ဒုတိယအကြိမ် သူမလေးဆီက ထပ်မံ၍နမ်းခံရပြီးနောက် ရေခဲတောင်နှင့်တူခဲ့သောသူ့နှလုံးသားတစ်ခုလုံးက အရည်ပျော်ပျက်စီးသွားလျက်။ ရှက်သွေးဖြာလာကာ ဘေးဘက်သို့ မျက်နှာလွှဲထားသည်။
ထို့နောက် မချဉ်မပြုံးဖြင့်'ဦးက အချစ်ခံရဖို့ ထိုက်တန်တဲ့ကလေးကြီးတစ်ယောက်ပါနော်' ဟူသော စကားတစ်ခွန်းလုံးအား ပြန်ကြားယောင်ခဲ့ပြီး သဘောကျရင်း သိမ်မွေ့စံနွယ်မမြင်အောင် မျက်နှာလွှဲထားကာ ခိုးပြုံးနေခဲ့သည်။ လက်သီးဆုပ်ထားပြီးတုန်ယင်နေသောလက်များလည်း သိမ်မွေ့စံနွယ်၏လက်ဖဝါးနုနုလေးများအုပ်မိုးထားမှုအောက်တွင် ပြေလျော့သွားသည်။
" မိန်းကလေး မင်းက ဘာလေးလဲ ... အမြဲတမ်းအေးဆေးပြီး ရက်စက်နေတဲ့ ငါ့လိုကောင်ကို နူးညံ့ချင်လာအောင် တော်ကီတွေရေလည်ခြွေနေတယ် "
" ဦးရဲ့ပင်ကိုယ်စိတ်စရိုက်က နူးညံ့ပြီးသနားကြင်နာတတ်တဲ့ပုံပါ၊ ဘဝအခြေအနေတွေကြောင့်မို့ အေးစက်ခက်ထန်နေတာဖြစ်မယ် "
သိမ်မွေ့စံနွယ်က သူမ၏ပါးပြင်ကို နေဟန်မှိုင်း၏လက်ဖဝါးနှင့်ထိကပ်စေခဲ့သည်။ သူမလေး၏အပြုအမူများကြောင့် နေဟန်မှိုင်းမှာ မျက်နှာပူပြီး နေရခက်လာသည်။
သူလည်း သူမကို အမှန်တကယ် သဘောကျနေပါသည်။ သူမ၏အကြင်နာစကားလုံးများသာမက ယခုလိုတယုတယထိတွေ့မှုလေးများကိုလည်း နှစ်သက်မိနေပြီး သူမဆီက အနမ်းလေးများကိုလည်း အလွန်တရာသဘောကျ မြတ်နိုးမိပါသည်။
သို့သော် ဘဝနောက်ကြောင်းမရှင်းသော သူ့အနေဖြင့် သူမလေး၏ဘဝထဲသို့ မဝင်ရောက်လိုသည်က အဓိကပြဿနာပင်။
အပြုံးတစ်ခုကိုပန်ဆင်ပြီးနောက်တွင် နေဟန်မှိုင်း၏နှာခေါင်းထဲမှ လေလုံးများ ရှူးခနဲထွက်လာခဲ့သည်။
" မင်း ကိုယ့်ကို တဦးဦးနဲ့ခေါ်နေတာ ... ကိုယ့်အသက်က အခုမှ ၃၂ ပဲရှိသေးတယ်၊ အရမ်းအိုနေလို့လား ... ဦးလို့တပ်ခေါ်ရအောင်လေ "
" အယ် ... ဟုတ်ပါဘူး၊ ငယ်ငယ်တုန်းက ဦးလို့ခေါ်ခဲ့ပြီးကတည်းက ခုပြန်တွေ့တော့လည်း လေးစားသမှုနဲ့ ဦးလို့ခေါ်တာပါ၊ မကြိုက်ရင် အခေါ်အဝေါ်ပြောင်းပေးမယ်လေ "
သိမ်မွေ့စံနွယ်က နေဟန်မှိုင်းမျက်နှာကိုကြည့်ကာ မျက်လုံးလေးပေကလည် ပေကလည်နှင့် နှုတ်ခမ်းလေးကို အနည်းငယ်ဆူကာ ပြောနေသည်က ချစ်စဖွယ်။
နေဟန်မှိုင်းလည်း ရင်ခုန်မိပြီး မရိုးမရွဖြစ်ကာ ရှက်ရှက်နှင့်မျက်နှာလွှဲပြောပြန်သည်။
" အစ်ကိုလောက်တော့ လုပ်ပါ ... ဦးဆိုတာ အသက် ၄၀ လောက်မှ ခေါ်သင့်တယ်မလား၊ ဒီကငယ်သေးတယ် "
သိမ်မွေ့စံနွယ်မှာ နေဟန်မှိုင်း၏ပါးနှစ်ဖက်ကို အသည်းယားယားနှင့် ဆွဲညှစ်လိုက်သည်။ သူစကားပြောနေသည့်ပုံစံမှာ အလွန်ချစ်ဖို့ကောင်းသောကြောင့်ပင်။
" ဒါပေါ့ ... ဒါပေါ့၊ ခုမှငယ်ငယ်လေးရှိသေးတဲ့အမျိုးသားလေးကို ဦးလို့မခေါ်တော့ဘူး၊ အဲဒီအစား ကိုကိုလို့ပဲခေါ်မယ်လေ နော် ... ဟီးဟီး "
နေဟန်မှိုင်း၏ပျော်ကျသွားသော နှလုံးသားမှာ အရည်ကနေ အမှုန့်ဖြစ်ကာ အမှုန်များလေထဲ လွင့်စင်သွားလျက်။
" ကျစ် ... ဒီငစားမလေးကတော့၊ ကဲ မင်း အိမ်ဘယ်မှာလဲပြော၊ ငါလိုက်ပို့ပေးမယ်၊ စကားမများနဲ့တော့ "
နေဟန်မှိုင်းက စိတ်ရှုပ်သည့်ပုံစံနှင့်ပြောလိုက်ချိန်တွင် သိမ်မွေ့စံနွယ်မှာ ချက်ချင်းမျက်နှာထားတည်သွား၏။
" ဟွန်း ... ရပါတယ်၊ အဲ့လောက်ထိ နှင်ထုတ်စရာမလိုပါဘူးနော်၊ ဖြစ်ချင်ရာဖြစ် ကိုယ့်ဘာသာ လမ်းလျှောက်ပြန်တော့မယ် "
သိမ်မွေ့စံနွယ်မှာ သူမ၏ပိုက်ဆံအိတ်နှင့် ငွေသုံးသိန်းထုပ်ကိုယူကာ နေဟန်မှိုင်းကို မျက်စောင်းထိုးလျက် ကားပေါ်ကနေခြေဆောင့်ပြီး ဆင်းသွားခဲ့သည်။ ကားတံခါးကိုလည်း ဆောင့်ပိတ်လိုက်၏။
" ဟမ် "
ရုတ်တရက် အမူအရာ၊ အကြည့်နှင့်လေသံပြောင်းသွားသော သိမ်မွေ့စံနွယ်ကြောင့် နေဟန်မှိုင်းလည်း ကြောင်သွားသည်။ ယခုအချိန်သည် ည ၈ နာရီထိုးခံနီး အချိန်ဖြစ်သည့်အပြင် သူခေါ်လာခဲ့သည့်နေရာကလည်း လူသူပြတ်လပ်လွန်းသည်။ သူမတစ်ယောက်တည်း လမ်းလျှောက်ပြန်ပါက မသမာသူများနှင့်တွေ့နိုင်သည်။ ထို့ကြောင့် နေဟန်မှိုင်းမှာ အမြန်ကားစက်နှိုးလိုက်ပြီးလျှင် လမ်းလျှောက်နေသော သိမ်မွေ့စံနွယ်ဘေးကနေ အရှိန်အနည်းငယ်နှင့် ဖြတ်မောင်းလာသည်။
" ဟေး ... မိန်းကလေး မင်းရူးနေလား၊ ဒီနားက လူပြတ်တယ်၊ တစ်ယောက်တည်းလျှောက်သွားလို့ ဘယ်ဖြစ်မလဲ၊ ငါ အိမ်လိုက်ပို့ပေးမယ်"
" အို ဖြစ်ပါတယ် ... လူကိုအိမ်လိုက်ပို့ပြီး လေထဲကဝိညာဉ်တစ်ကောင်လို ပြန်ပျောက်သွားအုံးမှာပဲမလား၊ ပြီးရင် ကျွန်မသိမ်မွေ့ကပဲ တစ်ယောက်တည်းအလွမ်းတွေ အဆွေးတွေနဲ့ကျန်ခဲ့မှာ၊ အဲဒီလိုဖြစ်မယ့်အတူတူအနူနူ .... တစ်ယောက်တည်းပဲ ပြန်တော့မယ် ဟွန့် "
နေဟန်မှိုင်းလည်း ကားပေါ်ကနေ သက်ပြင်းချလိုက်ပြီး ကားကိုစက်ရပ်စေခဲ့သည်။ ထို့နောက် ထိုင်ခုံခါးပတ်များကို ဖြည်လိုက်ရင်း ကားပေါ်မှဆင်းလာကာ လမ်းလျှောက်နေသော သိမ်မွေ့စံနွယ်နောက်သို့ လိုက်သွားခဲ့သည်။
" သိမ်မွေ့ ... "
ထူးထူးဆန်းဆန်း သူမ၏နာမည်ရှေ့စာလုံးနှစ်လုံးကိုခေါ်ခံလိုက်ရချိန်တွင် သူမခြေလှမ်းများက တုံ့ဆိုင်းသွားလျက်။ ထိုစဉ် နေဟန်မှိုင်းက သူမလက်များကို ဆတ်ခနဲဆွဲလိုက်ပြီး ကားထဲဆီသို့ အတင်းဆွဲခေါ်ခဲ့သည်။
" လွှတ် ... "
" မရူးစမ်းနဲ့ ... ဒီခေတ်မှာ တစ်ယောက်တည်းပြန်တာ ပိုအန္တရာယ်များတယ်၊ မင်း ငယ်ငယ်ကလို လူဆိုးတွေပြန်ပေးဆွဲသွားမှာ မကြောက်ဘူးလား ... မှားလို့ လူကုန်ကူးသွားမှာ မကြောက်ဘူးလား"
" ဒီနားမှာ လူဆိုးဆိုလို့ ဦးလေးကြီးတစ်ယောက်ပဲရှိတယ် ... မွေ့စံရဲ့နှလုံးသားလေးကို ပြန်ပေးဆွဲမဲ့ဦးလေးကြီးပေါ့၊ ထားပါတော့၊ ဘယ်တော့မှ ထပ်မပျောက်သွားဘူးလို့ ကတိသာပေးလိုက်ပါ၊ လိမ်လိမ်မာမာနဲ့ အိမ်လိုက်ပို့တာခံမယ် "
သိမ်မွေ့စံနွယ်က နေဟန်မှိုင်းကို မော့ကြည့်ကာ နူတ်ခမ်းတထော်ထော်ဖြင့်ပြောလာသော် နေဟန်မှိုင်းလည်း ရယ်ရခက် ငိုရခက်ဖြစ်မိပြီး အနည်းငယ်စိတ်ရှုပ်သွားသည်။ ၅ မိနစ်လောက် သူမကို စကားတစ်ခွန်းမှမပြောဘဲ စဉ်းစားခဲ့ပြီးနောက်မှာတော့ မျက်နှာတည်သွားသည်။
" အင်း ... ကတိပေးတယ်၊ ဘယ်တော့မှ ထပ်မပျောက်တော့ဘူး၊ ဒါပေမဲ့ မင်းကိုတော့ ခဏခဏတွေ့ပေးရမယ်ဆိုတဲ့ကတ်ိမျိုးတော့ မပေးနိုင်ဘူးနော်၊ ငါ့အလုပ်တွေရှိသေးတယ် "
" ခဏခဏမတွေ့ပါဘူး၊ သိမ်မွေ့လွမ်းလို့ ဖုန်းဆက်ရင်သာ ဖုန်းကိုင်ပါ၊ ဖုန်းနံပါတ်ကိုသာ မပြောင်းနဲ့၊ တစ်ခါတလေ မွေ့စံတွေ့ချင်တယ်ပြောတဲ့အခါ အဆင်ပြေရင် တွေ့ပေးပါ၊ အဲဒီလောက်လေး လိုက်လျောပေးရင် ကျေနပ်ပါပြီလို့ "
နေဟန်မှိုင်းလည်း ပြုံးလ်ိုက်ပြီး ခေါင်းငြိမ့်ခဲ့သည်။
" အင်းပါ ... ကတိပေးတယ်၊ ခုတော့ အိမ်ပြန်သင့်နေပြီ အရူးလေး"
သိမ်မွေ့စံနွယ်လည်း မျက်နှာပြုံးဖြီးပြီး တဟီးဟီးဖြစ်နေခဲ့သည်။ ထို့နောက် ဝမ်းသာအားရဖြင့် နေဟန်မှိုင်း၏ခါးကို သိုင်းဖက်ကာ သူ၏ရင်ခွင်ထဲသို့ မှီနေခဲ့သည်။ ဤသို့မှီနေစဉ်မှာသူမအနေဖြင့် သူ၏ တဒုတ်ဒုတ် ရင်ခုန်သံများကို ကြားနေခဲ့သည်။
နေဟန်မှိုင်းမှာလည်း သူ၏နှစ်ကာလကြာရှည်စွာ တိမ်မြုပ်ပျောက်ကွယ်နေခဲ့သော ချစ်စိတ်များနိုးကြားလာခဲ့ပြီးနောက် သိမ်မွေ့စံနွယ်ကို ပြန်ဖက်ခဲ့ပြီး သူမ၏ခေါင်းလေးကို ပုတ်ပေးခဲ့သည်။
" အခု အသက်ဘယ်လောက်ရှိနေပြီလဲ သိမ်မွေ့က "
" ၂၁ ရှိပြီ ... "
" ကိုယ်နဲ့ဆို ၁၁ နှစ်တောင်ကွာတယ် ... "
" ဘာတွေတွေးနေတာလဲနော် ... ငါ ဒီကောင်မလေးနဲ့ အသက် ၁၁ နှစ်ကွာနေတာ၊ တွဲလို့အဆင်ပြေပါ့မလားလို့ တွေးနေတာလား ဟီးဟီး "
သိမ်မွေ့စံနွယ်၏နောက်ပြောင်ကျီစယ်မှုကြောင့် နေဟန်မှိုင်းလည်း ရယ်မိသည်။
" အဟက် .... မင်းကွာဘယ်လိုမိန်းကလေးလဲ၊ မဟုတ်ဘူးလားဆို ... ဟုတ်တယ်၊ မင်းပြောတဲ့အတိုင်းပဲ တွေးနေတာ "
သိမ်မွေ့စံနွယ်မှာ သူ့ကိုဖက်ထားရာမှ ခွာလိုက်ပြီး နေဟန်မှိုင်း၏ပါးနှစ်ဖက်ကို ကြင်နာစွာညှစ်လိုက်သည်။
" သိမ်မွေ့ ကို ကိုကိုချစ်နေရင် ပြီးနေပြီပဲ၊ ဘာတွေစိတ်ပူစရာလိုသေးလဲ ... စိတ်ပူရမှာက သိမ်မွေ့ ကိုကို့ကြောင့် နှလုံးရောဂါဆိုးမှာကိုပဲ "
ယခင်အစောပိုင်း၌ နေဟန်မှိုင်း၏အမှုန့်ဖြစ်သွားသော နှလုံးသားမှာ ယခုတွင်မူ အမှုန့်များမှသည် တစ်ဖန်ပေါင်းစည်း၍ နှလုံးသားအသစ်တစ်ခုဖြစ်သွားကာ အချစ်မြှား အစင်း တစ်ထောင်စိုက်ခြင်းခံလိုက်ရသကဲ့သို့။
" သိမ်မွေ့ ... သိမ်မွေ့အိမ်က လူကြီးတွေ ကိုယ့်အကြောင်း သိသွားကြလို့ သဘောမတူမှာလည်းရှိသေးတယ်လေ "
နေဟန်မှိုင်းမှာ အသံအနည်းငယ်တုန်နေပြီး စိုးရိမ်စိတ်ဖြင့် ပြောလိုက်သည်။
" မွေ့စံဘက်က အမှန်တိုင်းမပြောမချင်း သူတို့သိကြမှာမှ မဟုတ်တာ ... ခုနေတွဲလည်း သူတို့ကို မွေ့စံတို့တွဲနေကြောင်းမပြောဘဲ သူငယ်ချင်းဆက်ဆံရေးလို့ပဲ ပြောထားလည်းရတာပဲ၊ ကိုကိုက သိမ်မွေ့နဲ့အမြဲတမ်း ဒိတ်နိုင်မှာမှ မဟုတ်တာလေ "
နေဟန်မှိုင်းလည်း စကားတတ်လွန်းပြီး အသွက်လွန်သော သိမ်မွေ့စံနွယ်အား အသည်းယားလွန်း၍ ငုံထားမတတ်ချစ်ချင်လာမိသည်။ ပါးချိုင့်ကလေးပေါ်သည်အထိ သူ ပြုံးမိရင်း သိမ်မွေ့စံနွယ်ကို စိုက်ကြည့်နေခဲ့သည်။
" မွေ့စံလေးလို့ ခေါ်ရမှာလား "
" အွန်း .... မွေ့စံလေး၊ ကလေးလေး၊ မိန်းမလေး ... ကိုကို ကြိုက်သလိုခေါ် "
" ဟာ ... ဒီကောင်မလေး လွန်နေပြီ၊ တော်တော်အဆင့်တက်နေပါလား "
" လူကိုကတိတွေပေးပြီး ပြန်ပျောက်သွားမှာစိုးလို့ ခုအချိန်မှာ အစွမ်းကုန်ချစ်ပြနေရတာ၊ ပြီးတော့ ဘဝမှာ ဘယ်ယောကျာ်းလေးကိုမှ မချစ်ခဲ့ဘူးသလို၊ ယောကျာ်းလေးအပေါင်းအသင်းတွေနဲ့တောင် ဟီးဟီးဟားဟားမရှိခဲ့ပါဘူးနော်၊ မိန်းကလေးကျောင်းမှာ တက်ခဲ့ရလို့ ယောကျာ်းလေးသူငယ်ချင်းတွေလည်း မရှိခဲ့သလို ကြီးလာတော့လည်း ဘယ်ကောင်လေးနဲ့မှ အရောမဝင်ခဲ့ဘူး၊ သူတို့ဘယ်လောက် မွေ့စံကို ပိုးပမ်းနေကြပါစေ ... မွေ့စံက ကိုကို့စိတ်နဲ့အသက်ရှင်နေခဲ့ရတာ ... မွေ့စံရဲ့အချစ်ကို အထင်သေးချင်တာလားဟင် "
" မဟုတ်ပါဘူး၊ အထင်တစ်စက်ကလေးမှ မသေးဘူး၊ မွေ့စံအချစ်ကို ကိုယ်အသိမှတ်ပြုတယ်၊ ကိုယ့်အနေနဲ့ ဝန်ခံရရင် အခုကိုယ်ပျော်နေမိတာပါ၊ ကမ္ဘာပေါ်မှာ ကံအကောင်းဆုံးလူလို့လည်း ခံစားနေရတယ်"
သိမ်မွေ့စံနွယ်လည်း ပြုံးပျော်သွားကာ ခြေဖျားလေးထောက်လျက် နေဟန်မှိုင်း၏နှုတ်ခမ်းလေးကို နမ်းခဲ့သည်။ နေဟန်မှိုင်းလည်း တတိယအနမ်းကို ပြုံးပြုံးကြီး လက်ခံခဲ့သည်။
" ကိုယ်လည်း မင်းလေးကြောင့်နဲ့ စိတ်ရော နှလုံးသားရော မခိုင်တော့ပါဘူးကွာ ... လူသတ်သမားဆိုတဲ့ဂုဏ်ပုဒ်တောင် မေ့သွားရတယ်"
" ဟိဟိ ... နောက်လည်း ကိုကို့ငယ်ဘဝက စိတ်ဒဏ်ရာတွေအကုန်ပျောက်တဲ့အထိ ချစ်ပေးသွားမှာမို့ မွေ့စံလေးကို မပစ်ခွာရဘူးနော်"
ဤသို့ဖြင့် နေဟန်မှိုင်းလည်း သူမထံက အကြင်နာမေတ္တာများကြောင့် စိတ်ကြည်နူးနေမိသည်။
" ကားပေါ်မှာ စကားခဏ ပြောရအောင် "
" အွန်း "
နေဟန်မှိုင်းမှာ သိမ်မွေ့စံနွယ်၏လက်ကလေးကို ညင်သာစွာဆွဲလျက် ကားနောက်ခန်းအတွင်းသို့ ခေါ်လာခဲ့သည်။ ကားထဲသို့ရောက်လျှင် နှစ်ဦးသား စက္ကန့်အနည်းငယ်အတွင်း အကြည့်ချင်းစုံခဲ့ကြပြီးနောက် နေဟန်မှိုင်း၏နှုတ်ခမ်းများက သိမ်မွေ့စံနွယ်၏နှုတ်ခမ်းသားလေးများကို အပေါ်တစ်လှည့်၊ အောက်တစ်လှည့်နှင့် နူးညံ့စွာထိတွေ့နေခဲ့သည်။ ထို့နောက် နေဟန်မှိုင်းဘက်မှ နမ်းရှိုက်ချက်များက အနည်းငယ်မြန်လာကာ သိမ်မွေ့စံနွယ်၏ကိုယ်လုံးလေးကို ပွေ့ဖက်ထားပြီး သူမနှုတ်ခမ်းများကို သူ့စိတ်တိုင်းကျ နမ်းရှိုက်နေခဲ့လျက်။ ' တပြွတ်ပြွတ်' အသံများကြားမှာ ပြင်းပြသောအသက်ရှုရှိုက်သံများလည်း ပါလာခဲ့သည်။
နေဟန်မှိုင်း၏နှလုံးသားက ဆက်ကြာကြာနမ်းချင်ခဲ့သော်လည်း သူ၏ဦးနှောက်ကမူ ရပ်သင့်ပြီဟု အချက်ပေးနေခဲ့သောကြောင့် သူလည်း သူမ၏နှုတ်ခမ်းလေးကို ဖြည်းဖြည်းချင်းခွာခဲ့သည်။
" ကိုယ့်ဘဝမှာ အမေပြီးရင် အချစ်ဆုံးအမျိုးသမီးက မင်းဖြစ်လာလောက်တယ် မွေ့စံ "
• ────── ✾ ────── •