الكاتبــهہ""بنت مـهہدي🫀
وانت قبل الصحه اهميتك تجي
وحبي لعيونك تࢪى يفوق الحجي
لهل سبب مࢪات ياخذني البجي
غࢪبـه وتسيࢪ هلي
هيج احس بيك وعلي...
🦋 ... 🦋... 🦋
سحبت ادي من بين اديه وباوعتله بصدمه
زمــرد:- انتَ تعرفف روحك شجاي تحجي
حجه وعيونه حمر من التعب والبجي
مــصــطــفى:- زمزم تذكري يحيلي تذكري يعمري تذكري يفص كليبي والله تأذيت بكد ماالوم روحي
سحبني بثنين اديه من وجهي وباسني بمكان اللفاف وبجبيني وضل يطبع بوساته على وجهي بعشوائيه
جنت كاطعه النفس وخايفه منه ردت اصيح ماكدرت
خله جبينه على جبيني وحجه بخشونه وصوت ذبلان
مــصــطــفى:- والله احبـج
لزمت ايديه ودفعتهن حيل وخرت عنه
ضل يباوعلي بانكسار تقربت عليه وضربته راشدي صار وجه للجهه الثانيه وضل يباوع بنفس المكان مارجع نظره علي
زمــرد:- ديربالك تتقرب مني بعد
عيب عليك السويته ماتخاف الله مو عيب عليك واني خطار يمكم؟ هسه ترجعني لبيت عمي
دنك وكال
مــصــطــفى:- يلا امشي
استغربت من الرد وبعدني بصدمه الي سواه
زمــرد:- مااثق بيك مو وحدنه
من كلت هيج باوعلي بخزر
مــصــطــفى:- لج اني اكثر واحد تثقين بي
امشي كعدي مريم تروح وياج ولبسي عباتج
دخلت للبيت حتى بقه الطفل يمه رحت لغرفه مريم دكيت الباب وفتحته لكيت بس مريم نايمه اختها الثانيه ماموجوده
بس دخلت لغرفتها ضليت ابجي وتقربت عليها اكعدها
زمــرد:- مريم
فزت من النوم من شافتني هيج طفرت وكعدت كدامي
مريم:- ها ها شبيج لجج ليش تبجينن؟؟؟ راسج ياذيج؟
زمــرد:- اخوج
مريم:- مصطفى شبي؟
ضليت بس ابجي وحضنتني تسكت بيه
مريم:- مو زين عليج لا تبجين هسه راسج ياذيج... شبي مصطفى وياج
بعدت عنها وحجيت
زمــرد:- انتم ليش مبقينه يحجي وياي ومن كومني بالمستشفى محد حجه ليش الاكل هو صعده الي وكلني بايده لج هسه نزلت يمه ضل يبجي على رجلي ويكلي محد يعرف الي بيه غيرج وضل يحجي هواي وكال احبج وصلت بي حتى تقرب مني وباسني لو يدرون اهلي لو اهلج شراح يسوون بيه؟
اني احجي وهيه صافنه بوجهي
مريم:- والله مااعرف شحجي وياج والله هسه شنو شنسوي
زمــرد:- كتله رجعني لاهلي ماقبلت يرجعني بس هو وكال كعدي مريم تروح ويانه
مريم:- يلا ماشي
تمغطت وهيه تباوع على فراش اختها
مريم:- يمه رقيه وين؟
زمــرد:- رقيه منو يالله
مريم:- هاي اختي بس ثوله حتى انتِ متحبيها عوفج
كمت منها امسح بدموعي وطلعت من الغرفه صعدت فوك اخذت عبايه وحجاب وطلعت من الغرفه شفت رقيه تطلع من غرفه فوك من شافتني ماعبرتني ابد تلفونها بايدها خلته بجيب الترواكه ونزلت
نزلت وراها ودخلت للغرفه من دخلت شافت مريم تبدل
رقيه:- شكو خير ياطير وين موليه؟
مريم:- شعليج
ضليت تباوعلها من فوك ليجوه خلت وطلعت من الغرفه
زمــرد:- شبيها اختج؟
مريم:- عوفج منها مكروهه
لبست الحجاب يمها على كيف لان راسي ياذيني وهيه كالت
:- عوفي العبايه بالحديقه لبسيها
لبست هيه عبايتها واجينه نطلع من الغرفه اجت امها عيونها حمر توها كاعده من النوم
ام امير:- ولج وين مصخمات
اجت رقيه تباوع من وراها بشماته
مريم:- يمه يمكن زمرد تذكرت ومصطفى كال مااخذها وحدها تجين انتِ ويانه
ام امير:- ها امشن لعد
رقيه:- وين يمه ومريم شكو رايحه
ام امير:- خل تروح شعليج بعدين عيونج مو مال وحده نايمه رقيه؟
رقيه:- لا يمه نايمه جنت كعدت للحمام من رجعت شفتهن يبدلن
باوعتلي بخزر حتى لا اكول نزلت من غرفه فوك اني هم ماحجيت شعلي بيها
مريم:- يلا امشي امشي
طلعنه لكينه مصطفى كاعد والطفل نايم على صدره وهو مخلي ايده على عيونه
مريم:- يلا اجينه
باوعلي وكال
مــصــطــفى:- لا تلبسين عبايه على راسج بس خليها على جتفج
اخذ الطفل وطلع برا وصدك اخذتها مريم وخلتها على جتافي وطلعنه وراه
ردنه نصعد بالسياره كال
مــصــطــفى:- زمرد تعاي كدام
عبالك ماسمعته صعدت بصف مريم هيه ماحجت شي بس تباوع هو كال
مــصــطــفى:- عناد عناد تشلعين فص الكلب
دار علينه وخله الطفل بايدي
مــصــطــفى:- صيري عاقله زمزم
فتحت عيوني بوجه هذا شجاي يحجي وصلنه كدام بيت
مريم:- هذا بيت منو ؟
مــصــطــفى:- الجنت عايش بي
ضحكت تك خد وحجيت وياه بثقه
زمــرد:- انتَ ماتستحي لو تستحي ماكتلي اوديج لبيتج وتضحك علي
مــصــطــفى:- بالقران هذا بيتج
باوعتله باستغراب نزل من السياره ضلت مريم تقنعني
زمــرد:- مريم شبيج شنو نزلي جاي يكول جان هو عايش بي بعد شكو
مريم:- عندج هواي ذكريات بهذا البيت نزلي بلكي تذكرين حبابه
من كالت هيج صفنت
مريم:- يلا حبابه خل ننزل اني وياج
تافافت ونزلت وبيدي الطفل دخلت للبيت وهو داخل قبلنه
دخلت مريم اول واني وراها ضليت اباوع للبيت عجبني
ضليت اباوعله وادخل من شفت مصطفى كاعد على كرسي بصف مكتبه خليت نظري بس على الطفل حجه
مــصــطــفى:- يلا كعدن
كعدنه على قنفه موجوده قريب منه اردف
مــصــطــفى:- راح اراويج واحجي
اشياء اريد منج تركزين بلكي تذكرين
هزيت براسي مواقفه وهواي علامات استفهام براسي
بصفه كارتون وبي اشياء مجمعهن ضليت اباوع بتركيز وكلشي اكوله اضل افكر بي مرتين وتلاثه واربعه لحد ما اجاوب
مــصــطــفى:- تذكرين هذا البيت؟
زمــرد:- لا
مــصــطــفى:- والطفل الي بايدج؟
زمــرد:-لا
مــصــطــفى:- هذا الچفچير؟
زمــرد:-لا
اشر على جنطه مال سفر يم باب المطبخ
مــصــطــفى:- هاي الجنطه؟
زمــرد:- لا
مــصــطــفى:- هاي الشوربه الجاهزه؟
زمــرد:- لا
طلع دفتر ازرق وبي اسم فاطمه
مــصــطــفى:- هذا الدفتر؟
زمــرد:- عادي اشوفه؟
مــصــطــفى:- تمام بس لاتقرينه كله
اشر لمريم وكفت بسرعه سحبته منه وخلته بايدي
بحضني الطفل فخليته كدامي وضليت اكلب بصفحاته قريت اسامي بشكل عشوائي أحمد فاطمه ابتهال
زمــرد:- كتاب قصص؟
مــصــطــفى:- مذكرات
زمــرد:- مالتي؟؟
مــصــطــفى:- ليش اسمج فاطمه؟ لا بس قاريته قبل
سديته وخليته على الميز
طلع تلفونه وكف وانطا الي على صور مال ابهامه بي حبر انوب طلع صورة بيها ايدينه نفس الشي
زمــرد:- باصمين على شي؟؟
تنفس بتعب وكال
مــصــطــفى:- راح اطلع ونزعي العبايه وشوفي زندج ورجعي شوفي الي بالصندوك وشوفي البيت وحاولي تفكرين اكثر
هزيت براسي
مــصــطــفى:- راح اطلع اذا اندگ الباب مسره هيه الوحيده الي تفتحون الها اني عندي نسخه
راح اجيب سحور واجي نبقى اليوم اهنا
طلع من البيت بخيبه امل
كمت بسرعه للصندوك شفت هواي سوالف شال ازرك همين
مريم:- لفي وباوعي بالمرايه
كمت خليته على راسي وحاولت اذكر بس ماكو رجعت للصندوك لكيت تلفون بس مايفتح واضح عطلان
كملت وضليت افكر ماكدرت اعرف اي شي
مريم:- كال زندج شوفي
ذبيت العبايه وكفيت ردان الدشدشه بس اريد اعرف شفت اثر ضليت فاتحه حلكي مفهيه زين هذا الاثر مامعقوله ما ياذي
شهكت بصدمه وكالت
مريم:- متصاوبه لو شنو
باوعت لايدي كامل لكيت اكو اثر بايدي ثاني بس مو مثل الي بزندي بس مبين علي جديد تلمسته باصابعي واجت ابالي لمسات بنفس هل اثر صوته من يغني
كعدت على الكاع وضليت ابجي هيه تهدء بيه وتكلي
مريم:- راح تذكرين هيه مسألت وقت بس انتم تبالغون
زمــرد:- زين اني ارتاحيت من ناحيتج واحسج تحجين الصدك اريد احلفج باعز شي عندج انتِ مجذبه علي
مريم:- وداعت امي الماعندي اعز منها شي لا ماجذبت ولا راح اجذب
زمــرد:- زين احجيلي وراح اصدكج شنو صار بهل فتره واحنه رمضان واني واكف عقلي يم فتره قديمه اني متعوده على روتين ولو رايحه حياتي منها سنين قديمه اذكرهم وباقيه بذاك اليوم الي نمت بي وكعدت بهل وقت وماتذكرت الفات جان ماتفاجئت ولا متغير علي شي لان حياتي كلش روتينيه واعرفها بس مجاي اعرف شصار ولا اعرفكم
باوعتلي بقهر وكالت
مريم:- راح اكلج شي واحد وعلى الاساس ماكتلج بس حاولي تذكرين بي تمام؟
زمــرد:- تمام
مريم:- الي اعرفه اني هو يحبج وانتِ هم تحبي مااريد اصدمج اكثر ولا مسموح الي احجي اكثر لان تنصدمين ويأثر على عقلج
زمــرد:- واهلج واهلي؟ واني شنو جان موقفي؟
مريم:- ماعدهم اشكال ثنينهم.. ماادري اصلا انو معترف الج لو لا
زمــرد:- مااعرف اكو شي غلط
مريم:- يي الشي الغلط انو انتِ نسيتي حاولي تذكرين لا تطلعين روحي
سكتت فتره وضليت افتر بالبيت وهيه جابت الها فراش وتمدتت وي الطفل عليه وناموا ثنينهم
رحت للدفتر وقريت بدايته مبين مذكرات بس مريم فزت من النوم وصاحت بيه ماخلتني اقره كله وكالت
مريم:- اذا اجه مصطفى وهو كايل ماتقرين ولكاج قاريته يعزينه جيبي
اخذته وخلته جوا المخده مالتها وضليت اني افتر بالبيت ومخليه كل شي جابه كدامي واحاول اذكر بس فشلت طلعت للطارمه باوعت للزرع والجو كلش حلو انفتح الباب بقفل عدلت حجابي وبقيت واكفه
بس دخل شافني اجه علي
مــصــطــفى:- ها زمزم تذكرتي
هزيت راسي بمعنى لا دخل للبيت جايب اكل
وضليت اني برا اباوع للمكان
زمــرد:- اذا اهلي واهله قابلين ماتقدم الي؟
جاي افهم شنو الصار اني جنت اريد بس دراستي شنو الخلاني احب
طلعت مريم تفرك بعيونها وكفشته شكدها
مريم:- بعدج كاعده؟
زمــرد:- مااجاني نوم ضليت افتر اكلج
وكفت وهيه تباوعلي متخوصره
مريم:- كولي
زمــرد:- انتِ مو تكولين هو يحبج؟
مريم:- ليش ماواضح؟؟
زمــرد:- ليش مايخطبني ويزوجني؟
مريم:- انتم مقررين ومتفاهمين بعدين تذكرين وتعرفين
عدلت كفشتها وكالت بثقه
مريم:- والله اخوي لو تفقدين ذاكرتج عشر مرات هم تحبي
زمــرد:- لا تبالغين محد كلج اني حبيته
مريم:- وعليمن تضيعين وكت من عمرج والله وانتم لايكين لبعض
زمــرد:- ماادري مااحبيته اكو شي بي
مريم:- ماادري بعد طبي خليني اغسل واجي
دخلت لكيته جايب اكل جاهز 3 علب مخليهن على الطاوله بس شافني كال
مــصــطــفى:- تعاي بابا زمزم
زمــرد:- لا تكلي بابا وبعدين ليش تكلي اسمي زمرد مو زمزم ؟
مــصــطــفى:- انتِ شعليج يابويه تعاي كعدي
كعدت وهو وكف يسوي جاي على الطباخ
اجت مريم تركض كعدت بصفي وسحبت علبه
مريم:- يااااييي احبب هاي الوجبات
باوعتلها اردفت
مريم:- انتِ هم البورك مالتج طيب
التفت مصطفى وهو عينه على الكوب
مــصــطــفى:- نسته
باوعنه عليه
مريم:- شنو؟
مــصــطــفى:- نست البورك التحجين عنه
مريم:- تحجي وياي؟
سكت ماجاوب شوي وضحك بظرافه واستغفر
ضلت مريم تاكل وهيه مصدومه وصافنه وكل شوي تباوع لمصطفى بحيره
خله كوب كدامي وكوب كدامه وصب بالي كدامه وقربه مني وسحب الي كدامي صب وضل يشرب بي حسيته جاي يذكرني بشي
بس اني لا حياه لمن تنادي
خلصنه اكل رحنه للغرفه نصلي اني ومريم كملنه وطلعنه لكيته يقرة دعاء وهو كاعد على المصلايه بكتاب مو قران وكدامه مثل الحجر من شافني شاله وخلاه بيدي
زمــرد:- شنو هذا
مــصــطــفى:- حاولي تذكرين
خليتها بايدي وين ماافتر اباوع بيها لحد ما شافني اشم بيها
مــصــطــفى:- لج بويه مابيها عطر لج صيري عاقله
خليتها بجيبي وافتر بالاخير طلع وشافني كاعده كدام الحديقه واباوع بيها اجه سحبها مني
مــصــطــفى:- كافي مو عجبتج
زمــرد:- رجعها الي
مــصــطــفى:- شسوين بيها يابه عوفيها
كمت وصرت كدامه
زمــرد:- وخر منا خليني ارجع للبيت احسلي
مــصــطــفى:- احجي عدل ترا اطيح حضج
خزرته حيل وهو يباوعلي بنفس النظره والبرود
زمــرد:- وشعليك بيه انتَ الجبتني هنا تتحمل فهمت لو لا؟
مــصــطــفى:- لا
زمــرد:- لعد رجعني لبيتنه
مــصــطــفى:- هذا بيتنه
زمــرد:- انتَ شو ماتستحي هسه ترجعني لا ارجع انطيك راشدي مرتب مثل مال البارحه
مــصــطــفى:- مو عديتها بمزاجي ليش تخليني افرك حلكج
ضحكت تك خد بشكل مستفز وكلت
زمــرد:- شحدك
رفع حاجب وحجه بهدوئ
مــصــطــفى:- مربعتهن يربي
زمــرد:- شنو؟
مــصــطــفى:-طبي جوا الجو بارد
زمــرد:- جؤ مو بارده
خزرني وكال
مــصــطــفى:- طبي جوا كلت
زمــرد:- انتَ شعليك تتحكم بيه؟
مــصــطــفى:- لان انتَ خطاري فصيري محترمه وطبي جوا
نكتت روحي كدامه
زمــرد:- غصبا عليك محترمه فهمت لو لا
مــصــطــفى:- ونعم بس انتِ سامعه ضحكتج؟
عكدت حواجبي
زمــرد:- شبيها ضحكتي
مــصــطــفى:- مهارات راقصه تبلش من الضحكه الموجوده عد حضرت جنابج المحترم
دفعته من صدره بثنين ادي
زمــرد:- انتَ منو وشعليك ليش مخلي نفسك بكل شي يخصني
لزم ادي وكال
مــصــطــفى:- اشش نصي حسج
رجعت دفعته اكثر من مره واني احجي
زمــرد:- ليش نسيت ليش على يا اساس تتملكني
حاول يلزم ادي بس ماخليته ورجعت اضربه على صدره واني ابجي
زمــرد:- اطلع من حياتي كافي كااافيي بس ولمسات اديك على جرحي وصوتك وانتَ تغني انتَ منوو فههمننيي
انصدم وكال
مــصــطــفى:- جنتي كاعده؟
حجيت بعصبيه
زمــرد:- اني شجاي اكلك وانت شجاي تكول؟؟؟
رجع ركز بوجهي وحجه
مــصــطــفى:- لج بابا تذكرتي من عقمت جرحج مال ايدج مو صح؟؟ وبعد شنو
باوعتله وهدئت شوي ونزلت ادي
زمــرد:- بس هاي
مــصــطــفى:- هسه اني انصدم بشنو لان تذكرتي لو لان جنتي كاعده؟
حجيت بترجي
زمــرد:- احجي عفيه شنو صار
تقرب علي ومسح دموعي بايده وكال
مــصــطــفى:- روحي نامي مانمتي الليل كله
حجيت بفطاره
زمــرد:- حتى انتَ مانمت
مــصــطــفى:- يمه على الفهاوه روحي نامي روحي
هزيت راسي بمعنى لا
خله اديه على راسه
مــصــطــفى:- يبوي على هل ورطه ولج شعلتي فص گليبي ولج كافي
زمــرد:- فص گليبك شنو
مــصــطــفى:- فص الگلب ماتعرفينه شنو
زمــرد:- ماادري
حجه بعصبيه جفلني
مــصــطــفى:- روحي نامي ترا اجرم بيج
بسرعه دخلت جوا لكيت فراشات بالغرفه سحبت وحده وخليتها يم فراش مريم الي نايمه وردت انام باوعت للطفل يتحرك
سحبته من يمها وتمددت على فراشي وكعدته بصفي اباوعله
لحد مادخل مصطفى ضل يباوع النه اجه كعد يم راسي ردت اكوم خله ايده فوك راسي ورجعه للمخده
مــصــطــفى:- حتى لابسه حجاب بعد شكو دنامي خل اباوعله
ضلينه نلاعبه وهو فرحان يضحك بالاخر تمدد على نفس المخده مالتي ونام وضليت كاعده وياه لحد ما صارت ب10 كعدت مريم واخذته مني وماقبلت اضل كاعده كالت مو زين على راسج
نمت كعدت على اصابع ناعمه تتحرك على وجهي
فتحت عيوني اشوف الطفل كاعد بصفي ويلعب بوجهي وهمه يضحكون عليه مابيه حيل اكوم لحد ما سحب حتى رموشي ضليت اصيح
زمــرد:- لا لا صدك جذب هيه هيج
فتحت عيوني بوجه حتى يخاف خله صبعه بعيني طفرت من مكاني
زمــرد:- يمممههه عيني راحت
كامت الي مريم لازمه بطنها من الضحك
مريم:- شو وخري ايدج اباوع
حجيت بزعل
زمــرد:- وخري انتِ تضحكين علي
رجعت تضحك حيل كعدت كدامه كتله
زمــرد:- ليش خليت ايدك بعيني
ضحك وضل يحرك بايده ورجليه حتى اشيله سحبته لحضني بسرعه لزم حجابي
زمــرد:- لا لا لا عوفه لا
سحبه حيل واني وياه نتصارع حتى لا يذب حجابي ومن يلزم شغله خلاص يسحلهه سحل اهم شي ياخذها
نومته بحضني وعدلت حجابي ورجعت كعدته
ضل يحرك بايده كدام وجهي مثل الي يختار شي يلزمه بالاخير لزم شفايفي بثنين ادي
جرهن حيل فتحت حلكي
حجه مصطفى بضحك
مــصــطــفى:- اجه الي يشك حلكج
سحبت اديناته وكعدته على رجلي وكعدت كدامهم وهمه بعدهم يضحكون
زمــرد:- خلصت المسرحيه تكدرون تسكتون؟
مريم:- هسه شمسوين ترا هو ضحك
باوعت للطفل هادئ بحضني مااشوفه هيج بس يمي ويم مصطفى
زمــرد:- شوكت نرجع؟
مــصــطــفى:- ابقي اكثر حتى تتذكرين
زمــرد:- شفت كلشي ومجاي اذكر خلي نرجع يمهم
هز راسه موافق
شلته وكمت للحمام غسلت وجه وايديه ورجليه يمه هل طفل شكد يتحرك وغسلت وطلعت
ورجعته يمهم كامت مريم للحمام غسلت وجه لبست حجابها والعبايه
طلع للسياره راحت مريم للمطبخ خاف بي شي وطفت الكهرباء
عدلت حجابي ولبست العبايه وطلعنه سوه
ردنه نصعد لكيناه واكف يم باب بيت الجيران يحجي وي بنيه
زمــرد:- شجاي يحجي وياها؟
مريم:-فديت الي يغار
زمــرد:- ها لا شنو لا مااغار
مريم:- واضح كلش
اشرلنه نروح يمه مشينه يمهم هو شايل الطفل
مـسـره:- خايبات شلونجن
مريم:- الحمدلله
مـسـره:- ام راس راسج شلونه
زمــرد:- زين
مـسـرهہ:- شمالج تحجين من وره خشمج والغسل اي والله
مــصــطــفى:- دخليها جوا تاخذ الها فره بلكي تذكر
زمــرد:- لا اني شعدي ببيتج
مـسـره:- صار بيتي مايعجب والجان يلفي يمي منو الواوي لو السعلوه
مــصــطــفى:- دخلي يلا
باوعتله بخوف
زمــرد:- لا ماتسمعها تكول بي واوي وسعلوه
سحبني من عباتي ودخلني للبيت
مـسـره:- اني اريد اسولف طبي وحدج اذا طبت هاي البت الثانيه تدخل حبيبه انتِ تردين تطبين؟
مريم:- لا بقينه هنا
دخلت وحدي للمطبخ انوب للهول شفت تلفزيون زغير دخلت للغرفه غرفه بسيطه هادئ رجعت للهول شفت مكان بصف التلفزيون تذكرت لمحه ماعرفت منو بس جان اكو شخص يكعد هنا ضليت افكر لحد مادخلت مسره
مـسـره:- ها ام راس تذكرتي شي؟
زمــرد:- لا
مـسـره:- هو راسج من الله بي مطي نايم انضرب راسج هاج المطي علينه الله يهدي النفوس مااكول غير هيج
مشيت بسرعه طلعت من البيت لكيتهم بالسيارة صعدت وطريق هادئ مصطفى كل ما يباوع علي من الجامه يضل يقرة بالاغنيه
وضلت تتكرر براسي وكلما اذكرها تجي لمساته على ايدي احس يتلاعب بمشاعري مو بس بتفكيري
رجعنه للبيت فتحت ام امير النه الباب
دخلنه للبيت لكينه مرة كاعده يم الجهال
بس شافتهه مريم سحبتني لغرفتها
حجت بتوتر بسرعه وجهه حتى عرك من الخوف
مريم:- ولج هاي اجابها انوب انتِ ماتذكريها خرب
زمــرد:- ليش منو هيه؟
مريم:- ام علي نور مرت أمير اخوي الجبير
زمــرد:- واذا ليش شبيها
رادت تحجي انفتح الباب واندفعت رقيه ودخلت امها وراها
ام امير:- شوفن وحق داحي باب خيبر اذا وحده منجن كالت على زمرد نست شي من حياتها كدام نور
الوي ذانها بالنعال
مريم:- حاظر يمه والولد؟
ام امير:- حيدر كتله وراح يكول لأمير ومصطفى
رقيو سمعتيني لو اجيب النعال من هسه؟
بضجر ومو عاجبها جاوبت
رقيه:- مااحجي
ام امير:- عود احجي علمود اخلي واحد يعوفج والثاني يكتلج لحد ما يطيح حضج
باوعتلي وكالت
ام امير:- سمعي اربع وعشرين ساعه أحمد بحضنج وحجي وي نور مااريد وقللي كلام وي الكل بس للضروره القصوى كلش ولا تسألين عن أي شي بس لمريم بيناتجن مااريد نور تدري بيج نسيتي
جنت مركزه وفهمت كلامها بس كلت
زمــرد:- أحمد منو
ام امير:- ديلا بلا واريدها تمثل انوب ولج الفرخ الجان وياكم بمسؤوليتج تدارينه هل فترة تصعدين وياج تنزلين وياج فهمتي يمه؟
زمــرد:- يي فهمت حاظر
رحت للاستقبال لكيتها كاعده وي جهالها ابتسمت بوجه اشو هاي خزرتني مااهتميت كعدت وسحبت أحمد بحضني وهيه بس تباوعلي بوجه يابس حقهم يكولون لا تعرف شي مبينه حيه
اجه مصطفى كعد بصفي
زمــرد:- ها
همس
مــصــطــفى:- اشش امي شكالتلج لاتحجين بعدين اني كعدت بصفج مو انتِ كعدتي بصفي سكتي معليج
ضل لازم ايد أحمد ويكله
مــصــطــفى:- وليدي حبيبي
نصيت صوتي وكلت
زمــرد:- هو ابنك؟
مــصــطــفى:- اشش امي شكالتلج
سكتت متضوجره هذا مو حجي كافي زودها بس جنت اسمع كلامهم لان احس كلها تحبني وتهتم الي مو مثل بيت عمي
اجه حيدر كعد بالكاع بنص المكان راح اله أحمد يزحف والجهال كلها التمت
حيدر:- هلا هلا يمه هلا وميه هلا نعله على والدي الي مايحبك
علي:- عمو اني زعلان عليك
سمطه راشدي وصاح بصوت قوي
حيدر:- دنجب
اجت مريم كعدت كدامه تشاوره
وهو يسمع ومركز بالاخير وخرت عنه صفن بوجه وهيه ساكته سمطها راشدي
مريم:- هاي ليش؟
حيدر:- دنجبي وين اختج
مريم:- هسه اني شدراني
حيدر:- عليوي كوم صيح لعفشه
راح علي يركض اجت رقيه تمشي وراه
رقيه:- ها حيدر
غندب وحجه بنتر وعصبيه
حيدر:- تعاي ولج كعدي هنا
صدك هيه كعدت كدامه
ضل يشاورها خلص وخر عنها ضلت بس تباوع صفكها راشدي
رقيه:- يااا شمسويه
عاط بيها
حيدر:- دنجبي
سكت الكل وكامت رقيه كعدت على صفحه وكف على حيله فجئه وصاح
حيدر:- ببببوووووويييههه
اجته امه شايله الطشت مال الماي حمسته بي
ام امير:- شمالك تجعر جنك مطي
حيدر:- اريد اعرس
ام امير:- ضل على هاي جعراتك ونشوف ياهو يزوجك
حجه بصوت ناعم
حيدر:- بالعباس انهب وي حبيبي ونشرد نزوج هناكه
ام امير:- وين هناكه
حيدر:- معليج
رجعت ضربته بالطشت انفطر براسه كلها ضلت تضحك
لزم راسه
حيدر:- اخخخ راح اصير مثل زوزه
مريم:- منو زوزه؟
اشر ناحيتي
حيدر:- هاي زوزه
مريم:- هاا لان اسمها زمرد
همس
حيدر:- لا لان بيها زهايمر
مريم:- شوكت امتحاناتك؟
فتح عيونه بوجه وضل يفتح بحلكه على كيف
وصاح بصوت عالي
حيدر:- يمههههه نسسيت كتاببي برراس الشااااررعع
طلع ركض ورجع صاح ماهو ماموجود باكو كتابي
اجته امه سريع لطشته بالكتاب
ام امير:- شيسوي كتابك بالثلاجه
حيدر:- يااا نسيته بالثلاجه مو شفته عصبي كلت اخلي بلكت تبرد اعصابه شكك دشداشه گلبي
باوعت نور باتجاهي عدلت حجابي بين اللفاف
نور:- شبي راسج؟
ام امير:- ياذيها شديته الها
كامت طلعت للطارمه شوي وكامت رقيه ومريم للمطبخ كل واحد راح لمكان بقيت بس اني وبحضني أحمد يلعب بطوبه زغيره
ماحسيت غير اجت نور تضحك وتصيح
نور:- هاا طيحج على الحديده وفشخ راسج وكتلج ونساج الذاكره وبعدج وياه؟؟
اجت رقيه تجر بيها
رقيه:- ولج سكتي يكتلوني لو درو كتلج
ماهتمت وكملت كلامها وياي
نور:- ماكتيليهم اريد جنسيتي شي وشفتي روحج مزوجه مصطفى
زمــرد:- شنو؟؟
نور:- روحي يابه هو الي بحضنج ابنج وكل هذا تلكي بالجناسي
ضليت صافنه اجت ام امير
نور:- جنتي موجوده من كتلها وطيح حضها لحد مادفعها على حديده وصار عدها ارتجاج
بقيت أحمد بالارض وكفت على حيلي اسمع الها كلها تسكتها سحبتها من ايدها وعيوني كلها دموع وبس واحد يطخني ابجي
زمــرد:- احجي
حجت بثقه وتدلع بصوتها
نور:- شنو تردين تعرفين
صكيت على سنوني وكلت
زمــرد:- كلشي
نور:- بيوم جنه كاعدين طب علينه مصطفى الي من طفولته معادي اهله ودايح بالشوارع وياج انتِ وشايله أحمد وكال تزوجت وهاي مرتي وابني
كرصتها حيل وصحت
زمــرد:- مو انتِ الي تجذبين علي فهمتيي
نور:- روحي وتأكدي من جناسيكم يابه
مانحس غير خطف شي من يمها وانجرت ايدها حيل بس باوعت وراها اجاها راشدي بس صوته فززنه كلنه من قوته انشمرت علي دفعته
يتبع.....
🦋 ... 🦋... 🦋
شلونها القفله؟
شنو ࢪئيكم بباࢪت اليوم؟
شنو تتوقعون يصيࢪ بالباࢪتات الجايه ؟
منو صاحب الراشدي الثقيل هذا 😂 ؟
يوزࢪي @ayay_.almahdi
لاتنسون التصويت للباࢪت ❤️🩹