لاتنسون المتابعه لحسابي +التصويت +التعليق بين الفقرات 🤍
#حُب محكوم بالأعدام
#بنين الزيادي
~~~~~~~~~~~~~~~~~~
ثاني يوم من الصبح كعدنا تريكنا وبعدها ڪُل
واحد راح لشغلة واجونا الكرايب وعماتي وعمامنا
علمود يستقبلونهم كملنا شغلنا لساعـة بـ 10 ونص
كالو اجو اجو
ردنا نطلع نستقبلهم بس وكفنا ليث وهو يكول
... تضلن هنا خلشوف وحدة تطلع اله اكسر رجلها
كلها زلم برا اعمامنا واهلنا طولچن ماريد اشوفنـة
يطبون وسلمن عليهم
وسد الباب وراح خلانا وحدة تباوع بوجهه لخ...
كملنا للمطبخ نباوع من شباك ميشوفونا لان مضللات
اول مادخلو طشن عماتي عليهم جكليت وهلاهل
من شفتهم ؏ـيـُونـʊ̤ دمعت بفرح ولهفه سلمو عليهم
الشبـاب ابتسمت ؏ منـظرهم شلون يبوسون راسهـم ويرجعون يبوسون اديهم باوعت ؏ ناس شكد شباب
وزلم ونسوان كلهم كرايبنا بس ما اعرفهم ..
دخلو لجوه والزلم دخلو للديوان رحنا سلمنا
احس توه نور البيت بوجوهم ڪلبـي طاك عليهم
طلعو جدو وعمامي يم الزلم وبيبي ونسوان عمي
وامي يم نسوان بصالة واحنا رحنا للمطبخ نكمل شغل
واكفين ؏ چاي والماي ادينه طاحات
انتبهت لـ صفاء واكفـة ويه بنات ماعرفهن يباوعن
عليه ويتهامسن ماهتميت واني واكفة اصب چاي
دخلو ذياب وصگر صاحني ذياب
ذياب ... وتين بويـة تعاي ليه
ـ اوكف ذياب بس خلكمل صب الچاي
عاط صگر بصفاء
... ماتحركين طولج يلمحناية ماتشوفين رجلها
يصيحلها صبي بمكانها
صفاء ... اي تدلل ابن خالي هـسهہ اصب الچاي كله
باوعتله متفاجئه
هاي مو هستوها كلنالها غسلي المواعين كالت
مابيھہ حيل عفت الجاي ورحت يم ذياب
ـ ها ذياب
ذياب ... هاچ هذا المفتاح وهذا الوصل ضميهن بعد شويـة اريدهن منچ مو يضيعن
ـ خوش هـسهہ اضمهن
طلع ذياب واني تعاجزت اصعد للغرفة
ضميتهن بصدري مكان الامانات
رجعت لشغلي اكمله لحد ماصبو غداء لزلم
والنسوان صاحولنا ؏ اكل بس ماكدرنا نروح
بقينا نغسل المواعين اني وتيجان
نزلت الصينية العافوها النا باوعت ؏ لحم وتمن ممشتيهته ﭑبد خليت تيجان تكعد تاكل واني سويتلي لفة خيار وكعدت يمها اكل وكاموا الشباب ينقلون بلأكل
لحد مادخل شاب اول مرة اشوفه بس ماعرفه ..
... سلام عليكم
ردينا عليه السلام كال
... انتن بنات منو
ـ انا بت محمد وهاي مرت صگر
خلال حجي دخل ذياب من شافني احجي رفعلي حاجب وباوع للولد دك ؏ چتفـة وكال
... ها ابو شهاب محتاج شي
رد
... لا سلامتك بس جبت الصواني وماعرفت البنات
منين
حك ذياب لحيته بطرف اصبعه ورجع باوعله وكال
... زين حمودي انا اعرفك ولا يهمك
اشر عليه وكال
... مثل ماعرفتك بت محمد الي تصير مرررتي
والاخت مرت صگر بعد امر خدمة
رد عليه
... لا سلامتك اترخص
طلع الولد باوعلي ذياب وعاط
... واكفتلي تدگين حنچ ويه الولد سالميننننن ؟
ـ ما دكيت حنچ سئلني وجاوبته
ذياب ... مرةة ثانيٰۿ من يسئلج جاوبي عدل كوولي
بت محمد ومرررت ذيااااب
ـ خوش
عافنه وطلع صفنت شبي هذا يدور عركة من الماكو
تيجان ... ولج انا اكول ماكو بعصبيـة صگر
طلع ذياب اضربين
ـ ليشۂ تعتبرين هاي عصبية؟
تيجان ... ها چَا شني
ـ ولج نقطة ببحر هاي من عصبيتة
تيجان ... دخيلك ياعلي وانا ماراضية ؏ رجلي
ـ هههههه احمدي ربج واسكتي
بعد الغداء واكفين ؏ جاي وقسم يغسل مواعين
جنت واكفـة ؏ جهه صافـنة بماعرف شنو وفززني
من صفنتي صوت عمتي شيماء وهي تكول
... ما تدنين تشتغلين وياهن لو مكسرة
باوعت المطبخ كله نسوان وهي فشلتني كدامهن
اجيت اجاوبها بس سبقني صوتـة
ذياب ... من بعدج معلكة بسمه ومرتاحة بطيارة هي
تشتغل مـو شفتيها هـسهہ واكفـة اجيتي تحـاسبينها
البيت بيتها الاشتغلت والكعدت محد اله يمها شي
اجيت ابچي من الفرح من شفته دافعلي وخلاها ماتعرف شترد اشرلي آروحـح يمـه رحت وكفت يمه
وبسبب فرق طول دنك لمستوئ وجهي وكال
... مساع شفتج تاكلين خبز وخيار ليشۂ
ـ اي مو ڪـلش أפـب اللحم فـ اكلت خيار
ذياب ... الف عافيـة ابوي انتِ
ـ الله يعافيك
ذياب ... اصعدي جيبلي الغراض الاطيتچياهن مساع
ـ قصدك الوصل والمفتاح
ذياب ... اي هنه
تذكرت انا وين خليتهن صفنت شلون اطلعهن كدامــة
باوعت داير مدايري المطبخ كله نسوان وكلهن عيونهن
عليـنه دخيلك ياعلي شلون اطلعهن وماكدر اصعد فوك
لان اذا صعدت راح يشوفوني النسوان البصاله ونصهن
ممسلمـة عليهن كلت خل اسحك ؏ صواب واطلعن ..
مديت ايدي لصدري وطلعتهن اباوعله صفن عليه
ومبتسم بطرف شفته رفعلي حاجبه
ـ شبيك هاك
دنك همس بأذني
... صدر لو خزنـة هذا
رفعت عيني وخزرته اباوعله طكها بضحكة خلت الكل ينتبهولنا كرصني من خدي وطلع ابتسمت ؏ حركته
لليل يله فضت العالم وراحت عمتي شيماء
هي وجهالها ؏ كولت ذياب دخلو يمنه بصالة
يسولفولنا شصار مصار وياهم
ذياب ... اخذو راحتكم انتو تعبانين
الاكبر ... لا اوكف وين ينامون ماكو نوم اذا
ميطلعون صوغاتنه
بيبي ... انا كلشي ماجبت ترا صوغاتكم عد اهلكم
غرير ... اي بيبي كلشي ما جبتي وقبل شوي شنو التطينه لنسوان
بيبي ... ياع حاطة عينج عليـه
غرير ... بيبي لا اكلج ولا تكليلي صوغاتنه هـسهہ اطلعونهن
بيبي ... اخ يحيليييي الاولي جان هـسهہ كمت كسرتج
انتِ وفرخج البطنج
غرير ... يله بيبي حبابه وين صوغات
بيبي ... غضب الله عليكم كوموا جيبولنا الجنط
خلنفلش بهليل من وراكم
جابولهم الجنط وفتحوهن وكامو يوزعون اولشي
جدو وبيبي بلشو يوزعون بصوغاتنه
جدو ... تعال ليه ذويب انتَ الچيير والچبير الله هاك جبتلك هاي السبحة والشماغ
تقرب ذياب باس راسه وايده واخذهن تشكر منهم
ورجع كعد بمكانة وكملو للباقي لحد ماوصل السره اليه
بيبي ... تعاي ولج تينه
رحت كعدت يمها انطتني شال وعطر
بوستها ورجعت لمكاني وزعولنا كلنا
عمتي ام ذياب جرتني بوستني وانطتني تلبيسه مال طفل استغربت شسوي بيها باوعتلنا اني وذياب وكالت
... هذا البسه زورتها بيت الله وان شاء الله يرزقكم بطفل
انصدمت وحصرتني الضحكة بس سكتت لا فشلة المره جاي تدعي من ڪُل كلبها بس صدمتني بيبي من كالت
... اي ان شاء الله وانا حاسه تينه حامل
باوعت لذياب غمزلي وكال
... اي بيبي شلون اجاج هذا الاحساس
بيبي ... لان الفرخة وجهه اصفر جنها لاكفه
ـ هههههههههههههه بيبي شلاكفة
بيبي ... طفل
ـ يا ههههههههههههه
بيبي ... شبيج ولج
ـ اول مره ادري الطفل ينلكف ههههههههههههه
سكتت من شفت ذياب عضلي اشفه بمعنئ اسكتي
بس هو بلكوة يله حابس ضحكته
سكتت ورجعت لمكاني بس دمعت لمن بابا
انطاني كلادة فضـة ؏ شكل قلب الانسان تخبل
وانطه لـ رنين صوغتها انوب صاح لـ تيجان اجت يمه
اشرلها كعدي كعدت انطاها مثل صوغت رنين وكال
بابا ... عدي ثنين بنات وانتِ ثالثتهن لا تحسبين
روحج غريبة بنيتنه وغالية علينا ومرت الغالي هم
الله شاهد من اشتريت لبناتي صوغه عديتج وياهن
اباوعلهن نزلن دموعها وتشكرت من بابا وباست
راسه ورجعت لمكانها شكد فرحت لفرحتها تستاهل
بعدها راحو ينامون لان تعبانين من سفر واليوم كله كاعدين ويه العالم واحنا هم تعبنا نفتر من صبح نمنا
بسرعة
ثاني يوم هم نفس الهوسه والدوخة بس لحسن
حضي اليوم الاجو بيه جان جمعة يعني مافاتني دوام
بليل التحق ذياب لان جان هذيج الفترا كلها ماخذ اجازه
مر اسبوع طبيعي وذياب ما نازل
لحد ما فديوم كالو انُ الرايحين للعمرة لازم
من يرجعون يرحون يزورون الائمة اتفقو كلهم يرحون
بس اني حرت عاد كلت اذا قبل ذياب آروحـح وياهم
صعدت لغرفتي خابرتـة
رد
... الو
ـ هَــْـِْـْْـِلاّ ذياب شلونك
ذياب ... هَــْـِْـْْـِلاّ بيج يابه تمـام انتِ شــلونج
ـ زينة اكلك ذياب كالو حيرحون لزيارة عادي
آروحـح وياهم
ذياب ... اي سمعت ليمته يرحون
ـ باچر
ذياب ... لا ماترحين باچر انا انزل
ـ اي خلينا نروح لعد
ذياب ... يابه انزل تعبان جد جدي مشتعل ﭑريد انام ارتاح آروح لزيارة شمضيع حتئ ماافتهم شدعي هناك
ـ زين خليني آروحـح اني
ذياب ... ماترحين بويــة
ـ ذيااااب
ذياب ... اعتقد سمعتي شكلت ، باچر انا بـ 6 صبح
يمچ روحِـʊ̤ نامي ابوي انتِ
ـ تصبح ؏ خير
ذياب ... وانتِ وجهه الخير
سديته منه بس ضجت ڪـلش ماخلاني آروحـح
باچر يجي ونشوف شلون نخلص اليوم بس كاعدين
اخذت ملابسي ودخلت سبحت وطلعت نشفت شعري
وطلعتلي حبشكلات وطفرت بفراشي شغلت مسلسلي وتغطيت لان بجامتي صيفيـة ستن باردة ..
ضليت ؏ وضعي لحد ماغفيت واني ما حاسه
فزيت من حسيت نشلت من مكاني فتحت ؏ـيـُونـʊ̤
لكيته ذياب بملابس الدوام ..
ـ ذياب
ذياب ... اعزاز گلبه
ـ نزلني ليمته اجيت
ذياب ... هـسهہ وصلت بوجهي للغرفة
ـ ليشۂ شايلني جنت
ذياب ... مندحسه بطرف الچرباية خفت توكعين
ـ ها زين راحو لزيارة؟
ذياب ... اي لاكيتهم طالعين
ـ ليشۂ ماكعدوني
ذياب ... انا خابرت غرير كتلها لحد يكعدها
ـ متكتك امورك ليشۂ ماخليتهم يكعدوني
ذياب ... لان راح تكعدين تنقريهن لان مارحتي
ـ چَا ما خليتني آروحـح وما انقهر من الاساس
ذياب ... عوفي روحه هـسهہ سلمي عليه
ـ هو انتَ خليت بيها سلام حتئ ماكعدتني مثل العالم فزيت لكيت نفسي طايرة شڪِۅ مادري
ذياب ... ادبسززز صوچي خفت عليج
ـ شو شويـه ﭑريد ارجع انام بعدني انعس
ذياب ... اسبح واجي انا هم ﭑريد انام
راح هوَ واني ضليت بفراشي بس طارت النعسه
من عيني ضليت صافـنه بسكف لحد مافززني صوته
كمت من مكاني باوعلي بأستغرب
ذياب ... شبيج
ـ طارت النعس من عيني راح ٱسـوي ريوك
ذياب ... ولج خلننام ياريوك ساعة بـ 7
ـ شبيك اني ﭑريد ريوك نام انتَ بس كولي كلها راح
انزل هيجي عادي
ذياب ... اخذي راحتج كلهم راحو وقفلت الباب وراهم
نزلت ؏ درج اباوع صح الدنيا نهار بس البيت مو
ڪـلش بيها اضائة لان البردات اضخان ڪـلش خفت
ابارع ؏ ركن الصالة كمت اتخيل اشياء مو ؏ بال
صعدت ركض فتحت الباب وطفرت يم ذياب
اباوعله فز لان مبين هستوه جاي يغفئ
ذياب ... شڪِۅ شبيج
ـ مدري خفت البيت اضلم
ذياب ... بابا شمسسس الله طالعة وين هذا الخوف
ـ اخاف ولله انزل وياي
اباوعله بدون ڪلام جرني لحظنه وعاط
.... بدون صوت نامي تعبان ڪـلش مو وكت سوالفج
خفت احجي بعد ضليت مركزة ويه
انتظام انفاسه وهو غافي لحد ما غفيت
فزيت ماعرف بيش ساعة بس اني بعدني بحظن
ذياب اباوعله بعده نايم شسالفته جريت الموبايل
الساعـة بـ 10:45 دقيقٰۿ
ندسته
ـ ذياب ذياااب ذياااب ذياااب اكعد ذياب
رد وهوَ يخلي ايده ؏ كصته
... تؤ تؤ شنو هلأزعاج
ـ يا ازعاج ولله تتحملني مدام مخليتني آروح وياهم وبعدين ترا ساعـة بـ 11 كافي نوم خلناكل متت جوع
اباوعله كعد عاكد الحواجب ولعيون حمر وشعره مخربط وهوَ اسمࢪ وملامحة حادة يخوف ولزهرة
ـ ذياب شبيك كالب وجهك
ذياب ... جاي من الصخامم التعبب طاكنيي تكعديني ليشششش مو تشوفين عشيرتي مسموطه ومنطمر لو هي دودةةةةة ماترتاححححح
ـ شبيك ذياب راح ابجي ولحسين ليشۂ تصيح
صوجي ردتك تكعد تتريك وياي
فرك وجهه وراح للحمام طلع ينشف بوجهه
اشرلي ؏ الباب وهو يكول
... مو خبصتيني بلريوك هـسهہ تنزلين تسويلي
صينيه بكل حَياتـِي ماشايفها
ـ شسويلك يعني اذبحلك صفاء واطبخها مثلاً
اباوعله جانت الملامح معكودة من حجيت هيج
ارتخت وضحك
ذياب ... تعاي ننزل خلنشوف شتسويلنا ريوك.
ـ تنزل بشسمه بشورت؟ وفانيلتك المصلخه
ذياب ... اي چَا غير بي انا وانتِ لو تخافين عليه من الجني
طفرت يمه بخوف
ـ ليشۂ اسممم الله اكو جني بلبيت
ذياب ... صبرني عليها يبو الحسن
ـ شمالك وياي انتَ
ذياب ... ريت محد يكلي شمالك غيرج
ـ اني طكني الجوع هييي ماللل ريت
ذياب ... مخربت اللحظات وجهه الحلو
نزلنا جوه دخلت للمطبخ صفنت شسوي من ريوك
يستاهل الازعاج السويته اله علموده
ذياب ... ها ماقررتي شسوين طلي بعير
ـ انتَ اكعد هنا وماعليك
كعد ؏ ميز الطعام واني خليت الجاي ؏ نار
طلعت الاجبان كلهن وزيتون وعسل وطكيت
بيض عيون وبيض خبط رتبتهن بمواعين وخليتهن
يمه باوع للأكل ورجع باوعلي وكال
... عاشت ادينچ ابوي
ـ بلعافية
كعدنا نتريك وبعد ريوك غسلت مواعين
وهو كعد بصالة ؏ تلفزيون كملت ورحت كعدت يمه
ضلينا كاعدين لحد ما اذن كمنا صلينا وسئلته
ـ ذياب جوعان؟
ذياب ... شسالفة بويه تونا كملنا ريوك
ـ اذا جعت كلي
اراسل بكوثر الانطت موافقتها ؏ ولد وراح يكطعون عقد قرأنها بـعد اسبوعين فززني صوت ذياب
ـ شبيك
ذياب ... راسي خرب الالم موتني
ـ يا شلون اجيبلك علاج
ذياب ... ايشي
ركضت جبتله علاج اخذة وتمدد ؏ تخم
ـ ليشۂ دائماً يوجعك
ذياب ... عندي شقيقه ؏ ساعة تهيج
ـ يا سودة عليه شسويلك وصير زين ادلكلك راسك
ذياب ... سوي اي بس خليهدئ الالم
رفعت راسه وخليته بحظني وشغلت سورة ياسين
غمض عيۅنهہ واحسه مسكن ضليت اللعب بشعـره
لحد ماغفى ضليت اتأمل ملامحة وماعرف شون
غفيت فزيت لكيت راسي ؏ تخم ونايمة
تحركت فز باوعلي
ـ شلون صرت
ذياب ... لا زين الحمدلله
خله ايده ؏ فخذي
... تعبتج مو
ـ لا عادي المهم صرت زين
ابتسملي ، باوعت لساعـة بـ 3 الظهر
ـ ذياب جوعان؟
ذياب ... يعني مو ڪـلش
ـ شسوي غده
ذياب ... ليشۂ انتِ شتعرفين غير طماطة
ـ هو حتئ لو ردت شي اني راح اسويلك طماطة
ذياب ... ههههه خلي الطماطة للعشه هـسهہ سويلنا
غير شي
ـ مثل شنو يعني
ذياب ... بكيفج
ـ عندي اقتراح ليشۂ ٱسـوي واتعب خلنطلب من
المطعم مو احسن
ذياب ... ميخالف شتردين
ـ مندددددددددي
ذياب ... خوش بس ليشۂ صيحين
ـ اشتهيته
ذياب ... هـسهہ اوصي
صـَدڪہٰ خابرهم ووصئ
ذياب ... رايح اسبح انا ؏ مايوصل الاكل
ـ چَا مو صبح سبحت
ذياب ... ميخالف خايفة ؏ ماي واذا تردين انتِ هم اسبحي
ـ شعدي سابحة البارحۃ بليل سبحت كلساع هيَ بهلبرد منكعة بلماي شمضيعة
ذياب ... اعصابج بويه شمالج انهديتي لا سبحين ضلي
سبح واجه شوي ووصل الاكل طلع جابه
واجه اخذته للمطبخ رتبته بصينيه واخذته لصالة
اشرلي خلي بلكاع دنكت خليته رفعت راسي لكيته
يباوعلي ماعرفت شبي كعدنا ناكل
ذياب ... هاي الكلب منيلج
ـ يا كلب
ذياب ... البصدرج
باوعت ؏ صدري القميص شوي دلع ولابسه
كلادتي الجابها بابا
ـ ها هاي بابا جابها الي من العمرة
هز راسه ودنك يكمل اكله
بعد الغدء خابر صگر يشوفوهم وين
كاله احنا هـسهہ تونا طلعنا من النجف متوجهين
لكربلاء نبات هناك
ضلينا كاعدين ليل سويت عشئ طماطة
حمس والحمدلله طلعت طيبة تنوكل
ـ ذياب تتابع وياي فلم
ذياب ... اي ليشۂ لا
ـ خوش اوكفلي ٱسـوي شاميه
سويت ورتبت وياهن بيبسي وحلويات
واخذت الصينيه وطلعت لصالة باوعلي وضحك
ذياب ... صعدي لغرفتنا فوك ادفالنا
صعدت وهوَ وراي طفئ الضويات واجه
شغلت فلم وكعدنا ڪُل واحد بجهه لحد ما
طلعت لقطات تخوف حرفياً ترعش الكلب اباوعله
يتابع عادي ولا مهتم واني انكث من الخوف
باوعلي وكال
... شبيج تخافين
ـ يا اخاف نشف دمي من الخوف
فتحلي ادية واشرلي تعاي
رحت يمه لماني بحظنه
ذياب ... هـسهہ خايفة
ـ لا
ذياب ... طبعاً يخسئ الخوف يوصلج وانتِ بحظني
ختمها ببوسه بشعري
ضلينا نتابع واني ڪُل ما تطلع لقطة تخوف اضم
راسي بصدرة واسب بكوثࢪ الاقترحت عليه هذا الفلم
حتئ ما اكلت شي ضليت بس صافنه
شويه وحسيت ذياب يبوس بشحمة اذني
ماتحركت بس ضليت ابلعم لحد مانزل لركبتي
شماها وحرارة انفاسه حسيتها تچوي ركبتي ..
حسيته بدى يتمادئ من سجن شفايفي بشفايفه
دفعته بكل ماعندي من قوة .........
يَتبع🍂...
~~~~~~~~~~~~~~~~~~
البارت الجاي 🔥🙂
ترا عيب عليكم راح اختم القصة وانتو بعدكم ممدخليني رقم جديد ؏ انستا 💔💔
الئ اللقاء في البارت المُقبل | احبكم ♥️
#حب محكوم بلأعدام
# بنين الزيادي