တောင်းဆု
🌼pann
Part (35)
" ဒါက ဘာလဲ.. "
သတင်းစာခေါင်းစီးမှာ ပါလာတဲ့သတင်းတစ်ခုက လူငယ်စီးပွာရေးထိပ်တန်းလုပ်ငန်းရှင် မင်းဆက်ဟန် နဲ့သူ့ဇနီးတို့နဲ့ တွေ့ဆုံခြင်း ဆိုပဲ.. ။
ပုံထဲမှာပါနေတဲ့မင်းဆက်ဟန်ဆိုတာကတော့ ကိုဟန်ပါပဲ.. ။
ဒါပေမယ့်သူ့ဘေးမှာအပြုံးနုနုလေးနဲ့ ရပ်နေတဲ့မိန်းကလေးက သူ့ဇနီးဖြစ်တဲ့နုဝေခက်ပိုးဆိုတဲ့ပိုးမှမဟုတ်ဘဲ.. ။
သူ့ဇနီး ပိုးက ဒီမှာငုတ်တုတ်ကြီးပါ..။
ဒါကို ဘယ်ကဇနီးဆိုတဲ့တစ်ယောက်က ကပ်ပါလာရတာလဲ.. ။
ဒီသတင်းတွေကဘာတွေလဲ ကိုဟန်.. ။
သတင်းထဲမှာဖော်ပြထားတဲ့ အကြောင်းရာကရောဘာတွေလဲ.. ။
ပိုးအပြင် ကိုဟန့်မှာနောက်မိန်းကလေးရှိနေတာလား..။
ပိုးကိုတော့ လူတကာရှေ့မှာမပြထားဘဲ ဒီလိုအိမ်ကောင်းစံခန်းကြီးမှာ ပိုးကိုနေခိုင်းပြီးချွေးသိပ်ထားတာလားကိုဟန်.. ။
ပိုးကို ကိုဟန်လိမ်ထားတာလား.. ။
ပိုးခေါင်းတွေထဲမှာ ဟိုဟိုဒီဒီ အတွေးတွေစုံနေတာ..။
ကိုဟန် တကယ်ပဲ ခြေရှုပ်လိုက်တာလား..။
အထင်လွဲစရာ ဘာဆိုဘာမှမတွေ့ခဲ့မိတာကလည်း ပိုးရဲ့လိုအပ်ချက်ပဲလား..။
ပိုးက အဲ့သည်လောက်ထိပဲညံ့သွားသလား..။
.
ရုံးရောက်တာနဲ့ ဝန်ထမ်းတွေ ဟိုနားတစ်စုဒီနားတစ်စုနဲ့ ခေါင်းချင်းတွေဆိုင်နေကြတာကိုမြင်လိုက်ပါတယ်.. ။
ကိုယ့်ကိုမြင်တာနဲ့ အချင်းချင်း ကိုယ်ရှိန်သတ်ပြီးလူတွေရှဲသွားကြပါတယ်.. ။
ကိုယ်လည်း ဘာရယ်ညာရယ်နဲ့မဆူမငေါက်နေပါဘူး..။
ဒီနေရာအထိ လိုက်ပြောနေရအောင်လည်း ဝန်ထမ်းထဲမှာဘယ်တစ်ယောက်မှ အသက်မပြည့်သေးတာ မပါဘူး.. ။
ဘာမှမပြောနေဘဲ အပေါ်ဆုံးအထပ်ကိုယ့်ရုံးခန်းကိုပဲ တန်းတန်းဆက်သွားလိုက်သည်.. ။
ဓာတ်လှေကားထဲမှာ ယူရီနဲ့ဆုံတော့ယူရီကအပြုံးနဲ့နှုတ်ဆက်တာကို ခေါင်းညိတ်ပြပြီး အလုပ်အကြောင်းပဲ ဆွေးနွေးပြောနေလိုက်သည်.. ။
ဒီထိ အရာရာက no problem zone မှာ..။
အားလုံး peace.. relax ပဲ ။
ရုံးခန်းထဲရောက်လို့ ကုတ်ကြယ်သီးဖြုတ်ပြီး ဆုံလည်ခုံမှာထိုင်နေတုန်းရှိသေး ရေးကြီးသုတ်ပြာနဲ့ အခန်းထဲဝင်လာတဲ့သီဟက..
" သူဋ္ဌေး... "
သီဟ မျက်နှာက အခက်တွေ့နေတဲ့ရုပ်နဲ့.. ။
ဒီတစ်ခါရော ဘာဖြစ်ပြန်တာလဲ.. ။
" ဘာဖြစ်တာလဲ.. "
" ဒီမှာ ကြည့်ပါအုံး သူဋ္ဌေး.. "
ကိုယ့်ရှေ့ ဖုန်းတစ်လုံးရောက်လာလို့ အကြည့်လေးပို့ရုံလေးနဲ့ အရေးမပါတဲ့အရာတစ်ခုကို ကြည့်သလိုကြည့်လိုက်ပေမယ့်.. ခေါင်းစီးကစာလုံးကြီးကြီးနဲ့ တွဲရိုက်ထားတဲ့ပုံကြောင့် ဖုန်းကိုယူကြည့်လိုက်သည်..။
" ဘာလဲ ဒါက.. "
" ဒီမနက်ထဲ ဒီသတင်းက head line ဝင်နေပြီသူဋ္ဌေး.. "
" ဘာ... "
ဒေါသထွက်ရပြီ.. ။
ဖုန်းကို လက်ထဲကနေ ရှေ့ကဖိုင်တွဲပေါ်ပစ်ချလိုက်ရင်း..
" ခုချက်ချင်း သတင်းတွေဖြုတ်ခိုင်းလိုက်.. "
" ဖြုတ်တော့ဖြုတ်ခိုင်းထားလိုက်ပြီ သူဋ္ဌေး.. ဒါပေမယ့် စက္ကန့်ပိုင်းအတွင်းကို social တွေပေါ်မှာပါပျံ့သွားတော့ သတင်းကအရမ်းပျံ့သွားတယ်.."
" တောက်.. ဘယ်သတင်းထောက်လက်ချက်လဲ.. မနေ့ကပွဲကို ဘယ်သတင်းစာတိုက်ကလာတာလဲ..ဘယ်သတင်းစာတိုက်က ဒီလိုအခြေမြစ်မရှိတာကိုခေါင်းစီးထားရေးပစ်ရတာလဲ ဆိုတာစုံစမ်းလိုက်သီဟ.. ဒီကိစ္စအတွက်တာဝန်ယူပေးဖို့ပါ တစ်ခါထဲပြောလိုက်.. ဘယ်သူက ငါ့ဇနီးကယူရီပါလို့ ပြောလို့လဲ.. သက်သက်မဟုတ်မကသတင်းကို သတင်းလုပ်ရေးယူရအောင် တစ်နိုင်ငံလုံးမှာရေးစရာသတင်းကမရှိတော့ဘူးလား.. "
" ကျွန်တော် စုံစမ်းထားလိုက်ပါမယ်သူဋ္ဌေး.. "
" ဒီအခြေမြစ်မရှိတဲ့ သတင်းရေးတဲ့အတွက် ဘယ်လိုတာဝန်ယူပေးမှာလဲ ဆိုတာပါတစ်ခါထဲမေးလိုက်.. ကျေနပ်တဲ့ထိ တာဝန်မယူပေးနိုင်ရင် ဂုဏ်သတင်းကိုအသရေဖျက်မှုနဲ့တရားရုံးတက်မယ်လို့ ပြောလိုက်.. ဒီလိုမှမလုပ်ရင် ရောင့်တက်လာကြမှာတွေ.. တစ်ခါထဲဖိပြထားမှ.. ယူရီလည်းဒီကိစ္စသိပြီးပြီလား.. တစ်ဖက်မိန်းကလေးကိုအားနာစရာကြီး.. "
" စောနက သူပါသိသွားတယ်သူဋ္ဌေး.. "
" အေ.. နောက်မှပဲ သေချာတောင်းပန်တော့မယ် .. အဓိကက ပိုး.. ပိုးကိုဒီကိစ္စတွေ ပြန်မပြောမိစေနဲ့..ပိုးသိသွားလည်း ကောင်းတဲ့ကိစ္စမဟုတ်ဘူး.."
ဒီတစ်ခါတော့ သီဟဘက်က သွက်လက်တဲ့ခေါင်းညိတ်မှုမလာ.. ဟုတ်ကဲ့တစ်ခွန်းမပြောဘူး...။
တုံ့ဆိုင်းတုံ့ဆိုင်းနဲ့.. ။
ပုံမှန်လိုမဟုတ်နေတော့ မျက်ခုံးတော့ နည်းနည်းပင့်တင်မိသေးတယ်.. ။
" သူဋ္ဌေး.. "
" ဘာလဲ.. ဘာထပ်ရှိသေးတာလဲ "
မျက်နှာက အိုကျနေသေးလို့ ဆောင့်အောင့်ပြီးပဲမေးလိုက်သည်..။
စိတ်ကလည်းမကြည်နေတော့ စကားကောင်းကမထွက်လာချင်..။
" အဲ့ဒါကလေ.. "
" ပြောမယ့်ကိစ္စကိုပြောလေ.. အဲ့လိုတွန့်ဆုတ်ပြီး ပြောမယ့်စကားကိုအကုန်မပြောတာကို မကြိုက်ဘူးဆိုတာ မသိဘူးလား "
" သူဋ္ဌေး.. "
" မရှိရင်လည်း သွားတော့ကွာ.. "
" မဟုတ်ဘူး.. ကျွန်တော်ပြောမယ်.. မမလေး ဒီအကြောင်းသိသွားပြီထင်တယ် သူဋ္ဌေး.. "
" ပိုးလား.. "
" ဟုတ်ကဲ့.. စောနက အိမ်ကိုသတင်းစာဖွက်ဖို့လှမ်းသတိပေးပေမယ့် သတင်းစာကိုမမလေးကယူဖတ်တာတွေ့လိုက်တယ်လို့ ပြောတယ်သူဋ္ဌေး..မမလေးလည်း ဒီအကြောင်းသိသွားပြီထင်တယ်.. သူဋ္ဌေးသိအောင်ကြိုပြောပြထားတာပါသူဋ္ဌေး.. "
" ကျစ်.. ပိုရှုပ်ကုန်ပြီကွာ.. သွား..သွား.. ဘယ်သတင်းစာတိုက်တွေဆိုတာ သိရအောင်မြန်မြန်သွားစုံစမ်းလိုက် "
" ဟုတ်ကဲ့.. "
သီဟ ထွက်သွားတော့ ခုံပေါ်မှာလက်ထောင်ပြီးခေါင်းကို ဖေးထောက်ထားကာ ခေါင်းငုံ့ထားမိတယ်.. ။
အရာအားလုံးထက် ခုချိန် ပိုးစိတ်ဆိုးသွားမှာကိုပိုစိုးရိမ်မိနေတာလို့ ပြောရင်လိမ်တယ်လို့ထင်မလား..။
တခြားအရာတွေကို ဖြေရှင်းဖို့ထက် ပိုးအထင်လွဲသွားမှာကိုအရင်ရှင်းပြချင်နေတာ.. ။
ပိုးဘက်က လျှောက်ပြီးတွေးနေတော့မှာကို မလိုလားဘူး..။
အထူးသဖြင့် ပိုးဘက်ကအထင်တွေလွဲ စိတ်တွေဆိုးပြီး ကိုယ့်ကိုစကားကောင်းကောင်းမပြောတော့မှာကို တွေးပြီးကြောက်စိတ်ဝင်နေမိတာ..။
ရှေ့ရက်တွေကမှ ပိုးကဘယ်လိုဖြစ်ပြီး စကားတွေတိတ်ဆိတ်ပြီး ကိုယ့်အနားရောက်မလာတတ်တော့ဘူး.. ကိုယ်တို့နှစ်ယောက် ကောင်းကောင်းစကားမပြောဖြစ်နေဘူး.. ။
ဒီနေ့တော့ ဘာဖြစ်ဖြစ်ပိုးနဲ့စကားသေချာပြောဖို့တွေးကာမှ ဒီလိုအရှုပ်ကဝင်လာရသေးတယ်လို့..။
ဟူး... ။
ပုံမှန်ချိန်လိုသာဆို အေးဆေးပဲပိုးကိုဖုန်းဆက်ပြီး အကျိုးကြောင်း ရှင်းပြပြောပြနိုင်လောက်ပေမယ့် ခုတော့ပိုးကိုကြောက်စိတ်လေးဝင်မိတာမို့ ပိုးဆီဖုန်းဆက်မယ့်လက်တွေက တွန့်ဆုတ်နေမိတာ..။
နေပါအုံး.. ။
ပိုးလည်း တွေ့သွားပြီဆို.. ။
ပိုးသတင်းစာတွေ့ပြီဆိုရင် ဘာလို့ပိုးဘက်ကငြိမ်နေတာလဲ.. ။
တကယ်ဆိုခုချိန် ကိုယ့်ဆီတဂွမ်ဂွမ်ဖုန်းဆက်နေသင့်ပြီမဟုတ်လား.. ။
ကုတ်အင်္ကျီအတွင်းအိတ်ကပ်ထဲက ဖုန်းကိုထုတ်ပြီး ဖုန်းဖွင့်ကြည့်တော့ ပိုးဆီကနေ missed call တစ်ကောလေးတောင်မဝင်ထားဘူး.. ။
ဘာလို့ မဆက်ရတာလဲပိုး.. ။
ပိုးဘက်က သိသိချင်းခုလိုငြိမ်မနေသင့်တာမဟုတ်ဘူးလား.. ။
အတွေးတွေ တော်တော်ရှုပ်နေရင်းနဲ့ ပိုးဆီကိုယ်ကပဲဆက်မယ်ဆိုပြီး button ကိုထိဖို့လုပ်ပေမယ့် စားပွဲပေါ်ကကြိုးဖုန်းက မြည်လာသည်..။
ကျစ်.. ။
ဖုန်းကိုင်လိုက်တော့ သတင်းကိုတွေ့လို့ လှမ်းပြီးစနောက်ကြ မေးကြတဲ့ဖုန်းတွေချည်းဆက်တိုက်လာနေတော့တာပဲ.. ။
လုပ်ငန်းရှင်တွေပဲမို့ကိုယ့်မှာ ပြောသမျှကိုပြန်ဖြေပေးနေရပေမယ့် မျက်လုံးကတော့ပိုးရဲ့ဖုန်းနံပါတ်ဆီမှာ.. ။
လူတိုင်းကဖုန်းလှမ်းဆက်ကြပေမယ့် မဆက်တာကပိုးတစ်ယောက်ထဲ.. ။
ဇနီးဖြစ်သူက တစ်လောကလုံးမှာသူတစ်ယောက်ထဲ ငြိမ်နေလို့စိတ်ခံစားချက်တွေက ပူပန်လာပြီး မတည်ငြိမ်လာတော့..။
ကိုယ့်လက်ကိုင်ဖုန်းကနေ ရုတ်တရက်ဖုန်းမြည်လာလို့ တစ်ဖက်ဖုန်းကိုအမြန်ချပြီးကောက်ကိုင်လိုက်ပေမယ့် မျှော်နေတဲ့ပိုးဆီကတော့မဟုတ်ဘူး..။
တစ်ဦးတည်းရှိတဲ့ ယောက်ဖဆီက.. ။
" အင်.. မြတ်မင်း "
" အစ်ကို.. ကျွန်တော် သတင်းတွေ့လိုက်တယ်.. အဲ့ဒါဘယ်လိုဖြစ်တာလဲ.. အစ်ကို့မှာနောက်မိန်းမတစ်ယောက်ရှိနေတာလား.. ခက်ပိုးကရော.. ခက်ပိုးကရောဘာလဲ.. "
မြတ်မင်းရဲ့စကားတွေက ဒေါသကိုခဏထိန်းချုပ်ထားတဲ့ အသံတွေမှန်းဖုန်းထဲကနေ နားထောင်ရတာတောင်သိသာနေပါတယ်.. ။
ကိုယ်သာ ' ဟုတ်တယ်.. ကိုယ့်မှာမိန်းမတစ်ယောက်ရှိသေးတယ် ' လို့သာဖြေရင် မြတ်မင်းဆီကဒေါသမီးတောင်က ထိန်းချုပ်ခြင်းကင်းနေလိမ့်မယ်.. ။
ကိုယ်ခံစားနေရပါတယ်.. ။
ဒါပေမယ့် ခုချိန်ခုလိုဖြစ်သင့်နေတာက ပိုးမဟုတ်ဘူးလား.. ။
ကိုယ့်ကို ခုလိုမေးရမှာက ပိုးမဟုတ်ဘူးလား..။
တကယ်ဆို မင်းဖြစ်နေရမှာ ပိုး.. ။
မင်းပဲ ဖြစ်နေရမှာ.. ။
" မြတ်မင်း.. သေချာနားထောင်.. ကိုယ့်မှာ ဇနီးဆိုလို့တစ်ယောက်ပဲရှိတယ်.. အဲ့တစ်ယောက်ကလည်းမင်းရဲ့အစ်မ ခက်ပိုးတစ်ယောက်ပဲ.. ပိုးကလွဲပြီးဘယ်သူ့ကိုမှကိုယ်မတွဲခဲ့သလို ဘာအရှုပ်ရှင်းမှကိုယ့်မှာမရှိဘူး..ပိုးကလွဲ ဘယ်မိန်းကလေးနဲ့မှ ကိုယ်မတွဲခဲ့သလို ဘယ်မိန်းကလေးကိုမှ ကိုယ်လက်မှတ်ထိုးပြီးလက်ထပ်ထားခဲ့ဖူးတာမရှိဘူး.. "
" ဒါဆို သတင်းတွေကရောဘာလဲ.. ဘာလို့အဲ့လိုအတိကျကြီးပုံနဲ့ပါ ပါလာရတာလဲ "
" သတင်းမှားကြီး.. ခုလိုသတင်းမှားကိုရေးတဲ့သတင်းစာတိုက်ကိုလည်း ကိုယ်ရှာနေတယ်.. သတင်းမှားရေးတဲ့အတွက်ကိုလည်း တာဝန်ယူခိုင်းမှာ.. ဖြစ်နိုင်ရင် ကိုယ်တရားစွဲပစ်ချင်နေတာ..ကိုယ်ကျေနပ်တဲ့ထိ တာဝန်မယူပေးနိုင်ကျရင်တော့ ကိုယ်တရားရုံးထိတက်မှာ.. သတင်းအမှားကြောင့် ဂုဏ်သိက္ခာတွေ နာမည်တွေ ညစ်ညမ်းသွားတာကို မခံနိုင်သလို..နောက်လည်းဒါမျိုးထပ်မဖြစ်အောင် ခုကတည်းကမှတ်လောက်သားလောက် လုပ်လိုက်အုံးမှာ.. တောက်.. ပြောရင်းနဲ့ဒေါသကထွက်လာပြီ "
အကုန်စုဒေါသထွက်နေတာ.. ။
ကိုယ်အသေးစိတ်ရှင်းပြရမယ့် ရှင်းပြသင့်တဲ့လူက ဘယ်ဂူထဲအောင်းပြီးတရားသွားကျင့်နေလဲမသိဘူး.. ။
မဆိုင်တဲ့ဘေးလူတစ်ယောက်ချင်းကို ရှင်းပြနေရတဲ့ကိုယ့်အဖြစ်ကိုယ်တွေးပြီး မကျေမနပ်ဖြစ်လာသည်.. ။
" အစ်ကိုပြောတာတွေက အမှန်တွေပဲမလား.. "
" မယုံရင်လည်း နောက်ရက်ပြန်ဖြေရှင်းလာရမယ့်သတင်းကိုပဲစောင့်ဖတ်ကွာ.. "
စိတ်တွေမကြည်နေပါဘူးဆိုမှ.. ။
ဒါက ကိုယ့်ယောက်ဖဖုန်းမလို့သာ ဒီလောက်ထိထိန်းချုပ်ပေးနေတာ.. ။
တခြားသူသာဆို ကြီးကြီးငယ်ငယ်အော်မိပြီးနေလောက်ပြီလားတောင် မပြောတတ်ဘူး.. ။
" အဲ့ဒါဆိုလည်းပြီးရော.. ဒီလိုမဟုတ်မကလျှောက်ရေးတဲ့ သတင်းသမားတွေ့ရင်ကျွန်တော့်ကိုလည်းပြောအုံး.. ကောင်းကောင်းပြောဆိုပစ်လိုက်အုံးမယ်.. သေချာမစူးစမ်းမဆင်ခြင်ပဲရေးရလားဆိုပြီး "
" အေး.. ခုတောင် ဘယ်ကောင်မှန်းမသိတာကိုအမှုန့်ကြိတ်ချင်နေတာ.. ဒါနဲ့..နေပါအုံး.. မင်းအစ်မ နုဝေခက်ပိုးဆိုတဲ့တစ်ယောက် ဒီနိုင်ငံကနေထွက်သွားပြီလား.. "
" ဗျာ.. ဘာကိုပြောတာလဲ "
" ငါ့ဇနီးဆိုတဲ့ ဇနီးစစ်ကြီးက ငါ့ကိုဖုန်းတစ်ချက်ဆက်ပြီးမေးဖို့နေနေသာသာ missed call လေးတောင်မပေးဘူး.. ဒီလောက်သတင်းတွေကပလူပျံပြီး အုတ်အုတ်ကျက်ကျက်ဖြစ်နေတာတောင် အဲ့ဇနီးကြီးက ငြိမ်ချက်သားကောင်းလွန်းအားကြီးနေလို့.. ငါ့မှာမနက်ရုံးစထိုင်ကတည်းက အလုပ်မလုပ်ရဘဲ ဒီသောက်ပြဿနာပဲထိုင်ဖြေရှင်းနေရတာတောင် ဆက်သမျှလာမေးသမျှထဲမှာ နုဝေခက်ပိုးဆိုတဲ့လူသားပျောက်နေလို့.. ဒီနိုင်ငံမှာမရှိများမရှိလို့ ငါ့ဆီဖုန်းဆက်ပြီးဒေါသမဖြစ်တာများလားလို့ဟေ့.. "
တကယ် တကယ်.. အသည်းပေါက်လာတယ် ။
အနားမှာသာရှိရင် ပခုံးကနေကိုင်လှုပ်ပြီး အသိတရားရအောင်လုပ်ပစ်လိုက်တယ်.. ။
" အဟက်.. ခက်ပိုးလား "
" ဘာရယ်တာလဲ မင်းက.. ဒီမှာ ငါတော်တော်တင်းနေတာ "
" ခက်ပိုးက တခြားသူတွေထက်အရင်သိချင်ပါတယ်ဗျာ.. စောစောစီးစီး သူများရုံးခန်းထဲအပြေးဝင်လာပြီး ဖုန်းဆက်မေးပေးဆိုပြီးရောက်ချလာတာ.. "
" ဘယ်ကိုလဲ.. မင်းဆီလား "
" ဟုတ်ပါ့.. ခု အနားမှာရှိတယ်လေ.. ဖုန်းကို စပီကာဖွင့်ထားတာ.. သူလည်းအစ်ကိုပြောသမျှအကုန်နားထောင်နေတယ် "
" ဘာ.. "
ကျန်း.. လုပ်ပုံ ကောင်းသေးသလား ။
ဒေါ်နုဝေခက်ပိုး.. ခင်ဗျားတော့ နာတော့မယ် ။
" ဒါပဲ မြတ်မင်း.. "
ကိုဟန် က ဖုန်းချသွားတယ်.. ။
" ခက်ပိုး.. နင့်ယောက်ျားနင့်ကို စိတ်ဆိုးသွားပြီလားမသိဘူး.. နင့်နာမည်ကြားတာနဲ့ဖုန်းချသွားပြီ.. နင်ကလည်းနင်ပဲ.. ကိုယ့်ယောက်ျားကိုယ်သွားမေးတာမဟုတ်ဘူး.. သက်သက်ငါ့ဆီလာပြီး တစ်ဆင့်ခံ......"
ပြောနေရင်းနဲ့ ပိုးဆီဖုန်းဝင်လာလို့ကြည့်တော့ ကိုဟန်လှမ်းဆက်တာ..။
အငယ်ကောင်က ခေါင်းလေးစောင်းပြီး ပိုးဖုန်းscreen ကိုလှမ်းကြည့်သည်.. ။
" အစ်ကို ဆက်တာလား.. "
" အေး.. "
" အဟွန့်.. အမျိုးမျိုးပဲ.. ကိုင်လိုက်လေ.. ဘာလုပ်နေတာလဲ "
" အင်းပါ.. "
.
ပိုး ဖုန်းကိုင်လိုက်တာနဲ့...
" ကိုဟန.. "
" နုဝေခက်ပိုး.. ပြောပါအုံး.. မင်းနဲ့ကိုယ်က သူစိမ်းတွေလား.. သူစိမ်းတွေမို့ သူများကိုယ်ရေးကိုယ်တာမေးမကောင်းပါဘူးဆိုပြီး လာမမေးဘဲတခြားသူကို အကြောင်းစုံမေးခိုင်းတာလား..ဟုတ်လား "
တရစပ် စကားသံတွေက ဖုန်းထဲကနေထွက်လာသည်.. ။
" အငယ်ကောင်က တခြားသူမှမဟုတ်ဘဲ.. "
" ဟ.. မင်းနဲ့ကိုယ် အိမ်ထောင်ရေးကိစ္စမှာတော့ သူလည်းတခြားသူပဲ.. နားလည်လား..ကိုယ်တို့ အိမ်ထောင်ရေးမှာ မင်းနဲ့ကိုယ်ပဲဆိုင်တယ်..အမေတွေမောင်လေးတွေပါဆိုပြီး ကြားဝင်ရအောင်သူတို့တွေနဲ့ပါ ကိုယ်လက်ထပ်ထားတာမဟုတ်ဘူး..ကိုယ်လက်ထပ်ထားတာက မင်း.. မင်းတစ်ယောက်ထဲကိုပဲ ကိုယ်လက်ထပ်ယူထားတာ.."
ပိုး ခေါင်းလေးငုံ့ကာ ပေါင်ပေါ်တင်ထားတဲ့ အိတ်ကိုလက်သည်းထိပ်လေးနဲ့ ခြစ်နေမိသည်.. ။
ဒါကို အငယ်ကောင်က သူ့အလုပ်စားပွဲမှာထိုင်နေရင်း ပိုးကိုလှမ်းကြည့်ပြီးရယ်ရယ်သေးတယ်..။
' အသာနေ.. '
ပါးစပ်လေးလှုပ်ရုံပြောပြီး အငယ်ကောင်ကို လှမ်းခြောက်ရသည်.. ။
ဒီချိန် ကိုယ်နိုင်တာကအငယ်ကောင်တစ်ယောက်ထဲပဲ ရှိတာကို.. ။
အငယ်ကောင်ကလည်း ကိုယ်ခြောက်လို့ကိုယ်ရှိန်သတ်သွားတဲ့ထဲမှာ သူမပါဘူး..။
ပြောင်စပ်စပ်မျက်နှာထားနဲ့ လူကိုလှောင်တုန်း..။
" ဟော.. လုပ်ပြန်ပြီ.. ဘာလို့ဘာမှမပြောဘဲ ငြိမ်နေရတာလား.. ပါးစပ်က ဘယ်နားပြုတ်ကျကျန်ခဲ့လို့လဲ.. "
" ကိုဟန်ကလည်း.. "
" ပြောပါအုံး.. ဘာလို့ ကိုယ်တိုင်ဖုန်းဆက်ပြီးမမေးရတာလဲ .. သိသိချင်း ကိုယ့်ဆီကိုတိုက်ရိုက်ဖုန်းဆက်မေးလို့ မရဘူးလား.. ဘယ်ကဇနီးလဲ ကိုဟန်ဘာလုပ်တာလဲနဲ့ ကိုယ့်ကိုလှမ်းဒေါသထွက်မရဘူးလား.. ဘာလို့ မြတ်မင်းဆီသွားပြီးခုလိုလုပ်နေရတာလဲ.. "
ပိုးလည်း မသိဘူး.. ။
ဘာလို့ ကိုယ်တိုင်ကိုယ်ကျ ကိုဟန့်ကိုမမေးရဲဖြစ်နေရတာလဲ.. ။
" ပြီးတော့ မေးချင်ရင်လည်း လူကိုယ်တိုင် ကိုယ့်ဆီလာလိုက်ပေါ့.. ကိုယ့်ရုံးခန်းထဲထိကို ဘယ်အတားဆီးမှမရှိဘဲ ဝင်လာလို့ရတယ်.. နုဝေခက်ပိုးဆိုတဲ့မိန်းမက မင်းဆက်ဟန်ရဲ့ဇနီးအစစ်ပဲဆိုပြီး ကောင်တာမှာမင်းရဲ့ရာထူးကို လူသိရှင်ကြားလာကြွားလို့လည်း ရတယ်.. ဘာလို့တစ်ခါမှမလုပ်ရတာလဲ.. "
ပိုး ရင်မဆိုင်ရဲနေလို့ဖြစ်မယ် ကိုဟန်.. ။
ကိုဟန်ပြောသလို ကိုဟန့်ဆီပိုးတိုက်ရိုက်လာခဲ့လို့ ပိုးအပြင် နောက်ထပ်မိန်းမတစ်ယောက်ရှိနေတာတကယ်ဆိုရင် ပိုးဘယ်လိုလုပ်ရမလဲ.. ။
ကိုဟန်နဲ့သူက အတူတွဲပြီး ဓာတ်ပုံရိုက်ပွဲတက်ကြတာက ဘာလို့လဲ.. ။
နှစ်ယောက်သားက တရင်းတနှီးပုံစံမျိုးပေါက်နေတယ်မဟုတ်လား.. ။
ပိုး အဘက်ဘက်ကနေ တွေးမိတယ်.. ။
ကိုဟန်နဲ့ပိုးရဲ့ မင်္ဂလာပွဲအထိကို ပိုးပြန်တွေးမိတာ..။
ပိုးတို့ရဲ့မင်္ဂလာပွဲက တကယ်တော့ private မှ private wedding မဟုတ်လား.. ။
သတင်းစာထဲထည့်ပြီး လူသိရှင်ကြားလုပ်တယ်ဆိုတာကလည်း ပိုးနဲ့ကိုဟန်နဲ့မျက်နှာတွေက သည်းသည်းကွဲကွဲရှိခဲ့လို့လား.. ။
လုပ်ငန်းတွေပါ နာမည်ဘေးမှာထည့်ပြီးကြေငြာဖူးခဲ့လို့လား.. ။
ဒီတိုင်း လက်မှတ်ထိုးထားပြီးတဲ့ စာချုပ်လှလှကိုပဲ ဓာတ်ပုံရိုက်ထားရုံလောက်လေးပဲလေ..။
ဘယ်သူ့သားသမီးပါ ဘယ်အသိုင်းဝိုင်းကလူပါလို့အတိကျ ဖော်ပြတာမရှိခဲ့ဖူးဘူးလေ.. ။
ဒီလို.. ဒီလို.. private ဆန်နေတော့ ပိုးကိုယ်ပိုး လူမသိသူမသိ ခိုးလက်ထပ်ထားတာများ ဖြစ်နေမလားလို့ ပိုးတွေးနေခဲ့မိတာ ။
အကယ်လို့ ပိုးကတိတ်တိတ်ပုန်းမယား.. မယားငယ်.. အဲ့ဒါတွေဖြစ်နေမလားဆိုပြီး အဆိုးဆုံးအတွေးထိတောင် ပိုးတွေးမိသေးတယ်..။
ဒီလောက်ထိ ပိုးအတွေးတွေဆိုးခဲ့တာ.. ။
" ကျစ်.. ငြိမ်လှချည်လား ပိုးရာ "
ကိုဟန့်ဘက်က ဘဝင်မကျတဲ့အသံထွက်လာသည်.. ။
ပိုး ငြိမ်နေလိုက်မိတာကလည်း အတွေးလွန်မိသွားလို့ပါ.. ။
" ပိုး တခြားတွေးမိလိုက်လို့ပါ.. "
" ကိုယ်နဲ့စကားပြောနေရင်းနဲ့တောင် တခြားဘက်ကိုအတွေးရောက်သေးတယ်ပေါ့.. "
ပိုးအတွေးဆိုးတွေကို ပိုးလည်းမထိန်းနိုင်နေလို့ပါ ကိုဟန်.. ။
" ညနေ ကိုယ်အစောပြန်လာမယ်.. ညနေကျမှ ကိုယ်တို့စကားသေချာပြောရအောင်.. မင်းကိုကိုယ်ပြောစရာတွေအများကြီး ရှိတယ်.. ဒီရက်ပိုင်းတွင်းကိုယ့်ကို ရှောင်နေခဲ့တဲ့ကိစ္စရော ..ဒီနေ့ကိစ္စတွေပါ ရှင်းမှရမှာ.. သွားစရာရှိတာတွေခုကတည်းကအစောသွားပြီး ညနေစောစောပြန်လာခဲ့.. "
" အင်.. "
" ဒါဆို ဒါပဲ.. ကိုယ် အလုပ်လုပ်တော့မယ် "
" အင်.. "
ကိုဟန် ဘက်ကအရင်ဖုန်းချသွားသည်.. ။
ဖုန်းမချခင် ပိုးကိုချစ်တယ်လို့မပြောတတ်တာကို ပိုးဒီနေ့မှစိတ်ထဲထည့်တွေးမိနေသည်.. ။
ဖုန်းပြောတိုင်း ချစ်တယ်နော်.. သတိရတယ်.. လွမ်းတယ် ဆိုတာတွေပိုးကိုမပြောဖူးဘူး ။
ဒါ လွဲနေတယ်လို့ ပိုး ခံစားနေမိတာ မှားနေလား..။
တကယ်ဆို ပိုးခုလိုအတွေးဆိုးတွေချည်း တွေးတွေးမိနေတာကလည်း ကိုဟန့်ရဲ့ပယောဂလည်း မကင်းဘူးမဟုတ်လား ။
ပိုး အတွေးဆိုးတွေချည်း မတွေးမိချင်တော့ဘူး..။
ကိုဟန့်ဘက်က ပိုးအတွေးဆိုးတွေဆက်မတွေးမိအောင်လုပ်ပေးဖို့ တာဝန်ရှိသေးတယ်လေ..။
ကိုဟန် တာဝန်ယူသင့်တယ်..။
.
ကိုဟန်က သွားစရာရှိတာတွေသွားထားပြီး ညနေတော့အစောပြန်လာခဲ့လို့ပြောပေမယ့် မနက်ကတည်းက အငယ်ကောင်ဆီကနေပြန်လာပြီး ပိုးဘယ်ကိုမှဆက်မသွားဖြစ်.. ။
အိမ်ကိုပဲပြန်လာခဲ့တာ.. ။
ဖြစ်ချင်တော့ ဒီနေ့မှပဲ အချိန်တွေကုန်တာကြာနေလိုက်တာ.. ။
ညနေက ရောက်ကိုမရောက်နိုင်တော့ဘူး..။
ပိုးလည်း ဒီတစ်နေ့တာကို ညှင်းသွဲ့သွဲ့ ဖြတ်ကျော်ကုန်ဆုံးခဲ့လိုက်ရတယ်.. ။
ခေါင်းနည်းနည်းထွေနေလို့ စိတ်ကြည်လာအောင် အအေးတစ်ခုခုသောက်ဖို့ ရေခဲသေတ္တာကိုဖွင့်ကြည့်တော့ သောက်စရာစုံလင်နေအောင်ရှိပါတယ်..။
အအေးထဲကနေ ပိုးကြိုက်တဲ့ အရသာဘူးကို ယူလိုက်ပြီး ရေခဲသေတ္တာကို ပြန်ပိတ်ဖို့လုပ်ပြီးမှ ပြန်လှပ်ဖွင့်လိုက်သည်.. ။
အောက်ဆုံးထပ်ပိုင်းက ထောင့်နားလေးမှာကပ်နေတဲ့ ပုလင်းပုပုလေးကိုမှ ချစ်ဖို့ကောင်းနေတဲ့စပျစ်ဝိုင်ပုလင်းက ပိုးကိုဆွဲဆောင်နေသလိုပဲ..။
အအေးမသောက်ဘဲ ဝိုင်လေးပဲသောက်ဖို့ ဆုံးဖြတ်လိုက်ပြီး အအေးဘူးပြန်ထည့်ခဲ့ပြီးဝိုင်ပုလင်းလေးကို ဆွဲထုတ်ယူလိုက်သည်.. ။
ဝိုင်ခွက်လေးပါ ပိုးဆွဲကိုင်ယူလာပြီး သောက်လို့ကောင်းမယ့်နေရာကို စဉ်းစားနေလိုက်သည်..။
အိမ်အတွင်းထဲမှာ သောက်ရမှာထက် ခြံထဲဆင်းပြီး သောက်ရမယ့် feeling က ပိုလာနေတာမို့ ခြံထဲဆင်းထွက်ခဲ့လိုက်သည်.. ။
အပြင်ကစားပွဲပေါ်မှာ ဝိုင်ပုလင်းနဲ့ဝိုင်ခွက်တင်ပြီး အိမ်ထဲပြန်ပြေးဝင်ခဲ့လိုက်သည်.. ။
အိမ်ထဲဝင်ပြီး စားချင်တဲ့သစ်သီးနည်းနည်းနဲ့ snack ထုပ်လေးတွေပါဆွဲထုတ်ယူခဲ့ပြီး ခြံထဲကစားပွဲမှာအကုန်တည်ခင်းပြီး တစ်ယောက်ထဲ တိတ်ဆိတ်နေတာကိုအဖော်ပြုပြီး ဝိုင်လေးသောက်နေလိုက်သည်.. ။
ကျွန်တော် အိမ်ပြန်ရောက်တာနဲ့ ခြံထဲမှာ ထိုင်နေတဲ့ပိုးကို အရင်တွေ့ရပြီ.. ။
ထိုင်ခုံပေါ် ခြေထောက်နှစ်ချောင်းလုံးဒူးထောင်တင်ပြီး ခေါင်းလေးကိုစောင်းတင်ထားတဲ့ ပိုးက တစ်ချက်တစ်ချက်ယိုင်နေသလို ခံစားမိလိုက်သည်.. ။
ကားပေါ်က ဆင်းတာနဲ့ ပိုးဆီကိုပဲ တိုက်ရိုက်လျှောက်သွားလိုက်သည်.. ။
ကိုယ် သူ့အနားရောက်နေတာတောင်သိပုံမပေါ်..။
ဒူးနှစ်ဖက်ပေါ်မေးလေးဖေးတင်ပြီး မျက်လုံးလေးမှိတ်နေတာ..။
တစ်ခြမ်းပဲမြင်နေရတဲ့ ပိုးရဲ့မျက်နှာလေးကို ကြည့်ရင်းနဲ့ဘေးစားပွဲပေါ်က ဝိုင်ပုလင်းဝိုင်ခွက် သစ်သီးဝလံ မုန့်တွေကိုပါလှည့်ကြည့်မိသည်..။
ပုလင်းကိုလည်း မ ကြည့်လိုက်တော့ ပုလင်းထဲမှာဘာမှမကျန်သလောက်ပဲ.. ။
" ဒီကောင်မလေး အကုန်နီးပါးသောက်လိုက်တာလား.. "
စကားသံကြားလို့ ထင်ပါတယ်.. မျက်လုံးလေးဖွင့်ကြည့်လာသည် ။
" ဒီကပြန်ရောက်တာနဲ့ဆူမလို့ကို အဆူမခံရအောင်ကြိုပြီး တစ်ယောက်ထဲ သောက်နေတာပေါ့လေ.."
ဘေးကခုံတစ်ခုံကိုဆွဲယူပြီး ပိုးဘေးနားကပ်ထိုင်လိုက်သည်.. ။
" ပိုးကို ဆူမလို့ပြောနေတာလား.. "
ဝိုင်ရဲ့အစွမ်းသတ္တိကြောင့်များလားမသိ..။
မျက်လုံးလေးတွေရီဝေပြီး ပါးအစုံကလည်းရဲချင်နေသည်..။
နှုတ်ခမ်းကလည်း ပုံမှန်ဖူးနေသလိုရဲသွေးလည်းဆောင်နေသည်.. ။
" ဒီမှာနှစ်ယောက်ပဲရှိတာ.. ဘယ်သူ့ကိုပြောတယ်ထင်လို့လဲ "
" ပိုး ဘာလုပ်မိလို့လဲ.. "
" ဘာလုပ်မိလဲမမေးခင် ဒီနေ့ပိုးဘာလုပ်ခဲ့လဲဆိုတာအရင်စဉ်းစား.. "
" ပိုး ဘာမှလည်းမလုပ်ရပါဘူး.. "
" ဪ.. ဟုတ်လား "
ရွဲ့မေးလိုက်တယ်.. ။
ဒီနေ့ သူဘာလုပ်ခဲ့တယ်ဆိုတာကို ဝိုင်လေးဗိုက်ထဲဝင်ရုံနဲ့ မေ့သွားရောလား.. ။
" ဘာလဲ.. ပိုးဘာလုပ်လို့လဲ "
" ကိုယ်ဘာလုပ်ခဲ့တယ်ဆိုတာ မမှတ်မိတော့အောင် ဝိုင်ဘယ်လောက်သောက်ပစ်လိုက်တာလဲ.."
" နည်းနည်းလေး သောက်တာပါ.. မများဘူး "
မျက်လုံးလေးစုံမှိတ်ချပြီး ပြုံးပြရင်းနဲ့ လက်မနဲ့လက်ညိုးထိပ်လေးကိုကပ်ထိပြနေတဲ့ ပိုးရဲ့အမူရာလေးကို ထိုင်ငေးကြည့်မိသည်.. ။
မူးယစ်ဝေနေတဲ့မျက်နှာလေးက စိတ်ရှုပ်စရာမကောင်းဘဲ ချစ်ဖို့ကောင်းနေတာလို့တွေးမိနေတာက မှားများမှားနေလား.. ။
လူမိုက်အားပေးလုပ်ရပ် လုပ်ဖို့မဟုတ်ပေမယ့် ဝိုင်သောက်ထားတဲ့ပိုးပုံစံလေးက အကောင်ငယ်ပေါက်လေးလိုပဲ.. တစ်မျိုးလေးချစ်ဖို့ကောင်းနေတာ ။
" အလုပ်သမားတွေအိမ်ပြန်ချိန်ပဲ ရှိသေးတယ်.. နေတောင်မဝင်သေးဘူး သောက်နေတာကပုလင်းပါမှောက်ပစ်လို့ရပြီ.. ဘယ်ကတည်းက သောက်နေတာလဲ "
" စောနကမှလေ.. "
" စောနက သောက်တာက ပုလင်းထဲဘာမှမကျန်တော့ဘူး.. "
" ကိုဟန်.. "
ကိုယ်စကားပြောနေတာ နားရောထောင်ရဲ့လားမသိပါဘူး..။
စကားတောင်နားမထောင်ဘဲ ကိုယ့်နာမည်ခေါ်နေတာ..။
" အင်.. "
" ကိုဟန့်မှာ နောက်မိန်းမရှိလား.. "
" လာပြန်ပြီလား ဒီမေးခွန်း.. မနက်ကတည်းက ကိုယ်ပြောတာ မကြားဘူးလား "
" ပိုးက ဘယ်နှယောက်မြောက်လဲ.. "
" ဘာ ဘယ်နှယောက်မြောက်ရမှာလဲ.. ပိုးရှေ့ရောနောက်ရော ဘယ်သူမှမရှိဘူး "
" ပိုးကို တိတ်တိတ်ပုန်းယူထားတာလား.. "
" ဘာရယ်.. "
အမူးသမားလေးက မျက်လုံးတွေမှိတ်ထားရင်းနဲ့ သူ့နှုတ်ခမ်းပေါ်မှာပဲ လက်ညိုးလေးကိုတင်ထားနေသေးတာ.. ။
ကိုယ်ဖြေနေတာ သူမကြားဘူးလား.. ။
ဖြေနေရဲ့ကြားထဲကနေကို တိတ်တိတ်ပုန်းက ဘာလို့ပါလာရတာလဲ..။
" တိတ်တိတ်ပုန်း ယူထားတယ်ပြောရအောင် ကိုယ်မင်းကိုဘယ်လိုထားထားလို့လဲ ပိုး... မင်းနဲ့တွေ့ဖို့ကို ကိုယ်ပုန်းလျှိုးကွယ်လျှိုးနဲ့ လာနေရလား.. ကိုယ်နဲ့တွေ့ရဖို့အရေး ပတ်ဝန်းကျင်ကိုမင်းသတိထားနေရလား.. ဂရုစိုက်နေရလား.. မင်းကို လူမမြင်ကွယ်ရာမှာပဲ ထားထားနေလား.. "
" ဟုတ်တယ်.. "
" ဘာ "
မင်း.. ဘယ်လိုပြောလိုက်တယ် နုဝေခက်ပိုး ။
မင်းပြောနေတဲ့စကား အဓိပ္ပါယ်ကိုရောနားလည်ရဲ့လား.. ။
နားလည်လို့ဒီစကားပြောနေတာလား..ဟမ် ။
ဒီလောက်လိုလေသေးမရှိ ထားထားပေးတာကိုတောင် သူ့ကိုယ်သူတိတ်တိတ်ပုန်းမယားလို့များထင်နေသေးတာလားမသိဘူး.. ။
ငါပြောလိုက်ရ မကောင်းဘူး ရှိတော့မယ်..။
တောက်..။
🌼pann
________________________
pann စာပြန်မစစ်မိဘူးနော်.. ။
မျက်စိနောက်စေမိလို့ တောင်းပန်ပါတယ်နော်..။
pann ရွေးတဲ့ဇာတ်အိမ်ဇာတ်ညွှန်းက ကြမ်းသင့်သလောက်မကြမ်းတဲ့ ညိမ့်ပြီးငြိမ်နေတာနော်..။
ဖတ်ရတဲ့သူတွေအဆင်မပြေမှာစိုးပါတယ်..။
ဖတ်ရတာအဆိုးဆုံးမဖြစ်အောင်တော့ pann ကြိုးစားရေးပါ့မယ်ရှင့်..။
အမြန်ရေးပေမယ့်ဒီအချိန်မှပြီးတယ်..။
အချိန်တွေအကြာကြီးယူပြီးဆွဲရေးမိလို့ အားလည်းနာနေပါပြီ..။
အချိန်ရရင် ရသလိုအပြီးသတ်ရေးပါမယ်နော်..။
ကျေးဇူးအများကြီးတင်ပါတယ်ရှင့်.. ။