:هلـي آلضـيـم العلي مو كد مـوآليـدي 💔
......................................
حنين: بليل شفت حيدر كاعد بلحديقة ومهموم يدخن ومايدري بنفسة كعدت يمة باوع علية
حنين: شبيك حبييي صاير شي
اخذ نفس ورجع روحة على كرسي
شرار: شغلة ببالي ماذيتني كلشش
حنين: شنو هية يروحي تحب تحجيلي
شرار: صديقي
حنين:يي شبي
شرار: بهاي لفترة توصلة محادثات على مرتة ووصور لها
حنين: يمةة وشلوون يعني
شرار: هية تحجي وياواحد جان عندة علاقة بيها من قبل لاتزوج وهسة راجعتلة وتحجي ويا وبينهم صور وكلام حب تضوج من زوجها وتكرهه تكرهه حتى من يتقرب عليها تسوي كلشي بس حتى يعوفها زوجها وترجع لذاك
حنين:اوفف هووواي سامعة اكوو هيج موجديد هلشي بس هو لايصدك من لمحادثات لتجي خل يلزم دليل قوي احسن لايضلمها
شرار:هوو مامصدك لمحادثات لان مامتوقع هلشي منها يريد اثبات قووي بس صعببةة صعبببة يشووف هيج مررتة وتوصلة هيج محادثات صعبة كلشش حنين
حنين:طبعا صعبة ولسبب من مرتة شنو لنفس لتعبانة
هاي
شرار:اووف يارربيي مامقسولي ارتاح
حنين:انت منو يمك حبيبي هو صديقك
شرار:يي
يلا راح اروح اني انتي طبي جوة جماعة مهند واكفين بلباب
حنين: ماشي حبيبي
راح هو واني دخلت جوة شفت فرح واكفة بلمطبخ تسويلها اكل وكفت اسولف وياها واكلنة وصعدنة بيوم احنا كاعدين بلصالة كلنة وفرح فوك اجة حيدر سئل عليها امي كالتلة فوك راح صعد مر وقت
ونزلتلنة فرح بحالة متت عليها نزل حيدر وراها ومافاهمين شي منهم بساعة وحدة نخبصنة خبص اجوي لولد واخذوها ب لاستقبال كسر لباب ودخلها واحنا لازمي جان اكو على ميز لبلازما
تحفية قديمةثكيلة كلشش يمكن وكعدتت مرتين مني ومانكسرت حجمها وسط جان يشيلها ويشمرها عليها اجت براسها واحنا صرخنة شفنة حالت فرح شصار بيها
ومهنـد ايدة لصارت كلها دم منها وحيدر وكف مصدوم يباوع عليها حس بلسوا وضل واكف والازم لميز يباوع مابدر منة اي شي ياسر شال فرح واخذها
هو ومهند وامي وشهد ولحجية طلعت وراهم تريد تروح عافوها وراحو وين بيها حيل وتروح رحت لحيدر واحرك بي
شسوويت حيدررر ليششش هيجج ليشش
عافني وطلع بسرعة كعدتت بلكاع ابجي واشوف دمها بلكاع متت عليها ردت بس اسمع شي عنها
اخابر ومحد يرد ولحجية هم تبجي عليها يربي شوكت راح ترتاح هلبنية يومية سالفة وهية بعدها طفلةة دخيلك ياعلي كومها بسلامة كمت جبت نونة
بس تبجي ومستمرة اتصل مر تقريب ساعتين على روحتهن واحنا مفرفحين نريد بس نسمع شي عنهم
...................
شهد: اخذناها وكوة وصلنة بس شافو حالتها هيج بسرعة دخلوها وضلينة ننتضر يفوت واحد ويطلع واحد متنة عليها تقريب نص ساعة من وصلنة
واجوي ابو فهد وعباس كعد ومخلي راسة بين رجلي وايدة على راسة راحتلة عمتي وتبجي وتكلة
ام شرار: ليشش ليش هيج سوويتت يمةة ماافكرتت تمووت يصير بيها شيي
رفع راسة وعيونة حمرر دم ووجهة مصبوغ احمر باوع على امة ثواني ورجع لوضعيتة شوية وكام يريد يمشي داخ ويريد يوكع جلب بلكرسي اجو لولد
لزمو دفعهم ورجع كعد راح عباس دقايق واجة ويا ممرضة كعدتت يمة قاست سكرة وكالتلة
الممرضة:انت شنو مرايد نفسك تدرري سكرك شكد؟
باوع عليها ومايحجي
عباس:شكد كولي
لممرضة: عيني سكرة 500 مبين من عيونة مرتفع هو شنو عندة سكر دائمي ؟
عباس: يي دائمي
لممرضة: اذا ضل هيج لاسامح الله ينجلط والله يعلم شيصير خل اشوف ضغطة حتى نسوي لاشياء لازمة له
شافت صغطة وكالت
الممرضة:هااي انتم صدك تحجون ترة بس يضل هيج تخسروو والله تدرون هسة حالتة شنو زين وكاعد هيج تفضل عيني وياي
عباس: كوم وياي خوية
شرار:عبااسس رحممةة لدينك ووخرر منيي
عباس: بس نشوفك ياخوية شجاك
شرار:يطبني مرض
الممرضة: هذا مو حلل عيني حتى اذا جنت تعبان على حال لمريضة بس هية اكيد ماتقبل تسوي هيج بنفسك انت شتصير منها ؟
عباس:زوجها
الممرضة:بصراحة حالتها خطرة يمكن تفقد النضر او حتمال جبير تتدخل غيبوبة ويمكن لا كلشي بيد الله انتو ادعولها والله كريم
شرار: وانتييي شمعررفجج بكيفجج تحجييين
ياسر: خوية بس على كيفك شساالفةة متكليي
راحت لممرضة وهو كعد يلوب حاير شيسوي عافنة وكام يمشي كوة راح ورا عباس
ثاني مرة اشوف حالتة هيج مرة قبل لايتوفه عمي هم هيج حالتة وهسة هم الله يكومها بسلامة يارب
....................
عباس: رحنة لدكتور خاص يشرف على حالتها بل نص ساعة واجة حجة ويانة
الدكتور:المريضة حالتها خطرة الضربة ب راسها ف كلشي توقعو بهاي لساعات احنا لعلينا جاي نسوي ولباقي يم الله
شرار:فهمنة شلون يعني
الدكتور: ممكن تتدخل غيبوبة وممكن تفقد بصرها والاثنين واحد اخطر من لثاني الغيبوبة مانعرف شوكت راح تصحى وشنو لمضاعفات لراح تصيرلة لشخص ليدخل غيبوبة هو ولميت سوة اماا البصر ف هو اهم حاسة عندة الانسان ادعولها
شرار: صارلكمم سااعات شسوون
الدكتور:استاذ حيدر كتلك حالتها خطرة احنا جاي نسوي لعلينا ومن غير شيي لمريضة متعرضة لتعنيف
ف من تصحة بسلامة نشوف شغلنة بخصوص هاي لمواضيع
شرار:شووف شغللك ولاتتدخل ب امور ثانيةة سووي كلشيي لتكدرر عليه مفهووم
عباس: حيدرر
تفضل دكتور شكرا لك
راح لدكتور باوعت عليه
عباس:شبيككك حيدرر شبيكك
انت بووعيكك تعررف شجااي تسووي
دفعني وحجة
شرار: لك عباسسسس محدد حاااس بللل انيي بييي لاتحجيي شييي جااايي اموووتت تعررف شنوو جااي اموووتت انيي
عباس: هاي بعد مكتوبتلك
شرار: يااعليي دخيللك فرحةة رايدهاا منكك
تعبتت من الخسر ولفقدد ليشش الدنيا دوم تلزمني من لشي لاحبة وتضربني بي.
عباس:صلي على محمد ياخووية
اباوع علية حاير شيسوي وشيحجي ياررب كومها بسلامةة
.......................
حنين: كاعدة على درج ومنتضرة اتصال منهم اريد بس واحد ينطيني خبر يفرحني اجت شيرين كعدتت يمي ولخوف ماكلها استغربت شعجب هيج
شيرين: هاا بشريي
حنين:بعد ماكو شي
صفنت وتكول
شيرين: والله مادري راح يصير هيج
حنين:وهو منو ليدري مثلا اوووف فررح سودة عليه
انفتح باب لمطبخ كمت اشوف منو وشايلة نونة طلع فارس كتلة بسرعة
حنين:فدووة ماعرفت شي
اخذ مني نونة وباسها وكال
فارس:لحد هسة ماكو اخبار جديدة
حنين:زين فدوة كلي حيدر شلونة
فارس:شلونة يعني ضال ياكل بروحة اكل كل شوية يريد يوكع ومعاند مايقبل يروح يشوفون وضعة وكلها مفولة عندة
حنين: بجيت وحجيت
فدووة ديربالكم عليه وطمننونة لاتخلون بالنة هيج
فارس: لاتبجين ماكو شي ان شاءالله
حنين:ان شاءالله
فارس: يلا اريد اروح شلون هسة ؟
حنين: يي روح شبيك؟
فارس:مسحي دموعج حتى اكدر اروح
حنين: ضليت مصفنة بوجهه انطاني نونة وطلع
(وبعدها اجاانة اسوء خبررر )
.............
شهد: ننتضر وماكو نتيجة نريد واحد يطلع يطمنة ماكوو حيدر كل شوية متعارك ويا واحد وهو كوة واكف عود كاعدين وهو يمشي يروح ويرجع راح وسمعنة صوت وكعة قوية باوعنة كلنة وشفنا شلون واكع ركضو بي لولد ومتنة خوف عليه شنو هذا ليوم
يارب دخيلك. ساعتين واجة تعباان كلشش وبيدة كانونة كعد على كرسي ومنزل راسة بين رجلي
وعمتي كاعدة يمة وتبجي طلع الدكتور وكالنة خبر تمنينة ماسامعي
شرار:دكتور احجي شلونها حالتها؟
الدكتور:نعتذر منكم المريضة دخلت بغيبوبة مثل ماجنة متوقعين
شهد: اباوع على حيدر تخبل وضل يحجي على دكتور كوة لزمو
الدكتور:يعني لمريضة متعرضة لاصابة بل دماغ شتتوقع تكعد بساعة مثلاا لوو تكوم عاديي ورجاءا ميصير واكفين هوايي هناا ابقوو اثنين فقط ويا لمريضة هااي عناية موو لعب
شهد: شصار بحالنة والله وماقبلو يخلونة رجعونة للبيت بقو لولد يمها رجعنة مهند وراح وكاعدين كلنة نبجي على حالتها وندعيلها اصعبب مووقف ماانعررف شوكت تكعد وراح تكعد لولاا
5ايام وفرح حالتها نفسها حيدر مااجة للبيت ولاشفنا يجون ياخذولة ملابس ياخذون اكل لولد نسئلهم عليه حالتة اسوء فجاءه يتخربط عدهم ويطلع سكرة لو ضغطة هابط ثاني يوم حنين رادت تروح وضلت
تبجي الا ياخذوها تكول تحلمت حلم موزين واحلامي اعرفها عاد اخذوها لعصر
..................................
فزيت من حلم ابدد محلوو متت خوف عليهم توسلت بيهم حتى ياخذوني العصر اخذني ياسر ورحت وصلنة ورحنة يم غرفة لولد كاعدين عباس ومهند وفارس وحمزة صديقهم بس حيدر ماكو
وكف فارس ويكول لياسر
فارس:ليشش جبتها هناا شبيك يااسر امشي طبي بلغرفة
حنين:عفتهم ودخلت بلغرفة لبيها فرح بس وقفني لمنظر لشفتة كبالي ضليت واكفة يم لباب واباوع ودموعي على خدي فرح راسها وعيونها ملفلفة وباقي شعرها على مخدة وماتعرفين لاجهزة من كل مكان وهو كاعد يمها على كرسي ولازم ايدها ويبوس بيها ويحجي وياها
حيدر: يلا فرحتي يلا كاافي نوم كعدي والله قابل بكلشي بيج وحتى لصار نعوفة اروحلج فدووة ريحي گلبي وفتحيلي عيونج ياحبيبة عيوني انطيج من حيلي وكوميلي تسمعيني موو يلا يبعد ناسي انتي اريد اشوف عيونج اشتاقيتلهن فرحة گلبي يلاا فتحي عيونج وفرحي گليبي بشوفتهن
باس ايدها ورجع باس خدها وباس عيونها لمتغطيات بهدوء حجة وصوتة مبحوح
حيدر: ليشش ليشش سويتي هيج ليش خليتني اذيج اخخخ يفررحة گلبي مامتوووقعها منجج ابددد لج تكليلة احبك وانتضرني اطلك منة وارجعلك
اخخخ ياااعلي شسويلج وتكعدين فهمينيي
حنين:رحت يمة واني ابجي بصوت باوع علية ونزل راسة
حنين: حيدرر شصاايرر بيهاا ليشش هيج شبيهن عيونها شدعوة هلكد مخلين اجهزة شوف ايدها شمسوين بيهاا لك ليش هيج ليش
جر حسرة ورفع راسة ليفوك وغمض عيونة
حنين:لازم نكول لاهلها يجون يشوفها خطية حيدر بلكي من تسمع صوتهم شي تكعد
باوع علية وصفن هز راسة ومسح وجهه وطلع
ضليت كاعدة يمها لليل عسى ولعلى تسمعني شي تكعد ب 10ودخلو اهلها كلهم امها حالتها حالة وتبجي وابوها واخوها شصاير بيهم
كعدو يمها ويبجون عليها من شافو حالتها امها تخربطت واخذوها. ورة ربع ساعة رجعت اجت كعدتت يمها وتبجي وتمسح على راسها
ام فرح:يمةة سودة عليه هيج صاير بيج واني مو يمج من تاذيتي شكلتي صحتي ( يمةة) شكلتي واني مو يمج عمت عيني عليج يمة ردتيني واني ماكو يمج فرح بنيتي اني اجيتج كومي حاجيني شوفيني عيونج لحلوات يبعد عيوني ليش ماتحاجيني ولج ممرود كلبي عليج
كومي يمة احجيلي شصار وياج تاذيتي واني مو وياج نزلت دموعج وبجيتي ومالكيتيني وياج هذا ابوج اجاج مو تكليلي يمة طاك گلبي عليه فدوة بس اريد اشوفة هل اليوم اجاج
حنين: تحجي وتبجي موتت نفسها وابوها منزل راسة عليها ويبجيي متتت عليهم كلام امها موتنة حيدر طلع وعيونة حمر طلع ورا اخوها ضلو اهلها
يتعاركون ويا حيدر حتى ياخدوها يمهم وحيدر متخبل رجعت اني بعد للبيت وضلو يجيبون اخبارها لنا ونفس لشي وليوم مر على حادثة 10ايام كعدنة لصبح
مثل كل مرا الوجهه كلها حزينة لو نبجي مانشتهي لااكل ولاشي اجة مهند يلخذ ملابس جلبت ويا ورحت ماكدرت ماروح اشوفها رحت ونفس لشي اهلها يمها ونفس وضعها دخلت وسلمت وكعدت
من اشوفها مااكدر الزم دموعي حيدر جان واكف يم لباب اجة كعد يمها على كرسي لزم ايدها وخلا راسة عليها شوية وفز بفرح وكام وكف
حيدر:ايدها ايدهاا حركتهاا فرحة بوية تسمعيني
حنين:وهنا جان احلاا يوم بلنسبة لنا فرح رجعت لوعيها بعد 10ايام لي حسيناهم سنين مو ايام ومن اجة لدكتور شافها كال
ماجنة متوقعين هسة تكعد ايسنة منها احمدو ربكم
ابو فرح:دكتور ليش متحجي شي وهذا الشاش ليش متوخرو من عيونها
الدكتور: خليها هسة بي لان مثل ماكتلكم سابقا عدنة احتمالات بسبب لضربة لمتعرضة لها ادعو مابيها شي عوفوها ترتاح هسة رجاءا حتى نشوف لاجراءات لنتخدها بعدين
حنين:طلع لدكتور واحنا كلنة متجمعين عليها
بللت شفايفها بلسانها وعقجت وجها بوجع ورادت تحجي بس ماكدرت
حيدر: شتردين يگلبي فرحتي
ابو فرح: بوية فروحي اخذتي كلوبنة موتينة عليج
حنين:حركات ايدها بلكوة ومشتها على جرباية ولزمت ايد حيدر واعتقد جان مقصدها تلزم ايد ابوها
حيدر: هاا فرحة بوية
من سمعت صوتة عقجت ملامحها وعافت ايدة بسرعة اجة لدكتور ويحجي وياها ويحرك برجلها وايدها
الدكتور: يلا يابطلة حاولي تحركيهن حركي رجلج ليمنة بلا يلاا ياحلوة
حركت رجلها ببطى
الدكتور: عفيية يابطلة يلا حركيلي ايدج يلا
حركت ايدها
والدكتور يحجي وياها ويشجعها
الدكتور:يلا هسة حاولي تحجين احجي اي شي يلاا بابا خنشوفج بطلة لولا
حاولت تحجي بس ماكدرت
الدكتور:خلص لاتحاولين وتعبين نفسج هسة شوية شوية يرجعلج صوتج اهم شي انج كعدتي هسة
انتم هم لاتعبوها خلوها ترتاح
ضلو اهلها يحجون وياها ويشاقوها ويبوسون بيها
ابو فرح: لزم ايدها ويبوس بيها ويكول
حبيبة ابوها فروحتي يلا صيري زينة واخذج وياي اريد اشوف فروحي لقديمة
ام فرح: هسة عيني تكعد وكلشي مابيها وترجعلنة فرحة بيتنة
ليث: عوفوها هسة هية عجوزة خطية تذكرين من جنتي تكليلي لشايب هسة اخذ حقي منج هاا فرووح
ابو فرح:غير اموتك شحدك
همة يحجون وفجاءه وفرح اختنكت ضلت تكح وتحس انكطع نفسها طلعنة كلنة ضل بس حيدر وليث يمها واجاها لدكتور وامها تبجي وابوها يفتر طلع لدكتور وطمنة ماكو شي ومانخاف
ثاني يوم اجوي اهلي كلهم لان سامعين بيها واجت امي ترست لمستشفى جكليت وكاعدين يمها وهية نايمة شوية وكعدت بس اول ماكعدت كالت بصوت ناصي كله تعب كوة ينسمع
فرح: ب بابا وي وينك
ضلت تحجي ولازمة ايد ابوها كوة تحجي ومامفهوم عليها وتقطع بل كلمات . 3ايام وشوية تحسنت حالتها كامت تحجي
عادي
وتتخبل اذا سمعت صوت حيدر تضل تصيح وتبجي وتكل لاهلها اخذوني وياكم.
فرح: واني نايمة وشفت حيدر بيدة طفل يخبل جنت ابتعد منهم وامشي وعيني عليهم وحيدر يصيح علية
حيدر: ووووين رايحةة فررحة تعااي اخذذي ويااج لاترحيننن ولجج
ردت امشي بعد وابتعد عنهم وسمعت صوت الطفل لبجة خلاني افزز على ريحة معقمات دخلت بنص خشمي ووجع براسي دماررر
سمعت صوت اهلي وصوتة بس مابيدي شي اسوي ولاكدر احجي احس صوتي مايطلع وبلعومي متجرح ويابس
وماعرفت اني فاتحة عيوني لولا زين ليش ضلام اريد احجي واكلهم ليشش مجااي اشووف
ليش الضلام محاوطني ليش اسمع بس اصواتكم وينكم انتوو شصاير ويااي ووين اني بس صوتي مجااان
يطلع ابدد كل مايحجي وياي واسمع صوتة احس
وجع راسي يزيد احس اريد اصرخ من هل وجع خفف وجع راسي ومحد حاس بية كلهم يحجون وياي ومحد يدري شصاير بحالي وشلون متوجعة
نمت وماعرف شلون وضليت افز على وجع راسي وصووتي ماكوو ماعرف هسة شنو ليل نهارر ووين اني شصاير وياي ليش هيج حالتي اهلي شلون اجوو
اني بواقع؟؟لوو حلم وراح افزز منة؟؟ بيووم كعدت وحجيت وطلع صوتي كوة اسئلة كوومةة عنددي بس ماعندي لحيل لاسئلهن. جنت اسمع صوتة
واتخبللل مارريدد اسمع صووتة ليش هو موجود مو هو سبب دماري مو هو لوصلني هيج ؟ هسة ماخذ دور الحنين ؟ لوو شنوو كل مااسمع صوتة لو ادري بي موجود اتجننن احسس لوجع كله يجيني
ماررريد شي منة ولااريد اسمع صوتة بس خل يعوفني بحاالي شيسويلي بعد؟؟ شرفي اخذة ! اغتصاب وسواها ! اتهمني وشوهه سمعتي!! سقططت طفلل واني بهل عمرر !! وهسة اخر شي دخلني بغيوبة شيريد يسوي اكثرر من هيج بعد؟؟
كرهتة وكرهت اسمة وشوفتة وصوتة
كلشيي يخصة يخليني اتخبللل اجة الدكتور ويريد يشيل لشاش من عيوني واسمعهم كلها تتدعي واني مو فاهمة شيي شنو لي ديصير شبيهم هذوول ؟؟
فتحة شوية شوية وجنت لازمة ايد وكل ضني ايد ابوي وضاغطة عليها كل مايفتح فتحة كله واني مغمضة عيوني
الدكتور: بسم الله يلاا بابا فتحي عيونج بعد لاتخافين
فرح:احس حتى عيوني لازكات وماينفتحن فتحتهن على كيف واباوع كلها صافنة بوجهي ويكولون
(يالله يالله ) باوعت وصارر كبالي واني لازمة ايدة احس تخبلتت هيج عندة لجرائة مسوي هيج وهسة جااي لازم ايدي وخايف علية عشتو شكد جان مابية حيل بس دفعتة
فرح: وخررررر منيييي انتتت شترريدد تسووي بيةة بعددد
الدكتور:اهددي بابا وكليلي هسة تشوفين
فرح:ليشش مااشووف اشووف خللل يطللعع منييي يلااااا رووحووو كلكممم خلللل يطللععععع
اجت امي تهدي بية وابوي يريدة يطلع
فرح:اخذوونيي وياكمم انييي كلشيي مابيةة اخذوونييي فدوة
لزمت راسي بقوة واحس راح ينفجر من الوجع
راسييي راسييي ليش هيجج يوجعنييي
ضل يهدون بية لحد ماهديت وحدي احس اذا صيحت ارتاح
فرح:مارريددة ماريد اشووفة خلوني اطلع منا كلشي مابية اني بس طلعوني والله مابية شي بابا فدوة اخذنييي
ام فرح: يمة حبيبتي دنامي هسة واحنا نطلعلج وناخذج ويانة والله يلا حبيبتي
نمت وغمضت عيوني همة طلعو بليل كاعدة بس مغمضة عيوني حسيت واحد دخل بس بقيت مثل نومتي لزم ايدي وعرفتة منو من الحسرات مالتة
فتحت عيوني وكتلة
فرح:شتريد بعد مني؟
حيدر: لاتسوين هيج بية
فرح: شمسووية انيييي
انت لاتسووي هيج بية
حيدر: ماجنت ادري راح يصير هيج شترديني فررحة اجي ابوسج واكلج عفية عليج
فرح:ماسويت شي غلط
حيدر: كل لمسويتة موو غلط
فرح: يي موو غلط الله يخليك عوفني اروح ويااهلي
حيدر:روحي مامنعج بس بأي وكت تلكيني جاي واخذج
فرح:ماريدك بعدد
حيدر: ماتخلصين مني مثل خيالج راح اعوفج ترحين اياام بس
فرح:اطلعع براا
حيدر: اعتقد لضربة خبلتج بل زايد وخلتج تنسين منوو اني
فرح:مايهمني منوو بعد
حيدر: جا سهلة
فرح: طلع واني افكر معقولة سوا هيج لان شافني حاجية ويا هذا يدخلني غيبوبة علمود شكم رسالة لو اكو شي ثاني بس بعد ميهمني ابدد ارجعع ويااهلي وماريدة بعدد
ثاني يوم لصبح طلعوني على مسؤوليتهم. جنت مجلبة بأامي وابوي حيدر اصلا ماشفتة بس لباقين موجودين طلعت ويااهلي وعفت كلشي هناك مشت بينة لسيارة وابتعدنة عنهم دموعي ماوكفت ابد
ابوي ماقبل نرجع لبغداد علمود وضعي ولطريق
توسلت بي حتى نرجع من شافني هيج وافق رجعت راسي على كرسي وغمضت عيوني اتذكر لي صار حتى ماكوو ذكرى حلووة وياا بس بجي وضيم
متندم على سوا لو عادي عندة فرحان رجعت ويااهلي حتى مااجة يلا عندة شيرين اهم مني ياررب طلعة من ببالي وخليني انسة كلشي والله تعبت ومااكدر اتحمل اكثر بعد
غمضت عيوني ونمت بعد من بين كل هلافكار
فتحت عيوني واني بحضن امي ابتسمت براحة بوجها
فرح:شنو ماوصلنة
ليث: لااحنا بغداد هسة ماابقة شي
فرح: ضلو اهلي يشاقون وياي ويحاولون يضحكوني لحد ماوصلنة لبيتنة حسيت لصار سبب حتى ارجع لاهلي ومجرد وصلنة لبيتنة وياي اهلي وراضين علية
هلشي خلاني ارتاح وانسة دخلنة للبيت واني الابتسامة على حلكي دامشي واجة ابوي اخذني لحضنة ضحكت وبنفس لوقت بجيت
اخذني لحضنة اكثر واني ابجي واشهك بحضنة وهو يمسح على راسي بيدة ومخليني ابجي براحتي وخرت منة ومسح دموعي وكال
ابو فرح:من هاي لحظة ماريد اشوف دموعج بعد اريدج دوم مرتاحة اريد اشوف فرح لقديمة انسي كلشي بعد ماريدد تفكرين بلقديم ابددد
فرح:هزيت راسي
ابو فرح:عفية بنيتي يلا روحي ارتاحي
ام فرح:يلاا يلاا فروح اصعدي لغرفتج غيري ورتاحي
فرح:صعدت فوك لغرفتي كعدتت على جرباية واحس نفسي رجعت مثل قبل بس يارريت اكدرر انسة ماريد افكر بشي ليش مجاي يرحون من بالي
كمت اخذت من ملابسي لقديمة ودخلت للحمام غسلت وطلعت لكيت امي كالت
ام فرح: بيج حيل تنزلين تاكلين يمة لو اجيبة لج هنا
فرح:لاانزل حبيبتي
ام فرح: يلا تعاي وياي
فرح: نزلت وياها لكيتهم كاعدين بلمطبخ مثل مااجنة نكعد
ابو فرح:هسة نور بيتنة ورجعت لحياه بي
ام فرح:يي والله هسة يلا ارتاح كلبي
فرح:باوعت على ليث هادئ مو من عوايدة جنة اني ويا عرك اذا اهلي كالو شي عليه هسة حتى مايحجي وياي رفع عينة علية شافني اباوع علي ابتسم
بوجهي ونزل راسة استغربت وضعة بس كلت بعدين عندي حجي هوايي ويا اكلنة واخذت علاجي ورحنة كلنة كعدنة بلصالة
ابو فرح:فروح اريد اسئلج سؤال بابا
فرح:يي بابا تفضل
ابو فرح: شلون جانت عيشتج هناك زينين وياج جانو
فرح:يي زينين كلهم.
ام فرح:امة وبيبتهم شلونهم وياج
فرح: اكثر اثنين زينين ومايقبلون علية خاصة لحجية كلش حبابة
ابو فرح :وهوو؟
فرح: اخذ نفس وكتلة
هو اكثر شخص اذاني بس بهاي لفترة اتغير وكام ماياذيني ومايقبل عليه.
ابوفرح:زين شلون وكعتي وهيج صار بحالتج
فرح: ماعرف ليش جذبت ومادري منين طلعت هاي لجذبة
فرح: موتدرون سرور جابتلي تليفون اني جنت احجي بي حتى وياصديقاتي وهو مايدري بي وشافه عندي ضربني علمودة واني خفت منة رحت اركض عل درج اريد انزل جوة ووكعت ومادري بعد
ابو فرح: يعني هيج لسالفة
فرح: اي
بس هو ليش جان يكرهكم شنو لبينكم وهيج يكرهكم
ابو فرح: شكلج علينة جان
فرح: بس يغلط عليكم ويريد ينتقم ماعرف شنو احجولي ليشش
ام فرح: هسة مو وكتها يمة تعرفين بعدين
فرح:لشوكت بعدددين انيي صاررر هيجج بية بسببكمم مااعرررف شمسووووين احجوولي يلاا
ام فرح:يمة على كيفج
فرح: عفتهم وكمت
حتى مجاي اعرف شحجي وشخربط
يومين واني مخلصتها بس بغرفتي مانزل جوة ومااحب اكعد واسولف لعصر ابوي اخذني لدكتور وخرلي الشاش من راسي وشاف الجرح ورجعنة بلطريق كال شتحبين اجيبلج تردين نروح بفد مكان
فرح:لابابا ماريد شي بس خل نرجع للبيت
ابو فرح:اوكفي خل نجيب عشة منا
فرح: نزل ابوي جاب عشة ورجع رجعنة للبيت صعدت لغرفتي طلعتلي ملابس سبحت وطلعت كبل على فراش طفيت لضوة ونمت وهاي حياتي صارت هيج كله بغرفتي ووحدي اهلي يتوسلون بية انزل اطلع بس هيج اني مرتاحة ابوي جابلي تليفون كيفت اخذتة عاد اخلص وكتي بي.
جنت متمددة على جرباية واجت امي لحت عليه اروح وياها لسوك.كمت ومكيجت من هذا لمكياج لزين ولبست بنطرون وقميص ماعرف شبية اجة ببالي اسوي كلشي ميحبة هو نزلت لامي وهية تضحك
ام فرح: هلا هلاا هسة هاي صدك بتي فرح
بس يمة اخاف عليج نوب وحدنة
فرح:اوو ماما قابل شيصير دمشي عليج الله
رحنة وامي ماخلت شي ببالي جابتلي كومة ملابس وحتى مكياج بس تشوفني اباوع عل شي واشترتة لي يمكن بل ستاعتين لو 3 واحنا بعدنة مراجعين اخر شي تعبنة امي خابرت على ليث اجة اخذنة ورجعنة كعدنة بلصالة ونطلع بلغراض نشوفهن وليث يكول
ليث: باع الفرحة على وجوهجن هنة كلهن ملابس لاا ومحملات لسوك كلة ادرري قحطط
ام فرح:غير نشتري فد مرة بعد يايمة
ليث: اووف منجن يل نسوان
فرح: صعدتهن فوك ونزلت وياامي كعدنة بلحوش لجو جان حلو سويت جاي وكعدنة اني وياها
تسولفلي شلون جانت متاذية ومتمرضة علمودي
فرح:يمة مشتاقة لسرور ميتة عليها
ام فرح:والله يمة سولفتلها وكالت باجر اجي ماتت عليج
فرح: شلونها هية
ام فرح: حامل ومخلصتها بجي
فرح:ياا ليشش عليج الله صدكك حامل
ام فرح: يي والله بس ماتريد هسة
تكول عباس بعدة صغير وماجنت رايدة وهم تشوفيها كاضيتها بجي حتى رجلها شمسوي بيها
فرح: ختولي بكيفها والله بس تجي باجر اموتها
ام فرح: شبيج كلنة حجينة هيج ورة اشهر يصير اعز من روحنة ونريد بس نجيبة
فرح: اوف يمة لو اني مصاير وياي هيج وماسقطتت مو جان هسة اني هم حامل
ام فرح:لا يمة فرح انتي يختلف وضعج احسن مااصار عندج
فرح: ي
ام فرح: دكومي خل ندخل جوة راح يجي ابوج
فرح:كمت رحت صعدت فوك ذبيت نفسي على جرباية اجة ببالي هو شلونة هسة مرتاح لان اني ماموجودة هم يفكر بية لولا صارلي اسبوعين هنا ماافتقدني.
اففف واني شعلية بي وليش افكر بي اصلا فتحت لتليفون ابحوش بي طلعت اغنية حسام(تعالي) غمضت عيوني واسمعها واجة ببالي هلموقف
............
داصعد بلدرج وماخذني لواهس اغني
اريد اغفة واحس بحضنك الدافي
تعبني السهر ياعمري مو كافي
وطلع بوجهي
شرار: انتي ماتوبين من هاي لسالفة تمشين وتغنين
فرح: حتى هاي تريد تمنعني منها
دفعني على حايط الوراي وغمزلي
شرار: افاا يتعبج لسهر واني موجود جا وحضني لمن
فرح: اهووو وخر اني اصلا هيج اجت ببالي وغنيتها
كرصني من خصري ويكلي
شرار:هاي عليمن ل اهو بربو**كة
اذاني لحقير طلعت مني هيج وكتلة
فرح: اووي كبرر
باوعلي فاتح عيونة بقوة
ورجع كرصني اقوى
شرار: بت لكوا* لااتاخذين عين
فرح: عفت كلشي وانتبهت على عيونة حتى مانتبهت شكال
فرح:الله باع لون عيونك شكدد حلوو
ضيك عيونة وكال
شرار: الفهاووة يلكعبة وهسة يلا انتبهتي
فرح: لا بس شو هسة ليش بين اكثر
شرار: هسة دعوفي عيوني وصعدي غيري ثوبج موو حلوو
فرح باوعت على ثوبي وخصرتة على جسمي:لاوالله ليش موحلو والله يخبل ومااغيرة
شرار:اخخخ يلقهررر باع لثوول
دمشي بسرعة غيرريي بااع الورة والكددام لمن لابسة ثووب بعد خوو تصلخيي
عفتة ومشيت مسافة درت وجهي عليه بعدة مرايح يباوع عليه حجيت وطفرت اركضض
فرح: ابووو البناات ابوو عيووون
............
كمت طفيت الاغنية واضرب على عقلي
ثووول ثووول لمنن افكررر بيي السخيفف اصلاا شكووو احجي بي اووووف يارربيي خليني انساه
كمت نزلت جوة يم امي حست عليه ضايجة عافتني ماحجت سوينة عشة واجة بابا وليث وكعدنة نتعشة
وابوي يشاقة وياي واني اضحك خابرتنة سرور وحجينة وياها كلنة وحجت وياي كالت باجر اجي وصدك ثاني يوم ب 12 اجت
حضنتي وتبجي وامي تحجي علينة شلت عبوسي وابوس بي ميتة عليه كعدنة واني امسح بدوموعي وهية تحجي وياي
سرور: كافي ولج المهم انتي يم اهلي هسة خيولون يروحلج فدوة
فرح: يي
انتي شلونج سيف شلونة شعجب مااجة
سرور:الحمدالله والله عندة شغل جابني حماي
فرح:ها خطية
سرور:شصاير بيج ولااعبالك نفسج فرح وين لجسم لحلو وين لخدود
فرح:شسوي لعد هية سهلة قابل بس الله يدري شصار بية وشنو لاذية لحصلتها اذا موو اذية جسدية ف نفسية والحمدالله
سرور: سودة عليه حظج هذا بعد
فرح:هاهية لحمدالله
الحمل شلونة وياج
سرور:موت احمر والله مهدود حيلي ونفسي لعبانة شوكت متجيني
فرح: يي والله مبين عليج مو هلكد شسوين بعد هذا رزق من ربي
سرور: اووف فرح اني لعبت بنفسي
ام فرح:جا شسويتي ولعبتي بنفسج
سرور: يمة غير نسيت اخذ لحبوب
ام فرح: يااا دهر
فرح: يلا بعد هذا رزق الله كاتبة لج هسة يصير عزيز عندج ومن يجي تنسين لدنيا علمودة
سرور: هو بس هذا بعد واقفل بلكي تتطلع بنية
فرح:ان شاءالله
اجة ابوي وليث فرحو بسرور وكعدنة نتغدة
بس اني ماعرف شبية احس اختنكت واريد بس ابجي شكد حاولت ويانفسي كمت غسلت وجهي بس احس شي خنكني رحت يم اهلي وامي تكلي يلا تعاي كعدي تغدي كعدت يم لباب وابجي وحاضنة
نفسي
اجو عليه كلهم يردون يعرفون شبية
ابو فرح:احجي بابا شبيج سمعتي شي بيج شي؟
ليث: فرح باوعي شكو احجي ليش تبجين
فرح: باوعت عليهم وكمت طلعت صعدت فوك
تمددت على جرباية ونمت واني عيوني مليانة دموع
وراسي احسة يريد ينفجر شكد اتاذة منة بس اغلس على وجع خاصتا من اريد انام لوجع ينهيني
...................
حنين: البيت هدوووء كلششش خاصة بعد مصارت هاي لسالفة حيدر اعتزل وصرنة مانشوفة ابدد يجي بليل كبل ينام لو مرات يجي لضهر يكعد شوية ويروح لايحجي ولايشارك بشي البيت هجرة كلش
مرات يجينة ايدة بيها كانونة نسئلة مايحجي
جنة كاعدين لضهر بغرفة لحجية اني وامي وشهد وشيرين ولحجية ويانة خلصنة غدة وكاعدين نشرب جاي
اجة دخل مثل كل مرا شعرة مخربط وبيدة كانونة ولازم تليفوناتة وبين اصابعة لجكارة كعد على كرسي واخذ نونة يبوس بيها ويلاعب بيها
كامت شهد رادت تتطلع حجة وهو يلاعب ب نونة ومايدري بنفسة
شرار: فـرحة وياج جيبـــ
وسكت ماكمل كلامة باوعلنة ورجع يحجي ويا نونة شوية عافها وكام صعد فوك
.
.
.
يتبععععع
هـݪـي ودا؏ـت بخـتڪـم ࢪوحـيہ متـعوبـه 🖤💔