حرب ما بين قلبين

بارت ٢٨

حًربً مًآ بًيَنِ قُلَــبًيَنِ
بارت٢٨
بًقُلَمً
βÃŤỖỖĹ

محتار بـ اـحلامــي البقن؟
شـو ما رضــن يتحققــن ؟
مثل الــ يــشوف ابنه البچــر كبــࢪان بس مايــمشي
ماعندي كلشـــي بيــا بخـــت  يردوني ارضــه بــ كلشي...
________♡
لبست شال وعبايتي وكل هذا واجذب عقلي اكول يمكن يشااقة ويااي ماا يسويها صدك

يحبني ولله
رغم كلشي صاار بينه وكل مره هاي الفترة يحبني ولله امس هو كاال
اتذكر حجايته من يكول
انلف بجفن يلا اعوفنج
اتذكر خوفه عليه ورجفته
طلعت من الغرقة
.
.

طلعت شفتهم كاعدين بالصاله ما التفتت لـ حسين وصار كبال عيني عـلي
باوعلي وحجه بحسـره
علي.اذ كملتي نروح
هزيت راسي بـ اي وطلعت مثل وحده مبنجه ما احس بـ اي شي داير ما دايري ضباب ومغوش
بس الشي الوحيده الحاسه بي هو وجع بنص گلبي
عااصر گلبي عصـر
ماا جاي افسره شنـو بس ايقنت هو ما جاي من الالم جسدي
لا هذا وجع الروح من تنذبح
من عـزيز وغالي عليها

طلعت كدامه سيارته موكفها بره تقدم كـدامي بخطوات وفتح باب السيارة الي

التفتت علـي حجيت والحجاية تتعثر بـ بـلعومي
بتول. علـي هو عود صدك كالك تعال اخذني
دار وجهه مني وكال
علي.صعدي بتول
صعدت بسيارته
وكعدت صافنه على باب البيت منتظرته يطلع يضحك ويكلي جذب مقلب اشاقة اي شي
بس كل خيالااتي تبخرت والسيارة تحركـت

ومشت مساافة تقريب الـ نص ساعة
فــز گلبي فـزت موت من اتذكرت متيم
درت على علي بسرعة
بتول.متيم وووين
هـز راسه وما باوعلي فرك وجهه بجف ايده حيل رجعت صحت بي
اابني ووين ليش عفته
علي.ماارضه اابوه ماارضه اخذه شسووي
بتول.علي فدووه ابني
علي.ولج ودين محمد ماارضه مابيدي شي ااجيت من النجف على عمه عيووني
مادري شنو السالفة شنوو الموصلكم لهااي الحالة
هوو متخبل ويصيح تعاال اخذهاا
وانتي طلعتي من بيتج كووه

بتول. اريد ابني فدوه بداعت خالتي
وكف السيارة وباوعلي
علي.اجيبه الج ولله بس خلي افتهم منج
بتول،ماا مسويه شي ولله
علي. ميخاالف هسه انتي لا تبجين نووصل وافتهم السالفة ونلكه حل

غمضت عيووني
ورجعت راسي على الجامه دموعي تنزل بـ ضعف قوة وحيلـة
ماادري شسوي
مادري شنو السالفة اصلا
حتى افتهم شنو اتصرف
متت من التعـب والحـركة اكلت گلبي اكل
وصلنه  بـ٩بليل
تلكتنه خالتي من باب البيت وكفه على عصتهاا
ومبتسمه
من شفت جن شفت امي ذبيت روحي عليهاا وبجيت بصوت عاالي
ما حجت شي بس تمسح عالشعري
حتى ما سئلتني
ام علي.عمت عينهاا يمه عمت عينهاا اي ولله لهلـدنيه وناسها الغبره التبجي عيونج دشي لبيتج يبعد خالتج وطوايفهاا
دخلت وياهاا مجلبه بيهاا وعبالك راح اطير منـي

كعدتني  بـصاله خلت راسي على رجلها وهيه تمسح على راسي ودموعي مستمره تنزل

وين يلا انتبهت ولدهاا كلهم كاعدين بصاله بهذيج حالتي ماا ميزت واحد منهم بس من فكيت عيوني استوعبت الصمت والهدؤء الصاير بصاله بدخلتي

وكلها تبااوعلي مستغربه وبيها نظرات شفقه
حتى لماعرف سالفتي شنو انكسر خاطـره عليه

جريت نفس بـ صعوبة
وهمه بدو يسلمون

وراها بسرعة التفتو على علي المخلي راسه بين ادينه ويباوعلي

احمد،علاوي شنو السالفة يمعود شجااب البت وكاتله روحهاا من البجي شنو صار وياكم

هز راسه وصفك ادينه سوه
علي،ما ادري احمد خابرني ياابه تعال اخذ بت خالتك بويه شنو السالفة ما حجـه شي
ولا كال شي

التفت الي عمــر وحجه
عمر، بيج حيل بتول تحجين
ام علي،عوفوها تعبانه هساعة
رفعت راسي من حضنهاا
عمر.خل تحجـي يمه حتى اذ الهاا حـگ ماايبات للصبح ومحـمد

احمد.كعدي ام متيم فهمينه السالفة شنوو شبي حسين وياج

بلعت ريك اريد احجي واجت الغصه
شهكت ورجعت بجيت
ولله انه ماامسوويه شي احبه ولله مااسويت اي شي
واثق،كاافي بجي خلي نفتهم السالفة اذ الج حگ بيهاا تاخذينه من عيونه
بس كليلي سالفه من البــداية

بتول.ماادري
واثق.شنو ماتدرين
بتول.ولله ماكو مشكلة
عمر.ماااكو هيج شي من الباب للحاايط تعالو اخذ البت شنو طابگ بعقله خيط
علي.تذكري بتول شغلة منا منا
نقااش مشكلة صغيره لان الماخذته ااعرفه ورابي ويااه مو صااحب هاي الدروب اابد

ام علي.احجي يمه شنو بينكم
بتول.خاله ولله مابينه شي
ام علي.زين تكدرين تحجين من رجعتكم من الزيارة شنو وضعكم
هزيت راسي بـ ايي وبديت احجـي وهمه يسمعون
كلهم ولا واحد حجه
لحـد اخـر عركة بينه
جنت احجي عادي والامر طبيعي يمي لان انه متقلمه على هذا الشي مهما نتعارك لو نتزاعل تالينه واحد للثـاني

عكس الانسان اليشوف هذا الشي اول مره او يسمع بي يستغرب حيل
صافنين بوجهي وعبالك يكلولي كل هاي المشاكل وتكولين ما صاير شي
وفعلا انه عندي هاي لا شي
علي.انتي تحجين صدك
بتول. اي ولله مااجذب

عمر.ترا اكو شي مفقود يعني حلقه نااقصة
لازم اكو شي وراه خرابه عليج
احمد.عمر تتوقع مرت عمك وراه هاي السالفة

علي.لاا احمد شجابها بالنص هاي
احمد.هيه تكلك ماا مطلكهاا يعني وراد هيه السبب وراه هااي المشااكل كلهاا واله هوو مخبل حتى هيج فرد مره يتغير

علي.يمه اخذيهاا يمج خلـ ترتاح والصباح ربااح
ام علي.كومي يمه كومي الج ربج ماا ينسااج
بتول.ااريد متيم
واثق.كولي يالله وان شاء لله نجيبه الج روحي هسه ارتاحي وكفي دموعج

اخذتني خالتي لغرفتها دخلت بيهاا سحبت من راسي الشال وهيه تفل بشعري على كيفهاا

ام علي. اجيبلج شي تاكلينه يمه لو تنامين
بتول.لا خاله ماريد شي
تمددت على الجرباية غطتني وتمسح عالراسي
تقره زيارة عاشوراء

غمضت عيوني محاولة فاشلة حتى اهدي گلبي وروحي من الوجع والالم العاصرهن عصر

واريح عيوني من الدمع المارضي يسكن بيهن

اسمع اصوات لولد لان الغرفة قريبه الصاله كلش
حجيهم على حسين واحسهم ماا مصدكين الحجيته
وانه عاذرتهم
لان همه معاشرينه واصدقائه حيل
يستغربون احجي الهم عن تصرفاته الاخيره
ولو هو حتى انه مستغربه وضعنه
شنو الوصلنه لـهاي المـرحلة

مو جنه عايشين احلى عيشه
شنو الصار
تمر على بالي لقطات
امس انه اتوسل بي علمود اشبكه لان عطره طاخ بخشمي فترة وحامي
وهو شارد مني بصاله

فترة كرهي للاكل ودلاله الـي واهتمامه

والوراها احتفلنه بعيد ميلاده سوه
الفرحة الجنت احس بيها ماا تنوصف

وراها اتذكر سهرنه وطلعاتنه بليل
بيوم استراحته

اتذكر وراه فترة ولادتي رغم المشاكل بس تالي تصالحنه ورجعنه واحد للثاني

ليش هاي المره احس انكطع خط الوصل بينه مابينه اي رجعه

مرن يومين هنا رغم الــهدوء ولولد فد حبابين هم بس علاوي واحمد لكاعدين ويانه بالبيت
والباقي كل واحد بيت بحده
ومرة احمد صادفت مسافره وي اهلها
وعلى رغم  هاي الراحة النفسية بالنسبة لـ اي انسان
جانت اصعب فترة اعيشها بعمري

رغم تعاملهم ولطافتهم وياي احس روحي غريبه بينهم وفعلا انه غريبه لان متعوده المكان الما بي شي يخص حسين احس روحي
انه مالي اي قيمه بي
وهذا اكبر غلط
بهاي الفترة نسيت روحي
ونسيت انه انسان الله خلقني وفرقني عن حسين بهواي شغلات
ليش ربطت كلشي بحياتي وياه
بحيث صرت المكان الما بي حسين لازم مابي بتول
كرهت نفسي على حالة الضعف الجاي اعيشهاا

احساس بشع ومقرف مرافكني بهاي اليومين
واليكمل الوجع اكثرر

متيم
الكل ماا اتذكره احس روحي مابينها وبين الموت شعرايه بس

والاكثر منه هذا كله واكثر غلط متندمه علي
بـ اصعب حالاتي ما رجعت لـ ربي
ما فرشت مصلايتي ودعيت اله وشكيت همي
اكتفيت بدموعي التنزل بسهولة ورخص بس

وانه هسه وبهذا وضعي متأكده ميه بالميه
لو فارشه مصلايتي بفرد ليلة من هذيج ليالي المرت عليه

وداعيه ربي يعيني على هاي المشكلة ومتوجهه اله بگلب صادق

جانت تغير مصيري وانقلب حالي الى احسن حال
بس للأسف كلش هملت جانبي الروحي والديني وعلاقتي بـ رب العالــمين
بهذيج الفترة لهيج اكول استاهل الوصلت اله

ثالث يوم العصر جانت خالتي بـ بيت عمر وبس انه وعلـي
العصر اجه سجاد طاار گلبي من سمعت صوته

عباالي جايب وي متيم
بس حابت امالي من شفت علي دخله للاستقبال البره بحده
جاي انطيت علي  العصير والماي
وكفت يم الباب اسمع عليهم وگلبي دكاته من تنعد
ومن يجيبون طاري حسين لو متيم يخفك خفگ
علي،سجاد البنية ماترجع وابنها اجيبه اجيبه وكله هذاا الحجــي

اذ كبل ما عدهه ظهر تذب روحها علي
هسه بدل لواحد اربعة
ودين محمد اليفكر يدوس الهاا على طرف امحي ولله

سجاد،شنهي السالفة علاوي
شنهي مااتعرف حسين
حتى تحجي هيج
شحاال لو ماارابين انته ويااه وكتلك مره ورجال تصير بينهم خلافات

علـي.ابو الحسن انته تفتهـم سالفة لوو لا اكلك الـرجال مخابرني يكلي ااشك بيهاا
ماا آمـن اخليهاا بحدهاا بالبيت
تدري شكبرهاا هاي الحجـااية لو لاا

سجاد.ابو حسين كوول يالله
علي.الف من ذكر يالله
بس السالفه منتهيه وان شاء لله ليوم واصله تبليغ هو
سجاد. شنهي هااي السالفة جديد ياا تبليغ
علي.مو ماايريد البت وانه ما جايز منهاا ولا مستثگل لكمتهاا هيه وابنها يجون هناا ولو اعرف ابيع هدومي لـ علية واصرف عليهم هم اسويهاا
سجاد.بويه انته تحجي صدك علي ترا هذاا حسين
علي.هوو المربط اديه هذاا حسين صااحبي المرافگه واعرفه حگ المعرفه لو غيره الي حجي ويااه يختلف كلش
سجاد.اكسر الشر ابو حسين والبت ترجع ويااي لرجلهاا
علي.تعذرني ابو الحســن
 سجاد.علي انته مااتدري  شسوه حتى تزوجهااا وجابهاا لـ يمه

علي.وشنهو الفايده حااجيني لوو بااجي دم عليها گبل
وهسه تعامله اختلف شنو فايده السواه گبل
سجاد.شنهي اليرضيهاا ويرضيك انه خاادم وعلي

علي.يجيني ياابه لا يجيني خااف تصير زحمه علي
يخاابر  يكوول يابه انه غلطان تراا ظلمتهاا للبـت ترجع وغصبا على اكبر شاارب بس سالفة انته جااي وتريد تردها لبيتها وعبالك هيه الطالعه منه وبرضاتهاا هاي ما لا صايره ولا دايره ااابد

سجاد.الزلمه بالمستشفى وحـگ من نزل القران عالصدر نبيه
من الباارحة وجيتك مﭢـأمل مااتردني

علي،بوين حـاااجيني بصريح العبارة البت هيه  الجايه النه
سجاد،لا...
علي.صاحبك هو دك وكال تعال اخذ بتكم وجنهاا مسويتلها مكسوره
والحجي مو وياك ابو الحسن انته على راسي ويشهد لله اعزك واحترامك بس السالفة من توصل لـ يم اهل بيتي مايعود بيها مجال

سجاد.زين بوويه مشكور وماقصرت من رخصتك صيحها خلي افتهم منهاا ابنها شني وضعه
علي.راد الهاا ابنها وين يروح
سجاد.ياابه صيحها ابو حسين مشـي عليك دين محمد وراي رده للبصره

هدا الاصوات وانه بعدني واكفه بمكاني واتكرضم بـ اظافري وكلبي معصور دموعي تنزل
وكلهاا ملتمه علـي
وحجاية علي دك بـ راسي ما يأمن بيه
يخليني بحدي بالبيت

طلع هو شافني كاعده ومكنفصه قريبة الباب
نزل ركبه ونص وحجه

علي،كومي وياي ولتردينه يجرالج ودينج
حجيت وشكو جزء بجسمي ما سلم من رجفتي

بتول.اريد ابني علي
علي.اجيبه ولله  من عيوني بس كومي على حيلج شوفي ابو الحسن شنهو حجيه وياج
هزيت راسي وكمت وياه
دخلت سلمت و
كعدت بصف علي فاصله بيني وبينه خشب تركيب القنفات
 

علي. حضرت يمك اسئلها خو انه ساد حلگي
سجااد،يابه ابو حسين يكول ما هاويه الرده لبيتج
هزيت ىاسي بالموافقه
غمض عيونه ومسح على لحيته و رجع حجه
سجاد. بالقران خااطرج ينكسر علـ حالتهم ابنج متبهذل من جهة  ورجلــج من جهة ثانية
بتول،اانه ماريد ارجع ابو الحسن اريد بس متيم لله عليك كله خلي ينطينه ولله بعد فلا ارجع اله ولا اخلي يشوفني بس ابني اريده

سجاد. ابنج الج بويه وين يروح مرده الج بس حاجيني بـحسين
بتول.مايريدني ولله

عللي،سئلتها كدامك
هـز راسه ورجع يبااوعلي
سجاد،صار و هساع شنو وضعكم  انتي وحسين شني بالج

عصرت اصابعي  سـوه مدنكـه راسي وحجيت

بتول، كله يطلكني
فـك عينه مستغرب وهو يجر بشعره لورا ابتسم وجنه ماا مصدك الحجيته

سجاد،بعدج يابه زغيره كولي غيرهاا وينج وين الطلاگ
درت عيوني لـ عـلي استنجد بي احس الحجاية وكفت غصه بلعومي

علي،هاي هيه ابو الحسن البت كدامك حجتها

حجاية و وصلها اله  تريد تطلك

سجاد،شبيك يمعود كول يالله الـيت زغيره تكلي تطلك

علي،تطلك زغيره ولا تعيش عمر وهيه مذلوله والرجال محتقرهاا

وكف على حيله وصااح
اول مره اشوف سجاد عصبي
سجاد،شبيكم مااتفتهموون اكلكم رجال مريض ولله مطيح حظه
تكلولي طلاگ واكلكم اابنه تكلي ااخذه
علي موو تصيح وتزامط هذاا اخووي
واخوي
من صاارت صدك وين خوتك
وانتي ام متيم ياابه
لا تنسين زيناته وياج مو من اول غلطه تبيعينه ترا العشره اله حووبها
وحوبتهاا تعور
وماا يحتاج اكلج منهو حسين وشلوون دارج وخلاج بعينه

علي ،شنهوو يضمن الي اذ رجعت ماا تنعد الكره ويااها
سجاد.ذيج الساعة بيدي انه اجيبهاا هيه وابنهاا
ندار الي علي وانه صافنه علـي
اجذب اذ اكول بداخلي ماا متمنيه ارجع
كلبي طاگ على متـيم
وعلى شوفت المحـبوب المطيح حظي ومخليني اهبد على وجهـي

علي.هاا ام متيم شتكولين
بتول.اخااف ارجع
علي.عليش الخوف
بتول.مادري
هـز راسه محتاار صفك جفين ادينه وسجاد بعده واكف يباوعلنه
تالي كال
سجاد.بويه انتي هم اعذري الـرجال
ولله الدنيه لوت ذراعه لوي وحگ لله

هم جايه خبر الشركة تريد يبدلون الموظفين وانتي مو غريبه واسولفلج علـ حسين كلشي ولا شغله عده بالدنيه
وسوالف وي اهله وعماامه بالناصريه

ومناك امه مخابرته مريضة
وتريد منه وهو ما لحـگ يحول الها اله وصلنه البارحة خبر
وفاتها
بتول.وانه شنو ذنبي بالنص
سجاد.الانسان لمن تلتم عليها كلهاا ترا يطشر تفكيره ومن حيرته ماا يعرف يتصرف
ومو انه العلمج بـ حسين
على كولتج هذا حسينج وانتي ادره بي

علي.انه ساحب ايدي من الموضوع مادام اشوف الج نيه كاصده للبصره
واحجيها كدام ابو الحسن
اذ رايده تضلين وحگ محمـد اليدوس الج على طرف تابوته محضر
واذ رايده ترحين وتردين لـبيتج ورجلج وابنج
هم وياج انه
بكلشي
بتول. بكيفك
علي.لامو بكيفي انتي احجي
دنكت راسي واحس روحي بـ دائرة ما اعرف الها نقطه بداية ولا نهاية دوامه تفتر بيه بلا هـدف

بـ عقلي افكار متشتته
وما اعرف شنو مصير هاي الافكار
سلمت امري لـ لله وهزيت راسي
ونطقت الحجاية وياريت نلصمت بوكتها وما حجيتها
ارجع
علي.على بركة لله ونبيه واله حضري روحج
علماا اخابر لـ امي
هزيت راسي وكمت طلعت اكو خوف بداخلي
بس ما جان كداامي غير هذاا الخيار بوجود متيم هناك

حضرت جنطتي الجنت جايبتها وياي بسرعة
لبست وطلعت

وكفت يم مراية قريبه عالدرج

عدلت ردانات القميص وكعدت البس بحـذائي
سمعت صوت وراي
علي،طلعين هيج سافره
وكفت و انطيته مجال يعبر جان يعدل بساعته
بتول،من زمان اطلع بهذا لبسي
علي.يم حسين طلعين هيج

هزيت راسي بـ لا
علي،مالي كلمه عليج حتى اكلج غيريهن بس الافضل تلبسين شي فوكهن

هزيت راسي بـ ايي وحجيت خالتي ما تجي
علي.خالتج خاينتنه وطالعه لـ كربلاء وي عمر ومرته

بتول.يعني ما اشوفها
دار الي وابتسم
علي.انه اجيبها الج للبصره يلا اذ كملتي لحكيني للسيارة

ماشي
طلعت الي عباية اسلامية مفتوحة من كدامه بس عريضه وردانها مثلث

وعلى اطرافها مذهب
رتبتها وطلعت صعدنه بسيارة سجاد

وبدو يسولفون
رجعت راسي على الجامة مهلكه من الافكار الجاي تتوارد بـ عقلي

قريب نوصل للبصره وحجه سجاد
سجاد، علي خفف حجيك وياه مشي عليك محمد ترا مريض
هـز راسه علي وما حجه شي

سجاد.وانتي ام متيم ما اوصيج بعد الفات
ماات هاي هيه

هزيت راسي و
غمضت عيوني دايخه حيل وروحي طالعه واصلة لـ خشمي

حسيت نفسي ماتحمل معدتي كلبت
ضربت على كرسي علي سجاد وكف سيارة بسرعة
نزلت و بعدت عن السيارة
بس اكح اختنكت
ماا ماكلة شي واجت السيارة وعطرها كملت عليه خوش تكمله

جاب علـي ماي يغسل وجهي
اخذته منه مااقبل كعد ركبه ونص يمي وحجه

علي،شبيج شنوو ماكله الــ صبح
بتول،مااكلت شي بس كيكه وعصير

علي،الكيك مابي شي مو انه كلت وياج
بس هذا اهماال لصحتج منج صارلج يومين اكل مثل الاوادم ما تاكلين

هزيت راسي بلا نفس انه بياا وهذا يرزل فوك راسي

تالي حجه
علي،يالله عليج لعافيه امشي نصعد
صعدنه بالسيارة
و وصلنه بـ٨
بليل نزلنه يم الـبيت شفت جاهل بالباب يبده سيارة شفل صغيره
ومره ماده راسها من الباب تحاجي

دك علي على جتف سجاد وحجه

علي،ابو الحسن ذوله موو اولاد عمي
سجاد،مادري وعلـي  حالي حالكم موو اجيت وياكم انزل اشوفن شنهي السالفة

اباوع صاافنه والحجي تلعثم بـحلكي
حجيت وموعي تنزل بساعة ماصدكت لكت الها حجه وعذر

بتول،علي جيبلي متيم فدووه
سجاد،ااوشج بويه خلينه نفتهم

بتول،شنوو تفتهم
ابو الحسن هاي موو دينا اذ عنده مرته شكوو جايبني

علي، انزل جيب لولد لامه وخلينه نتوكل
سجاد،انــزل يااخوي خلينه نفتهم الساالبة شنهي
علي، شنووووو تفتهم جايبني
من نجف لهنااا وتكلي تعال شوف صااحبك مزوج مرت عمك واشـوفهم سوه تخبلت شنهوو

بتول،نزل وفتحلي باب الـسياره سحب ايدي ومشاني كدامه اشوف سجاد راح يحجـي وي دنيا الما جـرأت حتى احط عيني عليها واشوفها
احساس الخذلان
صعب كلش صعب
والاصعب من هذا من يجيك من اقرب انسان الك

امس هيه جاايه خطار بـ بيتي واتعارك وي حسين وكالبه الدنيه علمود يطلكهاا
وليوم انه الغريبه
وهيه الكاعده بـ بيتي وماخذه راحتهاا

طلعنه من الــفرع ودخلنه بثاني  و وكف على رصيف  خابر على صديقه يجيبله سيارة

اشوف ايده ترجف من عصبيته بس هم خوش عده طبع يكتم عصبيته اله بالمكان لمناسب يلا ينطلق

يحجي وياي وهو واكف كدامي وانه 
كعدت على الـرصيف
ضامه وجهي بـ اثنين اديه
علي،هكد تحبينه وتبجين علي

هزيت راسي بـ لا
علي. چاا عليش اذ على ابنج اجيبه الج من عيونه وحگ محمد

رفعت وجهي اله وحجيت والنشغه ماا مفاركه حجيي
بتول،اني مابجي علي انه ابجي على حظي لما خلاني
اروح وي امي وابوي بذيج ليلة سوده
ومكتوله وخلصاانه
انته مااتدري شجـااي احس هسه
بس كلشي بعقلي يكلي انه لوو عدي اهل ما كدر حسين يذلني و يرجعني بكيفه ويرجع يذبني لميت مايـريد

علي،هذا الحجـي گبل مو هسه
هسه انه  بظهرج وحق من خلقلج وسماج انه بظهرج شتريدين
بس اشري بـ اصبعج
ابنج اجيبه الج بس خلينه نتهده شويه صبر  الصبر 
وبالي شغله بس تضبط اجيبه الج وحتى وابن ابوه اليفگ حلكه وياج لو يحجي حجاايه

بس بجي كافي 
هذاك رجل جااي كفي دموعج وكفتنه وبجيج بالشارع مو حلوه السالفة

هزيت راسي
وغمضت عيوني مسحتهن
وفتحتهن التفتت عالشارع  ردت اتاكد من الشفته
عرفته من هيئته رغم وجهه محجوب عني
من شايل متيم على ايده ومخلي راسه على جتفه
  وكف علي يسدلي بس هو مايعرفه رجع  يخابر
سكتت ودنكت راسي وكلبي يريد يطلع من اسمع خطواته قـربت
واسمع صوت ابني يناغي
تقرب يمنه شارع ضلمه بس ضوء خفيف جاي من الـبيوت
علي منطي ظهره واني دايره وجهي
حجه وهو بـ بعد جم خطوة عنه
حسين،اخوي محتاج شي

باوعلي علي  وهز راسه دار وجهه اله
جنه جان منتظر هاي الفرصة واجت بـ رجلها اله
حجه وهو يتقدم يمه خطوات
علي،لولد يرجع لـ امه لو وحگ الحـگ كربله اكلبها عليك
باوعله حسين وحجه 
حسين،شجااابك انته وانتي......  شجاابج  ويااه ما خلصتي من سجااد درتي على غيره

ضليت بـ مكاني اباوعله عين اله وعين لـ متيم
وماا استغربت اذني الحجـي مالته تعودت اسمعه منه بالفترة الاخيرة

اشوف هوه وعلي زنگه من يـاخته

علي،روح حبااب روح  شوف مرتك عليمن تدور وتحوم وانته عاقد عليهاا وتاالي احجي على الـ تسوه رااسك
فهمت
بختك بابنك لشايله ولوو ودعه هلـ يومين وعلي وجاايبه بحضن امه بسيطه اصبرلي

دارلي وحجه
  امشي انتي يله

لزم ايدي علي وجرني حسين واكف اصلا ماتحرك ولا اهتم

امنيتي
اعرف شغيرك
انتبهت لـ ايده بيها كانونه وعليها بلاستر

شعره مخربط بس مرتب شلون مادري بس هو لايگ اله
لحيته ثخنانه بيومين
صاير احلى من قبل عكس ماكال سجاد

علي يجر بيدي واني عيوني وكلبي بقن وراي
علي، امشي من نعلعل على عشيرتج
بتول،عوفني حبااب اريده ولله احبه
ولله شبيك ابني ويااه ولله احبهم اثنينهم عوفني لله عليك خلي اارجع اله

علي،اااس صوتج
لا ااهبدج هناا ومحمد
بتول.ااريدهم فدوه
علي.شتردين منه  جريتج من ايدج كدامه اريد احرك غيرته عليج ماكوو
شتحبينه بعدد
هسه نروح فندق وندبرهااا منا لــ باجر نرد للنجف
بتول،ماروح ويااك عوفني

علي،الـمن اعووفج اله التاايه وماايدري لله وين ذابه

بتول،زين ااريد اابني

علي،ميخالف صار ولله اجيبه الج
ولله بس مو هسه
عندي صديقي سيد هسه يجي دكيت على علمود سيارة
وراح يجي ياخذنه لبيتهم مااقبل نروح للنجف وهم ماا نرجع فارغين لازم اشوفلي جاره الصبح..
بتول،احلف ترجعني

هز راسه وهد ايدي
من دك تلفونه رد وضل يوصفله الـمكان
طبكت يمنه سيارة جمسي سوده

نزل منها ولد شاب لابس زي عربي ولاف الجراويه والعكل سوه على رأسه مدري شلون
دنكت راسي

واسمع علي يكله  سيد يزن سلم علـي  وصعدنه بسيارة
وهم مبينين عرف من زمان واحد يسئل الثاني عن اخباره
ويضحكون اشوف علي بدل الموجة

يزن،يي الك غـيبه وعلي  شني ما تمر تكول ذوله اهلي مشتاگين جـهرتگ

علي،ولله انته اعرف بشغل الفنادق
وما الـحك  احك راسي هدك مني
انتو شلونكم الــساده شلونهم
يزن،وللن الساده برحمة من لله و يسلمون عليك وابوي من دره بيك هنا

كاله ليلة مباته يمنه
علي.ماا نطلع من جزاكم سيد
يزن.يمعود الكاع كاع الله اله صدك نسيت اسئلك لولد الي نشرت صورته بصفحتك ابن منوو
علي،ابن اخـتي
يزن.شمحـلا ياابه لله يحفظه لـ هله

اـلتفت علي الي مد بطل ماي
علي،تريدين مي
هزيت راسي لا هز راسه وكال
علي،تهون ولله

يزن،ها ابو حسين تجـر حسرات
علي، سالفة ماتنحجي سيد 
يزن،ما تنحجي بس الها حل ان شاء لله
علي.بعون من لله سيد
وكفت السيارة وحجه
يزن،انزل خلـها تغسل علاوي

نزل علي نزلني وياه وكفت جريت نفس واخءت مي بيدي بس بللت عيوني
لان الدوخة لزمتني فرد مره
علي.شبيج يابه
بتول.مادري ولله
علـي.بس لا يطلع لـ بالي
باوعت اله ماا مفتهمه ولا مفسره حجيه بعقلي لان ما مستوعبه حالتي كلها

علي.امشي نصعد وهسه تفوتين لبيت السادة ترتاحين ان شاءلله
صعدنه ومسافة قليلة
وصلنه لبيتهم  كلش حلوو وبمكان راقي

مبينين اهل عز
نزلنه السيد اشرلي عالباب بدون ماا يلتفت وعلي هم حجه
دخلت وشفتهم همه هم دخلو لديوان وكدامه كومه مداسات مالت زلم

يمكن ديوان
دكيت الباب تلكتني طفله بس شافتني بسرعة راحت تركض وتصيح حطاار
حطاار
ابتسمت وضليت واكفه بمكاني

اجن اثنين نسوان احس نفسي حمل عني راح بشوفتهن هشكد ما بشوشات و وجهن رحمانيه 
بريئه حيل
كعدني والماي المهيل اجه
بمجرد ما كعدت
واجت بيبتهم هم مثلهن سلمت عليها
هواي بنات ونسوان بس كلهم طلعو بقينه بس اربعة وجنتهم هم بنيه اكبر منه بشوي

مسحت على راسي بيبيتهم اسمها ام زين العابدين
بس كلهم  يصيحولها العلوية الجبيره
حجت بساعة
ام زين،جويعانه يمه
هزيت راسي بـ لا
ام زين.واليكلج عشانه للـ ام البنين تردينه
ابتسمت وحجيت
بتول.سلام لله عليها بس ولله علوية نفسي ما تشتهي
ام زين.يجي الزاد وهيه تگرب من وحدهاا
دارت وجها وصاحت
يلا بنياات خفن اديجن على العشه

تبتسم بوجهي وتسولف وتسئل
لكيت نفسي ارتاحت وياها واخذت عليها

شوي ومدو السفره وجـابو العـشه
اباوع خيرات الله كلها محطوطة
خلت العلوية الجبيرة يمي
الخاشوكة
ام زيـن.يلا يمه مدي ايدج خيرات ام البنين هيه ماترد احد و زادها ما ينرد

هزيت راسي مبتسمه
وبديت اكل كلساع ارفع راسي اشوف البنات ياكلن ويحجن بينهن
مبينات كلهن يدرسن لهيج يحجن بالدراسة وشنو يحظرن للسادس
والجنايين بحدهن صفه هم الهن دوي
وسوالف
لكيت نفسي ماكلة نص الصاحون الكدامي رغم ما جانت جوعانه وبالي يم حسين ومتيم وعلي شـراح يسوي
بس الاكل جان طيب واخذنــي الواهس بــي

تحمدت وابتعدت
ام زين.الف عافيه يمه عساا زاد الهنا والشفه
بتول.مشكوره خاله
انكفضت السفره وانه كمــت اغسل اديني وي البنات

شوي ورجعت كعدت يم العلويات
ام زين.اي يمه شني سالفتـج شني مضايگج
بتول،سلمج لله مابيه شي بس تعبانه من طريق شوي
ابتسمت. ما حجيت شي ودرات تسولف وي جناينها

بس ولا عبالك ضراير
كاعدات وحده بصف الثانية ويسولفن ما شاء لله عليهن

بعدين عرفت هنه يصيرن بنات خالة
والسيد الجبير هم اقاربهن
جابو جاي شربنه شوي واجه جاهل
كال لعلويات لكبار يجن بديوان والبت وياهن

كمت وياهن
اخذني بيبتهم ام زين
وام جواد وام كاظم ذني الضراير

دخلنه سلمنه علي وكف احترام الـهن
بس مبين حاير ويباوعـلي

حجه ابوهم السيد ابو يـزن
السيد،شلونج بنيتي عساج بخير وعافية
هزيت راسي
بتول،الحمدلله تمام
فـرگ سبحته وهز راسه وكال
السيد،يستاهل لحمد على كلشي
بويه علي  سولفنه سالفتج وانه حاجيته وكتلـه
الـبي  خير الج بأذن لله
بس نسمع منج احسن وهم
موقصور من ابو حسين بس سؤال بالي علمود نتاكد

هزيت راسي والعلوية التفتت الي و كالت
ام زين.سولفي يمه بلجـي ومنهاا وعد السيد الحـل

بديت اسولف مدنكه راسي
وكل موقف اسولفه يعرض كبالي عيني حسين

لكن اتجنبت شلون تزوجني وخليت الوضع طبيعي مو مثل واقعنه

مواقف تجنبت احجيهاا لحد اخر مشكلة وطلعتي من البيت
ابو يزن.كله خير بويه
انتبهت لـ اشارة السيد ابو يزن لـ للعلوية ام كاظم
هزت راسها ودنت راسها يمي

ام كاظم،رجلـج يمه
كدر يتقربلج ورا هاي السوالف
فكـيت عيوني على سؤالها وراه ما جنت كوه مفتحه عيوني مـن النعاس
رجعت سئلـت وهيه تباوع بعيوني
ام كاظم،كبل لا ترحون لزيارة
هزيت راسي بـ ايي
ام كاظم. وراه روحتكم
اي

اشرت لسيد بعيونها
ابو يزن.،سيد يزن اخذ ضيفنه وخلي يرتاح بغرفته
وانتي بنيتي ضلـي اريدنج

طلعو سيد يزن وعلي ولعلويات هم راحن بس امه بقت

العلويه،اي يمه
احجيلي تكرب الج وراه رجعتكم من الزيارة

دنكت راسي اعصر بيدي استيحت شلون تسئلني كدام السيد
العلويه،لا تستحين يمه هيه حجااية
بتول،اخـر ايام ماا كدر
العلويه،جـم مره حااول

بتول،مرتين علويـة
حجـه سيد وهو يكـف كدام زاوية وبيها ركن مالت كتــب

السيد،علويتنه سالفه مبينه
وهذا قوي مال كـرهه وفراگ ومــوت

رفعت راسي مستغؤبه ضلو يحجون
نقبض كلبي من حجاية مووت
دار وجهه الي وحجه وهو يفتح كتاب بيده

ابو يزن. روحي بويه لله يرضه عنج ويرد كيد كلمن يكيدج

طلـعت
وي العلوية
لكيت البنات مادات فراشات
خلتني عالفراش ونطتني بطل ماي
اشرب منه
اخذت منـه جم شربه وراه ساعة طفه الگلوب
وكلهاا هودت

الـه انه ضليت كاعده ماكدرت انام جريت تلفوني هو بـ الاصل مو تلفوني تلفون علـي وما جان يستعمله
جريته
من يـم راسي
شفت سماعات يمه اخذتهن ركبتهن

طلعن رقم حسين وصافنه بي من كل عقلي دموعي تنـزل واعاتبه بگلـبي
اي لان وصلت مرحلة الحجي ترس گلبي ترس
مابيه مجـال اخلي واكتمه بعد
الاسئلة والعتـب راح تـاكل كلبي اكل
دست اتصال اول رنــه
ونفتح الخط ضليت صاافنه شنو جان متانيني
وكلشي تبخــر من بـالي
وي صوت انفااسه المتخـربطه وگحته القـويه

ما حجيت شي ولا هو حجه الـه لمن جـر نفس وعبالك ارتـاح من واحد جان خانگـه

حسين،منوو..؟

ضلـيت ساكته واحس بس الدموع تشكي اله وجنه كاعد كبالي ويشوفني
اختلف صوته واختلاطت الحنـيه بـ بحته

حسين،ماتحجين
ولج وحـگ العباس مشتاكلج بگد دنيه

ليش رحتي وياه وشجااج واخذتي حجـيي
تدريني امووت اذ واحد گاض طرف عباايتج
موو انوب كاض ايدج وماخذج عنــي

هديني اانه بـ ستين الف مرض
ابنج يبجي ومااكدر اسكته يفز بليل يريدج وانه مثل المربط مابيدي شي
شسوي كليلي

من اوصلج يمج ملك الموت يفتر وراي
ومن ترحين الدنية تضيگ بعيني
وماا اشتهيها

احجي لا تضلـين سااكته

اجيت احجي و رجع حجه وصوته اختلف عبالك يريد يبجـي والعبره لازمته

ولعـبااس مشتاگ هاكثـر لـ ؏ـيـونج
غمضت عيوني حيل وجن واكف كبالي ويكولهاا
جمعت شكو قوة صوتيه عدي وشكو احرف اجت بـ بالي وما طلعت وياي غير حجايه

حسيني......

حسين.يفـرحة تـاالي عمـر حسين يحـيله
كله وياا شيــب گلبه گبل راسه

تسمعيني موو
هـزريت راسي واحس اختنكت كدماا كااتمه صوتــي

انه مريض ولله...... اخـر حجايه كالها ونسـد الخــط

وانه تنگت واختنكت كلش الــنفس كوه يدخل ريتي
طلعت كبالي قائمة الاتصال جوه اسم حسين رقم علـي دكيت علـي بـسرعة

جريت نفس بس اريد اهدي نفسي والرجفة الصـارت بصدري

علي. هلا ياابه
جـريت نفس بـصعوبه وحجيت
بتول،علي ارريد اطلع

علي،شبيج ولج
واله اكلج تعااي تعااي انه كاعد بـره بالطارمة

سحبت السماعات من التلفـون
وطلعت بسرعة خطواتي سريعة من الصالة.....