الكاتبــهہ""بنت مـهہدي🫀
عيني ونظر عيني كله يمك
تحبني ماتحبني اني احبكك
🦋 ... 🦋... 🦋
دفع الماعون وحجه برخاوه
مــصــطــفى:- تريد تكعد تأكل يمي ملحده صابئيه ايزيديه شي يخصنه احنه بس اني وهيه
رجع ركز على كلمه
مــصــطــفى:- وبس ان شاء الله وضحت الفكره سفره دايمه وكومي بويه
وكفنه وكامت امه وراه
ام امير:- بس اوكفوا
ولجن انتن ياهي مالتجن وتحجن على مرت ابني شعليجن بيها هاي خطاري تشيلنهن على روسجن غصبا على الكل فهمتوا لو لا
صاحت بصوت حاد
نور:- اني شفتها بعيني قابل اجذب عيني؟
امير لزمها من ملابسها
امير:- شفتي شنو يا ام عين؟؟؟
نور:- ضليت اباوعلها وادخل لغرفتها وشفناها شلون تصلي
ضحك مصطفى مستهزء
مريم ضربت رقيه على رجلها
مريم:- انتِ شكو الثانيه؟
التفت حيدر على رقيه وخنكها بملابسها
حيدر:- خير ان شاء الله؟؟؟؟
حجت بخوف لان شكله عصب حيل
رقيه:- نور كالتلي ورحت فتحت الباب وهم شفتها
اجاها راشدي من عنده على وجه حسيت خشمها انكسر
امير:- ثنينجن للغرف مااشوف ضل الجن
كلها غيمت وشفت حيدر وامير صار شكلهم نسخه من مصطفى من يعصب
مــصــطــفى:- صعدي لمي اغراضج يلا نرجع لبيتنه
تذكرت شلون دخلتي الفاتت اله وشلون انكتلت
كلها ضلت تحجي وياه وتقنعه واني واكفه حايط بصفه
باوعلي شافني مامتحركه رفع حاجب وحجه
مــصــطــفى:- مو كلت صعدي لميهن؟؟
هزيت براسي خفيف بمعنى لا
حجه واكد هلى الكلام
مــصــطــفى:- صعدي لمي الغراض
نريد نروح يلا
خله ادي بجيوبه واني اباوع اله شلون يحجي وياهم ببرود ويهدء بيهم وهمه كلهم يصيحون
صعدت فوك لكيت نور بغرفتي
زمــرد:- شنو جاي تسوين
دفعتني وكالت
نور:- اله اسويلج فضيحه صبري
نزلت وحسيت بايدها شي
هيه تمشي واني نزلت وراها اباوعلها دخلت للهول كلها واكفه بس مريم كاعده بصف امها تهدي بيها
لمحها امير وراد يضربها لزمه حيدر
امير:- اني شنو كلت
نور:- بس اريد اكللكم ترا احنه ماحجينه عليها بسبب شي بس لان شفناها هيج تصلي واني شاكه بيها بموضوع من دخلت لغرفتها لكيت بميز مكياجها علاجات رحت سالت قرايبي وخليته يشوف شنو
نوعهن لان هواي
تحجي وتخزرني وتاشر بايدها
نور:- خاف تكولون جذب هاي نص الكميه واكو بعد هواي واخوي يكول مااكو بشر ياخذ كل هل كميه مال علاجات بس اذا يريد يتسمم او يسمم شخص وهيه ذاك اليوم من نزلت نزلت علبه وياها بس جنت اني بالمطبخ فـ ماسوتها شفت حبيبي اني ماسويتلها شي هيه الي تريد تاذينه
جان مصطفى يباوعلها بصدمه وهيه انطلقت عبالها مايدري ومن حجت هيه عرف
بلع ريكه وعيونه كلبن عرفته راح يكول الي
محد منتبه لوجودي حجيت وكلها التفتت على مصدر الصوت
زمــرد:- واذا جانت هاي العلاجات يدرس بيهن مصطفى بس ماكو مكان وخليتهن بالميز؟
واذا جنت اني مسلمه واصلي واصوم ومجرد اختلاف طوائف والسويتي انتِ شفتيني مو من طائفتكم سويتني كافره بيا حق؟
اكثر من مره شفتج بغرفتي بس ماحجيت حتى لا تصير مشاكل واني ما اضوج اذا دخلتي بس الجاي تسوينه صراحه مستفز!
سمعت صوت احمد يبجي رحت عليه شلته وكلها بعدهي واكفه تباوع على نور بصدمه اله مصطفى جانت انظاره علي
حجه وكلها منتبه لكلامنه
مــصــطــفى:- شبي صاير يبجي هواي
زمــرد:- ماادري شبي مضايق
سحبه مني وضل يدك على ضهره وكفت امهم كدامنه وكالت
ام امير:- نور حجي وي رقيه بعد مااشوفج تحجين وماراح اكول لامير يوديج لامج ولا راح ارزلج اريدج بس تشوفين الفشله الي صرتي بيها تستاهليها لان انتِ خليتي روحج بهل موقف شما تدخلين روحج بشي مايخصج راح تصيرين بنفس هاي النقطه
بكل صلافه رفعت حواجبها تباوع من فوك ليجوا دارت وجه وراحت لغرفتها
كعدنه كل احنه وضل امير يعتذر ويكول
امير:- عقلها زغير ختولي لا تضوجون روحكم بس والله هاي عبرتها لخاطر امي مره الجايه تعرفين يمه شراح يصير
ام امير:- لا يمه ماتسويها بعد اخذت درس
انتبهنه حيدر ومريم كاعدين ياكلون بايديهم وحيدر حتى مسرفن ادي وهو لابس نص ردان ويسولفون ابيناتهم
حيدر:- سمعي ولج هاي اني راح انطيج معلومات تفيدج
مريم:- احجي احجي
ضلت تاكل وهو يحجي
حيدر:- سمعي ولج ام حلك المدسم
هزت براسها بمعنى يي
حيدر:- هل تعلمين انهو طالب السادس يجوع اكثر من الكائنات الحيه البقيه؟
هزت براسها بمعنى يي
حيدر:- هل تعلمين انهو طالب السادس يحتاج الى ساعات نوم اكثر مو الكائنات الحيه البقيه؟
هزت براسها بمعنى يي
حيدر:- هل تعليمن انهو طالب السادس معرض للتحرش اكثر من غيرهو من الكائنات الحيه البقيه
مريم:- منين جبت هاي المعلومات
طفر بوجه خلاها تفز
حيدر:- اكتشفتتهنن اكتشافاتتتيي هاي
مريم:- زين ليش مااروح معهد من الثالث خوفتني من السادس
حيدر:- ماعدنه نسوان تدخل معاهد
سوت حركه بايدها بمعنى شكو
حيدر:- سكتي ماعدنه نسوان تحجي
مريم:- شبيك
شال من الدولمه وترس حلكلها
حيدر:-ماعدنه نسوان تكول شبيك
ضلت تكح من الضحك
حيدر:- ماعنده نسوان تغص احنه
شني ماعدنه غيره ونسوانه تغصغص گدامنه
ام امير:- سطرتنه جا شعدكم
حيدر:- عنده حيدوري طالب سادس
يمه شوفيلي مره خل اعرس مادام اخلاقي طيبه
لحد الان
ام امير:- ياهي ترضا بيك
حيدر:- معلاسف عليج يمه هاي انتِ الحنينه جا شلون بنفشه شتكول علينه العرب
التفت على مريم وكال بصوت بنيه
:-ترا لعلمج ختبوني هواي بس اني رفضت كتلهم اريد اكمل تراستي
سوه حركه مثل الي يرجع شعره وره ذانه
حيدر:- جذوب مو علمود التراسه بس اريد حبيبي يختبني واضل اسيحله ختيبي
يخطبوني سكان الاراضي والبحار كلهم وحبيبي بعده مامكون نفسه وجاي خاطبني ادري حتى التكوين الذري مايستغرق هلكد وقت ياعيني
باوع على مريم حلكها كله اكل
حيدر:- اوويي لج عيني هاي شدسوين
ضل يمسح بحلكها بايده
كلها تضحك على سوالفه
صاحولنه نكعد وياهم ماردنه بس مريم ضلت تحجي وي امها وتقنعها لان عدها علاج
نزلت اكلت وياهم
صعد امير لغرفته وكفت حيدر سحب مصطفى من ايده
مــصــطــفى:-شكو
حيدر:- الزم مرتك لا تعوفها
لزم مصطفى ايدي وهو سحبه وانسحبنه وياه كعدنه على الاكل وضل ساعه يخلي بحلك مريم خنكها خنك وساعه يخلي بحلك امه
حيدر:- يمه زوجيني بروح الموته
مــصــطــفى:- ازوجك اني بس تطلع من السادس وتشتغل
حيدر:- جذابين امير كلي بس اطلع من الخامس وازوجك من گلولي ناجح نسيت الكارت بالمدرسه من الفرحه ورجعت اركض حتى حذائي ضايقني نزعته ورجعت ركض حافي لابس حذائي بادي
لاكيته براس الفرع وكتله يلا اخطبلي عاركني لان جاي للبيت ركض ولبسني حذائي براسي
مريم غصت من الضحك لزم كلاص الماي وضل يصيح بصوت خشن
حيدر:- وسم تضحكين على عمه عينج
باوعت لمصطفى عين بماعونه وعين على مريم من غصت
خلصنه اكل وكمت اني ومريم نلم الاكل ونرتب المطبخ
مريم:- بالعباس هاي عفشه على كولت حيدر طايحه حظ والله عود عبالها سباعيه من تحط روحها بكل سالفه
زمــرد:- عادي اصلا ماضجت منها اكيد شنو تسمع تحجي
اني اغسل اماعين وهيه صبت جاي وحتى لامير صعدتله ونزلت انطت للبقيه صعد مصطفى فوك اجت شايله أحمد
مريم:- شنو هل عيون العليه شو انتِ اسود طوخ ومصطفى صفر
كملت غسل ماجاوبتها شايلته تلاعبه وتطلع حلويات رتبت اماعين خلصت غسل ورحت صبيت اكل ضلت صافنه مريم
زمــرد:- شبيج تباوعين هههه
مريم:- بس لا بعدج جوعانه
زمــرد:- لا يمعوده شبعت بس شو تعاي
كملت الحلويات ودت لكل واحد ماعون دخلت لغرفتهن لكيت رقيه كاعده على الفراش من شافتني درات وجه
زمــرد:- تعاي جبتلج فطور مااكلتي
رقيه:- منو كلج اريد؟
خليته وكعدت يمها على الجربايه
زمــرد:- باعي صح اني ازغر منج بس مرت اخوج
انتِ ليش تضيعين وقت بدون لا تشبعين من اخوج وتخلصينه تعاركيني واحنه اول وتالي راح نروح
رقيه:- مصطفى اخوي بس من امي
زمــرد:- وحيدر وامير؟؟
رقيه:- عاشو وياي عمري كله مصطفى وين ماشايفته حرام بس بالصوره اول مره بالحقيقه
حجيت بشك
زمــرد:- هذا كلام نور مو
توترت وكالت
رقيه:- ها مو مهم كلام منو المهم هذا الصحيح
زمــرد:- براحتج بس ترا مصطفى يضل اخوج حاله من حالهم ان شفتي او لا اخوج وموضوع اليوم اني ماهتميت
هذا شي خاص وانتم تنطون رئيكم لمصطفى انو لاتزوج من هيج طائفه بس مو تجون تحجون علي وكدامه على اساس اني كافره هوا يدري شلون اصلي وشلون اصوم ومتقبلني انتم من تسوون مشاكل وين توصلون؟؟
بكلمه وحده نطلع منا فـ يا عفشه كعدي وي اخوج وشبعي منه لان مااعتقد بعد يخلينه نجيكم
دخلت مريم شايله أحمد وصينيه حلويات
مريم:- صارلي ساعه ادور عليج
زمــرد:- هنا اني
ضلت تضحك وخلت الماعين كدامي وانطتني أحمد
رقيه:- مريم انطيني ماعون
مريم ولا عبالك تسمعها
رقيه:- ها انطرشتي؟؟
مريم:- سكتي يابه انتِ روحي صفي وي نور
رقيه:- وانتِ شكو صافه وي هاي
مريم:- هاي بعينج مرت اخوي وبعدين تحسسيني اني ماحاجي وي نور هيج واكثر؟ بس ماامشي بحجي واحد على واحد ولا ادوخ خلكي واخلي الناس يكرهوني روحي خلي روحج بهل سوالف وشوفي اذا ما شبعتي رزايل
ضلت رقيه تهز بايدها
اخذت ماعون حلويات واخذت أحمد ترخصت منهن وطلعت
حيدر:- هلا بمرت اخوي
زمــرد:- هاا
حيدر:- تعاي نشوف هاي شنو بايدج
سحب الماعون كله وضل ياكل
حيدر:- اسف وداعتي بس السادس خله نفسي دنيه
ضليت اضحك صعدت فوك
لاكتني نور تريد تنزل ماباوعت الها اجيت ادخل للغرفه
نور:- اريد احجي وياج
فتحت باب الغرفه وكتلها
زمــرد:- على شنو؟
نور:- اسفه مجان قصدي اسببلج مشاكل هاي هيه بعد مااتقربلج
زمــرد:- ياريت
دخلت للغرفه اباوع التلفون الجان عندي موجود على الميز سحبته كدامها
ضلت تباوع من فوك ليجوه
نور:- هاي هيه اذا على هيج كلام ماادخل ابد ولا اضوجج
ثبتت عيونها على التلفون الي بايدي لحد ما ملت وطلعت من الغرفه رجعته لمكانه بدون لا اباوع بي اصلا
نومت أحمد وضليت ادك على ظهره اريده ينام ماقبل
سمعت صوت حجي نزلت شايلته
لكيت نور نايمه على رجلين ام امير تبجي
نور:- امير ميحجي وياي
ام امير:- حل بيج
نور:- عمه جاي اشتكي الج
حيدر:- هسه شكالتج مو زين منها وجاي تجاوبج
لو اني اله اسوگ عليج تنظيفت العيد كلها والكليجه واكعد بس اشراف بس اني مو عمه وانتِ مو جنتي
الف الحمدلله والشكر الك حكمه بيها يربيييي
ام امير:- اسكت حويدر ابو سجه
طلعت للطارمه لكيت الباب يدك فتحه علي
علي:- شتريد
حسام:- امشي ولي من يمي صيح بيبتك
علي:- ماصيحها
حسام:- صيحها ترا احط بيك دفره اعبرك لاوكرانيا بدون جواز
سد الباب بوجه رجع دكه طلع حيدر
حسام:- حويدر صيحلي امك اريد اشكيلها
حيدر:- على الهدوم الي بالغساله؟
حسام:-لا
حيدر:- على الطباخ شلون تنظفه؟
حسام:- هم لا
حيدر:- على التمن البزل؟
حسام:- لا
حيدر:- المكنسه صوتها عالي؟
حسام:- لا
حيدر:- الماسحه مو من مستواك؟
حسام:- لا صيحها واسكت
حيدر:- نجب كل يوم جاينه بسالفه صيح امك صيح امك روح شوفلك مره تزوح انطيني غرفه بـ بيتك اتزوج بيها واخلي مرتي تسويلك تمن بزل
سد الباب خله ورجع وبعد مادك الباب
طلعله مصطفى جابه واجه
مــصــطــفى:- ليش تتصل وتكلي تعال اخذني
امك اني تعال وحدك
حسام:- اخوك طردني يكلي تزوج
مــصــطــفى:- هم صدك شوكت تزوج عمرك راح يصير 40 ماناوي تعقل وتزوج
حسام:- لكيت بت حلال مخليها ابالي بس مااعرف شنو وضعـها ترضا بيه لا
مــصــطــفى:- منو؟
حسام:- البنيه الاجتكم صديقت مرتك
مــصــطــفى:-مسره؟
استغربت من كال هيج وضليت بس اسمع وصافنه
حسام:- الله لكك شوف الاسم وحلوه ومؤدبه
حجه بصوت ناصي
مــصــطــفى:- حقك ما مطيح كيلوين طماطه من ايدها
حسام:- شنو كلت؟
مــصــطــفى:- الك لا تخاف
حسام:- العباس عليك؟
مــصــطــفى:- يي شبيك
حسام:- المهم عمار
مــصــطــفى:- شبي نعال؟
حسام:- والله انت من كتلي ساعدني بيها رخت للقضيه لكيتها مسدوده واحد طلع وكال اني خطفتها وهذا مو عمار وانسجن بدون لا يكولون الك ولا توصلنه معلومات
مــصــطــفى:- هاي شلون؟
حسام:- بالعراق كلشي تكدر تسوي اذا عندك واسطه وفلوس يلا اروح عندي شغل
مــصــطــفى:- الله وياك
طلع واني ضليت صافنه من كلامه يعني هسه عمار ما عليه اي تهمه
دخلت جوا خليت أحمد يم ام امير
ورحت يم مريم بلكي شوي اهده ضليت اسولف وياها ورقيه عيونها بتلفونها
اجت علينه امهن
ام امير:- اجت ام حياة جيرانه تعاي ولج رقيه رتبي صينيه ودخلي سلمي وخليها
زمــرد:- وأحمد؟
ام امير:- يمنه خلي هيه توها طبت من يضوجني اصيحلج تاخذي
راحت رقيه شوي واجت المره وام أمير علينه للغرفه
واستغربت المره شايله احمد
ام حياة:- هذا ابنج؟
تفاجئه من سؤالها وجاوبت
زمــرد:- احمد
ام حياة:- سميتي على اسم ابو؟
رحت عليها اريد اسحبه
زمــرد:- شنو؟؟ جيبي
ام حياة:- هذا مو ابن فاطمه؟؟
يتبع.....
🦋 ... 🦋... 🦋
نزلت البارت لخاطر عيون البنات الي علقن وطلبن اكمل 🤍😍
شلونها القفله؟
شنو ࢪئيكم بباࢪت اليوم؟
شنو تتوقعون يصيࢪ بالباࢪتات الجايه ؟
منو ام حياة ياترى؟
يوزࢪي @ayay_.almahdi
لاتنسون التصويت للباࢪت ❤️🩹