بين جنوني وبرأتك أنتقام (الأصلية)

بارت 33

رجعنه بارت جديد وحداث جديده التنزيل مرتين بل اسبوع وحسب فراغي لنزل اكثر وخاف أتأخر عليكم هاي الفتره بل تنزيل معناهة رحت للزياره

،،،،،،،،،،،،،،،،.
#جنات بنت الجنوب
،،،،،،،،،،

وياك واصل مرحله احتاجك وماريدك

،،،،،،،،،،،،،،،،،،،،،،،،

هارون، ،صعدت الغرفتي الباب مفتوح شويه اباوع من الطرف. اشوف خزامي تعزل بل ملابس ترتب بيهم فتت جوه بدون ماحجي شي دفعتهة
واني احجي

منوو كلج تفوتين الغرفتي وتلعبين بملابسي

خزامي، ،هاا مو جاي اعزل بل ملابس النضيفه

هارون، ،طلعي بره يالله ماريد اشوف وجهج النحس

خزامي، ،اباوع علي متعجبه أول مره يحجي وياي هيج من زواجنه الهسه ماجاوز وياي بكلمه
فززني صوته من عاط

طلعععيي

خزامي، ،طلعت بسرعه اركض رحت الغرفة سالي الدمعه تلوج بعيني مسحت دموعي ونزلت لكيت بسمه تحضر بل غده وبلال وعبد الحي جايين من شغلهم

عبد الحي، ،دقايق وأجي

بسمه، ،تمام

خزامي، ،رحت حضرت الزلاطه والمقبلات واسمع هارون يحجي

هارون،،هاا بسمتنا صبيتي أكل

بسمه، ،بتسمت وحجت، ،اي صبيت

خزامي،،شوي والتمو الولد كلهم گعدو ياكلون گعدنه اني وبسمه على صفحه صرت اني من جهة هارون باوعت علي باوعلي صفح ودار وجهة

عبد الحي، ،عاشت ايدج بسوم الاكل كلش طيب

بلال، يحجي وهوه مدنك و ياكل، ،شنو سر هل طعم الطيب

عبد الحي، ،اكيد معجون الطونسة

بسمه، ،هههههه يااا والك التونسا

خضر،،ههههه ابو بطن بعد ميعوفج بحالج

عبد الحي، ،بت عمي وعزيزتي بربج سويلنه كيك راحت روح وماضكنه الكيك بعد

خزامي، ،صارت عيني على هارون الي خزرني بس جابو طاري روح دنكت راسي بسرعه شبي هاذ صاير وهيج متبدل

بسمه، ،صار تدلل يابه

،،،،،

روح، ،طلعت بل صاله يم امي والبقيه شوي وطلعت للحديقه احس اختنكت لكيت باقر يخابر داير وجهة على الجهة الثانيه ومنطيني ضهره اسمعه يحجي بعصبيه

عفيه لا دوخني اني شلي علاقه كتلك لا تاخذهة
أووو ديالله ولي تره مالي خلكك

روح، ،سد التليفون ودار وجه عليه تفاجئ بوجودي وحجه وهوه عاكد حاجبه
رووح شسوين هنا

روح،،ماكو بس طلعت اشم هوه احس أختنكت

باقر، ،هز راسه وحجه، ،هاا براحتج

روح، ،من بعد مده من السكوت مدنكه وأفرك بصابعي. بتوتر وحجيت

هاذ حازم أ الي جنت ويا عل تليفون

باقر، ،اي حازم

روح، ،شيريد

باقر، ،خابر يغلط وينعل يكلي كله منك الصار

روح، ،ونته شعليك شمسوي

باقر، ،والله مادري أسوه بيه من الغلط أيكلي بسببك جدي ماخلاهة ترجع وياي خويه اني مانعج عليج الله

روح، ،لا مالك دخل بس اني ماريد ارجع احس نفسيتي تعبانه اريد ارتاح مده ملحكه على ضيمه

باقر، ،خلي يولي ابو راس المصلبخ

روح، ،ههههه يااا

باقر، ،والله خابصني أي شي يصير يرجع عليه ابو خيسه عباله اخاف منه

روح، ،انتو شكد تتغالطون وتتعاركون  بس واحد يحب الثاني

باقر، ،ااااعععع اني احبه ابو خشم المدوحس خلي يطير

روح، ،هههه لا والله تحبة انته  غير كل الوقت ويا وحته بنفس البيت ماتفارگه لا تنكر

باقر، ،بتسم وحجه وهوه يحك براسه، ،والله عزيز عدي كللشش تدرين كل الوقت ويا من انتقلو البغداد والهسه اني مافارگه ويا وحته اهلي اجيهم بس بل عطل كل وقتي ويا

روح، ،يعني انتو قبل هم تتعاركون لو بس هسه بسبب هاي المشاكل الصارت

باقر، ،لا من زمان نتعارك بس هسه اكثر عركاتنه

روح، ،دنكت وحجت بهدؤ، ،بسببي تتعاركون

باقر، ،خاب ماتنجبين شني بسببج كولي كله على مودج انتي اختي روح أختي ألي ماأرضا على أماني مأرضا عليج مو بس حازم اعاركه على مودج اعارك الكل

روح، ،نزلن دموعي وحجيت بغضه،

،ماتوقعت راح الكه واحد يدافعلي هيج من زوج حازم

باقر، ،انتي قبل لا صيرين زوجة حازم انتي بت عمتي واختي وماأرضه ينعال عليج كدامي

روح، ،شكراا باقر شكراا ماعرف شلون راح اشكرك على وكفاتك وياي

باقر، ،لا يمعوده عليمن، يالله تعالي فوتي جوه بردت

روح، هزيت راسي وفتت ويا للبيت

سالي، ،كعدت من النوم محد بل غرفه بس اني وأمي نايمه  كعدت واني اتمغط عدلت حجابي واني ضايجه منه هففف شكد اكره الحجاب يربي لبسته وطلعت جان محد بى صاله بس روح وباقر كلمن رايح الغرفته  رحت يم روح الي تباوع عل تلفزيون باوعت الباقر بطرف عيني يباوعلي ومبتسم بستفزاز تأفئفت بضوجه ودرت اباوع على التلفزيون وحجه باقر وهوه يريد يستفزني

باقر، ،أكوول زقجه

سالي،،غلست منه سويت روحي ماسمع

باقر، ،هييو ماتحجين جنج جداحه

سالي، ،ماحجيت ستمريت بتجاهلي اله

باقر، ،شهل وجه المقرف أييععع

سالي، ،ماحجيت شي على نفس كعدتي درت على روح التضحك وميته من الضضحك حجيت واني اخزرهة

شبيج عليمن ضحكين الضحك بلا سبب من قلة الادب

روح، ،اهز راسي واني كوه كاضه الضحكه

باقر، ،أكوول انتي شدعوه هيج كصيره شنو عندج نقص نمو

سالي، ،درت علي وحجيت بعصبيه، ،مثلك انته شدعوه هيج طويل

باقر، ،يحجي بستهزاء أي مو انتي صاحلج الطول وكايله لا

سالي، ،طول بدون عقل ماريده عايفته الك

باقر، ،فتح عيونه بتعجب وحجه هاي عليه اني بدون عقل ولج

سالي، ،زين من عرفت. نفسك

باقر، ،كل أخلاق ماعندج قليلة أدب

سالي، ،عفت الادب الك

باقر، ،انطيج شويه أذا تردين

سالي، ،مشكور. نگعه وشرب ميه

باقر، ،عود انتي هم محسوبه من النسوان

سالي، ،ومنو كلك انته محسوب من الزلم

باقر ،،مخنزر عيونه بعصبيه

روح، ،يااا وللج ساالي كافي شهل حجي

باقر، كام وهوه نار من العصبيه.

سالي، ،تباوع ورا بندم بس ماتبين

روح، ،ولج هو هيج تحجين غير تحسبين الكلمتج حساب يالله تحجيهة ليش تجفصين بل حجي

سالي، ،هوه ستفزني بل حجي اني گاعده وهو. يجي يتحارش بل حجي

روح، ،بس مصختيهة تره هيج ذبين الكلمه شكبرهة

سالي، ،كله منه

روح، ،تره والله باقر يحب يشاقي  وخاصه انتي ملاحضتله يحب يشاقيج لن داهرين بس انتي ماتحترمين كلش

سالي، ،اي خوش بس اسكتي

روح، ،كامت من يمهة وراحت الغرفة الجد

سالي، ،حيل ويا يستفزني ويخليني اغرد ونوب يزعل

حازم، ،كل شوي اخابر باقر اغلط ونعل وحجي احس كلبي مايرتاح لو شما أحجي طلعت جنطتي خليت ملابسي وطلعت البدلة العسكريه خليته على صفحه رحت اتمددت ألعب بتليفوني مايجيني نوم ابد صارت صلا لبست ملابسي مال الدوام وطلعت لكيت امي وابوي كاعدين هستوهم مخلصين صلا. گعدت يمهم واني احجي،

صباح الخير

زهره، ،صباح النور

بدر، ،هلا يابه

زهره، ،يمه شعجب ماجبت مرتك

حازم، ،جدي مارضه بس خليهة تولي هناك مشموره

بدر، ،جم يوم وروح اجيبهة

حازم، ،عوفه عليمن جيبهة

زهره،،يايمه ليش والله البيت فارغ بدونهة وهم هيه حامل يايمه وتريد مداره

حازم، ،سكتت ماحجيت شي شوي وخابروني جماعتي كالو السايق منتضرنه عل شارع سلمت على اهلي وطلعت

،

سالي، ،گعدت الصبح على صوت الحجي امي وروح يسولفن والريوك يمهن گعدت اباوع عليهن واني مسطوره ومنثوله فد نوب كمت أغسل وجهي طلعت لكيت خالي وجدي وبيبي گاعد يتريكون باوعت للساعه بل سبعه ونص تعجبت صراحه اول مره اكعد هيج وكت بدون مايسحلوني سحل من الفراش رحت للحمام فتحت الباب بدون ما أدكه واني بعيوني النعاس كوه مفتحه ونصدمت ب باقر بس بل شورت ويمسح بشعره اني من الثول غمضت عيوني حيل وخرت من الباب بسرعه احس صخنت من الفشله شوي وأسمعه طلع باوعت شفته يمشي بتجاه الصاله وهوه مبدل فتت للحمام غسلت وجهي واني مرتبكه مدري شبيه عدلت شالي وطلعت لكيته يتريك وياهم بس غير كاشخ كشخه عبالك عريس رحت للغرفه نزعت شالي وتمددت على رجل امي واني أغمض عيوني كلساع يجي على بالي مدري شبيه احس ملخبطه بس الي تعجبت منه ماباوع بوجهي ولا جني موجوده هوه مايفوت فرصه مايتحرش بلحجي لو يلاحكني بنضراته نمت واني مادري بروحي فزيت على صوت امي وهيه تگعدني

بدريه، ،سالي گعدي عزيزتي ترحين وياي البيت رياحين

سالي، ،هممم

بدريه، ،ترحين وياي

سالي، ،همم

روح، ،ومررض الغيوي الفاهي صحصحي يالله

سالي، ،كمت واني اتمغط وحجيت، ،شني وين نروح

بدرية البيت رياحين على مود نحجز صالون وبدله

سالي، ،أه صددكك شعجب عود تاخذيني وياج بدون ماتوسل ومصلح

بدريه، ،هسه فوك مانقهرت عليج وكلت خطيه

سالي، ،ياا والله نشالله دوم مكسور خاطرج ومقهوره عليه وتاخذيني وياج

بدريه، ،امداج على هل دعوه الجايفه هاي تضلي بعد مأخذج

سالي، ،لا لا شلللوون كايمه بس ابدل ثواني وجيج

بدريه، ،عرفت جنطتج هاي تخوف من شفتهة شكبرهة  طلتت كلهة ملابس

سالي، ،ههههه ةي غير خاف نبدل شي

بدريه، ،باقر يوصلنه بدربه

سالي، ،خوش كايمة

رحت لبست بسرعه بلطلون وقميص مقفل يصير النص الفخذ وعلي حزام عريض عدلت التور بان والنضاره وطلعت امي لابسه عبايتهة ومنتضره باقر باوعلي ماعاجبه وحجه يالله عمه

سالي، ،طلعت وياهم وباوعلي وحجه وهوه مغنتب

باقر، ،تمشين بدون حجاب

سالي، ،غير لابسه توربان

باقر، ،ماتمشين وياي بهاذ

سالي، ،لا والله ونته شكو

باقر، ،كلت ماتمشين بهاذ جنة عمامة ابو جعفر المنصور

بدريه، ،ههههه اي والله لاعاب حلكك

سالي، ،احجي بخجل ومثل العصبيه، ،اي عادي معليك

باقر، ،عمه رجعيهة ماخذهة بهاذ العمامه

بدريه، ،يمه البسي شال وتعالي

سالي، ،مااا

باقر،، چا رجعي

سالي، ،عود ليش شبي مانزعه والله

باقر، ،اي لا تنزعينه ضلي احنه رايحين

سالي، ،ليييش شبي

باقر، ،شبيه مخبل ماخذج هيج وركبتج طالعه كلهة جنهة، ،،،وسكت ماحجه بس يباوعلهة

بدريه، ،يمه نزعي ولبسي شال وخوتج هم مايقبلون بي

سالي، ،رحت واني اضرب رجلي بل كاع وحجي ،،،هفففف هسه شبي بالله

رحت بدلت بسرعه لبست شال وجيت بسرعه طلعنه صعد سيارة خالي حسن امي يمه بل صدر واني وره طول الطريق وماشال عينه مني احس رتبكت واني مدري شبية خجلانه حيل أحس نضراته تخجلني حييل كل مارفع راسي الكي يباوعلي واني ادنك منه وصلنة البيت رياحين تقريب بل 9 نزلنه وباقر يباوعلي منا فتنه احس نضراته اكلتني أكل

فتحتلنه رياحين الباب وهيه تحجي

رياحين، ،أهلا وسهلا تفضلو

بدريه، ،بعد روحي بل مهلي

سالي، ،حبيبتي شكرا

دخلنه للستقبال والمريه الحجيه گاعده تباوعلنه من فتنه راحت امي باوستهة

سالي، ،احجي بكلبي، اهوو سويتي يايمه سلمي من بعيد اله بوس، ،رحت باوستهة وهيه تحجي

هلا يعزيزتي يبعد حيلي شلونج بيبي

سالي، ،الحمدالله شلونج انتي

الجده،،الحمدالله

سالي، ،كاعدين وشوي واجت عمة رياحين سلمو وكعدت

شلونج، ،خيه ام هارون

بدريه، ،الحمد الله يبعد روحي. يالله خيه خلي نروح للسوك نحجز صالون وبدلات وهم يالله نشوفلنه كوشه حلوه

العمه، ،اي بس خلي البس عباتي

سالي، ،كامت عمة رياحين جيب عباتهة وحجت امي وهيه تباوع الرياحين

كومي البسي جا ماترحين ويانه

رياحين، ،لا ماروح غير عمه تروح

بدريه، ،ياا شلون ماتروحين كومي البسي غير تختارين على ذوقج

رياحين، ،لا عمه تختارلي اني ابقه يم بيبي تبقه وحدهة

سالي، ،دخلت العمه لابسه عبات وكامله باوعتلهة امي وحجت

بدريه، ،ليش رياحين متروح

العمه، ،علواا كلوله ماتقبل

بدريه، ،والله ازعل غير شلون ماتروح

رياحين، ،مو بيبي

العمه، ،أول شي امي مو زغيرونه وتخافين عليهة وثاني شي مانتأخر احنه بسرعه ونرجع شنو جاي نبات

رياحين، ،اي خوش خلي البس وأجي

بدريه، ،اي عزيزتي بسرعه

سالي، ،راحت رياحين تبدل شوي واجت لابسه فستان شيفون ابيض وبي ورده زغيره جوزي والشال جوزي طالعه جنن هيه شكره عيونة خضر وبيضه كطن بتسمت وحجيت

يابه حقه خضر متخبل وبس يسولف  بيج شنو هل جمال

رياحين، ،بتسمت بخجل ودنكت

بدريه، ،صلاوت على محمد وآل محمد يالله يمه خلي نروح

العمه،،يالله

سالي، ،طلعنه والحجيه ورانه خطيه فرحانه الرياحين سدت الباب ورانه ورجعت صعدنه تكسي ورحنه للسوك تقريب 3ساعات ورجعنه حجزنه صالون وبدله وثنين فساتين وخضر خابر كال

موصي على كوشه بيوم الخطبه الصبح يجون يشدوهة
رجعنه للبيت بعد ماوصلنه رياحين وعمتهة البيتهم

سالي ،،دكيت الجرس وطلع باقر فتح الباب فتنه جوه وباقر ما يباوعلي عود زعلان على گعدتنه وندك الباب راح باقر يفتح الباب شوي واجه هوه وخالي بدر شاف امي گاعده ضل واكف يباوعلهة بنضره تحسه مشتاقلهة متعجب بجيته
وامي تباوعله بنضرة شوك وعتب والدموع تلوج بعينهة
فات خالي وهوه يسلم

بدر،،السلام عليكم

الكل، وعليكم السلام

راحت روح سلمت علي وباسته رحت اني هم رغم احس متردده امي تباوعله من بعيد هوه كعد على صفحه مايباوع الامي ابد يتهرب منهة
شوي وصبو غده كعدنه كل احنه ناكل واباوع الامي كوه تبلع الكمه وعينهة على خالي بدر كملنه غدة وشلنه المواعين غسلناهن اني وروح وأماني نضفت البيت رحنه گعدنه يمهم وخالي بدر حجه

بدر، ،يابه اجيت اخذ روح وياي ولا تردني

الجد، ،السوا ابنك مو شويه مشوه وجهة

بدر، ،ماتنعاد بعد

الجد، ،خليهة جم شهر ترتاح منه ومن هوسته

بدر، ،يابه هسه هوه بل دوام وبس اني وزهره بل بيت

الجد، ،ميخالف شني مايجي بعد

بدر.  ،يابه لا تفشلني وزهره هم  بحدهة بلبيت

الجد، ،اني مالي شغل هيه بكيفهة تكول اروح تروح تكوال ماروح  ما خليهة تخطي جدم واحد

بدر، ،اي بكيفهة

الجد، ،شتكولين جدو

روح، ،بكيفك جدو اني أرجع الخاطر خاله وخالي

بدر، ،بتسم وهز راسه.   اي

الجد، ،هاي هيه بس موهسه تروح من تروح بدريه البيتهة يالله اني اجيبهة الكم

بدر، ،اي خوش براحتك

كام وحجه، ،يالله اني اترخص بعد

حسن، ،وين بعد وكت

بدر، ،لا هم يالله، ،وهوه يباوع البدريه

سالي، ،طلع خالي وأمي راحت للغرفه واحنه وراهة كعدت بل زويه وعينة عل فراغ خلت شيلته على عيونهة وبجت. رحنه يمهة وحضناهة اني وروح الي تبجي على بجيهة

لليل وامي مالهة خلك شوفت خالي اثرت بيهة كلش مانشفت دمعته ابد لل11 بليل منا نامت والدمعه بعينه وحنه حته خلك ماضل عدنه روح كضتهة بجي ويه امي واني احس صار عندي أكتئاب وضوجه

،

خزامي، ،من اجه هارون وهوه بس ينتر وعصبي مايتحاجه لليل وبسمه اجه عليهة اخوهة اخذهة الولد منجمعين بل صاله يلعبون بليستيشن. بسمه سوت كيك وخلته بل ثلاجه خليتلهم بماعون وسويت شاميه وجابو ببسي وخذته الهم رحت الغرفت سالي تمددت بفراشي اباوع تلفزيون نص اليل نزلت الم المواعين والهوسه لكيت الولد نايمين كلهم بل صاله مطفين الضوه وبس الشاشه مشعوله كلمن ملتف بطانيتة درت ردت ارجع للغرقه وسمعت صوت هارون يحجي بهمس

هارون، ،جيبي بطانيتي من غرفتي

خزامي، ،هزيت راسي وصعدت بهدؤ فتحت الكنتور اريد اطلع البطانية واحس ادين التفت على خصري

،،،،،،،،،،،،،،،،،،،،،،،،،،،،،،،،،،،،،،،،،،،،،،،

شلونهة القفلة 🙂😌

#جنات بنت الجنوب