🌸 أشرقت نفسي 🌸
الجزء 04
السؤال الرابع :
سولت نفسها وردت عليه بسرعة وقالت :
سجود : إلى لبست الحجاب مغنتزوجش ومغنلقاش خدمة ، { حركت راسها } أه غيدير ليا بزاف ديال المشاكل
تبسم بلطف وحرك راسو كدلك بالايجاب وقال :
هو : بصراحة كلامك صحيح ، ولكن فحالة إلى كنتي نتي لي كترزقي نفسك ولكن راه الله سبحانه وتعالى هو لي كيرزقك ، قال سبحانه وتعالى : " وفي السماء رزقكم وما توعدون "
الرزق الدنيوي والديني ولي مكتاب علينا من خير أو شر ، فمال حجابك هو لي غيحبس عليك العريس ، ولا شعرك وجمالك هما لي غيجيبوه ، فمال الحجاب هو لي غيخرجك من الخدمة ، ولا شعرك هو لي غيجيب ليك الخدمة ..وفي السماء رزقكم وما توعدون ، كلشي بيد الله إلى بغا يرزقك غيرزقك ، وإلا بغا يبتاليك غيبتاليك ، سلمي أمرك لله ورضاي بداكشي لي قسم ليك
ندوزو للسؤال الخامس :
زفرت بعمق وقالت :
سجود : بزاف ديال البنات محجبات وكيديرو شي حوايج خايبين
هو : عرفتي فهادي والله حتى عندك الحق وأنا متافق معاك
رسمت ابتسامة عريضة على وجها وقالت بافتخار
سجود : أكيد
تلقات الرد منه بسرعة وقال :
هو : داكشي علاش حنا محتاجين شي وحدة تكون صورة ومتل زوين للمحجبات كوني نتي هاد المتل ، كوني نتي المحجبة لي منين يشوفوك الناس يقولو هادي هي المحجبة المسلمة لي على حق : عفة و أخلاق و أدب
السؤال الخامس ،،،
سجود : الناس غيبقاو حاضييني وأنا مبغيتش حتى واحد يكون رقيب علي
هو : نتي مكتحجبيش للناس ، كتحجبي لله وحده ، فلي بغا يفرح يفرح ، ولي بغا يتقلق يتقلق ، ولي بغا يقول شي حاجة يقولها نتي متديهاش فحتى شي واحد
السؤال السادس ،،،
سجود : أنا أصلا ممستعداش لهاد الخطوة وحاسة أنها كبر مني ومغنكونش قد المسؤولية ونقدر منعطيش صورة مزيانة على الحجاب