف عليك وفوكاها ترد تروح للموت برجليك هاي ناس ماترحم والله كتلك اذا شي تسوي من وراي وانه ماراضيه ما يصير

ضياء...... قابل انتي امي وما تقبلين

رقيه..... انته كلشي بالنسبه الي وانه الك كلشي مو بس امك اصير روحك لوردت

ضياء..... اووف مشتاق لهل حجي فدوه تزوجين ما بيه صبرر بعد

رقيه..... ماراح اردك تعالي بعدني ع امل انتضراك

ضياء...... ما ضاع حبي بيج ونعم الشيخ ونعم من تربيته وبنته السلبت كليبي مني سلب

رقيه...... تعال باجر وخطبني اذا رايدني صدك

ضياء..... مو هذا السبوع الجاي اجي اليله نازل ويه الجنود والعساكر ومتضل اودعج وريد تسامحين كلشي ويصير هنااك

رقيه..... اسم الله عليك يروحي انته ان شالله ترجع بالسلامة وتنور بيتك واهلك وناسك وتفرحني بشوفتك

ضياء..... دعواتج كافيه تخليني اروح وارجع بالسلامه بس ارجع اخطب اسبوع والسبوع الورا اتزوج العمر ما مضمون وخاف يغدرني

رقيه..... ان شالله روح وتعال ورجعلي سالم وعمري وحياتي فدوه الك

خصمتها وياه والله يحرسك من كل شر وسديته منه ونفتح كلبي من جديد ونبضاته رجعت تحجي بضياء  وبقيت ادعي رجع بالسلامه هو صيدلاني لذالك بسرعه قبلو بالجيش كممرض عنده خبر بالتمريض طلعت برا وخلي سر الخطوبه بيني وبين نفسي وماحجين لحد بيها... اجت دلع والحمدالله رجعت بسلامه وبعدها صارت سالفة شهد... والحمدالله انسدت بزواجها وراح نخلص من عدها جانت مدخوتنه بالشباب وهسه راح تتزوج... بقيت اتطمن ع ضياء ونحجي بس مراسله اتصال مايكدر يخاف نطول وعنده شغل والشبكه ضعيفه عدهم... كاعدين نتريك واجت شهد كعدت واليوم خطوبتها وهيه بعدهي بحلامها الورديه وكاعد ع السفر وهي مغمضه...

ساميه...... شهد ولج شششهد

ضربتها ميس من يمها فزت وشافتنه فركت عيونها بضوجه وكامت غسل واجت تريكنه وطلعنه للسوك اليوم العصر الخطوبه شهزنان كالت ما تروح اياد ياخذها ودلع هم كالت هي جهالها ياخذهم فيصل شي حلو اخوانيي يهتمون بتفاصيل نسوانهم حتى بالسوك يرحون وياهم تذكرت ضياء كمت من الريوك غسلت وراسلته

.... ضيائي حبيبي رايحه للسوك ويه اختي الباجر خطوبتها واليوم عقدها

جانت ماكو شبكه عنده رحت بدلت ونتضرته يجاوب ما جاوبني انه نسيت ما كتله البارحه من يحجي وياي راح عن بالي بدلت هو ماعنده شبكه ما رد نزلت ورحت وياهم  رجعت من السوك تعبانه وصعدت شمرت روحي ع النوم كبل وكعدت ع البنات يشوفن بالغراض شفت الساعه 3ونص الضهر

رقيه..... عقدو لو بعدهم

ميس..... اجو بس ينتضرون الشيخ كومي كافي نوم وشهد جاي تعدل روحه فوك ماتقبل تخلين نشوف شتسوي

رقيه..... مخبله الله يساعد اخوج يا شهزنان ع هيج وحده راح تجلطك بعز شبابك

شهزنان..... عاجبته هيه خلي متونس بيها

رقيه..... دلع ما اجو من السوك

شهزنان.... ولج قبل نص ساعه راحوو وكم شغل ناسينهن وصيناهم عليهم همزين عقد وحده وخطوبه وحده

رقيه..... اي والله حتى ما نتعب هواي ولو هو نفس التعب بس الفرق ماكو سيد

ميس.... رايح اشوف خالتي تجي باجر علمود تكل وليد يجي وهم اشوفه وحجي وياه ونفض سالفته

رقيه.... مبين رايدج حتى ماهتم لكلام محمد من طلع عليج بعد ما انكتل من فيصل كتلت عمرة

ميس...... خيولي لا تذكريني بي خلي اكعد ويه وليد وبعدها يصير خير

شهزنان..... احسن شي هو تكعدين وياه حتى ما تنقشين بي

ميس..... اي هو راح اسوي هيج والله كريم

كمت غسلت وجهي واجيت ادور ع تلفوني وين عاكطته لكيته جوه المخده اخذته وشفت ضياء مجاوبني..

.... لا ما كو روحه خلي هنا يرحن وانتي كليلهن يجبلج ع ذوقهن

بقيت اكل بضاافيري والله لو يدري رحت بدون ما انتضر يشويني

.... ضياء اسمعني والله ماجنت ادري بيك ما تقبل توه يلا شفتها رسالتك

عفت التلفون وبقيت افتر بالغرفه وهذا ما يتحاجه واذا دره رحت بدون ما يدري ونوب رافض طلعت برا وبقيت ادعي ما يصيح ولا يحجي عليه ويفهم موقفي افتريت البيت كله ورجعت فتحت التلفون ماكو رسايل شمرته التلفون ورحت يم البنات جاي يحجن

شهزنان...... هسه شنو جاي يحجون

ميس...... اللله اعلم

شهزنان..... انتي مو مخطوبه قبل شنو صار

ميس....... هو انه خطوبتي هم خطوه هم حجينه سوه اصلان ما حجينه

رقيه..... عن منو جاي تحجين

شهزنان..... استلم ما تدري وين نحجي ولج غير شهد عقدت وكاعده هيه وحسن بالستقبال

رقيه.... صدك خلي ارووح اخرب علييهم

ميس..... كعدي وسكتي شهد تطلع معنفصه بس ترحين وهيه قبل لا تكعد وياه كالت لا تدكن الباب عليه اريد اخذ راحتي

رقيه.... اختي والله متستحي عجيب امرها هاي تحجي من صدك اليوم اله ادك الباب

رحت اريد ادكه وشهزنان وميس يجرن بيه وانه ماكو اليوم ادك الباب ادكه اجيت ادكه وجانه صوت اياد..

........................

اجه ابوي وفيصل واياد وجوهم زينه ماتخوف طلعت رقيه وفيصل اجه باس راسي وعتذر مني ع الضرب والحجي وسامحته يبقه اخويه وتاج راسي وفتهمت منهم حسن مفهمهم وماعرف شلون وكلي ابو جهزي نفس للخطوبه ع حسن وماكو عتراض هزيت راسي وهم طلعو وانه بس طلع كمت اهزز وطك اصبح دخلن البنات وهزيت ككدتمهن هزز مصاير رقيه كبكت وياي ونضحك نسيت حتّى ضرب فيصل الي وخلي بس الفرحه بين عيوني اعتذرت مني ميس وحضنتها وضحكت وياها وبستها من راسها تبقه اختي وتمون عليه.. راحن هنا وانه خابرت ع حسن بسرعه

شهد..... كلوووووش هاذا الرادها وهاي التمناهاا

حسن....... ههههههه طررشتيني هيج تحبيني ومتونسه بيه

شهد.... يخرب بيتك شوو حبيتك يباشه

حسن...... دباع حتى لغات حافضه نعمه بيج شي بي فايده

شهد.... صوجي مخابرتك فرحانه شو انته جنك ما عاجبتك ومستهان بيه

حسن...... شهودتي مستعده تعيشين وياي كل عمرج ع السراء والضراء

شهد..... قبلت وهم قبلت وهم قبلت

حسن...... عود كدام الشيخ كول هيج

شهد..... عادي همشي اخذ حبيبي وضمه بين قلبي وشرايني

حسن...... ما تستحين تتغزلين بيه خافي عليه

شهد...... ههههههه مو بس اتغزل بيك ابوسك هم عادي راح تصير خطيبي وروحي وكبدها

حسن..... كمت اخاف خاف تنكلب الايه وتصير السالفه بالمكلوبي

شهد..... ههههههههههههه مسستحيل تفكيرك

حسن...... هسه انتي من تجين يمي اراويج شغلت الثكل شلون صارت خفيفه عندي من وراج

شهد...... حسن ماريد شي من الدنيه بس انته بس نتزوج حتى اهلي ما اجيهم ابقه يمك

حسن..... عيوني انتي وانه استفاد براسج

شهد....... عادي عادي استفاد كلي مالتك

حسن...... اوييلي يااابه ابنك راح يتسوودن

شهد...... ههههههههه وانته خبلتني قبل لا اخبلك تتذكر شلون تعرفنه

حسن...... عجيبه انه تورطت بذاك اليوم وانته صرتي المنغذه وكلبتي قانون حياتي بساعتها

شهد...... واحلى صدفه صارتلي وجمعتني بيك ربي احلى انسان وهمشي ثكيل

حسن..... هههههه هاي هم شي

بقيت اسوولف وياااه وضحك بصوت عالي وناسيه نفسي دخلت رقيه كلتلي نصي صوتج حمحمت ونصيته شويه بقيت ماخذه راحتي ويه حسن وبقينه نحجه للليل وهو ما سد التلفون وانه هم صارت حياتي متعلقه بس حبيته حب جنون وحب بنيه تبيع الدنيه ع موده الحمدلله ما خذلني بي ونعم الرجال والصديق والحبيب... سديته منه من سمعت صبو عشه تعشيت ورجعت للغرفه ولزمت الجهاز وطلعت صورته ع جهازي تذكّر اول لقاء النه.......

........ يتتبع...... لا تنسو التصويت 🌟