متابعه الحساب +تصويت علئ بارتات السابقه
لا اخشى ناركم
بقلمي:- رزان علي
بالليَّل جَرحي رَطب
بَس الصُبح ناشِف
اضحك بكُل قوتِي
ماچني ذاكَ الچنِت
بالليَّل مِتراجف
والخُوف ماكلنِي اكل
بَس ما مبيّن ابَد
وتعرُفني كُلها القَوي
بَس بالصدُك خَايف .
................................................
ايفا
وشفت بابا صاح بصوت
ابو علاء: مو بكيفج هسه تكولين منو لو وربج باجر
اخليهم يجون وياخذوج غصبن عليج وع الخلفج
نزلت دموعي
ابو علاء: احجيييي بنت الكلب
ام علاء: مو هيج عوفها اني احاجيها
ابو علاء: وخري انتيي كل البلاء من راسج
دفعها وتقدم علي لزمني من شعري ورفعني
ابو علاء: تحجين لو لا ؟
ما حجيت بس دموعي تنزل
وحسيت اجاني راشدي دار وجهي بسرعه اجت ماما دفعها وكال
ابو علاء: بنت الكلب احجي ويامن اني
نطقت بصعوبه ودموعي تصب
ايفا : م مت متيم متيم
بسرعه دفعني وطلع بقيت ابجي اجت ماما حضتني
واني زدت بالبجي ساعه ودموعي ما نشفت
ام علاء: كافي يمه والله متيم ما تلكين مثله يخليج ؏ راسه احسن ترحين للعمج وابنه العار؟
ايفا: ماما اكرها اكرها
ام علاء: لعل تكرهو شيأ وهو خير لكم يمه ان شاء الله خير خليها ؏ ربج
مسحت دموعي وطلعت من الغرفه ورحت صعدت فوك
للمكاني الي ارتاح بيه كعدت اشكي وادعي لحد
حسيت نفسي تعبت بعد نزلت نمت حاولت ماما
توكلني بس جنت رافضه كلش غطيت راسي وما
كدرت انام بقيت اتكلب كعدت ابجي اخير شي مليت
ونمت ودموعي ؏ خدي كعدت ثاني يوم ؏ صوت ماما
ام علاء: يلا كومي لا تتاخرين
كمت بدلت ورجعت
ام علاء: تعالي تريكي البارحه بدون عشه
هزيت راسي وتقدمت يمها
ايفا: انطيني بس حليب
ام علاء: يمه الاكل شعليه زعلانه منه شنو
ايفا :ما اشتهي
طلعت استبرق من المطبخ وهي تهز بخصرها
استبرق: هلا هلا حہ تصير عدنه خطوبه
كلللووووششسش
باوعت وابتسمت مستهزاء
تكابلت وياها مرام
مرام: العب روح هلا ردح شعر شعر
خلصت وعفتهم وطلعت انتظر السايق دقايق واجه
امتحنت ورجعت واحس هموم الدنيه كلها ؏ اضلوعي
اجت فكره اشرد استغفرت ودخلت للبيت وسمعت
هوسه جوه عرفت اجو اهله بقيت بمكاني صافنه فززني صوت رحيق وهي دكول
رحيق:شبيج جنج مطي صافن ما مشتاقتلي شنو
باوعتلها وحضنتها وبقيت ابجي
رحيق: ياا شبيج
ايفا: والله اكرها ما اريده عفيه سوي شي عفيه
رحيق: ليش ايفا والله ترا مـا تلكين مثله شايفه شلون يحبج
مسحت دموعي وهزيت راسي اعرف هالشي مستحيل
يتغير بعد دخلت سلمت
ام مازن: ههلا بجنتي هلا
ابتسمت بتصنع
صارت عيني ؏ متيم الي يباوع ومبتسم حجيت بداخلي
ايفا: اذا ما امحي هاي الابتسامه اطلع مو ايفا
ودخلت ابدل لبست بدله وخليت الحجاب ؏ راسي
وكعدت بمكاني واحس حته النفس ثكيل شوي ودخلت
ام مازن وهلهلت خلت اذاني تصوفر عرفت انتهئ كلشي
وصرت اله واجت وراها ماما والبنات يركصن تقدمت يمي رحيق
رحيق: لج ح انزع ملابسي من الفرحه
بسرعه اجتلها ضربه ؏ راسها
ام مازن: ادبسزز
ضحكت ؏ منظرهن وعفتهم ورحت صعدت فوك
بالغرفه كعدت ؏ الجربايه ولميت رجليه للحضني
ايفا: صرت اله؟ راح يلبسني حلقه؟ يصير زوجي؟
متيم؟ زفرت بقهر ورجعت حجيت
ايفا: كافي دموع شنو راح يفيد اذا بجيت؟ يتغير شي
يعني؟ خلص صرت اله اششش اششش اتقبلي ايفا اتقبلي انتي اقوئ من هيج
وكمت بقيت افتر وانفتح الباب
رحيق: وجع شارده شبيج
ايفا: عوفيني
رحيق: ايفا ترا زودتيها
كبيت بوجها وبقيت اصرخ
ايفا: معليج عوفيني ازودها انقصها معليج معليج عوفيني
رحيق: ايفا ؏ كيفج
ايفا: كتلججج عوفينييي
باوعتلي وصرخت بوجها
ايفا: اطلعيييي
بسرعه طلعت كعدت الهث ما اعرف شنو اتصرف وشنو
دايصير بيه بوقتها حقدت عليهم كلهم وبالخصوص بابا
ما اريد اشوف احد نهايأ كمت اكسر واضرب الحايط
انهاريت ما ادري شكد مر الوقت واني ؏ وضعي الغرفه
صارت عباره عن كزاز لزمت راسي وبقيت اون من الألم
دقايق وانفتح الباب رفعت راسي بتعب وجان اشوف
متيم واكف ويباوع بصدمه بسرعه شلت الكزاز وشمرته عليه وصرخت بعلو صوتي
ايفا: انت انت اطلعع حيواااانننن نذل اطلع الله ياخذك
بسرعه اتقدم وللمني بحضنه
متيم: اش اش شبيج
حسيت نفسي فقدت عضيت صدره كل قوتي ودفعته
وعيوني غوشن وبعد محسيت بشي
::::::::::::
رحيق
َ
رحيق: جان انزل واشوف متيم كدامي اشرلي اجي يمه رحت يمه وسئلني
متيم: شبيها ايفا معاجبها الوضع
رحيق: ماعرف وهستوني طلعت من عدها بس تبجي وتصرخ وطلعتني برا
بسرعه وكف وطلب اذن حته يشوفها
من ام علاء وابو علاء اول شي موافقو لان
ماعاقدين بس طلب انو بس يحجي وياها شوي
قبلو وصعد الغرفه كبل
دعيت بداخلي انو تهدا وميصير شي عليها
ورحت كعدت يم ماما وام علاء ومرام واستبرق
وشوي وجان ينزل متيم وبيدا ايفا مغمي
عليها ام علاء كامت بسرعه وماما واني
اشوفا كبل خلها بسياره وماما وام علاء راحن ويا
وطلع ابو علاء وبابا وعلاء من شافو ايفا نصدمو
كبل خذو سياره وراحو واني رحت لكيت مرام
تبجي وبقيت احجي وياها كعدنه اني وياها
واستبرق ندعي تاخرو كلش شوي وجان
يجون رحنا كبل دخلو كلهم واخير شي ايفا
رحت حضنتها كبل وحجيت وياها نوب كعدنه
اباوع علئ الكل ديباعون عليها خوف طلبت
نوب ايفا طلبت انو تصعد فوك ترتاح رحت
وياها اول مدخلنا عتذرت مني مكلت شي
لان افهما نوب راحت تنام وبقيت يمها نحجي
اباوع عليها نامت
رحيق: بقيت كاعدا يم ايفا والعب بالفون
وجان يندك الباب رحت فتحتا وشفت
متيم كدامي سالته خيرك متيم رايد شي؟
متيم:لا بس طلعي لان اريد احجي ويا ايفا!
رحيق: البنيه تعبانه قبل شوي نامت واعصابها
منهارا كلش بعدين احجي وياها
متيم:اني شكلت طلعي ومعليج
رحيق: طلعت من الغرفه ونزلت جوا
رحت يم مرام واستبرق سالتني ام علاء
ع. ايفا. كتلها نامت بقينا كاعدين شوي
ماما تحجي ويا ام علاء عن الخطوبه انو
بس تصير ايفا زينه يسووها وكالن بعد اسبوع
رحيق: ماما صدك تحجين شنلحك باسبوع
هواي اشيا لزم نسويها مايصير
ام مازن. :لا ماعدنه شي اتفقنا احنا كلشي مكملين
اسبوع هواي ان شاءالله يكمل كلشي
رحيق: سكتت محجيت وبقيت كاعدا ويا مرام
ونحجي ونخطط عن الخطوبه وبالي يم ايفا
شوي واجه بابا كال لزم نروح متيم اجه
كالت ماما يالله رحيق كتلها خلي اودع ايفا
واجي
بقا بابا يحجي وياهم هوا ومتيم ويتفقون صعدت
وفتحت الباب وشفتا ايفا الفه روحه بالبطانيه
رحت كبل
رحيق: كرصتها هاولج بعدج سالمه بالله
خلي شوفج خوا مسوالج شي وغمزتلها
اباوعلهه باوعتلي بطرف عينها وكالت
ايفا:تمشين منانا احسلج بعدين مسوا شي بس
حجينه وشرطت اكمل دراستي
رحيق:منا منه ماكو وبعدين زين تسوين علمود
اني وياج ندوام سوا ومتيم مايتعاجز يوصلني
بعد
ايفا:رحيق سكتين لو اكوم افرك حلكج نجبي
كافي
رحيق:يالله رايحه اجيت اودعج وبقيتهم
يحجون عن الخطوبه وبعدين متردين تعرفين
يمتا الخطوبه الجمعه الخطوبه ولج جهزي روحج
وسحبتها ونزلنه
ودعناهم وطلعنا
رحيق:وصلنا البيت ودخلت لكيت نورس كاعدا
حجيتلها شنو صار ويا ايفا وكتلها الخطوبه بعد اسبوع
نورس;عزااا ولج شنلحك
رحيق;مدري حجيت وياهم مافاد ماما متقبل
تكول لا تخافين كلشي نحضر. بعد مدري الله
كريم صاعدا انام صعدت الغرفتي وبدلت
ملابسي وقريت كم دعاء وصليت صلاه اليل ونمت
محسيت الا علئ ما
ايفا. ..
فتحت عيوني بتعب
ام علاء: يمه بنتي
ام مازن: يا الله الحمدالله
شفت نفسي بالمستشفئ
ام علاء: يمه شبيج ليش يصير وياج هيج
ايفا: ما ادري
طلعت ماما ورجعت دخلت هي بابا وابو مازن ومتيم وعلاء
اتقدم علاء
علاء: ولج كلساع موكفه گلوبنه
ابتسمت
ايفا: فدوه للگلبك
ابو مازن :ها بويه شلون صرتي
ايفا: الحمدالله
متيم: اكيد؟
هزيتله راسي
ابو مازن: تكدرين تمشين لو نبقئ هناه
ايفا: لا نروح ما بيه شي
علاء: تعالي
ومد ايده الي لزمتها وماما لازمتني من الايد الثانيه
وكفت اعدل حجابي الي مطلع نص شعري ورفعت عيني وصارت بعين متيم
نزلت عيني ومشيت طلعنه وصعدت بالسياره وتوجهنه
للبيت وصلنه ولكيتهم كلهم واكفين بالباب
اتقدم بسرعه انور
انور: ها وينها
صحت
ايفا: ها انور هناه
انور: الحمدالله وفتح الباب ونزلت دخلت وبسرعه
حضنتني رحيق واجت وراها مرام واستبرق وحاوطني صرخت
ايفا: ماماا جعصوني
الكل ضحك
ابتعدن
رحيق: وجع خربت فرحتنه
استبرق: اهم شي ما بيها شي
مرام: كلشي ما بيها جنها حصان
علاء: دكافي شكد تحجن دخلنها جوه
ابتسمت ودخلت باوعتلهم القلق واضح ؏ عيونهم
ايفا: ماما رايحه انام
ام علاء: كومي مرام وياها
ايفا: لا ماما ما بيه شي
رحيق: اني وياج
ايفا: يلا
دخلنه للغرفه باوعت ؏ رحيق
ايفا: اسفه
رحيق: ؏ شنو؟
ايفا: ؏ قبل شوي
رحيق: دنجبي افهمج
ايفا: بعد روحي وهسه اطلعي خل انام
رحيق: هاي الطرده الثانيه
ايفا: يا لا لا تعالي
ضحكت وتمدتت يمي
رحيق: يلا نامي
ايفا: اكرها
رحيق: نامي نامي
ابتسمت بتعب وغمضت عيوني ثواني ونمت كعدت ؏
لمسات خفيفه ؏ وجهي بقيت ساده عيوني كل توقعي رحيق حجيت
ايفا: هممم بنت الجلب صرتي رومانسيه ؏ خلقتي
ودرت وجهي تحمحم وكال
متيم: ابوي جلب حمله والديج
كمزت للدرجه طحت من الجربايه صحت
ايفا: اخخ يمه
بسرعه لزمني وكال
متيم: الله الله شبيج
نترت ايده
ايفا: وخر شجابك هناه شجابك دخيل الله اطلع امشي منا
وكفت وايدي ؏ ظهري واتذكرت بلايه حجاب بسرعه رحت لبسته
متيم: كامت تزكط يالكعبه
ايفا: ترا روحي واصله للخشمي كوم اطلع
متيم: بويه شمسوي هسه اني؟
حجيت بنفاذ صبر
ايفا: اطلع
متيم: مرتي وبكيفي
ابتسمت بستهزاء
ايفا: صح قبلت بيك بس صدكني اندمك ؏ الساعه الي خطبتني بيها
متيم: وشحلات الندم منج
ايفا: اطلع عاد
متيم: شلون صرتي ؟شربتي علاجج؟
ايفا: معليك
متيم: ايفا
ايفا: ماتت ان شاء الله
متيم: خفه لهالحلك اسكتي لا اسكطج
توجهت للباب دافتحه وانسحبت ولزكني ؏ الباب ونزل راسه ؏ وجهي
متيم: ليش تكرهيني؟
دفعته
ايفا: لأن تنكره
متيم: هاا
وتقرب عليه
متيم: اذا ما خليتج تحبيني ازين هالشوارب وعيونج
ايفا: واذا ما اخليك تزينهم اطلع مو ايفا
وفتحت الباب
ايفا: اطلع
متيم: حضري نفسج مبقه شيي للخطوبه
وطلع هزيت ايدي ورجعت كعدت
ورجعت كعدت نزلت دموعي واني اردد
ايفا: صرت اله؟
تعبت من البجي مسحت دموعي ولفيت نفسي
بالبطانيه وبقيت صافنه دقايق ودخلت رحيق
رحيق :وجع لهالوجه جنهاا مطي شبيج جنج ميته
باوعتلها بطرف عيني
رحيق: دتعالي حہ نروح
ايفا: الله وياكم
رحيق: يمه شنو من بشر هاي وتعالي صدك عرفتي شوكت الخطوبه؟
ايفا: لا وما اريد اعرف
رحيق: دولي واسمعي اليوم احد فـہَ الجمعه خطوبتج
هزيت راسي بقهر واجت سحبتني من ايدي وطلعنه
صار الكل بوجهي وكلهم واكفين يردون يرحون ودعناهم وطلعو
علاء: صدك الجمعه؟ شنو شعدكم ليش مستعجلين؟
ام علاء: لا يمه ما عدنه شي خل نخلص السالفه بسرعه واختك ما تريد تزوج هسه بس خطوبه
علاء: بكيفها بعد
استبرق : عمه شرطتو عليهم تكمل دراسه لو لا
ام علاء: اي يمه واصلأ هم كالو اتكمل وي رحيق
مرام: والله ناس
استبرق: اي والله وانتي شبيج عبالك مرت شهيد
ايفا: شبيه؟
استبرق: وراج تحضير هواي
هزيت راسي
ام علاء: من باجر ابدو نظفو وكملو
والثلاثاء نروح نختار بدله
ما تحملت كمت بسرعه
ام علاء:ها يمه وين رايحه
ايفا: ها نعسانه
وصعدت فوك دخلت بالغرفه ونزلت دموعي ما ادري
شلون غفيت واني ابجي ومشت الايام بين التحضيرات
والتنظيف ورحت اختاريت بدله جنت امشي بَس بدون
نفس وصلنه واني مخططه اختار اغلئ بدله لعل
يطفرون دخلت وبقيت اسئل عليهن كلهن داباوع
وشفت وحده لوحدها بس كلش حلوه سئلت عليها
اغلئ شي بيهم بسرعه كلت هاي باوعت ؏ ام مازن
بسرعه راحت حجزتهاا صفنت عليها وتفلت ؏ نفسي
ابداخلي طلعنه ورجعت للبيت وكل هالايام ما شفت
متيم شكد ارتاحيت وتمنيت ما اشوفه كل حياتي
كعدت ثاني يوم واجت مرام: ها مستعده
ايفا: شكو
مرام: بعد شوي يجي الشيخ يعقدلكم وباجر الخطوبه
ايفا: ادري
مرام: صح نسيت رحيق ام الاخبار
عفتها وطلعت كعدت يم ماما وبسرعه مر الوقت كمت
ابدل وابجي لبست بدله قصيره واجت استبرق وزهراء
عدلو شعري وخلو مكياج وطلعت ثواني واجه الشيخ
وزلم ومتيم وهواي نسوان وياهم
ام مازن :صلوو ؏ محمد
الكل: اللهم صلئ ؏ محمد واله محمد
اتقدمت عليه
ام مازن: يمه بنتي فدوه لهالوجه طالعه تخبلين
ابتسمت بتصنع وكعدت وشفت نبأ كدامي باوعتلها
وابتسمتلها وهي غمتني اشرتلها ؏ ايدي بمعنئ حہ
يلبسني الحلقه وشفتها كامت واجت بتجاهي وصلت
يمي وجان صاحت ام مازن
ام مازن: يلا يمه تعالي بالغرفه حہ يجي الشيخ
كمت ودخلت وماما وياي خلت عبايه عليه ودقايق
ودخل هو والشيخ بقيت ارجف مثل السعفه ماما
انتبهتلي ولزمت ايدي
ام علاء: صلي ؏ محمد ماما ماكو شي
نزلت دمعتي وحلكي بقئ يرجف سمعت الشيخ بده يحجي الئ ان وصل كلمة
الشيخ:اذا قابله بابا كولي اقبل انت وكيلي
ما كدرت دموعي تصب بقيت ساكته رجع كال نفس
الكلام ماما عصرت ايدي بمعنئ يلا رفعت عيني شفت
متيم كاعد ويباوعلي عاكد حاجبه اشر بعيونه بمعنئ
شبيج نزلت عيني ونطقت بصعوبه
ايفا: اقبل انت وكيلي
ڪمل مني ورجع ؏ متيم وكال نفس الكلام
متيم: اقبل
كمل وهلهلت ام مازن وطلع هو ومتيم
والكل صار فوك راسي شغلو الديجي وصارو يركصون
شفت نبأ اجت بتجاهي نزلت يم راسي وهمست
نبأ: صدكيني راح اندمج
حجيت بدون اهتمام
ايفا: ندميني
واجت رحيق وخرتها وكالت
رحيق: ولج صرتي مرت اخوي واخيرأ وبقت تهز
بخصرها ساعتين واني كاعده ؏ اعصابي دقايق وطلعو
صعدت ابدل ما كدرت الرجفه مصيطره كعدت ابجي
وانفتح الباب بسرعه مسحت دموعي ورفعت راسي اشوف منو
زفرت بنفاد صبر من شفته واكف كدامي
متيم: ليش تبجين؟ سد الباب واتقدم قرفص كدامي
متيم: ايفا لهالدرجه مطايقتني؟
ايفا: واكثر واكثر
متيم: ليش؟
ايفا: عوفني
متيم: مستحيل
هو كال هيج لْـۆ اتخبلت كمت ما خليت شي ما كسرته باوعت ؏ المزهريه وشمرتهاا عليه صارت بجتفه صاح بألم
متيم: اخخ حترك عشيرتج يالرعنه وتقدم سحبني
للحضنه وقيد اديه خبلني صرخت
ايفا: عوفنييي نذللل حقيرررر عوفنيي لا تلمسنيي ايدكك وخررر وخرر
قرب وجها ؏ وجهي
متيم: تسكتين لْـۆ اسكتج
كمت ارفس برجليه
متيم: كافي بويه راح يوكف گلبج
ايفا: اذا عندك ذرة رجوله عوفني
متيم: تردين تشوفيهاا
صرخت
ايفا: لككك متيممم
متيم: روحه وراحته
ايفا: الله ياخذهم ان شاء الله عوفني
ابتعد وهو عاكد حاجبه بألم مبين جتفه يأذيه
ايفا: اطلعع
متيم: لا تسوين بنفسج هيج والتريده يصير
ايفا: لا تشوفني وجهك
متيم: بعيوني اتحملي بس باجر
وطلع تفلت وراه
وحسيت بعد ما بيه طاقه احجي او اوكف
رحت اتمددت ونمت كعدت وشكد تمنيت ما اكعد
مسحت دموعي ونزلت جانت الساعه ب8 الصبح نروح
للصالون كملنه وطلعنه ورحيق وياي هي واستبرق
دخلت للصالون واستقبلني هلكني ؏ ما خلصو باوعت
للنفسي من صدك طلعت حلوه حجيت ابداخلي
ايفا: حرامات هالجمال يروح لواحد غثيث مثله
فززتني البنيه وهي دكول
البنيه: ما شاء الله تخبلين والله
رحيق: ولج اخوي اليوم وين ينطي وجها
استبرق: ولعباس بس لا يغتصبها كدامنه
باوعتلها بصدمه والكل بقئ يضحك
ايفا: وجع لهيج خلقه
استبرق: ولج والله طلعتي فد شي
اجت رحيق الي تصور بيه من اول ما دخلت لحد ما
خلصت واجت تاخذ اصور بعد داتصور واتصلو عليها
رحيق: ها اي تعال كملت ........
.........................................................
قراء ممتعه حبايبي