Twitter: #HunterOnline or mention me @Reynald_20
If you can share this story to wattpad pages, group, and Tiktok that will be really helpful. Thank you and enjoy!
"MILAN, how did you come up with this plan at nagawa ninyong matalo ang Daredevils?" Tanong sa akin ng isang press from Philippine Star. Nagkaroon kasi kami ni Thaddeus ng post match interview.
Kinuha ko 'yong mic na nakapatong sa lamesa. Sunod-sunod na flash ng camera ang tumama sa aking mata. "Actually it is not my plan, ayoko naman pong maging credit grabber dahil itong laban po namin against Daredevils ay si Callie po talaga ang nag-lead sa amin. He is the one who decided na gawin na si Dion ang keyholder SECRETLY para manalo kami."
"So walang nakakaalam sa inyo na si Dion ang keyholder ng team ninyo?" pahabol niyang tanong.
"Yes po, actually, the moment na nawala na si Callie sa game ay tinanggap ko na pong talo kami. I mean, for a rookie team like Orient Crown ay hindi masama ang umabot kami hanggang Semifinals." The other people in this room nodded. "Pero nagawa niya pa pong baligtarin ang sitwasyon dahilan para kami po ang umabanse para sa match bukas." I explained.
"Hindi ba kayo parang nahu-hurt no'n kasi parang totoo ang sinasabi ng mga tao na Callie and friends lang ang team ninyo? Kasi sabi mo nga si Callie ang nag-isip ng plano para sa inyo and the mere fact na hindi niya sinabi sa inyo ang pinaka plano niya ay ipinapakita lang nito na wala siya gaanong tiwala sa inyo?" tanong naman ng isang press from Chika magazine.
Napatingin ako kay Sir Theo and 'yong mata niya parang tinatanong kung kaya kong sagutin iyon or kailangan niyang sumingit sa usapan. Kasi isang maling sabihin ko lang ay pagmumukhain na akong masama ng ganitong klaseng press, eh.
I sighed. "Ano naman po kung Callie and friends ang bansag sa aming Orient Crown? I mean gumana naman po 'yong plano so I don't see any problem with that." I explained. "At the end of the day, totoo naman po na binuhat kami ni Callie in that match pero tanggapin man po o hindi ng mga basher, kasama po kami ni Callie na aabanse for the next round." Matapang kong sagot, bahala na siya kung pagmumukhain niya akong maldita.
"Okay, thank you for answering our question, Milan. How about Thaddeus? What do you feel na ito na ang pinakamababang place ang natanggap mo sa buong career mo sa pro-scene?" Inabot ko kay Thaddeus ang mic.
"Uhm. Like Milan said, being able to be in top 4 is already a big thing for us. There is panghihinayang because we prepared so much for this tournament but we can't invalidate other team's preparation din naman." I nodded as he answer. "Also, we gave our best. We didn't slackoff during the match. We are happy to be defeated by Orient Crown."
"Pero may haka-haka na kumakalat sa gaming community na baka mag-quit ka na raw sa paglalaro. Gaano katotoo iyon?" tanong noong press at napatingin ako kay Thaddeus.
"Supposedly, this is my last season IF we won. But unluckily we lost. Gusto ko pang lumaro sa season 5 para i-prove na may ibubuga ako." Thaddeus explained.
May mga itinanong na sila about the match na sinagot namin ni Thaddeus. Siyempre hindi naiwasan na maitanong ang issue nila Callie at Larkin na sinagot ko naman. Nalinis naman na din ang pangalan nila kung kaya't hindi ko naman sila kailangan ipagtanggol ng malala.
After the presscon ay chineck ko ang oras, mabuti na lamang at hindi pa nagsisimula ang laban ng Black Dragon at Phantom Knights kung kaya't makakahabol pa ako. Sila kasi ang huling match ngayong araw.
"Hindi ka manonood ng laban Black Dragon?" I asked to Thaddeus.
"No. Babalik na kaming boothcamp." sagot niya sa akin. "Kailangan pakainin ng samgyupsal ang mga bata para gumaan man lang ang loob." He answered. As Captain ay may care naman pala siya sa team mates niya.
"Thank you, Thaddeus, marami akong natutunan sa 'yo." sabi ko sa kaniya.
Baka ito na kasi ang huling pagkikita namin ni Thaddeus, puwera na lang kung manonood sila ng match bukas. Ang laki nang naitulong ni Thaddeus para magawa namin umabanse sa next round.
"Marami rin akong natutunan sa inyo." he answered. "Huwag ka munang magku-quit sa Professional League. Babawi ako sa 'yo sa season five. Paiiyakin ko kayong Orient Crown." He chuckled and walked away.
Matapos ang presscon ay bumalik na ako sa waiting area para saglit na makapagpahinga. Hindi nga pahinga dahil nagbasa-basa ako ng notes sa math subject namin at nagkabisado ng mga formula.
Gusto ko kasi, after this week ay ma-take ko 'yong mga quiz na hindi ko na-take dahil busy sa practice. Although, sinasabi naman ng mga professors na kung ano ang pinakamataas na score ay iyon na ang score ko dahil nire-represent ko raw ang BulSu. Hindi ako pumayag.
I want to take those quizzes fair and square. At saka, paano kubg mas mataas ang makuha kong score sa highest? E 'di mas okay pa!
I don't want to slack off. Alam kong proud sila Mom sa narating ko rito sa Pro scene pero gusto kong ipakita sa kanila na kaya kong pagsabayin ang pag-aaral at paglalaro. I can excel in both para mas matuwa sila sa akin.
"Milan, may ticket na 'yong mga kaibigan mo para bukas?" tanong sa akin ni Liu habang inaayos niya 'yong gamit niya sa kaniyang bag.
"Wala pa nga, eh, hirap daw silang maka-secure ng ticket." Pag-amin ko sa kaniya. Paano kasi ay limited tickets lang ang ibinigay sa mga players dahil nga baka maraming pumunta bukas kung kaya Parents ko lang ang mabibigyan ko ng libre. Sila Shannah naman ay tina-try pa makabili sa online.
Grabe, noong mga nakaraang araw ay puwede ka pang mag-over the counter ng tickets pero ngayon? Hindi pa alam ang mananalo sa Black Dragon at Phantom Knights ngunit nagkakaubusan na ng ticket. Sa bagay, grand finals iyon... lahat ng HO players ay gustong makapunta doon.
"Ibigay mo na lang sa kanila 'yong complimentary ticket ko. Wala naman pupunta sa akin." Iniabot sa akin ni Liu ang ticket niya.
"Sure ka? Hindi uuwi parents mo?" I asked to him.
"May inaasikaso sa China. Family business. Balak pa nga ako ipagkasundo sa Chinese din amp. Kadiring traditional na mga magulang." sabi niya sa akin.
Akala ko talaga ay joke time lang ang pagiging intsik ni Liu. Apparently, Chinese talaga siya, kaya lang pekeng chinese ang bansag sa kaniya ay dahil sa Pilipinas siya lumaki at limited lang ang Mandarin na alam niya.
"Wala kang balak pumuntang China?" I asked.
"Hmm... baka doon ako mag-Christmas tapos may Chinese team na kumukuha sa akin as import. Titingnan ko rin kung puwede ako lumaro." Liu explained.
"Awww grab the opportunity! Parang dati lang ay tinatapon tayo ng professional team tapos ngayon... I am proud of you, Liu." I smiled to him because I really mean it! Kung ano man ang nae-experience ngayon ni Pekeng Chinese ay deserved niya 'yon dahil ang tagal niyang bench player sa Battle Cry. Ngayon niya nakukuha ang recognition na deserved niya.
"Baka umiyak ka pa?" Natatawang sabi ni Liu. "Pero proud din naman ako sa inyo ni Dion."
Habang nagkukuwentuhan kami ay may biglang katok kaming narinig. Napatingin kami kung sino ang dumungaw dito– si Oli at Gavin.
"Kumare!" Tawag sa akin ni Oli. Akmang lalapit sa kaniya si Noah. "Hep! Hindi ikaw ang ipinunta ko rito, Noah, huwag mo akong daldalin."
"Oli!" Natatawa kong tawag sa kaniya at niyakap ko silang dalawa ni Gavin.
"Grabe... Milan... ang higpit nang yakap mo. Baka nagdedeliryo na si Dion niyan." Natatawang sabi ni Gavin at binitawan ko sila. "Congrats sa pagkapanalo ninyo against Daredevils. Napakaganda ng laban na ipinakita ninyo kanina."
"Thank you. I also didn't expect that we will win. Kumusta kayo? Kumusta sila Renshi?" Tanong ko.
"Bakasyon team namin, eh. Alam mo naman wala masyadong ganap. Si Renshi man wala sa Pinas, umuwing Japan kaya kaming dalawa lang ang nakapunta." Ang tagal na rin naman gustong umuwi ni Renshi sa Japan, happy na nagawa niya na ngayon pero babalik naman din si Renshi before Season 5.
Nagkuwentuhan kami panandalian nila Oli at natuwa naman ako dahil nagsisimula na raw siyang mapaayos ang bahay nila. 'Yong cash prize na nakuha nila sa GTV tournament ang ginamit niya, mabuti naman at hindi na sa shopee napunta ang pera niya.
Bumalik kami sa may arena at umupo sa designated seat namin para mapanood ang match ng Black Dragon at Phantom Knights. Umupo si Dion sa tabi ko at inabutan ako ng drinks. "Saan ka galing?" I asked.
"Sinama ako ng kaibigan ko sa vlog niya tapos interview din." He explained.
"Grabe, 'di ko na talaga ma-reach ang cutie player ng Nueva Ecija. Daming interview." Pagbibiro ko.
"Epal." Natatawang sabi ni Dion.
Isa-isa nang pinakilala ni Hanz ang mga players na lalaro at malakas kaming nagpalakpakan. Ang dami talagang nanonood kapag Black Dragon ang lalaro. "Sino sa tingin mong mananalo?" tanong ni Dion sa akin.
"Hindi ko alam." I answered. "Ang daming unexpected na nangyayari sa tournament na ito kung kaya hindi ko kaya magsabi kung sino ang mananalo. Saka manalo-matalo naman sa dalawang team na iyan ay siguradong lalaro pa rin sila para bukas." sagot ko sa kaniya.
Pumuwesto na sa kaniya-kaniyang inclining chair ang mga players. Napatingin na kami sa LED TV para panoorin ang match.
Ganito pala ang feeling kapag nanonood ka ng malaking match? Nanlalamig ang kamay ko dahil sa kaba dahil parang ako 'yong naglalaro. Iba ang galawan ng Phantom Knights at iba rin ang galawan ng Black Dragon. Malayong-malayo sa mga rookie.
Nakita ko pa kung paano magtangka ng ambush ang Phantom Knights na naiwasan ng Black Dragon dahil sa kutob lang ni Choji. Totoo nga 'yong sinasabi nila na kung nagda-doubt ka, always trust your guts. Kung naipit sila Choji doon ay baka isang malaking clash na ang nangyari.
"Pansinin mo 'yong Phantom Knights, ang dami nilang baon na plano." Pasigaw ni Dion sa tainga ko dahil medyo malakas na ang ingay ng commentator at mga audience.
"Pero hindi biro 'yong ginagawa nila, ha! Grabe ang galawan ng Black Dragon tapos hindi sila nadadala sa pangto-talkshit ng Black Dragon. Talagang focus sila sa objectives." I explained to him. Sabi sa akin ni Larkin ay matagal nang taktika ng Black Dragons ang mangpikon inside the game para magulo lang ang laro mo.
Kapag napikon ka, bobo ka. Ayon ang sabi ni Larkin dahil once na masira ang laro mo ay magkakaroon ng domino effect sa mga ka-team mo.
Buti na lang na may chance akong mapanood ito dahil may mga plano akong nakita in both teams na puwede namin i-expect kapag nakatapat namin sila.
When the clash happened ay napapasigaw na ang lahat sa arena at maging kami ni Dion. Nakahawak na nga lang ako sa braso ni Dion dahil sa kaba. Hindi ko alam kung sinong team ba ang susuportahan ko dahil parehas magaling. "Bumabaon ang kuko mo ah." Natatawang sabi ni Dion.
"Hoy! Kagugupit ko lang!" Depensa ko at chineck ko ito. "Chika neto. Ang intense kasi ng laban."
"Nahihilo na ako, 'di ko na kaya manood." Sabi ni Dion. Oo nga pala, ayaw niya 'yong sobrang lapit sa screen dahil nahihilo raw siya kapag sobrang lapit niya sa LED TV.
I offered my shoulder. "Higa ka na kapag sumakit na ulo mo. Hindi kasi ako puwedeng umalis, alam mo naman, kailangan kong aralin ang galaw nila." paliwanag ko sa kaniya.
Ilang minuto pa si Dion nanood pero maya-maya ay humiga na sa balikat ko. Tinry niya naman tapusin 'yong match kaso 'di niya talaga kaya.
The final clash happened at ang lakas nang sigaw ng mga tao sa arena.
"Black Dragon won against Phantom Knights!" Hanz announced at malakas kaming nagsigawan. "Secured na ang posisyon ng Black Dragon sa Grand finals! They once proved na kaya nilang sungkitin ang kampionato ngayong Season. Meanwhile, hindi naman magtatapos dito ang karera ng Phantom Knights dahil makakatapat nila sa Lower Bracket ang Orient Crown." Tinanggal na ng mga players ang Nerve gear.
Kapag audience ka talaga ay makikita mo ang dalawang side ng tournament na ito. Nasa right side ang Black Dragon na malakas na sumisigaw sa tuwa habang sa left side ay Phantom Knights na magkakayakap na sinasabing babawi na lang sila.
Lahat ng team na nakapasok sa Season 4 tournament ay magaling. Sabi nga ni Sir Theo ay achievement na ito pero iisa lang ang team ang mag-uuwi ng kampionato at tatanghaling pinakamalakas in this season.
It just means na Phantom Knight ang makakatapat namin bukas. Atleast, sa panonood ko ay may idea na ako sa kung ano ang larong puwede nilang ipakita bukas.
***
PAGBALIK namin sa Boothcamp ay saglit lang kaming nagpahinga. Maaga ang calltime bukas dahil may practice pa raw for finals, kasama daw kami sa opening ng program. Hindi naman din magpe-perform pero lalakad-lakad bilang ipapakitang team.
"Paano magiging posing natin kapag pumasok tayo?" tanong ni Noah sa amin.
"Let's do the survey corps." Suhestiyon ni Dion na avid fan ng AOT. It is a gesture where a player will press their fist on their chest. "Wala ng kokontra."
"Iyon na lang." Natutuwang sabi ni Noah. "Tutal malapit naman na next season."
Alas-siete pa naman ang discussion namin aboutur plan kung kaya't naglakad-lakad muna ako ngayong hapon sa village at sumunod naman sa akin si Dion. Natuwa naman ako sa orange na kalangitan ngayon dahil ang calming niya sa mata.
We walked side-by-side hanggang sa madaan kami sa may playground area ng village. May mangilan-ngilang bata na naglalaro pero karamihan ay pauwi na rin naman dahil nga hapon na at baka mga matuyuan ng pawis.
Umupo kami sa swing. "Anong balak mo, Dion, after this tournament? Si Liu kasi ay baka bumalik ng China, si Noah naman nagpapaayos na ng bahay. Alam mo 'yon, lahat sila ay konkreto 'yong plano nila sa buhay after tournament. Ako kasi lost pa ako, baka nga magka-sepanx ako kapag natapos ang tournament kasi mawawala na 'yong mga training." Paliwanag ko sa kaniya.
Sa ilang buwan ay itong Hunter Online ang naging mundo ko. Ang dami kong nakilala na amazing na mga tao, ang dami kong leksyon na natutunan, ang dami kong bagay na ngayon ko lang na-experience kung hindi pa ako umalis sa comfort zone ko.
"Hmm. Okay lang din naman 'yan, valid naman 'yang nararanasan mo. Para bang kapag lumaro ka ay ang hirap ng bumalik sa dati mong buhay." Sumipa siya para maduyan 'yong swing na inuupuan niya. "Pero panandaliang bakasyon lang din naman 'yan, lalaro ka pa namin sa Season 5."
"Ako lang? Ikaw din naman." Natatawa kong sabi kay Dion at hindi ito sumagot sa akin. Hininto ko ang pag-swing. "Hindi ka na lalaro?"
"Actually iyan 'yong gumugulo sa akin nitong mga nakaraang araw– noong umalis si Sandro sa pro scene." Kuwento ni Dion sa akin. "Hindi naman ako aalis sa pro scene pero gusto ko lang magpahinga kahit isang season."
"Bakit?" I curiously asked.
"Gusto ko lang gawin 'yong ibang bagay na panandaliang isinantabi ko. Alam mo 'yon, tumatanda na si Lolo at Lola gusto ko naman na mai-travel sila kahit papaano. Lagi nilang tinatanong kung kailan ako uuwing Nueva Ecija dahil miss na nila ako." Kuwento ni Dion sa akin. "Ang dami kong events sa buhay ng pamilya ko ang na-miss ko dahil ilang taon na ako sa pro scene. Celebration ng birthday ni Mama, Papa, mga kapatid ko ay lahat ka-face time ko lang sila. Gusto ko kahit isang season na pahinga ko ay makasama ko sila ng personal sa mga ganoong okasyon."
Napatango-tango ako noong ma-gets ang ipinupunto ni Dion.
"Saka gusto kong ipaayos 'yong apartment na matagal ko nang plano. Alam mo 'yan." Natatawa niyang sabi. Pinagmasdan namin ang paglubog ng araw at ang pagbukas ng mga ilaw dito sa playground. "Saka gusto kong bumalik na sa pag-aaral. Kapag feeling ko kaya kong pagsabayin at gumaan na 'yong loads ko ay babalik na ako sa Pro scene. Pero siyempre depende 'yan sa magiging desisyon nila Sir Theo dahil under contract pa rin naman ako sa Orient Crown."
"Susuportahan ko 'yong desisyon mo kung sakaling buo na 'yong desisyon mo riyan." I answered Dion. "Pero tutuparin natin ang pangako natin sa isa't isa. Magkasama natin hahawakan at iwawagaywagay ang trophy sa harap ng libo-libong tao."
"Oo naman. Kung hindi man natin masungmit ngayong season ay babawi tayo sa season 6 o season 7 o season 8. Kahit ilang season pa 'yan. Magagawa natin 'yan." nakangiti niyang sabi at tumayo na si Dion. "Tara na, medyo malamok na rito."
"Oo nga, kanina pa ako hampas nang hampas." Natatawa kong sagot ko sa kaniya. He offered his hand, inabot ko ito at naglakad na kaming dalawa ni Dion. Dumaan kami sa convenience store bago naglakad pabalik sa boothcamp.
Habang naglalakad kami ay may mga tweets ako na nababasa from the Hunter Online Community na ipinapabasa ko kay Dion.
@StanLesserafim:
Noong nasa Battle Cry si Dion ay hindi ko siya napapansin pero ngayong core na siya, wow! Magaling pala siyang player!
@Candy_Babe:
I love how Orient Crown change it's role and class dahil may mga players ako na nakita na may ibubuga pala talaga sa paglalaro. Special mention to Dion... he really suited with his role.
@ShotaShimizu:
Sa tagal ni Dion sa Pro scene ay kilala ko lang siya bilang Cutie Player ng Nueva Ecija. Akala ko puro mukha lang. But their match against Daredevils... wow, may ibubuga pala talaga siya! I hope mabago 'yong bansag sa kaniya because he is not a cutie player anymore but a future best core in Professional scene!!!
I read those tweets with exaggeration kung kaya't namula ang tainga ni Dion sa hiya. "Ang layo na talaga nang narating natin." sabi niya sa akin. "Naalala ko pa, tinanggal ako sa Battle Cry dahil hindi ako magaling tapos ganiyang papuri ang naririnig ko sa mga tao, ang sarap lang sa pakiramdam."
"Parang 'yong recognition na hinahangad ko noon pa ay ngayon ko siya nakukuha. Pero thankful pa rin ako kanila Sir Greg, kung hindi nila ako tinanggal ay baka hindi ko din naman pinag-igihan ngayon. At siyempre sa 'yo. Ikaw 'yong tulak na kailangan ko sa tuwing nai-i-stuck ako." Dugtong niya pa.
"Chika mo, 'di naman din ganoon kalaki ang nagawa ko. You improved kasi gusto mong lumakas." sagot ko.
"Hindi mo alam kung gaano kalaki ang nagawa ng prisensya mo. Sa tuwing nakikita kitang hindi natatakot na sumubok ng mga bagong bagay ay nae-engganyo rin ako na mas lumaban pa. Sa tuwing pinu-push mo 'yong sarili mo ay ganoon din ako." Hinarap ako ni Dion sa kaniya. "Ikaw ang lakas ko. Binago mo ang pananaw ko sa lahat ng bagay."
My brows crunched dahil sa hiya at napailing. "Chika mo." Natawa kaming dalawa.
"Pero mananalo tayo this season." He said in serious tone.
"Gagawin natin ang lahat para manalo this season." Sagot ko.