الكاتبــهہ""بنت مـهہدي🫀
ناوشني شعࢪك خـلـ أحس بالنفس
ࢪآخي الهوى ومࢪات احسه انكطع
واتࢪندح بذكࢪاك عـود بنهر
وعـلى الخفيـف الࢪوج طبعـه الجشع
🦋 ... 🦋... 🦋
گلبي نغزني وبدون تفكير
لزمته من جتفه وعصرته اله طفر من نومه واصح جان يحلم
مــصــطــفى:- شكو
عفت جتفه وكعدت على الكاع واكول بكلبي
شلون يحب هو مو كال مااحب الي يخون شلون بيه بموضوع ماجد هذا عقاب؟
بس لا يعوفني وره السويته؟
مــصــطــفى:- شبيج؟
اختنكت وضل صوت النفس يطلع عالي
لزم وجهي ورفعه اله وحجه بخوف
مــصــطــفى:- هاايي شبيج منو وياج؟
دفعت ايده حيل وخليت ادي على وجهي وضليت ابجي
زمــرد:- والله كتلك بعد مااعيدها والله شلون هيج تسوي
باوعلي مستغرب وكال
مــصــطــفى:- شنو الماتعيدي شنو السويته شبيج؟
ضليت ابجي بصوت عالي واحجي وياه
زمــرد:- عبالك تاخذ مني أحمد هاي شلون تسوي هيج ليش هيج تسوي راح تشمرني بالشارع مو لو ترجعني لعمي
مــصــطــفى:- شمسوي بس فهميني شكو هاي شبيج
زمــرد:- مو كتلي حبيتج انتِ شلون هيج تسوي
رجعت ابجي وهو مالزمني وسكت لحد ما انتبهت عليه ساكت وباوعتله
كاعد على الجربايه مقابيل ومتجتف ورافع حواجبه يباوعلي ماعاجبه
مــصــطــفى:- خلصتي؟
زمــرد:- يي
مــصــطــفى:- كومي غسلي
طلع من الغرفه رجعت ابجي رجع متوضي
مــصــطــفى:- شنو هل واهس على شنو تبجين؟
صحت واني ابجي
زمــرد:- كله بسببك
مــصــطــفى:- صحيح
زمــرد:- شنو صحيح
مــصــطــفى:- الي تكولينه
زمــرد:- والي ابالي؟
مــصــطــفى:- شنو ابالج
زمــرد:- احجيي مصطفى
مــصــطــفى:- ليش تصيحين وتخليني اجي اطيح حضج
مسحت دموعي ووكفت على حيلي كدامه ولزمت وجه بثنين ادي استغرب وثبت نظره على عيوني
زمــرد:- تحب؟
صفن شوي وكال بهدوء وصوت رزن وحسيت باله مو يمي
مــصــطــفى:- طبعا
سحبت ادي بضوجه ورجعت ابجي كدامه وهو صافن علي
مــصــطــفى:- ياهو وياج
باوعتله بعصبيه وسديت ايدي وضربته على صدره واني ابجي وماحجيت شي
مــصــطــفى:- تخبلتي هاايي شبييج؟؟؟
ضليت اضرب بي على صدره وكلما يمد ايده يريد يلزمني اضربها
زمــرد:- وخرر ياا حقيرر
بس سمع هيج فتح عيونه ولزم ثنين ادي وصاح
مــصــطــفى:- هايي شنو؟؟؟؟ صايره تجاوزين؟؟
ضليت ابجي واصيح عليه
زمــرد:- تستاهللل وخر عني وخر مااريدك وخرر عوف اييديي
كعد أحمد ضل يبجي ردت افلت ادي واروحله بس ماخلاني وضغط على ادي اذاني
زمــرد:- عوف ايديي حقيررر
صفكني راشدي وصاح بصوت يرج رج
مــصــطــفى:- ترفعين صوتجج بوجهي صوتج اشيله الج تدفعين باديج ذني اديج اكصهن الج من مساع واكلج شبيج ماتحجين مثل الاوادم؟؟؟؟
سحبني من ملابسي وكعدني على الجربايه
سمعنه صوت الباب يدك مافتحه وكمل لحد ما فتحته امه ودخلت
مــصــطــفى:- احجي شبيج؟؟
أم امير:- يمه شنو هذا الصياح؟ شبيها؟
حجيت بخوف
زمــرد:- عوفني
رجع حجه بعصبيه وعاقد حواجبه
مــصــطــفى:- راح ارجع اسمطج راشدي
ام امير:- ياا ليش تضربها شبيها
مصطفى يريد يكوللها طلعي بس مايكدر ضل ساكت مايجاوب وهيه تباوعلي وتأشرلي بمعنى شنو صاير
مــصــطــفى:- تحجين لو شلون؟؟
خفت بس ماكدرت احجي وخاصه امه موجوده
ام امير:- احجي يمه لا تخافين شبيج
ضليت ابجي يمسح بوجه ويكول
مــصــطــفى:- صاير شي؟؟ اكو شي؟؟ من كعدتيني وانتِ تبجين شكو؟ وليش تعلين صوتج بوجهي احنه شكايلين؟؟؟
ماحجيت بس ابجي مدت ايدها سحبتني من ايدي رادت تطلعني وهو تخبل
لزم ايدي الثانيه وسحبني حيل لدرجه فلتت من ايدها وطحت على الحديده مال الجربايه وانضربت براسي ثواني وحسيت بالالم لحد مارفعت نفسي اسمع امه تكول اسم الله وهو بعده لازم ايدي
انرفعت اباوع للحديده كلها دم بلشت اشوف الكاع تتحرك الصوت مال الضربه بذاني خليت ايدي على راسي وبعدت انترست ايدي دم وحسيت بحرارته الي ضل يمشي بين خصلات شعري
انمردت روحي وماكدرت ارفع ايد لو رجل كل جسمي ذبل من تفكيري والخوف والالم وسديت عيوني وماكدرت افتحهن
واني اسمعه يصيح باسمي اكثر من مره وبسرعه
كعدت وريتني ماكعدت بس فتحت عيوني اجاني الالم قوي وماجن اشوف عدل سديتهن وفتحت اكثر من مره لزمت راسي بسبب الصداع
باوعت بصفي شفت ولد نايم على كرسي واني نايمه على سديه بالمستشفى شجابني هنا
كحيت اكثر من مره حتى يكعد لحد مادخل ولد ثاني ضعيف باوعلي شافني كاعده راح كعد الولد
حيدر:- مصطفى كعدت
فز من نومه وبسرعه تقرب علي وكعد على السديه بصفي وكال
مــصــطــفى:- تشوفيني؟
حيدر:- شلون ماتشوفك وهيه تباوعلنه من نتحرك؟
خله صبعه كدامي
مــصــطــفى:- اتبعي ايدي
وداه يمنه يسره وصعدها شوي وهو مثبت عيونه بوجهي
حجه براحه
مــصــطــفى:- عبالي يصير عدها شلل بالاعصاب
حيدر:- وشنو اعراضه؟
مــصــطــفى:- يعني بعد ماتكدر تشوف لان يصير ضغط على هذا العصب او ينكطع عليه الدم
حيدر:- هم زين ماندرسه بالسادس المهم
باوعلي وكال بابتسامه
حيدر:- الحمدلله على السلامه
زمــرد:- انتم دكاتره؟ واني شبيه؟
فتح الولد الكاعد عيونه بوجهي
حيدر:- اني دكتور بس هذا بعده يدرس
باوعتله بتركيز صفن ورجع كال
حيدر:- تشاقين لو صدك؟
كحيت وكلت
زمــرد:- اهلي وين
وكف الي كاعد يمي على حيله ولزمه الثاني
مــصــطــفى:- لك ارتجاج فقدت ذاكرتها
حيدر:- بس اهده اوكف
اجه كعد على الكرسي المقابيل واباوع للي ضل واكف يروح يمنه ويسرى
حيدر:- سمعي خويه
التفت اله اسمعه
حيدر:- اكو هواي اشياء صارت وياج وانتِ فقدتي الذاكره فلازم تتقبلين كلشي لحد ما ترجع ذاكرتج
انصدمت من كلامه
زمــرد:- من انضرب راسي فقدت الذاكره؟
حيدر:- يي هسه اريدج تتذكرين اخر شي صار وياج شنو؟
دخل دكتور وماكدرت استرجع ذاكرتي لاخر شي صار وياي
سلم عليهم وطمنهم واجه علي وضل يسالني ويفحص عيني خله كلوب وضل يباوع التفت
الدكتور:- احنه بيا سنه؟
صفنت شوي وكلت
زمــرد:- يكولون فقدتي الذاكره
الدكتور:- هسه نتاكد انتِ وين جنتي اخير مره؟
ضليت افكر والي واكفين نظراتهم علي تذكرت وحجيت بدون وعي
زمــرد:- ببيت عمي جنت اشتغل بالمطبخ وجانت ليل طفيت الاضويه ورحت نمت لان باجر اول يوم الي بالثاني متوسط
هز راسه بمعنى تمام
الدكتور:- يكدر واحد منكم يجي
مــصــطــفى:- يي اني
طلعو برا ورجع الولد شكله محبوب وبس مبتسم بوجهي ويحجي بثكل
حيدر:- لا تخافين وتتوترين ترا صف الثاني سهل السادس اصعب
دنكت افكر وحجيت وياه
زمــرد:- اهلي وين عمي اجه وياي انتم ليش يمي منو انتم
حيدر:- باععي اني احب احرك الناس فتعاي اسولفلج الي نسيتي
باوعتله بتركيز كال
حيدر:- والله ماادري شمدريني هسه تذكرين سكتي وانجبي خيه
دخل الولد الي اسمه مصطفى
مــصــطــفى:- خو ماضوجج؟
حيدر:- اني اضوجها؟؟؟
ركز عيونه علي ابد مايميلهن لايمنه ولا يسرى
زمــرد:- لا ماضوجني بس اريد ارجع لاهلي
مــصــطــفى:- احنه قرايب وانتِ باقيه يمنه عمج عباس ابو حوراء وعمتج غنى جابوج النه هل فتره علمود علاجج فتبقين يمنه بالبيت منا لحد ما تصيرين زينه يجون ياخذوج
زمــرد:- قرايبنه؟
مــصــطــفى:- قرايب عمتج غنى
زمــرد:- وليش ماابقى يمهم؟
التفت عليه الولد الكاعد
حيدر:- مو هو دكتور
زمــرد:- هاا بس منو اجه وياي؟
مــصــطــفى:- انتِ تعرفتي بهاي الفتره على اختي وانتِ وياها صديقات وعندج بعد صديقه هنا
بيت عمج مايجون لهنا فـ ضلي نايمه شوي على مايوصلن
حيدر:- حاجيتهن يجيبهن أمير؟
مــصــطــفى:- لا حسام راح يجيبهن كلهن
زمــرد:- احنه بيا محافظه؟
مــصــطــفى:- بصرة
زمــرد:- صدك؟ ودوني لبيت خالتي فدوة
حيدر:- جا احنه شكلنه غير انتِ مريضه وباقيه يم الدكتور؟
سكتت ماحجيت خليت راسي وسديت عيوني شوي وحاولت اذكر
طلعو عني شوي ودخلن بنات وحده من عمري وبنيه شابه ومره جبيره بالعمر
مـسـره:- يمه حبيبه زمرد شلون صرتي خايبه دهر صابج
زمــرد:- ها
مريم:- شلون صرتي الحمدلله على سلامتج
ام امير:- يمه خوفتينه عليج
انصدمت بكلامهن اني مامتعوده على هيج ببيت عمي محد يهتم الي لو اموت كدامهم مايشيلوني
باوعت بادي مابيها اثار حرك ولا اضافر مكسره جان دائما ادي تعبانات
دخل وصاح بيهن
حيدر:- شجابجن وين حسام شكو شمرجن هنا وانتِ ليش لفيتي يمنه دروحي لبيتكم
مـسـره:- جايه على صاحبتي مالك غرض بيه
جوز مني
حيدر:- ام الجوز وبقيه الحضور الكريم تكدرون تطلعون برا احجي وياكم
ام امير:- حويدر امشي منا ترا اكسرك تكسر
دخل وكال بسرعه وهو يمشي
مــصــطــفى:- الكل تعالوا وراييي
كلها كامت طلعت صاح بيهم
حيدر:- والعباس يجي يوم وهيج اصكركم صكر بس انطوني مجال
ضل هو يمي دقايق ودخلن وجهن اصفر
ابتسمت المره الجبيره بوجهي كالت
ام امير:- شلونج يمه؟
زمــرد:- منو انتم؟ عمري ماشفتكم تجون لبيت عمي
ام امير:- يمه شيجيبنه من البصره للعماره همه جانو يجون النه وحدهم
مريم:- تعاي اراويج
فتحت تلفون وضلت تراويني صور الي
مريم:- شوفي ذني كلهن نصورهن وانتِ تصوريني وهواي سوالف مرينه بيها سوه كلهن راح اذكرج بيهن بس نرجع للبيت
هسه انتِ مريضه وشوي راسج ياذيج مراح تذكرين شي
دخل وكال وهو مدنك
مــصــطــفى:- كملت نكدر هسه نطلع
مـسـره:- وصفوا الها علاج؟
مــصــطــفى:- جبته كله
حاولت اكوم ماكدر رادت تساعدني المره بس هم ماكدرت وراسي كلما اتحرك يصير الم
اجه علي وخر عنه
اول مامد ايده عدل اللفاف الي على راسي ولف الحجاب عدل
انتبهت الكل بس تباوع او تحجي ماكو واحد مهتم انو الولد يكومني
زمــرد:- اكدر اكوم وحدي
مــصــطــفى:- حتى لو خاف تطيحين
خله اديه وره ظهري شديت على نفسي اول ماوكفت اجتني دوخه واجيت اطيح خليت ايد على صدره وايد على عيوني
مــصــطــفى:- عادي تصير هيج دوخه اول مره توكفين حاولي تمشين على كيف حتى لا يصير الم براسج
جاب العبايه وخلاها على جتافي وحاجاهن
مــصــطــفى:- سندنها ترا بعدهي تجيلها دوخه وعدها عدم توازن
لزمني ومشينه شوي من مشينه كدرت اخذ على المشي بس بقى الم براسي من امشي بكل مره اضغط على رجلي
صعدنه بسياره وتجيت راسي على جتف البنيه
باوعت للمره صعدت كدام والبنات كاعدات يمي
صعد بالسياره وشغلها وضل يمشي
غمضت عيوني وسمعته يقره
حين التقيتك عادَ قلبي نابضاً
وجرى هواكَ بداخلي مجرى الدمي
وشعرتُ حضنك دافئاً ورأيتني
رغم الحياء اذوب فيه وارتمي
قل لي أيا رجلاً لأي قبيلهٌ
ولِـ اي عصر او لِـ جنسٍ تنتميِ
ولمن تعود اصول عينيكَ اللتي
اضحت قناديل الضياء لعالميِ
من قراه فتحت عيوني وحاجيت البنيه
زمــرد:- صارلي شكد عدكم
مريم:- فترة ليش؟
زمــرد:- احس مو اول مره اسمع صوته بهاي الغنيه
مريم:- صدك؟
هزيت براسي حجت هيه
مريم:- مصطفى تتذكر هاي الغنيه
التفت وكال
مــصــطــفى:- شنو؟؟
مريم:- تكول تذكرت صوته يقرة هاي الغنيه
باوعلي وكال
مــصــطــفى:- تذكرين شوكت؟ وين؟
زمــرد:- لا بس الصوت
ابتسم بوجهي
مــصــطــفى:- كللش زين من هسه تذكرتي شي
مريم:- اذا توديها لشكو مكان رحتوا اله وكلشي اتوقع تذكر
انتبهت لكلامها ليش اني شعدي طالعه وياه
ضلت تاشر وتحجي
مريم:- باععي اسمي مريم خاف تحتاجيني
وهاي صديقتج مسره
وامي هذي ومصطفى اخوي وبعد حيدر الي بالمستشفى
زمــرد:- الي يحجي بصف السادس هواي؟
كلها ضلت تضحك
مريم:- بالضبط
صار هدوء لحد ما وصلنه لباب بيت نزلنه كدامه
فتحت الباب بنيه دخلنه جوا اكو جهال
اول مادخل راح على طفل شاله وضل يبوس بي ويدلعه
مــصــطــفى:- حمودي وليدي حبيبي
نزله ودخل للبيت ضلينه بالاستقبال
كعدت يم البنيه
مـسـره:- مامعقوله نسيتيني؟ ما معقوله اني ما انسي
زمــرد:- والله مااذكر
اجت مريم شالت الطفل من الكاع وخلته بحضني
مريم:- لزمي شوي خل اروح اساعد امي بالفطور
زمــرد:- رمضان؟
مريم:- يي رمضان
اخذت الطفل الاعبه وهو بحضني يضحك ومتونس رادت تاخذه مسره ضل صافن بوجهه مثل الخايف
مـسـره:- تخاف مني بس يلا لان مامتعود علي
زمــرد:- ليش متعود علي؟
مـسـرهہ:- شلون نص نهاره نايم والنص الثاني بحضنج
بوسته ضليت العب وياها بالاخير اجت المره اخذته مني
وكالت بصيغه امر
ام امير:- روحي للمطبخ وخلي مريم تصعدج لغرفتج ونامي من يستوي الفطور اخليهم يصعدون الج وينطوج العلاج
هزيت براسي بمعنى يي
ورحت للمطبخ
زمــرد:- مريم
مريم:- ها ام أحمــ احم العفو زمرد
ركزت بوجها وكلت
زمــرد:- امج تكول صعديني لغرفتي
مشت كدامي واني صعدت وراها فتحت باب الغرفه
مريم:- تفضلي واذا ردتي شي بس صيحي علي ولو ماسمع واذا سمعت اغلس
ضحكت على حجيها طلعت سديت الباب وتمددت على الجربايه صار عندي فضول اشوف شنو بالكنتور رحت فتحته لكيت ملابس وحلوات همين
رحت على الميز لكيت مكياج ومواد تجميل
زمــرد:- اني حتى ماجنت اعرف اخلي مكياج هذا شنو الي صار
نزعت العبايه والحجاب باوعت شعري طولان اكثر يعني الموضوع مو جديد وصح اني فاقده الذاكره
رجعت للفراش وخليت راسي احاول اذكر بس ماكو شي غير ضلمه وصوته من يقره الغنيه
زمــرد:- لو بس افهم انتَ منو
شوي وسمعت صوت صينيه واماعين وخطوات ثابته
اندك الباب
زمــرد:- منو؟
مــصــطــفى:- اني مصطفى
رحت بسرعه سحبت الحجاب ولفيت راسي
وفتحت اله دخل للغرفه ومستغربه منه شلون ما انطاه الي من الباب ونزل
مــصــطــفى:- كعدي بويه
باوعت لوجه وعيونه الكبار ولونهن البارز اصفر
زمــرد:- عمو صدك انتم قرايب عمتي
شال عينه علي وبعد مانزلها واستحيت اني ودنكت ضحك هواي وكال
مــصــطــفى:- اخخ ياعمج شكد مشتاقله
زمــرد:- شنو؟
مــصــطــفى:- كلش احترمج من تكوليلي عمو ولابسه كدامي حجاب
زمــرد:- لعد شنو
مــصــطــفى:- والله ماادري هاج
مدلي ايده بيها لفه وحجه وهو يباوع للصينيه
مــصــطــفى:- اكلي على كيف
زمــرد:- عادي اني اسوي
مــصــطــفى:- كتلج اخذي واكلي امشي بكلامي ياعمو
مبين علي خوش رجال وثكيل لعد ليش يهتملي هلكد اخذت اللفه واكلت وضل يسوي ويخلي بايدي بالاخير وكف وسحب ادويه وانطاني ياهن وكال
مــصــطــفى:- هذا تاخذي وره الاكل وهذا اول ماتكعدين وهذا ماعليج بي من يصير وقته اني انطي الج
راد يطلع كتله
زمــرد:- شكد وترجع ذاكرتي
مــصــطــفى:- ياريت لو ماتطول بس بقت حسب انتِ وقوتج
زمــرد:- ليش احسك مسوي شي وياي قبل لا انسى وندمان او هيج شي
مــصــطــفى:- وداعه عيونج كلش ندمان
زمــرد:- شنو الصار احجي كلشي ليش اهلي بقوني هنا ليش انتَ تهتم الي شلون راسي انضرب
مــصــطــفى:- لا تفكرين بشلون وليش بس حاولي تتذكرين وبس
حسيته يتهرب من الجواب بس ماحجيت
زمــرد:- حاظر
نزل ورجعت اكل لان ماشبعت لحد ما شبعت شربت العلاج ورجعت نمت
فزيت من نومي حسيت ادين تمشي على شعري والدنيا ضلمه تحركت وكفت الحركه الي يمي
زمــرد:- منو هنا
شغل الكلوب
زمــرد:- عمو شسوي هنا
مــصــطــفى:- تعبان وجنتي بير اسراري
زمــرد:- وهسه؟
مــصــطــفى:- احس فلشت البير وفلشت نفسي وياه
بلعت ريك واني اباوعله
مــصــطــفى:- تعاي احجيلج
زمــرد:- مااريد اسمع شي روح منا
دنك وضل يمسح بلحيته باوع للجربايه من الطول للطول واخر شي ثبت تركيزه على الحديده الي بنهايتها
ودار وجه وطلع
انتبهت
:- لا ياربي مالابسه حجاب شلون ماحسيت
لفيته ونزلت جوا لكيت مريم كاعده بحضنها الطفل يبجي
مريم:- عليج الله اخذي امي نامت واريد انام ماجاي ينام
زمــرد:- ابن منو هذا؟
مريم:- ابن اخوي اكبر مني هسه عوفيج بس اخذي وحاولي تنومي هاي مميته وهذا هوا وهاذ الغطه رايحه انام باي
تحجي وتخلي بايدي
باوعت لنفسي بالكوه لازمتهن كلهن عدلت لزمت الطفل واخذته وصعدت خليته على الجربايه ونمت بصفه وضليت اشربه المميه ابد مابجه يمي
صفنت على الشباك باوعت اكو مثل الليزر يدخل من الشباك يصير على الحايط ويكتب شي بس مافهمت رحت عليه شفت مصطفى بالحديقه كاعد ويخلي الكلوب على شباك غرفتي
رجعت بهدوء وضليت اباوع شيكتب
كلمات هواي كتب
عمو صفصف
زمزم
أحمد
فاهيه
مربعتهن
والبقيه ماكدرت اقراهن اخذت الطفل ونزلت يمه عدلت حجابي
بس طلعت شافني خله الليزر بجيبه ودنك على تلفونه
زمــرد:- شجاي تسوي؟
مــصــطــفى:- هيج
زمــرد:- شنو هذا الليزر
مــصــطــفى:- هيج
زمــرد:- انت متزوج؟
مــصــطــفى:- جنت اي حاليا لا
زمــرد:- مطلق
التفت علي وكال وهو يفر ايده
مــصــطــفى:- شني هل سمعه هاي
زمــرد:- انت كلت
مــصــطــفى:- لا بس ماخذ اجازه هسه تعاي كعدي جيبي من ايدج
انطيته الطفل وضل يلاعبه ويضحكه
زمــرد:- ابنك؟
مــصــطــفى:- روحي من الدنيا
ابتسمت بوجه وضليت اباوع للورد والشجر واكو نخله بس حلو مخلين كراسي ومرتبينها
زمــرد:- احب هيج جو نظيف
مــصــطــفى:- اعرف
باوعتله مستغربه
زمــرد:- شنو تعرف
باوعلي بنظره ماعرفت افسرها بس جان يباوع لكل تفاصيل وجهي
زمــرد:- قريتك تكتب اشياء بالليزر
مــصــطــفى:- يي
زمــرد:- اكو عرفتهن واكو ماعرفتهن
مــصــطــفى:- يي
زمــرد:- شلون انضربت؟
مــصــطــفى:- طحتي
رجعت اباوع للمكان بالاخير سحب مثل الغطه خفيف جان على الكرسي الي كدامه
مــصــطــفى:- تغطي بي
سحبته منه وتغطيت
ضل يغني نفس الغنيه الي تتردد براسي هواي
وضل يكرر من عدها اجزاء بدون لا يباوعلي والطفل نايم على صدره
قره بالاخير مقطع منها بصوت كلش حلو
مــصــطــفى:-
ولمن تعود اصول عينيكَ اللتي
اضحت قناديل الضياء بعالميِ
التفت علي واني اباوعله وماشلت عيوني من عيونه
مــصــطــفى:- حبيتج لدرجه هملت ورم عقلي وركزت بورم گلبي
باوعتله باستغراب وخله ايده على راس الطفل
:- زمزم والله اسف وداعت أحمد ماجان قصدي وحق الحسين ماادري
بس اباوع بدون لا اجاوب تغير صوته اختنك وكال
:- ولج انتِ كلشي يمج شلون تنسين انتِ كل الي يخصني خليته بيج شلون يروح من بالج
اني راح اموت بدونج محد يدري غيرج لجج حبيبتي بس تذكري بداعة أحمد
زمــرد:- شنو جاي تكول انت
شال الطفل وخلاه على كرسي وكعد بالارض كدامي وخله راسه على رجلي وضل يبجي
مــصــطــفى:- والله يدونج مااكدددرر لجج ان شاء الله انكسرت ايدي ولا سحبتج
زمــرد:- كوم ترى يجي واحد
رفع روحه علي وكال
مــصــطــفى:- عساهم يجون محد اله علاقه بيج
بس باوعيلي
باوعت بعيونه
مــصــطــفى:- تذكريني تذكرين حجينه وكعدتنه مابيه اصبر تتذكرين على كيفج تذكري بسرعه اني ادري حالتج مو خطره اعرف راح ترجع ذاكرتج بس ما اريد تطول اكثر
زمــرد:- انت منو فهمني؟؟
رجع على رجلي ردت اكوم ماكدرت شوي وسحبت نفسي بالكوه
وكف وياي لزمني من ايدي وقربني علي ولزم وجهي وحجه بدفو وصوت يرجف وهو يباوع بنظرات عشوائيه يوزعهن على وجهي من وصل لعيوني ثبت
مــصــطــفى:- احبــج يافـص گليبي وبرڪـتي
يتبع.....
🦋 ... 🦋... 🦋
شلونها القفله؟
شنو ࢪئيكم بباࢪت اليوم؟
شنو تتوقعون يصيࢪ بالباࢪتات الجايه ؟
راح تتذكره بسرعه لو تشلع فص گليبه ؟
يوزࢪي @ayay_.almahdi
لاتنسون التصويت للباࢪت ❤️🩹