، مساء الخير،،
،، تصورتها ورديه،،
،، بقلم سرياس،،
،، اباوع ع البنات يخوزرن وام ايهاب تبوس گلت شنو السالفة گعدنه نسولف ع العرس گتلها ماريد حنه والعرس بالفندق ونفضها اتفقت ويه ايهاب ماقبلوا رادوا حنه وعرس على اخونه الوحيد ونريد نفرح بي اتجادلت ويه امه ماقبلت وهي اتخبلت شلون ماريد حنه وعرس وشلون توگفين بوجهي
صاحت بناتها رادن يسوون عليه هجوم لو ما يدخل علاء ويشوفهن گالهم هاها شنو السالفه بويه شمالجن ويه اختي اني تركتهم وصعدت لغرفتي بقيت مانزلت واسمع ام ايهاب كل شويه تحجي واني ساكتة ومغلسة گلت يجي هيثم واتفاهم ويا شلون راح يشمرني ويه ناس ميحبوني
خابرت ايهاب حجيتله عن امه گال غيري ملابسج وتعالي نطلع مطعم گتله ماشي رحت رتبت نفسي وانتظرته صاحتني لمياء گالت ايهاب يريدج طبعاً لمياء صارت هي واخوات ايهاب حبايب لأن نفس الصنف نزلت لگيت امه تحجي وياا تگله ليش تريد تسوي العرس سكتاوي باس ايدها وگاله ميصير خاطرج الا طيب اللي تريدي يصير تركناهم وطلعنا بالطريق بقينا نسولف
ايهاب: اعرف بيج متريديني بس اتعاملي ويايه بطيبة گدام اهلي اعرف غلطت وياج بالبداية بس صدگي اذا بقيتي يم هيثم راح يدمرج حتى دراستج تركتيها من ورا
من جاب طاري الدراسة دمعت گتله دراستي ومستقبلي ضاع
ايهاب: يمين عليه اخليج ترجعين للدراسة وتحققين حلمج
وصلنا المطعم وطلبنا اكل واتفقنا نسوي عرس بس ميتقربلي الا ان اكون جاهزة واسلمه نفسي گال مو مشكلة
بقينا ناكل ويسولف عن حبه الي كملنه اكل دفع الحساب وطلعنا ثاني يوم مر اليوم عادي ايهاب اخذ امه واخواته لبيت عمي علمود الحنه يگول عيب نبقى بيت واحد
ثاني يوم صادف الحنه رحنه اني وامي وندى وجوري للصالون اتأخرنه يلا خلصنا طلعنا تقريباً ساعة سبعة ونص طبعاً الحنه صارت بالقاعة دخلت واشوف اقاربنه كلهم موجودين وكلها فرحانة وترگص وراها اجه ايهاب شويه گعد يمي وكملنا طقوس الحنه وطلع
بقيت ويه البنات بس گوة كاتمة دموعي الا ان خلصت الحفلة وطلعنه رجعو للبيت بوجهي لغرفتي نزعت البدلة وفتحت شعري دخلت سبحت وطلعت وگابلت ندى وگعدت ابجي لما شبعت اني ابجي وندى تسكتني وراها نمت ماحسيت على نفسي گعدت الصبح على صوت اخت ايهاب تگول يلا علمود نروح للصالون لگيت ندى نايمة يمي وماتركتني
رحت سبحت وطلعت لگيت ندى تبجي گتلها اني اريد حجة اشوف واحد گدامي يبجي وانتي تبجين بعدني احجي وياها واجتي جوري تبجي وعيونها حمر وگعدنه نبجي تركتهن ورحت لغرفة علاء طبعاً هيثم بالدوام ماكلف نفسة يودعني ويسلم عليه رحت لگيت علاء متلفلف بالبطانية ويبجي گال
علاء: أرجوان مااگدر اودعج انتي امانة ابويه واني ماصنت الامانة وماوگفت وياج وماوگفت بس بوجه هيثم
ارجوان: فدوة حبيبي لاتهتم اجه شبكني وباسني براسي گال سامحيني گتله مسامحتك حبيبي
طلعت من غرفته رحت للمطبخ شفت امي حضنتها وبقينا نبجي گالت سامحيني لأن ماوگفت بوجه هيثم ومادافعتلج گتلها مو مشكلة كل شي راح وانتهى صعدت احظر نفسي وصلني مقطع صوت من رائد المقطع جان لراكان
،، شلونج يالفاهية عيشي حياتج وخليني محترگ بنار گلبي ولو صار عندج ولد سمي علي رضا ونادي بأسم رضا لاتصورين بيوم اكرهج واطلعج من گلبي لا ابد حلفت يمين متصيرلي مره من بعدج ربي يوفقج ويسعدج بحياتج،،
مااوصفلكم شعوري واني اسمع بس اتعديت ومشيت ورحت جهزت نفسي اجه ايهاب واخذنه للصالون اني واخواته اثنين وجوري بالگوة قنعتها تجي ويايه
وصلنه الصالون وجوري گالت لايهاب جيب وياك اكل گالها صار من عيوني اني اول مادخلت بلشت بيه الكوافيرة هي تمكيج واني ابجي گالت بس اسكتي شويه خلي يثبت المكياج ميصير هيج سكتت بس حسرة بداخلي شكبرها
ايهاب جابلهم اكل اني ماقبلت اكل جوري لبست فستان يجنن وخلت مكياج بناتي هي حلوة من الله وخلت مكياج طلعت تجنن اخوات سجاد هم رتبن نفسهن لما خلصنه واجه علاء اخذنه من شافني گال
علاء: ياروحي شنو هالجمال
ارجوان: ها طالعة حلوة
علاء: شنو حلوة تگولين للگمر گوم ولك خلي اگعد بمكانك
بقيت اضحك گال ربي لايحرمني من ضحكتج صعدنه بالسيارة وجوري تصفگ وتهلهل
علاء: ولج جوري ناقصج بس تهزين چتف
جوري: اسكت اسكت ولك فرحانة وعلي
علاء: اي اشوفج فرحانه اكثر من العروس
وصلنه البيت واتلگني النسوان بالهلاهل وام ايهاب طشت عليه جكليت امي جانت واگفة بالباب مال الصالة من شفتها شبكتها وبجيت گالت بيها الخير يايمه لمياء هم اجتي باركتلي هي واختها رحت گعدت بمكاني والبنات يرگصن اجتي ندى گالت گومي ارگصي گتلها لا عيب گالت مو عيب گمت رگصت شويه ورجعت گالوا اجه العريس خلي النسوان يتسترن دخل ايهاب وعلاء وعمي وجدي ابو امي
اخذني جدي من ايدي وسلمني لايهاب وكاله خلي بالك على بنت عمك گاله بعيوني علاء گاله هذه امانة ابويه لاتكسر گلبها وخلي بالك عليها
اني وامي دموعنا تجري اباوع على علاء واگول رب العالمين انطاني علاء سند الي من بعد ابويه مو مثل هيثم اللي ماكلف نفسه يباركلي
طلعت الزفة وطلعنا بالسيارة واني روحي تلوب اول مرة احس اريد ابقى يم اهلي ومااريد اتركهم وصلنه الفندق وجماعة إيهاب واگفين باب الفندق ويرگصون واخذوا ايهاب رگص وياهم واشوفه شكد فرحان بعدين صعدنه للغرفة اول مادخلنه وايهاب قفل الباب اني الرجفة لزمتني هو اجه رفع الطرحة
ايهاب: اللهم صل على محمد وآل محمد شطالعة كيكة
اني استحيت ودنگت
ايهاب: ارجوان شوكت متشوفين نفسج جاهزة بلغيني
ارجوان: إن شاء الله
ايهاب: راح اطلع شويه وانتي غيري ملابسج
طلع وقفل الباب ورا واني دخلت للحمام انوبه توركت شلون انزع البدلة شگد حاول ماگدرت طلعت گعدت ع السرير وانتظرت اتأخر يلا رجع من فتح الباب وشافني گاعدة ع السرير وبالبدلة ضحك
ايهاب: هاا ولج لهسة مانازعة البدلة
ضحكت گتله مااگدر افتحه گال تعالي اني درت ظهري استحيت كلش منه بس مجبورة هو تقرب يم اذني وگال ارجوان حبيني مثل مااحبج وكل شي يسهل
اني احس جسمي كله كزبر من كلامه گتله يلا افتح الزنجيل تعبت من البدلة فتحها ودخلت للحمام بدلت ولبست ملابس فضيحة امي وجوري ابد ممخليات شي مستور احتاريت شلون البسهن لبست سيت ابيض قصير وفاضح وطلعت گوه اغطي نفسي هو شافني گال راح اطلع وانتي تعالي اكلي طلع واني اتصلت على جوري اول مافتحت الجهاز گتله ولج شنو هذه الملابس مو گتلج خلي دشداشة
جوري: فلك طرج اكو وحده بليلة عرسها تلبس دشداشة
ارجوان: اي اني وشنو هاي الملابس المخليتها انتي وامي
جوري: يااا ولج غير بنية عروس وهيج تلبسين
ارجوان: ولج عيب عيب
جوري: ياعيب وانتي راح تنامين بحظنه عود نريد بيبي زعنون
ارجوان: ياا ولج يابيبي انتي البطرانه روحي يلا نهيت الاتصال واني اضحك على سوالفها ابد متسكت اني جوعانة والاكل گدامي گعدت اكل لما شبعت هو مارجع گلت خلي انام تقريبا ساعة اربعة الفجر حسيت عليه دخل الغرفة سويت نفسي نايمة
اجه يمي جان بالگوة يحجي عرفته سكران گال ارجوان اني احبج واريدج ليش هيج تسوين بيه گتله تعال نام وبعدين نتفاهم اني خفت منه كلش لأن جان ابد مو بوعيه بقى يحجي كلام ممفهوم بقيت اساير بي لما نام
گعدنه الصبح على صوت دگة الباب وسمعت صوت امه واخواته يگولن ياااا صدگ لهسة نايمين رحت فتحت الباب بملابسي مال النوم وايهاب نايم من فتحت الباب شافوني بملابس النوم اخته گالت يااا لهسة بعدج ممبدلة روحي اللبسي وخلي نطلع ورانه طريق
گتله انتو روحوا اني وايهاب نريد نروح زيارة دفعتني گالت شو وخري وين ايهاب بدون خجل ميگولن عريس وليله عرسه عادي دخلن للغرفة وگعدنه هو گعد متفاجئ يفتح عين ويغمض عين
گالتله گوم شنو تبقى بالفندق گاله لا بس اني مواعد ارجوان نروح لزيارة خواته المتزوجات قررن يرجعن لبغداد تبقى بس امه وغدير يبقون ويانه هو ماقبل اخته گالتله شنو بعدك اول يوم اتبريت من امك گلت اهووو شيخلصها بالگوة طلعن من الغرفة يباوعلي صفح اني وايهاب
سديت الباب وراهن ورجعت لگيت لازم راسة گال اي شي صار البارحة مااريد احد يعرف بي گتله تمام
ايهاب: راح اسبح واطلع اجيب اكل وحظري نفسج نطلع للزيارة
ارجوان: امك واختك ويانه
ايهاب: اي ويانه
راح يسبح وانتظرته لما طلع وقفل الباب ورا واني رحت سبحت وحظرت نفسي واجه جايب اكل كعدنه ناكل گال
ايهاب: اهلي يريدون يعرفون زواجنا تم لو لا
ارجوان: انت تعرفني اني مو جاهزة هسة
ايهاب: تمام اني راح اشخط رجلي واراويهم وانطيج وقت لما تكونين جاهزة
خلصنا اكل ولمينا غراضنه ورحنه لبيت اهلي لأن امه وغدير هناك اخذناهم وطلعنا للزيارة امه گعدت ليگدام واني وغدير ورا اني نمت بالطريق وماحسيت الا ايهاب يگعدني جنه واصلين النجف دخلنه زرنه وبعدين أجر غرفتين واستقرينا بيهن
تركني وطلع بقيت وحدي اتصلت على جوري بقت تحجي عليه وگالت تممي زواجج واخلصي على شنو باقية هيج عيشي حياتج وانسي الراح اقتنعت بكلامها وقررت ابدي صفحة جديدة
رحت لبست ملابس نوم ورتبت شعري وخليت مكياج وانتظرته لما اجه دخل الغرفة وشافني بقى يباوعلي
ايهاب: ارجوان متأكدة
ارجوان: اي
ايهاب: تمام بس اجهز نفسي
جان جايب ويا اكل تركه ع الميز وراح للحمام اني الخوفة والرجفة بيه متنوصف اجه تقرب مني وبقى يتلمس بوجهي ووو تم زواجنا وخر مني وگال مبروك صرتي حلالي
بقيت نايمة بفراشي وهو راح سبح ورجع اجه يمي باسني بخدي وشم رگبتي وگال اخخخ ياريحتج گتله شكراً هو عفس وجهه
ايهاب: جنج ماراضية
ارجوان: لا مابية شي گال گومي اسبحي وتعالي اكلي گتله بعدين راح ياكل واجتي غدير شافتني نايمة گالت شبيج حامل متگومين تتعشين ويه رجلج صاح بيها شنو السالفة خوية اتركيها مريضه
معجبها الوضع طلعت ورا شويه رجعت گالت امي تگول اريد ارجع لبيتي وابويه هناك وحده گالها تمام حظروا نفسكم باوعلي گال يلا حظري نفسج نطلع لكربلاء ومناك نرجع لبغداد،،،،،،،
يتبع،،،،،
دمتم بخير،،،،