مساء الخير ...
#زوجة_الشهيد
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
•••• 𝐓𝐞𝐥𝐞 ـ ٭ @i0lllil ••••
i الكاتبة فاطم i
insta : ifll18l للتواصل
•••• 𝐓𝐞𝐥𝐞 ـ ٭ @i0lllil ••••
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
في احدى ليالي ثورة تشرين ...
كانت عصافير السلام قد عادت لِلتو من عملها ...
في البحثِ عن ملجأ آمن لها ولصغيرها ....
الذي لم يأتي للحياة بعد ...
فكروا قليلا في الطريق ..
ماذا نُسَمي إبنَنا القادِم ؟
خطرت عِدَةُ أسماء في مُخَيلتهم
وصلوا إلى دارِهم عند الساعةِ الحادية عشر
عند منتصف الليل و بدأوا بسكبِ العشاء و سرعان ما الأم تُنادي الاب .. قُم يا حُسين تناول عشائك ..
تسمعُ صوتَ باب المأوى يُضرب و يدخل
الغربان السود إلى العشِ !
تسمعُ صوتَ اطلاق نار .!
ماذا يحدث ؟!
سقط حُسين و انا في المطبخِ أُعِدُ العشاء ..
و بدأ يقترب الصوت ..
حتى سددَ رصاصة أُخرى نحوي وقتلني ...
لكن !
هنالك روحٌ أُخرى في هذا المأوى روحٌ لم تتلوث بتلوث الغبار والبشرية الخارجية
أيضاً وُجِهَتْ لها رصاصة و لكنها تختلف عن تلك التي ُسٌدِدَت نحوي و نحو حُسين ..
هذه رصاصة تحمل السوداوية و الغضب و كل ما يُكره.
غادرنا هذه الحياة..
نعم!
بكل مآسيها وأفراحها
و لكن نتذَكرُ تِلكَ الملابِسُ القُطنيةُ الدافئة
التي اشتريناها لِطِفلَنا قبل ولادته .
و ذلك الحرز الذي أهدَته أُمي لي حتى أُعلِقَهُ
في رقبةِ ولدي..
نحن هنا في الجنةِ حيث لا يوجد كاتم
و لايوجد من يقمَعُ حُريتَنا في البحثِ عن مأوى آمِنٍ لنا
نَحنُ أحرار..
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
••••• 𝐓𝐞𝐥𝐞 - @i0lllil •••••
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
احداث ثورة تشرين 2019
محمد ::ـ واحد من جماعتنه يصيح بس جاي احاول اجذب الجاي اسمعه بس اتكررت هالجمله اكثر من مره
ـ محمددد تعااااال عباس استشهددد ولك محمدددد عباسسس راح وحق الحسين راح
من سمعت هالكلام و استوعبته ركضت لعندهم ادور بين الخيم و الدخان و صوت الرصاص و صوت الصياح و نياح بكل انواعه و محد يعرف دم اخو من دم صديقه ...
الدخانيه خربت وجهم و الرصاص مزق صدورهم .. اصيح و امشي
ـ ولك وينككك ... وييين عباسس صديقيييي ... عباسسسس وينكككك خوييهه
اصيح مثل مخابيل و ملابسي كله دم مال اصدقائي ... امشي و اندك موبايلي فتحته رقم مجهول ...
ماعرف ارد لو لا ... لان اعرف الارقام المجهوله لأهالي شهداء الي ماتو ... لحظه تخيلو شگللهم ..
اذا جانت ام الولد ... شگللها ؟ والله يُمة اعذريني ابنج استشهد و ما راح تكحلين عيونج بشوفته ..؟؟؟
لو ارد ع مرته ... اگللها خسرتي زوجج ليش يابه والله استشهد بدخانيه و جهالج بقوا ايتام ..
ومنين اجيبلهم كافل يتامه مثل مولاي علي يربيهم
التفكير سطر راسي اباوع ع رقم و احجي اخر شي قررت ما ارد ... مشيت لگيت صديقي كيان مخلي عباس بحظنه و يبجي
فقدت توازني مشيت بخطوات ثگيله لـ چثة عباس.. گعدت ع ركبي و سحبت راسه بحظني
الاصابه جاي براسه و ما منطي حتى ينطق شهاده ... خليت راسي براسه و دموعي نزلت ع خده و گـــتله ...
ـ عباس أكعد خويه لا تروح فدوه ابنك بعدك ما لحكت تشوفه و مرتك ما شبعت من شوفتك و قاط عرسك بعده جديد گوم خويه والله لاحكين ع الموت مو وكتك ... ابد مو وكتك كوم يلاا
كيان : محمد خويه كافي ..
محمد : اشش اني اعرف عباس سبع و هسه يرجع يگعد هو بس جان تعبان و نام مو ...
كيان : محمد فدوه كافي تره عباس راح ...
بعده ما مكمل كلامه عطت بي ..
ـ انجججججب ولا حححرفففف خوشششش اششششش عباسسسس ما يررروحححح والله ماااا يروووووح .. تدريييي ليشششش ؟؟ لأن جان يگول دانتضر ابني و اني عريسسس .. كيان عباس ما يموت
گلت اخير جملة بحروف متقطعه و انهاريت بالبجي و كيان خله راسه بين رجليه و صار يبجي ... و عباس بحظني و ابجي ... ماعرف شكد مر من الوقت ...
••••• 𝐓𝐞𝐥𝐞 - @i0lllil •••••
بيت عباس ...
فاطمة ::ـ نزلت من غرفتي و رحت للهول و لكيت حماي و مرته و عمي و عمتي كلهم كاعدين بالهول و عمتي تدعي و دموعها تنزل ... ما اعرف شحجي او شگول انكسر گلبي من منضر عيالي گاعدين هيج جوه
رجعت لغرفتي و اتمددت و صرت اباوع للسقف اذكرت قبل يومين جنت بحظنه دموعي نزلن ...
(فلاش باك للماضي)
:;ـ قبل يومين..
فاطمة ::ـ اتعشينه و غسلت المواعين كملت و صعدت لغرفتي عباس جان متمدد ع الجربايه رحت بدلت و تعطرت و رحت يمه
ـ يمه شهلعطر اليجنن
ـ ههه عمري عبوسي
ـ حبيبتي دبدوبتي
سحبني من ايدي لحظنه خليت راسي ع صدره و مسك ايدي و صار يبوسهن اصبع اصبع و گــــال ..
ـ دبدوبتي ..؟
ـ ها حبيبي
ـ تدرين مضاهرات و الدنيا مگلوبه اذا استشهدت هم تحزنين و تبجين عليه .؟؟
سحبت راسي من صدره و باوعت عليه و گـــتله ..
ـ عبوسي شلك بهالسوالف و طاري الموت شبيك ليش هيج دتحجي ... هههه و اصلا ما ازعل عليك لان انت ما تعوفني
ـ اي بويه ما اعوفج شعدي غيرج ...
رجعت راسي لصدره جر حسره و گــال ..
ـ والله حبيبتي الوضع ما يطمن و شكد جاي ننطي شهداء
ما نعرف وين راح تصفه و شوكت ..؟
ـ زين ليش تطلع مو العالم هواي ابقه انت
ـ حبيبتي اذا اني ما اطلع و ذاك ما يطلع و نطلب حقنه محد ما يگلبنه و لا يصير تغيير بالعراق ولج تعرفين العراق شكد غالي اهخخخ
ـ يعمري ربي يحفظكم و ينصركم ...
ـ دبدوبتي ..
ـ هممم
ـ باعي اذا اجة ابني للدنيا و اني استشهدت ... سمي احمد و خلي يكبر ما يخاف ع شي و احجيله عني لا تخلي ينساني و جيبي وياج لكبري و خلي يبوسني و يحجي وياي و اي شخص سئلج عنه كوليله هذا احمد ابن عباس ... هذا ابن السبع شهيد من شهداء الثورة و احجي لأبنه احجيله كلشي عن هالايام و گوليله شكد انطينه شهداء ...
احجيله عني و شلون التقينه و شلون ازوجتج و ما ضحكت عليج و ما لعبت بعرض العالم لان رجال ... احجيله شلون رخصت روحي و رحت لدرب الموت لخاطر بلدي ...
اي حبيبتي احجيله التاريخ الي صنعنا احنه شباب الثورة احجيله ع عريس التحرير نور الكناني و البطل المعلم صفاء السراي و احجيله ع سجاد العراقي و كل شهداء الثوره نستاهل احنه تحبونه و تذكرونه نستاهل تفتخرون بينه
هو يحجي و اني ابجي و گــــتله بهمس ..
ـ عباس لا تحجي بطاري الموت
شافني ابجي اتعدل بگعدته و مسح دموعي و باس عيوني و سحبني لحظنه و خله راسي ع صدره و صار يمسد على شعري و گـــال ..
ـ نامي بويه نامي اني يمج لا تبچين
اطمئنت بحظنه و استسلمت للنوم ...
(الواقع) ... فزيت من سبات التفكير و دموعي شلال مسحت دموعي سمعت هوسه جوه بالهول و صوت عياط و بجي ... نزلت ركض لجوه و شفت زينه تگــول ..
زينه : ولججج الحكييي عباسسس راحح عباسسس استشهد
عطت بيها و گــلت .: شدتحجججين انتييي
تبجي و تلطم و تكول ..
ولج مصاوب براسه و ميت بمكانه
خيه عباس راحح راحح ماكو عباسسس بعددد
صرت ابجي و اصيح و املخ بروحي و فقدت
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
زينه::ـ. فاطمة فقدت الوعي احتاريت امسك منو عمتي الماضل حيل بيها لو فاطمة الفقدت ... رحت لفاطمة اكعدها ما تكعد عمي و اخو راحو يجيبو جثة كرار الجيران كلهم التمو ... و خابرت ام فاطمة
اتصلت اول ما كالت الو. كتلها بكلام توسل..
ـ الو خاله الحكي فدوه العينج
ـ يمه شكو شبيج
ـ خاله مصيبه عباس استشهد و بنتج فاقده الوعي و عمتي ماضل حيل بيها الحكيلي فدوه اروحلج
شهكت و گالت : يُمة سوده بوجهي
سديت الخط و دموعي تنزل ما اريد اسمع احد يصيح و يبجي ما اريددد حسيت روحي اتخبلت مدري شصار بيه
اجن نسوان ساعدني و صعدنه فاطمة لغرفتها و مددتها و بعدها فاقده وصلوا اهل فاطمة و صديقاتها و عله صوت الصياح و الطم و البجي اجن بنات ثنين ايات و بنين يلطمن و يبجن راحن يم فاطمة و صارن يحجن وياها
ايات : خيه فطوم اكعدي فدوه ولج دكافي لخاطر طفل الي ببطنج كومييي
بنين ::ـ اي فطوم كومي لخاطر عباس صيري قويه ترا يزعل عليج
يحجن و الغصه ذابحهن البنات
ما اتحملت طلعت برا و سديت الباب
كعدت بباب غرفتها و ابجي ...
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
•••••• 𝐓𝐞𝐥𝐞 - @i0lllil ••••••
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
ﷺ{ صَلـو ؏َـݪـى مُحَمَـد ۅ آل مُحمَـد }ﷺ
يتبع بارت 10 ...
للحكاية بقايه 💙
بقلم الكاتِبة : فَاطِم الطائي ٭
الفَـࢪاشــــــــــــــــــااتَ🦋💙 .
فضلا و ليس أمراً أضغط ع التصويت بـ نجمه
و علق بتعليقات جميلة كوجودك 💙
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
علقوا على كل فقرة و شاركوا رابط البارت ويَ صديقاتكُم ... احبكم🦋