#تحت_مسمى_القسمه_والنصيب
للكاتبه حَـوࢪاء
--------------------------------------------------------
ماطبگن سره طبن عليه كلهن
وگتلني وبعد ماگدر اكتلهن
اذا شدن اجدامي وشدن الجفين
وكعدن ع لصدر چا بعد شيحلهن
ويلتمن عليه مشتتات البال
ياعريان كلي شلون تنفضهن
---------------------------------------------------------
مرام:لمار فدوا لتخليهم باعي راح ينطوني لابن عمي والله مااريده مااريده ليجبروني خابري خالي يجي ياخذني هذوله راح يأذوني والله اذا ماوافقت يقتلوني
-لمار:اهدي يمعوده ليوگف گلبج شنو هو لعب يقتـ.......
بعدني ممكمله كلامي واندگ الباب بقوه وصوت ابوها رج البيت
-افتحي الباب مرام لااحرك البيت ع راسج وراس امج افتحييييي
-لمار:عمو بس خلي تهدأ واني افتحلك الباب كلشي ينحل بالنقاش فدوا لعمرك ليصير بيك شي منو يفيدك
-عمو هاي راح تخبلني اني انطيت كلمه لعمها تتزوج يعني تتزوج واشوفها شلون تكسر كلمتي
-لا عمو اعصابك فدوا متكسر كلمتك خلي تهدأ واحجو
بالگوا قنعته يروح واباوع عليها تباوعلي وتشهك همست وصوتها راح من البچي
-انطيني موبايلج؟
-شتسوين بي حبي؟
-بس انطيني
-لمار: صدك انطيته الها شفتها طلعت رقم مصطفى واتصلت من اول رنتين رد
-مصطفى:هلا لموره؟
-مرام:حسبي الله ونعم الوكيل بيك
-مصطفى:مرام؟
-عساك تعيش الدااعيشه عساك ماتتهنى ولا يوم بحياتك عسى اشوف بيك يوم نفس يومي هذا حسبي الله ونعم الوكيل بيك عساك ماتشوف الراحه بيوم
-مرام فهميني شبيج بس احچي
-لمار:سحبت الفون منها وحجيتله مختصر الصار وهو انصدم گال شوي واني يمكم
لا مصطفى لا دخيلك لتكبر الموضوع
-لمار امي اليوم تجي تخطبها شنو هو لعب يجبروها
-وين جنت هها؟ هسا تجي تخطبها ليش قبل وينك مصطفى ليش تخليني احچي واكره نفسي؟
-گليلي شسوي
-كلشي متسوي ضل بعيد عنها وبس
-حترتاح هيج؟
-اي ترتاح معليك انت
-تمام تمام
-لمار:سديته منه والوضع متكهرب مدري ابقا يمها مدري اروح مرام مو بحاله اعوفها وبنفس الوقت محتاجه تكون وحدها عفتها وطلعت يم عمتي جانت تبچي گعدت اصبرها بس ع شنو ماادري شوي وصاحلها زوجها گامت مني رجعت لغرفه مرام لگيتها غافيه غطيتها وطلعت كعدت بحديقتهم وجان اكو عدهم درج خارجي نازل من السطح گعدت ع باياته وافكر
احنا ليش ديصير بينا هيج اني،ترتيل،اديان،مرام، بعدنا صغار ع هلسوالف وهلتعب؟ بس شنسوي؟ الحمدلله ع كُل حال فزيت ع فتحه باب الشارع ودخل آدم اختنگت حيل واني اشوفه متغير جذرياا ضعفان ولحيته طولانه من انتبهلي ضل صافن ثواني وراها تقدم يمي وگال بنتر
-آدم:شتسوين هنا؟
-اعتقد هذا بيت عمتي وشوكت ميعجبني اجي؟
-بيت متروس زلم شلون تگعدين بنصهم
-ولد عمتي مو غربه (احجي ويا من ورا خشمي)
-ليش تكفرينهههه
-تريد تكفر اكفر بعيد عني لتخليني اشيل ذنوب بسببك
-اللهم طولج ياروح
-شجابك انت يعني اني مااخلص منكم؟
-عمتي اتصلت كالت جيبلنا عشا ولا عبالك بيتها متروس زلم واحدهم بگد البغل
-جبت؟ مشكور يلا روح
-مو گاعد ببيت ابوج؟
-هو مو صوجك وخر من وجهي، مشيت ادخل للبيت وهو دخل وراي صحت عبااااس عباااس وينك تعال وصلني للبيت
-ادم:اني اوصلج بطريقي
-لو اعرف ارجع وحدي وماارجع وياكك
-مترجعين ويا عباس
-ارجع وحدي وخر من وجهي ودعت عمتي ومرام بعدها نايمه اريد اطلع جرني من ايدي حيل
-وين موليهههه
-للگبور تجي؟
-اذا وياچ قابل
-من انهجم بيتك يالعيار
-لسانج يرادله گص؟
-وخر من وجهي ادم لتلح
-احبچ
-حبتك حيه ام سبع روس
-الله يطيح حظج امشي اوصلج واولي
-مااطلع وياك عفته ومشيت للباب فتحته وانطلقت بركضه بسرعا وصلت لبيتنا سديت الباب واستندت عليه الهث عزا بعينك ادم شكد غثه؟ اسمعه ورا الباب يحچي
-البر*** شگد سريعه اني الچ اشوفچ وين تولين يعني
عفته ودخلت سلمت ع ماما وبوجهي لغرفتي نمت حتا بلا عشا
---------------------------------------------------------
-اديان:نفسيتي جاي تسوء بسبب امي واخويه ومن غير اختي ايه الي صارت كله براسيي وماما شالت ايدها منها ولا عبالك بنتها وتحتاج رعايه لان صغيره حقدت ع امي وكرهتها ايي اني اكره امي لان هي مو ام مثل الامهات ولو شايفه شي واحد بس واحد زين منها ماچان كرهتها
بهل طريقه كلشي ماالحگ اسوي البيت كله براسي وايه هـم براسي والمدرسه هاي مُشكلتي الاكبر مدرستي هملتهاا ودرجاتي نزلت وحقي كلشي يصير وياي حقي سمعت بخطوبه مرام وگلبي متلوع عليها اريد بَـس اشوفها شلون حالها هسا اكيد دتموت گالو الخطوبه
هالايام وامي اكيد متخليني اشوفها هسا حتگلي منا للخطوبه فا گعدت وانچبيت سمعت صوت جوا اكيد خطار وتوني دااگوم وصاحتني زوجه خالي الصغير اروح اساعدها بالشغل نزلت ع كيفي مالي خلگ اسلم ع الخطار بس سمعت صوت كلش احبه او بالاحرى كلنا نحبه مو بس اني
-امير:ها ديانا الحقيره ماتسلمين عليا؟
-اديان:امير صاير گُطعي لاتسأل ولاتگول هاي بنت عمتي اشوفها شلونها اخبارها
-اللوتيه فريتيها عليّ
-مافريتها انت صاير گُطعي وهاي حقيقه مو صح خاله
(وجهت السؤال لخالتي الجبيره گاعده يمنا وهي ماشاء الله تريد بس واحد يحچيها گالت
-الخاله (بحسره):اي والله صح تلگين خواته لمار وربعها هنّ الگلبنه علينا يبعد خالتج
-اديان:باوعلي وسوالي حركه بأيده بمعنى بعد شيسكتها ضحكت وعفته هو وياها يتلاسنون الحَلو بي ابد ابد مينطي بينا گدام احد عبالك بناته مو بنات عمامه سويت العشا ويا مرت خالي وكملنا ماشتهيت اكل وياهم گمت طلعت بالحديقه وطلعت موبايلي من جيب البنطرون توني فتحته لگيت اشعارات من رقم غريب تفاجأت من شفت اخر رساله بالاشعارات مكتوب
-💬شوفي حتى متصيرين ثوله وتبقين تحبينه هو اصلا انتِ مو بباله
فتحت الرسائل وجانن صور كومه وديحملن انتضرتهن وياريت ممنتضرتهن وحاذفه المحادثه قبل ليحملن
فتحت اول صوره جانت سكرين لمحادثه بين عبدالله(الي تحبه اديان) وواحد ثاني بس چان الحچي البيها لعبان نفس وواضح من طريقه الكلام الي ديحچي ويا عبدالله ولد يحچون وكأنما متزوجين او حبايب لعبت نفسي من حچيهم طلعت من اول صوره ودخلت للثانيه جان هم عبدالله وولد وياه متباوسين بطريقه تلعب النفس ومجردين من ملابسهم وواضح هم مثبتين الموبايل ومصورين متحملت اكثر صرت اتقيء رفعت راسي واني هلكانه غسلت وضليت واگفه ع المغسله استوعب الديصير؟ معقوله عبدالله هيچ ايع صدگ شي مقرف واني اتذكر الصور رجعت اتقيء مرا ثانيه متت انتهيت بس شسوي هو هذا حظي رفعت راسي لگيت امير واگف ومرتاچ ع سياج الحديقه ويباوعلي بقلق من شفته متحملت انفجرت ابچي
-امير:ع كيفچ ديونه ع كيفچ يمعودا فهميني شكو ؟
-اديان:من گد مانحب امير ونثق بي اي شي يصير ويانا نگله وابد منتردد بمجرد ماحچه هلكم كلمه بسرعه رفعت موبايلي وخليت الصور بوجها ماانصدم بس باوعلي بنضره شفقه مصحوبه بقهر همستله
يعني تدري؟
-امير:صار فترا ادري بس ماعرفت شلون افاتحچ بالموضوع وشلون اخليچ تستوعبين
-حرام عليك امير حرامم يعني فوگ الديصير بيا من اهلي هيج انصدم بالشخص الوحيد الحبيته من كل گلبي
-يولي ميستاهلج مسحي دموعچ الغاليه حرامات تنزل ع واحد ميسوا مثله
-اديان:مسحت دموعي ومشيت للبيت بوجهي صعدت فوگ نمت وماگعدت للصبح
--------------------------------------------------------
-امير:انصدمت من سمعت بخطوبه مرام ومرضيت ع هلشي بس الكسر ظهري ماالي حق عليها مثل لمار؟ وحتا اديان هذوله ناس ميخافون الله واكيد يجبروها ع ابن عمها ومابيدنا نسوي شي حتا عمامي وابويه رغم كسرتهم عليها بس مگدرو يسوون شي لان ابوها مسؤول عليها
ومن جها ثانيه مُصطفى الي تأنيب الضمير بدا ياكله ويدمره گطع الاكل وصار حتا ميطلع ويانا اتذكر مرا ورا سالفه مرام بيومين تقريبا چنا طالعين كلنه احنا وجماعتنا وهو ومرتضى جان ويانا انتبهت عليه اكثر من مرا باله سارح ومو ويانه وحتا انتبهت مرتضى هم منتبه ومركز بحركات اخوه فجأه وشفنا شي يلمع بعينه باوعت ع مرتضى هو هم انصدم نزلت دمعه مصطفى وبس اني ومرتضى مركزين ويا الولد حايرين بموبايلاتهم مسحها بسرعه والتفت علينا يشوف منو شافه او انتبهله ومن شافنه نباوعله دار وجها ع الشباك وشوي وترخص وطلع طلعنا اني ومرتضى وراه
-مصطفى:شكو جايين وراي طفل وتخافون اضيع بعدين انت امير مو قبل كم يوم سحلتني سحل وزاعلتني شكو لحگتني؟
-امير:عوع وانت شنو والحگك رايح لبيت عمي عندك اعتراض عيني؟
-لا بس كافي لتلح ولتجون وياي روحو وحدكم اريد ابقا وحدي ممكن!
-مرتضى:لا مو ممكن مو صح امير امشي خلنروح ويا
-شششگگگگددددد لللزززگگهههه انتممممممم
-امير:والله هذا الموجود يعجبك يعجبك ميعجبك الطخ راسك بالحايط
-مرتضى:ششبيك يااخي قابل نكرهك احنا؟ اكيد لا منگدر نعوفك وحدك وانت بهل حاله (مشينا لحديقه عامه چانت شبه فارغه دائما نجيها نحبها كلش لان دائما فارغه مشينا شوي وكعدنا ع مصطبات بالحديقه كلمن حاير بضيمه ويجر حسرات ماحچينا شي
چنت مركز بالفراغ گدامي ومااشوف اله بنيا تمشي بشكل لعبان نفس وكأن وياها ولد مدااركز بسبب الضلمه فزيت ع صوت مصطفى
-مصطفى:شوف يربي شوف الگح*** تارسات الشوارع استغفرالله يالله
-مرتضى:(ركزت اكثر وانصدمت من صار ضوا سياره بوجه البنيا وبينت ملامحها ايييي هاي هيااا مو غلطان انييي ........
يتبع.......
------------------------------------------------------
طبعاً كُلش اعتذرر ع التأخير بس والله مريضا وخلصت العُطله مريضا وقبل يومين حَضرت عرس مُصطفى انشالله اكتبلكم الاحداث من نوصل لبارت الخطوبه
احبكمم شباببب ❤️❤️❤️