"'Ddy, ayokong pang magpakasal! Saka bakit sa babae naman?"
"Dahil 'yon lang ang paraan para makabayad tayo ng utang na loob. Please. Para sa amin ng Mama mo."
Napabuntonghininga ako sa hiling nila. Alam naman nilang hindi ko sila kayang tiisin. Pero kaligayahan ko ang nakasalalay dito. Hindi ako interesado sa babae pero heto ako mapipilitan pa yatang magpakasal.
"Ano na lang ang sasabihin ng mga katrabaho ko sa university?"
"Anong ibig mong sabihin? Ikinahihiya mo rin bang tulad namin ang magulang mo?"
"Hindi! Hindi ganon." Frustrated na ako. Parehong babae ang magulang ko. Wala naman akong problema sa kanila e. Ako lang talaga 'yong iniisip ko. Ayokong danasin ng magiging anak ko ang mga dinanas kong pangungutya. "Bigyan niyo pa ako ng time, please."
"Sa ayaw at sa gusto mo, Freen. Magpapakasal ka sa kanya. Patinuin mo siya, baka sakaling magbago ang isip ni Tina."
"Ipapakasal niyo na nga ako sa babae, tapos hindi ko pa nakikita. Grabe namang 'Ddy. Pambayad utang na nga guidance counselor pa?"
"Siguradong magugustuhan mo siya. Mabait si Rebecca. Magkakasundo kayo."
"'Ddy, kung mabait siya hindi niya kailangan ng arranged marriage para may magpakasalan sa kanya."
----