لاتنسون المتابعه لحسابي +التصويت +التعليق بين الفقرات 🤍
#حُب محكوم بالأعدام
#بنين الزيادي
~~~~~~~~~~~~~~~~~~
شيماء ... تخلي واحد من الشباب يتزوجها
جدو ... هههه بوية خاف شفتيني مره جبرتهم
؏ بنات عمهم عبالج هـسهہ ارجع اجبرهم لا بوية
ماتنعاد هلسالفة وهلتشوفينهم شمحلاهم ڪُل واحد
عد مرة مايبدل اضفرها وهاي هما كدامج ياهو اليرضئ
ياخذها
شيماء ... كلهم يحبون نسوانهم ميخالف خلي صگر
ياخذها مو مرته فصليـة
باوعت لصگر ورجعت كالت
... وهوَ صگر مايرد عمته ويفشلها
باوعت لصگر دنك راسه فتحت ؏ـيـُونـʊ̤ بصدمة
ماردها ولاكال شي معناها موافق انتبهت لـ تيجان
نزلن دموعها بهدوء حسيت روحي طلعت بدون شعور طفرت من مكاني
ـ شنوووووووو شنو عمة سمعتتتتتت صگر ياخذ
بتج و ؏ تيجان هممم بأقصئ احلامجججججج ولله
؏ جثتييييي خاف عبالج تيجان فصلية ومحد الها
ترااااا اني وراهااا وشحدةةةةة وابن امه اليمسهاااااا
قاطعني بابا
... صووووتج وتيننننن مايعلئ ؏ عمتج وكدامنا
ـ بابا انتَ جاي تسمعها شتكول لو لا قابل بهلحجي
مو انتَ نفسك هذاك اليوم تكول لـ تيجان انتِ بنتي
الثالثة اذا صـَدڪہٰ تعتبرها بنتك ماتقبل بهلحجي
ذياب ... وتيننننننن
ـ ها ذياب ها تريد تسكتني ماسكت خوش تيجان
اختي واليمسها يمسني وحتلو صگر وافق انيييي
اوكف وياها واطلكها منه واعوفكمممم كلكم واخذها
واطلع
احجي بدون بعصبية وصوتي يعلئ ماحاسه بنفسي
اعصابي تتلف واني اتخيل صگر ياخذ صفيه الحيه
وتيجان تنذل ڪُل ماتجي هلفكرة ببالي يعلئ صوتي
آڪــثر لحد سحبني ذياب كدامه عاط بوجهي وهوَ
يضربني ؏ خدي بطرف اصابعة
... شبيج يابه شبيج تخبلتي
اباوعلهم مصدومين يباوعولي وحتئ تيجان
مصدومة ماتحملت كمت ابچي واشهك واحجي
ـ تيجان اختي الماجابتها امي الما ارضا ؏ رنين
ما ارضا عليها
ذياب ... وهوَ ياهو الراضي حتئ ما انطيتي مجال
لصگࢪ يحجي
باوعت لصگر وصحت
ـ احجي يله صگࢪ احجي خلنعرف شنو رئيك
صگر ... اول شي اعصابج ماله داعي هچي تنفعلين
تحبين تيجان وحقج بس انا موجود واعرف احجي
واعرف احفظ كرامة مرتي
ـ شتحفظ ما تكلي شتحفظ وانتَ من حجت عمتك
ساكت ماعرفت تكوم تردها ﭑصلاً انتم الزلم ميتأمن
الكم
ذياب ... وتيييييين لغرفتججججج بسرعةةةةة
سحبني من ايدي لدرج ورجع عاط اصعدي صعدت
اول بايتين ورجعت باوعتله وحجيت
ـ هه خاف تقنعك وتاخذها انتم ترا ولله اخذ
ملابسي واطلع واعوفلك البيت والبيه
ماحس اله ضربني ؏ وجهي بكفئ ايدة بقوة
كلها عاط بصوت واحد
... لااااا ذياب
غرغرن ؏ـيـُونـʊ̤ بلدموع بس مانزلتهن عيني بعينه
عيۅنهہ دم لحد ما رجع عاط
... شبيجججج ماتكليلي شبيجججج مو كتلج اصعدددددي
تقدم بابا صار كدامة
... ذياااااب تضرب بنتيييي كداميييييي !!!!
عفتهم وصعدت ركض لغرفتي فتحت الباب وسحبت
جنطة السفر فتحت الكنتور وسحبت ملابسي وسحبت
عبايتي لبستها وشلت جنطني ونزلت ركض اباوعلهم
يصايحون من شافوني سكتوا ..
ـ يله بابا وديني لبيت عمتي ؏ ما تلمون غراضكم
البيت الانضرب بيه ما ابقئ بيه
ذياب ... شنييييييييي شكلتييييي بويةةةةة ماسمعتتتتتتت
ـ سمعت ڪـلش زين
بابا ... يله بوية هـسهہ اوديج وانا هم البيت التنضرب بتي بيه ما ابقئ
جدو ... محمدددد مشكلة بين مره ورجلها
شعليك انتَ
بابا ... يابه مشكلة بين مره ورجلها بغرفتهم مو
يضربها وكدامي هم ماترهم هاي يلااا بويه تعاي
ذياب ... عمي وتين ما تطلع ؏ جثتي
ـ لا اطلع وكدامك هم
تقرب مني يخزر بيه ماتحركت من مكاني عباله
اخاف واتراجع
ذياب ... تعانديني وتين؟
ـ شلون ما تحسبها احسبها ضله الي هنا ماكو
ذياب ... يابةةةة ولكفل زينب ومصاب كربلاء
فلا طلعين منا ، بعد؟
ـ حلفانك عليك واني اطلع بزود ابوي ، بعد؟
حجيت اخر كلمة بنفس النبره الحجاها
ذياب ... وتين تعوذي من الشيطان وصعدي لغرفتج
بابا ... لا ما تـ...
قاطعة جدو
... لا تدخل بينهم
ماحجيت شي سحبت جنطتي وعبرت ذياب
هستوني ﭑريد اطلع من الباب نسحبت من ايدي
باوعتله وعطت
ـ ذياب ما ابقئ لا تحاول
سحبني من ايدي لدرج صعد اول بايه ورجع باوع
لعمتي شيماء وكال
... عمة من الاخير اكللجياها لاتنتظرين واحد منه
يوافق ياخذ بتج كلنا نحب نسوانا وما نبدلهن بحوريات
خلي بتج تشوف قسمتها والله يوفقها
دار وجهه وصعد وسحبني وياه بدون ما ينتظر جواب واني اصيح عوفني بس مايرد فتح الباب ودخلني ودخل وياي باوعلي وكال
... اي ست وتين وين تردين تزعلين لبيت عمتج مو
ـ اي احسن ما ابقئ ويه واحد مسويني مكفخة
ذياب ... ولج ياهو المسويج مكفخة شحال لو طاكج
صـَدڪہٰ ترا طكيتج بطرف ايدي ولان طيحتي حظي
اكلج اصعدي ليشۂ تعانديني
ـ طبعاً اعاند من يوصل الموضوع لخواتي
عاط بصوت جفلني
... ولج يا اخواتجججج انتِ تدررررين جوه شحجيتي
وشسويتيي وشلون عليتي صوتججج وما احترمتيني من كتلج اصعدي لمهجومتج
ـ اي وانتَ اجيتتتت وكحلتها ضربتني كدامهم
ذياب ... تعرفيييين ڪـلش زين هاي مو تصرفاتي
بسسس انتِ طلعتيني من طووووري
ـ اي وهسه شتريد
عاط بصوت رج البيت رج
... وتيييييييين تراااااا لحد الان انااااا مسيطررررر
؏ اعصابيييييييي فـ احترمي نفسج واسكتييييي
ـ تمـام ضل انتَ واعصابك رايحة اني
ذياب ... يابه ولكفل زينب ماطلعتي من الباب
ـ ليشۂ تحلففففف ليششششششش
ذياب ... حتئ اكطع املج بلطلعة من البيت
ـ ذياب اطلع وعيونك تشوف وتحلم ارجعلك
بحركة سريعة دفر الطبلة الوراي برجعله
نصدمت وفزيت اباوعله صار يخوف حرفياً
ذياب ... كتلجججججج ما طلعينننننننننن
وبيج زود اكسري كلمتي وشوفي شيصيررررر
خلينييييي محترمج
خنست ماجاوبته من الخوف كلت هـسهہ مثل
ماطشر الطبلة يطشر ملامح وجهي
اباوعله يتنفس بقوة ويفرك بوجهه سحبت جنطتي
واجيت اطلع رجع عاط
... ها ويننننننن شكلت اناااااا
ـ شبييييك لغرفة البناااات ما طالعة من الصخام
ماجاوبني واني رحت لغرفة البنات قفلت الباب
عليه وكعدت تذكرت شلون ذياب ضربني كدامهم
وفشلني نزلو دموعي وكمت اشهك بلبچي
تقريب بلساعتين ابچي ومحد اچاني اكيد عبالهم
بغرفتي حسيت راسي كام يوجعني من البچي تمددت
؏ چربايـة وغفيت مافزيت اله ؏ صوت غرير
... وتين فدوهہ فتحيلي الباب
كمت فتحته الها دخلت وسدته
ـ ها غرير
غرير ... عزااا ولج هاي شصاير بعيونج
ـ شبيهن
غرير ... حمر ڪـلش ومورمات
ـ هه من الفرح
غرير ... زين ليشۂ باقية هنا
ـ غريرررررر يعني بعد السواه اخوج ترديني ابقئ
وياه بنفس الغرفة
غرير ... ؏ـُمـرʊ̤ من جهه حقج ومن جهه انتِ هم غلطتي ترا
ـ اي ست غرير كليلي شنو غلطتي
غرير ... عليتي صوتج بوجود الاكبار عيب هلشي
وعطتي بوجهه عمتي حتئ لو هي مو زينه بس عيب
وتجاوزتي بلحجي ؏ صگر وعليتي صوتج بوجهه
ـ بعض الامور يمكن صح غلطت بسسس غرير
متعرفين شصاررررر بيه اني ڪـلشي ممكن اتحمل
اله اشوف شخص ينظلم كدامي اتسودن مو انوب تيجان غيررررر احرك البيت ؏ عمتج
غرير ... يمكن انتِ من ازوجتي اخوي انطاج من عصبيته مو؟
ـ قبل لا ﭑ؏ـرف اخوج اني هذا طبعي وهاي اعصابي
غرير ... اممم چَا جنتي غاشتنه برقتج وهسه طلع
وجهج الحقيقي
باوعتلها صفح ضحكت هي وسئلتها
ـ هـسهہ عوفينه كليلي شدراج اني هنا
غرير ... ولج عبالنا انتِ بغرفتج عادي لحد ما نزل
ذياب وصعدت الج دخلت لغرفتكم لكيتها طاكة بيها
عبوة وانتِ ماكو عاد عرفتج اهنا واجيتج
ـ زين هـسهہ بيش ساعة
غرير ... بـ 6المغرب
ـ اكلج زين هـسهہ هما مجمعين كلهم ﭑريد اعتذر منهم
غرير ... لا هـسهہ جاي يصلون شوي وينجمعون
؏ عشاء
ـ تمـام
راحت غرير واني وتوضيت وصليت باوعت لساعة
اكيد هـسهہ جمعوا لبست شالي ونزلت لكيتهم مجمعين
بصالة بس ذياب ما موجود باوعولي ودارو وجوهم
تقربت يم جدو بست راسه واعتذرت منه لان عليت
صوتي بوجوده وعمامي وبيبي ونسوان عمي كلهم اعتذرت منهم لحد ما وصلت لبابا بست ايده وراسه
واعتذرت منه ماجاوبني ولاباوعلي لحد ما كاله جدو
... غلطت واجت تعتذر لا تفشلها
باوعلي وجرني باسني وكال
... الصار ماريدة ينعاد صح انا وكفت وياچ من طكج
ذياب بس مو معناها راضي بلسويتي
ـ اعتذر واوعدك متنعاد
هز راسه برضا واني رحت وكفت يم صگر
المدنك ولا باوعلي حتئ
ـ صگر حقك تزعل عليه واعرف غلطت وانتَ اكبر
مني صدكني جنت فاقدة اعصابي ماعرف شنو احجي
اعرف انتَ كفو منك وتكدر تحفظ كرامة تيجان وترد
عمتي بس من شفتك ساكت اخذت سكوتك موافقة
وفقدت اعصابي من حُـبـʊ̤ لـ تيجان لاتزعل مني اعتبرني اختك وسامحني ..
باوعلي وابتسم
... معذورة بعد اخوج وحتئ لو ماعدي نيه اسامحج
دموع تيجان الظهر وهي تبچي عليج شلون دافعتيلها
وصارتلج مشكلة من وراها يشفعلج
ابتسمتله ورحت لتيجان حظنتها وكلت
ـ صح اعتذرت من الكل بس هااا ترا بعدني عد كلامي
اليمسج يمسني اخيتي الما جابتها امي انتِ
باستني وهي تتشكر مني رحت كعدت وياهم ؏ عشاء
ونضحك ونسولف لحد مادخل ذياب تفاجئ من شافني
كاعدة وياهم باوعولي ورجعو باوعوله يمكن عبالهم
نحلت بيناتنه ..
ام ذياب ... تعال تعشئ يمه
تقرب كعد يمي اول ماكعد كمت من السفرة اني
ـ شبعت الف الحمدلله
باوعتله نظرة خاطفة لكيته يخزر بيه ونظراتهم
علينا عرفوا السالفة بعدها چايده بينه
ماهتميت كمت للمطبخ سويت چاي والبنات نقلن
المواعين
ـ غرير تعالي اخذي چاي لاخوج واني انطي للباقي
غرير ... قصدج ذياب
ـ اي
رادت تحجي اخذت الصينية ورحت قدمتلهم وهي
انطت لذياب باوعلها وكال
... ليشۂ بيه جرب استكاني وحده
غرير ... لا مو شسمه
ذياب ... اخذي ماريدة
اخذته وهي تباوعلي ماهتميت كعدت يم الاكبر
ورنين اسولف واضحك وياهم
لحد ما سمعت صوته وهوَ يحجي بحدة خلت الكل
ينتبه علينا
ذياب ... وتين كومي جيبلي چااااي
ـ اي هـسهہ غرير تحمي الك
باوعت لغرير خزرتني ، عاط
... وتيييييين كتلج انتِ
باوعتله وكمت للمطبخ حميت چاي وانطيتهيا
اول ماكعدت صاح
... شكرررر مر هذا چايچ
كمت جبتله شكر ورجعت كعدت رجع صاح
... صار حلو تعاي غيري
باوعتله عود يريد يستفزني بس ماحجيت شي
كمت غيرته وانطيتهيا ورجعت كعدت اباوعلهم
صار الجو متوتر كلها تباوعلنا لحد ما رجع كال
... برد هذا الچاي روحِـʊ̤ حمي
عاط هنا طك الصبر اجيت اجاوبه بس سبقني
جدو ... شبييييك ولك شو متغيره اطباع ڪـلش
انتَ الجنت ماترضئ واحد من الشباب يأمر البنات
كلساع هـسهہ طيحت حض هلمكرودة ماعاجبك الچاي
كوم انتَ صب وتزقنب بأيدك
اباوعله صار وجهه احمر من العصبية بس جاوب بهدوء
... جدي مرتي هاي
جدو ... انتَ كلتها مرتك مو خدامتك
اباوعله كام اخذ سويچه وطلع ماهتميت
شويه وصعدت فوك لغرفتي اخذت موبايلي وطلعت لغرفت البنات حضرت ملابس دوام الي لميتهن بجنطة الظهر وخليت راسي ونمت فزيت ثاني يوم ؏ منبهه بدلت ونزلت جوه وعرفت من خلال حديثهم انُ ذياب رايح لدوام سكتت محجيت شي ..
وصلني الاكبر لدوام ومشت الايام عادية لحد ما
بيوم رجعت من دوام لكيت ذياب نازل من دوام
ماهتميت وماسلمت عليه حتئ اجذب اذا اكول ما
اشتاقيتله بس شوقي مو اهم من كرامتي ..
حسيت بنظراته عليه واحنا نتغدا لان اني كاعدة يم
غرير بس ماهتميت تعاملت وياه بلتجاهل بعد الغدا
صعدت للغرفة قفلتها ونمت وكعدت المغرب صليت
وكعدت ادرس شويه وانوب نزلت اساعدهم بلعشاء
تجمعنا ؏ عشاء ناكل اضحك واسولف ويه الكل
بس هوَ ما اباوعلة حتئ ورا ماكملنا عشاء كعدت يم
بابا اسولف وياه بخصوص الدوام وذياب كاعد كابلنا
انتبهت لـ الاكبر مشغل اغنية بصوت عالي خلت الكل ينتبه وهوَ يدندن وياها ويباوع لذياب
الاكبر ... غاب الگمر وثريته ،، وكلمن نام ويه مريته
وانا لمكابل عمي بلكن ينطيني بنيته ،، بلكن ينطيني بنيته
اباوعلهم كلهم يباوعون ويبتسمون لذياب
اليباوعلي سويت نفسي ما مهتمه
ليث ... الاكبر اغانيك كلها ؏ جرح شتكول ذياب
باوعلهم ذياب بس مارد ضحك جدو وكال
... بويه اذا ؏ العم منطيها بنيته بس اذا بته معنفصه
شلون
فتحت ؏ـيـُونـʊ̤ بصدمة وهما خربو ضحك
خ
ـ جدووو
يباوعلي ويضحك انتبهت لذياب صافن عليه
ومبتسم بس نظرته جانت تخبل بس درت وجهي عنه
ضليت كاعدة شوي وانوب صعدت للغرفـة تضايقت
من دشداشتي فـ نزعتها وبيدي الفانيله ﭑريد البسها
وانفتح الباب درت وجهي جان يصير كبالي ذياب
ـ عاااااااا شسووووي اطلع
سحبت الدشداشة غطيت جسمي بيها وهوَ مبتسم
دخل وقفل الباب عطت بيه
ـ مو كتلللللك اطلع شسوي جاينيييي انوب يباوع
دير وجهك خلبدل
ذياب ... اعصابج פـبيبي ليشۂ تصيحين
ـ ذياااااااب اطلع بس خنلبس
ذياب ... لبسي ياهو الازمج
ـ ذياب عليك الله دير وجهك
ذياب ... امرنا لله نديره ليشۂ لا
اول مادار وجها لبست الدشداشة ؏ سريع
رجع دار وجهه الي
ـ هـسهہ يله احجي شعندك جاي لغرفتي
ذياب ... اول شي هاي مو غرفتج انتِ عندج غرفة
وحدة بس والي هي غرفتنا انا وياج غيرها ماكو
وشغلة ثاني مو طولتي بكعدتج هنا
ـ ناوية ابقئ هنا لنهاية العمر عندك اعتراض؟
ذياب ... طبعاً عندي
ـ ذياب مارجع لغرفتنا انسئ
ذياب ... ليشۂ
ـ هه ماتعرف ليشۂ مو ، ذياب انتَ ضربتني وهنتني كدام اهلك واهلي مستوعب شسويت
ذياب ... ضربتج بدون سبب ؟ مو انتِ طلعتيني
من طوري وتجاوزتي بلحجي اكلج اصعدي لغرفتج
توكفين بوجهي وتلاسنين شتردين اسويلج ابوس مثلاً
ـ ماكو شي يشفعلك
ذياب ... زين يابه اعتذر وما تنعاد
ـ هه سمعتها من زمان ورجعت عدتها
ذياب ... ماكو مره ضربتج بدون سبب بكل مره
انتِ السبب
ـ اوكِ مدام اني السبب لاتحاجيني عوفني
ذياب ... شلون ما حاجيج وانتِ ࢪويحتـʊ̤
ـ اممم رويحتك وتضربها
دنك لمستواي صار وجهي بوجهه
ذياب ... احبج وتيني
ـ ما ﺂحـٰبڪہ ذيابي
ذياب ... ماتحبيني؟
ـ اي
ذياب ... كد كلمتج
ـ طبعاً
بحركة مفاجئة وسريعة خله ايده ورا راسي
مقربني اله وباسني بوسة رجفت ڪُل ذره بجسمي
ابتعد بعد مده من الزمان وهوَ يباوع بعيوني
... تحبيني ومشتاقتلي ليشۂ تكابرين
ـ ما سامع الشاعر اليكول
" يم الكرامة الحب اشك حلكه "
ذياب ... وانتِ ماقصرتي شكيتي حلكي كافي ولج
ـ عوفني ذياب
ذياب ... يعني راح تبقين معاندة
ـ اي
هز راسه برضا وقبض ؏ ايده قوي يكتم اعصابه
فتح الباب وطلع واني كعدت اتذكر بوسته وكلامه
لو الامر يرجع لكلبي جان منزمان صالحة بس عقلي
رافض اريده يتوب ماتاخذ ايدة ؏ ضرب اذا راضيته
هـسهہ بسرعة يصيࢪ مايهمه يضربني ويكول عادي ترضئ بسرعة بس اذا صعب عليه لا يتوب ..
ثاني يوم بدلت ونزلت لكيتهم يتريكون وهوَ
من ضمنهم صبحت عليهم وكعدت اكل
شويه وكام ذياب وكال
... يله وتين
باوعتله وكلت
ـ شكراً ليث يوصلني
ذياب ... انااا موجود عود من اولي يوصلج
ليث انتظرج بسياره
عافني وطلع ماحجيت شي هم كمت طلعت وراه
صعدت بسيارة وهوَ كالب وجهه
ذياب ... الصار جوه خلينعاد مره ثاني وشوفي
شيصير
ـ ليشۂ هوَ شصار
ذياب ... اسئلي نفسج
ـ سئلتها وتكول ما ادري
ذياب ... استهزئي استهزئي
ـ ممستهزئه ترا
سكت ماجاوبني واني ماحجيت شي بعد درت وجهي اباوع من الجامة لحد ماوصلني نزلت وسديت الباب
بكل قوتي خليفرفح شويـة
داومت طبيعي وبعد دوام هوَ رجعني
بلطريق محجينه شي لبعد الغداء صعدت
لغرفتي احجي ويه كوثر العايشة قصة حب بعد الخطوبه
ـ اي حُـبـʊ̤ شــلونج ليمته عرسج
كوثر ... بلعطله الصيفيه
ـ اوو بعد هواي
كوثر ... اي بعد احسن
ـ هههههه
كوثر ... انتِ شخبارج مافرختي؟
ـ هههههههههه ولج دجاجة اني وافرخ
كوثر ... اقصد حبلتي ؏ كولت العجايز
ـ ههههه لا ماحبلت ولا ﭑريد ﭑصلاً شڪِۅ حابله واني مزاعله الاب
كوثر ... لا صـَدڪہٰ عليمن ولج؟
كعدت احجيلها الصار
كوثر ... شوفي حُـبـʊ̤ هوَ حقج وحقه بس مو
معناها يضربج لا بس انتِ هم لطولين الزعـل ڪـلش
ـ يعني شلون استقبله بلاحضان وهوَ ضاربني
كوثر ... لا ولج بلعكس عاشت ايدج لتخلين زعلج
سهل وبنفس الوقت لتصعبي ڪـلش وازني فـ اذا
اجه راضاج اقبلي خوش؟
ـ اممم عود افكر
كوثر ... تولي صوجي احجي وياج وعايفة ختيبي
ـ ها كوكي ها بعتيني علمود ختيبج ؏ كولتج
كوثر ... هههههه اشاقة وياج ابيعج انتِ وامثالج
علموده هذا ابو العيشة
ـ الله يطيح حظج
سديته منها واني اضحك ؏ سوالفها
مستحيل اتصل بيها وماتغيرلي مزاجي وتضحكني
كعدت ادرس ونمت لليل يله نزلت ذياب جان طالع
كملنا عشاء وتأخر الوقت وهوَ ماكو صعدت للغرفة
بس ضل بالي يمـة ضليت كاعدة بلغرفة انوب نعست
ڪـلش تمددت ؏ چربايـة وافكر بذياب
هستوني ﭑريد اغفه وحسيت الغطئ انرفع
عرفته هوَ من عطره السبقـة ضليت ساكته
لحد مارفع راسي خلاه ؏ ايده وهوَ يدفن وجهه
بركبتي ضليت خانسه بس دكات ڪلبـي فضحني
ذياب ... ريتني انحرم من الهواء ولا انحرم من
هلريحـة يبعد ريحتي
ـ ذيـ..ـاب
رد وهوَ يشمني
... ها يبعد لوعته خلافج
ـ ككـافي
دارني اله صار وجهي بوجهه
... يا طريقة الترضيج واعتذرلج بيها
دمعن ؏ـيـُونـʊ̤ وكلت
ـ احلف بعد متضربني
ذياب ... الله يعاقبني بعافيتي اذا مديت ايدي عليج
مارديت بس اباوع بعيوني
ذياب ... هايهيه بويـة؟
هزيت واسي ووكعن دموعي
... لا تبچين فدوهہ اروحلج دموعج تچوي ڪلبـي
باس ؏ـيـُونـʊ̤ ومسح دموعي وهوَ يحظني لصدره
... تحبيني؟
ـ اي ، وانتَ ؟
ذياب ... حد كطع النفس اضل احبنج
تقربت بسته بشواربه ، ضحك
... بويه انتِ ليشۂ فاهمه الـرومنسية من **** الناس تبوس بلحلك بلخد انتِ تبوسيني بلشوارب ليشۂ
ـ مدريني شو كزكزت عليهن
ضحك وباسني
ـ اكلك الچربايـة ضيكة ماتكوم تروح لغرفتك واني
اليوم انام هنا وباچر الحكك
ذياب ... لا رحم الله والديج تكفي وزايدة ﭑصلاً
ـ اي تكفي عليه لان هي مال نفر مو اني وياك
انوب شوف روحك ماخذ الچرباية فلاحه ملاچـة
ذياب ... تخلينه نايمين بأمان الله يا اكوم ٱسـوي بيج
سويلفات حابهن انا
فهمت قصده
ـ لا لا رحم الله والديك نام ﭑصلاً شبيها چرباية تخبل
ضحك ونمنا الليلة بسلام وسعادة تامه
مر كم يوم وبيوم كاعدين كلنا بلصالة دخلو
تيجان وصگر مبتسمين
صگر ... عدنا خبر الكم حلو
ابو ذياب ... اي يالله بشر يابه شنو الخبر
صگر ... الخبر هوَ .....
قاطعة دخول الاكبر يركص ويهوس و وراه رنين
تضحك ، ضلينا صافنين شبيهم هذوله لحد ماصاح
الاكبر ... هلهلن هلهلن انا حامل
ضلينا صافنين شديكول هذا
ذياب ... شنو ولك حامل منين؟
ضرب كصته وصاح
... خرب حظي اقصد رنين حامل كللليليش
متنا ضحك انوب رنين الفطيره خربانه ضحك
هلهن نسوان عمي وامي كامت حظنت رنين
ليث ... اي פـبيبي كبوري بيا شهر انتَ
الاكبر ... ولك غلطت شنيه هيه
جدو ... بيها الخير يابه، اي بويه صگر شنو سالفتك
صگر ... هههه جدو سالفتي هيه مرتي حامل هم
جدو ... اللهم صلِ ؏ محمد وال بيت محمد
الاكبر ... شنييييي مرتك حامل لا اكيد هي غارت
من مرتي نزلو الفرخ البطنها بسرعة هيه شنيه كلشي غيره
صگر ... دنجب علساس مرتك اول مره تحمل
الاكبر ... انا اعلمكم هاي كدام الكل اذا طلع فرخكم
احلئ من فرخنا نتبادل چَا شني فوك ما غرتوا منه
انوب تجيبون احلئ منه
هلكنا ضحك ؏ الاكبر وبعدين كمت بوست البنات
وباركتلهن وشباب هم باركتلهم
بيبي ... يله ان شاء الله يوم لـ ذياب وغياث
ابتسمنا بوجهه ومࢪ شهر سمعنا بصفاء تزوجت
ماعزمتنا عمتي ﭑبـد ومحد راح بعدها بفترا اجتنا
وكعت ؏ جدو وبيبي تعتذر منهم رزولها وخلوها تبجي يله سامحوها
وبيوم بليل نايمين وندكت الباب بصوره تخوف
خلتنا نطفر من مكانا
مثل المخبلين يادوب لحكت البس صايتي والحك
ذياب
فتحنا الباب صار بوجهنا ليث وجهه احمر
ـ شڪِۅ شبيك
ليث ... غرير غرير تطلك وكلشي ماعرف
فدوهہ صيحو لامي لامها لاي واحد راح تموت
ذياب ... اهدئ اهدئ
عفتهم وركضتلها لكيتها الوجهه احمر وتبجي
ـ شبيج شبيج
غرير ... راح اموتتتت وتين الحكينييييي
ثواني ودخلن بيبي ونسوان عمامي
اني كلشي ماعرف بس ابچي ؏ بچيها
بيبي ... كوموا خلناخذها للمستشفئ
ام ذياب ... اي اي بس وين جنطتها
غرير ... هناااا بلكنتورررر اخخخخخ يمه
نزلناها كوه وانطيتهم جنطتها اخذوها وطلعو
ردت آروحـح وياهم بس ماكفت السيارة ضليت
بلبيت اطلك من الخوف
رنين ... وتين بطلت اني ماريد طفل اخاف اجيب
وتين ... اسكتي ولج شهلحجي هـسهہ شويه
وتجيب وتصير زينه
اباوع لـ رنين وتيجان وهاجر الي طلعت حامل
صارلها شهر وجهن صار اصفر حقهن يخافن لان
يمكن ممتوقعات هيج يصير بلطلوك ولا اني متوقعة
ڪُل شوي نتصل بيهن للفجر كاعدين كلنا بصالة
اتصل موبايل صگر وابتسم وجهه سده وكال
... جابت ام علي الدُر
فرحنا ڪـلش وهاجر هلهلت من الفرحة
ركضت فوك صليت ركعتين شكر لوجهه الله
للصبح يله اجت غرير وجهه شاحب بس مبتسمة
وبيبي شايله الطفل تمددت غرير بفراشها الفرشناه
الها بـ غرفة بيبي بعد ما سلمنا عليها التمينا عل طفل
ـ الله بيبي هذا عنون
بيبي ... اي يمه بعده صغير
الاكبر ... هذا نسخه من ليث
بيبي ... ليشۂ تجذب ﭑصلاً الطفل بعدها ملامحه
ممبينه ولا تثبت لحد مايطلع من الاربعين
الاكبر ... هـسهہ جده شبيج ليشۂ تفشليني
ضحكت وكتلها
ـ بيبي عادي اشيله
بيبي ... اي يمه عادي بس خلي ايدج وراه راسه
شلته من بيبي واني متوتره تقرب ذياب وكف
بصفي يباوع وياي مبتسم
ـ الله ذياب باع شون مبرطم يروحييي
همس
... شتكولين نخلف واحد مثله
باوعتله مبتسمه وهزيت راسي برضا
مرت الايام والبيت كله طاير بلعنون الاسمة
"علي الدُر "
مدللينه دلال ميوكع من ادينا
مرت الاشهر لحد ما اجه موعد عرس كوثر
رحتلها من يوم الحنه وجانت طالعة تخبل لحد
يوم العرس هم جانت تجنننن
واني وياها بكل خطوة لحد ماصعدتها بسيارة الزفـة وصعدت بصدر لان السايق ذياب الطريق كله يهوس ولازم ايدي يركص بيها
ذياب ... واليوم يومك يا بطل واللعب ؏ جرباية
اركان ... ولك هههههههههههههههههههههههه
ذياب ... و ركوني رايد راته وعايف بنات ولايته
اني بس اضحك لحد ما صاح ذياب
... ولج وتين ولج طلعيلي هوسه راحن كلهن من بالي
ـ تدلل ، هوَ الشافها وهو انعجب بيها هوَ الكال لامه
روحِـʊ̤ خطبيها
اركان ... ههههههههههههههه بعد اخوج هاي ؏ عله
اباوع لجماعتهم سدو الشارع ڪُل شوي ينزلون
يركصون بنص الشارع ويهوسون بلسلاح بس محد
يضرب والعرفته ذياب واركان موصيهم ..
عاد اني اخذني الواهس
ـ عمامه هواي والشارع يسدوانه هَــْـِْـْْـِلاّ هَــْـِْـْْـِلاّ
ذياب يباوعلي ويضحك بس من يعلئ صوتي
يخزرني وكوثر خنست ڪـلش مالها صوت
خلصنا الطريق كله نهوس ونضحك
لحد ماوصلناهم للفندق ورجعنا للبيت بلطريق
حسيت نفسي تخربطت نفسي كامت تلعب ..
وكف بطريق ذياب ونزلت غسلت ورجعت صعدت
وشوي هم رجعت نفسي تلعب ڪـلش
ـ ذياب روحِـʊ̤ طلعت ومجاي اتقيئ
ذياب ... شبيج بويـه بس فهميني شبيج
ـ ماعرف روحي احسها تريد تطلع
بسرعة غير الطريق واخذني للمستشفئ
حولونا تحليل دم حللت وكعدنا ننتظر جابلي
ذياب عصير وماي بارد صرت احسن شويه
لحد ما صاحو بأسمي راح ذياب يستلمه
ورجع بس شنو وجهه مو طبيعي
ـ شڪِۅ شبيك ذياب
ذياب ... هاي دكول عود انتِ حامل صـَدڪہٰ
ـ شنييي؟
ذياب ... حامل
ـ يعععع منين
ذياب ... طاح حظج ولج يعني منين مني
ـ شلون يعني
ذياب ... وتين حامل تعرفين شنو يعني حامل
يعني راح يجي فريخ مثل فريخ ليث
ـ يححح ولله
اباوعله تخربط وضعه دمعن عيۅنهہ
وما يردد بلسانه غير
... الف الحمدلله اللهي لك الحمد حتى ترضئ
فرحت ڪـلش والزادني فرح ردت فعله
رجعنا للبيت وهوَ الطريق كله ساكت بس مبتسم
ويبوس بأيدي
وصلنا للبيت لكيناهم هستوهم راجعين من العرس
سئلونه ليشۂ تأخرتو
ذياب ... يمه راح اصير ابو
اباوعلهم الابتسامة نزرعت ؏ وجوهم
اليكوم يبارك واليجي يبوسني ويحظني
واليصلي ؏ نبي فرحتهم زادتني فرحة ..
صعدنا لغرفتنا والفرحة تارسه وجهنا اخذت
ملابسي ودخلت للحمام سبحت طلعت لكيت
ذياب كاعد يصلي انتظرته يخلص ومن كمل اجه
حظني سئلته
ـ شنو ماصليت المغرب؟
ذياب ... لا بس جنت اصلي شكر لرب العالمين
ـ هيج فرحان
ذياب ... بزره ومنج شلون مافرح بيها
ـ هنيالي بيك
مرت الاشهر وولدن البنات
رنين جابت بنوته وسماها بابا رهف
وتيجان جابت ولد سماه ابوه قحطان
وهاجر جابت بنيه هم سمتها رُسـل
شكد فرحت بوقتها من سموهم هيج ﭑسما۶
حتئ ماينسون اسماء المرحومين من البيت
وحتلو ماكلنا اسمائهم هما غصا بكلبنا
واني دخلت شهر الـ تاسع طلع بيه ولد
وذياب شايلني بلصلوات خايف عليه ڪـلش
بليلة من ليالي حسيت بألم مو طبيعي ﭑبـد
وذياب بدوام ماعرفت شسوي ضليت ابجي
رفعت موبايلي واتصلت ؏ امي رن ورن يله ردت
ـ يمه الحكيني راح اموت
سدته بسرعة وثواني وانفتح باب الغرفة عليه
دخلو امي وابوي كومتني امي وساعدتني اغير
ملابسي والالم احسه ينهش بروحي
حضرت امي جنطتي وكالت لبابا يروح يكعد بيبي
ونسوان عمي لان هي خطية توترت ڪـلش من شافت
وضعي اني ابچي واصيح ذياب وين عفتني
اخذوني للمستشفئ وبعد مرور ساعات من الطلوك
والالم والبچي ولدت ابني وفقدت لحد ماحسيت
ايد تمسح ؏ راسي فتحت ؏ـيـُونـʊ̤ لكيته ذياب
نزلو دموعي
ـ وين عفتني
ذياب ... عمت عيني عليج يعزيزت ڪلبـي
توجعتي وتأملتي وانا مو يمچ
الاكبر ... ليشۂ اذا يمها تطلك وياها مثلاً
باوعت نصهم موجودين بلغرفة
ابتسمت ؏ الاكبر
ـ وين ابني
ماما ... هـسهہ يجيبو פَـبيبتـʊ̤
شويه وجابته الممرضة حسيت فز ڪلبـي
من شافه شعور مختلف من تشوف قطعة منك
شالته امي انطته لذياب
شاله وهوَ يرجف وامي تعلمه شلون يلزمه
باسه براسه وكبر بأذنه وكال اسميتك " ضيغم "
باوعتله مبتسمه
انطانيه بسته وشميت ريحته اباوع لملامحة وحجمه ناعم ڪـلش
بعدين انطو لبيبي والباقي شافو وباسو
وكالو لازم ترضعي طلعو الموجودين من الشباب
بقئ بس ذياب انوم اني استحي ارضعه كدامه
بس مابينت رضعته وذياب يباوعلي مبتسم
بملابس الدوام جاي مبين
شويه وطلعوني للبيت وهم كامو بيه فرحانين
وهيج وكل شوي يجن نسوان يسلمن كرايب
ويرجعلي ضيغومي كماطة متروس فلوس
حتئ من يجون جماعت ذياب لديوان يطلعه الهم
مر 10 ايام وصعدت لغرفتي وابني يمي
تعلمت شلون اكمطة واداريه والشي الماعرفلـة
يعلمني عليه بيبي وامي ونسوان عمي ..
او عماتي من يجن عمتي شيماء وصفاء
بعدهن نفس نظرات الحقد بعيونهن بس احسن
من قبل والعرفته صفاء زين زوجها ..
مرت سنة كامله
واني تخرجت من الكليـة الحمدلله
وابني صار عمره سنه فد وكع ويتعارك
وين ولد عمه وابوه مكيف بيه وشحدني احاجيه
البنات الحمدلله مرتاحات ويه ازواجهن واطفالهن
وكلنا باقين تحت سقف واحد البيت الكله محبه
وحنيه كلب ؏ كلب ادعي رَبّــيٌ يديم المحبه بينه
ويطول اعماࢪ اهلنا ..
كوثر الدائماً تجيني او اروحلها صار عدها ولد
اسمه كاظم وملاك صارت عدها بنيه أسـَمها غسق
والحمدلله كلنا مرتاحين رغم المشاكل العابره الي تصير
بس نتخطاها سوه ..
بيوم تجمعنا اني والبنات بلغرفة بعد ما نمينا جهالنا
نسولف ونضحك ونشاقة
غرير ... بنات ڪُل وحده منجن تحجيلنا فد موقف
بينها وبين زوجها اثر بيها او كلمه تحبها منه
رنين ... اي يلا
غرير ... نبلش بمرت الچبير وتين
ـ كلمه آحــبهـآ منه ودائماً يكولها الي سباحت ڪلبـي
اموت عليها واحب حنيته عليه حتئ بوقته زعله مني
أפـب من يقرف يشرب ورا واحد بس اني يشرب وياي
بنفس الكوب واكثر موقف طابع ببالي ولليوم اشكره
عليه من علمني التزم بصلاتي وقنعني بلعباية
تيجان ... فدوهہ شكد حلوين الله يحفظكم
ـ ؏ـُمـرʊ̤
غرير ... ام الحلوين هـسهہ انتِ سولفيلنا
تيجان ... كلمه أפـب اسمعها منه مو يكول ترفتي وموقف من تنازل علمود زعلي وخلاني اتواصل ويه
اهلي رغم انا فصليـة
ـ ياروحِـʊ̤ لتكولين هيج انتِ اختنه
تيجان ... פَـبيبتـʊ̤
هاجر ... رَبّــيٌ يحفظكم يروحي
تيجان ... ويحفظج يعمري
غرير ... احم هـسهہ اجه دوري مو موقف هوَ بس
أפـب ليث من يبوسني بباطن ايدي ويشمها احبه
من يباوع بعيوني أפـب ليلة عرسي واعترفنا لبعض
بلحب اعترفنا لبعض بلحلال ..
ـ انتم وحدكم قصة ثانيٰۿ تنكرطون
غرير ... ؏ـُمـرʊ̤ ، هـسهہ دور هجو
هاجر ... هههههه ولچن انا أפـب الموقف من چان
هستوه يحظني وجفتت علينا وتين بأيام الخطوبة
ـ اسكتي لا ذكريني يبو بوقتها شكد استحيت
هاجر ... ولج غياث ڪُل مايذكرها يخرب ضحك
غرير ... احم وهسه دور رنينوه
رنين ... المشكلة احنا ماكو موقف حلو ڪُل مواقفي
الاكبر يصيحلي ابو شباب لو سليتت ڪلبـي
واذا ڪـلش صار رومنسي يبوسني بخدي بوسة من
هاي الينشفط الخد بيها
حجت هيج رنين واحنا وكعنا بلكاع من ضحك
شون تحجي بضوجة من تكول يشفط خديييي
كمت من يم البنات لغرفتي لكيت ذياب متمدد ؏ چربايـة رحت يمه فتحلي حظنه نمت ؏ صدره
وسئلته
ـ ذيابي
... ها פـبيبي
ـ شعنيلك؟
ذياب ... انتِ دوه لجروحي .. وجبر لكسري وضوء لعيـُونـي وهدب عيني "
ـ بس؟
ذياب ... سنين العمر انتِ
ـ وانتَ عوض ربي وهدية الخالق للمخلوق
~~~~~~~~~~~~~~~~~~
اليوم ماكو يتبع لهنا ونختم رواية حب محكوم بلأعدام
اول رواية الي صح هي مو حقيقة
لكن واقعية حبيت اوصل من خلالها انُ تعوضيات الله دائماً مُذهلة مرات رب العالمين ياخذ منه شي نحبه حتئ ينطينه الاحلئ ♥️
رغم ﭑ؏ـرف الرواية بيها اخطاء بس ما راح اصححها
حتئ اتعلم منها وبلرواية الجايه مااكرر اخطائي
ان شاء الله كنت كاتبة خفيفة لطيفه عليكم
وشكراً لان تحملتوني وانتظرتو البارت
وشكراً لكل شخص دعمني" ببدايتي فقط "
واكـــون ممنونه اذا ترجعون تصوتون ؏ بارتات
الما مصوتين عليهن 💓
اتمنئ تضيفون حسابي الواتباد buuny_1
وحسابي الانستا هذا 👆 الي يحبني يضيفني
علمود يبقئ يتواصل وياي وراح انشر اسك بلانستا
اكتبولي بيه رئيكم بلسرد والاحدث وكلشي ♥️
التقيكم في رواية جديدة |احبكم ♥️
2023/2/19
#حب محكوم بلأعدام
# بنين الزيادي