لقد كان الامر اشبهه بلموت 💔💔.
____________________
شويه وصوتها اختفه باوع علينه أجرام ودموعه ينزلن
أجرام :- ماتت مو حتى هي راحت
كمل كلامه وكع من طوله عطت وركضله جمال وهذا الولد واجوي وياهم ثنين شالو اخذو للغرفه ماكدرت ادخل اشوفه كلهم ولد بلغرفه
حرت بين الاثنين خفت ع مسار وع أجرام ردت ادخل اشوفها بس ميقبلون شويه واجوي ادهم وبرهم يركضون
برهم :-! شكو شبيهاا مساار
نور :- سقطت خطيه
ادهم :- شنووووو
نور :- والله سقطت وأجرام تخربط وبذيج الغرفه
عافوني وراحو وكعدت ابجي عليهم ثنينهم
أجرام مخليله مغذيي وفاقد ومسار محد طلع من يمها
نص ساعه وطلعت دكتور كمنالها اني ولولد
ادهم :- شلونهاا دكتوره
دكتوره :- حضرتك زوجها ؟
ادهم :- لا بس ابن عمها وحماها
دكتوره :- اريد هاي لبنيه احجي وياها
اخذتني لغرفتها وكعدنا
دكتوره :- اهوايي نزفت البنت وفوكاها دكات گلبها ما متنضمه اله شويه وتموت
نور :- وهسه شلونها هي
دكتوره :- هسه هي فاقده بس حالتها زينه بس اذا صحت راح تتسهتر ويمكن تتأذه حييل وصار مو قليل عليها
نور :- ايي
دكتوره :- رحمها تعب من سقط وماضن يصير عدها اطفال بلوقت الحالي اقل شي 4 سنوات وهل حالات اهوايي تصير عدنا
نور :- يعني الحمل يطول ؟
دكتوره :- ايي نعم و.....................
نور :- انشاء الله خير
عفتها وطلعت گلامها يدك بگلبي متستاهل مسار رحت يم لولد
ادهم :- هااا بشريي
نور :- شبشر دكتوره تكول ماضن يصير عدها حمل
برهم :- جذب
نور :- والله
ادهم :- ربي يصبرهم
نور :- اميين
رحنا دخلنا يم أجرام بده يصحه ويحجي بصوت ناصي ومتقطع
أجرام :- وو..ين ممسار
ادهم :- نايمه
أجرام :- اريد اكوم اشوفها
كام كعد وكوه مفتح عيونه سندو برهم وادهم وجمال ماخذله زاويه مخلي ايده ع عيونه
كوه يحرك رجله قبلو ندخل دخلنا نايمه ومغطيها وكانونه بيدها وجهه متغير حييل حسيتها ذبلانه مو مثل من مساع
كعد يمها أجرام وكمش ايدها ويحجي
أجرام :- اعرف الصار صعب علينه بس ماريدج تنامين هاي نومه اريدج قويه والله راح يعوضنا
ادهم :- ترا نايمه متسمعك
دغيت ادهم بايدي كتله اسكت
أجرام :- مالي غيرج بس تدرين احس صار بسببي لو مجايج احسسن لو باقيين بعاد احسن خسرنا اطفالنا بسببي
كاعد ع الكرسي يمها ويحجي وخايفين لايوكع
أجرام :- اكعديي
كام يحركها بايده علمود تكعد بس ما صحت الممرضه كالت انطيناها مهدئ
شويه صحصح أجرام بقه كاعد يمها واحنه طلعنا بره
اباوع عليهم من جامه الي بلباب صافن عليه حط ايده ع بطنها بعديين باس راسها وشفايفه يتحركن ما اعرف شيحجي وياها
عفتهم ورحت نفسي لعبت من المستشفى حتى دخت اجيت اوكع ولزمني ادهم
ادهم :- بروحه الجدي الي هستونه دفنا ما عايزه انت هم مو بزعت روحيي كلساع واحد خارط حتى ايدي بعد ماحس بيها
خربت من ضحك علي راح جابلي مي وبقيت كاعده اجتي يم بنيه صغير كعدت ابتسمتلي رديتلها الابتسامه
بيدها علاكه طلعتلي بطل مي
:- تفضلي اشربي وجهج اصفر
نور :- لا حبيبتي هسه شربت تسلمين
:- تمام
نور :- شو وحدج اهنا
:- بيبتي مريضه حييل بذيح الغرفه ويمهم اهلي ديشوفوها فا اختنك من الهوسه
نور :- ربي يشافيها
نفسي كامت تلعب كلش بس اريد استفرغ
نور :- تندليين الحمامات
:- ايي تعاي
اخذتني البنيه للحمامات دخلت كبل استفرغت طلعت لكيتها واكفه بعدها اجتي كمشتني من ايدي
:- شبيج
نور :- حامل فا نفسي لعبت من ريحه الي بلمستشفى
طلعتلي كمامه
:- البسيها
لبستها وكمشتني من ايدي ورجعنا للمكان جنه كاعدين بي
نور :- شنو اسمج
:- مريم
نور :- اسمج حلوو
:- انت شسمج
نور :- اسمي نور
مريم :- انت هم حلو اسمج
باوعت ع ايدها اليمنى تسدها وتفتحها ع كيف
نور :- شبيها ايدج
مريم :- خدرانه
نور :- اها
شويه واجه ولد يطلع بعمرها بس اطول منها كلش يتشابهون
مصطفى :- يلا كومي راح نروح
مريم :- ايي كمت
ابتسمتلي ودعتني وراحت
كلش محبوبه وبس تضحك تصرفاتها اكبر من عمرها
سمعنا صوت أجرام عالي رحت دخلتله مسار بدت تكعد اجتي الدكتوره شافتها ضربتلها ابره بلمغذي وطلعت اجه اخوها وادهم دخلو
أجرام :- مسار حاجيني شوو
حتى متباوع علينه عيونها ع غير مكان
جمال :- مسار باعيلي حبيبتي
ادهم :- الحمدلله ع سلامتج خفنا عليج
ما حجت ولا كلمه وكلنا منتضريها تحجي
حركت ايدها حطتها ع بطنها وبدت تمشي بايدها ع بطنها وابتسمت
مسار :- شو هادئين اليوم مديتحركون
أجرام :- مسار انت صاحيه مو ؟
مسار :- ايي شبيه لعد
صاح ادهم ع دكتوره اجتي
دكتوره :- الحمدلله ع سلامتج
مسار :- ليش مديتحركون ؟
دكتوره :- ماكو بعد ربج اخذهم صارو طيور من طيور جنه يشفعولج بيوم الحساب
مسار :- انت شدتحجييين
دكتوره :- شنو نسيتي شصار انت فقدتيهم
مسار :- لا
دكتوره :- ايي اتقبلي هلشي
اجرام بس يباوع عليها وعيونه دم وعروكه احسها حطك
اندارت علينه الدكتور
دكتوره :- داخله بحاله صدمه وربي يعينها ديري بالكم عليها
عافتنه وطلعت كعد يمها أجرام باوعت علي متألمه
أجرام :- شيوجعج يگلبي
سحبته مدري شاورته ضحك
أجرام :- هههههه
مسار :- اريد اطلع منا
أجرام :- هسه نشوف دكتوره
راح ادهم اتقرب جمال باس راسها
وهي ولا بجت ابد وماحجت اي شي
اجه ادهم
:- تكول ب١٠ تكدرون تطلعون بين ميخلص العلاج
من 9 احنه بلمستشفى وهسه ب8 بليل طلعت رحت للحمام لكيت البنيه مريم دتغسل ضحكتلها
نور :- هههه شو بعدج اهنا
مريم :- مو امي تخربطت صعد ضغطها
نور :- خطيه مابيها غير العافيه
مريم :- انت شدتسوين اهنا
نور :- مرت حمايه خطيه متخربطه ويمها
مريم :- مابيها غير العافيه
نور :- الله يعافيج حبيبتي
دخلت للحمام وطلعت لكيتها كاعده هي ونفس لولد الجاها من مساع دياكلون حلويات
مريم :- تعايي خاله
رحتلها
نور :- صيحيلي نور مو مال خاله هههه
مريم :- تمام
قدمتلي عصير وكيكه
نور :- لا حبيبتي ميصير
مريم :- حبابه اخذيهن
مصطفى :- اخذيهن ميصير ترجعين ايد مريم هههه
نور :- تمام
اخذتهن منها بستها من خدها هي ضحكت
مريم :- اني حبيتج
نور :- عمريي اني هم حبيتجج والله
مريم :- يلا عود قبل لا انروح اجي اشوفج عادي اندليت الغرفه البيها
نور :- ماشي عمري
رحت للغرفه انطيتهن الادهم
ادهم :- هاي شنو مين جبتيهن
نور :- بنيه انطتني ياهن
ادهم :- منو هاي
نور :- بنيه يطلع عمرها ١٣ او ١٢ من قبل شويه تعرفت عليها وخطيه اتخربطا وردت استفرغ وهي اخذتني وغسلتلي وهسه توسلت بيه اخذهم
ادهم :- فدوه ربي يخليها
فتحلي ياهن اكلت ومسار نايمه واجرام كاعد يمها
صارت ب10 اجتي دكتوره فحصتها وهي نايمه بعديين فزت اتباوع علينه كومها أجرام كعدها شربها مي اندكت الباب
رحت اشوف منو شفتها مريم ابتسمتلي دخلتها جوه
مريم :- اني راح اروح وحبيت اجي اشوفج
نور :- ايي حبيبتي هلا بيج
بستها من خدها باوعت ع مسار وأجرام وادهم الي انضارهم عليها
مريم :- هاي هيه المريضه
نور :- ايي حبيبتي
باوعت عليها ومالت راسها مبتسمه
مريم :- حلوه
نور :- عمري انت الحلوه
مريم :- يلا اني راح اروح واسفه ع الزعاج
نور :- الله وياج حبيبتي
مريم :- انشاءالله التقي بيكم للمره ثانيه بيوم من الايام
كلهم كلولها انشاءالله
سلمت علينه وطلعت
ادهم :- كلش اجتماعيه
نور :- ايي فدوه
أجرام :- نادرا اكو هييج اطفال اجتماعيين ومحترمين بهذا الوكت العمره 20 سنه ميحترم احد
ادهم :- ايي والله
لبسها أجرام وهمسلها يم اذنها هيج هزت راسها بمعنى لا
راح واجه جايبلها كرسي متحرك كعدها بيه
طلعنا من المستشفى ورجعنا للبيت كلهم نايمين رحت الفهودي نايم يم سيرين
أجرام شال مسار صعدها فوك بلغرفه باوعت عليه وحجت
مسار :- اسفه ماكدر اجي وياج واشتغل دكتوره كلتلي ميصير تتحركين اهوايي لان مهدده بالاسقاط
واحد يباوع ع ثاني وأجرام بس يستغفر
عفتها وطلعت رحت اخذت فهد من يم سيرين ورحت الغرفتي نيمته ع جربايته وادهم دخل يسبح
.
.
.
.
أجرام :- جوعانه ؟
مسار :- لا مو اكلت من قبل شويه
صفنت عليها احسها كامت تهلوس هي اصلا مي كوه شربت
طلعتلها ملابس بدلتلها
كعدت يمها ع جربايه
مسار :- صدك شنو انسميهم
أجرام :- منو ،
مسار :- شبيك أجرام جهالنا شنسميهم
أجرام :- ماكو بعد سقطتي
مسار :- هاي شبيك انت هم ترا جذابه دكتوره داحس بيهم بداخلي
أجرام :- ماشي نامي يلا
ما نمت الحد ما غفت اجه صبح لكيتها كاعده كبال الميز وتباوع ع نفسها بلمرايه عفتها ودخلت سبحت
.
.
.
.
.
نور :- خلصت ايام الفاتحه وبدون مشاكل مسار ابد ما تنزل جوا ولا اني صاعدتلها أجرام كل منسئله يكول لسه ممتقبله الموضوع وتهلوس اهوايي
ربي يعينها الصار الها مو سهل اخر يوم الفاتحه افتقدت ياسمين بلبيت دورت عليها ماكو صعدت فوك لكيتها طالعه من غرفت مسار
نور :- شدتسويين اهنا
ياسمين :- بنت عمي وجيت اشوفها اطمن عليها
نور :- ومن وين اجتي هلحنيه
ياسمين :- الكرهه مو حلو وهي فقيره
نور :- ربي يهديج
دخلت المسار لكيتها نايمه ماهتميت دخول ياسمين للغرفه
صار 10 ايام الولد مو بلبيت طالعين وبس جمال باقي يمنا دخلت اريد اطمن ع مسار واشوفها
نايمه بلكاع وتباوع بسكف
رحتلها اريد اكومها متكوم
نور :- شبيج بارده كوميي ناميي ع جربايه
كعدت ودفعتني انركعت بلحايط قويي دفعتهاا حييل قويه شلون كدرت تدفعنيي هيج ماعرف عطت اجتي سيرين وجمال يركضون كومتني سيرين
وجمال راح المسار الي بس تباوع علينه عفناها ونزلنا جوا
جمال :- اختي موطبيعيه والله
نور :- ما شفتها دفعتني دفعه كلش قويه ونايمه بلكاع وتباوع بسكف
سيرين :- يجوز بيها جني
جمال :- لا اعوذ بالله شو اسكتي
اجه أجرام صعدلها فوك وما احجينه اي شي اله
بليل نايمين وفزينا ع صوت مسار تصرخخ
ركضنالهم اني وادهم فتحنا الباب مسار تصرخ وجر بشعرها
مسار :- عوفونيييي عوفونييي
أجرام يباوع عليها مصدوم راحالها ادهم حضنها من وره بس يريدها تهدء اجرام بس صافن عليها
اجوي سيرين وجمال
جمال :- شبيهااا يمعودييين
نور :- ماعرف
شويه وهدئت وفقدت بحضن ادهم شالها حطها ع جربايه
نور :- خلناخذها للمستشفى
ادهم :- لا ميحتاج
جمال :- أجرام شبيها
أجرام :- ماعرف والله دخلت سبحت وهي نايمه مددت ع جربايه شو هايي كامت تصرخ وتجر بشعرها
ادهم :- ماعرف شكلك بس شغل قران بلغرفه احسن
كلمن راح الغرفته
نور :- شبيها
ادهم :- ماعرف والله يجوز صارت بيها حاله نفسيه
اجه صبح اجرام نزلها جوه وهي متحجي ولا كلمه اجرام وكلها شويه ونحجي وياها مترد
حطيت فهد يمها يلعب باوعت علي مخنزره جان تحجي
مسار :- وخرو من يمي
باوعنا عليها مصدوميين
ادهم :- ليش
مسار :- وخرو
أجرام :- شبيج حبيبتي
مسار :- كلتتتتت وخرووو
عاطت بصوت عاليي جفلتنا رحت وخرته من يمها
ادهم :- شبييج وسسسم
أجرام :- كافي ادهم
أجرام يباوع عليها جرها من ايدها وصعدها فوك صعدت وره
دخلها للغرفه وعاط بيها
أجرام :- انت لا اول وحده ولا أخرررر وحده تخسر اطفالهااا اذا انت حامل بيهم وماتو غيرج تربيهم وتتعب بيهم ويموتون كدامها مسااااار كافيي الماتو هم جهالي بس قضاء الله هذا وصار وغصبا ما عليج تتقبلين
خزرته ودفعته بايدهاا أجرام لو دفعه ادهم ما يندفع ومسار بس دفعته رجع ليوره
باوع عليها مصدوم عفتهم ونزلت اركض قريت معوذات اطلع الافكار الي براسيي
40 يوم احنه معلعين حال مسار سيء ع كلشي تصيح وتجاوز وبس تشوف فهد تكوم لو تعيط علي
وكل مره يرزلها أجرام
بيوم كاعديين بديوان كلنا وكامت للمطبخ لحكتها اريد احجي وياها شويه واشوفها عالكه طباخ ومخليه ايدها ع نارر وتضحك بصووووت عالي ركضتها اجر ايدها من النار ما تنجر عطت عليهم
نور :- وينكممممممم الحكونيييي
اجه أجرام يركض وره البقيه كوه جرها من الطباخ وهو جرها هي فقدت ايدهاا حييل محتركه بحيثا ريحه مال الحرك طلعت
منضر جف ايدها بشعع حييل اول ما شفت استفرغت
وادهم حاير بيه والبقيه بمسار غسلت ونضفت الكاع ورحتلهم
لكيتها كاعده واجرام يعالج بيدها وجمال فاتح القران يقرا
ادهم :- خلناخذها للسيد هاي متلبسه
جمال :- ايي احسسن
أجرام :- نور اصعدي جيبيلها صايه
صعدت ركص اول ما فتحت باب الكنتور مال ملابسها اجتني ريحه كلش بشعه حتى راسي كام يوجعني اخذت صايه ونزلت
ادهم :- نور انت حامل لترحين ويانه
نور :- تمام
شالها اجرام وهي ولا تحجي بس تباوع علينه
نور :- سيرين تجيين وياي فوك الغرفت مسار
سيرين :- شنسوي
نور :- بس تعاي واكلج شنسوي
اول مصعدت علكت قران بلغرفه عليته كل علاته
نور :- دوري بلغرفه احس بيها شي ومخلي مسار هييج
سيرين :- قصدج سحر
نور :- بضبط
فتحنا الكنتور طلعت سيت الابيض مالتها صاير نقاط سود بي وريحه كريههه طلعت كل الملابس اشتمهن ريحتهن طيبه بس بلكنتور الريحه
مابقينا مكان ما دورنا بي اني وسيرين
نور :- خلي نسحب الكنتور شويه
سيرين :- يااا لج حامل لا يطك ضهرج
نور :- لا ميصير شي
سحبنا شويه مدييت ايدي حسيت شي طخ بايدي سحبتا وفتحت عيوني بصدمه من ملابس داخليه ما مسار ملفوف فتحنا تراب اسود ريحته بشعه شالته سيرين طلعته بره
نور :- والله سوالف هاي الكح...
سيرين :- منو
نور :- ياسمين الحييه خرب شلون راحت من بالييي شلون
___________________________________
اتمنى يكون عجبكم
نشرت صوره المسار انستا وهسه حنشرها اهنا للبنات الماعدهن انستا
مسار ❤️👇
حسابي الانستا :- mream_.98