البارت الحادي عشر..
وكأن الكارما في هذه الليله قررت
ان تصفي حسابتها مع أشخاص كثيره ونالت عائله الطوبجي النصيب الأكبر من هذه التصفيه.
تفرق أبناء الطوبجي في هذه الليله بالتحديد كل واحد منهم في مكان مختلف وفي نفس الوقت يحدث معهم احداث غريبه
ستغير مجري حياتهم.
..........
قدرت خلود تهرب و تنقذ نفسها من الهلاك مكانتش تعرف ان حياتها لسه مربوطه بعيلتها ومشاكلها معاهم لسه بتلاحقها.
.........
اما عند نادر ويوسف قدر يوسف يوصل المطار في وقت قياسي
دخل نادر وهو بيجري كان اخر واحد علي الطياره لدرجه ان ختم الباسبور من غير ما تتفتح شنطته وخدوا بسرعه علي الطياره اللي كانت علي وشك الإقلاع
خد يوسف نفسه أخيراً و أطمن إن نادر لحق وبعدها مشي.
...........
وصل سالم لمقابله صاحبه.
ادم...واحشني والله يا سالم مبقتش اشوفك غير صدفه الوقت
سالم...والله غصب عني انت عارف الشغل بقي
ادم....ربنا يقويك المهم طمني عليك
سالم....كله تمام انت ايه اخبارك
ادم....انا زي الفل
سالم...ايه اخر اخبار مشاريعك الفاشله يا فاشل😂😂
ادم...علي حطت ايدك بخبط في اي حاجه تيجي من وراها مصلحه
سالم...بس لازم تعرف انت عايز ايه يا ادم عشان تستقر مينفعش تبقي بتخبط في اي حاجه وخلاص انت خسرت كذا مره لازم تحدد وجهتك كويس عشان الظروف الحاليه مش محتاجه خساره خالص
ادم...عندك حق والله انا الفتره اللي فاتت خسرت كتير اوي بس المرادي في مشروع كويس دخلت فيه مع اتنين شركاء مصنع بلاستيك و إعاده تدوير والمبلغ اللي معايا ده هو اخر مبلغ هدخل بيه و يا صابت يا خابت
سالم....مينفعش تدخل حاجه شاكك انها ممكن تخسر خصوصا لو ده اخر مبلغ زي ما بتقول لازم يكون في دراسه جدوي مظبوطه للمشروع
ادم....عملنا دراسه جدوي و عرضناها علي متخصصين وقالوا ان المشروع مربح جداً ونسبه نجاحه مضمونه
سالم....لازم تعرف يا آدم ان مفيش حاجه مضمونه في البيزنس سوق التعاملات شويه طالع وشويه نازل اللي أقصده من
دراسه الجدوي إنك تكون مطمن علي الأقل ان المشروع نفسه ناجح اما حتت الربح والخساره دي اللي هيحددها بعد كده السوق نفسه.
ادم....اطمن هو لو علي المشروع نفسه فاهو ناجح الفكره كلها جاهزه واشتغلنا عليها من حوالي سبع شهور وزي ما قولتلك في متخصصين معانا و حاليا المصنع موجود ومخلصين كل اوراقه مش ناقص غير اننا نبدأ وطبعا كنا محتاجين سيوله وزي ما قولتلك المبلغ اللي كان معايا هو ده اللي هدخل بيه انت عارف الفتره الاخيره كنت بحول كل اللي معايا دولارات وانا حاليا عايزهم مصري وبصراحه مفكرتش غير فيك عشان عارف انك عامل زيي بتحب تجميع الدولارات ده
سالم...بابتسامه جيت للمكان الصح يا صاحبي واتفضل الشنطه اهي
خد ادم منه الشنطه واداله شنطه الدولارت حطها سالم جمب رجله
ادم....تسلم يا صاحبي مش عارف اقولك ايه
سالم...ولا اب حاجه ومبارك عليك المشروع الجديد ربنا يجعله فتحه خير عليك ويبقي مشروع العمر
ادم...يارب يا سالم المهم بقي بما اننا خلصنا الموضوع الاساسي خلينا بقي نحتفل سوا ها تتعشي ايه
سالم...لا عشاء ابه مش قادر
ادم...والله ما يحصل انا مصدقت اشوفك يا جدع يلا خلينا نامل انا واقع من الجوع
سالم...طيب ياسيدي يلا بينا.
طلبوا الأكل وبعد شويه نزلهم علي التربيزه وبدأوا ياكلوا وهما بيضحكوا و يهزروا وشويه و يتكلموا في مواضيع مختلفه وكل ده سالم مش مركز في اللي حصل🙄
مر الوقت بينهم سريعاً.
سالم....طيب يا آدم هقوم انا بقي عشان خلاص مش قادر وفصلت بعد اكلت السمك والجمبري دي حاسس اني محتاج انام.
ادم...بضحك اكلت سمك وتنام مش لايقه الجمله دي علي سالم باشا😂😂
سالم...بتلمح لأيه يا فاشل😂😂 بس والله لجد انا فعلاً فاضل كان يوم مرهق في الشغل جداً
ادم...خلاص يا سيدي سماح المرادي المهم ياريت المقابله دي تتكرر متبقاش تغيب علينا كده
سالم....هتتكرر تاني متقلقش مبسوط اني شوفتك والله يا ادم
ادم...اما اكتر والله سلملي علي الباشا الكبير وعلي اخواتك كلهم
وان شاء الله هتكونوا موجودين معايا يوم الأفتتاح
سالم....اكيد طبعا انت بس متبقاش تنسي تعزمنا
ادم....ياسلام هيزدني شرف يا باشا😉
وقف سالم حضن ادم.
سالم...حبيبي يا آدم
سلم عليه و بيوطي عشان ياخد الشنطه وهنا كانت الصدمه
سالم....الشنطه فين؟
ادم....بصدمه😳 مش عارف كانت تحت رجلك .
بسرعه المكان اتقلب حرفياً ودخل الجارد بتوع سالم معاه قلبوا المكان هما وكل الموجودين في المطعم من موظفين لامن لمسؤولين وكأن الشنطه فص ملح و داب.
سالم....بغضب انا مش هسكت الفندق ده بالمطعم بتاعكم هدمره
متخلقش لسه اللي يسرق سالم الطوبجي ويعلم عليه😠
المسؤول....سالم باشا من فضلك أهدي شويه ولازم تتأكد ان اللي حصل ده مش هيمر مرور الكرام
احنا يهمنا راحه عملائنا واكيد سمعة المكان بتاعنا دي عمرها ما حصلت
سالم....حلوووو ويوم ما تحصل تحصل مع سالم الطوبجي
المسؤول....صدقني الشنطه هترجع
ادم....سالم اهدي شويه اكيد في حاجه غلط
سالم.....الغلط هو اللي هيحصل مني ومحدش هيقدر يلومني
المسؤول....ادينا بس ساعتين والشنطه هتكون معاك هنرجعهالك
سالم.....سالم الطوبجي متعودش ان حد يرجعله حقه انا برجع حقي بدراعي انا عايز اشوف الكاميرات حالا.
المسؤول....حاضر بس من فضلك اهدي وصدقني الشنطه هنرجعهالك.
سالم...بغضب انا قولت محدش هيرجعلي حاجه وريني الكاميرات ومحدش فيكم يدخل وحسابي معاكم بعدين لما ارجع حقي
المسؤول....برعب طيب اتفضل معانا علي غرفه تكنولوچبا المعلومات شوف الكاميرات بنفسك.
دخل سالم معاه علي الغرفه وبداوا يراجعوا الكاميرات من اول ما سالم اتقابل مع ادم لحد ما بدلوا الشنط فضلت الكاميرا جايبه الشنطه تحت رجله حوالي ربع ساعه من بعد التبديل وفجأه لمحوا بنت بتاخدها وبسرعه اختفت.
المسؤول...مش معقول شمس؟
سالم....مين دي؟
المسؤول...بلغبطه في الكلام دي دي
سالم...ما تنطق مين دي
المسؤول...دي موظفه معانا هنا في المطعم مسؤوله عن تنظيم المكان
سالم....يعني كمان شغاله هنا والله حلو اوي بتعرفوا تختاروا الموظفين بتوعكم
المسؤول...سالم باشا أكيد في حاجه غلط البنت دي شغاله معانا من سنتين عمر ماجه منها شكوي ولا اللي حصل ده حصل قبل كده كل اللي بيجوا المكان ده بيسيبوا حاجتهم بكل امان والبنت دي مستحيل تعمل كده دي محترمه
سالم....واضح اوي انها محترمه وكمل بغضب اللي في الكاميرا دي مش هي بردوا ولا انا مش واخد بالي بقولك ايه اكيد بما انكم مكان محترم معاكم السي ڤي لأي موظف وعنوانه وكل حاجه تخصه
المسؤول...اكيد وزي ماقولتلك كده الموضوع اتفهم وهنجيبهالك
سالم...شمراً لخدماتك اطلع منها بقي اديني عنوانها وانا هتصرف
المسؤول...ايوه بس.
سالم...وديني ما أعبد لو عنوانها ماجه حالا في ايدي خمس دقايق والمكان بتاعك هيكون متشمع
المسؤول...تحت امرك يا سالم باشا حالاً هيكون مع حضرتك.
سالم....مش عايز حد من الموظفين ياخد خبر ان هي اللي عملتها عشان لو حد بلغها وهربت صدقني انت اكتر حد هيتضر في الموضوع ده مفهوم😠
المسؤول....اطمن يا باشا محدش هيعرف ولا حد هيبلغها.
دقايق ورجع المسؤول معاه العنوان اتحرك سالم هو و الجارد ورفض رفض تام ان ادم يكون معاه.
............
في منزل ليلي.
ليلي....حضرتك قولت عايز تتكلم معايا أتفضل انا سمعاك.
راجح....ليلي قبل ما اتكلم انا محتاج أنك تسمعيني ومتقاطعنيش
ليلي...اتفضل سمعاك.
راجح...خلينا المرادي نتكلم بهدوء ومن غير أي إنفعالات خلينا ياليلي نحط كل حاجه حصلت زمان علي جنب داوود محتاجلك يا ليلي زي ما أنتي كمان محتجاله صدقيني عارف انك معاكي حق بس العند ده بيعذبكم انتوا اكتر ما بيعذبني
ليلي....حضرتك عايزني انسي ايه بالظبط انسي انك كنت سبب في تفريقي انا وداوود عن بعض 15 سنه ولا انسي إهانتك ليا زمان
راجح....لأ يا ليلي مش عايزك تنسي حاجه بس عايزك تفتكري حاجه واحده بس اني جتلك كتير لحد عندك اعتذر واطلب منك تسامحيني
ليلي....اوقات الاعتذار بيجي في الوقت المتأخر
راجح....حتي لو جه في وقت متأخر المهم انه جه ليلي انا كبرت واللي راح عمره ما هيكون قد اللي جاي انهارده انا معاكم بكره محدش ضامن وانا مش هرتاح غير لو حسيت ان داوود مبسوط وعايش حياته كفايه اللي ضاع من عمره وعمرك خليني اموت وانا مش حاسس بتأنيب الضمير
ولازم تعرفي يا ليلي ان اللي حصل كان غصب عني حطي نفسك مكاني ولو لحظه واحده بس وقوليلي هتعملي ايه
ابوكي كان صاحب عمري وشريكي كنت مآمن ليه ومسلمه كل حاجه عمري ما كنت براجع وراه كنت مستني انا وهو اللحظه
اللي هنكون فيها نسايب مش بس شركاء و صحاب كنا مستنين نفرح بيكي انتي وداوود وفجأه صحيت علي أسوأ كابوس محمود خد كل حاجه و حولها لحسابه وهرب بره البلد كان بقاله فتره بيرتب كل حاجه بمنتهي الهدوء خاني خان صداقتنا خان ثقتي فيه وحبي ليه اللي مكانش مقدره طول عمري مابحبش الشراكه هو الوحيد اللي شاركته من غير اي ضمان ومع ذلك داس عليا و دبحني انا كنت بموت وقتها ياليلي مش عشان الفلوس صدقيني البني ادم مهما يخسر فلوس يقدر يرجعها ويعوضها اضعاف طول مافي نفس الخساره مش نهايه الدنيا لكن اصعب حاجه ممكن البني ادم يحس بيها هو خساره حد كان اقرب ليكي من روحك انك تتخاني و تدبحى من اقرب الاشخاص لقلبك احساس ميعوضهوش كنوز الارض وقتها كنت حاسس اني خلاص انتهيت حتب اني اقف علي رجلي من تاني مكنتش قادر اعملها تعبت فتره طويله مراد و داوود وولادي هما اللي رجعوا من تاني الشغل و و وقفوا كل حاجه علي رجلها من أول وجديد بس وقتها مكنتش قادر أ تقبل ان اخويا الصغير يتجوز او يرتبط ببنت الراجل اللي قتلني و خاني و داس علي صداقتنا بأوسخ جزمه عنده مكنتش قادر اشوفك غير انك زيه
متحملتش فكره ان ممكن تغدري في يوم من الايام بداوود متحملتش فكره اني اشوف داوود مكاني حاسس بنفس الوجع وبيتألم بنفس الالم لاني كنت عارف هو بيحبك قد ايه
ومهما اتقال وقتها انك ملكيش ذنب في اللي ابوكي عمله مكنتش
بحاول اني اسمعه او حتي اصدقه. وكل اللي كان في بالي الخاين و الحرامى والفاسد عمره ما بيخلف حد صالح طول عمري كنت مصدق مقوله يخلق من ضهر الفاسد عالم لكن مكنتش قادر أطبقها عليكي صدقيني الغضب كان عامي عيني و قافل قلبي من ناحيتك كل ما افتكر اللي محمود عمله الوجع يزيد ومع ان الشغل بتاعنا كان رجع وبقي احسن من الاول بس مع كل نجاح كان بيزيد غضبي من محمود واي حد من طرفه.
ليلي...بدموع يمكن معاك حق في كل كلمه قولتها بس كمان انا بنفسي جيت اترجيتك كتير كنت بشوف منك اسوأ معامله وبسمع اسوأ كلام كنت بحاول اتحمل لان ابويا مسابش ليا اي فرصه أحفظ بيها كرامتي 🥺 زي ما بابي خانك وباعك وهرب بفلوسك هو عمل معايا انا و مامي كده مبصش وراه ولا حتي سأل فينا كأننا مكناش في حياته اصلاً الفلوس عمته زي ماقولت بس ده كان اكبر دليل اننا متعرفش عنه ولا عن تخطيطه اي حاجه
راجح....وانا مقدرتش اخد بالدليلي ده يا ليلي. مقدرتش اقول ده سابهم وهرب ومسألش فيهم ومحاهم من حياته زي ممحاني انا كمان كنت شايف ان دي كلها لعبه الشك يا ليلي لما بيدخل قلب انسان بيدمره.
ليلي...بوجع بس انا رجعتلك حقك وانت بردو فضلت شايفني بنت الراجل الحرامي الخاين🥺💔
كنت فاكره ان الكابوس هيخلص بمجرد ما ارجع اللي اتاخد منك وان انا وداوود مش هنبعد عن بعض تاني لكن فضلت في الكابوس ده وانت مصدقتنيش
بابي لما مات بعد كام سنه كل املاكه رجعتلي بما اني الوريثه الوحيده ليه بمجرد ما استلمت الاملاك دي من غير اي تفكير روحت عملتلك تنازل من غير ما تطلب و رجعتلك حقك وحتي الربح اللي قدر يعمله بعد ما هرب بالفلوس مرضتش امد ايدي عليه
لاني كنت شايفه ان الفلوس دي مش حقنا رجعتلك كل حاجه عشان اثبت حسن نيتي واني مكنتش اعرف اي حاجه من اللي عمله وانا و مامي مكانش لينا ذنب🥺💔💔 بس انت فضلت مصمم علي موقفك واني بالنسبالك مش اكتر من بنت الحرامي اللي سرقك وخانك واني مستاهلش داوود وقررت يومها اني خلاص مش هقبل كلمه تاني علي كرامتي من بعد ما رجعتلك كل حقوقك عيشت اسوأ ايام حياتي بعدها وبعد سنتين جيتلي تقول انك خلاص قررت تسامحني وتعفي عني بس وقتها انت كنت جارحني وكرامتي كانت تعباني منك ومن ابويا اللي المفروض كان قدوتي وبعدها صممت اني خلاص مش هكون واحده من عيلتكم عشان تبقي متأكد اني مش زي بابي ولا اني طمعانه فيكم ولا اني ناويه اسرقكم زي ما بابي عمل
امي تعبت وانا شوفت معاها سنين عذاب وانا شايفه السرطان بينهش في جسمها اشتغلت واتمرمطت كل ده مكانس فارق معايا بس عمرك ما هتجرب احساس انك تبقي محتاج حد يقف جمبك ويسندك ويقويك عمرك ما هتحس بالايام اللي مرت عليا وانا محتاجه فيها داوود ومحتجاكم معايا لانكم كنتوا عيلتي اللي مليش غيرها🥺
ابويا لو دمر حد في الدنيا دي فا هو مادمرمش غيري انا وامي وخلانا خسرنا كل حاجه
اوعي تفتكر اني زعلانه منك يمكن انت قسيت عليا كتير اوي بس كنت ديماً بلتمسلك العذر مكانش سهل عليا ان الشخص اللي كنت بناديه بابي زي وبحس انه زي ابويا بجد فجأه يتحول اللي بينا لعداوه ويبقي بالنسبالي راجح باشا💔🥺 انت عارف اني كنت بحبك اوي وانك كنت اقرب ليا من بابي
راجح...بوجع سامحيني يا ليلي ارجوكي انا وانتي اتوجعنا اوي من ابوكي واحنا اللي دفعنا التمن
وداوود بيدفعه معاكي داوود رفض يدخل اي حد حياته من بعدك اتمنيت كتير انه يروح يتجوزك من ورايا ولما بدأت احس انك فعلا ملكيش ذنب كنت بفرح كل ما بجي يحاول معاكي بس لما كنت بشوفه راجل وكله حزن كنت بتوجع اكتر
ليلي...مكانش ينفع اوافق لاننا مش عايشين في الدنيا لوحدنا حياتي مكانتش هتكمل مع داوود من غيركم
راجح...وانا جاي الوقت امدلك ايدي واقولك كفايه اوي كده ياليلي واقولك ان عيله الطوبجي مش هتكمل بجد غير بيكي 💔
بصتله ليلي بوجع وهي دموعها مغرقه وشها وفجأه أترمت في حضنه وأنهارت
ولأول مره تنزل دموع راجح حضنها بحب وفضل يطبط علي ضهرها.
راجح....من انهارده مفيش دموع ولا وجع يا ليلي هننسي كل حاجه و هنقدر نتخطي الوجع.
خدت ليلي نفسها أخيراً وكأن نفسها أتحبس لسنين طويله وهي عايشه بتتخنق.
اتصل راجح علي داوود في الوقت ده عشان يدخله
وفي لحظه كان داوود وزيد قدامه
و أتفاجأوا من المنظر راجح واخد ليلي في حضنه
داوود...😳😳
ابتسم راجح بحب شوفي الواد بيبرق ازاي مش مصدق نفسه
ابتسمت ليلي لداوود
وأبتسم زيد بفرحه كبيره اوي هو اكتر حد حس بوجع داوود وشاف وجعه.
داوود....انا مش فاهم هو
راجح....مش فاهم ايه بس بقولك ايه يا داوود ليلي تطمن علي والدتها بس ومن بعدها تتفقوا علي كل حاجه عايز ليلي تبقي اخلي عروسه فيكي يا مصر.
جري داوود علي راجح باس ايده وحضنه بحب
زيد...مبروك يا ليلي والله العظيم انا حاسس اني طاير من الفرحه.
ليلي...الله يبارك فيك يا زيد♥️
قرب داوود من ليلي باسها من راسها وضمها لحضنه بكل قوته ونسي تماما وجود راجح وزيد.
راجح...بابتسامه العد عنها ياولا لسه مبقتش بتاعتك
داوود...بحب وهو باصص لليلي ليلي بتاعتي من يوم ما جيت الدنيا دي.
راجح...بحب طبطب علي كتفه ربنا ما يفرق ما بينكم تاني ابدا يا حبيبي عايزين نفرح يا داوود كفايه حزن بقي
داوود...هنفرح وهتبقي احلي عروسه
ليلي...لا عروسه ايه بس خلاص مبقاش ينفع احنا كبرنا علي الكلام ده
راجح...كبرتوا ده ايه انتوا لسه شباب
زيد....هتبقي عروسه زي القمر وداوود هيبقي عريس في الدنيا
داوود....طول عمرك زي القمر وعمر السن ما بان عليكي وبعدين مين دي اللي كبرت وحياتك عندي هتبقي احلي عروسه في الدنيا♥️
راجح...طيب يا سيدي انا بقول قدامي يلا وسيب العروسه ترتاح واعمل حسابك من اللحظه دي ممنوع الاقتراب انت عندك حما صعب 🤨
ضحكوا كلهم وانتهت قاعدة تصفيه الجراح اخيراً♥️
..........
عند ملك وياسين
ياسين....ممكن تبطلي عياط بقي خلاص اللي حصل حصل
ميار....بدموع ملك انا اسفه والله ماكنت عارفه ان الحيوان ده ممكن يعمل كده انا اتفجأت بيه بيقرب مني وعرفت ان ده كان ىهان بينه وبين صحابه قاللي استنيت كتير وطولت عليكي بالي اكتر من سنه لحد ما جت الفرصه محستش بنفسي غير وانا بضربه علي دماغه ومعرفش بسرعه ازاي الناس اتلمت كده وبعدين صمم ينتقم مني وعايز يحبسني عملتله محضر والباقي انتي عرفاه والله يا ملك ماكنت اعرف انا كنت فكراه بيحبني زي ما حبيته🥺
ملك...بدموع وملامح جامده مش عايزه اسمع صوتك لانه بيتعبني
جلال...ملك معلش لازم هي تتكلم وانتي لازم تسمعيها مفيش حد فينا مبيلغطش كلنا بنغلط
ياسين....جلال معاه حق خلاص المهم انها عرفته علي حقيقته والاهم انها بخير والموضوع اتلم.
ملك....اكيد كلنا بنغلط بس مش اي غلط ممكن نعديه خصوصا لما تبقي هي عارفه اللي احنا فيه.
سرحت ملك وبصت لبعيد وهي دموعها نازله.
جدي الله يرحمه مكانش عنده غير بابا وعمي لما اتوفي جدي اتقسم الورث بالتساوي عليهم جدي كان اي فلوس بيعملها بيستري ارض ويبنيها اوقات يبعها لما تجيب سعر كويس واوقات يطلعها عماره المهم ان نصيب بابا وعمي كان اربع عمارات كل واحد فيهم خد اتنين وقتها عمي العمارات بتاعته اتقدرت بتمن اكبر من بتوع بابا وبابا مرضيش ياخد منه الفرق قاله احنا اخوات وانت اخويا الصغير واللي معاك معايا🥺 عمي طول عمره بيحب يصرف وبس لا بيهتم بشغل ولا بيهتم انه يكبر باع العمارتين وبقي يصرف بابا نصحه كتير لكن هو كان طبعه كده بيحب يفضل قاعد من غير شغل طول ماهو معاه فلوس حتي مراته وولاده مكانش فارق معاه المهم في فلوس
بابا كان مهندس وهو اللي حببني في الهندسه قرر انه يعمل العمارتين دول مقر لمكاتب هندسيه منها يشجع الشباب ومنها تبقي زي شركه صغيره ليه وفعلاً شغله كبر واسمه سمع عبد الرحمن العابد بقي حد معروف في مجاله
حياتنا اتغيرت تماماً وبقينا في حته احسن بكتير كل فتره كان بابا بيساعد عمي وبيحاول يخليه يقف علي رجله لحد ما في يوم في حد لعب من وراء بابا في الشغل بتاعه وخسره فلوس كتير اوي وطبعا الخساره دي رجعت بالسلب علي كل المشاريع وبقي الكل يطالب بفلوسه بابا خد قرض من البنك بضمان الڤيلا والعربيات وحتي العمارتين معادا الشقه اللي احنا عايشين فيها دي كانت بتاعت جدي وبابا وقت تقسيم الورث رفض انها تتباع واشتري نصيب عمي . طبعاً الكل خاف وفقدوا الثقه في بابا وبدأوا يسحبوا شغلهم من المكاتب
وجه وقت تسديد القرض وبابا لا قدر يرجع شغله ولا قدر يكسب ثقه حد ولا حتي قدر يرجع القرض بس وقتها كان في مبلغ مع بابا وكام حاجه سايبهم علي جنب طبعا بابا خد قرض تاني من البنك يمكن يقدر يعمل حاجه بس خاف انه ميقدرش يثبت السرقه اللي حصلت وان البنك يحجز علي املاكه راح لعمي كتب ارض باسمه وسلمه المبلغ اللي معاه وقاله دول امانه معاك لحد ما اخلص من المصيبه دي كان واثق فيه لانه اخوه وطبعاً بابا اتقبض عليه لان الأملاك اللي كانت عنده مكانتش تعادل القروض خدها بس بابا مستحملش حس بقهر والسكر اترفع عليه وقلبه تعب مكانش عمره يفكر انه يتحط في موقف زي ده واتوفي بابا قبل ما يتنطق اي حكم ..ووقتها روحنا لعمي عشان نرجع حقوقنا حلف واقسم انه مخادش حاجه منه بس بابا يوم ما راحله رجع حكلنا اللي حصل وطمنا ان الفلوس في أمان
بس عمي كذب ده وكمان حاول يبان ان هو طيب وحنين وقال انه هيقف معانا بعد ما الڤيلا والفلوس والعربيات والمكاتب اللي في العمارتين كلهم راحوا كان شايف انه هيعطف علينا وده اخرنا معاه
وقال انه مستعد يجبلنا عربيه واحده تساعدنا في مشاويرنا
صممنا كتير ان حقنا معاه بس للأسف مكانش في اي دليل وكل مره يحسسنا اننا رايحين نشحت منه وناخد حاجه مش من حقنا مجرد مساعده.
رفضنا طبعاً وقررنا اننا نوكل ربنا عليه عيشنا في الشقه بتاعت جدو وبعد ما كنت بشتغل مع بابي كل حاجه اختفت بقيت ادور علي شغل ماما بعد بابا بثلاث شهور ماتت من قهرتنا وذلنا
وفصلت انا وميار لوحدنا🥺💔
عشنا كتير ايام مرعوبين من مجرد صوت شجر بره الشباك او حتي لو صوت قطه بره علي الباب
عمي مغكرش بعد موت ماما يسأل علينا او حتي يرجعلنا جزء من فلوسنا مصعبناش علبه سابنا بنتين لوحدنا من غير اي سند🥺
سابني بتمرمطت و بشتغل عشان نقدر نعيش واقدر اقف علي رجلي من تاني والمصيبه انه لما ضيع كل حاجه خدها من بابا جالي انا يطلب مني اي فلوس مكفهوش اللي عمله كمان جاي يمد ايده ليا بدل ما يقف معايا ويبقي ضهري لا عايزني اصرف عليه قررت من البوم ده اعتبره مات واانا مش هنفكر في حاجه تاني ابدا من اللي حصلت وهنبص لنفسنا وبس
طلبت من ميار تحافظ علي نفسها عشان اقدر اخلي بالي من الشغل ومن مستقبلنا💔🥺 وثقت فيها وادتها ثقتي شافتني ازاي كنت بتعب وبموت نفسي في الشغل شافتني ازاي كان بيجي علي ايام اطبق باليومين والتلاته وبمجرد ما اشوف السرير انام بهدومي كنت بعمل حاجه اقدر عليها عشان اخليها مرتاحه و أحميها وبعد كل ده عايزه تقضي عليا وتأذي نفسها
مع انها عاشت معايا كل ده 💔وبعد كل ده تقولي كلنا بنغلط🥺
ميار...بدموع انا اسفه والله اسفه
ملك....مستر ياسين ارجوك انا تعبانه ومحتاجه اروح ارتاح
هز ياسين راسه بحزن و خدها وصلها لحد بيتها🥺
.........
وصل سالم تحت بيت شمس كان حي متوسط هادي الي حد ما
ركن عربيته بكل غضب ووراه الجارد نزل وهو مش شايف قدامه
طلع بسرعه علي السلالم والجارد وراه واخيرا وصل للشقه المطلوبه
وسع مجال للجارد وبقوا يخبطوا علي الباب بعنف.
وبمجرد ما سمعت شمس الباب قلبها وقع و دمها نشف في جسمها
راحت بهدوء تشوف من العين السحريه اتصدمت
شايفه قدامها خمس رجاله وشكلهم يرعب.
بعدت عن الباب وفضلت ترجع وهي بتكتم شهقاتها دموعها نازله بسرعه🥺🥺 ومش قادره تسيطر علي نفسها من شدة الرعب وإرتجاف جسمها
واحد من الجارد...تقريباً مفيش حد جوه يا باشا.
سالم وهو واقف فارد جسمه وأيده الاتنين جوه جيبه و وشه مابيبشرش بأي خير.
سالم....أكسروا الباب😠
وبمجرد ما خلص جملته كان الباب أتهشم ألف حته
خبطت شمس في الحيطه من شدة رعبها من صوت تكسير الباب وهي بترجع لوراء😳
دخل سالم جوه الشقه وهو أيده في جيبه بيقرب من شمس بس من غير ما يبصلها عينه كانت علي شقتها و بيبص عليها بقرف
لحد ما قرب منها وتقريباً بقي واقف قدامها ولسه مش باصصلها
فصلت شمس علي نفس وقفتها أيدها علي بوئها وصوت شهقاتها ونفسها عالي جداً حاسه بالذعر والرعب جسمها متلج لدرجه انها حست ان البروده اللي هي حاسه بيها وصلت لقلبها وكان علي وشك انه يتجمد ويقف.
سالم....ببرود وصوت مرعب كنتي فاكره اني مش هقدر أوصلك ولا كنتي فاكره ان واحده وسـ ــخه زيك تقدر تستغفلني و تسرقني كده عادي الحقيقه انا جاي هنا و حابب أسألك سؤالين بيلحوا عليا من وقت ما شوفتك في الكاميرات
السؤال الأول ياتري يا شاطره انتي عارفه بتلعبي مع مين
اما السؤال التاني بقي الغباء اللي عندك ده وراثه ولا أجتهاد مع النفس أصل مفيش حد ذكي يسرق في مكان أكل عيشه لأنه كده كده هيتقفش ولا ايه يا شباااااب.
الجارد....مظبوط يا باشا.
شمس كانت عينها عليه برعب بتسمعه من غير ما تنطق مش قادره حتي تشيل ايدها من علي بوئها وكأنها خايفه تعصبه اكتر بصوت نفسها
وفجأه ولأول مره من وقت ما دخل عليها سالم لف وشه ليها وبصلها بعيون مرعبه😠
سالم....مين اللي وراكي يابت
سكت شمس بس فضلت تهز راسها بعنف
سالم....هااا قوليلي متخافيش اصل في ناس كتير اوي غير اللي باعتينك أكيد بس أحب اعرف مين اللي بعت واحده غبيه زيك
أتعصب سالم من سكوتها أكتر
وبصوت جهوري انطقيييييييي
ارتجف جسم شمس اكتر
وفجأه مسكها سالم بكل قسوه من شعرها لدرجه انها حست صوت شعرها بيتقطع بين صوابعه صرخت بألم
شمس....أبوس أيدك ااا ابوس ايدك سيبني
سالم....أسيبك ده أيه ياروح أمك هو اللي يفكر يدخل باب سالم الطوبجي من غير أستأذان يخرج منه بسهوله.
شمس....طيب سيبني سيبني وهقولك كل حاجه أرجوك
سالم...وهو بيشد علي شعرها اكتر مين وراكي يابنت الكلـ ـب انطقي
شمس....مفيش حد والله ورايا
سالم...جميل عايزه تقولي انك اتجرأتي كده من نفسك عشان تسرقيني انتي شكلك متعرفنيش كويس😠
شمس....انا انا فعلاً معرفكش والله العظيم ما أعرفك 🥺
سالم....انا أقدر الوقت ادفنك مكانك وبسرعه الشباب اللي أنتي شيفاهم دول هيخفوا معالم جثتك ومحدش هيقدر يرحمك من أيدي فا أتكلمي أحسنلك
شمس.....فلوسك جوه في الشنطه زي ماهي والله العظيم ملمستهاش انا كنت محتاجه 300 ألف جنيه بس انا لاقيتهم كتير صدقني كنت هاخد اللي عيزاه وابعتلك الباقي بأي طريقه.
سالم...بضحكه شيطانيه لا والله فيكي الخير جبتي الكرم ده منين يابت😠
شمس...والله العظيم كنت هعمل كده
سالم....عارفه مشكلتي اني مبكرهش في حياتي قد اللف والدوران مليش خلق ليهم ويوم ما بقع مع حد بيلف وبيدور وبيحاول يلاقي كدبه يقنعني بيها بفقد كل أعصابي او بسيب الشباب تتصرف وانا بصراحه مليش مزاج أفقد أعصابي عشان كده حلال عليكم يا شباب ساب شعرها ودفعها بكل قوه وقعت علي الكرسي وقبل ما يخرج جريت عليه
شمس...ابوس ايدك أوعي تعمل كده ابوس ايدك متسيبهمش معايا
وقف سالم وبصلها بأبتسامه شر يبقي تنطقي😈
حطت شمس أيدها علي قلبها بتحاول تقوي نفسها خلاص هيغم عليها وبدأت تحس ان نفسها بيروح
شمس...طيب هقول بس من فضلك خليهم يخرجوا بره🥺💔
سالم....محدش هيتنقل انطقي
شمس..ضغطت علي قلبها بهيستريا أرجوك انا قلبي هيقف لما بتوتر أو بخاف مبقدرش اتنفس وبتخنق خليهم يخرجوا من فضلك
بصلها سالم بعمق حس انها فعلاً كأنها بتلفظ أنفاسها الأخيره.
بص سالم للجارد و شاورلهم براسه علي بره وبسرعه هزوا راسهم وخرجوا وقفوا بره
سالم....اديهم خرجوا اتكلمي
شمس....انا مش حراميه صدقني انا عمري ما عملت كده
سالم...امال انتي ايه ياروح امك وصورتك اللي ظهرت قدامي دي كنتي بتعملي ايه واقفه علي سجاده الصلاه.
شمس...بدموع بصتله لأ كنت بسرق🥺
سالم.....امممم حلو و حظك الأسود وقعك فيا انا ده واضح ان امك داعيالك من قلبها.
شمس...بدموع والله العظيم كنت هرجعهملك يمكن انا متوقعتش انك تلاقيني بالسرعه دي عشان كده انا رجعت علي البيت يعني مكنتش ناويه أهرب
سالم.....سرقتي وجيتي علي البيت بكل بساطه ده ايه يابت الفجر ده
بصتله شمس بوجع💔
سالم...لا والله ده فجر رسمي ده انتي الشيطان يقف يصقفلك علي الجبروت والقوه دي
شمس...بدموع قهر انا لا قويه ولا حاجه انا أضعف مما تتخيل ظروفي هي اللي حطتني في الموقف ده صدقني والله العظيم عمري ماعملتها ولا كنت مرتبه اني اسرقك لاني باختصار معرفكككككش🥺
انا شغاله في المكان وكنت بمر علي التربيزات عادي جداً وسمعتك وانت بتتكلم مع اللي كان معاك عن فلوس وشوفتكم وانتوا بتبدلوها وقتها محستش بنفسي غير وانا بقنع نفسي ان دي فرصتي الوحيده عشان انقذ امي
صدقني والله العظيم كل اللي كنت محتجاه 300 الف بس اتصدمت لما شوفت المبلغ انا امي عندها القلب محتاجه تعمل عمليه خطيره لو فضلت اشتغل 100 سنه مش هقدر اجمع المبلغ ده حتي لو أستغنيت عن الأكل والشرب مش هعرف أوفره حاولت كتير أستلف من كل حد اعرفه بس كلهم ناس عاديه بسيطه محدش فيهم معاهم مبلغ زي ده والمستشفي رافضه تنقذ امي قبل ما اسلم المبلغ في الخزنه كل يوم بيعدي مصاريف امي في المستشفي بتزيد عليا وحالتها بتسوء اكتر فكرت اعملها العمليه بره علي نفقه الدوله خدت دور بعد شهرين ولو أستنيت تكون
امي مااااااتت💔😭
بصتله بوجع انا مليش غيرها حط نفسك مكاني لو أمك في نفس الموقف وكل الظروف اللي حواليك واقفه ضددك مفيش فلوس قادر توفرها مفيش حد معاه عشان يساعدك و عشان تستني البلد تقف معاك فيها شهرين المستشفي اللي أمي فيها عداد فلوس مبيخلصـــــش💔
لا قادره اديهم المبلغ و أنقذ امي ولا هما راضين يعملوا العمليه قبل ما ياخدوا المبلغ ولا حتي راضين يخلوني أستلمها قبل ما أدفع اللي اتصرف عليها حاولت اطلعها واستسلم واستني الدور بتاع نفقه الدوله بس حتي الحل ده مبقاش متاح. عشان اخرجها محتاجين خمسين الف جنيه طيب
أعمل ايه🥺
أسيب امي عندهم أرميهاااا 💔
انا حتي معنديش وسطه ولا حد يساعدني ان دورها يتقدم مكانش قدامي أي حل
سالم...اممم تقومي تسرقي تعالجي امك بالحرام تستحلي فلوس غيرك عشان تنقذي امك صحححح😠
شمس...بضعف وانهيار مكانش قدامي حل تاني غير ده انا كنت مستعده اعمل اي حاجه عشانها مفكرتش في اي حاجه غير اني انقذها وبس وبسرعه وطت علي ايده تبوسها.
أبوس ايدك خد كل فلوسك بس سيبلي المبلغ ده بس خليني ادفعه الصبح عشان يعملولها العمليه🥺
خليني أنقذها قبل ما تروح مني
ولو عايزني أمضيلك علي وصل أمانه صدقني همضى و هقدملك كل الضمانات اللي تحتاجها ولو مش مصدقنى تقدر تيجي معايا و تتأكد بنفسك اني مش بكدب عليك وان امي فعلا محتاجه تعمل العمليه انهارده قبل بكره ابوس ايدك ساعدني🥺💔
بصلها سالم بشر وابتسم وقرب ايده من خدها بجرأه انا مستعد اديكي الفلوس.
رفعت شمس ضهرها بسرعه و بعدت عنه لما حست بلمسته خافت منه لكن حاولت تتماسك ابتسمت أبتسامه مصطنعه كلها رعب.
شمس...بجد يبقي جميل عمري ما هنساهولك وزي ما قولتلك هديك اي ضمان تحتاجه.
سالم....انا مستعد اديكي المبلغ ومش عايزك ترديه تاني بس بشرط
شمس...بلعت ريقها خوف من نظراته لا انا مش عايزه اخد من غير ما ارد صدقني يمكن انا غلطت ومعترفه بس ده حقك
سالم....بسخريه شوف مين اللي بيتكلم علي الحقوق😏 عموما انا قولت اهو مستعد اساعدك بس بشرط.
شمس.....اتفضل قول انا مستعده اعمل اي حاجه عشان انقذ امي
سالم...بأبتسامه مرعبه هديكي ال300 الف وهديكي مبلغ كمان لعلاجها بعد العمليه من غير ضمانات ولا اي حاجه مقابل
ليله🤨
شمس...بتوتر وخوف نزلت دموعها تجري علي خدها بس حاولت تستفهم أكتر ليله؟ تقصد أيه بليله ؟
سالم...ليله هقضيها معاكي بعدها خدي الفاوس اللي انتي عيزاها
بصتله شمس بشر وحقد وإستحقار وفجأه مشيت من قدامه بسرعه علي اوضتها وثواني ورجعت وهي ماسكه شنطه الفلوس😠 حطتها في ايده بغضب
شمس....فلوسك معاك أتفضل اطلع بره😠
سالم...بالسهوله دي أنتي ناسيه ان في كاميرات
شمس....أعمل اللي تعمله و أعلي ما في خيلك اركبه حتي لو هتروح تبلغ عني وتنكر اني رجعتلك فلوسك مش مهم انا عندي أتحبس ولا اني أعمل اللي طلبته
انا لما قولتلك اني مستعده اعمل أي حاجه عشان انقذ امي انت فهمتني غلط فلوسك معاك يا باشا انا أفرط في كرامتي في صحتي في شكلي قدام الناس اني اطلع حراميه لكن مفرطش في شرفي لو هموت
سالم...بأبتسامه جميل اوي دور الشرف ده طيب وامك ياتري شرفك هينقذها
شمس...لو امي عملت العمليه و فاقت وعرفت اني فرطت في شرفي عشان أعالجها كده كده هتموت عشان الشرف عندنا غالي اوي.
سالم....تمام انتي حره عموما فكري قبل ما أمشي
شمس...أطلع بره وخد رجالتك معاك بدل ما أفرج عليك الدنيا😠
سالم....بأبتسامه طلع الكارت بتاعه ورماه علي التربيزه الكارت بتاعي معاكي اهو لو حسيتي انك غيرتي رأيك كلميني و أتمني متخديش وقت في التفكير بدل نا تصحي تلاقي أمك سابتك خالص😉
شمس...بدموع بررررره🥺
بصلها سالم بقرف وخد الشنطه ومشي هو ورجالته
وبمجرد ما خرحوا جريت شمس عالباب تحاول تقفله لكن مكانش بيقفل كويس قفلته بالمفتاح بسرعه و فضلت تعيط بأنهيار وتضم بلوزتها علي صدرها اكتر بوجع💔
..........
في نفس التوقيت عند مراد
ساب مراد أمير يكمل هو الحفله وبعد ما عرفه علي فاطيما و بباها و مامتها أستأذن منهم ومشي هو و ساب الجارد مع امير عشان يرجع معاهم.
كان مضايق عشان فرح عارف انها هتتوجع لو عرفت الخبر لكن مكانش قادر يجي علي ابنه كمان خصوصا انه حس انه فعلاً بيحب فاطيما و شاف ان ان فاطيما بنت كويسه.
اتنهد مراد و كمل سواقه سمع صوت موبايله بيرن حط ايده في جيبه ملقاش حاجه فضل يدور عليه سامعه بس مش لاقيه
كان ماشي علي الكوبري ركن علي جنب الكوبري كان هادي في الوقت ده وفضل بدور لحد ما لقاه واقع
مراد....ايوه يا زيد
زيد...انت فين
مراد...ابداً راجع خلاص كنت مع امير في مشوار كده و سبته وجاي في حاجه ولا ايه
زيد....أبداً كنت بشوفك فين وكنت عايز أفرحك
مراد...ايه هير اوعي تقول حصل والباشا عرف يقنع ليلي
زيد...بأبتسامه حصل يا باشا وكله تمام
مراد...بفرحه اخيراً يا جدع والله فرحت قلبي يا زيد ربنا يفرحك طيب طمني داوود طاير من الفرحه طبعاً
زيد...طبعاً محدش قده 😂
مراد...الحمد لله انتوا فين طيب
زيد....هما روحوا خلاص انا بس كنت بشتري حجات كده وهروح
مراد...خلاص نتقابل هناك
زيد....ماشي يا حبيبي يلا سلام
مراد...سلام
قفل مراد وهو بيضحك ومبسوط
مراد....ربنا يسعد قلبك يا داوود انت وليلي هتبقي أحلي عريس في عيله الطوبجي يا ولاااا😉وفجأه أبتسامته راحت
مراد....يابنت المجنونه😳😳
فتح مراد باب العربيه ونزل جري بأقصي سرعه بمجرد ما لمح بنت واقفه علي الكوبري و بتحاول تنتحر من فوق.
جري مراد وقبل ما ترفع تقي رجلها وصل مراد ليها وكتفها من وسطها و شدها بعيد
مراد....لاااااا
تقي....أبعد عنيييي سبني
مراد...انتي مجنونه😠
تقي....سبني أرجوك 🥺
مراد....لأ مش هسيبك
تقي...حرام عليك ابعد عني خليني اخلص وارتاح
مراد....وهو بياخد نفسه بسرعه مش هسيبك يا مجنونه ايه اللي انتي بتعمليه ده.
تقي....بأنهيار عايزه اخلص من حياتي🥺
مراد....وهو بيلقط نفسه ليه ليه حرام عليكي انتي شكلك صغير ليه تعملي كده في نفسك وبعدين خلاص ضاقت بيكي الدنيا ترمي نفسك من فوق كوبري طب افرضي ربنا عاند معاكي و مريحكيش مفكرتيش في اللي هتحسي بيه.
تقي....لا هموت وسبني من فضلك انا مبفكرش في اي حاجه غير اني اخلص من حياتي
مراد....طيب مفكرتيش في امك في ابوكي في اللي هيجرالهم لو موتي هو ايه اللي جري للشباب أسهل حاجه بقت الأنتحار
تقي.....انا مليش حد والأنتحار هو الحل للي انا فيه🥺💔
مراد....الأنتحار عمره ما كان حل ولو هو ده الحل صدقيني مكانش بقي في مخلوق علي وش الدنيا مفيش حد معندهوش مشاكل بس لو كل مشكله هتواجهنا نفكر في الانتحار يبقي فعلاً منستاهلش اننا نعيش
تقي...انت بتقول كده عشان انت مش مكاني ولا عمرك هتكون مكاني💔🥺🥺
مراد...مين قال اني معنديش مشاكل بس اكيد مش هحلها بالانتحار انا عندي عقل ربنا ميزني بيه افكر في مشاكلي وادور علي حلول لكن ايه في الدنيا يستاهل اني اخسر حياتي عشانها
فضلت تقي تعيط حرام عليك دي كانت فرصتي.🥺
وقف مراد ياخد نفسه
مراد...حرام عليكي يا شيخه و قعتي قلبي و قطعتيلي الخلف
قوليلي بيتك فين اوصلك الوقت اتأخر
تقي...بدموع بصتله انا مليش بيت
مراد...يعني ايه ملكيش بيت انتي غين اهلك واضح انك بنت ناس
تقي....بدموع انا اسفه عاللي حصل وشكراً ليك بعد اذنك
مسكها مراد من ايدها...استني هنا انتي فاكره اني هسيبك تمشي وانتي في الحاله ده انا مش هسيبك غير في بيتك
تقي....صدقني مش هعمل حاجه خلاص انا همشي.
مراد....خلاص يبقي هوصلك بيتك عشان اطمن بنفسي
تقي....صدقني مفيش مكان اروحه🥺💔
مراد...لا اله الا الله يابنتي بتكدبي ليه انتي لابسه كويس وشكلك حد محترم واكيد بشكلك ده مكنتيش بايته في الشارع
بصتله تقي بدموع عامله زي الطفله اللي لا عارفه بيتها ولا فاكره حد
مراد...انتي اسمك ايه؟
تقي....أسمي تقي🥺
مراد...طيب يا تقي فهميني بس ليه عملتي كده وبعدين انتي شكلك لسه صغيره انتي عندك كام سنه يا تقي؟
تقي....انا عندي 28 سنه
مراد....انتي لسه صغيره اوي تعرفي انتي اكبر من ابني بسنه
تقي....هو حضرتك عندك ابن كبير
مراد...اه ياستي عنده 27 سنه
تقي....ده بجد ؟
مراد...وهكدب ليه بس
تقي....لأ بس حضرتك شكلك صغير يعني
مراد....العمر مجرد رقم وبعدين مش يمكن شكلي ده باين صغير لاني مش بوقف حياتي عند اي مشكله تقابلني زي ما تقولي كده ياما دقت علي الراس طبول بس الواحد لازم يعدي ويلاقي حلول لمشاكله ويحلها مش ينتحر زي ما انتي كنتي عايزه تعملي ازاي هانت عليكي نفسك بالشكل ده متزعليش من كلامي بس انتي قد ابني و متمناش ابدا اشوف ابني في موقفك.
تقي...بدموع مش كل المشاكل صدقني ليها حل
مراد...مين قال كده مفيش مشكله في الدنيا دي كلها ملهاش حل بس احنا اللي بنستسهل و نضعف ومن غير ما تزعلي الانتحار ده للناس الضعيفه اللي مش هاين عليها تشغل دماغها وتواجه مشاكلها ولو فرضنا في مشاكل كبيره انتي مش قادره تحليها ألجأى لحد كبير مامتك بباكي اي حد من اهلك بترتاحيله
تقي....بابا مات من عشر سنين كان اقرب حد ليا في الدنيا دي كلها كان صاحبي مش ببايا
مراد...ربنا يرحمه طيب فين مامتك
تقي....ماما تقريباً موجوده ومش موجوده وانا اصلا مش في حسابتها من زمان انا واختي من وقت ما بابا اتوفي وهي كل شويه تتجوز و ياريتها بتتجوز حد من سنها دول كلهم من سني تقريباً🥺 وعمرها ما فكرت فيا دي ممكن تقعد بالشهور متعرفش عني اي حاجه.
مراد...بحزن امال انتي كنتي عايشه مع مين ياتقي؟
تقي...مع أختي هي اكبر مني ومتجوزه
مراد...طيب وحصل ايه عشان تسيبيها
بصتله تقي بوجع اختي دي كانت أقرب حد ليا بعد بابا عيشت معاها بعد ما ماما بدات تتجوز بس..
مراد...بس ايه؟ ايه اللي حصل؟
تقي....جوزها ااا
مراد...فهمت
تقي....المشكله مش في كده المشكله انه كان شخص عادي وانا كنت بحترمه وعمره ما ضايقني بس بقاله فتره متغير طريقته كلامه نظراته كنت بحاول اختفي طول ماهو موجود عشان اختي متاخدش بالها وبعد كده بدأ يلمحلي انه بيحبني و أتغير خالص معايا و فجأه أتجرأ انه يقرب مني مقدرتش أتكلم عشان اختي ممكن تروح فيها دي معاها منه طفلين بس لاحظت ان الفتره الاخيره كانت متغيره هي كمان و سمعتهم بيتخانقوا مع بعض بسببي حبست نفسي في الاوضه ومرضتش اطلع وسمعته بيقولها اني انا اللي بقرب منه واني بحبه قالها متزعليهاش هي واضح انها مش حاسه باللي بتعمله دي لسه صغيره مش فاهمه مشاعرها طبيعي كان يقول كده لانه مش هيخرب بيته المصيبه ان اختي كانت مضايقه مني صدقته وشكت فيا ومقدرتش تخبي جواها اكتر من كده فاتحتني في الموضوع انهارده بس أنا مقدرتش أسكت حكتلها كل حاجه بس هي مصدقتنيش نظرتها كلها شك صدقته هو🥺🥺 محستش بنفسي غير وانا بنزل والمشكله انها كانت شيفاني مفكرتش توقفني او حتي تقولي هتروحي فين كأنها ما صدقت عشان تخلص مني وتحافظ علي حياتها بس والله العظيم انا مظلومه معملتش اي حاجه💔 عايزني بعد كل ده اعمل ايه افضل قاعده واختي مش طايقه وجودي ولا اروح لامي اللي متجوزه راجل من سني ومش بعيد يطلع أسوأ من جوز اختي مكانش في حل قدامي غير اني اروح لبابا وارتاح من الدنيا كلها🥺
مراد...بحزن طيب اهدي يا تقي أهدي يمكن اللي بتقوليه ده صعب وكتير عليكي بس كمان ليه حل واكيد الحل مش الانتحار
تقي....انا بقالي اكتر من ست ساعات بفكر وبلف لحد ما عقلي وقف مش لاقيه مكان اروحه ولا حاجه اعملها🥺
مراد....طيب فين اهل مامتك اهل بباكي.
تقي....اهل بابا كلهم في بورسعيد لان بابا من هناك اصلا واهل ماما مش بيكلمونا من وقت ما ماما بدأت تنجوز
مراد...بس اكيد لو روحتيلهم مش هيمشوكي
تقي....لا مش هقدر انا اصلا عمري ما كنت قريبه منهم🥺
وقف مراد بصلها بقله حيله وحزن علي حالها
مراد....طيب تعالي معايا يا تقي انا هتصرف
بصتله تقي...علي فين
مراد...متخافيش يا تقي اكيد مش هأذيكي انتي قد امير أبني خليكي واثقه فيا اكيد اني اشوفك في الوقت ده واني اركن علي الكوبري عشان ارد علي الموبايل مش صدفه دي كلها ترتيبات ربنا يلا يا تقي تعالي.
مشيت معاه تقي وهي مش عارفه راحه فين ولا ولا عندها بديل كل حاجه محصله بعضها.
أتحرك بيها مراد وبعد وقت مش طويل اوي وصل مراد تحت عقار من عقارات الطوبجي
سلم عليه بترحيب شديد الامن الموجودين تحت خد مفتاح شقه فاضيه وطلع بيها علي فوق
وقفت تقي تبص علي المكان بخوف
مراد...بأبتسامه مد ايده بالمفتاح انا قولتلك ثقي فيا صح اتفضلي ده مفتاح الشقه اقفلي علي نفسك من جوه كمان لو حابه انا وصيت الامن تحت عليكي ولو احتاجتي اي حاجه تقدري تتصلي بيهم هيجيبوهالك فورا
تقي...ايوه بس الشقه دي بتاعت مين
مراد...دي شقتي او تقدري تقولي العماره كلها بتاعتي يعني متقلقيش من اي حاجه و تقدري كمان تفضلي فيها الوقت اللي يعجبك
تقي....بخوف وايه المقابل؟
مراد...بأبتسامه ولا اي حاجه قولتلك انتي زي امير ابني وانا اكيد مش هسيبك في الشارع ولا هسيبك تروحي لجوزك اختك او جوز والدتك
تقي....طيب انا مش هقدر ادفعلك اي حاجه و كمان انا مكنتش بشتغل.
مراد...وانا مش عايز منك اي حاجه ولو علي الشغل لو تحبي تشتغلي اجبلك شغل فوراً انتي دارسه ايه يا تقي
تقي...انا معايا بكالريوس تجاره
مراد...حلو جداً خلاص سيبي الشغل عليا انا
تقي....بدموع مش عارفه اقولك ايه صدقني الكلام راح كأن ربنا خد بابا وعوضني بيك
مراد...بابتسامه قولتلك ربنا كريم ومفيش مشكله ملهاش حل كنتي شيفاها مقفوله بس كل الحكايه ان ربنا مكانش لسه أذن بحلها يلا هسيبك ترتاحي بقي واه انا هوصي الامن تحت يجيبولك شويه حجات من السوبر ماركت ابقي افتحيلهم متخافيش
تقي...لا لا شكرا انا هنام مش عايزه حاجه وانا معايا فلوس بكره بس اصحي هشوف اقرب سوبر ماركت اجيب منه
مراد...ياستي اعتبريهم سلف لحد ما تتشغلي اتفقنا
ابتسمت تقي بأمتنان أتفقنا🥺
مراد...يلا تصبحي علي خير اااه سجلي رقمي عندك عشان لو احتجتيني وانا بكره ممكن اجي اشوفك
مسكت تقي موبايله رنت عليه من رقمها وبعد كده مشي مراد بعد ما وصي الأمن عليها.
يتبع..