الكاتبــهہ""بنت مـهہدي🫀
منين انجيب مثلك حته ننساك منو اليعوض مكانك لو خسرنا شبه كل اربعين حجايه تنكال ولو واحد يصح جان انتضرنه
🦋 ... 🦋... 🦋
حجه وهو واضح عليه التوتر
مـصـطـفى:- احم اسالج سؤال؟
زمــرد:- تفضل
مـصـطـفى:- اكو علاج بالبيت من رتبتي جنت ضامهن وراها مالكيته
زمــرد:- ماشفته
مـصـطـفى:- مو مشكله يمكن مخلص ومدري
صفنت علاج شنو اليسال عنه
مرت دقايق
مـصـطـفى:- اني راح اطلع شوي وارجع
زمــرد:- لاتعوفني وحدي اخاف يجون
مـصـطـفى:- لا هنا اني مو بعيد
كام من الاكل غسل وطلع
كمت اباوع من الشباك اكو محلات كدام البيت بالضبط
دخل ع واحد منهن اشتره بطل ماي
وراح على الصيدليه انتضرته لحد ما طلع
بالباب مال الصيدليه صدمني من طلع حبوب كلهن وضل
ياخذ منهم ويشرب بشكل مفرط كلش استغربت منه
من شفته راجع للبيت رجعت كعدت على الاكل
دخل بسرعه تمدد على القنفه وكال
مـصـطـفى:- راح انام
زمــرد:- شلون وانت توك كاعد؟
مـصـطـفى:- عادي
شلت الاكل واني اراقبه احس بيه عرف بيه شفته بس ما جنت اوضح رحت للغرفه شغلت التلفون بالف ياويل ورجعت العب الطوبات
وراها نمت عشت يم مصطفى هواي ايام وليالي وبلشت تصير اشهر واني مفاهمه غير اسمه ويطلع من الصبح يداوم ويشرب علاجات بشكل مفرط وبكثره ومامنتظم
رجع من الدوام
زمــرد:- هلا عمو اصبلك غدا
هجم علي وصاح وهو يخنكني بثنين ادي
مـصـطـفى:- علاجي وين انتِ اخذتيي مو احجي
حاولت ابتعد عنه لحد ما صار نفسه بوجهي وكال
:- اريد علاج جيبلي علاج
بس دفعته طاح بالارض يرجف ويهلث بكلام مامفهوم ومافهمت غير علاجي جيبي
ركضت خبصت الدنيا مالكيته غير علب واشرطه فارغ لبست العبايه ورحت عليه بسرعه خليت ايدي بجيبه طلعت فلوس وركضت بيهن جان يكدر يباوعلي بس حسيته ميكدر يحجي لازم راسه بقوة يضغط عليه خفت لا ياذي نفسه لو ياذيني
ونزلت للصيدليه واني لافه نفسي بالعبايه انطيته العلب واشرطه وكلته اريد منهم
صاحب الصيدليه:- شسوين بهل كميه ؟؟
زمــرد:- فدوة انطيني اي شي من ذني
صاحب الصيدليه:- لا عمو ماانطيج هل كميه من المهدئات محد يتحمله وين لكيتيهن
زمــرد:- ذني مهدئات مو علاج؟
صاحب الصيدليه:- اي مهدئات وانواع قويه قليل الي ياخذون من نوع واحد
زمــرد:- هذن لكيتهن عند عمي وكلي جيبيلي منهم
صاحب الصيدليه:- انطيج نوع واحد فقط
هزيت راسي أأيد كلامه
اخذت ورجعت للبيت قفلت الباب ودخلت لكيته كاعد
على طاوله الطعام ويباوع باضافره
زمــرد:- عمو هذا علاجك هك اخذ منه
بقى يباوع باضافره جبتله كلاص ماي وخليت العلاج بايده
دار راسه عليه بس عيونه بعده باضافره
مـصـطـفى:- اريد سجينه
رحت للكاونتر طلعت وحده زغير ضل يباوع للشباك الي كدامه بدون لا يتحرك او يرفله جفن اصلا
زمــرد:- عمو بيك شي؟
وكف ضل يضحك
مـصـطـفى:- يحجون ويايي
تلعثمت من الخوف وكلت
زمــرد:- منو
همس بذاني
مـصـطـفى:- جيش براسي جيش كاملل
رجع يضحك ويتصرف تصرفات المخابيل او بعقله شي خله ادي على ذاناته وضل يصيح ويكرر بهل جمله
(سكتتووا ككافيي دمرتتووننــيي)
صار يضرب على راسه
سحبت العلاج بسرعه واخذت اكثر من حبايه بايد بدون لايشوفني
صعدت فوك الكرسي وطفرت عليه لزمني حيل جعصت وجهه جعص بس حتى يفتح حلكه
رفعني حيل ولزكني على الحايط لحد مانبتت اضافري بخده يالله فتحت حلكه شوي فرغت العلاج وفعته بايدي اختنك وطيحني من ايده راد يذبهن ماكدر اختنك بيهن كح حيل شفته من شرب ماي طمنيت بس شو رجع باوعلي بنفس النظرة وشال الصحون وركعن بالكاع
سحلت روحي اريد اطلع من المطبخ بس ماكدرت بسرعه دخلت جوا ميز الطعام جرني من رجلي وطلعني بس مبين مسطور من العلاج
دفعته حيل ابتعد وكعد على صفحه كاض راسه رحت ركض للغرفه وقفلت الباب وكعدت اريد استوعب الي صار
مامعقوله كل الي جاي يصير بيه شي وره شي مجاي اكدر حتى افصل بين مشاكلي او الكه حل لاي شي استغربت من نفسي انو مابجيت بس بعد مااهتم كافي تعبت حتى من البجي
وره ساعه اني بس صافنه اندك الباب معقوله كل هل مهدئات ومانام؟
اجاني صوته
مـصـطـفى:- عمو زمزم انتِ هنا عمو جاوبيني
تعاي طلعي احجي وياج لج بابا بس جاوبي خل اطمن عليج تاذيتي؟
حسيته كعد ورة الباب وضل يحجي وياي
مـصـطـفى:- تعاي اخذي تلفوني من جوا الباب اتصلي على مسره
صدك ادنيت على الباب
دفعه الي من جوا الباب
اخذته مفتوح وضليت اكلب بي معرفت شلون اتصل
حاجيته من ورة الباب
زمــرد:- عمو انتَ هنا
مـصـطـفى:- يي موجود
زمــرد:- اخذ التلفون اتصل انتَ عليها
مـصـطـفى:- عمو روحي على الواتساب
لاتشلعين فص كلبي
ضليت اقرة لكيت برنامج عليه صورة مال تلفون ومكتوب واتساب
دخلت عليه شفت اول رقم مسره والبقيه ولد
وصل اشعار من عمار الي وصلنه مخلي صورته بملابس عسكريه كاتب الا بيها
:- لكينه مالك وبلشنه وياه لتخاف منا لليل يحجي كلشي ويطلك
حسيته راح يعرف انو اني قريتها
ضغطت على مسره وعلى الاتصال شوي واجاني صوتها
مـسـرهہ:- مسربت اني مااخلص منك وين وليت انت ومصايبك وين هجيت انت والفرخه بس لا
ماكملت كلامها كلت
زمــرد:- هاي اني
كطعت كلامها وضلت تمتمت رغم ماكملت كلامها وماعرفت شنو رادت تكول بس غيرت السالفه وحجت وياي ما ذكرت الها شنو صار كملت من بعد الف سؤال منها ودعتها وسديته
رجعت التلفون من جوا الباب بدون لا احجي
مـصـطـفى:- بقي يمج بي نت نزلي لعبه تابعي يوتيوب او سمعي شي براحتج
زمــرد:- مااعرف اله
مـصـطـفى:- ماجان عندج تلفون قبل؟
زمــرد:- لا
مـصـطـفى:- تمام
سمعت صوت الباب انفتح وانسد عرفت انو طلع
ضليت اباوع من الشباك
نزل يمشي تعبان وكل شوي يمسح وجهه
دخل للصيدليه واخذ علاج وطلع وكعد على الرصيف وضل ياخذ منهن واني صافنه عليه
وكف اني بسرعه رجعت للغرفه وقفلت باب الغرفه
سمعت الباب انفتح ورجع كعد وانتچه على الباب
مـصـطـفى:- احتاج علاج
زمــرد:- علاج شنو؟
سكت
مـصـطـفى:- ابقي هنا وحدج كل 3 ايام اجيبلج مسواك وشنو تريدين تمام اني راح اروح
خفت وتذكرت من دخل علي عمي
زمــرد:- لا تروح وابقى اني بالغرفه مااطلع
سكت وكال
مـصـطـفى:-اجيبلج مسره وامها يمج
زمــرد:- وديني الهم
مـصـطـفى:- لا اني ولا انتِ نرجع لهذيج المنطقه
سكتت اتصل على مسره وفتح سبيكر
وحاول يقنعها هواي بس كالت
مـسـرهہ:- امي مريضه وماكدر اعوفها ولا اكدر اطلعها
سد الاتصال ورجع يتأفأف
شوي وطلع رحت للمطبخ اخذت فواكه ولكيت نساتل اخذت منهم ورحت للغرفه شغلت التلفون العب وادور بي دخلت على الاستوديو لكيت بيها صور لمصطفى
وصورة هياكل عظميه
رجع بليل صوته بالمطبخ يكح وسمعت خطواته تتقرب على الباب حجه وصوته محتقن
مـصـطـفى:- زمزم خايفه مني؟
ماتحركت ولا سويت صوت ابد
مـصـطـفى:- ليش اني كلها تكرهني وتخاف مني؟
ماسمع مني جواب اردف
مـصـطـفى:- كلها تكرهني حتى نفسي
عايش وحدي منبوذ محد يريدني
محد مهتم ان جنت عايش لو ميت
محد متقبل حياته وياي كلها تركتني
حتى انتِ تقبلتيني لان ماعندج حل ثاني
من كد ما كلبي اخخخ ياكلبي كلبي يوجعني
زمزم تعبني عقلي تعبني هذا الحرب الموجود براسي
ما حسيت عندي قلب لحد ما نبض هل يومين
ضلي يمي زمزم محتاجج
مراح تعوفيني راح تضلين يمي عمو؟
لا تشلعين فص كلبي جاوبي
ضرب الباب بايده شهكت من سمع صوتي
مـصـطـفى:- جاوبيني
زمــرد:- روح منا روح نام
سكت بعد دقايق معرف بي بعده موجود لو راح صوت حركه ماسمعت
اندفر الباب حيل ضليت ابجي
مـصـطـفى:- ترديني اروح؟ليش؟حتى انتِ؟ تردين تخلصين مني؟ تورطتي وياي؟ مو جاي اساعدج وخايف عليج
ضل على كلامه وعصبيته هاي فتره من الوقت
اخر شي كاله وبعد ماسمعت صوته
:- انتِ انطيتيني امل بالحياه خليتيني احب اعيش حتى اشوفج حتى اسمع صوتج جمالج وضحكتج وسترج وفطارتج وفهاوتج كلشي بيج يعجبني
التزمت بعلاجي علمود مااذيج شكد ردت انتحر
شلت هل فكره من راسي لحد ما اساعدج
لا تعوفيني فص كلبي اني بدونج لا حول ولا قوه
حتى لو بعد مايريدوج اني هنا ابقيج واگعد من الصبح بنشاطي حتى اسمع منج
صباح الخير عمو تسوه عندي كل الدنيا
صدمتي جانت جبيرة بمصطفى
بس حسيته مو بوعيه هدء شوي وصار يهدي شوي شوي وانتهت عصبيته وانتهى صوته وياه
نمت من كعدت الصبح تذكرت شنو صار امس
فتحت الباب على كيف اريد اجيب ماي
لكيته نايم وهو كاعد ومنتجي راسه على الباب
بس فتح هو كعد خفت وردت اسد الباب
مـصـطـفى:- ها صباح الخير
زمــرد:- صباح الخير عمو
تعاي نتريك لا تضلين بالغرفه
مشيت وياه رحنه للمطبخ لكيت العلاج مالته على الطاوله رغم جان يخفي عني ومجاي يسولفلي شي
ولا يريدني اشوفه
كعد على الطاوله واحسه متفشل مني ردت احجي وياه حتى لا يضوج انوب يطلع الوحش الي يداخله وين اولي
زمــرد:- عمو شنو اسوي ريوك
باوعلي وابتسم
مـصـطـفى:- بكيفج سوي الي يعجبج
زمــرد:- اني اختار شنو نسوي الريوك وانت تختار الغده
مـصـطـفى:- صار
زمــرد:- اوك متفقين
سويت الاكل وهو كمل الجاي وكعدنه ناكل اتصل تلفونه جاوبه وبسرعه كام من الاكل وهو يحجي يشرب جاي بس جان يحجي بالغاز كلشي مافتهمت
سده وضل يباوعلي وصافن بيه
مـصـطـفى:- كومي عدلي حجابج ولبسي عبايه وتعاي
زمــرد:- وين نروح؟
مـصـطـفى:- مالك يطلكج حتى نخلص منه ومايطالب بيج ويكول مرتي
ضل يسالني على خطوبتي ومالك شلون شافني وطالعين سوا وحجيتله انو جانو حابسيني وكلشي
مـصـطـفى:- اخخخ لو اكض عباس
زمــرد:- زين وراها شراح تسوي
مـصـطـفى:- من ياناحيه؟
زمــرد:- عمي؟
مـصـطـفى:- اكو حل واحد نكدر نسوي
زمــرد:- وهوا ؟
مـصـطـفى:- اذا تزوجتي انتِ مراح يكدر
يطالب بيج او يحجي وياج بعد
ضليت صافنه بكلامه
مـصـطـفى:- باعي اذا كلش صارت اخلي صديقي يزور عقد زواج وابقي هنا ونرجع لذاك البيت وضلي هناك ومسره يمج
زمــرد:- هم يجي ويكتلني اني حلمت بي يخنكني
مـصـطـفى:- من الخوف كلشي تفكرين وتتحلمين
عادي مو مشكله وهذا مو حلم كابوس يلا تاخرنه
رحت للملابس لكيت اكو بنطرون وقميص حوراء مخليتهن الي من ملابسها اني مالابسهن لحد هسه لبست ورتب وجهي والشال ولبست العبايه
لكيته بالباب مال الحمام يرش عطر
من شافني
طلعت اجه علي وكال
مـصـطـفى:- ابتعدي عن الخوف واني وياج مااريدج تخافين ابد وحتى لو خفتي تصنعي الشجاعه
احنه حجينه لمالك قصه حزين انو هيه متريدك
وجاي تخونك وانت رجال وهل كلام ميجوز وتعال طلكها وهو متحمل عليج فـ اريدج من نوصل اذا سالج كولي صح حتى يكرهج وبدون لا نرجع نكتله يطلكج
صفنت
زمــرد:- شنو هل العقل الي عندك؟
مـصـطـفى:- افكاري ابليس موقع عليها
واكو ختم من كل الجن
زمــرد:- عود صدك؟
مـصـطـفى:- جذبت عليج فد يوم؟
زمــرد:- ها؟
مـصـطـفى:- امشي عاد بطلي الفهاوه
طلعنه وصعدنه بسيارته جنت كلش متوتره
مـصـطـفى:- لا ترجفين سيطري على ايدج
زمــرد:- تمام عمو
سحبت العبايه ولميت ادي حتى ماارجف
وصلنه كدام مستودع او مخزن متروك سحبني من كدام الباب الرئيسي ودخلني من باب زغير
لكيت مالك كاعد على طاوله وعمار موجود
من شافني كام على حيله
مالك:- هاي انتِ الحلوة
سحبه عمار رجع كعده
عمار:- ارجع اكعد بعد روحي
اشر مصطفى لعمار حتى يطلع
مـصـطـفى:- يي هاي مرتك خانتك وياي
ضل يباوعلي بنضرات
مـصـطـفى:- هيج مره ماتستاهلها اني اكلك
مالك:- بس هيه حلوة ومرتي
باوع علي وكال بتشرط
:-كولي بعد مااعيدها حتى اخذج ونروح للبيت
باوعت لمصطفى غمض عينه ورجع فتح بمعنى احجي اني يمج
زمــرد:- لا اعيدهاا كل يوم اخونك
مـصـطـفى:- شفت ابويه انتَ تخونك
ماتفيدك والله مو كتلك
مالك:- بشنو احسن مني
باوع لمصطفى وجهه صار احمر وهو حابس الضحكه
زمــرد:- اني احبه
التفتوا علي ثنيناتهم
حتى مصطفى معرف شيحجي
يتبع.....
🦋 ... 🦋... 🦋
شلونها القفله؟
شنو رئيكم ببارت اليوم؟
شنو تتوقعون يصير بالبارتات الجايه ؟
يطلكها مالك لو لا؟
يوزري @ayat_almahdi
لاتنسون التصويت للبارت ❤️🩹