🌸 أشرقت نفسي 🌸
الجزء 11
أشرقت شمس الصباح وأشرقت معها نفسي 💜
جالسة على سجادتها مربعة رجليها ، فيديها كتاب الله تقرأ وترتل في آياته بكل حب وهدوء
ضربت أشعة الشمس فوجهها وضهرت ملامحها العسلية حكت عيونها وقامت حطت قرآنها فوق الطاولة وتوجهت للمرحاض تغتسل ..
خرجت على صوت أمها لي كيناديها من الطبق السفلي وهبطت بإسدالها ، باغيا تفاجأهم
تحنت على يد أبوها وأمها كتبوس فيهم
وعلامات الفرحة والسرور باينة على وجوهم .
تقدمت الأم وقالت بكل فرحة :
عائشة : بنتي أنا وجهها صابح منور
هاد الصباح شنو السبب همم
سجود : صافي أماما أنا لبست الحجاب وعمرني نزولو ، وحتى صلاة الفجر عمرني نخليها تفوتني واش راضيين علي ؟
جدبتها أمها لعندها وعنقتها بكل قوتها ودموع الفرحة نزلو على خدها كيجريو وقالت :
عائشة : أنا راضية عليك أبنتي دنيا وآخرة . بنتي تحجبت ورجعت لطريق الله شنو بغيت كتر من هاكا ، اللهم بارك تبسمت ليها وانتافضت من حضنها وتحنت على يد باها كتقبل فيها وقالت بكل حب :
سجود : وأنت أبابا
رضوان : الله يرضي عليك أبنتي لهلا يحشمك ، كيفما فرحتينا اليوم بغيت ربي ديما يفرحك
سجود : أمين ياربي دعيو معايا
رضوان : الله يفرحك أبنتي ، تب لي ويخلف الله
سجود : ( تبسمت بلطف وقالت ) جزاك الله خيرا
نقزت عائشة بفرحة وقالت :
عائشة : غنعيط على وولد خالتك نفرحو ، بلا شك هو السبب فهدايتك
سجود : { تنهدت بعمق } سبب فهدايتي الله سبحانه وتعالى ، ومحمد الله يكتر خيرو سخرو ليا الله عز وجل وجا فطريقي حتى إهتديت
سمعت تحنحين فالمنزل وقامت كاتنزل فالنقاب وقالت :
سجود : شكون جا
عائشة : (تبسمت ليها بكل حب وقالت) ولد خالتك محمد
سمعت سميتو ودقات قلبها تسارعو بشكل رهيب ، ويالله جات تنوض حتى سمعت صوتو
محمد : السلام عليكم
الكل : وعليكم السلام
عائشة : أجي أولدي جلس هنا حدا سجود سمعت كلام أمها الأخير وشهقت وقالت بصوت خافت من تحت نقابها :
سجود : ماما
عائشة : (ضحكت ) محمد كان هنا من الأمس فليل ، وجا بغا يتكلم معاك