غسـق اللـيل

BART 11

نبدأ بذكر الله ﷽🤎✨

شبح الليل

بارت 11

قراءة ممتعة.. متابعة لحسابي واتباد فضلا وليس امرآ 🫶
......................................... ♡

عيونة تركزت علية بلعت ريك خلة التحليل بجيبة نزع تيشيرتة سحب كرسي كعد وأشر بيدة

وكفت وكل ذرة بجسمي ترجف تقدمت بخطوات خوف صرت كدامة

-: تقدمي اكثر

اردف بنبرة هادية بس بنسبة الية اكثر نبرة شيطانية تقدمت خطوتين صرت مقابيلة بضبط بس الفرق هو كاعد وانا واكفة..

ثواني بقى مثبت نضرة علية وبلحضة كور كف ايدة وضربني على بطني صرخت بفزع وكعت ارافس جوة رجلي..

الهوه شح عني اتنفس بصعوبة وكف ومرة ثانية ضربني ابطني وثالثة لحد ما أستسلم جسمي للألم سكنت بس النفس يطلع مني وبصعوبة..

دنك سحلني من شعري أنيت بوجع شالني شمرني للجرباية صار فوكي دنك لأذني يحجي

-: لازم يموت اي هذا مسخ شيطان الـ بطنج شيء قذر لازم يموت حتى ما ياخذج مني..

وي كل كلمة يضربني نزعني ملابسي صح ما خدرني بس تخدرت من الضرب ماعرف شلون ايدي راحت لضهره..

هاي اول مره اخلي ايدي على جسمة جمد بمكانة وانا اتحسس ضهره اكو علامات ضرب ماعرف شنو مثل المشخط كشت روحي.

وخرت ايدي بسرعة رفع راسة يباوع عليه عيونة حمرر دم حادات خازرني شعرة نزل خصل على وجهة تنفسة عالي صدرة يصعد وينزل انفاسة مو منتضمة....

عض شفتة دنك لوه ايدي ورة ضهري صرخت وضرب بصدره بيدي الثانية دنك يحجي كدام وجهي

-: ديري بالج تخلين ايدج على ضهري مره ثانية عروستي ما يصير خير ابد..

هزيت راسي بأي عدة مرات وخر ايدة تنفست بصوت ضامة ايدي لصدري زفر انفاسة اخذ اديه الثنين ربطهم وانا اتلوه جوا..

غرس اضافرة بحنجي اخذ شفايفي بسنونة وأيده الثانية تتجول على جسمي تحركت اريد اوخر راسي رفع ايده ضربني على حلكي والثانية على خدي بقيت افتح عيوني وسدهن..

من الدوخة بجيت وحس عيوني يحركني عصرت عيوني حيلل من حسيت بوجع شعور مقرف ماريد الطفل جاي من نتيجة اغتصاب..

بس مو هيج يضربني ويعتدي عليه في سبيل يموت البطني انا شنو ذنبي اذا هوه اعتدى عليه بسببه صرت حامل وانا اصلآ ماعرف شنو معنى الأمومة بعدني جاهل..

وخر مني من تأكد نزل دم نمت صفح ضغطت ايدي على بطني وحس اكو دنابيس بطني بس اتحرك تنغزني..

الدم اخذاني شهكت بخوف من منضر رجليه عضيت ايدي كاتمة صرختي صريخ بروحي ما يخلص نزل من الفراش اجه بتجاهي..

نزلني من الجرباية سحاني للحمام شمرني سد الباب وفتح الماي عليه تكورت على نفسي الدم والماي ختلطو سويه..

شطف جسمي جاب صابونة مشاها على جسمي ورجع شطفني لف جسمي وطلعني خلاني على الكرويتة وانا مثل الجثة..

ألم مو طبيعي اعصر بطني كاتمة ألمي ماريد احسسه انا اتوجع ماريد يهتم بيه اكثر لبسني ملابس دافية رجع للفراش غيره شالني خلاني على الجرباية غطاني..

تمدد يمي يمسح على شعري طبع قبلة على فروة راسي واردف بصوت خافت.

عجائب الدنيا سبع ،  ولأنني لا أعترف بإحداهم  جعلت جمالك سابعها..

ما رديت علي يحجي بحده مخبل هذا توه ضربني لحد ما نزفت الموت شفته بعيني وهسه اجه يتغزل بكل عين صلفه..

بقيت بمكاني بس صافنه كام من مكانه لبس تيشيرته حجه وهوه طالع

-: لا تتحركين ابد مو زين عليج عروستي

مذكرات شبح

طلع وسد الباب زفر انفاسة غمض عيونه عت شعره بقوه دخل للمطبخ اخذ بطل مي شربه كله عض شفتة قبض على كف ايده..

ضرب بطنه بقوه اتألم بس ما هتم رجع ضرب نفسه لحد ما ساوهن وي ضرباته الها.

بقى يتنفس سريع طلع من المطبخ بره البيت كله ابتعد عن المكان هواي صرخ بعلو صوته يضرب على فخذه..

وكع على ركبه يتنفس بثنين اديي يقبض على اذانه في سبيل ما يسمع الأصوات الي براسه بقى يضرب راسه ويصيح..

بنص ساعه هو على نفس الحاله هدء اخذ انفاسة بهدوء مسح وجهه رجع للبيت وقبل لا يدخل فتح سيارته..

اخذ مبايله الجديد سد الباب اتكئ بضهره على باب السياره طلع الأرقام وتصل بقى دقايق رد واخيرآ

ضلام -: هلو منو

غمض عيونه عض شفتة واردف

شبح -: انا شبح هذا رقمي الجديد

ضلام -: هذا انتَ شبح وينك مختفي تره الباشا صاير اعصاب والشغل تراكم علينا انتَ بشهر العسل وانا واكع بيها..

شبح-: ضلام أسمعني زين اريد منك تدورلي على جم واحد راح انطيك اساميهم اريد معلومات عن كلشي يخصهم..

ضلام -: خير يا ستار منو ذوله

شبح -: اول شيء كول تكدر لو لا.؟

ضلام -: اف كورس

شبح -: لا تمضرط تره مالي خلكك ضلام

-: ائيم سوري

شبح -: انطيك الأسامي لو ادور غيرك ضلام لا تعبني..

تحمحم واردف بثقه

ضلام -: افااا عليك أنطيني عيد عيناك ضلعي

اخذ نفس ورد

شبح -: كاظم مهزل *** .. جواد صدام *** . غانم صالح ** .. اريدهم لو جانو جوة الكاع ضلام اريدهم تسمعني..

عقد حاجبه وهو يسمع صوت شبح شلون تغير رد علي باستغراب

ضلام -: منو ذوله شبح شتريد منهم

شبح -: بعدين تعرف وها همه يعرفون الباشا راقبه يمكن بعدهم يلتقون لليوم

ضلام -: جا الشغلة خطيره اذا بيها الباشا

شبح -: انتظرك ضلام أملي بيك

ضلام -: عد عيناك ضلعي زين انتَ ما كتلي شلونها مرت الضلع..

شبح -: مو ملاحظ هواي تسأل عليها؟

ضلام -: جا غير مرت اخوي شلون ما اسأل عليها

شبح -: خوش بعد لا تسأل ما يعجبني الوضع معليك بيها اسمها لا تجيبه على بالك ضلام منتضرك لا تتأخر..

ضلام -: اممم أفتهمت لليل اخابرك اذا لكيت شيء عنهم..

شبح -: تمام يله ولي

ضلام -: انعم الله عليك سوي خير وذبه بشط

ابتسم ورد علي

شبح -: بعدك ما مسوي

غلق الخط خله المبايل بجيب بنطرونه رفع راسه للسما اخذ نفس بصوت فرك وجهه عيونه تناضر المكان قفل سيارته ورجع للبيت..

فتح باب الغرفه عيونه تناضر الجسد النايم سد الباب ورجع للمطبخ عزل الغراض الثلاجه صفرت ما بيها شيء زفر انفاسة لازم يجيب غراض..

رجع للغرفه بدل ملابسه خلص تقدم بخطوات الها رفع ايده يضرب بخدها خفيف

ثمار.. نايمة وحس ايد على خدي تكلبت بفراشي فتحت عيوني شهكت بخوف كعدت مفزوعه من شفته فوك راسي وهوه الـ يكعدني

رفع حاجبه كعد مقابيلي واردف عيونه بعيوني

شبح -: كافي نوم مو زين الج راح اروح اشتري غراض للبيت التلفزن البصاله يشتغل اكضي وكت علي خاف اتأخر لا تخافين يابه محد يمج..

كارهته وكارها صوته هزيت راسي ما حسيت اله راجدي على خدي فهيت بوجهه القذر نبت اصابعه بكتفي وحجه

شبح -: صوتج اريد اسمعه لا تهزين راسج بت الكلب...

الدمعه بطرف عيني بس ارمش توكع بلعت ماي حلكي وحجيت بخفوت

-: فهمت

هز راسه وطلع هو عادي يهز راسه بس اني لا  سمعت صوت سيارته لميت رجليه لصدري وبقيت ابجي اشهك وكل شهكه تعبر عن وجعي..

والضلم الأني بي تعبت ومليت لعبت نفسي اكره جسمي اكره كلشي بيه الحياة صارت بنسبه اليه بس قهر وبجي كل يوم اموت صعب والله صعب تعيشين هيج عيشه..

بين يوم وليله تتغير حياتج وين جنت وين صرت حتى بأحلامي ما توقعت هيج يصير بيه اعيش ويه واحد مريض مخبل هو نفسه ما يعرف منو ضايع وضيعني ويا..

مرات احسه انسان طبيعي ومرات شيطان بجسد انسان ابتسامتة كلامه تصرفاته كلشي يتغير بلمح البصر..

يضربني يرجع يضرب نفسه يغتصبني ويرجع يعاملني بحنيه كأنما ما سوه شيء.

شكد فكرت انتحر كمت من فراشي للمطبخ شربت ماي والشهكة بعدهي بيه امسح دموعي وينزلن طلعت سجينه شكد حاده

خليتها على ايدي ماكدر اتعذب منا لحد ما اموت وبلأخره هم اتعذب ماريد اموت اني انسانه ضعيفه ماكدر شمرت السجينه صرخت لحد ما تعبت

احس كلبي كاعد ينغزني حسيت بشي على رجليه مسحته بيدي عكدت حاجبي رفعت ايدي وشوف ايدي كلها دم..

بلعت ريك بطني فجاءة وجعتني مادري من البداية توجعني بس ما جنت حاسه سندت اديه بلـ كاونتر وكفت بصعوبه..

عضيت شفايفي من الألم الدم اخذاني وحس ينزل بغزاره مستقبل الأرضيه تنفست سريع تقدمت بخطوات بس طلعت من باب المطبخ وكعت على بطني..

صرخت وحس اكو شيء كاعد يحفر بطني بسجين ماعرف شلون اوصف الألم اول مره احس بهيج شي خليت اديه بالكاع..

صحت يا علي اريد اوكف ما سيطرت على جسمي ورجعت وكعت بجيت من الألم والقهر الأني بي زحفت بصعوبه لباب الغرفة..

والدم وراي دخلت للحمام شمرت من جسمي ملابسي وانا اتلوه ويه الألم الله لا ينطيك كون الله ياخذك عساك بنار تلتهم كل جزء بيك عساك بوجع مثل وجعي وأكثر..

ادعي بصوت خافت وبجي ماعرف شنو اسوي بس راح اموت من الوجع أنفتح الباب رفعت راسي
فتحت عيوني بصدمة وانا اشوفه مدمه  !.

كل وجهه بي دم وبس بنطرونة صدره عاري واكف بالباب حرك شفايفه بصعوبه ونطق

-: ثمرتي شبيج

بس خلص كلامه وكع من الطول للطول صرخت بفزع وخوف وانا اشوف ضهره كله دم ومشخط خطوط ضعاف وطوال..

الدم ينزل منه بغزاره بجيت وصيحت لحد ما تعبت ماكدر احركه ولا اكدر احرك جسمي ثنينه مدمايين ماعرف شنو الصار بس واضح اثار الضرب توه ضاربي..

بقيت بس بملابسي الداخليه عيوني ينفتحن وينسدن وحدهن ما سيطرت على جسمي ستسلمت للألم وغمضت عيوني..

فتحت عيوني بصعوبه ماعرف شكد مر وكت حسيت ايد نخلت على طرف رجلي شهكت رفعت راسي اباوع بعده على نومته واني همين..

بلعت ريك حركت ضهري صرخت بوجع بجيت بس رجعت تحركت فاتح عيونه عليه حمررر دمم..

تنفسه مو منتضم لو ما اني بهذا حالي جان شردت من زمان وخليته لحد ما يموت بس للأسف ثنينه دا نعيش الألم..

حرك جسمه طلع منه أنين خافت جان نايم على بطنه زحف وصل يمي خله ايده على بطني ويحجي بخفوت

-: لجج ثمره تحركي شبيج لجج فتحي عيونج لا ترجعين تناميننن

فتحت عيوني بس ماكدر احرك اديه مثل الميته وبيه نفس تحرك رافع ضهره عض شفايفه طلعت منه صرخه غمض عيونه يتنفس بصوت عالي..

ما هتميتله ابد ولا حتى كسر خاطري ولو شوي خلي يعيش شويه من الوجع العيشنيا رفع ايده فتح الدوش نزل الماي على ضهره..

صرخ مره ثانيه الدم والماي اختلطو سوه جراني من رجليه صرت جوا وهوه فوكي ضرب خدي راجدي خفيف حتى يصحيني حجه والألم واضح من صوته..

شبح -: فتحي عيونج دخيل ربج التحلفين بي فتحي عيونج ثمرتي شبيج شبيج شنو صار ليش هيج الدم بكل مكان بره خبلتيني عليج حسبالي سويتي شي لروحج...

بس أون ماكدر احجي الماي ينزل علينا احنا الثنين وهوه حاير شيسوي بعد ماعرف شكد مر وكت وكف بصعوبه سد الماي طلع دقايق ورجع مغير بنطرونه وبعده عاري..

دنك يريد يشيلني صرخ كاتم صوته بشفايفه رجعني يتنفس سريع طلع ورد جايب ملابس كعد ماد رجلي بلكاع شال راسي خلاه على رجلي نزعني ملابسي الباقيات..

لبسني بصعوبه وكل شويه مغمض عيونه ويكفر خلص خله ايد جوه راسي والثانية جوه رجلي اخذ نفس وشالني

بقى يلتقط انفاسه طلع خلاني على الجربايه غطاني طبع قبله على شفايفي دار ضهره وطلع دقايق وسمع صوت صريخه ملا البيت..

حاولت شكد انزل ما كدرت بقيت بمكاني امسح دموعي انفتح الباب ودخل يمشي مثل السكران ضهره كله لافه بشاش بحيث مغطي كل بطنه..

لمحني اباوع علي تقدم بخطوات مو ثابته ذب جسمه على الجربايه نايم على بطنه ادنه يمي خله اديه على خصري مقربني اله..

-: عذبني ثمرتي ضربني كل هذا تحملته على مودج لا تعوفيني محد يحبني بس انتِ تحبيني صح..؟

بلعت ريك، رفع راسه بقيت ساكته هز راسه ورجع دنك وحجه بصعوبه

-: ثمرة ابوي انا أغتصبني بعيونة مو بجسمه

فتحت عيوني بصدمة شهكت حركت اديه على وجهه نام ماكو ما يتحرك شنو قصده؟ معقوله يهلوس او يحجي مو بوعيه..

الأعرفه انا ما عنده ابو ميت من زمان هذا الكلتلي علي شجن اخته يمكن ما يعرف شنو يحجي ايي مايعرف او يمكن يحجي هيج حتى يثير عطفي علي بس مستحيل هذا الشي انا من زمان كلبي مات..

هزيت راسي اقنع بنفسي وبين تفكيري والامي غفيت ماعرف شنو ضامتلي الأيام الجايه...

فتحت عيوني على اثر ايد تمشي بوجهي  يباوع عليه ايده تمسد على خدي على شفايفه ابتسامة..

بس لمحني كعدت تحمحم واردف

-: شلون صرتي ثمرتي...؟

تحركت عدلت نومتي ورديت علي

-: زينه

هز راسه بقى ساكت وانا هم قاطع الصمت صوته

شبح -: هم حجيت شي وانا نايم.؟؟

-: شي مثل شنو..

رديت علي باستغراب هز راسه مره ثانيه واردف كأنما يسد الموضوع

-: هيج انسي اذا صرتي زينه وتكدرين تتحركين ساعديني حتى نطلع للمطبخ كافي نوم ما شبعتي

-: ما عندي غيره اني وانتَ ساعد روحك انا شكو.؟

ضحك
-: جا انا مو هل اساعدج وأنتِ بس نايمه حتى طبخ انا اطبخ نسيتي.؟

-: لا ما نسيت بس انتَ غصبآ عليك تساعدني لان انتَ السبب بجروحي وبعدين انا ماكدر شلون تريدني اساعدك..

تنهد واردف
-: ساعديني بلـ مشي ثمرتي سنديني صيري تجايتي

-: اهووو اشايفني انتَ عوجية وتنتجي عليها لو حايط شايف نفسك جنك فيل..

ضحك بصوت
-: جا خوش وين تروحين مني اضمها الج..

-: يله كسرت خاطري ولو اني اصلآ ضهري هم يوجعني..

كمت صرت مقابيله تحرك بخفوت سند جسمه عليه خله ايده وره راسي وكف ذب ثكله عليه

-: ما جذبت من سميتك فيل

-: وأنتِ نمله ههههه

-: اممم صرنه الفيل والنمله..

ابتسم بصدق شكد حلوه ابتسامته مو الشيطانيه لا هاي بريئه طلعنا بره الغرفة وكف بصاله واردف

-: خرب جبت الغراض بقن بسياره لازم ندخلهن جوه ثمره..

هزيت راسي بأي..
رد ما قابل

-: لا تهزين راسج عمي احجي صوتج حلو شني خرسه..

-: والله عاد اني بكيفي وانتَ مو هل تهز راسك جا لعد اني وحد..

بس كملت كلامي ضحك ضحكة طويله عاليه كل هذا وهوه ساند جسمه عليه سكت وحجه وهوه مختنك

-: هاي شلون رهمتيها جا ولعد شلون حلوه بلـ سانج عمي اروح فدوه لبغداد ولهجتهم..

-: اي خوش وين المفتاح افتح الباب حتى ندخل الغراض المشتريهم..

هز راسه وخر ايده طلع المفتاح ومشى كدامي فتحت حلكي بصدمة لحكته وهوه يفتح الباب حجيت

-: هاي مو توك ما تكدر تمشي وساند جسمك عليه؟؟

ضحك خفيف فتح الباب ويمشي ويحجي

-: صرت زين تعالي وياي ننقل الغراض..

خليت رجليه بره الباب الشمس ضربت بجسمي عضيت شفايفي ماريد ابجي صار هواي ما شايفه الشمس..

هو فتح باب السياره طلع علاكات هواي شالهن ويبواع عليه وانا رافعه راسي للسما استنشق الهوه بصوت..

الشمس جانت قويه لئن بوكتها جان ضهر بس ما أهتميت بلـ عكس أستمتعت أضحك بصوت فتحت عيوني اباوع علي بيده العلاليك حجه وهوه يدخل جوه

شبح -: اخذي راحتج بس لا تبتعدين عن البيت هواي ثمره تره اكو حيوانات..

هزيت راسي مبتسمه دخل جوه وانا تمشيت مبتعده ما سمعت كلامه كل همي احس بشعور الحريه شوي ما جنت اعرف الشمس وشوية من المشي يسببلي السعاده كل هل كد..

اكو خضار شويه يوصل لكعب رجلي بس المكان حلو صوت الطيور عالي بس هذا الأسمعه واكو شجره جبيره جواها خضار مشيت بخطوات وأي نيه للهرب ما عندي..

ايقنت انُ هاي الفكرة بس تسببلي المشاكل والألم كعدت جوه الشجره اخذت نفس مددت رجليه وجسمي كله مستلقية للطبيعه.

الشعور حلو انتو تخيلو جوه شجره وبس صوت الطيور جواي حشيش ناعم غمضت عيوني اخذت نفس وزفره بصوت..

دقايق وحسيت يمي حركه فتحت عيوني شفته واكف فوك راسي اجيت اكوم هز راسه بلا بقيت على نومتي بلعت ريك من مدد جسمه وخله راسه على رجليه..

غمض عيونه متألم شفايفه تتحرك ماعرف شنو يحجي مرت دقايق هدوء وصمت من الثنين تنهد بصوت واردف

-: لعبي بشعري ثمرتي

بحت الصوت خلتني اعرفه منو هذا تنهدت عدلت كعدتي مديت ايدي بتردد خليتها بشعره مو حب او انجذاب بس حسيت صوته يختلف عن صوت الشبح هذا شايار..

ماعرف شلون اوصف الكم الطريقة بس تحسي واحد ثاني يعني بل اصح اكو شخصين عايشين بجسد واحد ملاك والثاني شيطان..

وثاني شي ردت استغل الوضع وسئله لهذا خليت اديه بشعره تنهد مغمض عيونه تحمحمت وسئلته

-: انتَ هواي غامض

شبح ابتسامه ضهرت على شفته سرعان
ما أنمحت ورد علي

-: شلون يعني وضحي اكثر..؟

-: من هواي نواحي يعني من ناحية طفولتك شخصيتك كلامك هذا كله بصوب والصار اليوم بصوب ثاني..

-: اممم سئلي عن شنو تردين اجاوبج ثمرتي

-: انتَ هسه شايار لو الشبح

-: شايار

-: زين ليش دا تتصرف كأنما داخلك انسانين يعيشون بينما انتَ واحد بس..
من ليمته عندك هاي الضاهره؟؟

ابتسم ورد
-: سؤالين ذنـي

-: هسه جاوب ليش تتهرب من الجواب

-: شوفي من جنت طفل عشت بغرفه منعزله بعيده عن البشر جنت ماعرف ليلي من نهاري ولئن ماكو احد احجي وياه صرت اتخيل يمي شخص
وأحجي وياه

يعني مثلاً اسأل سؤال اغير صوتي ورد اجاوب على السؤال بس بغير طريقة وغير صوت.. من الصغر سميته شبح لان هوه فعلا شبح ما شوفه بس اوهمت نفسي بي وبصوته..

شايار الملاك والشبح شيطان سببلي عقده وحاله نفسيه بسببه كامو يصيحولي مجنون جنت اضربه وأحجي وياه اكله ماريدك
اطلع من راسي بس هوه جان يسيطر عليه تعذبت بسببه هواييي لحد ما صار جزء مني أحتلني بلـ كامل

ثمار -: اهلك وين جانو عنك امك ابوك؟؟

-: ههه همه سبب حالتي الأم جانت عدها اهم شي الفلوس وبزمن الفساد والجوع صارت الناس تطمع بكلشي ابوي على كولتج طمع بسياسه والمراتب وأمي طمعت بفلوسه..

-: ابوك هسه هو ميت مو..؟

فتح عيونه فركهن بس لا رجع لشبح ثواني بس تحرك فاتح عيونه بصدمة دار ضهره عليه بلعت ريك للمره الألف..

غمض عيونه شتم نفسه ورجع فتحهن غرس اصابع ايده بفكي واردف صاك على سنونه..

-: انسي كلشي كتلج عليه ليش تسألين اذا جان عايش او لا شنو يهمج اذا عرفتي؟ هااا لججج احجي..

رفعت ايدي اريد اخفف قبضه ايده عصر فكي اقوى غمضت عيوني ورديت علي بخوف

-: والله مو قصدي شيء مجرد سؤال براسي والله اخخ حباب وخر ايدك..

وخر ايده خلاها بيدي وجراني بقوه وصلنه للبيت شمرني قفل الباب خله المفتاح بجيبه تعداني للمطبخ كمت بصعوبه دخلت المبطخ..

حتى ما لتفت عليه بقى ساكت ويكشر بصل قطعا اردف وهوه يشغل النار

-: تكدرين تكطعين البتيته؟

-: اممم عادي

هز راسه جاب راسين بتيته وسجينه دنك خلاهم كدامي غمض عيونه عض شفتة يمكن ضهره السبب سكتت رجع للطباخ اخذ نفس بصوت..

شال ايده نزع تيشيرته شمره على الكاونتر بقى بشورت ضهره لافه بشاش دنكت اكشر البتيته رفعت راسي اله وحجيت

-: شلون تريد شكلها

فز يباوع عليه هز راسه بشنو رفعت حاجبي ورديت
-: البتيته شلون تريد شكلها

-: اريدها مكعبات اسويها مركه..

هزيت راسي ودنكت خلصتها وهوه طول الوكت ساكت خلص طبخ خله تمن بصحن ومركه بطاسه خلاهم كدامي جاب خاشوكه خلاها بصحن..

رجع خله اله وكعد كدامي جاب من نفس القنينة صب بكلاص دنكت اكل طبخه حلو

ثمار -: اني هم اريد من هذا العصير

حجيتها وأشر على البطل اليمه رفع راسه بس لمحني أشر على البطل ابتسم نص ابتسامه شال كلاصه اخذ رشفه ويهز الكلاص كدامي..

شبح -: تعرفين شنو هذا انتِ عروستي؟

بلعت ريك اذا كال عروستي يعني هذا الشبح

ثمار -: عصير لعد شنو

ابتسم اكثر ورد

-: تـردين تجربينه؟

عقدت حاجبي من سؤاله هزيت راسي بأي نطاني كلاصه واردف بابتسامة

-: هاج هذا كلاصي اذا شربتي كله وعجبج طعمه انطيج بعد..

مديت ايدي اخذته الكلاص اساسآ بي قليل كلش

ثمار -: تره هذا شويه شني خايف على عصيرك لا يخلص؟؟

عض شفتة ورد

-: اكل الشفه التحجي بصراوي

هزيت ايدي بدون أي مقدمات خليت شويه بحلكي بس خليته بحلكي حسيت بطعمه بسقته بلـ كاع كحيت كمت بسرعة للمغسله غسلت حلكي..

تمضمضت وحس طعمه بعده درت علي بكل عصبيه حجيت

ثمار -: شنووو هذاااا سمممم

ضحك بصوت عالي اليوم هواي ضحك اردف من بين ضحكته

شبح -: تؤ هذا نبيذ

فتحت عيوني بصدمة عزا بعيني شربت المحرمات مسحت حلكي بيدي وجيت اركض علي رفعت اديه وضربته على بطنه بثنين اديه وحجي

-: لككك انتَ واحدد حقيررر نذللل كااافررر شلوننن تشربب وهوه حراااامم شلوننن سمحتت لنفسككك تخدعنييي مستغللل عدممم معرفتييي الله ياااخذك ياااا حقيررر الله يااااخذك ويخلصنننييي منككك..

سحبني لحضنه شهكت صرت كاعده بحضنه بلمح البصر اجيت اكوم ثبتني بدي ويحجي بأذني

-: اششش صوتجج لا تتحركين جا انا شلي غرض غير انتِ ردتي تشربين

-: انا حسبالي عصيررر

-: يله عادي أعتبري عصير ما صار شيء تره كبرتي الموضوع..

-: انتَ من شنو مخلوق بس كلي من أي طينه ولك حراام تعرف شنو حرام

رد بهدوء

-: تؤ

ثمار -: انتَ ليش هيج بارد والله صدك يعني انتَ كافر ها ملحد يعني؟؟

-: اممم شلون عرفتي انا ملحد؟

ثمار -: ايي والله لعد حسبالي ملح... سكتت عاكده حاجبي أردد كلامه توه كال هوه ملحد لو يتهيئلي؟ بقيت ساكته اعيد كلامه..

حسيت راسه بركبتي شهكت من عضني دفعته وكفت خليت ايدي على مكان العضه ستقام من مكانه صار مقابيلي مد ايده يمسح على خدي وخرت ايده بعصبيه وحجيت

ثمار -: انتَ صدك ملحد يعني ملحد ملحد يعني ما ماتعترف ب الله يعني عزااا ايعع وخر مني لا تلمسني انا اكول شلون تكفر طلعت ملحد كافر بعد لا تلمسنييي ديرر بالكك تتقربللي حراااام..

حجيت اخر كلامي بصريخ ماعرف منين اجتني الراجديات من كل صفحه بوجهي كضاني من شعري من وره قربتي دم لوجهه اردف وأنفاسه تلفح بوجهي..

شبح -: هوش صوتج جم مره اكلج لا تعلينه بعدين منو هذا الله؟ ها لو جان صدك موجود سمعج وأنتِ تبجين أستجاب لدعائج
وأنتِ تدعين تتخلصين مني مجرد خرافات وخلص الموضوع وذا مره ثانيه تعلين صوتج وتكولين لا تتقربلي ماحب هذا الحجي عروستي ديري بالج تعيدينه صدكي ما يصير خير..

كمل كلامه دفعني خاصرتي نضربت بطرف الكاونتر صرخت بوجع كعدت بلكاع اتلوه من الألم ما مهتم رجع للطاوله شال المواعين بقى يغسل وانا بمكاني ابجي وحس خاصرتي كبت بيها نار..

كمل شغله كنبص كدامي مد ايده رفعني من شعري صرخت وكفني عتاني مطلعني من المطبخ فتح باب الغرفة شمرني على الجربايه أنيت بوجع..

اجيت اكوم ضربني رجعت لمكاني زحفت للجهه الثانية مد ايده لرجليه رجعني دفعته من صدره برجليه وانا اصرخ ماريد يلمسني..

زمجر بغضب اعتلاني عكس ايده خلاها على بطني صرخت وحس ايده كاعد تخترق بطني

-: اششش اشش لا تتحركين تتأذين اكثر ثبتي خلي اشفي جروحي عروستي..

بجيت بصوت وهز راسي خله اصابعه بحنجي وضغط عليهن سكنت وكمت اون من الألم

يتبـــــــع

اعرف البارت قصير اعوضكم البارتات الجاية 🫂

طبعآ اسفه على التأخير اكلكم هم عدكم الكهرباء طافيه؟ اقصد يعني كل شوي تطفى ماشاء الله احنا طفت من الضهر توه شتغلت 🙂

المهم خلونه منها ستمتعو وعلقو للبارت وضغطو ⭐

تصبحون على الف خير ✨

الكاتبة ميـان 🤎