مساء الخير ...
#عوضي_الكَبير_رُغمَ_عُمرِها_الصغير
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
•••• 𝐓𝐞𝐥𝐞 ـ ٭ @i0lllil ••••
i الكاتبة فاطم i
insta : ifll18l للتواصل
•••• 𝐓𝐞𝐥𝐞 ـ ٭ @i0lllil ••••
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
أراهم يا امي يتحدثون عن امهاتهم ، اريد بلهفه ان اتحدث عنكِ بينهم ولكن اخاف بان تسبقني دموعي، فلا اجد ما اخبرهم به سوى انه كان لي أم عظيمة و فقدتها ، ربي اني اشتقت لفقيدتي شوقا تعلمه انت و يجهله عبادك اللهم ارحم اغلى من فقدت ربي انني لم انسى روحا ذهبت إليك و قد اشتقت لها اللهم اني استودعتك قبر أمي من الضيق و الظلمه اللهم انس قبر فقيدتَ قلبي من الوحشه واجعل قبرها روضه من رياض الجنه يالله.
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
•••• 𝐓𝐞𝐥𝐞 ـ ٭ @i0lllil ••••
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
رنده :;- بعد رجوع بابا للبيت الاوضاع رجعت طبيعيه بيوم. الثاني خالة رويده رجعت .. جان يوم السبت و ما عندي دوام كعدت الصبح بل9 و جان موعد اليوم حيسافر رحيم
غسلت وجهي و نزلت للهول يم بابا و رحيم جان كاعد ..
رنده : صبااااح الخير عليكم
حمد : صباح النور بنتي
رحيم : صباح النور بويه
رحت بست خد رحيم و بست خد بابا و كعدت بصفهم شوي و خاله رويده جابت قوري چاي و اجت ..
حمد : البقيه وينهم؟
رويده : ذولفقار نايم و فؤاد طلع من 8 كال عندي شغل
ابوي هز راسه تمام .. كملنه ريوم و ودعنه رحيم بسته من خده و طلعو ابوي راح ويا كال اوصله ... بقينه وحدنه بالبيت انا و خاله رويده
سدت باب البيت و دخلنه جوه
ـ بنتي رنده عندج دروس ..؟؟
ـ اي خاله محتاجة شي ..؟؟
ـ لا بنياتي بس روحي لغرفتج و انا راح اروح للبقاله اجيب كم شغله و اجي
ـ تمام خاله
هي راحت و انا صعدت لغرفتي فتحت كتب مالتي و كعدت اقره كملت و اتمددت بفراشي .. اندك باب غرفتي
ـ تعال
دخل ذولفقار تعدلت بگعدتي و گتله ..
ـ ها ..
ـ وين خاله رويده ..؟؟
ـ راحت للبقاله هسه شوي و تجي
ـ جوعان سويلي ريوك
ـ ما اعرف و هسه الخاله تجي تحطلك ما راح تطول
اجه اتقرب مني و نتر بيه گــــــــــال ..
ـ تكوميييين لو شلووووون ..؟
ـ لا هسه خاله هي تجي
ضربني راشدي و تفل بالارض سبني و طلع من الغرفه طك الباب قوي ... بجيت ضربته جانت قويه
مسحت دموعي و نزلت جوه ردت اكعد بالهول سمعت صوت الباب مال البيت اجه صوت بابا .. مسحت دموعي و رحتله بسته بخده و باسني ..
ـ بويه رنده منو مبجيج؟
ـ محد بابا
ـ و ليش وجهج حمره منو ضاربج احجي؟
ـ ببابا محد
ـ احجي بويه
ارجف و احجي گتله ...
ـ ذولفقار ههـ ههو ضربني
بس گلت هيج صاح بعلو صوته ..
ـ ذووووووووووووولفقااااااااااررر كلببببببببب ابن كلببببببب تعاااااالللل
اجه ذولفقار بسرعه بابا بس شافه ضربه راشدي و صار يسب و يغلط عليه
ـ ادبسزز هاي بوجودي هيج تضرب اختك و تسبها بغيابي شنو جنت تسوي بيها يا عا*** ع الاخوه انت و اخوك فؤاد. اصعد لغرفتك و ما اريد اشوف خلقتك كدامي اصصصصصعدددددددد
ـ ماشي
راح لغرفته و رحنه للهول انا و بابا و شوي و اجت خاله رويده من البقاله و رحت يمها جانت تريد تطبخ الغده ...
ـ خاله
ـ ها بنتي
ـ بابا ضرب ذولفقار
شهكت و گالــــت ..
ـ يُمة ... ليش شصار
حجيتلها كل سالفه و دموعي نزلت و هي تحسرت مسحت دموعي و گالــت
ـ لا تبجين حبيبه و روحي للهول يم ابوج لبين اكمل طبخه
هزيت راسي موافقه .. و رحت للهول ..
طبخت الغده خاله رويده و مدت السفره و رجع فؤاد للبيت و كعدنه ع الغده انا و فؤاد و ذولفقار و بابا و خاله رويده ... كملنه غده و تغدينه شلت سفره وي خاله رويده و رحت لغرفتي الجو هادئ بالبيت و بابا ما يحجي وي فؤاد ولا ذولفقار بسببي
مر شهر ونص نفس روتين ماكو جديد و نخابر رحيم نطمن عليه .. بيوم جان العصر الساعه بل4 الجو حلو لا هو غيم لا هو شمس كلش حلو طلعت للحديقة و فرشت كعدت هناك
جنت ماخذه كتبي وياي بس ما قريت ما اعرف احس تعبانه ... اجه فؤاد للبيت و شوي اجه بابا للبيت سلم عليه
ـ هلا بويه شلونج
ـ اهلا بااباا
ـ تعاي نطب جوه الجو شوي بارد
ـ اجيت يلا
طبيت جوه و بابا راح يغسل اخذت ريموت اباوع تلفزيون سحبه من ايدي فؤاد عطت بي ..
ـ انطينييي لو اكول لباباااا عليك
صيح بيه ..
ـ ادبسزز تعلين صوتج بوجهي و تهدديني بأبوج
اجه و دفعني و وكعت بالارض بجيت بصوت مسموع طلعت خاله رويده من المطبخ و اجه بابا بسرعه العندي
ـ شبيج بويه ليش منو وياج
ـ بابا فؤاد هو الضربني
بابا بس من سمع هيج تخبل عدل وكفته و صاح ..
ـ فؤؤؤؤؤؤاد تعااااال كدامي اوكف
اجه فؤاد منزل راسه و وكف كدام بابا و خاله رويده يم بابا المطبخ خايفه و تباوع نضراتها تتحسر و انا دموعي تنزل و واكفه يم بابا
ابوي ضرب راشدي بوجه فؤاد و گــــال
ـ والله عيب صاير رجال بطولي و اضربك .. و شنو سبب تتعارك وي طفله و تضربها ولك ههاي اختك مو من شارع
فؤاد صيح بوجه ابوي و اول مره يسويها
ـ لوووو من ششششارع جان احترمتها بسسس هاي امي ماتتت بسببهاا ما اححححبهاااا ما اريدهااا
ابوي عيونه صارن حُمر و صاح
ـ فؤاااااااااد اطلع بره البيت
ـ ههه هو انا طالع يابه و ما ارجع .. لو انا لو بنتك بالبيت
گال هيج و طلع .. اجت خاله رويده و و كالت
ـ خويه ليش هيج سويت
ـ ما شفتي شلون يرد كلام بوجهي و ما يستحي
ـ بس يا عيني ما يصير هذا ابنك الجبير
ـ خلي بعدين اخابره و اخلي يرجع
هزت راسها و راحت للمطبخ .. بابا راح كعد انا بقيت واكفه بمكاني مدنكه و اباوع للارض .. اجة صوت ابوي گــال
ـ رنده
رفعت راسي و باوعتله عيوني مداشوف لان مليانه دموع
ـ شبيج بويه تعاي شكو
اتقربت منه و همست ..
ـ بابا ضربت فؤاد بسببي و طردته من البيت بسببي
ـ لا ابويه انتي لا بس اخوج صار ادبسزز و رفع صوته بوجهي و انا عاقبته
ـ بس بسببي لو مو انا جانت هسه امي عايشه و ما جان يصير مشاكل بالبيت مثل هسه
ابوي ضل يباوع بوجهي مصدوم سحبني لحضنه و مسد ع شعري
ـ اشش ابويه انتي لا تحجين هيجي بعد و لا تكولين هيج مو انتي السبب ابد
ضل يحجي لحد هدئت و كتله ..
ـ بابا راح اروح انام نعسانه
هز راسه موافق ...
رحت لغرفتي ما اعرف ما حسيت بشي كلش تعبانه رحت غسلت و توضيت صليت العصر لميت سجاده و رحت بفراشي و غمضت عيوني و نمت ...
مر ع هاي المشكلة 3 ايام و فؤاد موبايله مغلق و محد ما يعرفه مكانه .. خاله رويده تلح ع بابا تكله دور على ابنك بيوم المغرب جانو يحجون ...
ـ يا عيني يا ابو فؤاد حاول تلكا و ترجعه للبيت صار 3 ايام
ـ انشالله جاي اتصل ما يرد
يحجون اجه صوت الباب باوعنه و ذولفقار اجه .. و گـــــــال ..
ـ يابه
ـ ها يابه ذولفقار گـــول
دخل نزع حذائة و دخل وكف كدام بابا و گــــــــال
ـ يابه شفت فؤاد
ـ وينه و شكال و ليش ما اجه وياك
ـ يابه گــــــــــال ما ارجـــــــــع لو انا بالبيــــت لو رنــــــده
ـ تمام يابه اذا التقيت بي مره ثانيه گلـه خلي يرجع للبيــــــــت و رنـــــــــده هيــه راح تـــطـــلع
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
•••••• 𝐓𝐞𝐥𝐞 - @i0lllil ••••••
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
ﷺ{ صَلـو ؏َـݪـى مُحَمَـد ۅ آل مُحمَـد }ﷺ
يتبع بارت 6 ...
للحكاية بقايه 💙
بقلم الكاتِبة : فَاطِم
الفَـࢪاشــــــــــــــــــااتَ🦋💙 .
فضلا و ليس أمراً أضغط ع التصويت بـ نجمه
و علق بتعليقات جميلة كوجودك 💙