عـنـوان البــاارت : أإـناا وأإـنـت وقصـۃ حبـنـاا..
،
،
،
،
،
،
،
،
،
،
،
،
،
،
،
،
،
،
قبل سنــــــۃ
راحت وهي مابتعرف لوين رايحة
وقفت عند حديقة شافت ولاد صغار يلعبو
وامهاتهون وآبائهون معهون
ڪلياتهون مبسوطين والفرحة مو سايعتهون
نزلت راسها على بنتها : جواي تروحي نقعد بالحديقة؟
جواي ڪانت نايمة متل الملاك
راحت فاتت وقعدت على ڪرسي وصارت تطلع على الولاد الصغار : يا الله اديش مشتهيۃ العب بالمرجوحة,
ضلت تطلع عالولاد الصغار وتضحك عليهون ڪيف يلعبو
قطع ضحڪها صوت جواي صارت تبڪي
اخدتها وحملتها بين ايديها وصارت تهزها : بس ياروحي بس لا تبكي
ضلت تبڪي وتحط اصبعها بتمها
جوري : يااا الله ڪيف بدي سڪتها هلق ينزعجو
صارت تطلع على يلي حوليها وڪانو يتطلعو عليها وهنن مزعوجين من الصوت
جوري تهزها : بس ياقلبي خلص هوووس,, اااااشش
اجت لعندها حرمة بالإربعينات : بنتي الله يرضى عليڪي صوتها زعجنا معليش تسكتيها
جوري والدموع بعيونها : بس ڪيف ماعم تسڪت
الحرمة : عم تحط اصبعها بتمها اڪيد جوعانة, هيه بنت صح؟
جوري : اي بنت, طيب شو طعميها اشتريلهاا خبز تاكل خبز؟
الحرمة : هههههههههههه لا الخبز يفطسها بدك ترضعيها رضاعة
شڪت انها ماتكون بنتها : طيب كيف انتي صغيرة وعندك بنت
نزلت راسها وخجلت
الحرمة : انتي متزوجة؟
هزت راسها انو لا
الحرمة : يعني هي مو بنتك؟ ازا مو بنتك عطيها لـ اهلها
جوري : مبلا بنتي, بس
الحرمة : بس شو
جوري : غير شرعية
الحرمة : لا حول ولا قوة الا بالله طيب معليش اعذريني عن اذنك
جوري : لو سمحتي, ڪيف بدي طعميها
الحرمة : من صدرك طعميها اڪيد الي عملتي معو علاقة رضعلڪ صدرك بنفس الطريقة رضيعها
ڪان ڪلامها متل السم على قلب جوري
نزلت راسها وصارو دموعها ينزلو مسحتهون واخدت بنتها وراحت على حمام النساء بالحديقة
قعدت عالأرض عند المغاسل وطالعت صدرها وصارت ترضعها بعد عناء لتفوت حلمة صدرها بتمها لـ جواي
رفعت راسها لفوق : اااااخ ياربي ساعدني وين بدي روح ببنتي وعند مين بدي عيش وڪيف بدي جيب مصاري
ضلت ترضع بنتها لحد ما سڪتت وعرفت انها شبعت رجعت صدرها جوا قميصصها وطلعت لبرا
..........: هههههههههههه شوفي شوفي بنطلونها
..........: ههههههههههههههههههههههه
ههههههههههههههههههههههه
هههههههههههههههههههههههههههههه
صوت ضحڪاتهون بـ ادانها : شبهون ياا
اجت لعندها بنت غطتها من ورا : ڪل واحد يلتهي بحالو
لفت عليها : متوسخة دم من ورا
جوري : شووووو
لفت وبعدت الجاڪيت وشافت انها عنجد متوسخة دم بالاخص انها لابسة بنطلون ابيض يعني باين وواضح
تمنت الارض تنشق وتبلعها : يا الله
البنت : ولا يهمك غطي حالڪ بهاد الجاڪيت وخديه الك
جوري : يسلمو ڪتير
رجعت عالحمام مرة تانية وبدلت ملابسها وحطت مناديل وغسلت ملابسها المتوسخة وحطتهون بالشنطة واخدت ڪتير مناديل حطتهون بالشنطۃ
جوري : اوف يا ضروري انحط بهيك موقف
اخدت بنتها وراحو طلعو ولسا النظرات عليها
طلعت من الحديقة ڪلها وراحت تمشي وبـ ايدها بنتها ڪل شوي تنزلها تقيلة عليها وهيه جسمها صغير ومافيها حيل طلعت من المشفۍ بدون اڪل وجوعانة ڪتير ..
شافت صنبور مي راحت عليه فتحتو ولحسن حظها ڪان فيه مي شربت لحد ما شبعت راحت واخدت بنتها وڪملت طريقها
_______
بهالوقت هاد وصل ايان على طرطوس وهو متل الميت بس جثة وتتحرك
راح علۍ غرفتو قفل الباب ونام على بطنو وهو شبه ميت ما يرمش ولا يبڪي ولا في اي احاسيس جواتو
ايلين اجت دقت الباب عليه : ابني
ايان لساتو عحالو
__________
ضلت تمشي وهيه مو عرفانة لوين بدو يوديها القدر
جوري : وين رايحة انا يا الله
قعدت على عتبة باب وكانت الشمس رح تغيب
صارت تتلفت يمين وشماال اخدت بنتها وحطتها بحضنها
جوري : جواي وصارت تلعب بـ انفها الصغير : حبيبة ماما, ياروح ماما, آخدة ڪلشي مني انا ماعدا الشفايف بيشبهو شفايف ابوڪي, جواي بتعرفي انو ابوڪي هو الي سماڪي هالاسم مشان تكوني رمز لحبنا, حبيبتي انا مارح اتركك متل ماتركك ابوكي ولا رح اتركك متل ماتركتني امي, رح ضل معك لـ آخر نفس بحياتي ورح ضل احميڪي من ڪلشي, بنتي انتي رح تڪوني سندي بهي الحياة وانا رح ڪون سندك, بتعرفي اني بخاف من الظلام وبخاف من الوحدة, بخاف اني ظل لحالي, وبخاف اني نام لحالي, بس هلق انتي معي لهيك انا مو خايفة, بنوتي الحلوة, حبيبة امهااا, اموووووووااح باستها على خدها :تروحي ندور على مڪان ننام فيه هي الليلۃ؟؟
رفعت راسها وحطتها بالسرير الصغير وشالتها وشالت الشنطة وراحو فاتت على شقة من دون ما حدا يشوفها دخلت تحت الدرج وڪان في باب فاتت وسڪرت الباب ڪانت غرفۃ صغيرة ڪتير بس ماهمها المهم انها تنام بمكان آمن, حطت ڪيس عالأرض ونامت عليه وحطت بنتها بجنبها وغمضت عيونها ونامت بسرعة
____________
ايان ليش ترڪتني ورحت انا ضعت بدونك مشتاقتلك ايان, ليش تركت بنوتك الصغيرة هي وبنتها وراك وهنن بحاجتك وحاجة حنانك, ليش رحت وتركتنا ورا ضهرك,ليش اخلفت بوعودك الي ايان, انا مستحيل سامحك ايان مسسسستحيل
فز من نومو : جووووووووري
حط ايديه على وجهو : اعوذ بالله من الشيطان الرجيم بسم الله الرحمن الرحيم
راح عالحمام غسل وجهو وطلع صار يتطلع على حالو بالمراية : ليششش ايان ليششش ترڪتها وازا امها رقاصة هيه شو خصها
حڪي امو صار يطن بـ ادنو : الناس شو رح تحكي رح تضل تحڪي عنك وانك متزوج وحدة امها عاهرة
ايان بصراخ : لك ليششششششششششششششش
ڪسررر المرايا فتتها تفتت ..

نزل عالاارض وصار يبڪي متل الولاد الصغار ويشهق : جوري آسف جوري سامحيني ااهئ ااهئ
___________
فزت على صوت الباب وهو ينفتح
اخدت بنتها وحطتها بحضنها : يا الله احميني دخيلك { وجعلنا من بين ايديهم سداً ومن خلفهم سداً فأغشيناهم فهم لا يبصرون }
ضلت تردد الآية لحد ما راح الصوت
المدير : ليش مقفل هاد الباب
العامل : مافي معلوم كلو خراب هنا
راحو تنيناتهون
حمدت ربها انهون راحو
بس ضلت تحت خوف ورعب ڪبير : يارب مرر هالليلة عخير يارب
_________
طلعت الشمس وصحيت على نورهاا
قامت واخدت بنتها وبطنها تطالع اصوات اشڪال والوان من الجوع
فتحت الباب وطلعت شوي شوي
........: وقفي عندك
فتحت عيونها عالآخر ووقفت متصنمة
....... : مين انتي وليش عم تطلعي وڪأنك حرامية
لفت عليه وانبهر من جمالها : لا وربي مو حرامية ما سرقت شي انا بس ڪنت
.......: بلا بسبسة تعي معي
سحبها من ايدها
جوري : ترووووك ايدي انا مو حرامية وماسرقت شي
اخد الجوال واتصل : الو الشرطة ... في هون بنت حرامية ... فندق حماۃ للعزابيۃ مقابل اسواق الحمد
غمضت عيونها وبلعت ريقها : يارب ساعدني
سڪر ولف عليها : هلق بتحڪي للشرطة ازا ڪنتي حراميۃ او لا
صارت تطلع عليه واكتفت بـ انها تبڪي وبس ودموعها ينزلو وتمسحهون وتبڪي بدون صوت

_______
صحي من النوم : جوري ياقلبي قومي طلعت الشمس
فتح عيونو وما شاف جوري بحضنو, تعود عليها تڪون بحضنو ويصحيها قبل ما يصحى لتروح عالمدرسة وليسمع صوتها ويبوسها وووو
حس انو في فراغ بصدرو وضيق
قام فات عالحمام اخد دوش طويل وطلع لبس وراح لعند ابوه اخد مففـتاح سيارتو وطلع عالشرڪة
__________
وصلو الشرطة وهيه وقع قلبها لعند بطنها خافت ڪتير
الشرطي : تفضل قدمت بلاغ
الشب : اي حضرة الشرطي هي هيه الحرامية خدوها معڪون
جوري هزت براسها : لا وربي انا مو حرامية ما سرقت شي
الشب : لڪن ليش ڪنتي تطلعي شوي شوي من هون ها ليش
جوري : انا بس ڪنت نايمـ .....
الشب : خرسي .. حضرة الشرطي خدهاا لو سمحت
الشرطي : لو سمحتي تفضلي معنا
الشب ابتسم بخبث
ڪانت غايتو تترجاه مشان ما ياخدوها الشرطة ويوقعها بمصيدتو ويلعب فيها عڪيفوو
بس ما صار الي بدو ياه
اخدها الشرطي وراحت وهيه مستسلمة لقدرها ورضيانة بـ يلي مڪتوب الها
_____________
ڪل الوقت وهو يفڪر فيها وكيف بدو يشوفها مشتااااااقلها ڪتير
مسك جوالو واتصل عليها
رن رن
......: الو
ايان ساڪت
....: الو مين تفضل
ايان : عفواً مين معي
الشب : انت الي مين
ايان : انا .. هاد جوال حبيبتي
الشب : اي حبيبتك بمخفر الشرطة حالياً باي
وسڪر
وقف ايان : شرطة. شووو ...
لك يلعنكككككككك رمى الجوال عالارض وحط ايديه على شعرو ورجعو لورا
___________
المحقق : يامدام لو سمحتي احڪي شو سرقتي
جوري دموعها ينزلو وتفرك ايديها ومنزلة راسها : والله ماسرقت شي ڪلو افتراء انا ڪنت ساڪنة بملجئ بنات وطلعت منو واجيت لدور على مڪان نام فيه .. مسحت دموعها وڪملت : اجيت لهون ونمت بغرفۃ صغيرة تحت الدرج هاد ڪل الي صار حضرة الشرطي وربي بس هيك
المحقق : تمام رح نتأڪد من ڪاميرات المحل عندو
جوري : يعني مارح تطالعوني من هون؟
المحقق : حالياً لا الا ان تتبرئي من التهمة الي عليكي
رجعت بطنها تطلع اصوات
رفعت راسها عليه وتدعي بقلبها انو مايڪون انتبه حطت ايدها على بطنها وتمنت لو انها الارض انشقت وبلعتها
المحقق : احم ... جوعانة؟
هزت راسها وهيه منزلتو انو لا
المحقق : تمام
طلع وراح يتحرى عن الموضوع
صارت بنتها تبكي وترضع بـ اصبعها عرفت انها جاعت .. اخدتها وحملتها وطالعت صدرها وصارت ترضعها

جوري : ڪلي ياروحي عالأقل وحدة فينا تاكل بلا مانضل تنيناتنا جوعانين
مرو عشر دقايق بعدين نامت بنتها وهيه شبعانة رجعت صدرها تحت القميص وهيه حاسۃ حالها مافيها حيل ورح توقع من حيلها
حطت بنتها على رجليها وسندت راسها عالڪرسي تاخد غفوة لو خمس دقايق
__
ايان حط ايديه على دقنو : مستحيل اتركهاا بهيك موقف لازم ساعدها
اخد جوالو وصار يدق علۍ ڪل حدا بيعرفو بالمخافر ليطلعوها على ڪفالتو
_______
المحقق : تحرينا عن الموضوع و ....
شافها نايمة وبنتها على رجليها
سڪر الباب وقرب اخد بنتها وحطها عالسرير وقعد ورا مڪتبو وصار يتأملها : ڪيف بنت متل هي البنت تجيب بنت قدها, يا ترا في حدا اغتصبها او انجبرت عالزواج, شو قصتها
استناها لتصحى لحالها ويفرج عنها لأنو طلع ڪلامها صحيح ڪلو
___________
ايان : ماعندي شي اسمو بس بـ اسرع وقت بتطلعوها عم تفهم؟
الشرطي : تمام ايان بيك
سڪر واتصل على مساعد المحقق : اتصل ايان بيك وقال نفرج عن الست جوري على ڪفالتو
المساعد : تمام
سڪر واتصل على المحقق
المساعد : سيدي ايان بيك طلع بيعرف الست الي موجودۃ عندڪ وطلب الافراج عنها على ڪفالتو
المحقق : ايان بيك؟
المساعد : اي نعم سيدي
المحقق : اصلاً مافي داعي يدفع شي البنت بريئة وماعليها شي
المساعد : تمام سيدي
راح سڪر واتصل عالشرطي وقلو انها بريئة والشرطي اتصل علۍ ايان وقلو انها بريئة
________________
صحيت من النوم وڪانت رقبتها متشنجة : اااااخخ
انتبهت للمحقق وفزت وضربت راسها بالڪرسي : اه
المحقق : سلامتك علۍ مهلك
جوري : معليش آسفة انا ايمت نمت, حضرة الشرطي والله ماسرقت شي انا روح شوف الڪاميرات ماسرقت شي
المحقق صار يبتسم علۍ برائتها : ولا يهمك حصل خير وشفنا الڪاميرات ماعليڪي شي ورح يتم الأفراج عنك
جوري : يعني فيني روح هلق؟
المحقق : لاء طبعاً
قام وطلع لبراا وسڪر الباب وراه
وهيه عيونها ملاحقتو ومو عرفانة شي لسه
اخدت بنتها : بنتي, ياروحي, دخيلو النايم انا, لو شو ما صار معنا بدك تضلي قويۃ اوك ئلبي؟ متل خالتك رولا ڪانت بنت قوية ڪتير ونحنا رح نڪون متلها, هي صح تخلت عني ڪمان متل البقية بس بتضل في بينا ايام حلوة وما بنساها انا
باستها ورجعتها عالسرير
اجا وجايب معو اكل : ماتطلعي الا وانتي مخلصة هدول الصحون
رفعت راسها وبنظراتها شڪر واحترام الو : يسلمو بس جد مو جوعانة انا
المحقق : بعرف مانك جوعانة بس لازم تاڪلي مشان بنتك تقدري تطعميها ڪمان
جوري : ما ... مابدي يسلمو
المحقق قعد بجنبها ومد ايدو : عدنان
جوري : وانا جوري .. بس مامدت ايدها
نزلت راسها من الخجل والذل الي حست فيه بسبب الفقر وانها ماعندها حق اڪل تاڪل
خانوها دموعها ونزلو
مسحتهون بسرعة
عدنان : انا طالع عندي شغل بتمنۍ انو ارجع ولاقيكي مخلصة الاڪل ڪلو تمام؟
جوري ماحڪت شي
طلع وسڪر الباب وراه وهيه بلشت قصف ميتة من الجوع الها يومين مو آڪلة شي عايشۃ عالـ مي وبس
بعد نص ساعة رجع وجايب معو ظرف
عدنان : شطورة والله خلصتي الاڪل
جوري نزلت راسها : يسلمو ڪتير
عدنان : خدي هدول
جوري : شو هدول
عدنان : شوية مصاري يمڪن تحتاجيهون للبنت
جوري : مستحيل اقبلهون
عدنان مسك ايدها وحطهون بـ ايدها : قلتلك مشان البنت حرام تضلو انتي وياها مشنططين من مڪان لمكان وڪمان ڪلي مشان يصير فيكي حليب واي شي تحتاجيه تعي لهون بنقدملڪون ڪافة الطلبات
جوري : يسلمو حضرة الشرطي
عدنان : اول شي انا مو شرطي انا محقق وتاني شي اسمي عدنان قوليلي عدنان
جوري : تمام يسلمو علۍ ڪلشي, فيني روح هلق؟
هز راسو انو اي
قامت واخدت بنتها وراحت لتطلع وقفها صوت عدنان : جوري
لفت عليه : تفضل
عدنان : عندي بيت ازا بدك فيڪي تجي تسڪني فيه لبين ما تلاقي بيت لحالك
جوري : لا يسلمو انا بدبر حالي
وفتحت الباب لتطلع
راح وسڪر الباب : ڪيف تدبري حالك؟ من ملحق شقة لملحق شقة؟ طيب وبلكي هالمرة الله انقذك وماعملك هداك الشب شي مرۃ تانية يجي ابن حرام ويعملك لو سمحتي اسمعي الڪلمة وتعي معي مارح خليكي تروحي من هون غير على بيتي
جوري : عدنان بيك بس هيك بتقل عليڪ
عدنان : وشو خصك انتي تقلي لتشبعي
جوري نزلت راسها وسڪتت
عدنان : بدك آخدك هلق ولا بعد دوامي ؟
جوري : براحتك
عدنان : طيب امشي
اخدها ورڪبها بسيارتو وراحو
_________
فتح الباب
عدنان : تفضلي
فاتت وهيه خجلانة ومستحية
عدنان : فوتي البيت صار بيتك خلص بس حطيتي رجلك فيه صار الك
جوري : ههههههههههههههههههههههه طيب

اول مرة يشوفها تضحك ضل صافن فيها ويحڪي بقلبو : يا الله ما احلا ضحڪتك
جوري : وين الغرفة الي بدي نام فيها لأني ڪتير تعبانة
عدنان : اي صح ما تأخزيني شردت لـ لحظۃ, تفضلي معي
اخدها لغرفة بالطابق التاني : تفضلي هي غرفتك انتي والبنت
جوري بـ احرااج : اااا .. عدنان بيك وانتا وين رح تنام؟
عدنان : انا رح نام عند واحد من رفقاتي تطمني ونامي مرتاحة ببيتك
جوري : انا ....
عدنان : انتي شو
جوري : يعني .. بخاف .. انو .. اوف يا ڪيف بدي احڪيها
عدنان : ههههههههههههههههههههههه احڪي لا تخجلي
جوري : انو ضل هون عادي لأني بخاف ضل لحالي
عدنان : تمام متل مابدك
جوري ابتسمت : يسلمو
عدنان : الله يرزقني ع قد ماتقولي يسلمو
جوري : شو قول لڪن
عدنان : ولا شي, صح بدي أسألك بس هو سؤال خاص شوي
جوري : عادي تفضل
عدنان : ايان بتعرفيه شي؟
جوري لحظة شرود بعدين : لا مابعرفو
عدنان : بصراحة هو اتصل وقال انو ...
جوري : عدنان بيك لو سمحت ممكن نام؟
عدنان : اڪيد
طلع وسڪرت الباب وقعدت ورا الباب صارت تبڪي وتحاول ماتطلع شهقاتها ..
قامت وراحت عالسرير ونامت بجنب بنتهاا
صارت تتزڪر ذڪرياتها مع ايان
بيوم من الأيـاام ..
صارت ڪل لحظاتهون سوا تجي بخيالهاا
وصورتو انحفرت بقلبهاا وبمخهاا ..
صارت تبڪي وهيه حاضنة المخدۃ ..
جوري : لو تعرف اديش شتئتلك وشتئت لـ حضنك وصوتك وريحتك .. تنهدت بـ الم واخدت غقوة ونامت
___
ڪانت روتينات يومية مابين فطور وغدا ووعشا وعدنان يروح عالشغل ويرجع ملهوف عالبيت ليشوفها وضل فترة يقضي وقت معهون اڪتر ياخدهون عالحديقة ويلاعبهون وڪانت تقريباً شبه مبسوطة ومرتاحة معو مع انو لا حبيبها ولا شي بحياتها بس طيبة قلبو وحنانو خلوها تحس بالامان معو لحد ما قالتلو انها بدها تشتغل وعنجد صارت تشتغل نادلة بمطعم
______
بعد شهرين
قرر ايان انو ينزل على حماة
بقرار من امو طبعاً انهون يشترو تجهيزات لعرسهون وايام يحاول يماطل بالعرس مابدو يصير بسرعة ليڪون جاهز نفسياً وجسدياً وهنن صبرو عليه
ايان يحڪي بالجوال : خود ڪل الاوراق وحطلي ياها بالدرج الازرق بس اجي ع طرطوس بشوفهون .. تمام باي
سڪر وراح يمشي ليفوتو عالمطعم
نسرين : حبيبي ومسڪت ايدو
ايان صار يتطلع عليها بس طنش ومشۍ
_______
الشيف : جوري خدي هاد الطبق وديه على طاولة رقم 7
جوري : تمام
اخدتو : طلبڪون
الشب : يسلمو يا حلوة
حبيبتو : هييييي بموتك, يسلمو حبيبتي وعطتها ابتسامة ناشفة وباردة
جوري : ههههههههههههههههههههههه
راحت مرۃ تانية لعند الشيف : شيف سلمتو
الشيف : برافو عليڪي, خدي هاد ڪمان وحطيه على طاولة 1
جوري اخدتو وراحت سلمتو مع ابتسامات حلوة منها
دخل وبـ ايدو ماسك نسرين قعد عالطاولة
اجا الڪرسون عليه : تفضلو
نسرين : ممكن المنيو لو سمحت
الكرسون : اڪيد تفضلي
نسرين : سوشي وروبيان, وانتا ايان
ايان : اي شي وهو ماسك الجوال
________
ميرفت : شفتي ڪيف يتطلع عليڪي هداك الشب ببصملك بالعشرة انو معجب فيكي
جوري : هههههههههههههه ميرفت خلص اڪلتي راسي خليه يعجب ليشبع
ميرفت : لك شبك انتي كمان لحلحي حالك وتزوجي خلينا نفرح فيڪي
نزلت راسها وصارت تقطع البطاطا : مابدي اتزوج وعطتها ابتسامة حزينة
ميرفت ضمتها : ياروحي والله ماقصدي شي تؤبشيني ريتو لساني بالفرم يبعتلي حمى
جوري : لا تدعي علۍ حالك شو خصك انتي
اجا الشيف : اااااايي عناا شغل بعدين عواطفڪون هي اجلوها لبعدين لبعدين
جوري : هههههههههههه حاضر شيف
الشيف : بنتي جوري عندنا ضيف مهم جاي مع خطيبتو خدي هدول الاطباق وسلميهون ياهون
جوري : اوك شيف
راحت اخدتهون ..
حطتهون عالطاولة من دون ما تنتبه مين موجود : عوافي
رفع راسو مستحيل ينسۍ هالصوت وهيه نزلت عيونها وعطتهون ابتسامة حلوة بس سرعان ما تلاشت هالأبتسامة لما شافتو
صارت العيون ببعضها 👀👀
________________
__________
______
___
_
انتهۍ البارت .....
شو تتوقعو بالبارت الجاي رح يصير شارڪو بالتعليقات وعطوني آرائكون .. ♡