ايلين:علاه بانلك هكذا؟؟
جان قعد على الفوتاي يربط فالاحداث ويحكي
جان:الصباح وقت كنا فلاجتماع التلفون صونا مردتش المرة اللولى ومبعد خرجت ترد ومازن لحقها ومبعد رجعت وجهها صفر وتايهة ومازن اللي كان يفطن فيها ووقت مشينا غير انا وهيا للبيرو كانت تايهة ووجهها صفر سقسيتها عنفس سؤالك شكون عيط؟.... تعرفي وش قالتلي؟
ايلين هزت راسها بمعنى شكون؟
جان:قالت سمير اللي عيط وكانت خايفة بزاف.... تصدقي شفت في عينين سيليا بزاف قهر ووجاع
ايلين:جاان راني خايفة عليها اصلا انا مكانش لازم نجيبها معايا كنت عارفة بلي هاذ الشي غلط ... غلط اني نجيبها لهنا
جان:ايلين انا ونتي من طول صغرنا كنا صحاب وبزاااف قراب لبعضانا ومكانش بينا اسرار خاصة وقت واحد فينا يكون مهموم يماا اعتبرتك بنتها وانا اعتبرتك اختي يرحم والديك قوليلي وش حكاية سيليا وبلاك كيما نعاونك نحاول نعاون سيليا راني نشوف فالحكاية كبيرة
ايلين تنهدت وقعدت :اااه يا جان ااه افف
جان:يابنتي وشبيك احكي حاجة
ايلين :جاان سيليا وراها حكاية طويلة ومنقدرش نحكي الا اذا هيا قبلت تحكي ...جاان صدقني راها عانات بزاف به تكون سيليا اللي هيا عليها ضك
جان:اوك نتي مش بش تحكي ميي انا رايح نعرف منها ولا من معارفي رايح نجيب الخبر ونشوف حل
ايلين شافت فيه بفخر:راني فرحانة بيك خالتي عصماء ضك اكيد فخورة بزااااف بيك
جان:هههه ايه مي هيا مزال عندها حلم لازم نحققهولها
ايلين:والله توحشتها
جان وقف: نوضي البسي وهيا نروحو عندها مام انا توحشتها ليا يومين مشفتهاش غير فالتلفون ومقلتلهاش بلي نتي معايا باه نديرهالها سوربريز
ايلين:ههه... ميي.. وسيليا
جان :نعيطولها تجينا نوووضي هيا
ناضت ايلين وراه ومشات تلبس ومام هوا مشا لجناحو يلبس
خانسة وسط صدرها ودميعات هابطين على خدودها اللي حمارو من البكا حتى هزتلها ذيك المراا راسها
....:يا بنتي علاه هاذو الدميعات هابطين ؟؟ااا؟وش راه موجع هاذ الزينة ؟(وتبسمتلها بحنية كبييييرة)
سيليا تحكي بصوت مخنوق وغصة البكا غالبة عليه:بيه كلشي يا خالتي... كلشي...
......:ايه يا بنتي احكيلي نخفف عليك بلاك نعاونك
سيليا:هذا هو المشكل منقدرش نحكي سمحيلي خالتي
سكتت على الصغرونة اللي وقفت عليهم
لينار تمسح على خدود سيليا تنحيلها فالدموع:سييليا علاه راكي تبكي؟؟ وشافت فالمرا الللي معا سيليا :جدة علاه بكيتي سيليا راها صاحبتي ؟؟
سليمة جبدت سيليا لحضنها كثر:لالا يا لينار انا....(سكتت وقت نطقت سيليا)
سيليا:ليينار تعرفيها ؟؟
لينار تبسمت :هههه هاذي جدة نتي اللي لازم نسقسيك منين تعرفيها ؟
سليمة:لينار بنتي منين تعرفي هاذ الزينة ومسحت على شعر سيليا هابطة لخدودها بحنانة
لينار:فالحفلة تاع بابا كانت ثم وتصاحبنا وحبيتها بزااف
سيليا جبدت روحها من حضن سليمة تمسح فدموعها:اييه مي وش راكي تديري هنا ؟؟
لينار:جيت معا بابا ومازن
سيليا:يخخخ ضك يعني لازم وين نروح يكون
سليمة:انعمم؟
سيليا:اا قصدي لازم نروح معريفة خير نشالله خالتي مرسي بزااف وجات واقفة تمسح فدموعها هاربة من مازن عارفتو شك من التلفون تاع الصباح ومحبتش تبان ضعيفة قدامو ....ونتي لينار ارواحي نبوسك
باستها وجات ماشية حكمتها لينار من يدها
لينار:هههه سيليا ارواحي معايا نوريلك بابا وعمو وناكلو معا بعض لاكريم راهم راحو يجيبوه مازن وبابا
سيليا رجعت هبطت لمستواها باستها ووقفت:اسمحيلي حبيبتي لازم نروح عندي خدمة
سليمة:ياابنتي
سيليا:انعم خالتي؟
سليمة:نتي تخدمي عند مازن؟
سيليا:هههه لالا انا شريكة معاهم هو والسي ماهر انا و اختي والحفلة تاع لبارح ابرمنا الشراكة ياك جيتي ؟؟
سليمة مصدومة يعني تعرف ايلين تشوف فيها وترجع تشوف فلينار يعني اذا عرفت انو بنت ايلين عايشة رايحة تديها معاها ويروح تعب سنين فالباطل ومن جهة تتساءل منين ايلين ليها اختها يا ربي وش صرا
سيليا:خالتي راكي لبااس؟؟
سليمة:اا ..احم,,ايه لباس لباس معريفة خير يا بنتي ربي يفك حولك نشالله باي
لينار:سيليا اتهلاي باااي ومتزيديش تبكي عينيك ما يستاهلو غير الفرحة
تبسمتلها تتفكر فكلام شريكة عمرها واختها اللي كل ماتشوفها تبكي تقولها نفس الكلام"متزيديش تبكي ياروحي نتي وعويناتك هاذو ما يصلحو غير للفرحة"
ومشات مبعدة وهاربة من الوجيعة اللي رجعتلها وهيا هنا رتاحت صح فحضن سليمة وحستها انها صح امها ولا جداتها توحشت حضن امها ,تمنات تروح لعند قبرها وتشكيلها مي متقدرش السيي اللي كان مسمي روحو باباها دفنها ومحبش يوريها القبر حب يحرقها ببعدها ومكفاهش كامل وش دار فيها كرهتو اشد كره مهيش ناسية انو هوااا سباب كلشي وسباب المشاكل
لينار قعدت بحذا سليمة اللي مزالها مشوكية وتحسب في حساباتها على الكرسي ونطقت
لينار:جدة ويين سهيتي ؟؟؟
سليمة:اا لا والو راني غير هنا يا حبيبتي
لينار:امم اوك ...قوليلي منين تعرفي سيليا؟
سليمة تلبكت:اا والو كانت قاعدة هنا وتبكي قعدت معاها وحاولت نعاونها يا بنتي تعرفيني نحب البنات
لينار:اييه ميي سليوشة علاه كانت تبكي هيا بزاف ناس ملاح وقوية علاه كانت تبكي زعما (حطت راسها بين يديها كانو راها تخمم)
سليمة تايهة معاها حست كاينة صلة بين هاذ الثلاثي لينار-سيليا- ايلين نطقت بعد صفون كبير تمسح على شعرها بحنية :تعرفي يا بنتي؟(هزتلها لينار براسها تاع وش نعرف؟)ههه الانسان اللي يبانلك قوي وماتهدو ريح هاذاك هو اللي تلقاه مهموم وكامل جراح الدنيا تلمت عليه باه ولا هكذا يالينار عليها وقت تشوفو مهدود مش رايح يخليك تعرف وش واجعو شفتيها كيفاه مسحت دموعها ومشات مشيتها برك تحكي بزاف صعوبات عاشتهم ووقفت فيهم على رجليها بسيف
سكتت على ماهر ومازن اللي جاو وجابو معاهم لاكريم
مازن :لينار احكمي لاكريم تاعك ذاب عليا كامل شوفي وش صرا فالتريكو
لينار حكمتو:واااي مرسي عمو ياريت سيليا بقات كن راهي كلات معانا حتى هيا
نزل ليها ماهر حاكمها من كتافها :لينار شكوون سيليا هاذي ؟؟؟
لينار تحكي ببرود متولهتش لترترو:سييليا شريكتك فالخدمة وصاحبتي حبيتها بزااف بابا تعرف؟
مازن يحوس بعينيه عليها زعما وش جابها ؟؟والصباح كانت تشوف غير فهاذ البلاصة سيير كاينة حاجة تهمها هنا
سليمة لينار بنتي روحي لهيه تلعبي شوفي الولاد هام يلعبو العبي معاهم وصاحبي اللي من عمرك
لينار مشات تاكل و تستنا تورها به تركب فالمرجوحة وماهر قعد قدام سليمة قلبو يحسو به يحبس
ماهر:يماا وش صرا هنا ؟؟
سليمة:يا ولدي انا كنت قاعدة و....
Flache back
قاعدة تتفرج فيهم يلعبو ويتبهللو معاها حتى سمعت صوت شهقات وهدرة مش مفهومة حست انسان راه يتخنق وراها دارت شافتها قاعدة وتبكي, تبكي وتشكي من الدنيا اللي غلبتها بنية بعمر الفل زين وتربية وحشمة قربت ليها معلابالهاش علاه حست روحها تعرفها او انو كاين بيناتهم صلة حست انو حابة تخفف عليها مستنات والو وقربت ديراكت جبدتها لحضنها هي تبكي وتمسح على شعرها بحنية
Flache end
مازن قرب ليها:جدة علاه كانت تبكي محكاتلكش وش كانت قاعدة تقول ؟؟
سليمة:يا ولدي مسمعتش مليح كانت مخنوقة.... مي فهمت اللي هيا تاعبة من هاذ الدنيا صح
مازن وقف:امم اوك (جا ماشي)اا..رايح نشوف حاجة ونولي
ماهر وقف ليه حكمو من ذراعو وهمس بينو وبين وذنو:ماازن ركح روحك بلاما تلحقها متنساش انها اذا رجعت وشافتني رايحة تعرف انو لينار بنتي عندك
مازن:لالا منيش رايح عندها
ماهر:ماازن ههه متخفاش عليا روح شوفها من بعيد وولي
مازن تبسملو وجا ماشي
سليمة:مااازن
مازن دور ليها بزربة خايفها تروح وميلحقش عليا :انعم جدة الغالية ؟
سليمة:وليدي علاه راك مهتم لامر هاذ البنت ؟؟؟
مازن شاف فيها مصدوم وشمن جواب يردهولها وهو اصلا مش عارف علاه رايح ليها علاه قلبو راه يقولو نتا تقدر تخفف عليها علااه؟؟
نطق بعد صراع كبير بينو وبين روحو :كيفااه....قصدي مدام خدامة معايا نعرفها وحاب نشوف وش بيها و.....
سكت كي قاطعو ماهر:يمااا بنتك وتعرفيها سرقتلي قلبي وعقلي وراني شايف انو مام اختها راهي تدير فنفس الشي
مازن:وااااش؟؟اك عارف وش راك تحكي وانا وسيليا مابينا والو وش قاعد تحكي ديجا جيت رايح ندير خير درتولي حكاية بابابابا صااي راني رايح نلعب معا لينار على عاقبتي الناس تتزوج وانا نلعب مع ولادها (ومشا ياكل في روحو)
والزوج هاذوك ماصابو يضحكو ما صابو يخممو للي جاي
سليمة:وليدي من نيتي نتا عارف بلي عايلة ايلين مكانش ليها وجود من الاصل وياك هيا كانت متربية عند جداتها الله يرحمها منين جاتها الاخت هاذي ثاني
ماهر:جدة حتى انا عرفتها غير الصباح مي سبحان الله عندهم نفس الطباع والقصف وطوالة اللسان خاطيك كاسبينهم للزوج مي رايح نعرف وش قصتهم
سليمة:ولدي...تعرف حسيتها مهمومة وتعبانة من الدنيا صح كانت قاعدة تبكي بحرقة كبيرة تمنيت نعاونها تمنيتها تحكيلي وتشكيلي معرفتش علاه حسيتها تعنيلي كيما ايلين
ماهر:جدة تعرفي.. سيليا اللي انا عرفتها منقدرش نصدق انها تبكي وتتحط فهاذ الموقف يمالا نوعدك رايح نحوس ونفهم لحكاية وجا ماشي حكمتو من يدو
سليمة:ماهر مش اي واحد ميبينش ضعفو راه قوي وما تهدو ريح يا ولدي بالعكس قلتها لبنتك ونعاودهالك الانسان اللي يبانلك قوي كثر من كامل الناس هذا هو اللي تلمو عليه كامل المواجع مااهر
ماهر:تفكرها الصباح وتفكر شوفاتها صح كانت تبان قوية وهو عارف اللي عاشتو وانها بكات وتوجعت بزاف مي هكاك وراهي مزالها تقاوم وتحاول تعيش وقوات ورجعت تردلو الضربة
مازن كان قاعد يشوف فلينار تتمرجح وغير صورتها بين عينيه حب يسمع صوتها ويحكي معاها مي ماعندو نومروها ولا اي حاجة يقدر يتواصل بيها معاها حتى وقفت عليه
لينار:مااازن
مازن:وشنو لينار شبيك؟
لينار:والو بصح حبيت نشوف سيليا محبيتش نشوفها تبكي ماازن بليزا ديني عندها وين تسكن نشوفوها
مازن فكرتها جات على قلبو كي العسل كان متمني يشوفها وضك فكرة لينار جات فوقتها مي ملازموش يخاطر ويهز لينار معاه لعند ايلين بيانسير تعرفها ماي نفس ملامحها وعقليتها وقلبها موحال يخيبها بقى ساكت زمان يخمم في حل للهم اللي راهو فيه
مازن:اا اوك وش رايك نعيطلها ونروحو نتلاقاو فريسطو نتعشاو كيف كيف؟
لينار :اييه فكرة توووب ههههههه ......اممم مازن
مازن:وي وش ثاني ؟؟
لينار:ههههه نسقسيك برك قولي نتا تعجبك سيليا؟
مازن سكت وش رايح يقولها صح هي زينة وحلوة مي....هي تعتبرو خدام معاها لا اكثر :ايا اسكتي تشوفي لا منديكش عندها روحي تلعبي معا نتاجك تشوو كن جات الدنيا دنيا راه ولدي اللي قاعد يلعب هنا مش نتي فرخة جاية تهدري هدرة كبر منك امشي رايح نتفاهم معاها علاجالك
لينار:هههههه تلاحت قرصتو من خدودو الزوج:علاجالي ولا علاجالك يا الزين هههههههه
مازن جبدها باسها:هههههه يا كلبة نتي يا ستوتة امشي
راحت تمشي بزربة للوطو تاعها هاربة من البلاصة اللي هو فيها هاربة من شوية الامان اللي تحسها وهي معاه عينيها حمر ومنفخين من البكا اللي بكاتو جات لعينيها صورة لينار علاه تحس بالراحة معا هاذ البنت عرفتها فظرف يومين حبتها وصارت ترتاح معاها كانت متمنية تبقى تحكي معاها شوي مي كانت مجبورة تروح قبل ما يلحق عليها محبتش تبين ضعفها قدامو شوي وهي تسوق سمعت تلفونها يصوني متكذبش على روحها ولات تخاف وقت يصوني تلفونها تخاف يكون هو اللي رجع يعيط عليها ويفكرها بالخوف هزت التلفون ويدها ترجف
سيليا:الو
......:ساكت
سيليا:الوو شكون معايا؟؟؟
مازن:اا احم سيليا راني مازن
للحظة تنفست الراحة فرحت كي عاد مازن ومعادش شبح الماضي اللي راه يطوف بيها ضك مي ثم ثم عبست زعما منين جاب النومرو
سيليا:مازن منين جبت النومرو ؟؟
مازن:ااا (يحكي بينو وبين روحو :يا مازن الحمار باصيت كيفاه تقولها منين جبت النومرو ولا علاه معيطلها من الاصل اففف)سيليا
سيليا:اييه راني نسمع
مازن:هيه مش مهم منين جبت المهم جبتو وحاب نهدر معاك
سيليا:وش من موضوع حاب تحكي فيه معايا؟؟
مازن:متصلحش فالتلفون معليش نتلاقاو ليوم نتعشاو ونحكيو
سيليا:اممم....اوك ابعثلي لادراس
مازن:اوك
سيليا :بااي
رجعت تشوف فالطريق زيرت على الفولون كتر وزادت فالفيتاس حاسة روحها مخنوقة وحبت غير تروح لعندها الانسانة الوحيدة اللي ترتاح عندها
مازن خبى التلفون فجيبو وقعد على كرسي يندب في زهرو :علاه راه حاب يعاون هاذ البنت علاه فكرة انها كانت تبكي ودموع هبطو من عينيها اللي يقطعو القلب وجعتلو قلبو؟ علاه مهوش متحمل وجيعتها ؟
ماهر:يما وش رايك نروحو
سليمة:ايه هيا مي قبل لازم نحكي معاك موضوع منقدروش نحكو فيه فالدار
ماهر:ايه احكي
سليمة:ولدي.ايلين وش الهدف من رجعتها هاذي ؟
تفكر الهدرة اللي قالتها وقت جبدها معاه للسونسور كلامها تحفر فقلبو وعقلو وموحال ينساه
ماهر:يماا ايلين جات تنقم مني
سليمة تخلعت:يياااخاه كيفاه؟ وعلااه؟؟
ماهر:يما هي حاسبة لينار ....
سكتت ما لقات ما ترد اصلا هوما السبة هي وراجلها اللي كانو السبة عاونتو بسكوتها وانها موقفتش فوجهو كرهت روحها وتمنات تموت ولا تشوف ولادها اللي فيوم من الايام كانو احلى كوبل ليوم اعداء دمعتها هبطت من شدة القهر اللي راهي حاسة بيه فقلبها
ماهر قعد قدامها يمسح في دموعها:يماا بلا بكا تعيشي نوضي نروحو
سليمة وقفت معاه ومشاو يعيطو لمازن ولينار
واقفة فبيتها تشوف وش تلبس حتى فات بين عينيها منظر الصباح كيفاه دخل حاكم في يدها مييرال اللي شحال من مرة وعدها يحميها منها ويتهلى فيها كلشي نساه وليوم جابها حبيبتو به يحرقها ويزيد نار على نارها تفكرت اسوء ايام حياتها
Flash back
قبل 5 سنين فاقت تحس فوجيعة فرحامها وراسها ماهي خارجة من عملية ولادة بيانسير تحس حلت عينيها تحاول تستوعب هي وين تشوف غير في بلافون بيض والبيت كامل بيضا جات بش توقف وقفت عليها الممرضة
ممرضة:مداام سيتوبلي اقعدي بلاصتك مزال تاثير الغيبوبة فيك
ايلين شافت فيها مصدومة:غيبوبة؟انا؟
ممرضة:ايه مدام نتي كنت في غيبوبة ليك سمانة جات نتيجة لعملية ولادة صعبة اضطرينا نجهضو البنت بش نضمنو سلامتك
الين جات واقفة حالفة تريش هاذ البغلة اللي راها تخرط عليها هنا :ايي نتيي وش راكي تقولي كيفاه بنتي ماتت كيففاه قتلتوها؟؟ااا..كيفااااه؟؟؟
ممرضة:مدام راجلك اللي قبل بكلشي وهو اللي قال ايه معليش اعطوها دوا يمنعها تتنفس وتموت
ايلين تسمع مصدومة بنتها اللي تسع شهور وهي فكرشها حملتها وتعبت عليها وعانات وهيا بالحمل بسبة الوسط اللي كانت فيه وصبرت غير به تنسى الهم وهي بين يديها داوها منها بدات تبكي وتعيط
ايلين:اخرجي عليااا مااااااهر.... مااااااااهر اهئ اهئ يا ربي... جيبولي بنتي... رجعوهالي
دخل يجري بعدما جا يشوفها كيما كل يوم وهي فالغيبوبة يجي يشوفها بالدرقة وواحد ماو عارف لو يعرفو يحرموه منهم بزوج مي شوفتها وهي بهاذيك الحالة طيحت منو النص يشوف فيها تاعبة وجهها صفر وعينيها حومر من البكا تعيط بصوت كلو وجاع وقهر حفرلو قلبو قرب ليها وحضنها مزير عليها وكانو يودع فيها
تتفركت بين يديه تحاول تتملص مي شوي ورحكت ,ركحت بريحتو اللي تحسسها بالامان تبكي وتخبط على صدرو بشوي
ايلين:مااهر حبي شفت؟ اهئ داو بنتي حصلوها فيك ...بنتنا يا ماهر قتلوها وقالو نتا السبة امشي نشكيو نحبهم كامل يتعفنو فالحبس هيا عيش حبي هيااا اهئ اهئ
ماهر زير عليها كثر جبد نفس طوييييل من ريحتها حاسها آخر مرة
ماهر:ايلين هوما دارو خدمتهم هيا مكانش لازم تجي للدنيا
بوووووووووم هكذا دارت ذيك الكلمة لقلب الين دمرتو بمعنى الكلمة ماهر راجلها واب بنتها اللي طول عمرو يتوعد يحميهم من الوجاع بروحو يقول هكذا ضربتو بعد عليها تحكي والصدمة مالية وجهها ودموعها دايرين طريق على خدودها
ايلين:ماااهر كيفااه كيييفاه هئ نتا قاعد تكذب نتا تحب بنتك موحال تكون حاس روحك تهنيت منها ااا علاه مكانش لازم تجي علااااااااه؟
ماهر:ايلين هيا ...لو جاات.....نتي كنت رايحة تكوني الوريثة الاصلية معانا فالاملاك واكيد كنت به تخدعينا وتروحي مكلاه تمثلي انك مقهورة عليها
تشوف فيه مصدومة قتلو الروح اللي كانت تستنى فيها تعطيها الحياة بعد كامل وش عانات قتلو الصدر الدافي اللي كانت تستنى فيه به يعوض صدر امها اللي كبرت بعيدة عليه داوه ومحاوه من الدنيا على سبة مكانش منها على سبة ايلين عمرها فكرت فيها الانسان اللي دارتو راجلها وحبيبها وشريك روحها دمرها بطمعو
الين:ماهر وش قاعد تقول ككيفاه نمثل فالقهر...راااها بنتي اللي ديتها مني (تحكي وتعيط )قطعة من هذا (ححطت يدها على قلبها)ونتاااا..... ضك جاي تقولي املاك ماا املاك من صحك؟؟ماااهر
ماهر شوفتها بهاذ الالة موس وقاعد يقطع فيه مي لازمو يستحمل
ماهر:اييه نتي من اللول تزوجتيني علاجال الاملاك بيسك عايلاتنا مكانوش متفاهمين وحبيتي تنتاقمي من جدي وانا موحال نخليك فهمتي؟
ايلين مسحت دموعها ووقفت في وجهو تحكي وعينيها كلهم ناار
ايلين:ماهر هاذ النار الي شعلتها هنا(حاطة يدها على قلبها)رايح يجي نهار وتحرقك منيش مسامحتك على روح بنتي
ماهر:ايلين بلا تستات امشي نروحو حنا متزوجين ورايحين نبقاو هكذا ورايحة تعيشي معايا كانو مصار والو بيسك اصلا ما صرا والو
ايلين:مااهر من اليوم مكانش حنا ...كاين انا...وكاين نتا ...من اليوم كل واحد في طريقو
ماهر تمنا يحضنها ويخبيها وسط قلبو مي مجبور نطق بصوت باااارد:اتفضلي انا منيش رايح نمنعك
ايلين تبسمت بانكسار:اوك وجات خارجة ككيما راهي بلبسة السبيطار
ماهر:بدلي سع وين رايحة؟
ايلين :ههه متديرش روحك خايف عليا من اليوم ماكان ما دخلك فيا
Flash end
رجعت لعالم الواقع على صوت طبطيب الباب
جان:ايليين هيا راكي طولتي
ايلين مسحت وجها بيديها ونطقت :جااية جان
رجعت تشوف فروحها فالمراية:مااهر راني رجعت ندير وعدي رايحة نحرقك نتا وكل من كان عندو يد فحكاية بنتي
لبست وحطت مكياج خفيف وجات خارجة
طالعة فالسونسور بالها مش معاها حابة غير تكون وحدها وتبكي توحشت حضن الام الدافي وحطت في بالها هدف آخر تلقاه وتلقا قبر يماها
غير تفتح الباب لقاتهم فوجهها
سيليا:جاان ,ايلين؟
ايلين تولهت لعينيها الحومر متخفاش عليها حطت وجهها بين يديها
ايلين:سيليا كنت تبكي؟؟؟
سيليا:ههه لالا علاه نبكي
ايلين:امم (تشوف فيها شوفتهم السامطة تاع هيه امنت شوفي لحيط)
سيليا:يا بنتي والو غير حساسية حمارو عينيا وراني حابة نرقد غير نوض يتنحالي
جان حكمها من ضفافرها:اهيه باينة دايرة قرون المعزة فوق راسك سيير منهم الحساسية
سيليا:هههه ضكت وخبطتو لكتفو::ساامط ههه
جان:هههه شكرودة هيا رانا رايحين لبلاصة بزاف شابة هيا عمانا
سيليا:لالا والله ماني قادرة حابة غير نرقد
ايلين:اوك ابقاي هنا مالا حنا رانا رايحين عند ام جان ونرجعو ليه ليه
سيليا::امم لا حبيتو ابقاو بيسك لعشيا خارجة نتعشا معا مازن برا
ايلين:امممم معا مازن مالا وهزتلها حاجبها مجات ترد لحقها الثاني
جان:اممم هيه قاتلك معا مازن جاني نسيب بلاك
سيليا:نناكم نتوما الزوج امشيو برا تشوو
ايلين:جان خلي سيليا (باستها بعدت)اوكي سيليوش روحي ارقدي شوي واخرجي تعشاي معاه على روحك مي متنسايش برك هوو اخ شكون ويقدر يدير نفس الشي اللي خوه دارو
سيليا:اممم بصح مازن مش كيف ماهر صح منعرفوش مي حسيت
ايلين:اوك حبيبتي برك خليك فاطنة نعرفك قدها
سيليا هزتلها راسها بايه وتفرقو سيليا للشمبرة وايلين وجان لبرا
دخلت ديراكت طيشت روحها فوق السرير مالقري مدارت والو مي حاسة روحها تاعبة وحابة غير تقعد وحدها صفنت شحال تتفكر فالماضي حتى جات صورتو بين عينيها تقلبت على كرشها تلعب بشعرها وتحكي
سيليا:زعما علاش محبيتهاش تشبهو بانسان خاين؟؟علاه حسيت روحي عرفت شخصيتو؟اصلا علاه راني قريبة منو للدرجة هاذي ؟؟علاه نخرج معاه وانا ليا يومين عارفتو؟قطع تفكيرها التلفون وقت صونا
ستوووووب خلص البارت تاعنا
اعطيوني رايكم ,شوي ممل مي كان لازم به نمهد للاحداث الجاية
شكون عيط لسيليا زعما؟
ووش رايكم فعلاقة مازن ولينار ؟
وحكاية ايلين وماهر اللي بان جزء منها وعلاه تفارقو زعما؟؟