#قيود_العوف
بقلمـَي: ريتَا
لتنسون التصويت + التعليقات بين الفقرات قلبي 🖤.
تدرون التعب منتچي على ضلوعي ؟
تدرون آنه مامفتهم موضوعي ؟
تدرون آنه بيش مخلص اسبوعي ؟
عسى وياريت لاتدرون
ساعات امسح صوركم
وساعات امسح دموعي .
شبابات صوتوا دوسوا علىٰ النجمَة 🤏🏻
<__________________________>
-جُمان: شنو يعني لعد وين اروح اذا مراح ارجع لبغداد
-عَوف: تبقين هنا
باوعتلة بدهشَة وضحكت وگلتلة
-جُمان: اي ابقىٰ اسقي الورد مَي والزرع وادير بالي عليَهم
چان هادئ وأي ردة فعل ماكو عندة ! مجرد يباوعلي ومنتچي علىٰ الحايط ... غمضت عيوني وحچيت بقلة صبر
-جُمان: شنو جاي تتشاقىٰ وياي ؟ شنو ابقىٰ هنا
-عَوف: هذا الموجود حالياً ماترجعين لبغداد
بسَرعة وگفت گدامَة وگلتلة
-جُمان: شنو تفرض عليَه لو تجبرنيي شنو هذا الموجود
داگلُك اريد ارجع لبغداد اريد اميييي اريييددد امييييييي !!
-عَوف: أنتِ تردين تلغين وانه راسَي يوجعني مانايَم هواي
دخلي جوة وصَيحي براحتج ودگي علىٰ الحيطان هم
دگت رجَلي بالگاع وگلتلة
-جُمان: شنو ادخل جووووة احچيييي وياييي فهمنيييييييييي
عَاط بيَه ونزيَت من مكاني من گال
-عَوف: أنتِ ماتفهمييييينن جاي اگلج ماترجعين لبغداددددد عبالج بس الي صارو بين ايدينااا كم مرة اعيد واگلج لحد ما تتم المهمة كلهاا
-أنتِ بنفسج گلتي دخلوا وياهم كم واحد مااعرفهم .... يعني ماعرفوج ؟ ماعرفوا مكانج ماسألوهم منين هاي .. مجموعات كل حركة عند الثاني
بقيَت ساكتة ومبَرطمة وأعصر بأيدي ... انهضمت وخابت امالي بشَوفة امي
-قطع صمتي من مسَح وجهة وگال
-عَوف: بأيدي ارجعج لأمج
- جاي نشتغل جُمان لا تخربين شغلي ولا تخاطرين بأمج هَم!
هزيت راسي بسرُعة وگلت اله بدموع
-جُمان: لاا لاا والله اني بس اريد اشوف امي اريد اعرف اخبارها شصاير بيها والله طگ گلبي عليهااا وراح اموت افهمنييي اني كُل الاريدة اعرف امي بخير لولا امي شصاير بيها
بس خلي تعرف اني بخير زينة ... وغطيَت وجهي بأيدية وصرت ابچي بحرگة ومهضومة ومقهورة والله مو بأيدي امي هاي امي
سمعَتة زفر وگال
-عَوف: يابة امج انه اجيبلج اخبارها وراح اخلي شباب يراقبون بيتكم للأمان وعلمود امج هم زين هسَة ؟
اتنهدت بحيرة وحزن .. استسلمت لواقعي وقبلت ميخالف
مثل ما الله سهلها وهونها راح تهون هايَة هم اهم شيء ماما
تكون بخير وسَالمة ماا اريد شيء بعد ياربي
فتَح الباب وگال
-عَوف: فوتي وراح قاسَم يجيَبهم يمج
-جُمان: هزيت راسَي ودخلت للبيت واني الخيَبة تارستني
ما مقسَوم الي افرح وتكمل فرحتي لازم تبقىٰ ناقصة
مو رفيقَتي السَعادة ولا تستَمر ويَاي .
اول مادخلت چان مدخل مرتب منَة وفتت علىٰ الصالة
الي چانت عبَارة عن لون بيجَي واوف وايَت الوان مُريحة للنظر وللصدر چان البيت يلمَع ونظيييف وريحتة طيبَة سألتة بفضول
-جُمان: ليش ماكو احد !
-عَوف: بيتي هذا
-جُمان: اذا بقيت اني هنا وين تبقىٰ انتَ !
بااوعلي بنظَرة غامضَة وگال
-عَوف: سهلة هاي .. رجلج تحتاج تتعالج
ظليت گاعدة بمكَاني علىٰ القنفة ومتوتَرة وأعصر بأيدَية حيَل
صرت ارمَش سَريع وكُل شَوي اعض شفتي من التوتر والقلق
شَوي واندگ البَاب راح فتحَة واسَمع صوته يرحَب بيهم اول مسمعت صوتهم گمت .... فاتت عليَه حجية اول ماشافتني فتحت ايديها وگالت
- يمة صلاوات ع النبي حبوبة تعاي انطيني حبَة
عقَد حاجبي ورحت الها وباست خدي بعد ماعافتة
منا بوستين ومنا بوستين عرفت الحبة بوسه
وراها چانت بنيَة چاانت تخبل وناعَمة لابَسة قمصَلة سودة جلد وبنطلون اسود ومرتبَة بشكل ضحكت بوجهي واجَت حضنتني وسلمَت عليَه
خجلت من وضعي وشكلي ملابسي كُلها متدمرة وصرت اشبَه المومياء بالضعف اتنهدت ورسمَت علىٰ وجهي شبَه ابتسامة وگعدت يمهَم
اول ماگعدت گالت
-جميلة: ولك قويسم جيبلي اميَة اشرب نشف ريجي
-قاسم: رايحة مشاية ونشف ريجج لو چنتي تقرين هذا الماي گدامج صبلها بگلاص وگالت اله
-جميلة: يااااااااع شني گلاص انطيني الصلاحية ولك هذا مايرويني
-قاسم: ياطلابة الما تخلص هاچ
-جميلة: شثگلها هاي
-قاسم: چا بيها فلين غير متروسة ماي
ضحكنا كلنا علىٰ مناگرهم وگالت البنية
حبيبتي هايَة ملابس گومَي سبَحي وارتاحي
حتى نروح انه وياج للدكتور
اتوترت وحاولت ما ابين الها ابتسَمت بوجهة شو طگتها بضحكة وهمستلي وگالت ياخية نسَيت اگلج بأسمي انه اسمي رغد اصير اخَت قاسم وهايَة بيبي
ابتسمت وگلت الها
-جُمان: هلا بيج حبيبتي
اتضايقت من الگعدة وماعرف وين اروح وماا اندل شيء لا حمام لا غرفة اريد اسبح اريد اذب مَي علىٰ جسمي وارتاح ظليت محتارة
لحد ماشفَته اشر لرغد بحواجبَة وهي هزت راسَها اله وگالتلي
-رغد: جُمان حبيبتي گومي وياي
عيَد وجابة العباس بسرعة گمت وهَي اخذت الجنطة ورحَت وراها
دخلتني بغرفة باوعتلي وابتسمت وگالت هَاية انه وياچ بيَها راح ابقىٰ يمج لحد ما يخلص وضعج هيج بلغنا قاسم
اتنهدت ورديَت
-جُمان: لا تقيدين نفسَج علمودي
-رغد: عاااادي نتونس سوا بين متنحل
طبطبت علىٰ ظهري وگالت
هذا الحمام ادخلي سبحي وارتاحي حتىٰ نروح للدكتور
حضرت كل شيء وردت ادخل وتذكرت رجلي شصار بيها من ذبيت عليها مَي اتنهدت ورجعت گلتلها
-جُمان: رغد اريد علاگة لرجلي ماا اگدر اذا يوصلها مي اموت
-رغد: اي صار
راحت شوي واجت انطتني ايَاها وتشكرت منها وگعدت فتحت رجلي وهي تباوعلي ماا اسمعها اله شهگت بقوة وحطت ايديها علىٰ صدرها وگالت
-رغد: جُمااان شنوووو هاااي رجلج !!
اخذت نفس عميييييييييق وگلت الها
-جُمان: ذابحتني هاي
-رغد: مو زين جُمان مو زين لفيها وسبحي بسرعة خل نروح
باعي شكلهاااااا يمةة ازرررگ ومورمة گووميي !
لفيتَها وگمت وگالتلي
-رغد: من تسبحين هيچ وخري رجلج عن الماي
-جُمان: مايوصلها مَي لفيتها
دخلت واول مدخلت چان اكو مرايَة بالحمام شفت روحي وعساني ماشفتها مو اني الوجه ضعيف وشاااااحب وعظَام وجهي مبيَنة من الضعف جوة عيوني هالات وتعبانة
ظليت اباوع علىٰ نفسي بالمراية ودموعي تصب ، اني جُمان وين چنت ووين صرت حطيت ايدية علىٰ وجهي وصرت ابچي واشهگ ياربي والله تعبت سااااعدني دخيلك اطلع من شيء وافوت بشيء ثاني
گلبيي تعب ياربي واني تعبت لا أعتراض علىٰ حكمك بس اني انسانة عندي طاقة وبدت تخلص ساعدني دخيلك ساعدني ما الي عون غيرك ومحد يگدر يساعدني غيرك
طلعتني من أسوأ مكان چنت بيَه وخلصتني من أشد محنَة مريت بيها بحياتي ساااعدني وخلصني منهم للأبد ساعدني أرجع لحياتي أرجع لأمي دخيلك
ماقل بيَوم إيماني بيَك ولا حسَيت باليأس رغم كل الي مريت بيَه چان عندي امل چبييير بيك چان عندي إيمان وثقة بالرب الي داير الكون
كُله ياتُرىٰ يصعب عليَه وضعي ؟
حطَيت أيدي علىٰ گلبي وگلت
اللهم صلِ علىٰ محمد وال محمد كمَا صليتَ علىٰ ابراهيم وال ابراهيَم
وبارك علىٰ محمد وال محمد كما باركتَ علىٰ ابراهيم وال ابراهيم إنكَ حميد مجيد
دخلت جوة المَي الحار وجروحَي لچمتني أثار الضرب بكُل جسمي موجود غمضت عيوني واستسلمت لحرورة المَي واتغاضيت علىٰ الوجع بقيت هَواية جوة المَي ومغمضة عيوني وافكر فزيت علىٰ دگة الباب القوية
-رغد: جُماااااااااان فضيها خل نروح للدكتور
-جُمان: اي اي هسة راح اطلع
رجعت غمضت عيوني والمَي يصب عليَه رجعت دگت الباب حيل
-رغد: رجلج ولچ يلا خلي نروح مو زييييين
-جُمان: اي راح اطلع استسلمت وطلعت لگيتها واگفة گدام الباب ومتخوصرة
-رغد: جسمي گام كله يوجعني من شفت رجلج خاف بيها شيء خلي نروح هسة فدوة من ترجعين نشفي شعرج
-جُمان: لا خلي انشفة وامشَطة ونروح
-رغد: يييييما شلون صابرة علىٰ وجعها !!
-جُمان: هذا الوجع اسابيع واني عايشة بيه صار يسَري ويَ الدم
وخرت الخاولي من شعري وطلعتلي سشوار انشَف شعري بيَه
-رغد: لون شعرج شگد حلو
-جُمان: علىٰ ماما اني هيچ شعرها من الله
-رغد: ماشاءالله يجنن
ابتسمَت الها واخذت السشوار احس المَي هيج الوجع كُله بالگوا صرت ارفع ايدي ... اجت اخذته منَي وگالت شبيها ايدج هم !
مسَحت علىٰ وجهي واتنهدت وگلتلها
-جُمان: من الضرب
-رغد: اووووف يمة دوري دوري انه اسشور الج
سشورت الي وخلصَت وانطتَني بشَت اللبسَة دالبس بيَه واندگ باب الغرفة اجة صَوتة الخشَن وهو يگول
-عَوف: رغد
-رغد: اجيييينااااااا ... يلا جُمان
طلعنا وصعدنا بالسَيارة واني دمام يدُگ بگلبي من الخوف رجلي كُلش وضعها وافكر بوجعها
-نزلنا گدام المستشفىٰ واجتي رغد لزمتني من ايدي ودخلنَا گبل علىٰ غرفة الدكتور اول مدَخل ويَانة گام اله الدكتور ويرحب بيَه ويگُلة
-الدكتور: نورتنا سيدي تفضل تفضل
تشكر منَه وگال اله
-عَوف: تفضل دكتور شَوف رجلَها شرحت الك انه علىٰ الوضعية
هز اله راسَة وگال تفضلي ... اول مافتح رجلي عقچ حاجبَة واني گلبي طاح بين أيديَة وگال
-الدكتور: شنو هاي حيل ملتهبة ماكلها الالتهاب والجراحَة تارستها
باوعلي وگال هايَة راح اتعبَج اليَوم من انظفهَا ألج
هزيت اله راسَي واني لو اكو درب شردة ماا اوگف دقيقة هنا من الخوف ابتسمَت اله وگلت
-جُمان: ميخالف دكتور
گام وطلع من الغرفة كُلها
رفعت راسَي اجت عينَي بعيَنة چان مكتف ايدية وعاقد حاجبَة ويبَاوع بنظرة ماراضَي بيها
شحَيت نظري عنَة وبَاوعت لرغد چانت تبتسم الي وتهز براسَها
ياا الله شگد حلوة هاي البنية ابتسامتها تجنن دخلت گلبي
وماصار الي يوم اعرفها بس سبحان الله اكو ناس بيَها قبول لدرجة
لو تشوفهم ثواني يدخلون گلبك من كمية القبول الي الله حاطها بيهم
رجعت باوعت اله چان داير ظهرة ويقَرة بشهادات الدكتور الي معلگهن ركزت بتقاسيم ظهرة واكتافة من فوگ بقيَت ارمش واني اباوعلة
بس بسرعة وخرت عيني ورجعت اباوع علىٰ رجلي وفات الدكتور
الدكتور: جُمان رجلج لو باقية كم يوم بعد والالتهاب زايد اكثر
وضعها يصير أسوء وما يسرج بس الله لطف
اتنهدت وحچيت بگلبي
-جُمان: بكُل شيء الله واگف ويايَة ولاطف بحَالي
بدة ينظف بالجراحة واني كُل شهگة اذبها تطلع روحي ويَاها
صرت اعصر بأيد رغد بكُل قوتي وهي تطبطب علىٰ ظهري وتگول
-رغد: ميخالف هسة يخلص اتحملي علمود تصير زينة جُمان
واني شفتي ترجف من الوجع وكُل مَا اجَاه احسَة يحفر برجَلي حفر بالتنظيف بقيت كاتمة صرختي واعصر بأيد رغد ذبيت حرگتي ووجعي بأيدها وعَوف يباوعلي ويُگول
-عَوف: دكتور حبيبي علىٰ كيفك
-الدكتور: وداعتك سيَدي الرجل ملتهبة والجراحة واصلة مرحلة بيها لازم انظفها جاي تتأذىٰ من الجراحة هَي لازم تتنظف وتتعقم
روحي شاغت حسَيت گلبييي ديطلع من صدري من گد الوجع
بعد ماگدرت صرت ابچييي واشهگ ديحفر برجلي دامووت
-جُمان: دكتورر كااافييي كافييي بعدد مااا اريد
-الدكتور: شَوية اتحملي ميخالف بقىٰ قليل
-رغد: جُمان ميخالف فدوة هاج أيدي عضيها من تتوجعين
-جُمان: ييييييمةة راح امووووووت
بعد راح العيب مني مافكرت بالعيب روحي صارت تطلع ويَ كُل حركة منَه برجلي وصرت اعيطططط بكُل صوتي .. اباوعلة صار يروح ويرجع بنفس المكان مسح علىٰ وجهة وگال
-عَوف: دكتورنا شنو الوضع طالت
-الدكتور: خلصناا بس اعقمة واكتبلهاا علاجات
هو حط المعقم علىٰ رجلي واني صرت ارافس واصييييح
-جُمان: يييييييمة يحرگ يحرگ ولچ ييييمة
ورغد محتارة شتسوي تبچي وياي ومبرطمة وهو واگف علىٰ اعصابة مدري من عياطي مدري من الدكتور
-الدكتور: مو نظفت الجرح لازم يتعقم حتىٰ مايرجع يلتهب جرحج مفتوح علمود هيچ يحرگج المعقم اتحملييي
ملابسي انترست دموع واني اصيح اااااخ يمةةة
عقمها وحط عليَها علاج ولفهَا
گمت ودخت ماسيطرت علىٰ نفسي بسَرعة رغد لزمتني
-رغد: ابقي شَوية توازني دايخة أنتِ
كتبلي علاج الدكتور واتشكر منَه وطلعنا اذا اجيت اعرج هلمرة طلعت اطفر صعدنا اني ورغد بالسيارة وباوعتلة راح للصيدلية يجيب العلاج
ميلت راسي علىٰ كتف رغد وگلتلها
-جُمان: شُكراً رغد ما راح انسىٰ هلموقف أبد
-رغد: سودة عليَة شسويت انه بس صيري زينة والله گلبي ممرود
باوعتلي وگالت ممرود من وجعج ومن وجعي طلعتي روحي بالعصر ايدي جاي تستغيث حتىٰ صارت زرگة
ضحكت وگلتلها
-جُمان: هاي أيدج عوضتني
-رغد: يلا عصر ولا عض نوب انه من گلتلج عضيها گلت دخيييلج يالزهرة بس لا صدگ تعضها وهي بهاي الوضعية وفاقدة غير لحم ايدي يصير بسنونها
-جُمان: ولا انتبهت لو منتبهة عاضتها ومطلعة حرگتي بيَها هم
-رغد: الله ستر غير گال هاي المسكينة هواي عانت واخليها تعاني من العضة هم مايصير لازم اكو عدالة
ضحكت وسكتنة اثنينَة انتظرنا هواي وماكو مَا اجة
-جُمان: مو طول ؟
-رغد: اي والله
هم انتظرناااا هواييية وماكو عقدت حاجبي ودگ الخوف گلبي
واني عيني علىٰ الجامة وانتظرة ومااا اله اثر
جسمي صار يرجف من الخوف غمضت عيوني وگلت ماكووو غيرهاااا
يمةةةةةة اااااانخخطططفففف !!!!!!!!
يتبع ....
<________________________>
حسَاب الانستا نوروني هناك
rita.almukhtar