ممكن مننساش التصويت و هستنى مناقشتكم معايا❣️
#ملحمه
#مملكة_الطوبجى
#أميره_أسامه
#صاحبة_البطل_الواحد
..............
في قصر الطوبجى.
فرح بحزن
بس أنت وعدتني يا أمير.
أمير....عارف والله يا فرح بس مش هنلحق عشان كده بقولك خليها الأسبوع الجاي أنتى عارفه هما أكيد مش هيطولوا في المستشفى وزيد هيتحرك على طول لازم اقابله عشان نجيب مراد.
فرح....بحزن خلاص يا أمير مفيش مشكـ ـله عموما أنسى أنا مش حابه أعطلك و هشوف أنا حوار السواقه ده هلاقي اكيد شركه او اي مكتب بيعلم.
أمير....بعصبيه بسيطه شركه ايه ومكتب ايه انتي عبيطه لأ طبعاً مستحيل حد غريب يعلمك قولتلك خلاص انا هعلمك
حست فرح بالسعاده بمجرد ما حست انه ممكن تكون عصبيته دي غيره وحاولت متبينش إبتسامتها و تظاهرت بالحزن.
فرح....وفيها ايه عادي يعني ناس كتير بتلجأ للشركات والمكاتب دي
أمير...عشان معندهمش بديل يا فرح
فرح....وأنا فين البديل اللي عندي اخواتي وكلهم مشغولين والوقت اللي فاضين فيه بيسهروا بره وأنت كمان زيهم
أمير....فرح انا قولت اللي عندي خلاص تعليم مع حد غريب مش هينفع.
فرح...هو عند يا أمير وخلاص وبعدين أنت بأي حق مصمم أصلاً هو انت فاضيلي وبعدين أنت مش هتفضى غير كل اسبوع مره يوم أجازتك يعني عشان اتعلم فعلاً فيها كام شهر.
أمير....كام شهر ليه هو أنتي هتتعلمي سواقة طياره
فرح....لأ بس شيل من الكام شهر دول كام اسبوع كلهم أعذار وانا بصراحه مش هستنى بعد أذنك
مسكها أمير من ايدها بغضب استني هنا
ابتسمت فرح وبسرعه رجعت ملامحها للغضب نعم.
أمير....أنتي عايزه ايه الوقت😡
فرح...عيزاك تعلمني السواقه😔
أمير...ماشي يا فرح هاخدك الوقت
بس لحد ما زيد يتصل مليش فيه بقى كلمني بعد خمس دقايق بعد عشر دقايق هرجعك و أروحله😡
ابتسمت فرح بسعاده و جريت من غير ولا كلمه على العربيه فتحتها وقعدت
هز أمير راسه بقلة حيله وراح ركب وخرج من القصر وبدأ يمشي حوالين المكان عشان ميبعدش بيها.
أمير....بغضب حاول على قد ما يقدر يخفيه لكن كان بردوا ظاهر
بصي انتي تركزي معايا ومش عايز رغي تسمعي بس اللي هقوله وتركزي فيه😡
فرح...هو أنت عايزني أتعلم وانت قالب وشك كده😡
أمير....انا قالب وشي 😡
فرح...ايوه قالب وشك بص في المرايه وانت تعرف 😔
خد نفس طويل وحاول يهدى
أمير...اووووف ماشي يافرح انا هادي اهو ركزي معايا بقى عشان انتي اللي هتيجي تسوقي الوقت بعد ما اخلص كلامي مفهوم
فرح...😳نعم اجي اسوق انت بتهرج احنا متفقناش على كده
أمير...أمال اتفقنا على ايه انتي مش عابزه تتعلمي السواقه🤨
فرح...أيوه طبعاً بس كمان مفيش حد بيبدأ عملي قبل ما يبدأ نظري
أمير...أمال أنا بعمل ايه ما اللي هقوله الوقت هو النظري هتفهمي وهتطبقي مفهووووم😡
فرح...🙄طيب
بدأ أمير يشرحلها بهدوء ويفهمها الاول كل زرار بيعمل ايه ويشرحلها واحده واحده وهو بيسوق وبعدين رجع وقف
أمير....هاااا فهمتي حاجه
فرح...🙄أنا حاسه اني فهمت
أمير....نعمممم حاسه هي بالأحساس😡
فرح...امال بايه
أمير....ما هو لا فهمتي يا مفهمتيش😡
فرح....طيب خلاص هو مبدأياً فهمت أه بس مش حاسه اني هعرف أطبق ده عملي🙄
أمير....أنزلي يا فرح انزلي لفي وتعالي جربي وانا معاكي يلا عشان فاضل ثواني وهتحول🤨
نزلت فرح ونزل أمير بدلوا أماكنهم.
أمير....يلا نسمي الله كده وركزي يا فرح في كل كلمه قولتها وبعدين أبدأى و براحه
فرح...بخـ ـوف بصتله انا خايـ ـفه بلاش يا امير
أمير...متخـ ـافيش يا فرح أنا جمبك
فرح...خليها مره تانيه طيب🥺
أمير ...يلا يا فررررح قولت متخـ ـافيش أنا معاكي
حطت فرح رجلها على البنزين
فرح...🙄هي مش بتدور ليه
أمير...حط أيده على وشه🙈 هو مش انا قولتلك نشغل العربيه الاول أنتي عايزه تجيبيلي سكته قلبيه
ضحكت فرح غصب عنها عليه😂
أمير....اضحكي أضحكي ثانيه وهتلاقي نفسك بره العربيه
فرح....أنت اللي موترنى على فكره😒
أمير...صح انا اللي موترك انا اصلا فاشل مبعرفش اسوق
دورت فرح العربيه وبصتله ها اعمل ايه تاني
أمير...🥴أنتي نسيتى
فرح...😂😂😂لأ بس زياده تأكيد
أمير...ربنا يعدي اليوم ده على خير فرح اهم حاجه تركزي في المرايات كويس
فرح....وهي المرايات مالها ومال السواقه
أمير...يعني ايه مالها امال بعقلك كده لو هي ملهاش لازمه محطوطه في العربيه ليه
فرح....عشان البنات تظبط فيها المكياچ وعشان لو حد قاعد في الكنبه اللي وراء نبصله فيها عشان منعملش حـ ـادثه
أمير...احييييييه🙈
فرح...بضحك😂😂😂والنبي براحه عليا وخدني على قد عقلي
أمير....يا حبيبتي أنا لو خدتك على قد عقلك هنروح عالمدافن بصاروخ🥴
سابت فرح كل كلمه قالها وركزت مع كلمه حبيبتي وكأن الكلمه خدتها لمكان تاني فضلت بصاله ومبتسمه ومش بتتكلم
وفضل أمير يشرحلها تاني وهي تعمل اللي يقوله وهي لسه في العالم بتاعها بتنفذ بس من غير تركيز وكأنها آله بتشتغل وخلاص
أمير....براڤو يا فرح ايوه كده
ركزت فرح بسرعه لقت نفسها ماشيه بالعربيه وفجأه اتوترت وفضلت العربيه تروح شمال ويمين
أمير....حاااسبي اظبطي ايدك كنتي ماشيه كويس
فرح....بسعاده امير انا سايقه😍
أمير....بأبتسامه أمشي واحده واحده بلاش تسرعي
فرح...حاضر
أمير....عينه عالطريق ومراقب حركتها مع العربيه اول خطوه تقريباً خلصت وهو الرهبه الأولى ودي حاجه كويسه بعد كده مش هتكوني خايـ ـفه ومره على مره هتبقى كويسه.
فرح....يعني كام مره وابقى بعرف اسوق
أمير....مفيش حاجه اسمها كام مره وبعدين انتى فعلا خلاص سوقتي بس عشان تكوني برفكت في السواقه محتاجه تجربي كتير
فرح....طيب تمام
أمير...الوقت بقى وقفي وأرجعي وراء
وقفت فرح العربيه ومسكت الباب عشان تنزل
أمير....🙄انتي بتعملي ايه؟
فرح...هنزل عشان أرجع وراء
أمير...وراء فين🥴
فرح...معرفش وراء العربيه مش انت اللي بتقول
أمير...أنتي عايزه تنزلي تقفي وراء العربيه🥴🥴 منك لله
فرح...بضحك 😂طيب مش انت اللي قولتلي
أمير....انا اقصد ترجعي بالعربيه يافرح
فرح....اااااااه
أمير....ايه الذاكره رجعتلك🙈 أنا بقول كفايه عليكي كده انهارده وعليا انا كمان عشان لحظه وهتشل على ايدك.
فرح...😂😂خلاص والله فهمت غلط وبعدين لاحظ اني لسه بتعلم
أمير....ماهو عشان أستناكى تتعلمي هكون انا جالي جلطه ترضهالى وبعدين كفايه عليا اوي صدمه المرايه اللي بتحطى فيها مكياچ و رجعوك وراء العربيه🥴
فرح....😂😂بلاش رخامه بقى قولنا لسه بتعلم
أمير....طيب يلا انزلي خليني أرجعك ونخلص من اليوم ده😡
فرح...ترجعني 🥺
أمير....اه عشان اروح لزيد
فرح...خدني معاك يا أمير
أمير....أخدك فين انا رايح اتفسح هنجيب مراد ونرجع
فرح...عشان خاطري يا أمير والنبي والنبي🙏🏻
أمير....يا بنتي مش هنتأخر
فرح...طيب وانت مضايق ليه هو انا هاخد مكان في العربيه عشان خاطري يا امير عايزه أجيب مراد معاكم
أمير...اللهم طولك يا روح ماشي يا فرح يلا لفي
نزلت فرح لفت بسرعه وبدلوا اماكنهم تاني وهي طايره من الفرح
بصلها امير بغيظ🤨 مبسوطه ها
فرح...اوي😍
أبتسم أمير....طيب يلا أربطي الحزام.
............
خرج زيد قدام العربيه
راجح....هتروح على المطار
زيد...اه يا دوب زمان مراد طيارته على وصول و كمان هقابل أمير على الطريق
روح....يوصل بالسلامه
زهره...على بال ما توصلوا يكون الغداء جاهز.
فضل راجح ساكت وشارد.
زيد...ايه يا باشا انت كويس
بصله راجح وكأن جواه دوامه من الأفكار و الأسئله
راجح....كويس اني جيت مش كده يعني اقصد ان دي خطوه كويسه على الأقل ممكن تفرح داوود صح ولا ايه
بصت زهره وصبا وروح لبعض وسكتوا.
زيد...بإبتسامه حب صح يا باشا وهو فعلاً فرح وأتبسط جداً
راجح ....بس ليلى مكانتش مبسوطه أنا عارف
زيد....ما أظنش وحتى لو فعلاً اللي بتقوله صح بيتهيألي انها هتقدر الخطوه دي جداً
روح....انا كمان شايفه كده وبعدين البنت ذوق جداً و مكانش باين عليها إنها متضايقه.
زهره....ليلى طيبه اوي و هتنسى هي بس محتاجه شويه وقت وظروف احسن من اللي هي فيها
زيد....بالظبط زي ما زهره قالت محتاجه وقت يا باشا
راجح...بتفهم هز راسه طيب يلا يا حبيبي روح انت هات مراد و هنسبقك على البيت
زيد....ماشي يا باشا بص زيد بطرف عينه على صبا كان حاسس انها بصاله من وقت ما قالها ان ملامحك فضحاكى و كانت واقفه مش على بعضها
زيد....يلا سلام إن شاء الله مش هنتأخر
راجح.....بإذن الله يلا سلام أركبوا يابنات.
فضل زيد واقف و باصص على صبا لحد ما اتحرك راجح بالعربيه
...........
زيد....الووو
أمير....ايوه يا زيد
زيد...إتحركت ولا لسه؟
أمير....ايوه وانت؟
زيد...انا هتحرك من المستشفى خلاص بقولك ايه اطلع على المطار علي طول
فرح....أسأله مامي روحت
زيد...دي فرح؟
أمير....اه فرح شبطت فيا زي العيال الصغيره عايزه تيجي تجيب مراد معانا.
فرح...ايه زي العيال دي😡
زيد...بضحك أستلم بقى زن لحد ما توصل المطار ربنا معاك يلا سلام.
أمير...بضحك سلام يا سيدي.
.................
بعد وقت مش طويل وصل زيد وقابل فرح وأمير
زيد....ايه اللي جابك يا فروحه ما أحنا قولنا مش هنتأخر
فرح....هو انا ورايا حاجه وبعدين مراد واحشني اوي
أمير...هو مش المفروض يخرج الوقت إتأخر ليه
زيد....ولا اتأخر ولا حاجه زمانه خارج.
مرت دقيقه على جمله زيد وخرج مراد.
أمير....مراد أهو مرااااد
أبتسم مراد أول ما لمحهم وخرج من المطار بكل هيبه لابس طقم أسود بالكامل رافع نضاره الشمس على شعره و ساحب وراه شنطته
جري عليه أمير حضنه بكل قوته
أمير....وحشتني يا موووودي
مراد....بضحكه جميله الله يخربيت عقلك انت وحشتني اكتر
فرح...أوعى بقى سبني أسلم عليه
مراد....الله الله كمان فروحه في أستقبالي لأ كده كتير عليا
فرح ..وحشتنا اوي
مراد...انتوا وحشتوني اكتر
ابتسم زيد وقرب منه حضنه
زيد....لو اني كنت فاكر اني ماصدقت خلصت منك ورجعت بس ليك وحشه
مراد....بضحك مراد الطوبجى إدمان يا ابن راجح.
أمير....طب والله وحشتني بقولك ايه القصر من غيرك وحش ولا ليه طعم
زيد....على اساس ايه يا أبن مراد إيش حال أن ما كنت سهران امبارح لوش الفجر يا صايع
مراد....سهرت من غيري يا واطي
أمير...حتت سهره بقى يا مراد رضا البحراوي وشغل عالي
مراد...وهو بيغمزله طب والموزز أخبارهم ايه😉
زيد...بضحك سبحان الله نفس الربايه😂😂😂 قدوه قدوه يعني
مراد...اماااال هذا الشبل من ذاك الأسد يا ابن راجح
زيد...لفرح أنا بقول نمشي عشان مراد وأمير لو فتحوا مع بعض مش بعيد يطلبولنا الشرطه
ضحكوا كلهم ومسك امير منه الشنطه و مشيوا مع بعض كام خطوه.
أمير....أنت محتاج سهره سريعه عشان ترجع تفتكر الحجات الحلوه
مراد....أفتكر أيه يا واد هو انا بفتكر غير الحلو طب ده أبوك لسه حاطت عينه على مضيفه بس ايه حاجه كده بوووووم
زيد...بضحك أنت لحقت طب أستنى لما تنزل وتطمن على سلامتك صفي نيتك بدل ما الطياره تنفـ ـجر بيك بتظبط المضيفه😂😂
مراد...وهي دي مضيفه بعقل😉
أمير....طب ايه انا معاك في المشوار ده😉
زيد....مفيش فايده😂 أنتوا خطـ ـر على البلد تصدق و تآمن بالله يا مراد أنا بحمد ربنا إنك مجبتش غير أمير بس أصل كان هيبقى صعب اوي لو في منكم أكتر من نسختين😂😂😂😂
أركبي يا بنتي أركبي
.....................
بعد مرور حوالي ساعه وصل زيد
ومعاه مراد نزل أمير الشنطه
ودخلوا على جوه مراد بصوت عالي.
مراد..السلام عليكم يا آل الطوبجى❣️
الشباب...مراااااد😍
جري عليه اول واحد جلال قفز عليه شاله مراد من الأرض😍
وبدأ الشباب يبعدوا بعض ويحضنوه
مراد....اه يا أوباش والله ليكم وحشه
سالم....طب نسلم أحنا بقى
مراد...وسعوا يا ولاد للصايع الكبير😂
حضنوا سالم بحب
مراد...اخبار الموزز على حسك ايه يا ولا
سالم...بضحك مستنين إشاره من برنس العيله بس الله يباركلك وطي صوتك احسن الباشا يسمعنا
راجح...على أساس أني معرفش بلاويكم يا صايع انت وهما
قرب مراد منه بسعاده قبل كفه وحضنه بحب وحشتني اوي يا كبير.
راجح...انت كمان وحشتني وبعيداً عن إن أنت سبب فساد شباب الطوبجي بس القصر وحش من غيرك.
مراد...بضحك فساد ايه بس يا باشا صلي على النبي بذره الإنحـ ـراف موجوده في ولادك من زمان انا بس اللي نكشتها😂😂
روح....حمد الله على سلامتك يا مراد.
مراد...برنسس العيله ❣️
قرب منها مراد حضنها و قبل ايدها بحب وحشتيني انتي وكل اللي في البيت .
روح....نورت البيت ياحبيبي❣️
قربت منه صبا حضنته وحشتني اوي يا مراد
مراد....بنت اختي القمر انتي كمان وحشتيني انتي والواد اللي واقف وراء مسلمش عليا ده
أيمن....ياعم هما مديني فرصه قرب منه ايمن وحضنه وهو بيضحك بقول ايه البرفيوم اللي انت حاطه ده يلزمني
مراد...اعوذ بالله ياواد انت مدمن انت وامير ديماً مقلبين مني البرفيوم.
ياسين وهو بيقرب عليه ويحضنه انا تخصص ساعات يا برنس😂
مراد...جايبلك ساعه جامده يارب بس تبطل تقلبني
ياسين...هو ده الكلام😉
قاسم....ايه اللي قعدك يا مراد كل ده لما انت وزيد خلصتوا اللي وراكم🤨
مراد....ايه يا واد رفعه الحاجب دي عامل فيها ملتزم🤨
يا ولا يا ولا 😉
مراتك قاعده هاا اظبط كده😉
قاسم...بضحك متركزيش معاه يا حبيبتي انا مليش دعوه بيه 😂
مراد....طب بصراحه كده يا زهره تصدقيه هو ولا تصدقيني انا
زهره...بضحك والله يا مراد انا بصدقه طول ما انتوا بعيد عنه اول ما تبقوا معاه بتشككوني فيه😂😂😂
مراد....بصي بلاش نظلـ ـمه هو حالياً ملتزم أو يمكن أنتى اللي ممشياه عالعجين لكن زمان مقولكيش بقى قاسم الطوبجي كان خاربها😉
قاسم...كنت خاربها لوحدى هاا مين اللي كان بيحرضني
مراد...انا طبعاً😂
سالم.....الجو هناك ايه أخباره😉
مراد....الجو هناك عال العال والله مكنتش ناوي اجي الوقت
نادر...وايه اللي جابك
مراد...وحشتوني يا كلاااب😂
أمير....بقولك ايه يا مراد جبتلي ايه من هناك.
مراد...مش زيد جابلك اللي كنت عايزه🤨
أمير...لا بقولك ايه انت حاجه وزيد حاجه تانيه مليش دعوه
مراد....ماشي يا اخويا عموما جبتلكم حجات حلوه
سالم....وانا جبتلي ايه؟
مراد...بصوت واطي أنت والعيال دي جبتلكم حاجه بقى هتدعولي عليها 😉
سالم....طب والله طول عمرك بتفهم😂😂
مراد...انا البابا يالا😉
بقول ايه صحيح فين داوود وفين فيروز مجاتش ليه وحشتني
روح...فيروز كلمتني وقالت انها هتعدي علينا بليل هي وحسام
مراد...طيب تمام و داوود فين
زيد....داوود مع ليلى
بص مراد على راجح وعليهم كلهم ورجع بص لزيد ليه في حاجه
زيد...اه والدتها تعبانه في المستشفى وهو معاهم احنا كنا عنده الصبح بنطمن عليها وعلى والدتها وبعدين جيت اجيبك من المطار.
مراد....اممم طيب انا هكلمه ولو كده شويه و اروحله.
زيد....لا هو شويه هتلاقيه جاي عشان يشوفك ويغير هدومه واكيد هيروح تاني
مراد....طيب تمام
سالم...بقول ايه مش هنسهر النهارده
روح...بقول ايه انهارده مفيش سهر احنا هنقعد مع بعض فيروز شويه وهتيجي ابقوا اعملوا اللي انتوا عايزينه بكره
مراد....رفع ايده الحكومه امرت✋🏻
يوسف....نعوضها بكره المهم ورينا جبت ايه😉
مراد....جبت الهنا والسعد والمزاج العالي😉
زيد...بضحك قام وقف ومتبقاش تنسى رقم المضيفه تفرقه عليهم😉
مراد...بصوت واطي اه يا ابن
الكــ ـلب بتسوحني معاهم😂
سالم...فيها لا اخفيها✋🏻🤨
زيد....ألبس😂😂 مش انتوا حبايب يبقى مينفعش من غيرهم
مراد...القسمه مش في كل حاجه يا ابن راجح
زيد....لا تنفع أبو قسم حلو بردوا😉
روح...انت وقفت ليه رايح فين
زيد...رايح لمنذر يا روح ما انا قولتلك
روح...لازم يعني
زيد...مشفتهوش بقالي كتير من قبل ما اسافر ومش عارفين نتقابل.
مراد...طيب ما تخليه يجي وحشني الواد ده.
زيد...لو سهرانين هقعد معاه شويه و هجيبه واجي.
مراد...انا عن نفسي سهران كنت عايز انام بس النوم راح خلاص
زيد....خلاص لو كده هجيبه واجي.
مشي زيد وقعدوا كلهم مع بعض اتعشوا وبعد شويه خرج امير بره كان معاه موبايل
خرجت وراه فرح تشوفوا ومره واحده وقفت مكانها. وبدأت تسمعه
أمير...لا يا حبيبتي مش هقدر اشوفك انهارده والله.
.......
أمير....انا قولتلك مراد جاي ومش هينفع اسيبه.
......
أمير...تمام خليها بكره
......
أمير....انتي كمان وحشتيني اوي
.......
أمير....خلاص ان شاء الله هكلمك واتفق معاكي خلي بالك من نفسك
.....
أمير....وانا كمان بحبك❣️
مع اخر جمله قالها أمير نزلت دموع فرح تجري على خدها
وبسرعه كانت جريت من المكان كله طلعت على أوضتها
و إنهارت💔
...................
قبل كام ساعه في مكان تاني خالص.
في حي من الأحياء الشعبيه.
إتجمع الناس على صوت حسين و الفضيحه اللي عملها لبنت خالته خلود وسط الشارع.
حسين...انا هوريكي يا خلود هوريكي يا فاجـ ـــره يا بنت
الكــــ ـلب.
أشهدوا يا ناس خلود الفاجـ ـره ضحكت علينا كلنا و قرطستنا ضحكت على ستي الغلبانه وراحت نامــ ـت مع عيل حشاش وسلمته نفسها و مش عاجبها اني استر عليها واتجوزها عايزه تمشي على حل شعرها بنت الكـ ـلب اللي جابتلنا العـ ــار.
فضل الناس اللي ملمومه يتهامسوا فيهم اللي مشفق على خلود وفيهم حياته متكتملش غير بالكلام على عرض وشرف البنات
اما خلود كانت فوق في شقه ستها قافله على نفسها اوضتها من جوه ومش عارفه تعمل اي حاجه
كل اللي كانت بتعمله بتصـ ـرخ بكل قوتها وبتقفل في الشباك وتسد في و دنها عشان متسمعهوش
خلود...بااااااس كفايه كفايه بقى حرام عليكم فضحتونى ربنا ينتقم منكم ااااااه
حضنتها بنت خالتها وتبقى اخت حسين لكن اصغر من خلود بسنتين.
تسنيم....بدموع اهدي والنبي يا خلود
خلود...وهي بتلطم على وشها و منهاره فضحني فضحني فضحني يا تسنيم و دمـ ـر حياتي
تنسيم...ربنا ينتقم منهم كلهم محدش هيصدقه انتي ست البنات واللي هيقول غير كده انا اللي هقفله وهجيبلك حقك🥺
خلود....بعد ايه بعد ما خلى سيرتي على كل لسان مكفاهمش اللي عملوه في اختي مكفاهمش انها مـ ـاتت على ايده وحرمني منها
كل ده ليه عشان الشقه ياخدوها مش عايزه حاجه بس والله ما هتجوزه لو اضطريت امـ ـوت نفسي
تسنيم....تمـ ـوتي نفسك وتمـ ـوتي كافره يا خلود
خلود...انا كده كده ميـ ـته كل يوم ضـ ـرب وإهانه منه ومن امك ومن خالي ومن ستي ليه عملت ايه لكل ده كل يوم فضايح وتهم معملتهاش دول لا يمكن يكونوا اهل دول شياطـ ـين💔💔اااه
تسنيم....حقك عليا انا يا خلود سامحيني مش عارفه اعمل اي حاجه ولو نطقت محدش فيهم بيرحمني واولهم حسين.
خلود....وانتى ذنبك ايه انتى اللي بتفضحينى انتى اللي حبسـ ـاني و مخليانى ما شوفش شارع انتى اللى بتض ــربى وبتـ ـعذبى أنا تعبت اوى تعبت من حياتى كلها
تسنيم....بصوت واطي أهربي يا خلود.
بصتلها خلود بضياع ايه؟
تسنيم....اسمعي كلامى وامشي ابعدي على قد ما تقدري ستي ربنا ينتقم منها جبروت هي اللي ممشياهم كلهم هي اللي مقوياهم
دي امك اللي هي بنتها كانت مورياها السواد هترحمك انتي
هما مش هيسكتوا غير لما تتنازلي عن الشقه والفلوس اللي ابوكي سابهم لأمك وليكي انتي واختك
دول عالم جعانه مفيش في قلوبهم رحمه كل اللي هاممهم الفلوس وبس ستك بعد مـ ـوت امك غصبت على اختك تتجوز حسين لحد ما خلاها انتحـ ـرت ومـ ـاتت بسببه و صدقيني مش هترتاح غير لو جوزتك حسين و خلوكي تمضي على كل حاجه هو مش حسين ده اخويا بس صدقيني بتمني يمـ ـوت انهارده قبل بكره أوعي تفتكري انه فاضحك انتي وبس ده فاضحني ومخليني كارهه حياتي اخويا جواه شيطـ ـان مش هيرحمك و نهايتك هتبقى زي نهايه اختك يا خلود هيتجوزك وياخد منك كل حاجه معرفش ياخدها من اختك عمرك ما هترتاحي معاه صدقيني لو كنت شاكه انه ممكن يتصلح حاله بعد الجواز مكنتش قولتلك كده لكن حسين هيبقى اقوي لأنه بأختصار معندوش عزيز ولا غالي انتي ناسيه انه حاول يعتدي عليكي اكتر من مره وبتحريض من ستك عشان ميبقاش قدامك حل إلا انك تقبلي تتجوزيه.
خلود....بدموع وههرب ازاي بس يا تسنيم انا مبعرفش اشوف الشارع
دي ستك على طول قاعده بره وباب البيت على طول مقفول بالمفتاح
تسنيم...بدموع ملكيش دعوه انا هتصرف هنلاقي حل
خلود....بس هروح فين انا معرفش حد أهل ابويا معرفش مكانهم ولو عرفت حسين هيوصلي اروح فين انا مليش حتى صحاب
تسنيم....افتكري اي حد من اللي كانوا معاكي في المعهد واطلبي منه يساعدك
خلود....معيش رقم حد فيهم وكمان حسين طول الاربع سنين كان بيوصلني وعمري ما عرفت بيوتهم
تسنيم....مش مهم روحي اي مكان ابعدي يا خلود و أنفدي بجلدك متخسريش حياتك زي ما سمر خسرتها أرجوكي اجري شقه في مكان بعيد وحاولي تشوفي شغل
خلود....أجر شقه ازاي ومنين 🥺💔 ده ستك خدت مني كل الدهب حتى الحلق اللي كنت لبساه خدته مني
تسنيم....متشيليش هم الاول نفكر مع بعض ازاي نلاقي حل لخروجك من هنا وانا عارفه حسين بيشيل فلوسه فين هاخد منه وهحاول اشوف ستك بتشيل الدهب فين وهجيبلك دهبك ولو معرفتش هاخدلك دهب ماما
خلود...لا مستحيل دول كانوا
قتلــ ـوكى فيها.
تسنيم....متخـ ـافيش محدش هيعرف حاجه ولو عرفوا ديتها ايه يعني علـ ـقه عادي ماهما طول الوقت بيضـ ــربوا فينا من غير سبب مش هيجرى حاجه لو
أتضـ ـربت مره بسبب المهم تكوني انتي بخير وبعيده عنهم
خلود....بس انا مش هسيبك ده انتي الحاجه الوحيده الحلوه في حياتي يا تسنيم
تسنيم....يابت تسبيني ايه بس ابعدي انتي الاول وظبطي حياتك ولما تستقرى هجيلك وهبقى معاكي وابعد انا كمان عنهم وارتاح.
خلود....بجد يا تسنيم ولا بتقولي كده بس عشان اقتنع
تسنيم...لا بجد يا خلود صدقيني محدش عاقل ابدا يرضى يعيش مع عيله زي دي معروف ان عيله الام دي احسن من عيله الاب بس انا في حياتي ما شوفت عيله ام اوسخ من عيلتنا عندهم استعداد يبيعوا لحمهم عشان الفلوس دول قطـ ـع الرحم بيهم أكبر حسنه ممكن نعملها ومش هما دول اللي نضيع حياتنا بسببهم المهم اتفقنا.
خلود....بحزن اتفقنا حضنتها تسنيم وفضلوا يعيطوا في حضن بعض
..........
اما في الخارج طلع حسين بعد ما نفذ خطته.
جدته....تعالى يا حبيب ستك تعالى ارتاح صوتك أتنبح
حسين...انا جعان
جدته...اجري يابت يا سميره حضري لابنك الاكل
سميره ...بسعاده حاضر يا أما.
حسين ..أيه قافله على نفسها
جدته....اه معاها اختك فضلت تصوت وتولول شويه بس ولا يهمك وحيات شعري ده لا هجوزهالك يا حسين
حسين ...حبيبتي يا ستي
جدته...بعد اللي حصل ده خلاص سيرتها بقت على كل لسان مش هتلاقي غيرك قدامها تقبله وتبقى توريني بقى هترفض ازاي
حسين...المهم الشقه والفلوس
جدته...لو على الفلوس هي كده معانا دهبها ودهب اختها وامها اللي اشتروا بفلوس ابوها لكن الشقه مبقاش انا صباح لو ما بقت بأسمك يوم ما تكتب عليها
حسين....طب والدهب يا ستي مش هينوبي من الحب جانب
جدته....يا واد بلاش طمع دهب ايه اللي هتبصلي فيه مش كفايه الشقه اللي هتلهفها.
حماده ابنها وخال خلود...طب وانا ايه هتطلعوني كده من المولد بلا حمص
صباح....انت معايا في الدهب يا واد متقطـ ـعش برزقك امال وبعدين انت ناسي محل ابوها كمان اللي مقفول من سنين.
حماده...بس جينا لمربط الفرس المخل يلزمني يا اما
صباح....بالهداوه كله بالهداوه هناخد كل حاجه هي هتعمل ايه يعني بكل ده مش كفايه هديها راجل تتمد في طوله🤨
حسين....حبيبتي يا ستي😉
...........
في بيت ملك
خرجت ملك من المطبخ لقت ميار مبتسمه و حاضنه الموبايل😍
ملك...وده اسمه ايه ده ان شاء الله
ميار....هااا لا مفيش
ملك....لا والله وايه بقى سر الإبتسامه الجباره دي 🤔
ميار....بسعاده بصتلها أبداً بس تامر كان بيكلمني
ملك....تامر تاني يا ميار مش هنخلص بقى
ميار....وماله تامر بس يا ملك انا نفسي اعرف انتي ليه قلبتي عليه مره واحده كده
ملك....انا لا قلبت ولا حاجه وبعدين انا من البدايه واخده منه نفس الموقف مش برتاحله
ميار...ليه بس يا ملك هو عمل ايه
ملك....مش عارفه بس انا عمر قلبي ما كدب عليا الولد ده بخـ ـاف عليكي منه ميار يا حبيبتي لما كنا لسه في الڤيلا وكنا على حالتنا كان ممكن مع اني عمري ما اطمنتله وكمان معملش اي خطوه
اظن هو مش محتاج يكون نفسه ولا حاجه ده اكبر منك بست سنين وجاهز من كل حاجه تقدري تقوليلي ايه اللي مانعه وبعدين الوقت حالنا اتغير يا ميار تفتكري
هيسيب اللي حواليه ويجيلنا احنا بظروفنا دي.
ميار...ايوه بس هو بيحبني وانا بحبه
ملك....الحب افعال يا ميار وتامر عمره ما كان ليه فعل ولا رد فعل
ميار....انتي ليه مش مصدقه انه بيحبني
ملك....عشان عمري ما شوفتله موقف يبين حبه ليكي ميار انا اختك ويهمني مصلحتك ونفسي اشوفك اسعد واحده في الدنيا بخـ ـاف عليكي يا ميار احنا بقينا لوحدنا وملناش سند غير ربنا
ميار....اديكي قولتي سندنا ربنا يعني اكيد ربنا هيكون معانا ويحمينا.
ملك....اكيد يا ميار بس كمان ربنا قال لا ترمي نفسك في التهلُكه ومش معنى إن ربنا معانا يبقى نسيب نفسنا للهلاك ونقول ربنا هيحمينا أحنا ربنا أدانا عقل نفكر بيه
ميار....اوووف انتي ليه مصممه تقلقيني ديما يا ملك سبيني مبسوطه شويه والنبي
ملك...يا حبيبتي انا بخـ ـاف عليكي وانصحك لكن لو عليا اتمنى اشوفك اسعد واحده في الدنيا عموما أتبسطى يا ميار بس ارجوكي حافظي على نفسك وخلي بالك .
ميار....حاضر يا ملوكه😍 ربنا يخليكي ليا
ملك....ويخليكي ليا يا ميار❣️
...........
منذر....وحشتني يا ابن الطوبجي
زيد ...انت كمان وحشتني اوي بص زيد على المكان بسعاده
عارف❣️
مهما بروح أماكن بيفضل المكان ده بالذات ليه غلاوه في قلبي
منذر...بإبتسامه بص على المكان وانا كمان بحب المكان ده أوي
زيد....بحس لما باجي هنا ببقى مرتاح وكل اللي جوايا بيخرج من غير ما أتكلم.
منذر....عشان كده قولت نتقابل هنا واتصلت بچورچ يحجز التربيزه بتاعتنا.
جه في الوقت ده چورچ صاحب المكان وهو راجل كبير في السن عنده عوامه على النيل مكان قديم بس فيه حياه وراحه نفسيه غير طبيعيه
چورچ....احلى طاجن جمبري واحلى سمك سنجاري.
زيد...بأبتسامه واحشني يا چورچ
چورچ....انت ومنذر واحشني اكتر الغيبه طولت شويه المرادي ليه
زيد....شغل يا چورچ انت عارف لو عليا هكون عندك هنا كل يوم في العوامه بس اعمل ايه
چورچ....العوامه وصاحب العوامه ديماً في انتظاركم انتوا عارفين ده مكانكم مش مكانى انا
زيد...بحب ربنا يخليك لينا يا راجل يا عجوز.
چورچ.... يلا بقي كلوا باقي الأكل جاي ورايا كلوا على طول الأكل سخن ومتوصي عليه من بدري
زيد....تسلم ايدك
منذر....تسلم ايدك يا چورچ.
بدأوا يا كلوا مع بعض وأول ما خلصوا لحقهم چورچ بالقهوه بتاعتهم.
سكتوا شويه و بصله منذر
زيد...بإبتسامه ايه عايز تقول ايه
منذر....بنفس الإبتسامه كنت لسه هسألك نفس السؤال واضح كده
اننا محتاجين نتكلم فعلاً
بصله زيد وفضل مركز في عينه
زيد....تعبان يا منذر💔
منذر...وانا كمان يا زيد أوي💔
.........
وللحديث بقيه..