بين جنوني وبرأتك أنتقام (الأصلية)

بارت24

هلوو رجعنه بارت جديد ولا تنسون التفاعل وغلسو عل سحك بدون مراجعه 😘

،،،،
#جنات بنت الجنوب
،،،،،،،،،،،،،،

-
چنت إعبر كـلشي منگ !
هآي فدوة وذيچ يلآ
كآفي! لهنآ ونتحآسب
آني بينَي وبينگ الله .🖤🖤

،،،،،،،،،،،،

،

روح، ،متمدده بفراشي واقرا ونفتح الباب جان حازم باوعلي ودخل للغرفه حجه
كومي حضري جنطي باجر اروح للانبار

روح، من جاب طاري الانبار نسيت شلون ضربني ونسيت كلشي سوا  كبل حجيت بلهفه
ليش شسوي

باوعلي برود وحجه

شغلي هناك خابروني عدنه انذار

روح، ،دنكت راسي وكمت احضر جنطة ماعرف شخلي وماريد احجي ويا اكلب بل ملابس مالته واجه من وراي ياخذ ملابس ويشمر علةجربايه توترت من قربه ردت اسحب روحي وطلع من جوه ايده نزل ايده وحصرني بينه وبين الكنتور احس نفسه قريب عليه دفعته ورحت نمت بفراشي حته ملابسه مالميتهم درت وجهي منه ماريد اشوف ردة فعله شنو حجه بعصبيه

اني نازل اسبح الكاج الامه الملابس وكاويه البدله ومو تحركيها

روح، اسمعه طلع وسد الباب حيل كمت لميت ملابسه وغراضه الياخذهم ويا اخذت البدله العسكريه اكويها وفات للغرفه بس بل شورت باوعلي وشمر روحه عل جربايه ونام كملت كوي البدله وخليتا بل تعلاكه ورحت دحست روحي بفراشي حته واهس للقرايه ماضل عندي ماحسيت بروحي ليمته نمت

كعدت الصبح لكيته رايح نزلت البيت هدؤ يمكن بعدهم نايمين رجعت الغرفتي طلعت رسمي ضليت ارسم

مرو اسبوعين وحازم بل دوام وباجر حنة خزامي حازم ايخابر خالي كل يوم ماعرفت عنه شي ولا سألت علي رحت الغرفة خزامي لكيتها تبجي وخالتي يمها عيونها حمر خزامي تحجي والعبره مصيطره على صوتها

خزامي، ،ولج يمه. ماريده شبيكم متحسون بيه اكلج غتصبني ماما حبسني بل مخزن المضلم اخذني الغرفته ومايمر يوم مايتحرش بيه ليش ماتحسون بيه منو تقبل تاخذ مغتصبها فهموني

تبجي ونشيغها يكسر الكلب حجت خاله وهيه تمسح دموعها

ولج يمه شبيدي عليج كليلي تدرين اني مالي كلمه ويه ابوج ماياخذ بحجيي شسوي

خزامي، ،وهيه تبجي بنشيغ، ،والله احرك روحي ومازوجه ماريده ياناس افهمو احساسي شنو

زهره، ،ولج يمه. روحيه جيبي تليفوني خلي اخابر حازم خلي ايهديها راح تموت

روح، ،هزيت راسي ونزلت بسرعه جبت تليفون خاله وصعدت خزامي خاله راسها هلى ركبها وكاعده بل زويه وتبجي نطيت التليفون الخالتي اخذته وهيه تبجي خابرت حازم شوي ورد

الوو ولك يمه حازم

حازم، ،هاا يمه شبيج

زهره،،ولك اختك موتتني تكول احرك روحي وماخذه ولك يمه شبيدي اني تدري بأبوك مايرحم

حازم، ،طينياها احجي وياها

زهره، كامت اخذت المبايل الها، ،هاج يمه اخذي حاجي اخوج

خزامي وهيه مدنكه وتبجي، ،ماريد احجي ويه احد

زهره، ،احجي ويا ولج يمه شلعتي گلبي يخزامي شلعتي گلبي

اطتها المبايل ونزلت ضليت اني وخزامي

خزامي، اخذت المبايل وهيه تنشغ خلت التليفون بديها وتباوع الصورة حازم الي يباوعلها وهوه مقهو وهيه تبجي بنشيغ وحجت

بغصه، ،حااااززمم ماريده والله ماريده جاي تفهمني انته ماريده

حازم، تنهد وحجه وداعتج ماخليج يمه هواي مده وطلكج منه

خزامي، ،ماريده يوم ماريد ابقه يمه مو مده

حازم، ،تدرين ابوج شني خزامي ارضي هسه ونشاءلله جم شهر وطلكج منه ماعوفج عنده والله

خزامي، ،حازم وعد طلكني منه عليك الحسين لا جذب عليه

حازم، ،والله ماجذب انتي ليمته ماتخابريني تكليلي تعال طلكني منه اجي اطلكج ماعوفج والله

خزامي، مسحت دموعها وحجت، ،اذا هيج خوش بس لا تعوفني حازم لا تعوفني

حازم، ،افااا شلون اعوفج لا تحجين هيج اخيتي

روح، ،هزت راسها ونطتني التليفون جان الاتصال عل واتساب صوره وصوت اخذته منها وهوه يباوعلي بتركيز اجه يحجي  باوعتله بطرف عيني وسديته بوجها
حسيت رتاحيت هسه محترك كلبه اححح

سالي، ،باجر الحنه مال هارون رغم هارون كلش ولا يمه السالفه ويوشع مانشوفه يجي نص اليل الولد محتارين ايجهزون الغراض والذبيحه مال العرس عماتي انتصار وابتهال وعمتي ام سليم وعمتي سعاد وبناتهم كلها عدنهةمن هسه اجن والولد كلهم مخبوصين اني والبنات انضف والنسوان گاعدات بغرفة امي يحشن غيبه لليل واحنه ماكاعدين واصدقاء الولد يرحون ويجون نزل هارون سابح ولابس دشداشه نيليه جنن علي سلم على عماتي والبنات وطلع

احنه واكفين بل جاي وكفه نامو يمنه كلهم قسم بل استقبال وقسم بل غرف اني وبسمه نمنه بغرفتنه اني وروح صبح الصبح ونفس الروتين تنضيف وخطار رايح وجاي سوينه غده للخطار وللمغرب سطرو الكراسي بل شارع بدت الناس تجي واجه المطرب وبدة الغاني والجوبي امي شكد مافرحانه احس بعيونها حزن جبير والبيت ناقصه روح وضحكتها كلها تركص ومكيفه واني احس فراغ بداخلي دك تليفوني شفته رقم باقر رديت بهدؤ

الوو

اجاني صوت روح تنشغ

،

روح اليوم حنة خزامي وهيه مفرفحه بس تبجي منا اجن خالاتها غسلت وجه خاف يحسن وخالي عادي مايمه السالفه ايريدها بس تزوج يخاف على سمعته ماهامته بنته اخذتها خالتها الجبيره للصالون واني نضفت البيت وجهزت كلشي اماني تفتر على راسي موتتني لا باقر موجود ويردها مني تحملتها كوه عليه اجن الضهر خزامي كالعه جنن بس حيييل ضايجه شوي وتبجي عيونها مليانه دمو خالتي تباوعلها وتمسح بدموعها بشيلتها عفت كلشي ورحت للمطبخ مالي خلك كلش واحس ماكو فرحه بجاخلي شكد تمنيت لو ماصايره هاي المشاكل كلها وهسه اني عد اهلي اجهز الحنة اخويه الوحيد كوه حابسه دموعي للمغرب كفت الناس وكلمن راح البيته اخوات خاله ماقبلن يضلن كالن باجر نجي من الصبح انودعها خاف يمشون من الصبح بقن بس بنات خالو حسن راحت خزامي الغرفتها الدمعه بعينها اني مو أقل منها ابد احس حسره جبيره بكلبي شوي ونزلت لكيت باقر جايب عشه باوعلي وبتسم

هله، بروح شلونج خويه

روح، ،الحمد الله

باقر، ،هاج هاذ عشاج انتي وخزامي وهاذ المبايل خاف تخابرين اهلج

روح شكراا باقر ماعرف شلون اشكرك

باقر، ،يمعوده عليمن تشكريني

روح،،خلي اصبلكم عشه

باقر، ،مايحتاج. هاذ راح بساخلي بصينيه واخذه روحي انتي وخزامي تعشن

روح اخذت المبايل والاكل وصعدت دكيت الباب ماكو صوت فتحت الباب على كيف لكيت روح گاهده تبجي خاله راسه على ركبها ومحاوطه اركبها بأديها شكد نقهرت عليها قفلت الباب وجيت يمها باوعتلي وبجت بهضيمه اجيت يمها گعدت واني دموعي تنزل على خدي باوعتلي وحجت

فدوه روح ماريد ازوج هيج والله اخاف منه

روح، ،لا تحجين هيج نشالله تشوفي وتعرفي شلون حنين والله هوه ماكو منه بس ماعرف شجا

خزامي، ،وهيه تبجي ماريده ماريده انتي بسببه اجيتي فصلية واني بسببه دمرت حياتي

روح، ،خزامي رغم كلشي صار بيه بس ماحقدت على هارون تدرين ليش لن هوه اكثر واحد بينه نضلم والله هسه تعافه لا تهنه بطفوله ولا تهنه بشباب تدرين من رجعنه منكم واخذونه عمامنه للانبار عبالج هارون رتاح والله سنين وهوه ماينام بل ضلمه عنده فوبيا من الضلام ومن الأماكن الضيقه جان يكعد نص اليل يصرخ مانعرف شبي نلتم علي كل أحنه يضل يصرخ ودموع امي شاهده جدي ماخله لا دكاتره لا شيوخ اخذا للبصره يعالجه ولبغداد ولناصريه تحسن شوي صار يختلط بل ولد ويسولف بعمر عشرين سنه صار عنده حاله نفسيه والله كون شوفينه وحاله مايسر العدو نگعد مانلكا تحسي جسد بدون روح بس يمشي كل الوقت گاعد عل سطح وبس يصفن تروح امي تحاجي نسمع بس صوت التكسر وصوت صريخه وبجيه يكل الامي موتوني وخلصوني احس جبل على صدري وكاتم نفسي كل هاذ مر بي هارون واكثر بس الوسواس الي عنده يقهر كل هاذ تحمله هارون وخالي السبب

خزامي، ،واني شذنبي شذنبي اتحمل كل هاذ اني ماحبسته ولا عذبته وحته ماعرفه ولا اعرف شكله اجه انتقم من بابا بيه شذنبي اني

روح، ،هيه تبجي واني ابجي رفعت تليفون باقر وتصلت على سالي اجاني صوته واني انشغ من البجي

سالي، ،الوو روح شبيج تبجين

روح، ،وين امي صيحيها سالي

سالي، ،بس كليلي شبيج

روح، ،والله مابيه شي بس طك كلبي عليكم

سالي، ،هزيت راسي وحجيت، ،هسه اصيحه واجي

روح مسحت دموعي وشوي واجاني صوت امي فتحت كامره واني مبتسمه

بدريه، ،هاا يمه روح شلونج ينضر عيني

روح، ،الحمد الله مشتاقتلج ماما حيل مشتاقتلج

بدريه، ،مو مثلي يابعد روحي وعلي طاك كلبي عليج

روح، ،ماما اتمنه اني يمكم هسه واحضر العرس هارون

بدريه، ،ماتجين وياهم

روح، ،دنكت وحجت لا ماكدر اجي حازم ماعتقد يقبل

بدريه، ،تنهدت وحجت الله كريم يمه تفرج نشالله

روح، ،نشالله

ضلينه نحجي اني وامي شويه وسديت التليفون باوعت الخزامي الي لامه رجليها الصدرها وتباوع عل سكف اخذيت الاكل يمها وحجيت تعالي ناكل اني وياج

خزامي، ،عدلت گعدتها وحجت ماريد شبعانه

روح، ،اكليلج لكمه انتي ماماكله من الصبح

خزامي، ،ماريد

روح لميت. الأكل واخذته للمطبخ تلاكه وياي باقر هوه وأخواته وحجه

روح وين تليفوني

روح مديتله التليفون واماني تباوع عليه خفت من نضراته حجيت بداخلي الله يستر منج

،

هارون ،،گعدت الصبح بل عشره نزلت لكيتها هوسه صايره النسوان والبنات سألت على خضر

سالي سالي

سالي، ،هاا هارون صحتلي

هارون، ،خضر وين

سالي، ،راح. من غبشه البغداد هوه وبلال ويوشع  يجيبون العروس

هارون، ،همم

سالي، ،محتاج شي بعد

هارون، ،لا روحي

صعدت الغرفتي لبست ونزلت طلعت ويه الجماعه وماحس بداخلي شي بل عكس احس مخنوك

،

بلال،،وصلنه بل عشره الصبح البيت خال هارون طلعنه باقر سلم علينه وستقبلنه خوش ستقبال

يوشع،، بس اذا ماعدكم شي نمشي هم يالله نوصل

باقر، ،هسه اصيحهم مخلصين كلشي

روح، ،اجه باقر وحجه

يالله منتضرين بل استقبال اذا ماعدكم شي

روح، ،باقر خلي اروح اسلم عليهم فدوه

باقر، ياخويه اني مالي شغل وانتي تدرين بس خاف حازم يجي وتدرين

روح، ،ماتئخر والله بس اسلم

باقر،،يالله تعاي

روح اخذني باقر واني اباوع متلهفه اشوفهم گاعدين
من شافوني كامو جان بلال اول واحد وبصفه خضر يوشع يباوعلي متلهف سلمت عليهم اجيت اليوشع دنه عليه وحضني دنك باسني براسي واسمع صوت حازم وراي احس رجليه ماتت درت علي عيونه ناطه وخرت بسرعه من يوشع وطلعت رحت للصاله يم خاله وخزامي اجه حازم وهوه يباوعلي وحجه

حازم، ،منتضرين بل باب

زهره، كامت وحجت، ،يالله يمه خزامي

خزامي، ،كمت كوه واجر بروحي جر حضنت حازم واني ابجي باسني براسي وحجه

لا تخافين اطلكج منه ماعوفج بس خلي نسكت ابوج

خزامي، ،هزيت راسي وطلعت ويه امي صعدت وره بل سياره اني وامي والجنط طلعوهن باقر وحازم خلوهن بصندوك السيارت وصعدو ثنين واحد بقه مشت بينه السياره طول الطريق واني دموعي مابطلت شلون اعيش ويه واحد غتصبني ماحسيت على روحي ليمته غفين

روح، ،حازم يباوعلي بتركيز وهوه مضيق عيونه اجه ياقر وحجه

اكلك حازم اني رايح

حازم، ،وين رايح

باقر، ،رايح ويه عمي نزور الامام الكاضم ونبات هناك

حازم، ،الله وياك

روح، ،اباوع الباقر بتوسل خليت حازم راح ورحت عل سريع يم باقر واني احجي بهمس

باقر لا تروح عليك الله

باقر،،ولج عمي منتضرني بيتنه

روح اريد احجي واسمع حازم يصيح

حازم، ،روووح رووح

روح،،يمااا

اباوع الباقر طلع صعدت عل سريع الحازم جان گاعد عل جربايه وينزع بل بسطال رفع راسه وباوعلي وكال

حضريلي الحمام وسويلي اكل جوعان

روح، ،هزيت راسي ورحت للكنتور طلعت ملابس تراك سود وملابس داخليه نزلت للحمام اخذيتهم وطلعت ركض للمطبخ حميت الاكل نزل دخل للحمام واني اباوعله وافرك اصابعي من الخوف نضراته ماتبشر بخير

خزامي، ،حسيت احد يصحي بيه فزيت جانت امي

خزامي، ،هاا يمه

زهره، ،اكعدي يمه وصلنه

خزامي رفعت راسي للجامه اباوع اشوف وكفنه يم بيت جبير نزلت واني متوتره حيل ويه مارفعت راسي طلعو من البيت ثنين زلم وهارون وياهم صرت وره ماما اجوي علينه وسلمو على امي اجه الرجال وسلم عليه

العم وليد، ،شلونج عمي

خزامي، ،رفعت عيني واني مرتبكه كوه حجيت الحممد الله

العم ابو سليم، ،شلونج عمي عساج طيبه

خزامي، ،الحمد الله

سلمو على امي وتعدونه وراحو بنفس السياره الي اجينه منها بقو بس الولد الي جابونه فتحو الباب وهمه يحجون

تفضلن، يابه البيت بيتكم

همه يمشون واحنه وراهم طلعت مره جبيره بل عمر اجت بتجاهنا وهيه تحجي

هلا يمه هلا وكل الهلا تفضلن يابعد عيني

خزامي اجت علينه باوسناها واني مدنكه شوي واجت عمتي بدريه ومره وياها اجن سلمن علينه وعمتي بدريه حضنتني وهيه تحجي

بدريه، ،هلا يابعد عيني هلا بعزيزتي

باوعت بوجهي وهيه تحجي

يالله يمه ولو تعبانه بس هم يالله نروح للصالون حاجزين كلشي

خزامي هزيت راسي ومشيت وياهن نزلنه كبال سوك نزلنه وعمتي تمشي كدامنه فتنه المحل بدلات عمتي تحجي ويه الولد

بدريه، ،اريد اغلا واحلا البدلات

الولد، ،صار دللي ام هارون

طلع البدلات اشكال وحده احلا من الثانيه حجت عمتي وهيه تباوعلي

هاا يمه ختاري الي تعجبج

خزامي، ،الدمعه بعيني درت وجهي الامي وحجيت

مادري ماما انتي اختاري

زهره، ،ولج يمه شمعرفني اني

خزامي، ،ماريد يمه

بدريه، ،تنهدت وحجت، ،طيني ارقه بدله عدك وبيش ماجان

الولد حجه، ،صار راح جاب بدله وحجه

هاي البارحه وصلت بعدني ماعارضهه ارقه بدله بل محل

بدريه،هاذ هو طينياها

الولد لفاها ورجعها الجنطتهة اخذناها وطلعنه صعدنه السياره نزلنه يم صالون دخلت اول مافتت اخذتني وحده وكالت نزعي ملابسج بهاي الغرفه ولبسي البدله سويت الكاتلي علي وطلعت امي تباوعلي ومقهوره عليه رحت ويه الماكيره وشتغلتني مكياج وهيه تحجي

شلون تردين مكياجج

خزامي، ،مادري

الماكيره، ،راح اسويج على ذوقي

خزامي هزيت راسي وسكتت اجت تخليلي مكياج شوي وكالت رفعي راسج
رفعت راسي اباوع بوجهي بل مرايه المكياج حلو كلش كوه حابسه دموعي عيوني صارت حمر عمتي تباوعلي وامي تباوعلي وتمسح بدموعها
سرحت شعري واني احس فاقده ماعندي شعور بس الخوف مسيطر عليه كملت وخلتلي الطرحه اباوع بوجهي بل مرايه دموعي تنزل بهدؤ اجت عمتي وهيه تمسح بدموعي راحت ورجعت كالت تعالي اخذي صور

خزامي، ،عمه ماريد فدوه

بدريه، ،الخاطري تعالي

خزامي، ،عمه فدوه ماريد لاةصور ولا اي شي

بدريه، ،هيج تفشليني واني اكلج الخاطري

خزامي مشيت وياها للستوديو جان بنفس الصالون فتت الغرفة التصوير وشوف هارون واكف يباوعلي

،
اححح خلصت البارت وماتتخيلون الهوسه اليمي 😂
قرائه ممتعه أحبتي