غسـق اللـيل

BART 24

نبدأ بذكر الله ﷽🤎✨

شبح الليل

بارت 24

قراءة ممتعة
⛔ لا تنسون التصويت + متابعة لحسابي حتى نوصلة الف ♡
.........................................

جواهر..
تصرفات آدم غريبة بشكل مرات حنين ويضحك ومرات عصبي وما يتحاجه..

جنت كاعدة بصالة على الكرويته يمي علي يلعب بالكاع نفتح الباب ودخل باوع علينه برود
كعد يم علي مد ايده شالا وحجه

ٱدم -: حضري ولبسي ملابس حلوه خلي اسبح وجهز نفسي حتى نطلع نتعشى بره..

رديت علي

- تمام

راح للحمام اخذت علي غسلتله بدلتله ملابسة وانا لبست ملابس عادية بس حلوه
بقيت انتظره بصالة دخل كاشخ على اخر حبايه وريحة العطر تفوح كدامة..

يمكن راش شيشه العطر كلها بس لمحني رفع حاجبه تقدم يمي دنك شال علي
عيونه تتجول على ملابسي ضحك خفيف وحجه

ٱدم -: كل عقلج تردين ترحين ويانه؟

عقدت حاجبي ورديت

جواهر - ليش؟

ٱدم -: بابا المكان الرايحيله مكان راقي للمثقفين مو الج انتِ ابقي هنا ماكو داعي ترحين.
عود اجيبلج اكل ويانه..

جواهر - شهل حجي؟
تره عيب عليك بعدين من ليمته انتَ صرت مثقف ؟؟

ٱدم -: هههه من يوم يومي انا مثقف بس انتِ ما تعرفين لهيج شغلات!.

ضحكت بستهزاء ورديت رغم الألم البكلبي

جواهر - ما جنت اعرف المثقفين يغتصبون البنات ؟؟؟
اذا هيج الثقافة فـ خليها الك ضابط ٱدم..

ضربني راجدي شهكت لازمه خدي رفعت راسي لعلي يباوع مستغرب عضيت شفايفي

ٱدم -: كلج خلك *** ادبسزز

كمل كلامه طالع بره البيت شهكت راجعه لمكاني بقيت ابجي ومسح بخدي
شلون ضربني الحقير جدام ابني ما عنده مفهوم الأحترام..

عقليته جاهله مثله بقيت اباوع بشرود مادري وين اروح وشنو اسوي تفكيري متشدد
عضيت شفتي يله جواهر لا تضعفين قابل اول مره تنضربين..

اجت على بالي ثمار وين راحت؟؟
عدله ميته؟؟
شكد مشتاگة لصوتها وحس بذنب لأن ضربتها وسببتلها مشاكل..

مر الوكت صحيت من تفكيري على صوت الباب وهوه ينفتح رفعت راسي
دخل بيده علي نايم كمت بسرعة مديت ايدي اخذته منه

ٱدم -: روحي خلي بفراشة نام من التعب..

هزيت راسي بدون كلام خليته بفراشة غطيته بست راسه وطلعت لاكاني بيده علاكه
مدها الي وحجه

ٱدم -: جبتلج عشى هاج

رفعت حاجبي ورديت

جواهر - ماريـد خلي الك

ٱدم -: خـاف زعلانـة لأن ما رحتـي ويانه؟؟

جواهر - لااا مو زعلانة شايفني كدامك طفلة وزعل بس ماريد اكله انتَ ما اكل اكل المثقفين

وقبل لا اسمع جوابه تعديته دخلت لغرفتي سديت
الباب نزعت حجابي شمرته بعصبيه
مو زعلانة لأن طلعو بالعكس بس نار بصدري لأن ضربني كدام ابني..

يهيني قلل من حترامي مو مهتم لأبنه الـ ممكن ياخذ تصرفات ابو عاديه عده
بعدين يصير عده الضرب عادي ندثرت جوه الفراش مسحت دموعي غطيت راسي ونمت..

كعدت الفجر صليت ورحت للمطبخ اسوي ريوك مريت من يم غرفته سمعته يصلي
رفعت حاجبي والله ما توقعتها منه كملت طريقي دخلت المطبخ..

بديت اسوي الريوك تقريبآ خلصت دخل للمطبخ شافاني وحجه

ٱدم -: صباح الخير

رديت علي وانا اخلي قوري الجاي ع الطاولة

جواهر - صباح النور

كعد وانا كعدت كدامه بدينه ناكل بصمت بس قاطع الصمت كلامه يحجي بجدية

ٱدم -: سجلت علي بمدرسة خاصة من اليوم يبدي دوامه بـ 7 ونص يجهز وكو خط ياخذه ويجيبه..

فتحت عيوني بصدمة ورديت

جواهر - شنو يعني خاصة؟؟

ضحك خفيف ورد

ٱدم -: شغلة مثقفييين ما تفهمينها.

عضيت شفايفي غمضت عيوني اصبر بنفسي ورديت علي

جواهر - ليش تحاول تهيني بأي فرصة تلكاها؟؟
تره سؤالي واضح ماكو داعي لكلامك هذا.!!

ٱدم -: ما حجيت شيء غلط شيء صعب على تفكيرج المحدود يفتهمه..

حجه بستهزاء ضربت الطاولة بيدي بعصبيه وحجيت.

جواهر - لااا تلعبب باعصابي وتستفزني.
ولا تستهزاء بكلامي جاوبني مثل البشر ما يراد كل هل كلام..

ٱدم -: صوتج صوتج..
مدرسة خاصة يعني مخصصة لحالته بيها تدريس على النطق وأداب الكلام
والتربية الراقية ما بيها صريـخ وعناد ..

سكتت شحجي؟؟
عقلة ناقص طلع لشغلة يوصي لا تتأخرين كعدي من وكت اذا يتأخر انتِ السبب
اكتل ونعل شبي هذا
مصدك نفسه؟!

هزيت ايدي صارت الساعة بسبعة اله ربع كعدت علي غسلتله ريكته بدلتله ملابسة
وهوه يضحك ويحجي

علي - ماما ملابس حلوه
نطلع مثل امس اكل حلو سيارة حلوه نطلععع؟؟

تنهدت ورديت علي

جواهر -: حبيبي اي تطلع بس مو للأكل للمدرسة راح يصير عدك اصدقاء تلعب وياهم.
وتسولف يفهموك وتفهمهم لا تصير وكح ماشي

- ما ما اريددد ااكللل

يحجي بعصبيه ويضرب ادي بعشوائيه بالهوه اخذت نفس ابتسمت ورديت علي

جواهر -: ايي اكو اكل حلو ولعاب حلوات مثلك بعد شتريد بس انتَ لا تصرخ عيب ماما..

سكت بس يهز براسه دقايق ندك هورن كدام الباب معقوله الخط ؟؟
اطلع او لا ؟
نتفضت من ندك الهورن مره ثالثة اخذت علي من ايده طلعنه بصالة دك المبايل
نداريت وينه هذا؟؟

شفت مبايل على الطاولة بصف المزهريات اخذته عاقده حاجبي رديت بعدم مبالاة

جواهر - منووو؟؟

اجاني صوته يرعد رعد

ٱدم -: بتتت الكلللب ويننن صااار علييي دككك عليه ابوو الخطط صار ساعة يدكك هورن بره..

رديت وانا اخذ انفاسي بهدوء

جواهر - ليش يجذب؟
توه قبل دقايق اجه ليمته صار ساعة؟ ْ
وبعدين جنت متردده اطلع او لا حسبالي مو ابو الخط وأنتَ ما تقبل..

ٱدم -: طلعيييي هسههه وعودد منن اارجع يصيررر خيررر..

رفعت اكتافي وسديت الخط شمرت المبايل طلعنه بره فتحت الباب جان اكو سيارة بيها
اطفال فتحت الباب دخلت علي خليته بكرسي بسته بخده..

ونزلت بعد ما جلب بيه همزين سكت لأن شاف الأطفال اخذت نفس رفعت راسي للسما بلونها الأزرق تأملتها دقايق نزلت نضري للشارع..

شفت ولد واكف يباوع عليه عاكد حاجبه دخلت بسرعة ساده الباب حيل
ركضت للبيت يمه شلون جان يباوع عليه بس لا يسويلي مشكلة!.

ضربت راسي وحجيت وي نفسي

- جواهر صايرة تخافين هواي من ضابط ٱدم ْْ!!
وتكبرين الأمور ماكو داعي للخوف شسويت انا هفف بس شميت هوه وخليت الشمس شوية تضرب جسمي..

من ساعة ما دخلت للبيت ما طالعة منه بديت اغسل ملابس ونضف البيت والله صايرة
ست بيت معدلة ما حسبالي ارجع مره ثانيه اشتغل هذا الشغل..

هههه جنت قاطعة الأمل بطلعتي من السجن
تنهدت بعد ما خلصت شغل البيت
باقي الطبخ دخلت للمطبخ نزعت حجابي شديته على راسي..

كنفت ردانات ملابسي شعري رجعته لوره حتى لا يوكع بالأكل بديت اسوي الغدى
طبخت تمن ومرك الشعب العراقي كل يوم ياكلهن ومستحيل يتخلى عنهن..

صارت الساعة بـ 12 صليت وخلصت بقيت منتظره بالمطبخ سمعت صوت الباب ينفتح
كمت بسرعة وكفت باب الصالة وانا اشوف ٱدم لازم علي من ايده..

بس دخل ولمحني نزل راسه بعصبيه لعلي لزمه من اذانه شهكت راكضة خليت ايدي
على ايده اريد اوخرها وأحجي من بين دموعي

جواهر - وخرررر ااايدكك عنههه

دفعني بيد وحده انركعت بالكاع على ضهري تعورت بس مو كثر علي وانا اشوفه شلون يبجي
ومخلي ايده على ايد ٱدم يشهك وهذا لازمه ويحجي صاك على سنونه

ٱدم -: ليمته تبقى زمال وما تتعدل؟.
هااااا موو كتلكك لاااا تبجييي جااهل انتَ جاهل تتبجبج بالمدرسة وجدام الطلاب بكدك يضحكون عليك ادبسزز شعلمتك انا هااااا؟؟

فزيت من صوته العالي مسحت دموعي كمت ركض دفعته حضنت علي

جواهر - شبيكككك وياااا ليش هيج تضربه؟؟
شسوااا هل مره..

عض شفايفه ادنه يمي كمشني من شعري صرخت خله وجهه قريب على وجهي ويحجي بعصبيه

ٱدم -: انتِ السبب جبان مثلج اذا ما خليته يكرهج ويحبني بس انا بسيطة حقيرة

كمل كلامه شامرني بالكاع شهكت لازمه اصبعي احس نلوه مدري نكسر.
كمت بصعوبة حضنت علي الي خايف و عيونه متروسه دموع ..

بسته بخده مسحت دموعه احجي ويا احاول اهدي سكت بس نشغاته تزرف كلبي
تمالكت نفسي حتى لا ابجي اخذته غسلتله بدلت ملابسه..

غفى بدون اكل بجيت بصمت يمه شسوي؟؟
ما جنت متوقعة هيج يضربة وعلى مود اسباب تافهه؟!

طلعت من الغرفه امسح بيدي احس اصبعي مو بمكانه عيونه متروسات دموع.
بس واحد يكلي بز ابجي عضيت شفايفي حيلل ورحت للمطبخ..

غسلت وجهي فركته وضربت خدودي احجي بصوت شبه عالي

- لااا تبجيين كااافي كافيي

احجي وضرب على خدي فزيت على صوته يحجي

ٱدم -: شسوين؟
مخبلة انتِ؟!.

ياربي الصبر من عندك لأن صدك راح ارتكب بي جريمة سحب كرسي كعد
هدئت نفسي مسحت دموعي اخذت نفس زفرته وحجيت..

جواهر - ليش هيج تضربه شسوه حتى تبجي بهل طريقة؟؟

رد رافع حاجبه

ٱدم -: انا بشغل أتصلو عليه تعال ابنك بس يبجي ويصيح اريد ماما
فشلني جدام الناس هذا ابنج حتى للمدرسة ما ينفع بس بسيطة انا عرف شلون اربي..

بقيت اباوع علي بحيرة ورديت

جواهر - كل عقلك هذا كلامك؟.
هذا ابنك لا تنسه الكتلت روحك علي خطفتني بقيتني عدك سبوع كامل.
خيرتني وهددتني اجي وياك بس على موده هسه شنو غيرك؟؟

ٱدم -: ما تغير شيء بس انا ماحب الطفل الضعيف وال يبجي بسرعة !!

جواهر - انتَ كلتها طفللل علمه بالكلام والتفاهم ليش تضربه تره يصير يكرهك وما يحترمك ..

ضحك ورد

ٱدم -: على ساس هسه هوه يحبني؟؟!

تنهدت ورديت

جواهر - اذا انتَ مهتم فعلآ بي وتريده يحبك ابتعد عن الضرب والصريخ
لا تضربني جدامه لا تغلط غلط غير اخلاقي وهوه موجود أحتوي وعلمه الـ تريده بس كون بهدوء..

ٱدم -: الله كريم
صبي الأكل ميت جوع كعدي علي ياكل ما يصير ينام بلي اكل..

جواهر - خلي نايم انا من يكعد اغدي

هز راسه بسكوت تنهدت حميت الأكل صبيتله بس اله ما شتهي خليته كدامه سمه بسم الله
اول لكمه خلاها بحلكه بعدها رفع حاجبه مثل التذكر شيء.

ٱدم -: انتِ طالعة بره ؟؟

جواهر - ايي

شمر الخاشوكه وحجه بعصبيه

ٱدم -: مووو كتلجج لااا تطلعينن بره مااريد احدد يلمح ضلجج

رفعت حاجبي سحب كرسي كعدت جدامه ورديت برود

جواهر - انتَ كتلي الصبح طلعت وي علي تذكر لو ناسي؟
معقوله نسيتتت؟
عزااا خاف صار عدك مرض الزهايمر

رفع حاجبه ورد

ٱدم -: صمي حلكج وأكلي
صدك ليش ما تاكلين؟؟

جواهر - مااريدد اكل انا وبني من يكعد

ٱدم -: البارحة ما تعشيتي وبريوك اكلتي قليل وهسه ما تردين صايرة عود ماسحه
اكلي خلي جسمج يسمن شوي شني هاي..

رفعت حاجبي ورديت

جواهر - وأنتَ شعليك؟؟
اضعف اسمن انتَ شكو؟!

ضحك خفيف ماسح وجهه ورد بكل نبرة مكر

ٱدم -: باجر نعقد محكمة وذا ما وافقتي تحلمين تشوفين علي !!..

.......................... ♡

وتروح مِني بلا حرص
وتعيش عادي بلا نقص
تاكُل بدونيّ وما تغص
ياعينك المَا تشبع ...

دخل علينه مثل الأعصار بيده سلاحه ابتسامة خبيثة على شفايفة القذرة صرخت برعب
عيونه تتجول على جسمي حسسني اني بلي ملابس مجرد نضراتة جابت الخوف الجسمي..
عض شفته وحجه بصوت راهي

-: اخخ شهل جمال؟؟!

ميس صارت كدامي وحجت بعصبيه بس الخوف واضح بصوتها

- ن. نمرر شتسوي هناا شجاابك شلوون هييج تفوتت للبيت اااطلع بره..

ضحك ضحكة صاخبه خبيثة وماكره مثل معالم وجهه ورد

النمر -: ميس *** شاكية علي للباچي مالتج؟؟

ميس - ايي و-ذا عدتها مره ثانيه ما يخلونك عايش ..

النمر -: هههههه الي يسمعج يكول ماخذ عذريتج بله شو وخري خلي نشوف الكمر
الوراج...

عيوني تناضر المكان اريد المح شي اغطي بي شعري ماكو
عيوني غرغرت دموع نزلت نضري لملابسي ياربي دخيلك..

ميس - ااطلع بره ااكول ديرر باالك تتقربلها انا كدامك هياتني اخذني بس عوفها تروح..

ضحك رافع ايده بيها السلاح اشر لميس توخر من كدامه وخرت وانا وياها
كعد على الكرويته سلاحه موجهه علينه وحجه

النمر -: تؤ تؤ انتِ صرتي قديمة!!
عاجبني اجرب الجديدة..

نضراتة قذرة علينه ميس حتارت وانا وياها ماعرف شسوي رفعت نضري للباب.
خطرت بالي فكرة تدنيت من ميس اكثر حجيت يم اذانها بصوت خافت

-: الباب مفتوح خلي نشرد..

مركز عيونه علينه حجت ميس بهمس

- شردي بس انتِ وانا راح الهي الج

فهمت كلامها بعد ما عادته مرتين كلبي يدك قوي زغر عيونه وحجه

النمر -: خلص الوكت

كمل كلامه واكف بعصبيه بتجاهنه دفعته ميس وصاحت بصوت عالي

- شرديييي

ركضت وصلت للباب ثارت طلقة خلتني متصنمه بمكاني جسمي رجف ماريد اتحرك
بس بنهاية درت ضهري شهكت ماخذه انفاسي اشرلي بسلاحه خازرني

النمر -: رجعييي يحلوه شغلنه ماا خلص بعده

رجعت بخطوات ترجف وانا اشوف شلون كاتم صوت ميس بيده وأيده الثانية شايل سلاحه
عليه

-: اذا تبقين بمكانج الطلقة الجايه بدال ما بالكاع براس ميس ****

صوتها مختنك تهز براسها ما عندي غير هل حل تقدمات بخطوات خافته
شال السلاح ضارب ميس براسها صرخت بسمها وكعت مغمى عليها.

تقدم عليه جراني من ايدي يريد يدخلني للغرفة اضرب بيده وصيح متخبلة

-: ميسسس كوميييي ميسس ساااعدينني حبااابه عوفنيييي وخرررر عنيييي حقيررر
ميسسس

صرخت وصرخت لحد ما نهد حيلي شمر السلاح بالكاع شمرني على الجربايه
نايم فوكي ضربته على وجهه رجعلي الضربة ضربتين..

خيط من الدم نساب على شفتي مرورآ بركبتي بقيت ارمش تعبت ونهد حيلي
ايده تتجول على كل جسمي شفايفيه على شفايفي رخه قبضته على ايدي..

أستغليت الموقف دافعته بكل حيلي وكعت بالكاع رفعت راسي قليل على السلاح
مديت ايدي بس جراني من رجليه رجعت راسي اباوع علي..

رفعت رجليه وضربته على وجهه صرخ يكفر ويفشر بصوت عالي زحفت
للسلاح اخذته بدين ترجف جان ثكيل على جف ايدي..

وجهته ناحيتة لمحني فتح عيونه متفاجاء ضحك مسح وجهه وحجه

- هههه شرسة حبيتج ذبي السلاح يحلوه مو راهم لترافة ايدج

هزيت راسي بلا اجتي بالي لحضات الشبح من علمني شلون الزم السلاح
لزمته عدل ثبته على راسه تذكرت شلون ضرب ميس وغتصبها..

وشلون لمسني بأيده القذرة

- يحلوه ذبي السلاح يله لا تتهورين مو لعبه تره..

حجيت بصوت عالي

-: اااطلعع برهه تره والله ارميي عليكك

ضحك هاز راسه ورد

- انتهى الوكت

وكف بسرعة متقدم ناحيتي ثبتت السلاح وحجيت

-: والله ارمييي ابتعد كتلك

صار قريب مني بقيت بتفكير وحرب بين عقلي وكلبي اخر شيء غمضت عيوني
ضاغطة على الزناد مسببة الي رجفه وخوف ثواني بس..

جسم ضخم وكع فوكي فتحت عيوني بصدمة بلعت ريك احاول استعيد نفسي
شيء مثل الماي احس بي على ملابسي

شهكت كاعده بخوف لميت جسمي مو مستوعبه الصار بقيت اناضر بعيون
خاويه اهز براسي مثل المخبلة ترددت على لساني كلمة وحدة بس

قـاتلة !

تتردد بعقلي ضربت راسي بثنين اديه وانا اشوفه شلون فاتح عيونه على وسعهن
والدم ملا الغرفة مادري شوكت مر وكت لأن اتذكر ما جنت صاحية اصلآ..

دخلت ميس بس شافتنه بقت ثواني مو مستوعبه بعدها شهكت لاطمه على صدرها
دخلت كنبصت كدامي مدت اديها لوجهي ثبتتة بيدها وتحجي برجفة

ميس - ما صار شيء باعي تنفسي بهدوء لا تتشنجين راح اروح شوية وجيج ما اتأخر
ابقي هنا لا تتحركين ديري بالج ماشي لااا تتحركين..

صرخت اخر شيء طالعة من الغرفه بقيت متصنمه بمكاني بللت شفايفي
معقوله شردت؟؟

او يمكن يمكن تسويها لا لا ما تسويها ابقى هنا وين اروح ملابسي كلها دم..
دم. دم. شهكت كايمه من مكاني اديه مليانه دم وملابسي متلطخه..

بقيت اصرخ وضرب بملابسي طلعت من الغرفه دخلت للحمام فتحت الماي البارد
ترست الطاسه شمرتها فوك جسمي شهكت من برودة الماي..

بس ما هتميت رجعت اخذت الماي شمرته على جسمي اديه غسلتهن لحد ما
صارن حمر يتهيئلي بعد بيهم لحد هسه خليتهن جوه الماي وفرك بيهن..

تزلغن صارن حمر رفعتهن بالعه ماي ريكي بقيت اتنفس برتباك زحفت لزاوية
الحمام ضامه جسمي سنوني يطكن سن بسن من البرد..

اديه توه حسيت بوجعهن ضميتهن اكثر مغمضه عيوني ساحبه نفسي للضلام
دقايق مرت سمعت صوت ميس تصيح بسمي ماكدر حتى احجي.

ثواني نفتح الباب ركضت بسرعة حضنتني وتحجي..

ميس - يمه اسم الله شصاير بيج شجابج هنا ولج خلاص نتهى كافي حبيبتي
انتِ لا تبجين باعي تنفسي بنتضام تمام بااعيلي ثمااار عزااا لا تغمضينن عيونجج..

هيه تحجي وانا بعد ماكدر افتح عيوني اسمع صوتها بس جسمي تشنج ثواني بس
بقى جسمي يرجف بطريقة هستيرية تضرب على خدي وتصيح..

غمضت عيوني رايحة لعالم السواد..

ميس.

بقيت اضرب بوجهه اصرخ وانا اشوف جسمها يهتز بيدي جسمها باارد بشكل
اديها حمره مزلغة ماعرف شنو سوت بروحها نفتح الباب ودخل بسرعة.

شهكت دايرة علي نسيته مسحت دموعي وحجيت اشهك

ميس - ثعلب الحكك البنيه مااتت مادري شبيها

بقى واكف يباوع ثواني رفع راسه وحجه متلبك

-: مادري ميس مادري جربي تكعدينها رشي على وجهه ماي كعدتها هنا خطره
النمر ميت تعرفين شنو يعني ميت؟؟
يعني جهنم بحد ذاتها نفتحت على وجوهنه هسه يجون جماعته يسوونها مجزرة..

ميس - جسمها بارد الماي ما يفيد ساعدني حتى نطلعها من الحمام..

-: بس احم غطي جسمها ااقصد ملابسها

عكدت حاجبي نزلت نضري لملابسها مديت ايدي بسرعة نزلت تراكها جانت طالعة بطنها.
رفعت راسي اله هزيت راسي دخل مد ايده ساعدني وكفناها..

وطلعنه من الحمام خليتها بصالة على الكرويته راح للغرفة دقايق ورجع يحجي متوتر

-: اا نضفت كلشي حتى السلاح بسرعة تحركي اذا عدج شيء خاص بيج خذي
يله يله قبل لا يجي احد..

- تمام بس لحضة

دخلت للغرفة بلعت ريك مادري احزن افرح تعديت جثته مشمئزه فتحت الميز
جوا صندوك زغير فتحته اخذت جنسيتي وفلوسي سديته رجعته لمكانه..

وطلعت لكيته واكف يدخن مخلي ايده على خصره و يباوع على ثمار رفعت حاجبي
صرت يمه حجه وعيونه عليها

-: شلون نشيلها؟؟

- سهلة مثل تونه وين سيارتك؟؟

-: خليتها بصف بيت الخزرج !.

- بعيده شوي بس لازم نتحمل..

مسح وجهه ورد

-: ماكدر اصدك هاي جنها فاره كتلت النمر!!
شنو سوالها حتى كتلته؟؟

لتفت عليه رافع حاجبه دنكت عليها وكفتها من كتفها وحجيت

- راد يعتدى عليها..

همس بصوت خافت

-: الحمدلله طلعت عايش

- كلت شيء؟.

-: اا لا لا خلي نطلع يله..

اجه سندها بس وصلنه للباب ما كدرنه نطلع بعد ما تعين نفسها كلش فاقدة.
باوعلي بنضرات محتارة وحجه

-: اشيلها؟؟

نزلت نضري الها رفعت راسي تنهدت و هزيت راسي دنك خله ايد جوه راسها
وايد جوه رجليها شايلها مشى وانا وراه ارجف وبلع بريكي..

مشينه دقايق طلعنه من الدربونه صارت سيارته كدامنه فتحت الباب خلاها ورا
صعد وانا صعدت يمها شغل السيارة حركها نزلت نضري لثمار.

مثل الميته مسحت راسها وحجيت

ميس - فدوة بسرعة..
وين رايح ؟؟

تنهد ورد

-: للدكتور
ما عدنه غيره حركيها بلكي تكعد..

ميس - ما تكعد يمعود دا اكلك هيه مثل الميته

-: صبري شوي ونوصل

بقيت منتظره على نار بعد فترة وصلنه كبال المستشفى هيه بس اسم
غمضت عيوني اخذت نفس نفضت الأفكار من راسي..

نزلت نزلها الثعلب شايلها مثل اول مره مشى مشيت وراه دخلنه جوا الزبالة تارسه المكان
والريحة تلعب ستين نفس هذا مستشفى المنطقة ههههه...

خليناها بالغرفة طلع دقايق ورجع جايب ويا الدكتور بس هوه بالمستشفى ويا بعد ثنين تلاثه
زين وباقين لحد اللحظه عايشين..

بدى يفحصها خلالها مغذي بقينه منتضرين على صفحه خلص واجه يمنه وحجه .

- المريضة متعرضه للصدمة جسمها شاحب وي وجهه تغذيتها غلط مرتفع عدها السكر
بشكل خطير كل الأمراض تشفى منها بس مرض السكري ما عتقد تشفى منه..!

رحت الها امسح وجهه بعدهي زغيره مو حمل هل مرض !!

ثعلب -: زين ليمته تكعد؟؟

دكتور - نطيتها مسكن ياخذ وقت راح تبقى نايمة تقريب الساعة..

زفر انفاسه ورد

-: ماكو داعي راح اخذها..

- بكيفك انتَ تتحمل مسئوليتها

هز راسه مو مهتم نزع عنها شكو شيء
مرتبط بجهاز
و شالها حتى مو مهتم الي الضاهر الأخ عجبه الوضع !!

هزيت ايدي رحت وراه طلعنه خلاها بسيارة تحركنه مره ثانيه دقايق وسئلته

- وين هل مره؟.

-: لبيتي يعني وين ماكو أمان اكثر من بيتي حاليآ..

ضحكت ورديت علي

- هسه الـ يسمعك يكول بيتك خارج هل مزبلة!!

-: على الأقل ما أشتغل رقاص..

حجه بستهزاء رديت علي بعدم مبالاة

-: ههههه حلوه هاي تخيل تشتغل رقاص ههه يله بس على الأقل مو مجرم ويخطف..

-: بهاي صح كلامج
بربج شكد ينطون للرقاصة؟؟

-: شعليك

ضحك بصوت عالي

:- الضاهر المرتب چبير

ميس - اكل خرة ثعلب

ضحك وما رد تنهدت يبقى طول عمره هذا طبعة وكف واخيرآ كبال بيته وهل مره
ما خليته يشيلها وحده انا ويا شلناها دخلنه للبيت اخذناها..

للغرفة خليتها على الجربايه أنت بصوت اعتقد بدت تصحى تنهد وطلع غطيتها وطلعت

ميس - وين دواها؟.

ثعلب -: بسيارة نسيته

ميس - بدت تصحى كوم جيبه شكو مخلي بسيارة؟؟

ثعلب -: من دهر طرج خليني اصخم ارتاح ضهري نكسر من الصبح افتر
راسي وجعني بسببج وبسبب هل بلوه الطاحت فوك روسنه..

ميس - والله عااد هل بلوه التحجي عنها جابها واحد من زعاطيطك
محد كلك اخذها ولو انتَ ما حجيتلي الباقي وشنو صار بس اشك بيك مسوي
مصيبة..

وكف وحجه منطيني ضهره

ثعلب -: اي كلبيها للسالفة ساعت السوده الشفتج بيها وشفتها طيحت حضه
الجابها الي وانا طاح حضي هم مادري بت سيد هاي تشور الله اليستر منها ..

تنهدت رجعت لغرفتها اركض من سمعت صوتها فتحت الباب لكيتها تبجي
بصوت عالي وتشهك تحجي حجي مو مفهوم حاضنه نفسها..

ثمار
اول ما فتحت عيوني وشفت المكان شهكت ابجي تذكرت كلشي
وحتى هذا المكان تذكرت الصار بي هزيت راسي مثل المخبله..

حضنت نفسي ليش كل ما احاول انسه ارجع مره ثانيه اتذكر ليش الراحه ممنوعه عليه؟.
ليش هل كد انا شفت عذاب؟!
ليش وليش .....

سألت نفسي ما منتبها لميس الي حاضنتني وتحجي يم اذني..
بقيت ساكته بس دموعي تجري..

نفتح باب الغرفه دخل منها اول واحد شفته هنا خفت اي خفت وهواي
عيونه تركزت عليه بلع ريك خله الدوه على الفراش وحجه

-: شلون صرتي؟؟

ما رديت علي بقيت صافنه نزل نضره لشعري عكد حاجبه من باوع لأيدي

-: احم لـ لمسج سوالج شيء؟؟!

فهمت قصده ميس تباوع عليه منتظره جوابي رديت وانا مخليه عيوني بعيونه

-: لا مثلك جان قريب بس ما سواها.!!

شهكت ميس فاتحة عيونها باوعت علي ورجعت باوعت علي وحجت فاتحة حلكها

ميس -: ش.. شهـلان معتـدي عليـج !!

.........................

يتبــــــــــــع

⛔ لا تنسون التصويت والتعاليق

تصبحون على الف خير

الكاتبة 𝒎𝒆𝒊𝒏 🦋💙