هذا المساء
سأڪتب لك قصيدة
وسآتي بها إليكَ
بحجة أخذ رأيكَ
لا تضع قلباً عليها
أو أن تقول يا لعظمة ما ڪتبت
عانقها
أنني في ڪل أطرافها مُمزقة
واقرأها مرتين أو ثلاث
عل صوتكَ يشفي أوجاعي هنا
أو لعلكَ تدرك أخيراً
أنني ڪنتُ أقصدك بها ..
مجتبى: جاي اكلج اعتذري من وسن يلا بابا
عيب الي سويتي شون تمدين ايدج عليها وهي اكبر منج
لبوة : والله اني ماغلطانه بشي و ما اعتذر لو تموت
مجتبى: لبوووووة
لبوة:كلت ما اعتذر
مجتبى: لبوة لاتخليني اصرف وياج غير تصر
لبوة: متحملت حجيه ممتعوده مجتبى هيج يحجي ويايه
كمت ابجي بصوت عالي و اشهك
مجتبى: لبوه شجاي اكول اني
لبوة: ما ماااااا ماتعتذر
وسن : مجتبى عوفها ماريد اسوي مشاكل
خلاص لاتعتذر
اسد : شكو شصاير
وسن : عيوني مصاير شي
اسد: لعد شبيها لبوة تبجي
لبوة شبيج منو وياج
لبوة: اخوكك
اسد : شبي اخويه
لبوة: يريدني اعتذر واني ما مسويه شي
مجتبى: اللهم طولج يا روح وتالي شلون وياج يا لبوة
لبوة بصوت عالي : كتلك ما مسويه شيييييي وما اعتذر
مجتبى: صوتججججججج ولج
لبوة: راد يجي يمي بس اسد وكف كدامي
اسد: هوب هوبب كول يا الله شبيك راح اتمد ايدك على اختك
وانت ماتعرف بالسالفه اصلا
منو جان يكول لضرغام لاتهجم مثل الثور
اعرف شكو شصاير يلا اصرف البنيه جاي تكلك مامسويه شي
ليش مجاي اصدكها
مجتبى: استغفر الله ياربي انت ماتعرف شي
فوخر على صفحه
لبوة: حيل حزت بخاطري شلون هذا مجتبى
هذا ابويه الثاني هذا الحنين شون يسوي هيج بيه معقوله جان
راح يمد ايده عليه بس علمود هاي الحيه عفتهم واني دموعي
عشره على عشره مجاي اصدك ابد مستحيل
صعدت فوك ورحت لغرفه ضرغام
جان مبين عليه توه كاعد من النوم على صوت صياحنا
ضرغام: شبيج
لبوة: ذبيت نفسي بحضنه وكعدت ابجي وابجي
ضرغام: شكو لبوه شصاير شبيج
لبوة : ولا شي
ضرغام: لعد عليمن هل بجي
لبوة: كافي عوفني
ضرغام: تعالي اشو هاج امسحي دموعج
وكافي بجي خل افهم منو وياج
لبوة: اجا اسد
اسد : ها لبوة انتي هنا
لبوة: اي
ضرغام: شكو شصاير
اسد: علمي علمك عالكه بين مجتبى و اختك
ضرغام: تعال اكعد خل نفهم
اسد: اي ، يلا لبوة احجي خل نفهم شصاير
لبوة: شسمه كعدت الصبح على صوت وسن و ماما جاي يتعاركن
رحت تلاغيت ويا وسن و صار مشاجرات كلاميه
ف اجت سحبتني من شعري والله والله وروح بابا ما مديت ايدي
عليها ويي خاتون مخرمشه روحها عود على اساس اني مسويه هيج
بيها السخيفه
ضرغام: اي وبعدين
اسد: وبعدين مجتبى مصدك وسن حبيبه الكلب
ف تعاركو هو و لبوة و راد .. هيج انسى
ضرغام: راد شنو
اسد: يضربها
ضرغام: لحضه لحضه ونت شنو موقعك
اسد: هيو ترا مخليتا يسويلها شي والله لو طاخها جان جنزته بالقران
الكريم ، صدك جذب كم لولي عندي اني حبيبه كلبي هاي
لبوة: ههه
ضرغام: زين اني اروح يم مجتبى
اسد : اصبر اني هم اجي وياك
لبوة: طلعو من الغرفه واني هم طلعت رحت لغرفتي
راسي يوجعني من البجي ف نمت
___
ضرغام: مجتبى مجتبى
مجتبى: وسم واحد ما يرتاح بهل بيت
ضرغام: نجب ولك شو انت عينك فرد مره طالعه
مجتبى: شجاي تاكل خرا شكو
ضرغام: شبيك ويا لبوه
مجتبى: ويا طلابه لبوة الماتخلص وتالي
ضرغام: مجتبى بلا زحمه ذكرني بواحد جان يكلي لاتهجم مثل
الثور افهم السالفه يلا شو بالله مجاي اذكر اسمه يمكن جان اسمه
مجتبى على ما اذكر
مجتبى: وجع ترا فهمت السالفه و حجيت
ضرغام: شو بالله شنو هي السالفه
مجتبى: هن متعاركات بيناتهن و لبوة ماده ايدها على
وسن
ضرغام: بس هو مصار هيج ولبوة ماكلت هيج
مجتبى: شنو قصدك ؟
اسد : لا ولا شي ما قصدنا شي سيد مجتبى بس الي ردنا نكوله هومره الجايه ايديك اكسرها اذا فكرت بس مجرد تفكير
تمدها على اختي
مجتبى: شو صاير تتجاوز على الاكبر منك
اسد: والله اذا الاكبر مني بعير شسوي مضطر
مجتبى: اسد كوم من كدامي لاحلكك اشكه
اسد: اوييي خفتت
ضرغام: بسسسسسس كافي عاد روح انت اسد يم لبوة
وانت يم مرتك يلا لاسوها سالفه
___
لبوة: فزيت من النوم على صوت موبايلي يدك
بالكوه كمت شفته عون جاي يخابر سويته صامت ورجعت نمت
مادرت اله بال حاولت انام بس ما جاني نوم ف قررت اكوم
اسويلي شي اكله نزلت للمطبخ واكيد سويت اندومي
اخذت الاندومي وصعدت لغرفه اسد جان ضرغام كاعد
ويا اسد وجاي يسولفون ومبين النقاش كلش حاد
اخواتي العزيزات
ضرغام: جبي ولج زلم مشوربه طول بعرض خواتي شنو
لبوة: سويتلكم اندومي
اسد: چريم وبالچرم معروف
لبوة: احمم احمم يلا ناكل قبل لا يبرد
نسفو الماعون نسف اني بس لحكت اكل لكمتين
اخذت الصينيه و نزلت للمطبخ شفت وسن بالمطبخ
خليت الصينيه وجاي اطلع سمعت صوت ماعون نكسر
نداريت على وسن شفت ماعون واكع متكسر وبدت اصيح
وسن : الحكوني الحكوني يمه مجتبى
لبوة: ضليت صافنه ماعرف شكو
اجا مجتبى
مجتبى: شكو شصاير
وسن : عزا مجتبى الحكني اختك تريد تموتني الله ستر
وما اجا الماعون بيه
لبوة: ها شنو
اجوي ضرغام و اسد
مجتبى: لبوة وتالييييييي وياج تاليي
لبوة: مصدومه ماعرف شحجي شنو شصارر اجا لزمني من شعري
مجتبى: عينج حيل طالعه لج شنو هل اخلاق
اسد: عوفهااااا
مجتبى: انجب انت خل اربيها
لبوة بدموع : والله مامسويه شي والله
مجتبى: انجبي ولا حرف
اسد: دفعت مجتبى وصيحت عليه اني مجاي اكلك عوفها
عوفها البينه ما مسويه شي نزلت ماعون الاندومي لو تورطت
شبيك صاير ثور
ضرغام: لبوة انتي اصعدي فوك معليج
لبوة: صعدت فوك و طكيتها مناحه واسمع صوتهم يتعاركون
ياربي هاي شبيها وياي شتريد مني شمسويتلها اني
ضليت كاعده بمكاني وابجي بعد شكم ساعه نمت بدون ماحس على نفسي
كعدت الصبح شفت مبايلي فوك ال30 اتصال من عون
وكومه رسايل
خابرته ما جاوب ورا شويه دك رديت عليه
الو
عون : الو لبوة وينج ضل بالي شنو البارحه كله ماكو بيج شي
ضل بالي عليج صاير شي
لبوة: لا
عون : لعد شبيج وينج البارحه
لبوة: ميخصك
عون : لبوة بيج شي
لبوة: اكرهك انت واختك الله ينتقم منكم اكرهكم
عون : لحضه لحضه شبيج اصبري شكو
لبوة: عون شوف اكلك هاي مره
مره الثانيه اذا خابرتني انطي المبايل بيد ضرغام و اسد و
متلوم الا نفسك
عون : هيج صارت ست لبوة خوش خوش
لبوة: سديت الاتصال و اكو غصه مو طبيعيه بكلبي
هاي شدا يصير وياي ليش ياربي شمسويه اني
بعد شهر.....
لبوة : شهر كامل واني ما احجي ويا مجتبى حاول مره يصالحني
بس ماقبلت و صرت اصلا ما انزل اخابر تمارا اذا وسن موجوده
اضل بغرفتي وذا ما موجوده انزل انضف اسوي اكل لنفسي
وقبل سبوع بدينا نعزل بالبيت مجتبى لكى بيت ايجار و اجره
نقلنا اغلبيه الاغراض بسرعه مجتبى حيل مستعجل
يريد خلال اسبوعين نتحول
وليوم خميس نقلنا كومه اشياء من الصبح لحد ساعه 10 بليل
باجر ان شاء الله اخر يوم بهل بيت ناخذ اخر وجبه
وهاي هي
_____
ضرغام: مذكرات تحت سرير مهجورَ ..
اليومَ الجمعه في منتصف الفجر مع وحدتي في الظلام الحالك جسدي ملقى كالجثه هامده على فراشي خصلات شعري متبعثره والغطاء مرمي انظر الى سقف غرفتي بعيناي المدعجه وشفتاي البارده اصبحت مثل صخور متكسره
واما قلبي فهو بات خائفا من تفكير من شخص حاول الانتحار ، صوت الرياح يصرخ من نافذتي وكأنه يحذرني ان لاافعلها نجوت مره ولكن الحظ ليس كل مره كنت متربص لاجل يأتي ليأخذ روحا متعبه اريد النوم بشده لكن احاول ان ابقى مستيقض كوابيسي تزداد سوءا ولاارق تيم بي عالقه بدوامه غريبه ليس لها نهايه مفيده انا كشخص هاربا حتى من نفسه ..
اتظن انهُ بعقله ؟
صباحًا..
تمارا : لبوة تعالي اخذي هذا الصندوك للسياره
لبوة: دقيقه جيت دا اطلع شفت وسن وكبل رجعت و صيحت ل
تمارا انتي اخذي اني اروح اجيب جنطتي
تمارا : تمام
لبوة: اخذت اغراضي و صعدت بالسياره ورحنا للبيت الجديد
طبعا البيت لا باس بيه ، بيه اربع غرف غرفه لماما و غرفه الي و ال تمارا وغرفه ل اسد و ضرغام و غرفه ل مجتبى و ست وسن
وبيه مطبخ و استقبال اصغير و ثنين صحيات وحديقه كلش كلش
صغيره بالكره تسمه حديقه
مجتبى: لبوة تعالي اخذي هذا الجيس صعدي فوك بيها اغراضي
لبوة: اخذت الجيس بدون ما احجي اي شي او حتى احط
عيني بعينه كلش كلبي مكسور منه واحس هذا مو اخويه مجتبى
صعدت للدرجع وبايدي الجيس فجاه احس الدينا كامت تفتر بيه
كمت ما اشوف شي الجيس وكعد من ايدي
مجتبى: واني جاي اشيل الصندوك شفت لبوة وكع الجيس من
ايدها واغمى عليها ركضت يمها
لبوة لبوه كعدي لبوة شبيج
اسد: سمعت صوت مجتبى يكول لبوة كلت
وتالي هذا ما يجوز من لبوة لطش بيها رحت شفت
لبوة واكعه ب بدايه الدرج ركضت يمها ، مجتبى شبيها شمسويلها
مجتبى: مسوين شي هي من حالها وكعت
اسد: ركضت جبت مي و رشيت على وجهاا
لبوة: حسيت على قطرات مي بارده على وجهي
بالكوه فتحت عيني احسه ثكيله فتحتها اول شي شفت
مغوش ضليت ارمش مره مرتين يلا وضحت الرؤيه عندي
اسد : لبوة لبوة كومي شبيج
لبوة: ها شكو
اسد: لبوة شتحسين اكو شي يوجعج اخذج للطوارئ ؟
لبوة: ها لا بس راسي يوجعني
اسد: كومي لغرفتج ارتاحي
سندتها حتى تكوم و مشينا لغرفتها
لبوة خو مابيج شي
لبوة: والله كلشي مابيه
اسد: اكيد ؟ خل نروح ونتاكد
لبوة: والله ما يحتاج
ام مجتبى: يمه بنيتي سلامتج شبيج يمه
لبوة: مابيه شي بس شويه دوخه
ام مجتبى: هاي لان ماتاكلين يا يمه انتبهي على صحتج
على اكلج شوفي شحالج جلد وعضم ديري بالج على روحج
اذا صار بيج شي لا سامح الله اني شيصير بيه
لبوة: صار يمه
ام مجتبى: بعد روحي شمشتهيه اسويلج
لبوة: ماما ماريد شي تسلمين
ام مجتبى: يا يمه ما يصير
لبوة: ما اشتهي هسه
ام مجتبى:دهسه كولي شتردين ولما اسوي تكومين تشتهين
لبوة: اممم اريد لعد برياني
ام مجتبى: صار يمه هسه كايمه اسويلج
لبوة: ماما طلعت و دخلت وسن درت وجهي بمعنى ما اريد احجي
وياها
وسن : لبوة حياتي شبيج سلامتج
لبوة: الله يسلمج
مجتبى: وسن اطلعي وسدس الباب وراج
وسن : صار
لبوة: طلعت وسن وضل مجتبى صافن على وجهي فتره
وراها كال
مجتبى:...........
يتبع
كانت معكم الكاتبة: كگــٰاف🤍.
حبايب كلبي كل عام وانتو بالف خير و صحه وسلامة ياربي
ان شاء الله سنةً خير علينا وعليكم وعلى كل امة محمد
عدا ايران 😂، أن شأء الله سنة تحقيق الاماني وسنه مليناه افراح
جعل ما شووفون يوم حزن بهل سنه كلها ربي يديمكم ويحفضكم كلكم ويحفض احبابكم وعزاز كلبكم 🤍🤍🤍🫶🏻
حبيباتي الحلوات 💜.
صديقاتي ، كل عام وانتم تحيطون بي من جميع جهاتي ، اعواماً سعيدة نحياها معاً ..♥️
انتو اكثر من صديقات انتو خواتي 🤍💜،.
دمتم سالمين ، الى لقاءً قريب 💜🤍،