هيلانه الاسر
زهور الـ سلطان
لا تنسون التصويت و علقو بين الفقرات
_________________
هيلانه
انا لا استطيع تحديد وجهتي
اشعر باني سفينه قتل قبطانها
وتاهت في البحر
________________
.
.
هيلانه
صعدت للمخزن من بعد تعبب
فتحته جان مرتب ... خليتهن بخانه
و سديتها و بقيت افتر و باوع لكيت
علبه مكتوب عليها ذكريات بخط طفولي
اخذتها شفت صور هواي لاطفال و شاب
لفت نضري صوره ايمن مخلي ايده
على جتف واحد و جانو مبتسمين
صار بالي نفس الشخص الي اجه
اخذ اريج بس ... هزيت راسي رافضه
الفكره وكلت وينفسي شجابه على بالي
اكيد مجرد تخيل تافهه ..... سمعت
صوت مارين عفت الصندوق و صور و نزلت
و مرت ايام امتحاناتنه بصعوبه بس كدرنا
نجتازها بتعبنه و ماباقي غير امتحانين
و اليوم عطله كعدت من وقت كملت
دراستي و نزلت سويت كوبين كهوه
الي و المارين كملتهن وصعدت وقبل
لا ادخل للغرفه شفت ايمن طالع من
غرفته صبحت عليه رد عليه و بعدين
كال
ايمن _ هيلانه .... كولي المارين تحضر
نفسها بعد ساعه نطلع
هيلانه _ لا مارين ما تطلع بدوني
ايمن _ اطلعي ويانه بويه بس سالفتج
مالت الملح اكولها للحجيه وازاد
هيلانه _ وين دريت عزااا
ايمن _ مادري بس هسه تاكدت
صيحي مارين لا تتاخرين
هيلانه _ ثول ثولج هيلانه زلاتج
مدري يمته يخلصن .... قبل يومين
جان ازاد موجود ردت اسوي بي مقلب
خليت ملح للچاي مالته وحطيت بالميز
ورحت صحته وصعدت بس خالتي داخله
للمطبخ و ماتدري شربته بداله هههههههه
وخاله عبالها ازاد .... كلت المارين على طلعتهم
ما صارت الها رده فعل بس راحت تسبح و اني
كعدت ادرس وراى ساعه تقريبا طلعو و اني
بقيت بالغرفه لحد ما سمعت صوت
هوسه و صوت خاله لجين بده يعلى
نزلت شفت الانسانه الي دمرت طفولتي
و حرمتنه من لمتنه الام الي جفت عنه
اول ما دخل انتبهت الوجودي و حاولت
تقترب مني بس ابتعد وصرت ورا خالتي
كلبت عيونها ونفخت
ديلارا _ هيج تستقبلين امج
صفنت عليها هاي شجاي تحجي هسه ذكرتني رديت
بعضب
هيلانه _ اني امي لجين
ديلارا _ ههههه ما تفيدج امج مكعدتجن يمها مو لجمال
عيونجن
لجين _ احترمي نفسج ديلارا و ديري بالج تنسين اني
اختج الجبيره وعيب عليج
رفعت ايدها تاشر على عمو فؤاد و تصيحح
ديلارا _ اكرهج انتي واختج الي لليوم مشايفينها
وكفتن ويالمجرمين
انتن مالازم تبقن عايشات
ما تشرفينه حتى دينه تخليتن عنه علمود
هذوله المسلمين
لجين _ انتي مارضيتي تسمعين بوقتها فلا تجين
تحاسبين هسه الي صار ماضي
ديلارا _ مايهمني جيت اخذ مارين و هاي ... وهي
تاشر عليه ... خليها يمج تشبهج واني ما اطيقج
اريد اخذ بنتي يمي
هيلانه _ حتلو ردتيني اجي مستحيل اعيش وياج
لجين _ بناتي ما يطلعن منا
ديلارا _ لا تنسين نفسجج و تنسبيهن الج
هي كم سنه بقن يمج ....
بهذا الوقت دخل ايمن و مارين الي تباوع
بدهشه للموقف .. اقتربت منها امي بس
بسرعه ايمن حاوطها ايدها بيده و سحبها قريبه عليه
شبه بحضنه...
ديلارا _ شنوو هاي الاخلاق ... هذا ابنك ابو ايمن
شلون يجرء ويخلي ايده على بنتي واضح مربي
الله اعلم شمسوين بيهن
... اباوع العمو فؤاد يشرب بچايه و مجاهل كلامها
على اخير
ديلارا _ وخر عن مارين اريد اخذها وامشي
لعبت نفسي ..
ايمن _ مرتي ما تطلع ويناس غربه كالها و هو
يمشي و لازم ايدها كعدو على القنفه يم عمو
فؤاد
ديلارا _ شجاي يحجي ابن زوجج
لجين _ مارين خطيبته
اول ماسمعت هيج ضلت تعيط و مابقت كلمه ما كالتها
على خاله .....
الرب بحركلج كلبج بتالين و تحسين بيه
اول مجابت طاريها كام عمو فؤاد
فؤاد _ صار ساعه تهينين بينه بيتي وساكتلج
بيوم جنتي مرت اخوي بس اياج جيبين طاري
بنتي ما تصورين شكدر اسوي
ديلارا _ يي تسون مثل السويتو قبل 11 سنه
ولا عبالك اخاف منك لو من اخوك كلكم ما وراكم
خير هيلانه لمي هدومج وتعالي وياي ولي يفكر
يوكف بوجهي بس اكول لزوجي يسحبها منكم
بسهوله و مارين ماريدها تبقى زوجه لهذا
ايمن _ مارين ... اخذي هيلانه و صعدن
اجتي مارين تحاول تخليني اروح وياهه واني
رافضه لحد ما عاط بيه صوت ايمن و جفلني
مشيت وياهه و قبل لا اصعد لتفتت و كلت
هيلانه _ اتمنى طلعين من حياتنه لان ما محتاجينج
بيها .... كملت طريقي وخطواتي اسرع من مارين
دخلت الغرفه و ذبيت نفسي على جربايتي شويه
وحسيت بايد تمسد على شعري انداريت شفتها
مارين حضنتها و سالت
هيلانه _ اخاف نرجع وياهه
مارين _ لا عمي ماراح يقبل وحتى لو استخدمت
المحكمه احنه ماراح نعيش وياهه
هيلانه _ سمعتي من كالت زوجي يعني عافت بابا
وعافتنه و عاشت حياتهه اكرها الرب ياخذها
مارين _ لا تحجين هيج حبيبتي لازم نخلص امتحانات
و نطلع من بغداد فتره حتى تياس و تروح
هيلانه _ وين نروح
مارين _ بعدين تعرفين هسه ارتاحي .... بقينه نص
ساعه تقريبا عفت مارين و نزلت اريد افكر وحدي
شنو سبب الحقد شصاير قبل 11 سنه حيره
مو طبيعيه بيه
_________________
.
.
مارين
قبل الامتحانات بايام كاعده الصبح يمخاله
و عمو فؤاد سويتلهم ريوك و سالني عمو
فؤاد _ مارين شوفي ساعه شكد ايمن كعد لو
لا
مارين _ حصتير 9 ونص ...
فؤاد _ هالولد احسه راجع مراهق روحي كعدي
مارين
مارين _ حاضر .... صعدت و خطوه اتقدم
والثانيه ارجع الى ان وصلت لعرفته فتحت
الباب لان اذا ابقى ادك لباجر ميكعد اول
مفتحت هب هوى بارد كفخ وجهي تخيلته
عايش بالقطب من بروده المكان ... و جانت
ضلمه دخلت بخطوات هادئه رحت للميز
شفت تلفونه فتحت بي فلاش بس وهو بيدي
دك جان بس رقم .... تقدمت من جربايته
صحت باسمه اكثر من مره بس ما كو فايده
فتحت الاضويه قربت مره ثانيه و كتله يلا
عمو فؤااد رايدك فتح عيونه بقه يباوع بالفراغ
دار وجهه و شافاني .... ابتسم و كال بصوت
مليان بحه نوم
_ هممم مرٓي الحلو يمي اليوم
باوعتله بطرف عيني و كلت _ اني مرك ؟
_ بس حلو .... ابتسمت و نزلت راسي
_ ارفعي راسج حتى اباوع بسماي
احس الحراره صعدت الراسي ردت اغير الموضوع
_اكو رقم دك عليك
_ جيبي اكيد من شغل .... واكفه يمه اتصل عالرقم
و فتح سبيكر و جان صوت بنيه حسيت صوتي مثل
صوت ازاد كدامها
_ صباح خيرر حبيبي .... سده ووباوعلي بسرعه
طلعت من الغرفه قبل لا يحجي شي ... وصرت اجنبه
كل مره يحاول بيها يبررلي ما اباوعله لحد يوم الامتحان
الاول و كلي لازم نحجي من ترجعيني ......
بعد ما رجعت من الامتحان عفنه هيلانه كدام البيت
و حرك السياره شويه و دار وجهه تعالي يمي
_ ماريد
_ كتلج تعالي
_ رجعني ايمن راسي يأذيني
_ ما نطول
_ داكولك رجعني
_ لا تلغين تسمعيني ماكو ما نرجع
_ يي يلا حجيلي عن علاقاتك
_ ماعندي علاقات كلها جانت عابره بس هاي
لزگه احضرها ترجع
_ انت تريدها ترجع لو ما تريد جان غيرت الرقم
_ بي شغلي تعرفين كلش زين ما مستعد اغيره بسبب
هاي شكول بعدني اريد ارد عليه و اتصل عمو فؤاد
رجعنه للبيت بقى يهتم بيه و يدرسني بس ما حجي
وياه و لا عبرته ..... لحد اليوم الجت بي امي الصبح
طلعنه نتمشى بحديقه قريبه للمنطقه و الهدوء سيد
الموقف الحد ما شفت مرجوحه كضيت ايد و كلت
_ عفيه ايمن خليني العب
_ باوعلي و كانو ماراضي بس وافق مشيت الها
جان يجي طفل كال روحي اني العب
_ اني جيت قبلك
_ انتي جبيره
_ لااا ... ايمن حاجي ... سكت و كال مشينه
الغير مكان و صدك غيرنه المكان و كعدت بيها
صار يدفعني و صرخ و يصيح بيه حرفيا تونست
_ يلاااا ايمن اعلىىىىىىى
_ نفضحنه و علي ... كافي يمعوده
_ مااانزل بعد يمههههه
_ وجععع
_ ههههههههه
و كفها وجه تربع كدامي
_ مرٓي
_ ها
_ تزوجيني ... رمشت اكثر من مره و ما عرفت
شنو ارد
_ بقى يباوعلي منتضر احجي من تاخرت و كفت و
شبك ايدي بايده
_راح نرجع و لازم تفكرين
هزيت راسي بقبول
_ احمد اليوم بغداد
_ ما كتله يجي اشوفه
_ عنده شغل يخلصه و يجينه
رجعنه للبيت و صارت
ماما كدامنه تصنمت من سمعت حجيها و خجلت
من عمو و خاله هم تعبو علينه و حبونه اكثر منها
وهسه رجعت تجرح مره ثانيه و ماتريد هيلانه
و تريد ارجع وياهه ...... ستمر الجدل بينهم
لحد ما كالي ايمن نصعد و راى ما صعدنا
حجيت شويه ويهيلانه احاول اهديها ....
بعد ما نزلت هيلانه من يمي صارت تجي بالي
ذكرياتنه ويماما بس ما بيهه شي يخلي گلوبنه
تحن و ترجع وياهه دومها قاسيه وخاصه ويهيلانه
ذكرت بيوم بابا طلعنه وياه و هيلانه عجبتها لعابه
وكفت بابا دار وجهه شاف علينها على العابه فاتت
للمحل واخذها وياهه
فراس _ اختارن بسرعه ....
ركضنا نختار و كلعاده جبنه نفس شكل طلعنه
من المحل وهم بقينه نفتر لحد ما وصلنا لمنطقه
بيها محلات ملابس و اكسسوارات هنا ماما كالت
ديلارا _ فراس اوكف شوف هذا الاسوار اشتري
فراس _ رفع حاجبه و كال جبتلج قبل يومين
ماكلفتي نفسج تكول شكرا
ديلارا _ ما عجبني
فراس _ ولا اني يعجبني اشتري يلا كدامي
ديلارا _ يصير خير .... رجعنه للبيت
و تغدينه هيلانه اول ماخلصت ركضت تلعب
وياي و احنه ما مكملين واجباتنه اجتي ماما
وبيدها علبه تخلي بيها ابكار و مكص
سالتنه وهي اصلا ما تهمتم بموضوع درسنه او لا
ديلارا _ بعدجن تلعبن كملتن دراسه
هيلانه _ لا ماما ما كملنا ... بعد النه قراءة
ديلارا _ بعد عدجن و كاعدات تلعبن كله
بسبب العاب ابوجن اخذت مالت هيلانه عتتها من ايدها
هيلانه _ ماما رجعيها بعد مالعب .. حاولت تسحبها
منها بس ما كدرت عاطت بيها خلتها تجفل
ديلارا _ انتي شلون تجرائين تراددين و تسحبيها مني
.... طلعت مكص و خربت لعابه هيلانه بقت تبجي و تناشغ
وماعرف اسكتها و رجعت ماما كالت
ديلارا _ كافي شكد تلحين هي لعابه تلعب النفس
هيلانه _ صاحت بوجهاا اريدهاااا مااالتي ليشش
بسس اني مااارين هم لعبتتتت وياييي صحيح هي
ما سوت شي العابتي بس مالت هيلانه كامت امي ضربتها
راشدي غمضت من قوته حسيت اني نضربت ستمرت
هيلانه تبجي واني ابجي وياه لان عجزت اخليها تهدء
لحد ما اجه بابا رحنه حضنه و هو يحجي بقلق شبيكنم
بناتي صاير ضلت هيلانه تشكيله هو راح بغضب للغرفه
و اصواتهم جانت واضحه ...
فراس _ لحدددمن تبقينن مخليه عقلج وينااتج
خافي الله بيهن
ديلارا _ شلون تصيح عليه امهن من حقي اربيهن
ملتهيات يلعبن و ما يدرسن وانت خاف من الله مو اني
فراس _ اصيح و غصبن عليج انتي يمته هتميني الدراستهن
نصت اصواتهم دقايق بعدين رجعو يتعاركون
ديلارا _ حقي اخربها يعني بس اني من اطلبك
منك شي و بناتك طلباتهن حاضره
فراس _ الحجي وياج ضايع الله اكبر عليج وعلى الي
اليوم الجمعني بيج انسانه كلج غل كالها و طلع من البيت .......... امي بقت تفرق
بيني وبين هيلانه جانت تريدها تكرهني ماكو سبب
ثاني التصرفاتها تضربها تخليها تشتغل ما تكللها
كلمه حلوه ماجانت تعاملني زين بس تفرق بينه....
اتفتح باب غرفتي جان امير مسحت عيوني بسرعه
امير _ صاير شي
مارين _ لا
امير _ هيله وين
مارين _ يم خالتي
امير _ شلون اني جنت يمها و راحت ويايمن لصديقتها
ما موجوده هيلانه
كمت فزع و هو ركض قبلي دورت بلبيت ماكو الها
اثر كلبي ضل يوجعني من شفت امير شايلها رحتله
ماربن _ شبيهاا
امير _ فاقده الوعي وعدها حراره خلي اصعدها
صعداها خلاها بجربايتها و طلع ...... بقينه يمها
الحد ما صحت و جتلها شوربه خلصت اكل و ضليت
ادرسها ... ليل طلعت من الغرفه اترس سراحيه مالتنه
فرغت نزلت للمطبخ لكيت ايمن كاعد على الميز
و يدخن اول مشافني طفاهه
ايمن _ مارين فكرتي بالموضوع
عفت السراحيه على سنگي و كعدت مقابيله
مارين _ يي فكرت ... ايمن اني ما اناسبك
وخاصه باخير فتره كتشفت هذا الشي و ماريد
نزوج و اريد اروح اعيش وياج ويااخويه كام من
مكانه كعد يمي شال ايدي خلاها بين اديه خنست
من سوه هالحركه حتى النفس كطعته ...
ايمن _ كتلج هاي الرسائل مو اول مره توصلني
منها اني ما خنتج ولا افكر بهذا الشي من يوم
الي صرتي الي ولا اي وحده بلكون تسوه
احاجيها غيرج فاهمتني
مارين _ هذا قراري مارجع عنه بعدين اعرف
بيك ما قابل بيه من زمان
ايمن _ باوعي بعيوني
رفعت راسي باوعت العيونه لي لونهم وحده
قصيده شعريه ....
_ باوعت
_ ماريني لتبتعدين
_ ليش ... طول الاشهر الفاتت انت مسافر
ماداري عني
_ لان مو انتي لتقررين بموضوع زواجنه
نطيتج فرصه حتى يكون الموضوع برضاج
عموما روحي نامي وراج امتحان كالها و دفع
الكرسي وكام بعصبيه طلع .....
توقعت يكولي الكلمه الي اتمناهه منه بس محال
يعترف ويقلل من نفسه ....
_______________
.
.
ادم
اجانه اتصال من جماعتنه وكالو العصابه
وصلو للمنطقه وسيارات هواي و الواضح
عددهم جبير .... كتلهم ايحاوطن المكان
و صار اشتباك بينه و بده الهجوم موقفنه
خطر بسبب الضحايه الي وياهم ما نكدر
نخاطر ....
غيثثثث وكفو رمي
كفو و صارو محاصرين جو ايدنه بس ما داوم الوضع
ثنين بدو يرمون على تايرات و بسرعه رمينه عليهم
طيحناهم السياره نكلبت و اثرت على الكدامها
ركضنه نمنع المجزره الراح تصير داخل سياره
كدرنا نوكف و كعدت سياره صار ضغط على ايدي
و طوقنه الباقين من البقو اخذوهم يحققون وياهم
نزلنه الاطفال و جان الاغلب مجروح و مختنك خليهم
يمجنود و بتعدت ادخل .... من كملنا جيت و كفت
يمسيارتي فتحت الباب و ما حسيت غير سياره شخطت من يمي صعدت بسرعه واحد من البسياره رمه و حسيت
بحراره بكتفي
اجو الجنود يمي وحده من سياراتنه لحكتهم طمنتهم
مابيه شي بس غيث اصر اروح اعقمها رجعت للمركز
عقموها الي و جانت ضربه سطحيه و كبل رجعت للبيت
تلكتني امي و اريج خايفات عليه كدرت اطمنهن و صعدت
نمت ...كعدت متاخر سبحت و نزلت شفت
الحجيه كاعده وحدها ....
ارتال _ صباح الخير امي
ادم _ صباح النور يالغاليه .... بسيل و اريج وين
تنهدت بحسره وردت
ارتال _ المدرسه الموجود بيها بسيل نفسها
اليدرسن بيها بنات فراس
ادم _ شلون عرفتي ! .... اريج كالت تغرفهن ؟
هم صارت صديقتهن ؟ كلت بيني وبين نفسي
هسه عرفت وين شايف عيونهن من قبل .... اتصلت
واني احس اعصابي انتهن و ماباقي بيهن شي
اول ما رد عليه ...
بسيل خلال دقايق اريدك بلبيت .... حجيت وسديته
اتصل مره ثانيه ما جاوبت ربع ساعه وسمعت صوت
سيارته ... طلعت
ارتال _ وين ... يمه جرحك لا يلتهب
ادم _ دقايق و ما نتاخر
طلعت و شفته يركض بفزع
بسيل _ خير ادم امي بيها شي ...
تعال ... مشيت مبتعد عن البوابه و الحراس
الجهه ثانيه من الحديقه ... نداريت باوعتله
بغضب وكتفت اديه الصدري
_ عينك عالبنات عمك الكـ*** .... و تخلي اريج
تتعرف عليهن
_ ادم لا دخلني بمشاكلك جانت صدفه و اريج
شنو المشكله لو عرفتهن
كضيته من ياخته بقوه و قربت عليه _ بنات فراس
الدم و العرك دساس تفكيرك الاصلاحي بعده عنك
ماجابلك غير المشاكل لو نسيت
_ هه تفكيري اصلاحي بس احسن ما تضحك عليه
زعطوطه جان جبتها و خليته بنص بيتنه و شغلك
يروح بيدهم سيادك او لا الباشا
اول مكمل حجايته طحت بي ضرب لحد ما طاح
عالكاع و هو مستسلم ضرباتي ما حاول يصدهن
سويت وجهه خريطه و اخر شي گمت رفسه بطنه
_ هاي حتى ما تعيد كلامك ... عفته و مشيت
احس ايدي صارت ثكيله طلعت من البيت لحكني
واحد من الحراس
الحارس _ سيدي الرئيس راح يعاقبنه لو طلعت
ارجع للبيت اامنلك
_ وخر عن وجهي لا اشگ** انت و رائيسك
عفته و مشيت صعدت سيارتي و شخطتها
و خابرت غيث رد اول ما دكيت رد _ هاااي
شجاي تسوييي ارجعع للبيت ادم
_ شكوو صاير
_ برووودك راح يجلطني ... محتاجيك راح تصير
خطه نتحرك للانبار .... وانت لازم تامن على حياتك
هسه العصابه بعدها موجوده
_ اعرف احافظ على حياتي بس هسه عندي امور
مهمه اخلصها و ارجع و تصلت عليك ابلغك موضوع
الكح** بان لازم يخلص اليوم ...
_ تعال للمركز نحجي ....
_ جاي ...
و صلت للمركز تلكوني الجنود يتحمدولي بسلامه .. ..
مو اول مره اتصاوب صار الموضوع عادي بنسبه الي
وصلت الغرفه م. مقداد دكيت مرتين
_ ادخل
_ احترامي سيدي
كام من مكانه و بده يرفع صوته _ خليت بيها احترام
شلون تطلع من البيت ....
_ اقدر خوفك بس اني مو طفل و اعرف اتصرف
بعدين سمعت عن خلايه بدت تتكاثر بالانبار ...
_ ساعه و نروح للجتماع بالجنه وزارة الدفاع راح
و اهم الضابط راح يتناقشون بهذا الموضوع واني
وانت و قسور راح نتواجد فحضر نفسك ....
_ ليش جنت ناوي تاخذ منو لو ما جاي
_ مؤيد مؤقت بين ماتجي
_ من بين الفاهين العدنه ما صار بالك غير هذا الحمار
حجيت بكلبي ....
حاضر راح احضر نفسي و ابلغ قسور مرخصتك ....
طلعت من يمه توجهت الغرفتي دخلت و تصلت على
غيث ... ما تاخر و اجه
_ الحمدالله عسلامه ابو الخوه
_ الله يسلمك ... تعال اكعد احجيلي الصار
_ تحريت عن الموضوع الاسر ما يعرف بي غير
اشخاص قليلين اني و قسور و مقداد وووو
_ و شنو قصدك اذا مؤيد مستحيل يعرف
_ لا مو هو ..... كام تقرب المكتبي و كتب الاسماء
على الابتوب باوعت عليه متاكد
_ مليار بالميه و حتى .... بعده ما مكمل و ندك الباب
رجع غيث المكانه صحت تفضل جان قسور
غيث _ اول مره اعرف بيك ابن حلال توني جيت
اجيب سيرتك
قسور _ مو كلنا كوا*** عزيزي ... ابو الخوه سبعنا
حمدالله على السلامه
ادم _ الله يسلمك
قسور _ جنت جايبلك معلومات وناس
نتونس بضربهم شويه بس الظاهر الكلب غيث ما بقى
شي ينحجي
ادم _ انلصمو و فهموني شجاي يصير من وراي
غيث _ بان لازم تصير بيدنه لان وجودها راح
يوضح منو بالمركز يعرف رمز الاسر
قسور _ غيث انطيني المعلومات اعرف جماعه
يكدرون يجيبونها بسهوله
ادم _ قصدك جماعه صهيب
قسور هز راسه و گام ... ادم صار الوقت نطلع
ادم _ يلا مشينه ووقبلها نمشي الغرفه تحقيقات ..
___________
.
.
هيلانه
نزلت جانت اصواتهم ناصيه يمكن راحت ما دخلت
للاستقبال تقربت من الباب سمعت عمو يكول
فؤاد _ ايمن لازم يطلعن من بغداد مانريد مشاكل
واريد جبيلي معلومات على زوجها
ايمن _ زوجها كردي و بحزب اسمه .......
و من يخلصن امتحانات ادزهن يم احمد
لجين _ الله اكبر عليها خلتنه نبعد بناتها عنها ..
سكتو واني طلعت للحديقه كعدت اذكر كل
مره تعاقبني اتذكر چوياتهه الي طابعات بجسمي لحد
اليوم صارت دموعي تنزل بدون وعي مني كله بسبب
بابا ليش عافتنه وراح و احمد اذا هو اخونه وين جان
عنه هاي الفتره .... ثاني مره يجيبون سيرته بكلامهم
تنهتت بحزن و بقيت بالحديقه لحد ما غمضت عيوني
بنعاس و نمت مادري بنفسي ... ماعرف شكد بقيت
نايمه فتحت عيوني لكيت مارين واكفه وامير مخلي
ايده على راسي يتحسس حراراتي
امير _ مارين سويلها شوربه و تعالي
مارين _ ثواني بس
جنت اسمع كلامهم بس مابيه حيل احجي و
راسي يوجعني و باجر عندي امتحان شسوي ...
بقيت اكثر من ساعتين الى ان مكدرت اتحرك شويه
كمت ساعدتني مارين اكل ما اكلت بس كم لگمه
و رجعت للفراش اجت خاله و عمو يطمئنون عليه
و حاوطوني كلهم ... احب قربهم مني لان دائما
يسندوني بكل وقت .... طلعو من يمي و صارت
مارين تراجعلي لحد ما تعبت مره ثانيه ونمت
نومه عميقه ....... ثاني يوم مر بسلام و الامتحان
صار بي صعوبه لان ما راجعت و طلعت خايفه
منه .... و اجه الامتحان الاخير و من هذا اليوم
بدت حياتي تتغير .... طلعت قبل البنات من القاعه
الساحه جانت شبه فارغه بس كم بنيه بيها
شويه و اجت مدرسه صاحتني لغرفه المديره بقيت
متصنمه ما متعاركه و لا مخالفه شعدنهن وياي رحت
وراها لحد غرفه المديره ....
جانت بيها المديره كاعده بمكتبها و مقابيلها فتحت
عيوني بوسعهن شسوي امي هنا ....
شافتني المديره
_ تعالي هيلانه امج جايه تشوفج
رفعت راسهه و ابتسمت بتصنع
_ تعالي بنتي اريد احجي وياج ... المديره
كالت اخذو راحتكم و طلعت
_ شتسوين هنا
_ اجبت اشوف بنتي بيها شي
_ هههه مو عليه هاي السالفه ثنينه نعرف
انتي ما تحبيني
_ لا ضلميني هيلانه ماكو ام تكره بنتها بس ما دامج
فاهمه اريدج تركزين بالراح احجي
_ احجي بسرعه
_ عندي الج انتفاق راح يعجبج .... تجين تعيشين
وياي لو
قاطعتها _ قبل لا تكملين تعبتي نفسج و جيتي
مستحيل اجي وياج ...
_ عائله لجين راح تنـ......
_____________
.
.
اتمنى عجبكم البارت ... اريد منكم تصوتون بالبارت
والبارتات الفاتن ...
احبكم
الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد