⁦♣️⁩⁦♥️⁩مخالب طاغية ⁦⚜️⁩🔱( جزائرية )

الجزء الثاني ⁦⚜️⁩ انكسار الروح ⁦⚜️⁩

حلقة 24:
أسمر: خلصت كلامك تقدر تتفضل برى من عرسي ماخصنيش عباد كيفك ، ومانيش باش نندم عليها وماخصنيش ندي وحدة مشيت معها وصحيح كلام كامل حكيتو عليها غالط اخبط راسك 
صاحبو : خسارة لعشرة في عبد كيفك ظهرت ذيب وش كنت مصاحب حمدلله كشفت على وجهك ههههه  وخرج يضحك
رجال : شافو فيه بعدما سمعوا كلامو جاو مروحين عيطوا لنساهم ، مافتش خمس دقائق بعدما روح صاحبو لقى ناس مروحين
أسمر : رايحين ماعجبكمش عرس ولا كشما قصرنا معاكم ؟؟؟!
رجال : لالا اما هذك هو ياربي روحوا هيا اروحوا ومبروك عليك مرة أخرى
أسمر: بنت قحبة نجحت في أنها ترخسني عند ناس لااااا وعيط سمعوه جيران خرجوا لشباك  لقوه يخبط في كراسة وامو تهدي فيه 
فريدة : يعيش ولدي ماتديرش في روحك هكذا على جالت ناس الله لا يرجعهم ادي مرتك وروح للوتال هاذي ليلتك روح ربي يسهلك
أسمر : على واش يسهلي ماو سهلي واي اونسانت مانيش رايح حتى بلاصة من غير درنا كلشي خلص ودخل
جيران: اه هههههه ههههه وش هذا فضائح يوم وزيدلها ههههه مرتوا حبلت قبل عرس ولدو ولد حرام هههههه يعيبك يافريدة وعارك من ولدك هههههه
فريدة : صاحت فيهم اش دخلكم فينا كل واحد يلتهى بروحوا وبداروا ولدي وقابلة بيه ولد حرام وهوماستعرف بيه نسيتي روحك ولا نفكرك
جيران : سكتوا
روان : كانت حاظرة على كلشي صحيح يوم بينت بلي هي فرحانة اما حزينة بزاف تحملت حتى طاحة تبكي او تعيط اااا وتقولوا ليلتك لولى وظهرت مرتوا حبلة نعم هي حبلة انا لي تمنيت وحلمت انا لي حلمت نكون مرتوا وام ولادو ميش هي بكات حتى رقدة على كرسي عند طاقة
نعيمة : جات باش تصلي اذان فجر فاتت على بيت بنتها لقاتها نائمة على كرسي ،ياربي فرحها او هنيها ياربي استرها بولد حلال يخافك ويحبك يارب ،(راحت ليها) روان قوم بنتي روح بلاصتك
روان : أممممي وش صاير
نعيمة : خير خير بنتي متخافش رقدة على كرسي وخرجت 
روان :شافت في روحها لقات روحها بقش عرس , ضحكت على روحها وقامت بدلت قشها وسبغت وضوء وناضت تبكي في سجادة وهي تصلي وتدعي ربي ينسيها فيه ينسيها في حبو لي عششلها في قلبها ،بعدما خلصت ماقدرتش تكمل رقاد قامت عملت بغرير سخفت عليه أمها عندها مدة وغسلت ماعن
أمل مينا ⁦♥️⁩