البارت الثاني عشر..
#ملحمة
#مملكة_الطوبجي
#أميره_اسامه
#صاحبه_البطل_الواحد
............
عند تسنيم
خلص الفرح أخيراً حطت تسنيم ايدها علي قلبها خايفه من اكتشافهم للكارثه اللي فوق
طلع حسين وهو ماسك سته وكلهم وراه وتسنيم طالعه اخر واحده
بتدعي من جواها تعدي علي خير
فتح حسين الباب عشان بدخل سته وفجأه سمع صوات امه
سميره....الحقني يا حسين حرامييييي اتسرقنا
جري حسين علي امه و وقفت تسنيم تاخد نفسها بصعوبه
صباح...يا ساتر يارب
دخل جري حسين علي جوه لقي الدولاب مكسور وكل حاجه متاخده منه
حسين...الفلوس يا نهار اسود
سميره...و دهبي كله كمان والفلوس اللي كانت هنا يا حسين
بلغ البوليس يا ابني
صباح...مين اللي عملها بس
حسين...بغضب ده نهار ابوه اسود خلانا في الفرح مشغولين وطلع عمل عملته.
صباح...بس محدش دخل ولا خرج احنا كنا جمب باب البيت يا ابني
حماده...يبقي اكيد من الصطح يا اما.
صباح...يالهوي لايكون دخل عندي انا كمان هروح اشوف
حماده...استني يا انا محدش هيدخل عندك انتي البت خلود جوه هيخاف
صباح...هشوف بردوا لا يكون عمل فيها حاجه ويجبلنا مصيبه
جريت صباح علي جوه ووراها حماده والكل وفجأه فضلت تصوت
صباح...دهبي اتسرق يا لهوووووي
جري حسين علي خلود لمح باب اوضتها مفتوح وهي مش جوه
حماده....يابنت الكلـ ـب دي البت خلود اللي عملت كده
سميره...يالهووووي خلود طيب وخرجت ازاي واحنا قاعدين جمب الباب
صباح...اتصرفوا اعملوا حاجه اكيد مبعدتش عن هنا
حسين....بتفكير استنوا بس في حاجه غلط
حماده...في ايه؟
تسنيم كانت واقفه ساكته وقلبها بيدق بسرعه وشها ابيض خالص ومرعوبه.
حسين....باب الشقه عندنا مش مكسور يعني اللي دخل الشقه دخل بمفتاح والبت دي مش معاها مفتاحنا
صباح...امال دخل منين يمكن من المنور
حسين...مفيش حاجه مفتوحه ولا مكسوره غير الدولاب والشقه زي ماهي اللي دخل عارف احنا شايلين الحاجه فين والبت دي متعرفش
صباح...امال هي فين بس ومين اللي خدهم
حسين....هي اللي خدتهم وهربت كمان بس البت دي مستحبل تعمل كده لوحدها.
حماده...تقصد ايه مش فاهم
حسين...انا واكلها علقه موت وسايبها مرميه في الارض بتطلع في الروح ومش قادره تتحرك صح يا ستي؟
صباح...ايوه صح ده كسر جسمها
بص حسين بشر لتسنيم اللي بمجرد ما شافته بصلها اترعبت
حسين....فلوسي ودهب امك محدش يعرف مكانه غيرك خلود مبتدخلش هنا انتي اللي علي طول تيجي تقعدي معاها
تسنيم....بخوف تقصد ايه اكيد هي بعد ما ضربتها خدت الحاجه وهربت
حسين....خلود واكله ضرب محدش يتحمله 😠 مش هتعرف تقوم غير لو حد ساعدها
سميره...بعد ما أخوكي وستك نزلوا انتي اختفيتي وبعدها رجعتي قعدتي وانتي مش علي بعضك😠
تسنيم....لا يا امي مش انا صدقيني🥺
حسين....بشر مفيش غيرك يا بنت الكلـ ـب يعملها وقرب منها فضل يضرب فيها بوحشيه وغضب وهما سايبينه وكمان بيشجعوه يضربها اكتر
تسنيم بصريخ ووجع
ايوه انا اللي هربتها انا اللي دخلت وسرقت كل حاجه و أدتهالها انا اللي رحمتها من ايدكم ياللي معندكوش قلب
حسين....انتي يا بنت الكلـ ـب يا فاجره انا هقتلك😠
تسنيم...اقتلني و ريحني من الظلم والقسوه اللي عايشه فيها لو هموت بسبب اني انقذت خلود من تحت ايدكم يبقي هموت وانا مرتاحه وهحس اني لاول مره اعمل حاجه صح طول عمري واقفه بتفرج علي اللي بتعملوه فيها ومش قادره انطق لاني لما بنطق بتقل من الضرب زيها🥺
بس لأ مش هسيبكم تعملوا فيها زي ما عملتوا في اختها يا ظلمه
حسين....هجيبها و هقتلها و هقتلك😠😠😠
تسنيم....بضحكه تشفي وهي منهاره مش هتعرف ترجعها انا وصلتها بنفسي لأول الشارع من اول ما نزلتوا يعني من ساعتين مستحيل تلاقيها
حسين....يابنت الكااااااااالب😠😠😠😠 مسك راسها و فضل يضرب فيها بكل قسوه وغضب ويخبط دماغها من غير رحمه
صباح....موتها الفاجره اللي سرقتنا😠
سميره...ربنا ياخدك يا تسنيييييم
وفجأه ساب جسمها من بين أيده
وقعت علي الأرض وهي الدم خارج من مناخيرها وبوئها وبتطلع صوت غريب.
تسنيم...بصوت متقطع هياخدني وهروح مكان احسن بصت تسنيم للصقف بعيون زايغه رفعت صباعها و اتشاهدت بصعوبه ولفظت أنفاسها الأخيره وظهر علي وشها أبتسامه رضا وكأنها أرتاحت وأطمنت علي خلود💔
سميره...تسنيم بت يا تسنيم😳
البت مبتردش يا حسين
حماده....البت شكلها ماتت😳
صباح...ياخراااابي عالمصايب
سميره...تسنييييم قومي يا بت وديت نفسك في داهيه يا ابن الكـــ لب انت كمان انت واختك ضعتوا مني في يوم واحد يالهوووووي🥺
صباح...بقوه وجبروت اكتمي بوئك ده خالص ابنك معملش حاجه اللي قتل تسنيم خلود😠
بصولها كلهم بصدمه و سكتوا كأن كلامها جه في وقته.
دفعت تسنيم تمن ظلمهم وقسوت عيلتها لكن في النهايه مشيت وهي راضيه تماماً عن تخليص خلود من تحت ايد عيله متعرفش حاجه عن الرحمه💔
...........
فضلت خلود تلف كتير بعد ما نزلت وسط البلد مشيت كتير وهي مش عارفه تروح فين ولا عارفه هي فين اصلا كانت حاسه انها علي وشك الانهيار في حاجه بتحصل جواها غريبه آلم صعب حد يتحمله في بطنها بس مكانتش تعرف في ايه بالظبط حاسه ان مناخيرها مغرقه وشها دم من تحت النقاب بس مضطره تكمل مشي وتبعد اكتر مضطره تشوف مكان هادي تقدر تستخبي وتنام فيه لحد الصبح و بتدعي من قلبها الموضوع يعدي علي خير ومحدش يشك في تسنيم💔
............
عند نادر وصل اخيراً واول ما وصل اتصل بيوسف.
يوسف....ايه ده انت وصلت
نادر...بضحك اسرع سفريه سافرتها لا وقوف ولا تفتيش ولا الهواء وطلعت كمان اتعشيت في الطياره ساعتين ووصلت😂
يوسف...ادعي لأخوك اللي وصلك في وقت قياسي
نادر....انت فين شكلك ليه مروحتش بتصيع من غيري🤨
يوسف...😂😂 اه قولت اروح الف لفه كده قبل ما أروح انت فين
نادر...انا خرجت من المطار و ركبت ورايح علي الفندق بس قولت اطمنك
يوسف...طيب تمام فيك الخير
نادر...مروح امته
يوسف....والله انا هقوم بس كنت زهقان
نادر...بضحك طبعاً زهقان من غيري يا كلب
يوسف...وهو بيقوم انت بتقول فيها اه والله وحشتني يا رخم من اول يوم
نادر...تقصد تقول من اول كام ساعه يلا يالا قوم علي البيت متسهرش من غيري🤨
يوسف...علي اساس انك مش هتقضيها سرمحه من غيري في تركيا 😉
نادر....بضحك انا جاي في شغل🙄
يوسف...عليا انا بردو ده احنا خبزينه سوا.
نادر...بقولك صحيح
يوسف...قول.
نادر....اطمنت علي ايمن وقاسم.
يوسف....يا ابني وصلوا من قبل ما تمشي انت اصلا
نادر...ايوه ما انا عارف بس مكلمتش حد فيهم عشان اتلخمت في السفر
يوسف...لا زي الفل متقلقش كنت برغي معاهم من شويه قبل ما تكلمني انت
نادر....انت لوحدك بقي علي كده
يوسف...اه والله قولت ارغي معاهم وارخم عليهم شويه لحد ما توصل واطمن عليك انت كمان ما انا مش لاقي حاجه أعملها.
نادر....تصدق صعبت عليا وشكلي كده هرجعلك😂😂
يوسف...واللي يرجع😂
نادر...طبعاً عيل با الني متصدقش يعني بذمتك اسيب تركيا وحلاون تركيا واجي ابص في خلقتك😂😂
يوسف....واطي😂😂 تصدق عقابا ليك مش هقفل معاك غير لما اروح هتفضل تسليني
نادر...وماله يا اخويا اديني معاك انا تقريباً وصلت اهو سأل نادر السائق بالتركي إذا كان وصل ولا لا.
يوسف...بضحك الصلاه علي النبي تركي تركي يعني😂😂😂
نادر...بضحك اكتم يالا استني انا نازل وصلت اهو بس هاخد الشنطه.
يوسف...معاك يا عم علي مهلك.
دخل نادر علي الفندق و أكد وصوله في الريسبشن وعرفت مكان الغرفه الخاصه بيه وطلع كان فندق سكني عادي جداً مكون من خمس طوابقي
نادر....بقولك ايه انا هركب الاسانسير عشان لو الصوت راح
يوسف...ماشي معاك.
نزل نادر ومشي في ممر بين الغرف.
نادر...اهي لقتها حاسس اني هموت وانام عايز اشوف السرير🙈
يوسف...لو بتلمح انك هتقفل فا ريح نفسك مش قافل غير لما اوصل
نادر...😂😂 ذكي طول عمرك
ايوووووه بقي
يوسف...ايه سايبنلك مووزه هديه مع الاوضه😂
نادر....لا بس الاوضه حلوه😂😂
قعد نادر علي السرير بتعب اااااه مش قادر
يوسف....اللي يشوف كده يقول مسافر بقاله عشر ساعات دول كلهم ساعتين
نادر....ايوه بس فاصل والله من الصبح وانا في الشركه و حاسس اني مصدع
وقف يوسف عند إشاره كان قدامه 90 ثانيه وتفتح
يوسف...خلاص يلا هبقي رحيم بيك وهسيبك تنام عشان بس تعرف اني قلبي طيب.
نادر....بصوت عالي الله اكبر الله اكبر لا اله الا الله. واتقطع الاتصال فجأه.
يوسف...نادر ولا يا نادر ايه أبن المجنونه ده هو الواد بيكَبر في وشي خايف احسده عشان هو راح تركيا🤔 ولا يكونش الأوضه طلعت مسكونه و طلعله عفريت🙄
وقبل ما الإشاره تفتح عدت من قدامه واحده ببطئ شديد وهي موطيه وماسكه بطنها وبتسند علي العربيه
فتحت قدامه الإشاره لكن مقدرش يمشي غير لما تسيب العربيه وتعدي من قدامه لما لقاها واقفه
حس انها في حاجه موطيه ضهرها وماسكه بطنها فتح الباب ونزل قدام العربيه.
يوسف....اساعدك يا امي
رفعت خلود عينها ليه وهي لابسه النقاب
لمح يوسف من بين عينها دم وزرقان 😳😳
يوسف...انتي كويسه؟
خلود...بصوت ضعيف من فضلك الحقني انا بموت رفعت بهدوء النقاب عن وشها عشان يشوف منظرها ويتأكد ونزلته تاني بسرعه
اتصدم يوسف لما شافها وعرف انها صغيره مش كبيره و اتصدم اكتر من ملامح وشها اللي متدمره
يوسف....مين اللي عمل فيكي كده
خلود....بتقطيع في الكلام ابن خالتي💔
وفجأه وقعت خلود بين ايديه شالها يوسف بسرعه و جري فتح الباب ركبها وراح جاب شنطتها من الارض حطها في الكرسي اللي قدام وركب وطار بالعربيه ولحسن حظه ان الوقت كان متأخر مفيش حد واقف اصلاً عشان الجو اللي قالب.
يوسف...يا نهار اسود اتصل بسرعه بزيد بس مردش عليه اتصل علي سالم هو كمان مردش
اتصل بمين داوود اكيد روح ونام
مراد هو مراد
اتصل علي مراد بسرعه
مراد...الوو
يوسف...مراد انت فين؟
مراد...بخوف في ايه يالا😳
حكاله يوسف بسرعه اللي حصل
مراد...هو في ايه انهارده اليوم العالمي للكوارث
يوسف...حصل ايه؟
مراد...متشغلش بالك المهم اطلع بيها الوقت طيب علي مستشفي دكتور مجدي وانا جايلك
يوسف...بس دي لسه بعيده
مراد...اي مستشفي تاني فيها سين وجيم واحنا مش ناقصين وش ولا فاضين دكتور مجدي تبعنا وانا هتصل بيه افهمه لحد ما تروح
يوسف...طيب طيب تمام انا رايح علي هناك بقولك ايه ما تعرفش حد مش عايزهم يقلقوا
مراد....لا اطمن يلا سلام انت الوقت.
يوسف....سلام.
..........
في فيلا الباشا.
سما....لوالدتها بصوت هامس عملتي اللي قولتلك عليه.
كاميليا...اه بس انا قلقانه
سما...متقلقيش انا مظبطه كل حاجه خالتوا الوقت تنام وهو هقوله يجي يقعد معايا شويه لحد ما مفعول المنوم يشتغل
كاميليا...سما انا مش عايزه فضايح
سما....اطمني هصحيه بعدها بشويه وهخليه يمشي علي اوضته قبل ما ما حد فيكم يعرف وهو مش هيكدب خبر هيجري بسرعه الباقي سيبيه عليا انا
كاميليا....ربنا يستر بس عملتي حسابك لو خطتك مشيت زي ما انتي عايزه واتجوزك واكتشف انك لسه بنت هيبقي ايه الحل.
بصتلها سما بتوتر اااا لا عادي هنلاقيلها صرفه وقتها ابقي اديله حاجه وقتها تخليه مش مركز ومش في وعيه ووقتها مش هيكتشف يعني اني لسه بنت🙄
كاميليا...خليني انا ماشيه وراكي كده ربنا يستر.
طلعت بعد شويه كاريمان تنام وأستأذنت منهم كاميليا
سما....خد النسكافيه بتاعك يا حسام
حسام...والله انا فاصل وعايز انام
سما....اشرب بس الاول وبعدين نطلع
حسام...ماشي ياستي قعد معاها وشربوا النسكافيه سوا فصلت سما تتكلم في حجات كتير
وأول ما حست ان عينه بتقفل و مبقاش علي بعضه.
سما....يلا نطلع ننام
حسام...ماشي يلا
طلعت سما براحه معاه وقبل ما يمشي علي اوضته
سما....حسام ممكن تيجي معايا لحظه
حسام...في أيه؟
سما....تعالي بس هوريك حاجه قبل ما تمشي
دخل معاها حسام بقله حيله وقعد علي حرف السرير بيدعك في عينه وبيتاوب.
فتحت سما الدولاب وعملت نفسها بتدور علي حاجه وهي عينها عليه
سما...لحظه اهو هلاقيها.
حسام...بنوم طيب
دقيقه عدت كان حسام استسلم للنوم العميق
وبمجرد ما شافته سما نام جريت قفلت الباب بالمفتاح وجريت تاني مسكت كام عليه مكياچ رمتهم علي الارض ووقعت كام زجاجه برفيوم ووقعت الكرسي علي الارض
وراحت عليه بسرعه قلعته الجزمه ورمت كل واحده فيهم في مكان
وقلعته الهدوم اللي لابسها من فوق وراحت بسرعه نامت علي السرير بعد ما قلعت هدومها ولفت الغطاء عليها فضلت تبوظ شكل شعرها وتضغط علي رقبتها وصدرها بصوابعها عشان يعلموا علي جسمها مسكت دبوس دخلته في صباعها كتمت صوتها ورجعت دخلته كمان مره عشان الدم يكون
اكتر وفضلت تضغط بايدها وتعلم في الملايه تضغط وتعلم كذا مره لحد ما عملت بقعه دم عشان تقدر توهم حسام انه فعلا أغتصبها اول ما خلصت كل حاجه أبتسمت بشر ونامت جمبه😈
........
وصل يوسف المستشفي وسبقه مراد بدقايق.
نزل يوسف فتح الباب وبسرعه جاله ممرضين تساعده خدوها علي ترولي ومشيوا بيها بسرعه
مراد كان كلم دكتور مجدي وفهمه بسرعه و لحسن الحظ كان موجود في المستشفي عشان بيعمل عمليه استلمها منهم ودخل بسرعه بيها علي غرفه الطوارئ حالتها كانت صعبه اوي وشها متدمر كل جزء فيها بايظ حرفياً
طلب دكتور مجدي من الدكاتره اللي معاه يعملولها أشعات بسرعه
وفي اسرع وقت أتعملها أكتر من آشعه كان اولهم علي المخ بسبب كدمات الرأس والدم اللي في العين مكانش فيها اي كسور لكن كانت كدمات كبيره جداً
وقفوا الدكاتره يتكلموا مع بعض اللي شايف انها إغتصاب واللي سك ان يوسف خبطها بالعربيه بس الكدمات اللي موجوده مش كدمات اصتدام بعربيه
جالت الممرضه اخر اشعه اتفضل يا دكتور.
بص فيها الدكتور وبعدين اتصدم😳
مجدى...بسرعه حضروا العمليات عندها نزيف داخلي في المعده
بدأ الممرضين يجهزوا بسرعه والدكاتره تجهز
خرج مجدي قالهم علي كل اللي حاصل فيها.
مراد....طيب دي حاله إغتصاب طيب ولا ايه.
مجدي...لا لا خالص ده سحل وضرب واضح ان حد اتعرضلها بوحشيه بس هي عذراء ومفيش اي علامات تدل على انه أغتصاب
وكمان مش حادثه مفيهاش اي كسور كله ضرب وكدمات في جسمها بس كدمات شديده اوي
عندها تجمع دموي في شبكيه العين كنت شاكك في نزيف في المخ بس الحمد لله مفيش هي بس لازم تدخل حالا عمليات لان عندها نزيف داخلي وفي كدمه في البطن واضح ان حد ضربها برجله زقها جامد علي حاجه
يوسف....لما شوفتها وسألتها مين عمل كده قالتلي انه ابن خالتها بعدها اغم عليها.
مجدي....طيب ايه لسه مش عايزين تبلغوا.
مراد....انا شايف انه نستني افضل يا مجدي خصوصا ان يوسف ممكن هو اللي يلبس فيها احن نصبر لحد ما تقوم بالسلامه ونشوف هي عايزه ايه.
مجدي....مفهوم يا مراد عموما انتوا لو حابين تمشوا ممكن تتفضلوا خصوصا ان هي مش هتفوق الوقت خالص هطمنكم بس بالتليفون لما تخرج ان شاء الله وهطمنك علي حالتها.
يوسف...بصراحه انا فاصل فعلاً نشفت دمي وانا شايفها بتموت كده قدامي
مراد....تمام يا مجدي يبقي هنمشي احنا ومش هوصيك اعمل اللازم
مجدي...مش محتاج توصيه يا مراد ده شغلي. يلا روحوا ارتاحوا انتوا واطمنوا عليها
مراد....تمام سلام يا مجدي
يوسف...شكرا يا دكتور مجدي
مجدي...العفو يلا سلام.
..............
الكل في القصر طلعوا علي أوضهم في اللي نامو وفي اللي لسه لكن فضلت فرح وصبا سهرانين في الجزء الخلفي لجنينه القصر بعيد عن الصوت وعيون اللي في القصر
صممت صبا تتكلم مع فرح لما حست انها مخبيه حاجه ولان فرح محتاجه تتكلم حكت لصبا علي كل حاجه وهي منهاره حكتلها عن حبها لامير وعن عدم احساسه بيها وانه بيحب بنت غيرها.
في الوقت نفسه وهي بتحكي وصل زيد القصر وقف يشرب سيجاره ويقلب في الموبايل
لقي يوسف متصل بيه مرتين ومنذر متصل بيه هو كمام وكام اتصال شغل مكانش فاتح صوت الموبايل
لسه هيتصل بيوسف سمع صوت جاي من وراء الجنينه صوت صبا واضح لكن في صوت تاني بيعيط
حس بقلق ومشي بسرعه وقبل ما يقرب منهم سمع كلام وقفه.
صبا...تحبي طيب انا اتكلم معاه
فرح...لا يا صبا ارجوكي انتي عايزه تفضحيني هتقوليله ايه صدقيني الغلطه دي مش غلطته دي غلطتي انا عشان انا اللي حبيته هو ملهوش ذنب في اي حاجه ومينفعش ابداً تكلميه هتقوليله أيه حب فرح غصب عنك اتجوزها غصب عنك🥺
صدقيني مينفعش انا اللي لازم أتحمل اللي حطيت نفسي فيه💔
سمع زيد كل الكلام لكن خدته دماغه لمكان بعيد خالص وفجأه دخل عليهم زي الوحش الغضبان
زيد...ايوه وانتي حطيتي نفسك في ايه بقي يافرح
وقفت فرح بفزع هي وصبا 😳
فرح....ااا زي انت هنا من امته.
زيد بغضب قرب منها مسك دراعها بكل قسوه واتحول زيد تماما من الشخص العاقل القريب من الكل لشخص مرعب
زيد ....غلطة ايه يافرح انطقي لا ادفنك مكانك.😠
صبا....زيد انت فهمت ايه بس؟
فرح...زيد مفيش حاجه صدقني انا انا🥺
زيد...انطقيييي
صبا....بنفاذ صبر بدل ما تفهمه طينت الدنيا دي كانت تقصد امير يا زيد مش حد تاني
زيد...😳😳😳😳😠😠امير امير ايه ويعني ايه مش حد تاني هو المفروض ان امير يتجرأ علي أختي ده عاااادي😠
بصت صبا وفرح لبعض
صبا....امير ايه اللي يتجرأ هو انت بتفهم ازاي.
زقها زيد ومشي بغضب لكن كلام فرح وقفه😠
فرح....بدموع انا بحب امير يا زيد وهو مبيحبنيش ولا يعرف اني بحبه اصلا انا بالنسباله اخته وبس صبا طلبت مني تتكلم معاه او تلمحله قولتلها متفضحنيش وتعريني قدامه لان مهما حصل مش هيحبني هتروح انت تقوله يا زيد هتكسرني قدامه🥺💔
لف زيد وشه ليها وراح عليها بغضب مضاعف الف مره وكأنها داست عالوجع مسكها من ايدها بقسوه
زيد...ولما هو مبيحبكيش سمحتي لنفسك تحبيه ليه هااا لما هو شايفك اخته شوفتيه انتي حبيبك ليه
صبا....زيد سيب فرح واهدي
زيد....سبتي اي علاقه طبيعيه
و ملاقتيش غير انك تحبي من طرف واحد💔 عارفه انه بيحب غيرك و مكمله في حبه ليه بتوجعي قلبك اكتر ليه😠
صبا....زيد اهدي من فضلك وسبها🥺
زيد....انتي عارفه انتي مهما عملتي لا هو هيحس بيكي ولا هتقدري تكوني كويسه😠 هتفضلي العمر كله بتعانى من وجع القلب.
صبا....سيبها بقيييييي واسكتتتت
سابها زيد وفضل يتنفس بعنف وهو بيبصلهم هما الاتنين💔
صبا....اطلعي يافرح اوضتك بسرعه.
سابتهم فرح وجريت وهي
منهاره💔🥺
قربت صبا منه بدموع انت ايه اللي عملته ده يا زيد حرام عليك انت عمرك ما كنت كده🥺هي عملت ايه غير انها اتكلمت وطلعت جزء بسيط من اللي واجعها عملت ايه غير انها حبت من قلبها مش ذنبها خالص انها حبت من كرف واحد
زيد....بوجع وهو مش دريان بنفسه ولا ذنبي🥺 ولا ذنبي ياصبا
صبا....انا عارفه انك مضايق عشانها وانك فهمت غلط بس انت ازاي تشك فيها اصلا انت وجعت فرح انت جبت القساوه دي منين
بصلها زيد بحزن وهو شايف دموعها
زيد...انا أسف🥺 قرب منها بهدوء
أسف يا صبا مكنتش اقصد
بصتله صبا وحست انه مش طبيعي زي اللي فقد عقله ولأول مره تشوف في عيون زيد لمعه غريبه كلها وجع ديما يبان قوي عينه مبتتهزش لكن المرادي نظره ضعف غريبه أتصدمت اكتر لما وقف زيد قدامها ميفصلش بينهم اي حاجه
جحظت عين صبا وبدأت تتنفس بسرعه لا عارفه تبعده ولا عارفه تقوله انت بتعمل ايه صدمتها محت اي رد فعل من قاموسها
قرب زيد ايده من خدها وفضل يقرب عليها لحد ما لمس شفايفها
وكأنه كان عطشان من سنين ونسي نفسه تماماً مافاقش زيد ولا حس باللي عمله غير لما حس بدموع صبا اللي نازله سخنه من عينه وحس انها مرعوبه وبتتنفض
بعد زيد عنها بسرعه فضل يبص عليها ويبص حواليه
وهي واقفه باصه في الارض و مصدومه دموعها نازله و باين انها مرعوبه.
قرب منها زيد تاني صبا انا اسف انا .
صبا...متقربش مني ابعد عني🥺
زيد...انا مش عارف عملت كده ازاي صدقيني انااا
وفجأه سمعوا صريخ
صبا....فرررررح
زيد....ده صوت جنه
جريوا بسرعه علي جوه ووصل في نفس الوقت يوسف ومراد
زهره...في ايه.
زيد....في ايه يا جنه.
راجح....حصل ايه انطقوا
داوود....مالها جنه.
جنه...بصتلهم بدموع 🥺
حد يطمن علي نادر
زلزال كبير في تركيا دمر كل حاجه
بصوا كلهم لبعض بفزع وخصوصا يوسف لما افتكر انه قفل معاه فجأه
روح....ابنيييييييي💔
.....
وللحديث بقيه
مستنيه رأيكم♥️