#دهراً منك لم يكفيني
(ريام الايهم)
البارت ٢
'''''''
شاهيناز- م.ماما
فضة- روحها كولي يمة
شاهيناز- باردة غطيني
فضة-صار من عيوني
-غطتني ورجعت غفيت
كعدت الفجر بس ماكدرت اكوم من مكاني وعيوني توجعني بقيت نايمة او تظاهرت بالنوم عسى ولعل انام من صدك بس ماكو فائدة أذن الفجر كمت واني افرك بعيوني تمشيت للحمام وكفت كدام المراية باوعت لعيوني الظاهر عليها التعب تلمستهم واني اهمس بصوت ناصي ومخنوك
-شنطيج يعيوني وتضحكين
نزلت راسي توضيت وطلعت شفت ابوي هم كاعد يريد يصلي ابستمت وتقدمت بست راسة وفرشت السجادة اله والي كملنه دار ابوي وجهة وهو مبتسم
ثائر- تقبل الله بابا
-ماكدرت احجي لآن صوتي رايح اكتفيت بابتسامة على وجهي
ثائر-تعالي لا تنامين بوية اريد احجي وياج
شاهيناز- خيرك يابة صاير شي مو زين
ثائر- لا ماكو شي بس عندي كم كلمة احجيها واذا تقبلتي على راسي واذا متقبلتيها براحتج بابا
شاهيناز- كعدت بصفة وبلش يحجي وياي
ثائر- على موضوع الشغل بوية ليش هيج تسوين اني وامج شناقصنة هم قصرنة وياكم بشيء؟
شاهيناز- لا حشاكم من التقصير
ثائر- لعد شكو بعد ليش تشتغلين هذا الشغل المابي فايدة حاجيني ابوي انتِ شلج بهذا الذله
شاهيناز- اريد اساعدكم واريد هم اعتمد على نفسي مو كلشي عليك وعلى امي مرات انتِ تتمرض وامي تتمرض ماكو فلوس شنسوي بهذا الحاله ع الأقل يكون عندنا مصرف حتى لو شي قليل
ثائر- يعني مصرة بهذا الشغل؟
شاهيناز- اي نعم
ثائر-براحتج يابة بس بعدين تحسين بالندم مو هسة
شاهيناز- عافني وراح بقيت كاعدة وحدي بالصالة فكرة تجيبني وفكرة توديني حايرة بمستقبلي وشراح يصير بعدين احس روحي وين ماوديها معلعلة
تنهدت ومشيت للغرفة بدلت ملابسي وكفت كدام المراية اباوع الوجهي الشاحب ولا عبالك طفلة ١٢ سنة لا كبرت هواااي عن عمري لفيت وجهي على جهة اخواني وخواتي ابتسمت المنظرهم وأحد حاضن الثاني ونايمين رحت تمددت يمهم بين متصير الساعة سبعة
بقيت اتگلب الحد ماشفتها صارت بالسبعة ركضت لبست جاكيتي وحذائي طلعت من الغرفة بهدوء حتى لا أحد من الأطفال يفز اخذت الكلينكس والبيت هدوء فتحت الباب باوعت للشارع بارد رجفت أيدي قربتها الحلكي واني انطيها حرارة حتى ادفيها سميت بأسم الله وطلعت تمشيت والشارع مابي بشر مغيمة شمس ماكو وصلت للتقاطع والسيارات قليلة
صرت امشي واني مادة الكلينكس الهم محد اشتره غير عدد قليل رحت كعدت على نفس البلوكة حسيت شيء يمي على رجلي دنكت راسي وشفتها بزونة صغيرة ابتسمت واخذتها بحضني باوعت عليها جوعانة همستلها بصوت بس اني وياها نسمعة
شاهيناز- عذريني ماعندي شي انطي الج والله شوفي كلشي ماعندي تعالي بقيج بحضني من ارجع للبيت اخذج وياي
خليتها بجيب الجاكيت وبقيت افتر
-ياحلو تبيع كلينكس
شاهيناز- غلست وما رديت سرعت مشيتي اكثر حتى لا يوصل يمي
-احجي وياج ماتردين لو طرشة؟
شاهيناز- شكو شتريد
-ماريد شي بس اسأل الكلينكس بشكد
شاهيناز- بألف
-شدعوة
شاهيناز- يعجبك اهلاً وسهلاً ميعجبك روح ماكو داعي تشتري اكو محلات هواي وروح اشتري منهم
- هوب هوب هوب شبيج اكلتيني انطيني عمي خلي اروح بسرعة
شاهيناز- انطيتة الكلينكس وراح هزيت أيدي وهمست
والله ناس ماتجي غير بالعين الحمرة الحمد لله والشكر الله يثبت عقول البشر قبل لا تتخبل علينة
بقيت افتر الحد ما خلص الكلينكس ومشيت متوجها للبيت
-شني ماعندج اهل باقية تفترين بالشوارع
شاهيناز- اتفهمي ظروف الناس قبل لا تحجين وراح اسكت الخاطر الشيب التارس شعرج
رجعت امشي والعبرة خانگتني خنگ
دفعت الباب ودخلت للبيت سمعت صوت ضحكة أمي نزعت الشال ودخلت اركض للصالة شفتهم ملتمين يضحكون وفرحانين تقدمت واني اسأل
شاهيناز-شكو
فضة-ابوج رجع راتبة بعد ماكو شغل يمة راح ننام مرتاحين ماكو عذاب ماكو جوع اللهم لك الحمد
شاهيناز ابتسمت وحجيت بفرحة- يعني راح ارجع للمدرسة
فضة- طبعاً ترجعين كلكم ترجعون الدراستكم ماكو وأحد يبقى بدون دراسة بعد
شاهيناز- كعدت بصفها مهدود حيلي ورجلي توجعني من المشي غمضت عيوني وحسيت أيد صغيرة على رجلي فتحت وشفت أختي تدلك برجلي ابتسمت وسحبتها من أيدها حضنتها
رياحين- بس اسوي رجلج حتى تصير زينة
شاهيناز- بوسيني واصير زينة
باستني وهي تضحك
رواية- واني؟
شاهيناز- تعالي غيورة
اجت حضنتني وتتعارك ويا رياحين
ولجن كاااافي يلا كومن من يمي اريد اسبح احس نفسي خايسة ايع
رواية- هو انتِ خايسة
شاهيناز- بسيطة اشوفج تجين تنامين يمي
رواية-معايزة انام يم امي
رياحين- خلي تولي اني انام يمج
شاهيناز- عفتهن يتعاركن ورحت للحمام باوعت على أيدي حسيتها شاحبة من البرد يلا كلشي يهون بس يجي ابوي ويجيب الراتب ويا ونشيل من هذا البيت ونبتعد عن هذا الشارع وارجع الدراستي ماريد شيء من هاي الحياة غير هل كم شغلة البسيطة
سبحت وطلعت لفلفت نفسي بالبطانية وكعدت يم الصوبة دقايق وسمعت صوت ابوي يصيحلنا وهو فرحان طلعت بسرعة وشفتة جايب هداية الكل وأحد بينه ابتسمت وركضت حضنتة.
يتبع...
مثل ساعه بقَصر مهجور محد شاف تَعبي
~~~~~~~
وهذا بارت هيك قصير اقصر من حياتي بس امتحانات ادعولي
#نجماتي_المبعثرة⭐
الانستا تبعي ♥️