احنه بعدنه بل سياره قبل مندخل كالي راهب اذا سالنج اشصار مدري شنو كولي الشيخ مايقبل احجي ابهل امور تمام، كتله تمام..
دخلنه البيت وجان كلش جبير وبي اهواي ناس،،
راهب مشه كدامي واني وراه كضبت ايده قوي لنو جنت خايفه من كثر الناس الي طلعو يتلكونه همه واسلحتهم ويضربون طلقات بل جو،
راهب لحض اني خفت وكال وهوه كاضب ايدي ابقوه.
راهب: لا اتخافين بطبوطه هاذه استقبال النه.
هزيت راسي واخذتني ام راهب جوه يم النسوان وهوه راح للمضيف.
اجو اهواي نسوان سلمو عليه بس جان اكو ابنيه اتدحك عليه من فوك ليجوه وتسوي حركات ابوجها يعني ما عجبها.
مااهتميت وكضيتها اسولف ويه البنات وعمتي كالتلي ابهمس...
ام راهب: هااا اشصار بشري 😉
إماره: عمه الشيخ ميقبل احجي ابهيج موضيع
ام راهب: ابتسمت وكلت على رحتج ابنيتي.
إماره: رحت عل مطبخ البنات صاحولي كعدت ويهم جانو بنات عمه كلش حبابات..
اشويه وفاتت علينه نفس الابنيه الي جانت اتخوزر واجت بتجاهي وتقدمت سلمت بس كرصتني ابزندي لو شاغت روحي بس مابينت الهن كلت خلي اتواي كعدت ويانه وحرفين كلامها اينكط سم،
همست لمريم لنو جانت كاعده ابسدي وكلت هاذي منو
مريم: خليها اتولي بعدين افهمج (ابهمس)
إماره: تمام
صبن البنات غده وماحد خلني امد ايدي على شي
اتغدينه ورحو الناس،، كلت لعمتي ،،،،،،،،،،،
إماره: عمه وين غرفتي
ام راهب: اي يبعد عمتج هسه اكول لحلام اتوديج .....
احلام ودي مرت اخوج لغرفتهم
احلام: تمام مامه،، يله عروستنه تعاي معايه
اخذتني للغرفه وجانت كلش حلوه ونازكه وكالت
احلام: اذا احتاجيتي شي صيحيلي اني بل غرفه هاذي،، اشرت عل غرفه المقابيل غرفتنه،،
هزيت راسي وكلت تمام هيه راحت واني فتت اخذت ملابس وفتت سبحت،،،
طلعت من الحمام ولبست دشداشه لونها احمر ناري نص ردن وبيها فتحان امطرزه بصفر كلش حلوه،
ظفرت شعري ضفيره ناضيه وخليت مكياج خفيف واني واكفه عل امريه دخل راهب سلم واخذ ملابس ودخل يسبح،،،
رحت اني ارتب اغراضي لنو امرتباتهن البنات بس مو مثل ماريد،،،
طلع هوه من الحمام وجان لبس اتراك نص ردن وبارزه عضلته وجان لون الاتراك اخضر زيتوني..
طالع عليه شقاقي 😂
حسيت على نفسي اشون صافنه عليه ونزلت اعيوني هوه ابتسم كال وهوه ايمشط شعره
راهب: بطبوطه تره والله ادري اني حلو بس لا تصفنين مثل ابو صابر
إماره: ليش اتكلي بطبوط 🤨
راهب: لنج اتشبهين البطه
: اني اشبه البطه 😳
: جاا اشبيها البطبوطه اتموت (ابغمزه)
ما جوبته وكملت اصفاط الملابس وهوه راح وكعد عل سرير ،،،
جفلني من حجه ابحده وكال،،،،
: منو كارصج من متنج؟
: شنو متنج
: هاذه،، واشر على زنده
: اسمه زند مو متن
: لا تتهربين من السؤال منو كارصج هااااااااااا
: على كيفك اشبيك اتصيح،،، هاذي وحده مدري منو اجت سلمت عليه وكرصتني اجعل ايدها تنكسر شاغت روحي من كرصتها
: اشون شكلها....
: زركه ومسلوعه (ضعيفه) وطويله .
كام يضحك على سوالفي وانتبهت عليه من يضحك اشكد حلو اتحرك اجتافه، شكلي بديت انعجب بل شيخ 😊🫣
: لج امنين اتجيبين هل اسولف 😂
: اي غير اوصفها الك
: معليج بيها ولا تحجين معها
: ليش عمو
: بدون ليش،، وبعد لا اتكولين عمو صيحيني بسمي
: ماشي عمو اقصد راهب
: يله اني راح انام من اتخلصين طفي الضو
: لعد اني وين انام اذا انته اتنام عل سرير
: نامي ابسدي السرير جبير
: لا لا هسه اكول لحلام تنطيني افراش وبطانيه
: انتي غبيه لو تستغببن
: ليش
: اني كايل لمي انتي صرتي مرتي اشون اتنامين بل كاع واني عل سرير صرتي مرتي عل واي فاي
: اييي اشمدريني عاد
: تعاي نامي هين وانتي ساكته تره راسي يوجعني
كلبت اعيوني ورحت نمت عل سرير بس نمت على طرف
................................
😴😴
،،،،،،،،،،،،،
كعدت العصر على صوت البنات امشغلت الديجي بل غرفه ثولني
لاره: لج اموره كومي مضل وكت
إماره: ليش شكو
البنات ابصوت واحد: لج غير انسويلج حفله على طريقتنه،
ابتسمت وكمت لبست فستان كلش حلو وخلولي البنات مكياج كلش حلو كويت شعري وخلته مفتوح...
فستاني جان تقريبن نفس هاذه....
كلت للبنات وين راهب
احلام: لبس وطلع هسه يجي
هزيت راسي ابمعنه... اي...
طلعن البنات راحن ايبدلن قبل ما تجي الناس اني رحت عدلت السرير واني دا اعدل بي دخل راهب شافني وضل صافن اني ضحكت وكلت..
: تره ادري ابنفسي حلووو
: هااا يعني اتقلديني
: 😁😁
: امشي طلعيلي ملابس اني رايح اسبح
: يعني على ذوقي (ابدلع)
: اييي
هوه راح يسبح واني هم رحت طلعت له دشداشه سوده وغتره بيضه وعكال وساعه وهاي المثل الدكم مال الدشداشه،،،،
طلع وجان لبس برنص مال حمام اني استحيت ودرت كتله،،،
إماره: جان كلت اني انطيك الملابس ولا طالع هيج،
اسمعه يضحك وكال............
٠~٠~٠~٠~٠~٠~~٠~٠~٠~~~♡~٠~٠~٠~٠~٠~٠~٠~٠٠~
يتبعععععععع
ي