♥•• بغيــــتو تركــــــي ••♥
🖎بقلـــم عيمق السلاك
♠•• قصــــة قصيــرة ••♠
🎀 •• الجــــــــزء 5 •• 🎀
ـــــــــــــــــــــــــــــــــــــــــــــــــــــــــــــــــــــــــــــــــــــــ
نسيمة بتاسمت ليه قفزها : ااه اه انا الضيفة ديال ميستر بوراك كيرلبندجي
السرباي : تفضلي معايا
نسيمة بدات تتمشى معاه وعينيها تيقلبو على فارس احلامها وفينما حطت عينها تدرسو مزيان شوية تتلقاه ميمكنش يكون هو بقات تاتيستي فعباد الله هالي ريحت بيطانو تعطعت هالي فاك لقاميجة على صدرو مزغب تشطبي بيه الصحرا هالي شواربو بقا ليه غا شوية ويضفرهم هالي سروالو كبر منو لحاصول ماشي كاع التركين بحال لي تنشوفوهم فالتلفازا هادوك فايطاج وحدهم محال كاع واش تتقيصهم الشمش وما تبقا مكين غا سي جمال ومحمود يامات مسلسل متنسانيش ...
بقات غادا وتعوج فوجها عايفة هاد المناظر والسرباي قدامها حتا وقف شار ليها بايديه لواحد عاطيها بالضهر وهو ينساحب
نسيمة بدا قلبها تيخبط تيخبط تتسمع تك تك تك وسط ضلوعها وحسات بالزمن توقف والاصوات اختفاو كين غير هي وهو بدا تيدور ومحدو هو تيدور ولما تيبرك ليها فالركابي حتا دار لعندها بجسمو كامل مبتاسم ليها
بوراك : ناسيمهاا
نسيمة بقوة الصدمة فمها نشف بلعات ريقها بدات تدور وراها تشوف واش هاد الاخ غيكون تيتسنا شي وحدة من غيرها شوية تا تترجع ليه النظر ديالها وعلى وجهها ملامح صدمة هزات بشوية ايدها وحطاتها على سدرها:وو. وا ش اناا
بوراك ضحك تا بانو سنانو لي طايحين بقاو غا جوج بحال گلاع بطاطا اشنو تتسناو مني نقولك سنانو مستفين ههه نطق بصوتو المزغب تيطول الحروف والطشاش تاع فرورو تيطيرو ليه من فمو : ناااسيييمها
نسيمة شداتها السخفة وظارت بغات تهرب : انا معاك بلوبشرع انا معام بلوبشرع
بوراك ناض وقف وغادي يشدها قبل متخرج وغا شي فرس النهر وتابع شي غزالة والارض تاع الخشب تحتو تتسمع مع كل خطوة بك بك بك بك بك تا شدها من ايدها : ناسيمهاا اجي كلسي
نسيمة بدات تترعد تتشوف فعباد الله تيشوفو فيها وهي تكلس بلا شوهة ولما بارك ليها فالركابي مقدرات تزيد تا خطوة كلسات هزات واحد لكاس تاع لما هبطات عليه وشحال دعات فيه وسباتو فخاطرها
...♠بوراك ♠