هيلانه الاسر
زهور الـ سلطان
لاتنسون التصويت احب اشوف رايكم علقوا بين
الفقرات وومتابعه الحسابي يحلوات
______________
استيقضت بملل اتسال و اقول لنفسي
لماذا ليل قصير ... لماذا لا استطيع ان احلم مرتين
للكاتبه
______________
.
.
مارين
گلبي ضل يدگ بطريقه جنونيه و نغزاته يزيدن
كل شويه و خوف من الشخص الجنت احسه
اماني ورا فتره نتظمت انفاسه ونام عالصدري
خفت ابعده عني و يرجع يگعد بقيت بمكاني
دموعي تنزل بغزاره و حاول اكتم شهگاتي
مسويت شي يستحق كل هذا عيوني ما
اخذت نوم و هو كل شويه عاصرني بحضنه
الصبح فتحت عيوني بغواشه و بتعب اجتي
عيني عليه جان گاعد و ساند اديه على طرف
الجربايه و يباوع عليه فزيت من مكاني بسرعه
وهو گام مد ايده قريب على خدي دفعتها
بنتره _ اياك تقرب مني مره ثانيه
_ مٓرٓي العصبيه مو زينه عليج حچابها
وونتبهت على نضراته باوعت النفسي
شقت ازار قميصي مفتوحه جواه لابسه
كيمونه قصيره حيل گبل سديته حضنت
نفسي باوعتله بحقد
_ الشي الوحيد المو زين عليه هو انت
_ افاا ليش
خزرته وردت امشي گضني من عكسي
و سحبني عليه صرت شيبه بحضنه
خله ايده ورا ظهري و دنگ يباوع لعيوني
_ انتي تجاوزتي و الصار ينسي اعتبري
عقاب صغير
حچيت بأصرار_ اگوللهم كلهم و اخليهم يدزوني
هم يخافون عليه من الناس البرا ميدرون
موجوده ويوحش
_ مارين النفس عليج طيبه لا تخليني اكمل العفته
ناقص و نسيج كلمه الوحش
جنت خايفه منه بس ماردت اكون ضعيفه گدامه
باوعت بعيونه و رديت....
_ تهدم الشتات الباقي من صورتك بگلبي لو تكسرر
الثقه المتخيلتها بيك
ضغط على فكي _ مسويت شي غلط اول وتالي
انتي حلالي لا ضلين تبيعيهن براسي
حجيت بألم_ شبيع ؟؟ نجوم السما اقربلك
تلوحهه و متوصل عليه وهسه عوفني اطلع
دفعني عنه و ابتعد _ اني اعرف شلون اعلمج هٓيِن
مٓرٓي
شمر المفتاح عليه و طلع رحت بسرعه للغرفه
دخلت سبحت ووغيرت ملابسي طلعت اباوع
للمرايه رگبتي بيها اثار تخوف بقع حمره و
بنفسجيه صرت امسح ركبتي بقسوه
خليت ايدي على جهه گلبي بوجع
و همست من بين دموعي
_ هلي و سند روحي عليه
گعدت ابچي اروح وجي بالغرفه احس
نار شابه بيه و مالهه حل صار وقت الغده
اجتي تالين بس مقبلت انزل بقيت فوگ
تالين _ مارينه احچيلي لمزعلج لا تبقين كاتمه
مارين _ وخري عني ماريد اجرحج تالين
تالين _ اجرحين فدوه الج بس لتبقين هيج گلبي
ديتگطع عليج
مارين _ شكرا لشفقتج بس مبيه شي
تالين_ متغيره مو مارينه الاعرفها
مارين _ ترجع اختي و كل الخير تلگو بيه
عافتني و طلعت اني بقيت هيج ليومين
و عمو اجه يمي و طلب انزل محبيت افشله
و نزلت
لجين _ بينت مو عزيزه اول ماصعد نزلتي
فؤاد _ خليتي عينج علينه شوفو اذا تخاربنه
اني و مارينه تعرفون سببب
ههههههههه ضحكو و اني كتفيت ابتسم
رحت گعدت بين خالتي و تارين و سويت
نفسي ما اشوفه ايمن جنت انتبهلهم من
يحچون اله هو حتى ما اباوع الجهته
امير _ شلونج مارينه صار ايام مشايفج
لو انتي مطلعين
ازاد _ جنهه وحده توها معرسه و مستحيه
من عيالها لان زوجها ماهو
هههههههههه كلهم طاحو من ضحك و اني
طبيت بهدومي من الفشله صدگ عازله
روحي حيل
امير _ هههههه وين ماكو سالفه عاويه يمك
شوكت تكبر
حچه ازاد بصوت يمثل الچديه _ من يصيرلي مجال
تالين _ هههههههه عزاااا ردودك قاتله ازودي
امير _ منيلها قاتله
ازاد _ چافين نعمتكم بويه اني ثروه تافهه
عگولتها ... گالها و دنگ حس بروحه شحچه
دنگ ازاد بضوجه ....عرفته يقصد هيلانه
لان چانت تگله هشكل .... وراها خالتي
جابت سيرتها و شتياقها الها ضجت وردت
اگوم بس صار
أيد مارين على ايدي تحاول تخفف عني
بتسمت بوجهه و رجعت التفت اباوعلهم
و بعد نفاشات ايمن جان ساكت بيها اخيرا
نطق بس بشي كسر الباقي من گلبي و روحي
ايمن _ يما اني قررت ازوج
لجين _بالخير يما بس شلون تزوجها
و اختها ما الها اثر
سكت مارد على خاله بس ورا ثواني ...
ايمن _ يي مارين تنتضر اختها و نزوج
رايد تخطبيلي ثانيه ...
فؤاد _ تخبلت بنت عمك مارادينها من امها
و صايره برحمتها و انت هنا تريد تبهذل
الثاني ما علمتكم تكسرون بنات الناس
لجين _ تسودنت شنو سالفتك انت
صاير هاي الفتره ما تنجرع
ايمن _ يابه اني مو اول واحد يزوج على مرته
مو انت اخذت ثنين و اخوك ثنين
فؤاد _ انت هاي حتى ما مزوجها و لا جيب
روحك اليه انت الختاريت و انت الگلت
رايدها
ايمن _ بس يابه
فؤاد _ تكسر حچايتي صگط
ايمن _ محشوم بويه بس مو صغير
اني و قراري اكيد فاهمه يلاا نطيته
و لازم ابدي ااسس شي من حياتي
امير _ تأسسها على تعاسه غيرك ؟
ازاد _ عاقل للحچيته ايمن !!!!!
ايمن _ رجائاً لا تدخلون ... تخطبيلي ؟؟
لتفت الخاله و منتضر جوابها
لجين _ اعذرني اخذ عماتك يدورلك مره
ايمن _ وانتي تالين ؟؟
امير حچه و هو يباوع الايمن بنضرات غضب
كأن يريد يفترسه _ هالخرط و تمزعط شبيك يابه
احچيلك كلمه ...
تالين _ لا طلعني برا الموضوع
ايمن _ مو بكيفچ
فؤاد _ لا بكيفها ... واول ما تعقد تنفصل
نهائي عن بنت اخوي
ايمن باوع العمو بس ما گدر يرد
امير و ازاد گامو طلعو من البيت الكل
نضرلي بشفقه و استعطاف نضره حرگتني
حيل صعدت بدون ما انطق شي محد اجه
يمي تركوني وحدي الم شتات التبقى من
روحي و دمعي الچمر الينزل بوجهي
ما اعرف شگد الوقت باب الغرفه صار يندگ
مسحت و جهي و فتحته چان امير باوعلي
مراضي
امير _ غابه مطريه صايره عيونچ
حچيت بصوت مخنوگ
مارين _ اميرر فدوه حاچي عمو و گولو
الاخويه خليجي يا خذني
امير _ بناتي اهدي اني احاچيه كافي
عفيه عيون متحملاتچ شمالچ بويه
مارين _ دشوف ليديصير وياي عادي
امير _ لا والله بس عاد مو كلمن صارت
بحياته عثره يوگفها و يگعد يبچي على
روحه لا ابد گومي و عدلي من روحچ
باچر داومين مابيها مجال
مارين _ من ترجع و تلگاج گاعده وساكته
و دوام ماكو راح تفرح ؟
دنگت اطگك باصابيعي ما عرف شحچي
امير _ عوفيهن يمعوده تكسرن و باچر تگعديني
وحدي وياج لسبعه و نص فهمتي
مارين _ الي شوفه
امير _ عفيه ببنيتي هسه روحي نامي
مارين _ تصبح على خير
امير _ و انتي من اهله
رجعت متديت افكر بكلامه و كلام تالين
صدگ ملازم ابقى ضعيفه و هيلانه
حتزعل اذا شافتني هشكل تنهدت بحسرات
تاكل بگلبي شوي و دگ تلفوني تجاهلته
وردت اگوم اطفي تفاجئت من قريت اسم
المتصل فرح تبين بوجهي بسرعه رديت
مارين _ هيلاااانه
هيلانه _ روحها مارينه
مارين _ ليش عفتيني انتي هم ليش تكرهوني
هيلانه _ اريد ارجعلج بس اسالج سؤال عمو فؤاد
رجع
مارين _ يي رجع و صارلته حمايه مشدده
و دييحثون عن الكانو سببب بحجزه
هيلانه _ راح اشرد من المكان الاني بي بااقرب
فرصه و جيج
مارين _ صدك فدوه لچذبين ووتوعديني
مثل بابا ومترجعين
هيلانه _ و الرب ارجع
رجفه تمالكت صوتي و اني احاچيها
مارين _ اريد اجي وياج ماريد اعيش هنا
هيلانه_ ليش و شبيج خايفه و ترجفين
.... احجي مارين هبطتيني
بچيت و رديت عليها
مارين_ ايمن
هيلانه_ شبييي مارين
مارين _ حاول يعتدي عليه
هيلانه _ لا يا حقير كافي لاتبجين النذل
اخذ راحته اصبري ارجعلج و اني اعلمه
مارين _ خلص هيلانه بس اريد اروح وياج
هيلانه _ قريبا ارجعج الحضني مارين انتبهي و ديري
بالج ثقين بااحد و خاصه اذا تواصلت وياج ديلارا
و حجتلج شي عني لا صدگين سديته منها و رجعت
غلقت التلفون
مارين _ صار بس انتبهي على نفسج فدوه شسم
المكان الانتي بي
هيلانه _ دير ...... لتبلغينهم مارين
نغلقت المكالمه .... نزرع بگلبي امل بسلامتها
و بنفس الوقت خفت عليها متگدر تطلع من
الدير اجتي تالين للغرفه ما حچيتلها عن المكالمه
بس گلتها راح اداوم بتسمت و گالت عفيه
عليج ثاني يوم بدلت و جهزت نفسي
و رحت دگيت الباب على غرفه امير فتحه
شفته مجهز روحهه ابتسم بوجهي
مارين _ صباح الخير
امير _ صباح النور يلا نروح
مارين _ اسويلك رويوگ
امير _ لا اني عازمج اليوم
و صدگ اخذني ريگني و جان المكان
يفتح النفس فرحني رغم عني و بين
ما اني اباوع للمكان لتفت لامير لگيته
يباوعلي بتمعن ستحيت لان واضح
عليه التحمس و حب المكان
امير _ عجبج
مارين _ يي حيل ... ناقصه الگعده
هيلانه تجمعت دموع بعيني
امير _ هيله اقوى من ما تضنين فتره و تشوفينها
گدامنه و اني خليت ناس يراقبون امها من يشوفون
هيلانه يبلغوني
مارين _ شكرا امير
امير _ ميحتاج شكر بناتي انتن ... تريدين گهوه
مارين _ ما احبها
امير _ حتحبيها اصبري
طلب گهوتين ... و ورا ما اجن باوعتها ما مقتنعه
بس شربت شويه محبيت افشله اول مشربت
حسيت عيوني لمعن بااعجاب
مارين _ الله كولشش طيبه صراحه .. ذوقك يجنن
امير _ ههههه على حماسج هذا يوميه نجي هنا
مارين _ صدگ
امير _ طبعا ...
كملنه و توجهنه للمدرسه نزل وياي حاچه
المديره و طلب يشوف درجاتنه انطته
الكارتين انطاني مالتي و رفض اشوف مالهيلانه
مارين _ بس شويه اشوفه
امير _ ممنوع هسه من ترجعين ان شاء الله
سلم على المديره و طلع و اني تمشيت للصف
ماجاني فرح ولا حماس الدرجاتي العاليه
بگد ما عندي فضول اشوف درجات
طلعت و جانن البنات بالساحه لمى انتبهتلي
دنگت حاچتهن و اچني متلهفات سلمن عليه
و شافن درجاتي
مريم _ ولج اختج وين بسلا درجاتها مزينه
و رجعت
مارين _ هيلانه شويه مريضه مداومت
زينب _ سلامتها بنات لازم نروحلها
لمى _ يي اكيد
اريج _ شبيها هيلانه
مارين _ ما عرف و هي مو هنا مسافره
مريم _ شبيج شكلج تعبان مارين صاير شي
گولي احنا اخواتج
لمى _ يي لا تكتمين خيه شوفي صاير بيج
قربت مني اريج و حضنت ووجهي و گالت
بتأكيد كأنها تعرف الصار ويانه
اريج _ هيلانه راح ترجع بخير بس مالازم
شوفج بهذا الضعف صيري قويه
زينب _ شبيحن اريج تعرفين شي منعرفه
اريج _ لا
لمى _ نقلقت و الله
اريج _ صدگ نسيت شغله مهمه
مريم _ شنو هيه
اريج _ احب اعرفكم اني و مارين بنات عم
البنات باوعن متفاجئات
زينب _ شگال بهلول حچيتلهن
لمى _ وگلنه تشابه اسماء
مريم _ شگد احنه ثولات منتبهنه على
شبهجن الفضيع
مارين _ حشه الثولات
اريج _ يي والله
لمى _ مستغربه من هيلانه شعجب مگالت
ابن عمي استاذ بسيل
زينب _ جانت تحچي عليه كل الوقت
مريم _ واهم شي حاقده على اسئلته
هههههههههههه ظلن يسألن باريج و اني كلعاده
ما اشارك بنقاشاتهن حيل اكتفي بكم كلمه
بقينه لحد مدگ الجرس كل استاذ يدخل
يسألني عنها البنات سألوني الكل مفتقد
و جودها و ضحكتها و كاحتها اني شلون
حالي هسه بدرس الاخير دخلت اريچ
و بيدها جنطتها گعدت يمي
اريچ _ جيت يمج مؤقت ههههه تستقبليني
مارين _ تنورين
دخل استاذ بسيل حچه على البنات و درجاتهن
الراسبه و گال جملته الشهيره
_ شايفين النص درجه لو نقصتكم حتى دخلون
وزاري ما انطيها فشدن الهمه بهذا النصف
ضل ينصح شويه بعدين طلع اخذت جنطتي
و طلعت من الصف اجه استاذ بسيل عليه
بسيل _ مارين
مارين _ نعم استاذ
بسيل _ اريد احچي وياج
مارين _ وين
بسيل _ بسيارتي
مارين _ بس استاذ
بسيل _ عوفي اصخام موضوع مهم
مارين _ و المديره
بسيل _ تعرف ... راح قبل لا اكمل
هذا شبي .... طلعت وراه شفته متجه سيارته
صعدنه سيارته و طلب مني احچي شنو صار بيوم
الختفت هيلانه حچيلته كل شي بلكي يرجعها
بسيل _ سهله لتخافين الحيه ينكص راسها
عن قريب و رجع هيلانه
مارين _ ياريت استاذ
بسيل _ اسمي بسيل مو استاذ
مارين _ بس
بسيل _ يعني خارج نطاق المدرسه حالج حال
سكتت ووحسيته ارتبك
مارين _ حالي حال اريج
بسيل _ يي
مارين _ تمام شكرا استاذ ... باوعتله رفع حاجبه
و اني نزلت من السياره و طلعت اريج بقيت و اكفه
يمهم و هم يحاولون يطمنون بيه
ما حسيت غير سياره شخطت من يمنه و گفت
نزل منها ايمن الشر يطاير من بين عيونه
ايمن _ السلام عليكم يابه
بسيل _ و عليكيم السلام .... شلونك يامن
ايمن _ الحمدالله انته شلونك .... اريج شخبارج
بسيل ليش گال يامن شجاب اسم يامن على ايمن
سلم عليهم وخلص يلا تذكرني باوعلي بخزره
ايمن _ يلا مارين تاخرنه
بسيل_ مارين تروح ويانه اريج عازمتها على الغده
بمطعم تحب تجي ويانه ؟
ايمن _ متخلوها على غير مره ...
بسيل _ لا يمعود شسالفه
ايمن _ چا اخذو راحتكم عندي شغل ..
دار وجهه وراح ستحيت ابقى طلعنه و اني
مالي نفس وولامتعوده اطلع بدون هيلانه
او تالين ماحبيت احرجهم و بنفس الوقت
فرحت لان ما رجعت وياه بقينه ساعتين
و صدگ كتشفت هم حيل مريحين و يحبون
ضحك و بشوشين
دائما اشوف استاذ يسيل معصب و روحه بخشمه
و ميتحاجه و اسلوبه حيل سيئ خاصه ويهيلانه
بس الشفته من طلعت و ياهم و ضحكته وياريج
غيرت تضرتي عليه ....
رجعوني للبيت جان هادئ شفت خاله بالمطبخ
سلمت عليها وحجيتلها مختصر من الصار اليوم
لجين _ يما لاتتاخرين بعد صايره اخاف و بالي
يمچ لا تزيدينها ... قربت بست راسها
مارين _ ان شاء الله بس وين عمو و تالين
عمچ ووالولد معزومين تالين نعزمت يمصديقتها
وهم راح سافر ووتشوفها ... روحي ارتاحي
صعدت لغرفتي سبحت و غيرت ملابسي وگفت
امشط و اباوع النفسي بالمرايه فتحت سحاب
التراكي شفت اثاره بعدهن على رگبتي تنهدت
بحسره .... و رجعت سديته
نفتح الباب بقوه لتفتت جان ايمن و عيونه
حمر ما انكر خوفتي اول مشفته بس حاولت
اقوي نفسي حتى ميستغل ضعفي منه بقيت
ساكته الا ان هو رگع المفاتيح على ميز تواليت
ايمن _ يي ست ؟؟ اليوم صبح ويمنو وليتي
مارين _ طلبت من امير ياخذني وراجاء حاول
تلزم حدودك وياي
ايمن _ راح اغير مدرستج
مارين _ مستحيل
ايمن _ جاي انطيج خبر ؟؟ ما اخذ رأيج
مارين _ عندي عم و اخو مسؤولين عني
ياريت تلتفت الحياتك و تبتعد عن حياتي
قرب سحبني من شعري گضيت ايده الساحبته
_ اخخخ شعري عووفه
_ تسمعين كلامي راسج اكسره اذا تطاولين
_ ايمن عوفني
ترك شعري و لتفت مسح و جهه و ندار عليه
_ تعوفينها
_ ما عوف شي اصلا شعليه بيك حچيت
على اختي و ضربتني و هنتني گدام الكل
و طلبت تزوج معليه بيك
_ حتى اذا ازوج لا ضنين اخليج تلعبين براحتج .....
_ اكرررهكك
ضحك بأستهزاء و عافني و طلع گعدت على
چربايتي و دموعي بدن ينزلن بغزاره درجه
صار و جهي يحرگني لليل اجتي تالين لحت
تعرف شبيه حچيتلها طلعت ويبسيل و اريج
و ايمن مقبل هي حترگ گلبها و ضلت تحچي
عليه ما عاجبتها تصرفاته
مرت الايام ووعرف بايمن يريد يزوج تعارك
وياه و اصر ياخذني عمي هداه و گله تنحل
الامور و راح ننفصل و ابقى بيتهم على ما
ترجع هيلانه و اكمل
جنت هادئه بهالفتره اغلب الاوقات افكر
شوكت ترجع اختي و ادعيلها جنبت افكر
بايمن انام او ادرس كل ما اجه بالي موعد
خطوبته تالين گالت اشتري فساتين ثلاثه
الي ووالها و هيلانه اني رفضت تجيبلي
لان ما اريد اروح البيت جدي بدونها
بس هي الاول مره حسيت اعصابها
فلتن بسببي و صارت تصيح بيه و تهدد
اله تلبسين و ما اكون ضعيفه و اواجه
ايمن و ما اتهرب منه دائما ........
________________
.
.
هيلانه
مرت الايام و اني بالدير صرت اجول بالمكان
و مالتزم وياهن الاغلب جانن يطرزن او يقرن
بالكتاب المقدس لو يصنعن قلاده الصليب
ماقتربت من المعمل بس مره و حده شفت
اشياء كرستاليه عجبتني صرت اركبهم
على صليب سويته من كملت حسيت بفرحه
و اني اسوي و من خلصت بسته و باوعت بيه
رجعت الغرفتي و ضميته و لبست صليب عادي
ثاني يوم بعد صلاه صاحني اطبخ و ياهن و اني
خبراتي ينحلف بيها طبعا فحرگت الهن المطبخ
من طلعن و تركني اراقب الاكل نطرد بيومها
و نمنع عليه ادخله و بعدها خربت لوحه الامنا
العذراء و گعت عليها مي بالغط امنا كامليا
و امنا مارلا عصبن مني ثاني يوم اجت خادمه
امي و چان لازم اطلع وياهه و من كل الدير
استغربت ليش اطلع منه شداتخطط هالمره منها
اخذتني وياهه لقصر ديلارا اول مدخلت و هي
شايطه غضب باوعتلي بحقد
هيلانه _ ليش رجعتيني
ديلارا _ شسوين بالدير و بيت امج موجود
_ احاول اصدكج ماما اني ندمانه اصلا
لو اعرف ارجع جان حرگت مكتب صديقتچ
المعفنه عساس ام الراهبات تقدمت عليه سحبتني
صعدتني فوگ انطتني غرفه قديمه حيل بيها جربايه
لنفر واحد و كنتور صغير و ميز تواليت چان
عباره عن قطعه تراب بس تبقى احسن من الدير
بقيت بيها الثاني يوم نفتح الباب جانت وحده
من خداماتها الواضح مو عربيات لا كلامهن مكسر
_ تفضلي ويانه ست هيلانه
_ جايه
طلعت من الغرفه انطني ملابس راحت سبحت
و لبستهن مچانن مستورات ابد و شي ضايقني
لان ما متعوده فطلبت يجيبن غير شي و فعلا
جابن و الحلو الملابس قياسي ...
نزلت جانت ديلارا و البنيه الشفتها اول مجيت
يتريگن غلست مصبحت و گعدت اكل
ديلارا _ ما علمتج لجين شلون تصبحين
هيلانه _ ليش امثالج يصبح عليهم
خزرتني وورجعت تاكل اكلت لگمتين خفت
تحطلي سم او شي بالاكل لان اخاف منها
و هي تسويها ما يرفلها جفن ....
توجهت اطلع للحديقه صاحت بيه
ديلارا _ ووين ارجعي للغرفه
هيلانه _ هو بالحديقه قابل اطير
ديلارا _ ارجعي گلت
رجعت صعدت لفوگ و الباب انقفل عليه
_ اوووي شدعوه عليكم
اسبوعين و اني على هالحال بجسمي صار
يوجعني بدون اسباب و تگع حمره تطلع
بي خفت كلش و رجعت ابچي على حضي
و الديصير وياي
وبيوم دزت عليه انزل تجنبن لكلامها
طلعت و جانت گاعده بالاستقبال الداخلي
بالقصر عدهم ثنين واحد لضيوف و هذا
يگعدون بي فشفتها هي و رجال و نفس
البنيه و ولد شاب صفنت اباوعلها ووارجع
اباوعلهم توقعت ابنها بس واضح عليه اكبر
مني اريد طلعني من الحراج
ابو ايفان _ ضيفتج هاي ديلارا
ديلارا _ يي
رمقني بنضره و الولد بقى هم حسيته اكلني بعيونه
ابو ايفان _ تفضلي بنتي لتتقيدين المكان مكانچ
و اكيد بلغتج امچ على سبب جيتچ عندچ وقت
و تعرفي على أيفان و لينا اعتبريها اختچ
هيلانه _ مرحبا بيك عمو تسلم ما تقصر
بس ما فهمت ليش اتعرف على ابن حضرتك
لينا _ متعورفين حتصيرين زوجته
هيلانه _ نعمممم !!!! شديصير
حجيتها و اني اباوعلها
ديلارا _ مو وقت اسالتج
بقيت گاعده يمهم بااحراج جبير لحد مطلب
الاسمه ايفان نحجي باانفراد طلع و ردت اصعد
بس هي لحكتني رفعت اصبعها بتهديد
ديلارا _ اذا مطلعتي وراه ميصيرلچ خير
هيلانه
هيلانه _ مااريد
ديلارا _ اسمعي منه يجوز تقتنعين راح
تعيشين مثل حياة الملوك بدال بؤره الفكر
الجنتي بيها
هيلانه _ يا فكر يمته عشنه هيج
ديلارا _ كافي روحي لا يحسون
نفخت بضجر .....
طلعت للحديقه شفته كاعد على مصطبه كعدت
يمه بس على مسافه بعيده منه
ايفان _ مرحبا هيلانه اسمي ايفان خريج
هندسه و راح اصير زوجج بطلب من والدي
هيلانه _ بس ماريد ازوجك
ايفان _ ليش
هيلانه _ يا اخي بكيفي مو بالاجبار
ايفان _ انتضري فهميني
هيلانه _ دروح اني وين و انتم دورون زواج
ردت امشي گضني من معصمي و رد
ايفان _ ضنيت اكدر اتناقش و ياج بس مدامج
هيج فااني مو معترض على زواجنه و الاحسن
انتي متعترضين
نترت ايده مني و رديت
هيلانه _ انت وين عرفتني حتى تزوجني
ايفان _ ما اعرفج بس اعرف امج حايمه حول
والدي ووعبالج انتي هم تريدين تسيطرين عليه
فخليها بالج ووگوليلها الامج ايفان مو مثل ابوه
تركني و راح ضليت اروح و ارجع بالحديقه
ووافكر شلون اخلص نفسي من الورطه النحطيت
بيها
ليل صعدت و دخلت عليه ديلارا تخوزر
ديلارا _ انتي شلون ترفضين الولد
هيلانه _ رجعيني لخالتي احسن الچ
ديلارا _ انجبي فكريه ترجع الخالاتها اخخ لو ما ايمن
خاطبها لمارين جنت ناويه اجيبها هيه
هيلانه _ بس مافهمت ليش دزيتيني بالبدايه للدير
كضت طرف شعرها تلف بي على اصابعها
ديلارا _ مجرد خطه صغيرونه حتى تعيشين بالقصر
هيلانه _ شنو انتي بس فهميني
ديلارا _ اني ديلارا المستحيل تنسى الناس لدمرو حياتها
هيلانه _ انتي لدمرين محد يگدرلج
ديلارا _ و انتي بنتي صيري مثلي خليكولون هاي بنت ديلارا
هيلانه _ اكتل اليكلي هيج بدون ميرفلي جفن
قربت مني ضربتني راشدي كضيت و جهي متالمه
صرختت بوجهااا
هيلانه _ انتي شلون ضربيني
عافتني طلعت و قفلت الباب صرت ابچي بصوت
عالي و اضرب الباب اريدها تفتح بس بدون فايده
رحت للفراش خليت و جهي بالمخده ووصرت اصرخ
صرخات مكتومه من و جع بداخلي و من المفروض تكون
اقرب الناس
صعب تكون الي ولدتك سبب دمارك
صعب تعيش بحنان الكل و محروم من حنانها
صعب عليه مسمعت منها كلمه ماما
ما اهتمت بيه و اني طفله اذكر من بنات الصف
يضحكن عليه و يگولن الوصخه لان يشوفن ترتيب
مارين و بهذلتي حقهن اذكر نضرات و شفقه المعلمات
عليه ذكريات ذكريات سوداء ما بيها نور يعتلي قلبي
بؤره لن تزول مليئه بالعتمه بالكره و الحقد ....
ثاني يوم بقيت بالغرفه و محد اجه فتحه للعصر
دخل ايفان باوعلي
ايفان _ هيلانه ليش و جهج احمر و الباب مقفول
هيلانه _ ههه مو تخافون اشرد مخليني بغرفه الزمن
مخلص عليها
ايفان _ هسه اگول للعاملات يغيرولج الغرفه بس
اامري و تدللين .... قرب مني و اني و گفت
كلت بتردد
هيلانه _ شكرا
ايفان _ شبيج خترعتي
هيلانه _ ها و لاشي بس ميصير تدخل الغرفتي
ايفان _ منو گال مو حتصيرين مرتي يعني اني حر
هيلانه _ حصير بس بعدني مو هسه
ايفان _ لتخافين كلها يومين و راح تتعودين
هيلانه _ عليمن
ايفان _ عليه صدكين بالبدايه معجبتيني بس لفتني
لون بشرتج الغريب و جسمي
هيلانه _ هههه و يعني ما خذني عالمود شكلي
ايفان _ الشكل بالمقام الاول تذكري اني و ياج منعرف
بعض
هيلانه _ اطلع ايفان
ايفان _ ليش ... گالها و تقدم عليه تعالي وياي لغرفتي
اخوضج تجربه راح تحبينها
بقيت مفهيه بوجهه هذا شبي تجربتيش
بهالثناء دگ تلفونه طلع و رجعت گعدت و اني
الخوف و القلق كاتلاتني شيريد مني هذا
و بعد فتره اجتي العاملات طلبن اغير الغرفه
اخذوني المكان بجهه مقابله لجهتي نزلت درج
و صعدت يلا و صلنه ما اعرف بشنو فكر البناه
بس فعلا حيل عملاق يعادل مدرستي مرتين
غرفتي جديده جانت احلى بيها حمام داخلي
و فخمه فتحت البلكونه جانت مطله على حديقه
خلفيه و الي ورا اسوار المكان عباره عن خضار
توقعت نفسي بقريه يمكن هذا تفسير لكبر البيت
لان خاله اخذتنه المزرعه بمدينه كربلاء و جانت
هيج جبيره بس بيوت بسيطه مو مثل هذا
رجعت غلقت الشباك و اباوع للغرفه ... كلعاده
اقتحمت عليه هدوء المكان
ديلارا _ شسووين بسويت و جهه ايفان
هيلانه _ هو طلب اجي اني شعليه
ديلارا _ بس لا انطيتي نفسج يمعزايه
هيلانه _ انتي جاي تحجينن شلون انطي نفسي تخبلت
و شيأكدلي بقت تحوص و جت يمي لزمتني من شعري
ديلارا _ راح تموتيني لمن جبتج اني ردت مارين
هيلانه _ وخرري عني احسلج
و كعدتني بالكاع و صارت تضرب بيه ما عافت
مكان ما كرصتني لو ضربتني بي و طلعت
بجيت بوجع و صرت اشهگ صرخت بصوت
عالي
الرب يااخذ حقيييي من عيونج بچيت لحد
مسكتت وحدي مليت من الدموع صار ليل
و اني مابيه اگوم و دگت بروحي اله اطلع
من القصر هسه گمت فتحت الغرفه المكان
هادئ لدرجه كبيره تمشيت على اطراف اصابعي
سمعت صوت قريب على غرفتي جاي من الغرفه
الثانيه و كفت اسمع كلامهم چان صوت ايفان
ايفان _ الجماعه عاطينه الامان و البضاعه باجر تجي
ابو ايفان _ ما افرط بيها و غامر هيج ايفان
ايفان _ شي متوقعه منك صاير ثق بمرتك اكثر مني
ابو ايفان _ احترم نفسك ايفان شجاب هالموضوع على شغلنا الاسلحه ما انطيها الغير جامعه الباشا
ايفان _ الاتراك افضل ما اعرف ليمته تبقى وواثقه بالعراقيين المبلغ اليدفوعو بقطعه وحده يساوي ضعف اليدفعو
ابو ايفان _ اعرف يدفعون اكثر بس هنا يسحبون اكثر
و عندك الحساب
ايفان _ الاسلحه غير مرخصه راح تكون غير مفيده
شلون تنحسب اكثر
ابو ايفان _ و احنا شيهمنا الفلوس و تجي ما مهم الباقي
ايفان _ القسم الي استلمه من الاسلحه راح اغير بيعه
عندي جماعات تركيه و كرديه العصابات هناك
تحتاج هيج نوع من الاسلحه و تهريب صاير
سهل هالفتره
ابو ايفان _ سوي البراسك بس لا تجي و تگول خلصني
ما فارغ الك فاهممم
ايفان _ مشغول بديلارا و بتها بعدين صاير مده ساكتين
شوكت ناوين تزوجونياها
ابو ايفان _ اصبر مو وقته
ايفان _ ليش اصبر البنت اذا حست على شي قبل
لا تصير زوجتي اقتلها .....
رجعت كم خطوه لورا هذولي منو و على
شنو ناوين المحد بجه عليه
رجعت بخطواتي و صعدت فوگ النوم
جافاني طول ليل و اني افكر معقوله
عصابه لان گال اقتلها ليش يقتلني
اذا عرفت شغلهم اوووف منج ديلارا
وين داتحطينه
ثاني يوم ساعه 9:00 صباحا
گعدت و اني مصار بس ساعتين نايمه
جسمي يون من الوجع مشيت بخطوات
ثقيله رحت فتحت شباك جانو الحرس و اشخاص
لا بسين لبس رسمي و اكو عمال ينقلون صناديق
بسيارات نقل عرفتها الاسلحه الحچو عنها البارحه
شكم روح بريئه حتروح بسبب شغلهم تنهدت بحسره
رجعت دخلت قبل لينتبهون عليه انتضرت وقت يلا نفتح الباب صار وقت لازم الگي حل اطلع من هالمكان صار
يخنگني دخلت عامله صغيره بالعمر
_ انسه الريوك جاهز تنزلين ؟
هزيت راسي بقبول و رادت تطلع
_ ممكن لحضه رايده اسألج
_ والدتج متقبل اسفه معندي اجوبه الاسئلتج
حجتها وطلعت و عافتني بقيت اني و افكاري
رتبت نفسي لبست فستان بلون احمر داكن لونه مائل
للسواد كان مخصر لحد خصري بي احزام اسود و واسع
من الاسفل رتبت شعري و رشيت عطر و نزلت
هيلانه _ صباح الخير
و صباح يبدي بيكم وين بي خير گلت بگلبي
ابو ايفان _ صباح النور اگعدي يمه ال ايفان
لازم ابلغكج بقرارنا اني و ديلارا بلغنه ايفان
و صار دورج
هيلانه _ خير شقررتو
ديلارا_ خطبتكم انت و ايفان حددناها باجر
جهزي انفسج زين .... لثانيه صار بالي اگوم
اصرخ بوجهه و احرگ القصر عليهم بس بأخر
ثانيه لتفت بأابتسامه الهم
هيلانه _ الي ريحكم بس ممجهزه نفسي و ملابس اريد
ديلارا _ كل شي تحتاجي يجي العندج
تلعثمت معرفت شگول و صارت عيني على ايفان
_ بس اريد اشوف شي عالذوقي و
قاطعتني ديلارا
_ هيلانه معدنا وقت حتى طلعين و اصلا
مراح ينقصج شي
ايفان _ عادي مرت ابويه ما عندي مانع تطلع
لينا _ اطلع وياها اصلا احتاج اطلع اغير گصه شعري
ابو ايفان _ خلص اخذي واحد من الحرس و طلعن
ديلارا _ برأيي مو مهمه طلعتهن بس مدامك مقتنع
براحتكم ... طلعت هي و ابو ايفان
لينا _ يلا جهزي نفسچ
هزيت راسي بقبول و صعدت دخلت الغرفتي
رتبت شعري طلعت الفلوس و تلفون رتبت نفسي
باوعت بنضره مطوله للمرايه
هيلانه
انتي قويه
بل انتي القوه
انسانه حره
امراة صعبه
الهزيمه مو الي
الضعف مو بقاموسي
تؤمج بخطر
هذولي اعداء
لازم تنهزمين منهم
تنفست الصعداء ضليت اردد كلمات اقوي
نفسي و طلعت بعدني منازله سمعت صوت
ديلارا و راي
هيلانه _ خير
ديلارا _ ديري بالج تلعبين روحي و رجعي بسرعه
فاهمتني
ابستمت برود ورديت
هيلانه _ فاهمه .......
_______________
.
.
تالين
اول مره ابقى هالگد متاخره عن الدوام بس
وضع اخواني الي مدافهمه ازاد نادرا ما يگعد
ويانه امير الفجئه صار عنده قرار يطلع من
البيت و زواج ايمن و بابا ما حاول يمنع
شخص بيهم عن اليسوي الحزن مله عيون
ماما و مارين الصارت غريبه جدا تصرف
ببرود هائل و اذا گعدت و نجاب طاري
ايمن تگوم متسمع شي فجنبت اذكره يمها
قررت اداوم اسبوعين على الاقل بين
ما تكمل الخطبه تفقت اني و مارين اشتريلها
فستان مقبلت بس عصبت عليها بساعتها
تالين _ تحضرين بخطوبته مو بكيفج
مارين _ معليج بيه تالين
تالين _ انتي ليش راكنه كرامتج صيري قويه
واجهي خلي اصابعج بعيون اليزعلج فهمتي
مارين _ شبيج منفعله ما هامني اصلا
تالين _ من برودج يختي دقيتوني عليمن
زعلانه اذا على هيله لو ميعرفون بيها بأمان
جان هجمو الدنيا على راس امچ
اخوي اوكفي بعينه صيري قويه مو قبل لا
يعطش يگله المي يمه خلي يعطش
مارين _ يعطش !!
تالين _ قصدي انتي دائما حوله يسخرج اكثر مني
عاندي و ابتعدي عنه احرمي منج فهمتيني
مارين _ يي فهمت
عفتها و رحت نمت كتلتني بضعفها
ثاني يوم گعدت متاخره رتبت غرفتنه
و شفت ساعه و قربت تجي مارين
رحت للمطبخ طلعت معگرونه
حتى تنسلگ و الجدر المرگه بده يفور
تالين _ ماماااا الاكل ستوه يمكن تعالي شوفي
اجتي هي و ايمن وراها گعد على ميز
لجين _ ليش مسويه معكرونه متحبين الباميه
تالين _ لا هاي ال مارين خاف تششتهي
ايمن _ تالين جيبلي مي
خليت گدامه المي كلت الماما تكمل المعكرونه
و صعدت لغرفتي باقي باجر ارجع للموصل
اتصلت على رسيل حتى تجي اشوفها
رسيل _ هلو تولي
تالين _ هلوات رسيل خانم
رسيل _ هههههه بس لا بعدج زعلانه من سالفه
المطبخ
تالين _ وليي شكد مكروه اخوج
رسيل _ انتو منتفقين عليه هو حيرجع لشغله
وانتي حسافرين
تالين _ متجين يمي باجر ارجع للموصل
رسيل _ اجيج و نطلع نتغده
تالين _ تعالي و نشوف
رسيل _ تمام
تالين _ صدگ اگلج جيبي ضايفه
رسيل _ هههه منو المفروض يضيفني
تالين _ و انطيج من نمنمياتي
رسيل _ عاب شكلج يي والله
وقبل لا انطق رجعت حچت .... لاااا اسم الله اذا يعيب
اخويه وين يروح
تالين _ دطيري انتي و اخوچ موصجج ... سديته
منها دماغ سزز .... نزلت گلت لماما عجيتها
و طلعت كرزات و كم شغله نسله بيهن
متاخرت ساعه و ندگ الباب ... رحت للكامرات
شفتها و طلعت فتحته الها
رسيل _ تعالي شلون تغلقين الاتصال
تالين _ ليش عيني ما اسده الاميرة رسيل
رسيل _ خب ترزلت من وراج
رديت بتفاجئ
تالين _ ترزلتي !!!!!
رسيل _ قصددي مچنت اريد انزل و تحججت
بااتصالج و انتي بسرعه غلقتي
تالين _ اشم ريحه چذب بس انمشيها الج ادخلي
رسيل _ اوووي تمشيها
دخلت سلمت على ماما و گعدنه يمها شويه
بعدين ذكرت مارين لهسه مجايه
تالين _ ماما مارين تاخرت مو
لجين _ يي والله شويه و اتصل باايمن بلكي
طلعت وياه يتفاهمون احسن من السالفه الراح
يجيبها روحه
تالين _ لا ماما خليها لتتفاهم ولا شي عليش
تنزل من كرامتها على موده
لجين _ تالين يمه السالفه مو يم الكرامه احسن
متعيش ويضره
تالين _ لا بابا و لا امير و لا اخواها ممكن يخلوها
وياه اذا تزوج .... تجين نصعد رسيل
هزت راسها بقبول و صعدنا اني مسولفتلها
كل شي صار بهاي الفتره فتحت باب الغرفه
دخلنه للغرفه اختاريت لبسه و رحت ابدل بس
صار صوت بالبيت فتحت الباب و قربت الدرج
جانت ماما تصيحني
تالين _ نعم ماما
لجين _ جيبي تلفونج اتصل على اخوج
رحت جبته و نزلت ادردم عليه حبكت الاتصال
يصير بتلفوني
انطيته الها و هي خابرت طلعت مارين وياريج
نصدمت شوكت قوة علاقتهم بس احسن من ما
نبقى غربه ولو استغرب سكوته الهاي الحضه ...
نهت الاتصال اخذته و ردت اصعد و چان ينزل
ازاد
تالين _ من شوكت انت هنا
ازاد _ مطالع اني اليوم
تالين _ ها اوكي اكو ازودي اصبلك غده
كمل نزل و صار كدامي .. باس راسي
ازاد _ لا بويه طالع انه
تالين _ الله وياك عمري
صعدت لرسيل شافتني ورتبكت عبالك
جانت تسوي جريمه
تالين _ بيح شي
رسيل _ لا شنو شبيه قابل ليش تاخرتي
تالين _ ماما طولت بالاتصال
رسيل _ راح اتصل بصهيب ياخذنا
تالين _ مداعي اخويه جو
رسيل _ تمام براحتج
بدلت و طلعنه صعدت يمازاد و طول الوقت
اباوع للطريق درت و جهي على ازاد شفت
يسترق نضرات من رسيل ضحكت بگلبي
عليها .... نزلنه يم المول وراح ... طخيت
رسيل بيدها
تالين _ يي عيني الحبايب خلصوها نضرات
حجت بهمس
رسيل _ تالين سكتي عني
تالين _ هههههه
دخلنه بلمول شترينه كم شغله اني جبت
سوارات اربع اساور تشابه انطيت واحد
رسيل و احد الي ضميت البقن للبنات بعدنه
باب المحل و اتصل صهيب الفهمته منها نص
ساعه و يجي خلصنه المحتاجي و صعدنه تغدينه
بين ما احنه ناكل اجو ثنين شباب واحد منهم اتكئ
على طاوله
_ مرحبا يحلوات شنو رايجن نطلع ندردش
تالين _ عفوا شيل ايدك احسن متنكسر !!
_ اموت على شرسات
رد الثاني
_ وعلى العيونهم ملونه
تالين _ اتصال واحد اخليك مشوف ضوه الطول
عمرك
_ ليش حضرتج بنت وزير داخل ... قاطعه صوت
جهوري خشن
صهيب _ يا مرحبا بشباب شكو واكفين
بسرعه عدل وكفته و رد
_ انت شعليك
تقدم منه صهيب ضربه بوكس خله الولد يوكع
على طاوله الورانه من شده الوكعه حسيت
عظامي توجعني الولد الگال العيونهم ملونه تقدم
على صهيب يريد يضربه بس مگدر و انطا دفعه
بطنه على اثرها و گع صهيب صار يضرب بي بغير
وجع گلب اني و رسيل گمنه صرنا ورا صهيب الناس
اليمنه نخبصت اجه ابو المطعم اتصل بشرطه و گال لصهيب انتظر شرطه تجي هو مجاوبه اكتفى يباوع بنضرات ثاقبه بعدين طلع تلفونه و رفع انظاره باوعلنه
و رسيل بسرعه جرتني و طلعنه من المكان و كفنه يمسيارته ربع ساعه و رجع الشرار يطاير من عيونه
دخلنه للسياره هو التفت خزرني حيل .....
تالين _ شبيك تباوعلي عبالك اني صحتهم
صهيب _ وسم و مرض يي انتي صحتيهم شايفه لبسج
شلونه
تالين _ لبسي شعليه شهالتفكير الرجعي
صهيب _ يا رجعي لابسه لبس مال كح**** محد
يكلهم ليش جيتو
رسيل _ صهيب
صهيب _ خليج بنفسج رسيل
تالين _ مو من حقك تحجي على لبسي ثانيا لا تغلط
عليه اخر مره اسمحلك بهالشي
عض شفته متحسف و عاط بيه
صهيب_ اسكتي احسن ما ابتلي بيج و ادفنچ هنا بربوگ مطلعه كفشتها الصفره لا عبالج مشايفين غطي
شعرج كله مو ضاله سفردح .....
فتحت الباب و نزلت و غصبن عني دموعي نزلن
شعليه هو و يغلط عليه سمعت صوته يگول رسيل
صهيب _ انزلي صعديهااا لا اعرف شلون انزلها مهتميت
مشيت اريد ابعد قدر الامكان ... ما طال الوقت
و كفت سيارتهم كدامي
صهيب _ اصعدي
تالين _ لا
مهمتم سحبني من رسغي حسيت اصابعه نبتن بي
من گد مضاغط
تالين _ ايدي صهيب و خرر راح اصعد
نتر ايدي صعدت و سديت الباب بكل الباقي
من حيلي
صهيب _ وجع سياره رايدها
تالين _ مشكلتك
صهيب _ خررب لشتچ شگد ....سكت مكمل
و ساق بكل سرعته حسيت نفسي بسباق
و كف سياره گدام بيتهم و انطها المفاتيح
وونزلت و هي ساكته
تالين _ شكو موصلها هي بالبدايه
صهيب _ تعالي اصعدي يمي
تالين _ لا مو معقول انت تصرف وياي عدالك وحده
من اليشتغلن عندك
صهيب _ يشتغلن عندي ؟
تالين _ يي و اني اعرف شنو تشتغل مو غبيه
اندار نص جسمه باوعلي بااهتمام مترقب
اكمل كلاكي
صهيب _ ششتغل و منو گلج
تالين _ انت مدير اعمال بشركه و الي گالتلي رسيل
رد بنفاذ صبر
صهيب _ هنيالي يي والله
تالين _ عليمن
صهيب _ عليج يا صحوه گلبي ...
گلبي صار يدگ بشكل غريب بسبب كلماته بس
ذكرت اهانته اليه ابتسمت بااستهزاء ورديت
تالين _ ما يصحى گلبك انت الجلمد
صهيب _ هينه بويه هينه هسه تجين يمي لو شلون
گلبت عيوني بملل و نزلت من مكاني صعدت يمه
و صلني للبيت
دگيت الباب فتحته ماما بيومها محد بالبيت بس اني
و هي و مارين ازاد عنده شغل و ايمن و امير لتحقو
و بابا نفس الشي فوگ صعدت لگيت مارين نايمه
رحت كعدتها
تالين _ راح اكول الامير عليج شنو هالنوم ادرسي
مارين _ مالي خلك
تالين _ ميفيدج خلكج حبيبتي الشخصيه لضعيفه
متعيش صاير و ياج
مارين _ اليوم طلعت وياريج
تالين _ يي اعرف
دنگت و حجت بحزن
مارين _ ايمن مقبل و تعارك وياي من رجعت
تالين _ عزااا شجاه معليج اني اكوللهم ببعدو عنج
بس اهم شي قوي شخصيتج
كمت احضر بجنطتي و مارين صارت تدرس بهدوء
كملت اغراضي رحت تمددت و افكر بالصار اليوم
مو اول مره يصير وياي نفس موقف اليوم بس
اول مره تصير مشكله جبيره هو ليش انفعل
معقوله غار عليه لاااا شهلتفكير واحد متكبر
اصلا وين عرفني هي كم شهر مدامه صديق
ايمن هسه حيطلع مثله و خلي يطلع شعليه
و بين ما اني افكر نمت لحد محسيت طفه
الضوه اجتي مارين يمي حضنتني و نمنه
گعدت من الفجر ما هان عليه اگعدها بوستهت
وعفتها نزلت تركيت ويماما و صارت توصيني
حتى ادير بالي على نفسي تاخرت السياره
اتصلت باامير و گال سيارته بايعها لازم انتضر
و مااروح اليوم هبطت معنوياتي ليش محجه
من البارحه و ردت ارجع انام بس اتصل و گلي
اطلع اجتي سياره گلت لماما سلمت عليها و طلعت
طلعت شفتها سياره صهيب معقوله !!!
نزل الجامه فعلا هوه صعدت يمه حتى
ميحجي و صبحت و رد اخذنه اطريق ساكتين
حسيت برنه جهازي انتبهت و صلتني رساله
على الخط
من البارت القادم
رفعت عيني من سمعت ضحكته استغربت ظل
بالي شنو شاف ابتسم خد واحد
وهمس _ رجع الاسر .......
يتبع...... 😈✝️
هلو نياتي الحلوات هسه زعلانين على تاخير واني
زعلانه على تفاعلكم خلي نراضي بعض 😂❤️
صوتو عالبارتات و تابعوني
خلنشوفكم بتاكات بالانستا خلتكبر عائلتنه لطيفه ضريفه
لكيوت لتوت و لكم شو احسكم ما حابيني 🐍🐍
صدك كل عام وانتن بخير حبي و بوساتي الكم فيروزات 😍❤️
اخر شي هنا او بالانستا تعالو ننتفق على مواعيد
تنزيل و خاصه العطله خلصت فنحدد بارتين الى
ثلاثه بالاسبوع
ورانا روايات و سوالف راح انعيشها سوه بكل
حب و تحمس
احبكم
الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي مـحـمـد والـ محمد