هيلانه الاسر
زهور الـ سلطان
لاتنسون التصويت و علقوا بين الفقرات يهمني اشوف
رايكم
______________
.
.
غرف مضلمه
مواقع غريبه
خارجه عن
المؤلوف
فيها من لديهم
الرغبه بالقتل
برؤيه
الكثير
من الدماء
ماذا ان تم
التخلص من
المجرمين
بطريقه
غير رحيمه
شعارهم
السفك
الانتهاز
الحقد ........
ماذا اذا كان
الحامي
هو
السفاح
و طبيب النفس
مريض نفسي
وكر
دامي
و انسان
غرباء
الاطوار
مجرد
معرفة
شيئ
صغير
مما
يفعلون
يجعلك
بقائمه
الموتى
رجال الدوله
يحملون
اسرارا
غريبه
يملكون عالما
مختلف
ورا كل
شخص يقرر
الدخول
في عالم
القسوه
ماضا اقسى
.
.
هيلانه
باوعت بنضره مطوله للمرايه حجيت
وينفسي ......
هيلانه انتي قويه
بل انتي القوه
انسانه حره
امراة صعبه
الهزيمه مو الي
الضعف مو بقاموسي
تؤمج بخطر
هذولي اعداء
لازم تنهزمين منهم
تنفست الصعداء ضليت
اردد كلمات اقوي نفسي و طلعت
نزلت من على الدرج بخطوات ثابته وواثقه
عندي امل جبير هالمره راح اتخلص منهم
طلعت بالحديقه انتظر لينا و بهذا الوقت
شفت ايفان جاي من الجهه الثانيه ايفان
عنده عيون سوده طوله متوسط جسمه ضعيف
اقترب مني و سأل بهدوء .....
ايفان _ هيلانه
هيلانه _ ها؟
ايفان _ شنو رايج نسافر لتركيا بعد يومين بهذا الوقت
راح تكونين خطيبتي فخلي هذا الشي با احتمالاتج
لا جيبين اشياء متحتاجينها بتركيا راح تلكين الافضل
هيلانه _ اوكي
كلتها و ردت امشي بس بسرعه و كفني صوته
وهو يكول
ايفان _ حتروحين لكوافيره غيري شعرج
للاشقر
باوعتله بعدم فهم
هيلانه _ وليش اشقر ؟
عض على شفته و ضحك بسخافه
ايفان _ امج لعبت عليه راوتني شي وجابت شي
ثاني فمن حقي اغير بيج اليعجبني
هيلانه _ مافهمت قصدك
ايفان _ يلا روحي اجتي لينا
لينا _ ايفااااانووو
ايفان _ نعم لينا !
لينا _ عادي اني اسوق
ايفان _ ممنوع
لينا _ ارجووووك بس هايه المره
ايفان _ و الحارس
لينا _ يجي بسياره ثانيه
ايفان _ راح تثيرين الشبهه روحي للجامعه
وحدج بس هسه مو وقت مناسب
زعلت لينا باوعت الايفان بغيض و مشت
طلعنه و صعدنه اني وياها لورا و الحارس لكدام
الطريق كله افكر بكلام ايفان معقوله جانت تريد
تجيب مارين لهذا دزتني للدير بس ليش رجعتني
اني شوضع اختي هسه عصرت قبضه ايدي بقوه
عيني تباوع للطريق استغرق الموضوع نص ساعه
وكفت كدام مول جبير نزلنا و هم ورانا دخلنه المول والتفتت الهم لينا .....
لينا _ ابقوا هنا
تحركنه شويه و رجعت باوعتلي ووكالت
لينا _ تعالي وراي
تمشيت وراها دخلت المطعم بطابق الاول
جانت بنيه كاعده تنتضرها سلمت عليها
و حضنن بعض لوحتلي بيدها
.... هلو
هيلانه _ هلوات حبيبتي
لينا _ يلا اكعدو بنات ...
كعدنه بطاوله صارن وحده مقابيل الثانيه
واني وجهي كبال الباب باوع للناس و هنه
وحده تسال عن اخبار الثانيه
لينا _ بان ليش هيج كاطعه
بان _ تعبانه صار يومين كدرت استقر وين بنت
باجي ديلارا
لينا _ هايه و اسمها هيلانه
باوعتلي بتفحص و استغراب رجعت التفتت
ل لينا
بان _ مو الصوره ل...
قاطعتها لينا
لينا _ هههههه شبيج حبي وجهج صار كوركمي هايه
تؤمها
بان _ نكدر نثق بيها
لينا _ لا راح تزوج ايفان
يحجن بطلاقه ودي افلش الكرسي براسهن
الي اسمها بان من مسمعت راح ازوج ايفان
نضراتها صارت توضحلي مده ترحيبها بيه
كل مره يحجين بيه يكولن هايه رديت
عليهن بعصبيه
هيلانه _ الي اسم شنو هايه !!
بان _ هههه مصدكه نفسها
لينا _ معليج بيها ... هيلانه شوفي التحتاجي
واني كمل و اجي .... كمت بدون ما ارد عليها
و احس الدخان راح يطلع من راسي مو من
عوايدي اسكت الوضع كله غريب بس اكدولي
شكي بس لحضه يمكن تالين لان تشبه مارين اكثر
مني !!!! سكتت نافيه
افكاري قررت اطلع من المول بس الحارس
موجود يراقب الطالع و الداخل رجعت التفتت
شفت لطاوله بيها ثنين شباب هاي الينا وراها
مصيبه بس لا توكعني بيها صعدت القسم الملابس اختاريت شي اكبر من قياسي و دفعت بالفلوس الوياي
لفيت شعري بغير طريقه و شتريت شال
لبسته مثل الدوام مجرد طرحه بدون
مالفه كامل و طلعت من المحل لا گتني
بنيه شابه سالتها عن مكان اكدر اطلع منه
غير الباب الرئيسي
.... بس الطوارئ و مااعتقد يفتحونه الج
هيلانه _ شكرا
تمشيت شويه و هم دخلت بمحل شفت
مراة جبيره بالعمر بس مو كلش و تختار
بفساتين و لبنيه شابه اعتقداكبر مني و گفت
يمهن لمن حاسبن و طلعن
نزلت وراهن درت و جهي و دنكت حتى ميشوفوني
الحراس طلعت برا المول و حسيت نفسي طايره
بس مليانه قلق صارت عيني على سياره مضلله
سوده بس مهتميت لان هايه مو نفس السياره
الاجيت بيها و بالقصر مشفت هيج سياره
طلعت اتمشى انتبهت على نفس المراة تريد تاجر
تكسي ركضت الها
هيلانه _ مرحبا خاله
ردت عليه البنت
..... اهلين حبيبتي تفضلي
هيلانه _ ممكن اجي وياجن ؟
... ليش انتي وين ساكني
هيلانه __ مااعرف ضيعت بيت اهلي
.... معقولي بس انتي مو صغيغي تعغفين بيت
لو مدغسي قغيبه عليكم ؟
هيلانه ....لا اني ضيفه هنا فما اعرف و تلفوني
طافي شحن ردت المراة ......
..... ود بنتي اغشغي خليها تغجع معانا
و تشحن تلفونها و تخابغ على اهلها
.... تمام تعالي وياني يحليوي
هيلانه _ شكرا
راحت اجرت تكسي و صعدت وياهن
مديت راسي اباوع على طريق شفت
سياره سوده تلحگنه خفت بالبدايه بعدين
انتبهت غيرت طريقها طمنيت السياره
ما بيها خطر عليه و صلنه المنطقه
هادئه بيوتها بسيطه و الاطفال ماليه
شارع تلعب بفرح للحضه تمنيت ارجع
بعمرهم نزلنه كدام بيت مساحته مو
واسعه بسيط و حلو المراة تحاول
تفتح البيت بالفتاح الوقت جان بدايه
الغروب كعدت على كرسي خشب
و اباوع على طريق لمحت السياره
السوده بلعت ريگ و طگعكت اصابيعي
منتبهت الى على المراة و هي تهز بيه
... بنتي بيكي شي
هزيت راسي برفض ملازم ابقى هنا رديت....
هيلانه _ خاله اني لازم امشي
.... ليش مايصيغ بنيه نتيشه تبقى و حيدتها
وليل ءجلجل
بكل مره يحجن اركز اكثر من مره حتى اجاوب
مستغربت لهجتهن لان عاملات قصر ابو ايفان
كلامهن هيج
هيلانه _ تسلمين بس صدك ما اريد اسببلج مشاكل
ردت عليها بنتها ود
_ ماما مناقصين مشاكل ادخلي و البنت
تغوح بحال سبيلها
عرفت البنت مامرحبه بفكره وجودي و يمكن
عبالها اضحك عليهم .....
_ شكرا على توصيلتكم
طلعت من يمهن و مشيت بخطوات سريعه
اريد ابتعد عن المكان وصلت لمنطقه بيوتها
ممبنيه عباره عن قطع مسيجه او مبني على
النص خفت ادخل بيهن لان الدنيا ليل وهن
حيل مضلمات انتهبت الحركه وراي اخاف التفت
وواشوف الشارع فارغ يصوصي بس اني
و المجهول الي ورايه بمسافه ما اعرفها شكد
الدنيا ليلت حيل الظلام مله روحي قبل لا يملي
المكان ركضت حيل و نفس شي زادت سرعه الي
وراي حاولت اقوي نفسي لتفتت مجان مبين شكله
هيلانه _ ليش داتلحگني
حجه بصوت جهوري خشن دبتبروحي رعشه و خوف
من نبرته
_ ليش تعرفين وين رايحه ؟
هيلانه _ شعليييك وخرررررر عن وجهيييي احسنلك
_ هه ما انصحج بتهديد و انتي بهذا لوضع
هيلانه _ ماااااااااا ارجع الديلارا روح الله يخليك
_ اششش منو راح ياخذج ال***
هيلانه _ لعددد شنووو تريددددد مني
_ انتي يحلوه
ركضت عنه و مطول الوضع و گف كدامي
و صارت ايدي حبيسه
لقبضه ايده الجبيره ضغظ على ايدي بقوه تألمت
و قبل لا اعيط سحبني بقوه ظهري ارتطم ببطنه
طوله و مقارنته بيه يعتبر عملاق و ايده الثانيه
سد بيها حرگي حيل اختنگت حاولت اتلاوه وياه
اريد يبعد حجه بصوته الخشن
_ اشششش اشش ما اسمع حسج راح ارفع ايدي
واذا تحبين تموتين بهذا المكان اصرخي
_ اتتت .... اتنتركني
_ من بعد ما صرتي بين اديه و حبيستي تتوقعين
اتركج مو الاسر اليسويها هه ....... و قبل لا ارد عليه
سحبني مره ثانيه بس بطريقه اسوء فتحت عيني
بوسعها انيتت بوجع ادموع تجمعت بعيني رفع ايده
الثانيه جان بيها قطعه بيضه بسرعه غلق حلكي
و صارت الدنيا دور حولي و داخ راسبي قبل
لا اوكع ايده حاوطتني و ما عرفت صار بعدها ....
.
.
مارين
ايامي خلصتها بالدراسه رغم عانيت من صداع
قوي اخذتله علاج بس ماكو فايده وجع ساعه
يكون قوي وساعه خفيف راسلت ازاد يجيبلي علاج
شافها و مارد الساعه ٥ل عصر و اليوم جمعه معنده
دوام ندگ الباب رحت فتحته صار ازاد بوجهي
مارين _ هلو ازاد
ازاد _ هلا مارينه شبي راسج اخر فتره نتبهت
مخلصه شريطين بندول شبيج مدكوليلي
مارين _ راسي ياذيني
ابتسم و رد
ازاد _ خاف تبقين على تلفون وقت طويل
مارين _ جنت بس هسه ساعه ما اطول يلزمني
الصداع واحس مثل صوت نبض بس براسي
سكت شويه .... واردف
ازاد _ منين الوجع
حدتله مكان الالم باوعلي ووتنهد
....ان شاء الله ميكون البالي بس حاولي لا تكثرين
حلويات او موالح و اني ادورلج دكتور زين اخذج
مارين _ لتخوفني شنو البالك
ازاد _ ما بالي شي بس انتبهي النفسج
مارين _ اوكي و لتنسه البندول
امير _ اني كم مره اكول لتحجون باب الغرفه مثل
الحراميه ههههههه .....لتفتنه ثنينه على صوت امير
شفته هو ايمن الواضح طالعين سوه لان ثنينهن لابسين قاط .....
ازاد _ توني اجيت بعدني مامتنفس .... هسه جاي
وراكم و انتي مارينه مثل مكلت انتبهي نفسج وراح
ادزلج علاج
امير _ ليش شبيها
مارين _ ماكو شي بس صداع
امير _ من دراسه كل وكتج بالغرفه اطلعي تنفسي
شويه مو زين عليج
مارين _ يي ان شاء الله
نزل امير و ايمن و ازاد وياهم و اني رجعت للغرفه
صار فتره طويله مشايفه ايمن حاولت ماالتقي
باايمن اكمل تنضيف قبل ليجون صرت ما اكعد وياهم
على بااوقات الاكل مجنت الكهوسيله للهي نفسي بيها
غير الفون نزلت فيس و انستا على رغم من جان
محذرني انزلهمبس ما همني تحذيره
استمر الوجع اللحضي وصداع يخيليني ما اكدر
ادرس الوقت طويل رغم محاولاتي و بعد كم يوم
رجعت من المدرسه سلمت على خاله وردت اصعد
لجين _ مارين انزلي مو تبقين فوك
مارين _ خاله تعبانه رايده ارتاح شويه
لجين _ صارت الكعده يمي ما تنراد يمه
مارين _ لا حبيبتي خاله بس عندي دراسه
لجين _ الله يوفقج و اشوفجن ما خذات الشهاده
و فتحلجن اكبر صيدليه
مارين _ حبيبتي خاله تسلمينه اساعدج بشي
لجين _ الغده حسوي باقله عمج يحبها يجبلي
اكصكصها هنا
مارين _ تمام
رحت جبتلها و رتبت مواعيين الريوك
و سالتها ... خاله ازاد وين
لجين _ بالعياده شعجب تسالين محتاجه شي
مارين _ لا بس ردته يدرسني
لجين _ ما بقى شي يرجع و اني اكله
كملت خاله الغده و اني رتبت المقبلات و قبل
لا اصعد طلبت مني ارتب غرفتها رحت نضفتها
و شلت الملابس الزايده كملت و صعدت من و صلت
للبايه الاخيره لزمني و جع براسي على اثره كعدت
على سريع و اني لازمه مكان الوجع جان بجهه
وحده صرت اضغط احاول اوكفه اضطرب لصار بي
وجع قوي مثل نبض بس يدك براسي يزيد بكل ثانيه
اذاني الوجع كمت سندت نفسي على الحايط و صلت
للغرفه بصعوبه متديت حاولت انام بس نوم چافاني
رجع راسي يصل عليه ضربت على دوشك اكثر
من مره ياااربي شبي راسي كمت من مكاني صرت
افتر ما اعرف شسوي دورت على لفاف اشد راسي
بي ملكيت و مابيه كل حيل انزل فتحت كنتوري
اخذت شال شديت بي راسي و اخذت بندول
كعدت بالكاع سندت راسي على الكنتور لميت
رجليه صدري ودفنت راسييي بي صرت ابجي
من اللالم البراسي خشمي يحرك بيه و يوجعني
كلهن سويه يوجعني رااح امووت يااربي بقيت
على وضعي لوقت طويل من تعب نمت بمكاني
و ما كعدت غير ضوه قوي اجه على عيوني
فتحت عيوني تاذن حيل
شفت نفسي نايمه بجربايتي خليت ايدي على راسي
بوجع الم حاد يضرب بي الدنيا صغرت بعيني حيل
و غثيان موتني صرخت بصوووت
_ طفووووو ضوووه
_ وسممم صوتج
باوعت لجهه ثانيه شفت ايمن بعدت
نضري عنه و غمضت عيوني
مارين _ طفي ضوووه اخخخ راسي
ايمن _ شو باوعيلي شنو يأذيج
مارين _ ميأذيني شي بس اسسسكت
ايمن _ لتخبليني تـ....
_ لتحججججييي لتحجييي شي ايمنن راح اموت
اخخخ راسيي بابا ....
مكدرت اتحكم بنفسي و بألم راسي مثل النبض
او دمام يدك بيهه و جهي كمت ما احس بي نشل
حسيت تشيلني فتحت عيوني مشفت شي
كل شي مغوشش
..... هيلااااانه لحگيلي مدااا شوووف شييي يربي
ايمن _ كافي كافي هسه اخذج لطبيب
خليت ايدي تحاوط ركبته و دفنت و جهي بيه
نزل بيه ما ادري شگال الخاله ......
.
.
تالين
حسيت برنه تلفوني الهتز بيدي رفعته تحت انظار
صهيب انتبهت و صلتني رساله على الخط من رقم
غريب
... صباح الخير تالين اعرف ممكن ازعجتج بهيج وقت
بس قلقتيني الدوام بده من فتره وانتي غايبه و حتى
بكروبنه الدفعه متحجين ان شاء الله تكونين بخير
اتمنى طمنيني عليج زميلج زيد محمد
هذا واحد من اذكياء دفعتنه ستغربت راسلي شي
لان بحياته مجاچي وياي غير السلام
داجاوبه بس محسيت غير تلفوني نسحب من ايدي
فزيت بخوف رفعت راسي اباوعله بيد صهيب
العاگد حواجبه و يباوعلي بخزره
_ شبيك اخي شنو اليوجعك
_ مو احاچيج مسمعين يعني
_ ممنتبهه استاذ صهيب ممكن ترجعلي تلفوني
_ جؤؤ
_ صههيييييب
_ لتحجين بهالطريقه عاجبج افترسج
_ فد لا عبالك اخاف
_ على يوم اكص لسانج
_ من اتيهلك كصه
_ عجبتني الفكره
خزرته و رجعلي ياهه بخزره خلتني اخاف و ادور
وجهي رجعت عيني عليه تلفوني بعده بيده و اهتز
بااشعار ثاني باوعلي و كف السياره اباوعله عيونه
تقرا بالمكتوب عصر تلفون بيده حسيته حينكسر
_ شبيك
_ معليج
_ رجعلي تلفوني لا انزل هنا
تجاهل كلامي بقى ساكت حرگلي گلبي لو
بيدي اشمره من سياره بقيت ساكته و هو
نفس الشيو صلنه للموصل كتله عنوان
سكني جديد
غيرته لان اقترح عليه بابا اعيش قريب
على الجامعه بمجمع سكني خابر معارفه
حجزلي شقه صهيب مكال شي
توجهه للمكان نزلت و هو نزل الجنطه
عبالي حيروح بس مشه كدامي انطاهم
اسم الحجز انطوه المفتاح اشرلي بعيونه
امشي كدامه محجيت شي و تحركت وصلنه
كدام الشقه انطاني المفتاح فتحتها دخلت
جنطتي و رجعتله
_ شكرا عالتوصيله
_ تدللين
يي هسه ادخلي و لتزلين اكثر من مره باليوم
و توكفين تراوين طولج للعالم
_ بسسسس فهمني منو كلك اني اهتم او اريد
اشوف نفسي للعالم
_ اني اكول
_ رايك هم ميهمني
_ ليهمج ادخلي اجيبلج مسواك
_ لاااا لتعبها لنفسك اني اطلع و جيب احتياجاتج
_ صحوه اركدي اني رايح
افففف اصبر اجيبلك افلوس اشو هذا باوعلي بطرف
عينه و راح اوووي براحته شعليه
دخلت للشقه جانت صغيره عباره عن غرفه نوم
و صاله صغيره و بيها ركن يودي لحمام و بجهه
الثانيه مطبخ هم صغير بس اكدر ادبر نفسي
رفعت رداني و بديت ارتب بغرفه النوم جانت
نضيفه بس يحتاجلها ترتيب كملت خليت ملابسي
بخانه كنتور ابيض بي خانتين بس شكله حلو
جعت و صهيب تاخر بقيت احوص و انتظر
فكرت اتصل بي بس تذكرت تلفوني عنده
اني شلون اسمحله و يبقى و ليش احس
بشعور غريب و حلو طول و جودي وياه
هزيت راسي نافيه الافكار الي اجتاحت
تفكيري و سمعت دكت الباب رحت فتحته
_ هلو تاخرت
دخل و الواضح مشتري سوك كليته و جايني
خله المسواك على ميز الطعام طلع تلفونه نداريت
اربد اشوف جايب
رفعت عيني من سمعت ضحكته استغربت ظل
بالي شنو شاف ابتسم خد واحد
وهمس _ رجع الاسر .......
ها
التفتلي كأن انتبه الوجودي
_ على الاقل كولي منو يلا تفتحين ؟؟ شبيج جفتين
_ شهالمصطلحات العندك ثانيا اعرف بيك
انت قابل منو يجيني
_ جبت اكل جاهز حتى لا يبقى كاتلج الجوع
_ اعرف اطبخ ممحتاجه تجيبلي
ابتسم بخبث و رد
_ شتعرفين طبخين ؟!
_ كل شي حتتتى ااااا حتى اعرف اسوي باجه
رفع حاجبه و كال بتعجب
_ حجي معدل من زمان مماكلها باجر اتغده
يمج
_ لاااااااا
_ وسم صوتج شنو لا
_ قصديي يعني عندي دوام ووماريد
اطبخلك
_ و ليش مطبخيلي
باوعلي بطريقه معرفت اوصفها صفنت بوجهه
ثواني و رجعت نتبهت
_ وخررر صهيب لتباوعلي بهالنضرات و شعندك
بشقتي شو زايحهه فد نوب
_ محد غريب صبي جوعاان ... ابتسم بخفوت وواردف ومن اجوع اكل كل شي گدامي
باوعتله مستغربه و رديت بجديه
_ شاكه بيك مستدئب
كبرت ابتسامته خله كف ايده على وجهه و دار
وجهه يستغفر رجع باوعلي ووجهه احمر
_ لتكثيرين افلام ورا ١٢ تاثيرها واضح عليج
_ هسه شتريددد
_ غده
_ هم جايبه اليه و عينك عليه
_ زحمه مو
_ وسفه غير
شلت العلاليك وواخذت الاكل شفته جايب
كص و كباب خليته بسفرياته لان معندي مواعين
و طلعت بطلين مي من الجابهم و رتبت المكان
كعد ياكل اخذ لكمتين و اني بس اباوع للاكل
ممتعوده اكل كدام شخص غريب كل ما ارفع
راسي اشوف عينه عليه كاعد يفترس ملامح
و جهي نضراتنه خترقني و صارت متعجبني
سويتلي لفه و كمت
_ الحمدالله
_ شكلتي انتي
_ ما اكدر اكل اكثر هذا اكلي ... كلت بكلبي لو تسمعني
هيلانه اله طكها بضحكه تفضحكني بكل العماره
_ مشوفين نفسج معضمه و مبيج لحمه
_ عفوا شكلت
_ السمعتي
_ صهييييب
_ لهفه مهجته
رديت بسرعه و بفهاوه
_ ها
باوع بعيوني بتمعن
_ يتسارع ذآلك الدم في عُروقي كُلمٓا نضرتٓ اليكِ
يا ربيعِ الاخضر
حسيت وجهي شتعل من غزله الغريب لاطف
گلبي برقه عفت المكان ووتجهت للغرفه سديتها
و تمددت على الجربايله الغرابه ملت روحي احس
الديصير مو صحيح معقوله صهيب يحبني لاا مستحيل رسيل كالت شاكه بي مزوج بس هو مجرد شك لو جان مزوج ميكلي هالكلام احتاج نصيحه بس ما اعرف من منو لحضه ليش مستحيل ما بيها شي توترت من افكاري
صار بالي اتصل برسيل بس ذكرت تلفوني براا
سمعت صوت باب شقه ينسد بقوه عرفته راح طلعت
للمطبخ شفت تلفوني على الكاونتر فتحته و مباشره
رحت للرسائل ضحكت من شفته حاضر زيد ابتسمت
بغرور و راحه شغلت اغنيه و بديت ارتب بالمسواك
جايبلي معلبات و اكل مجمد عرفت رسيل كايلتله
عني مااعرف اطبخ بسيططططه خلكضها اله اعلمها
داومت اول شهر طبيعي بس لاحضت نضرات زيد
و محاولاته باطاله الكلام وياي هالفتره خلصت
بين دوامي الامتحانات و بين الشقه نادرا اروح
الخالي و صهيب مختفي من اليوم الاجيت بي توقعته
سافر ضليت اغلب الوقت انام او اتصل رسيل لو مارين
و اكضي وقتي بهالشكل
تالين _ هسه مناويه تكملين تعليمي
رسيل _ بس لحضه
تالين _ يلاا رسيل
رسيل _ جيت شوفي ورا متنگعينها
تجين تسلكين اللحم مثل معلمتج
وولتنسين الثوم
تالين واكضه بيدي
رسيل _ يي
تالين _ لاا يعع حشه نعمت الله ابقى على معلبات
اخوج ارحم
رسيل _ صايره جيبين طاري اخويه بكثره احممم
عطت بيها _ ووووسمم و زقنبوت راح افلش
وجهج رسليهه اذكرج بضراتج انتي و ازاد
.... ههههههههه
تالين _ صحيح ذكرت شغله
رسيل _ شنو كولي
تالين _ انتي مو شاكه بصهيب مزوج
رسيل _ يي و يحبها هم
وجعني گلبي مااعرف ليش
تالين _ شلون عرفتي يحبها
رسيل _ لان من ارتب مكتبه الكه اشعار قصيره
و صهيب مشايفته قبل يكتب كلام حلو
فالمحروسه مسويته عنتره ابن شداد لالا
القباااني شاعر المراة عيني
.... هههههههه معقوله
رسيل _ يي شوفي
انتبهت على رساله اجت منه ...
تالين _ رسيل شويه و اتصل بيج اصبريلي
سديته منها دخلت على رساله من صهيب
صهيب _ اطلعين
تالين _ الناس تسلم و بعدين وين نروح
صهيب _ مكان راح يعجبج
تالين _ غير اعرف
صهيب _ جؤؤؤ
تالين لا ما اطلع
شاف الراساله بدون ليرد اتصلت بي اكثر من
مره غلق تلفونه ووف ... قنعت نفسي الي سويته
صحيح بالتالي هو غريب عني .. ثاني يوم كعدت
و كملت روتيني سايق رمشلي نزلت من شقتي
سلمت على بنات يداومن وياي بجامعه و ساكنات
بالعماره طلعت و طريق جان مغيم و الهوى بي
نسمه بارده وحلوه داومت و اول محاضره جانت
امتحانشفت البنات مجتمعات ويكروبنا و يناقشون
شباب قربت منهم
تالين _ مرحبا
.... ردو مراحب
مريان _ شلونج تالين
تالين _ الحمدالله ... انتو شلونكم
تقى _ كلنه موزينين بسبب الاسئله صعبه
ميساء _ داحس الدكتوغ قاعد يستهزء بينا يشغح
شي و اليجيبو شي اخغ تماما
.... يي والله
مريان _ بالعملي شلون راح نبدرها
.... تصيغ
سلسلبيل _ اغشعو على هاي السالفي هوني
مكاني انا سني جايه
.... ههههههههههه
زيد _ وانتي تالين
تالين _ لا الاسئله مجانت صعبه هالدرجه
تقى _ جيبولها عين جبيره
ميساء _ و زرگه لزم
تالين _ هههههه ليش
افنان _ كل مره تقولي محليت شي و تيجي
العلامه امتياز
تالين _ ضالميني كل مره اخاف صراحه
مهند _ يابه هي العلاجات وين صعوبه
زيد _ اسكت انت كاضيها غش
مهند _ محد يدري
تقى _ بس كل الجامعه تعالي امشينا تالين
عفناهم و اخذتني تقى تسحل بيه وراها
تالين _ شبيج تقى اصبري
تقى _ و الله راح انجلط من الثول البيج
تالين _ ليش صاير
و كفت كدامي گعدنا على مصطبه و ندارتلي
تباوعلي
تقى _ ملاحضتي نضرات زيد الج
تالين _ يي شبيهن
خلت ايدها على كصتها بغيض
تقى _ مبين معجب بيج تلحلحي خلي يحجي شبيج
رسميه وياه
تالين _ تعرفين اني اعتبره فقط زميل دراسه
فخلي الوضع مثل ما هو احسن
تقى _ غبيه
كالتها و باوعت لجهه ثانيه رفعت ايدها تاشر
باوعت للمكان الي انضارهه عليه شفته زيد
حسيتهم طابخينها سوه و گعوني اجه بااتجاهنا
زيد _ وين ختفيتن
تقى _ موجوادات محتاج شي
رد بتوتر واضح
زيد _ لا ماكو شي بس رايد احجي ويتالين
تالين _ يي تفضل
زيد _ الوحدنه
تقى _ ها يي اني اروح اشوف ميساء
كمشت بيدها هي وخرتها و راحت بقى زيد واكف
تالين _ شنو ردت
زيد _ تالين شوفي اني ما عندي لف ودوران
اني معجب بيج و باخلاقج و مشفت كلمه صارت عليج
طول معرفتي بيج اتمنى توافقين نرتبط و بااقرب فرصه
راح اجيب الوالده و اخطبج
تالين _ زيد شوف اني
زيد _ قبل لا تحجين شي انطيني فرصه
دارد عليه بس التفتت من سمعت اسمي
.....تااالين
________________
هلاو حبيباتي اتمنى تكون مشاهد ممتعه
البارت اطول من هيج بس صار يومين احاول
انشره مينشر فقصرته بكلي ترهم لتصورون ناسيه
فيروزاتي البارت هذا حيكون بدايه جديده
لكل البطلات شنو رايكم بالاحداث
و اريد اتحداكم 😂🗯️
تسون عدد التصويتات مثل المشاهدات
علقوا بين الفقرات يهمني رايكم
احبكم
الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد