مساء الخير ...
#زوجة_الشهيد
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
•••• 𝐓𝐞𝐥𝐞 ـ ٭ @i0lllil ••••
i الكاتبة فاطم i
insta : ifll18l للتواصل
•••• 𝐓𝐞𝐥𝐞 ـ ٭ @i0lllil ••••
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
و إنتظرتَك
بين صَفنات ألليالي
و جَرح دُخان ألجگاير
و بين لچماتي و حَسرتي
و حيرتِي و كَسرة ألخاطِر
و بين مدري .. و وين صاير؟
و إنتظرتَك ..
هلبت تمُر بية طَيف
إيضمضُم دموعي أعلى باچر .
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
••••• 𝐓𝐞𝐥𝐞 - @i0lllil •••••
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
حسيت نفسي اتأقلمت وي الوضع و علاقتي قوت وي ايات و بنين و خجلي راح شوي و هيج هيج مرت الايام ..
بيوم رحنه لدوام كملنه و نفس روتين رجعت للبيت بدلت و رحنه للمعهد .. جانو الولد واصلين قبلنا دخلنه للصف شوي و بدت المحاضره كملنه و خلصت المحاضره ..
صارت الاستراحه كعدنا سوا اني و بنين و ايات بس حسيت عباس عيونه عليه ..
شكيت بي عده مشاعر اتجاهي و دائما جان يتعارك وي ايات و يجاكرها لان ااكتبلها الواجب و ما ااكتبله ... بس طردت هاي الافكار من راسي و گلت لنفسي ...
:ـ ابوي و اهلي مخلين ثقتهم بيه و اني جايه للدراسه و مو لهسوالف ...
خلصت الاستراحه و كملنه المحاضره و رجعنه لبيوتنه
بنين وگعت بحب زميل ويانه اسمه علي فـ بحجة الدراسه و المعهد سوت گروب ع الواتساب و ضافتنه بي اني و ايات و عباس و علي و بقية طلاب ...
مرت الايام طبيعيه بيوم رجعت للبيت تغديت كملت و رحت لغرفتي اقره ... سمعت اشعارات كروب مالتنه فتحته لگيتهم يسولفون .. اني ما جنت احب احجي هواي بس ع كد دروس و سلام
فـ بنين جانت مراهقه و تصرفاتها شوي تضوج و بالغلط دزت صورتي بالكروب ... كلش انغثيت ضليت اغلط عليها و احجي عليها بالكروب
لأن احنه مو من عادتنه ندز صورنه بكروب بي ولد و كلهم مراهقين و احسبو الحساب انتو ...
عباس حسه عليه شكد منفعله و ضايجه دخل عليه خاص و گـــــــال ..
عباس ✉️: هلا فاطمة
فاطمة ✉️: ها عباس شكو؟
عباس ✉️: كافي لا تضوجين البنيه حذفته و اعتذرت
فاطمة ✉️: بس منو يگول محد حفظها او اخذ سكرين؟
عباس ✉️: صح كلامج و باجر افتش اجهزة الولد و اشوف اهم شي لا ضوجين
فاطمة ✉️: تمام ...
خله قلب على رسالة و ما رد و انا ذبيت موبايلي و كملت دراسه و نمت يوم ثاني رحت لدوام و ضايجه من بنين و ما حجيت وياها اجت ايات يمي
ايات ::ـ شبيها الحلوه محمضه صايره ليمون
فاطمة ::ـ جؤ .. مابيه شي
كعدت ع رحله مقابيلي و كالت ...
ايات ::ـ لا ضوجين من بنين هي تحب تشاقه و تصرفاتها هيج جريئه بس كلش گلبها طيب و مقهوره لان مزاعلتها انتي
دنكت راسي فكرت بكلامها فعلا هواي مواقف بنين وكفاتها حلوه ويانه انا و ايات بس لمخربها لسانها طويل و تسب و تفشر و تصرفاتها المتهوره بس ما انكر انا صدك احبها مثل اختي رفعت راسي و ابتسمت و گلت
فاطمة ::ـ ما زعلانه منها بس جنت ضايجه و راحت ضوجه امشي نروح نكعد يمها
ابتسمت ايات و رحنه يم بنين شفتها ضايجه اشاقيت وياها و اتصالحنه كملنه دوام و رحنه للمعهد
و احنه بالطريق صفنت على ايات
طكت بأصبعها بوجهي
فاطمة ::ـ ها يمه
ايات ::ـ شبيج صافنه
فاطمة ::ـ شعرج يخبل و خصوصي من تسويهن ضفاير الله يحميج من العين بحق ال محمد
ايات ::ـ هههه فدوه فطومة
بنين ::ـ كافي كافي امشن ايعع شون يتغزلن ببعض عبالك طيور الحب
باوعنه لبعض انا و ايات ضحكنه وصلنه للمعهد تلكانه عباس بباب المعهد سلم
عباس ::ـ سلام عليكم
ردينه انا و بنين بس ايات ما ردت عود من باب الشقه
حجه عباس و گال
عباس ::ـ شبيج ام خشم ما تردين سلام الله
ايات ::ـ يمه اسلم عليك يصير بيه جرب
بنين ::ـ ديلا محاسن كليله. صباح الخير و فضيها
عباس ::ـ امداج هو انتي خايسه دباع ضفاير عبالك حيايه ثنين
بنين ::ـ يبووو عبيس كافي عاد
ضحكت و ضحكنه كلنه و دخلنه للصف كملنه دراسه و صرنه نسولف و نشاقه خلصنه و رجعنه للبيت
و انا و عباس ضلينه نتواصل سوه كـ زملاء بالدراسة و صار يسئل على شنو احب و ما احب و صار يهتم بدراستي و ينبهني ع شغلات الغلط من الصح و مرت الايام هيج ...
انا طبيعة لبسي .. كلش مرتب و البس فوكاها عباءة زينبيه مو جبر من احد بالعكس و لا اهلي بس احس روحي محلوه اذا ما البسها و انا شوي جسمي مربربه و ايات ما متحجبه و شعرها لجوه خصرها و بنين لبسها عادي و تخلي شال على راسها
اجه يوم رحنه لدوام كملنه طلعنه رحنه للمعهد سلمت و كعدت يم ايات كملنه المحاضره بس طول المحاضره
عباس عيونه عليه و مبتسم و دئما جنت احس باوقات الاستراحه عيونه عليه و يصفن و يضحك ...
مشت الايام ... بيوم جان عدنا امتحان بالمعهد فاذكر تأخرنه لل 7 المغرب بالمعهد بس انطينه علم لاهلنه راح نتأخر المهم كملنه صار ساعه ب 7 ونص تقريبا لل 8 المُدرسة أم الانكليزي گــالت ..
ـ بنات خلصت المحاضره و الوقت تأخر الافضل الولد عباس و علي يوصلوجن للبيت
وافقنه لأن ماكو غير حل النه طلعنه من المعهد اني و ايات نمشي بصف بعض بس بنين لازمه ايد علي حبيبها و تضحك و تسولف ويا ..
كلش ضجنه اني و ايات لان شارع و عيب حجيت وياها و گتـــــــلـها ..
فاطمة ::ـ بنين عيب يمعوده بشارع و دنيا لليل العالم شتكول علينه .؟؟
بنين ::ـ اهووو شبيج يمعوده مستشرفه براسي قابل شمسويه
ايات ::ـ بنين شهلكلام و فاطمة ما غلطت صح كلامها
بنين ::ـ معليجن حبيبي و بكيفي ..
سكتت و سحبت ايات بصفي و سكتتها و كلمن وصلت لبيتها .. رجعت للبيت
اخوي كرار و هو اخوي الوسطاني و حور اختنه هي الاكبر مننا اجه فتحلي باب و كـــال ..
ـ تأخرتي ..
ـ صح اسفه بس جان عدنا امتحان
ـ تمام ادخلي
دخلت للبيت سلمت ع ماما و بابا راضيين عليه لأن يثقون بيه ما عندي سوالف محلوه و ما اكسر ثقتهم ..
رحت للحمام سبحت و توضيت و صليت نزلت لمطبخ اتعشيت كملت .. و رحت لغرفتي قريت شوي و نمت
و مرت الايام هيج بين الدراسه و البيت و ضحك و سوالف و عرك آيات و عباس الميخلص و اني كمت اتعلق بـ عباس شوي شوي و صرت ما اكدر يوم اذا ما اتواصل ويا بس بحدود الاخلاق و الدراسه و اكثر كلامنه رسميات
و حبجيات علي و بنين عبالك بلابل بالحب و ايات منعزله نوعا ما و شكد ولد يردون يحاولون وياها توكع بفخهم بس هي ابد ما انطت وجه الهم شخصيتها هادئه و ما الها علاقه بأحد بس انا و بنين
بيوم رحنه للدوام كملنه طلعنه ما جان اكو معهد عطله
رجعت للبيت بدلت و توضيت صليت رحت اتغده ..
كعدت ع الغده داكل اجت ماما و گــــالت
مريم ::ـ حبيبتي فاطمة
فاطمة ::ـ ها ماما
مريم ::ـ باعي بنيتي انتي كبرتي و عمرج راح يصير 16 مو طفله و تعرفين الصح من الغلط
داكل و عيوني بالصحن و احجي وياها و گلــت
فاطمة ::ـ اي ماما صح بس شكو .؟
مريم ::ـ باعي بنتي اليوم الصبح انتي بالمدرسة اكو ولد دز امه و طلب ايدج ..
انصدمت كأنما صاعقه صارت بيه وكعت الخاشوكه من ايدي بالصحن رفعت راسي بالكوه لأمي و سئلتها بحروف متقطعه ...
فاطمة ::ـ مم.. ممنوو هالشخص ماما ؟؟
ابتسمت و گالــــت
مريم ::ـ اسمه عباس زميلج بالدراسه بالمعهد و گايل لأمه تجي تخطبج لان ما يريد سوالف مكسره و ياخذ اثم ...
اهنا انا انصدمت ما اكدر اوصفلكم شعوري بهالحظه لأن ماكو شعور يوصف البداخلي كلش فرحت مدري توترت نسيت امي كاعده كبالي نسيت دنيا كلها بالحظه ماعرف شحجي و شكول
رحت بعالم ثاني ههه ...
شوي و امي ضربت ع راسي خفيف بالشقه و گالــت
مريم ::ـ ها ولج وين صفنتي ..؟؟
فاطمة ::ـ ها لا ماما هيج
مريم ::ـ شنو رايج بالگتلجياه ..؟؟
فاطمة ::ـ ماما افكر و اردلج جواب
مريم ::ـ تمام بنتي و اني لبين ابوج يجي و احجيله
هزيت راسي موافقة و صعدت لغرفتي و بطني صار فراشات و كلشش فرحانه ...
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
•••••• 𝐓𝐞𝐥𝐞 - @i0lllil ••••••
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
ﷺ{ صَلـو ؏َـݪـى مُحَمَـد ۅ آل مُحمَـد }ﷺ
يتبع بارت 3 ...
للحكاية بقايه 💙
بقلم الكاتِبة : فَاطِم الطائي ٭
الفَـࢪاشــــــــــــــــــااتَ🦋💙 .
فضلا و ليس أمراً أضغط ع التصويت بـ نجمه
و علق بتعليقات جميلة كوجودك 💙
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
علقوا على كل فقرة و شاركوا رابط البارت ويَ صديقاتكُم ... احبكم🦋