قسوة الشيخ وعذابي

البارت التاسع 💔

البارت التاسع

المايجيك لا تلهف عليه زحمه #  تنطي الماي للشابع مطر

المايريدك يمه لا تريد ضيف # الطيب ما ينفع بعد ويه البشر

لا تسوي زين وتتاني مديح # زين سوي واشمر باقرب نهر

اليجرحك ابد لا تحقد عليه # كوله شكرا وضحت درس الغدر

الكالك فد يوم لو اعوفك اموت # عافك وعايش وعشت ميت قهر

..........................

كعدت وهنه يسولفن وكلت علي كم لكمه هو زعلان لو افتهم هذا شنو من زعل جان ارتاحيت عمتي بسمه ومرت عمي بس يحجن ع خطوبت امس وزهراء وزهراء جاي يحسني ماكو مرة حلوه مثلها..... عمتي دك تلفونها كامت راحت لغرفتها وساميه هم مدري وين طست اجت فاطمه تتمضيك من صباحيات

فاطمه...... هيي كوومي صبيلي ريووك وراي روحه لصالون اعدل نفسي وشتريلي ملابس

دلع........ عندج ايدين وسوي ماشتغل عندج كافي هذيج المده استغليتوني مافيه الكفايه

فاطمه......ههههه استغليناج لا حبي انتي خدامه هناا وتشتغلين غصبن عليج ويلا سوويلي ريوك بنتر

دلع.... ارجع وكلج ريوك ما سوي تردين سوي النفسج ماشتغل لا عندج ولا عند واحد من اهل البيت

فاطمه..... يعني شنو ماتسويلي رريوك

دلع..... اي ما سووي وهذا الحجي وصلي لمج وختج ومرت خالج واي واحد بالبيت خلي يدري دلع ما تسوي شي لحد بس اساعدكم لا اكثر ولا اقل انه هنا مرت الشيخ وحترامي من احترامه

فاطمه...... هههههه هو ما يباوع بخلقتج تكولين مرة الشيخ شبيج اليوم مضروبه ع راسج وطالع لسانج همين لا والله عمي خووش طالت وتشمخت

دلع...... هذا الموجود عجبج عجبج ما عجبج حيطان البيت هواي اختاري الي يريحج وضربي راسج بي

اجت عمتي ع حجين جان لازم اصير هيج ماريد ابقه مذلوله عدهم ويدوسون عليه ويمشوني بكيفهم لهنا وراح يشوفون دلع جديد تخلتف عن الشافوها قبل

بسمه..... شبيج حسج عالي وتصيحين ع بنيتي

دلع...... بنتج ماتريد تسوي ريوك نفسها وتريد اخدمها وانه خدمه بعد ماخدم بهذا الببيت

بسمه...... خيرر يمه شنو ما تشتغلين ليش بالله ناقصج ايد رجل يلا لج روحي سووي ريوك البنتي لا اصيح فيصل عليج

دلع...... صيح الي تريدين تصيحيله مايهمني انه بعد شغل ماشتغل عدكم عجبكم اهلن وسلا ماعجبكم سوو الي تردونه.... ويه حجي رفعت راسي شفت فيصل واكف ومجتف ايدي بلعت ريك اجاك الوموت يا تارك الصلاة

فيصل...... هذا الحجي شنو لا يكون طلعت صلافتج هسه ولسانج لا تطلعينه شبرين ونص ترا اكصه الج وخلي بيدج

دلع..... مااشتغل بعد شنو مسوياتي خدامه الهن

فيصل..... تشتغلين غصبن عليج انتي هناا مكانج خدامه تحت رجليه ورجلين اهل هل بيت

دلع...... ماراح اشتغل يعني ماشتغل وبعد كيفكم

هجم عليه فيصل وين اليوجعك ضربني لزمني من ركبتي وخنكني وانه ارافس بين ايده اختنكت شمرني بكاع وكمت اتنفسس كووه كوه

فيصل...... كلت تشتغلين يعني تشتغلين صار مفهوم يا خدامت للشيخ

طلع وانه ابجي ورحي راحت كعدت بزاوية المطبخ وبجي بجي ماصاير وغلط ع نفسي وع امي العافتني تعبت نفسيتي كمت مسحت عيوني وبديت اشتغل وانضف بس هل مرة جان الشغل اتعب ذبو عليه كلشي غرفهم حمامات ديوان كلشي صار براسي واذا حجيت صاحن فيصل حقدت عليه حقدت ماصاير ما يعلم بي فقط ربي.... صبو غده وتغدو نفس كل يوم الاكل كطعو عليه ونحرمت منه السبب مادري زاد قهري اضعاف اضعاف وكل دقيقه وثانيه اندب حضي عشت اسبوع نفس هذا الموال ماكو شي جديد ضعفت كلش وجهي اصفر صار شنو يريدون لازم اسوي بدون حجايه لو كلمه علي تعود عليه وماينام اله يمي وتعلم يسولف وياي وبطل يزعل هواي صار صديقي من الملل صرت اسولف وياه ومرات ابجي كدامه هو يواسيني حتاجيت هواي ناس بهذان الايام بس للاسف مالكيت شخص يوكفلي لو يفزعلي..... نزلت جوه وجاي انضرف مثل كل يوميه وتمرات فاطمه زادت عن حدهاا وياي نزل اياد وفاطمه وجان تصيح فاطمه

فاطمه....... يلا نووران اسستعجلي اياد ينتضرنه

اياد.... يلا نووران خلصينه

نوران..... اي اجيت شبيكم مستعجلين

اياد.... عيب من عمي شيكول علينه

نزلو ثلاثتهم وباوعتلهم بستغراب جان يحجي اياد... كال.... احنه رايحين لبيت عمي لا تحسبين حسابنه ع الغده ولا ع العشه.... هزيت راسي وعمتي وساميه كذالك مبدلات وراحو كلهم وبنات ساميه كل معتاد رايحات قبل الكل هناك محد يدري شنو يسون ما يسون ضليت طول اليوم وحدي وحتى علي وملاك ماخذينهم دخل فيصل بملابسه العسكريه شافني عبرني بدون كلمه وانه هم ماحجيت شي رحت المطبخ طلعتلي فخذ دجاج وسويت تمن شويت الدجاجه وسويت مقبلات هواي اشياء كملت السفرة هو نزل بدون ما اصيحله كعد وانه عفته وطلعت كعدت بصاله ع ما يخلص غده طلع مغسل باوعلي وصاح

فيصل..... جاااي

كمت سويتله وتانيته يفور صبيتله وديتله للصاله كاعد ع التلفون خليته يمه وطلعت غسلت الماعين وكملت كلشي وغسلت المطبخ هم وطلعت شفته نايم والجو بارد شغلت المدفئه ووغطيته وكعدت ع الكرويته صحيح الصاله انه انام بيها بعد ما انطردت من كل مكان وحتى غرفه رفضو يسولي ع ابو خدامه كعدت كدام الدفايه ادفي نفسي ملابسي هنا هنا لعبت روحي منهن صارت فاطمه ونوران يشمرن عليه الملابس العتك والوصخه وبيهن لثك وانه مطره البسهن ماعندي نزلت دموعي كدام المدفئه وحضنت رجليه لصدري عيشتي صارت بس خدمه لناس ما منطيني اي اهميه.... كمت رحت فوك دخلت ع غرفة فيصل مثل كل يوميه عدلت الجربايه ونضفت الغرفه اخذت ملابسه العسكريه خليتهن بسله وطلعتله ملابس عطرتهن وتركتهن ع الجربايه ادري بي عنده طلعه لبيت عمه يحضر عرس طليقته... طلعت الملابس غسلتهن وشريتهن وركضت للصاله كعدت كدام الدفايه وانه افرك ايديه واشش اشش من البرد جمدت من غسل الملابس.... باوعت ع مكان فيصل ماهو عرفته راح يبدل نزل لابس خير الملابس الي طلعتهن اله وصل للباب وكال

فيصل........رايده شي

دلع.... جاوبته ايي اريد اروح وياك

فيصل...... ماكو روحه من يمته الخدم عدنه يطلعون

دلع..... بس انه مرتك حالي حال الكل

فيصل...... انتي خدامه وبسس وانه عاقد عليج هيج مجرد شفقه ع حالتج الكسيفه

شعور بخيبه من كل من حواليك اشبه بالموت تحت التراب درت وجهي جنت ادري هذا رده بس ردت اشوف بالكت الله ويخيب ضني لاكن العكس صاب ضني وجرحني اكثر وكثر....

&&&&&&&&&&&&

رحت لعرس طليقتي وجنت متلق لاخر حد جانت غايتي اكسر عينها دخلنه وجانت الزفه بعدهي ما جايه علي واكف يم صلاح وصلاح يسولف ويه صديقه سلمت عليهم وكعدت يمهم وسولفنه وشويه اجت الزفه نزل منها فراس شافني تفاجأ اجه سلم عليه وباركتله من ورا خشمي.... طلعو زهراء وخذوها وراحوو كلبي احسه عتصر عصرة ما صايره خواتي وعمتي وبناتها ومرة ابوي راحو وياهم للعرس اياد ضل بيت عمي وانه رجعت للبيت دخلت ورحت ع الصاله شفتها نايمه شلت الدولكه وفرغتها كلها ع راسهاا....

دلع..... اسس اسس هااي ليشش

فيصل..... رووحي سويلي اكل بسررعه

دلع.... جان كعدتني وسويلك

فيصل.... بعصبيه لا تجاادلين رووحي يلا... شفتها راحت تطلع علاكه طلعت دشداشه.... شنوو راح تبدلين

دلع..... اي ابدل وسويلك عشه اخاف اتمرض

فيصل..... بدوون تبديل رووحي سويلي زقنبوت اكله.... جريت العلاكه منها وشمرتها وطلعتها من الصاله واشرت الها ع المطبخ... رجعت كعدت وايدي ع راسيي شلت المزهريه ركعتهاا حبيتج اكثر من طفل لمه عشكتج عشك ما صاير وهيج تجازيني ميلت ايدي وشوف دلع خلت الصيني

دلع..... هذا العشه

شفتها راحت تريد تطلع صحت.... هذاا شنو العشه تضحكين عليه روحي سووي غيرره... هزت راسها وراحت اريدها ترد عليه اريد اموتها كتل نص سااعه اريد عصبيتي تبرد ماكو

دلع..... هذا العشه هل مرة سويتلك بيض

حطته وكعدت احب البيض وهيه ايدها تسوي حلو نص استاو هذا الشي يعجبني حيل عكس زهراء جانت يا حاركتها يا ما مستويه واكلها وسكت... باوعت عليها وكلت.... شنوو البيض ماا مسوويه ليشش

دلع.... والله مستوويه وخليتها زايد

فيصل...... تجذبييني يعني انه جذاب قصدج

دلع..... لا مو هيج

بعدهي ما حاجيه همشتها من شعرها وجبتها راجدي وجبتها الثاني وهيه تصرخ

دلع..... اسويك غيرها بس عوفني

دفعتها ع القنفه ومسكتها من فجها.... كلجن جذاابات نسوان جذاابات ماتووفن بس احنه الزلم نوفيلجن وانتن جذاباات جبتها راجدي ثالث وشلتها وشمرتها من ع القنفه للكاع وجان تصرخ من قوت الطيحه ما همني شي غير امووتها صار كدامي اياد يحاميها

اياد...... هدي خويه هاي شنو مستفرد بيها وحدها وجاي تضربها ما عرفتك خويه هيج تضربها بدون رحمه منك

فيصل..... بصياح.... جذابت النسووان جذابات كلهن خاينات وبايعات الشررف عووفني امووتها هاي مالازم تعيشش ركضت عليها بس اياد خلاها ورا وما خلاني اجرها كعدت ع القنفه وفتحت دكم القميص واخذ نفس سريع باوع عليها مجلبه ب اياد بكل قوتها من قميصه وهو يباوعلي يخاف اتهجم عليها حسيت بحرارة نزلت ع خشمي ركض عليه اياد هو يصيح

اياد..... رووحي جيبي جهااز الضغط بسرعه

غمضت ورفت راسي خشمي يصب دم جابته وكعد يقيسه الي وطلع صاعد وحرارتي عاليه كتله مابيه شي دفعت ايده وصعدت لغرفتي تمددت تعبان جسسمي يوجعني شغلت السبلت وتكشفت ونمت...

&&&&&&&&&&&&

كمت ابجي جسمي يوجعني من ضربه الله ستر واجه اياد نقذني منه اياد صعد بدل ملابسه واجه عليه انه كمزت

اياد..... ع كيفج مو فيصل انه

دلع..... والله اخاف منه صرت

اياد..... كلهن راح يباتن بيت عمي وانه هم رايح الهم انتبهي ع نفسج

ركضت ورا... لا الله عليك اياد لتعوفني وحدي وياه بالبيت والله خاف يكتلني وماتلحكون عليه

اياد..... ماراح يصير هذا الشي روحي نامي وارتاحي

طلع اياد وعافني بخوفي وقلقي منه جست حرارتي صخنت اااخ لو نازعه هاي الملابس احسلي بدلت ملابسي وصعت امشي ع كيف اريد اشوفه نايم لو لا فتحت الباب وجتني ابرووده تكتل كتل ركضت طفيت السبلت وشعلت المدفئات تدنيت يمه ع كيف وخليت ايدي ع راسها عااااا هاي شنو يجوي رجعت ايدي مرة ثانيه طلع يفور نزلت ركض جبت ماي شويه بارد واخذت خاولي ورحت لغرفته صار بيها دفو بديت اخليله كمادات هو يون من الصخونه... بديت احطله وصخونه مو قابله تنزل خليت ع ايديه وع راسه بالكت تنزل سهرت وياه من العشرة باليل للاربعه الفجر بس كمادات شفت حرارته صارت مستقرة الحمدالله ضليت اخليله من جديد حته تنزل كلش.. غفيت من التعب كعدت ع ايدين تلعب بشعري فزيت مروعوبه شفت فيصل كاعد وايده ع راسي دفعت ايده وكمت ركض اخذت شالي ونزلت وانه مستعجله شفتهم كاعدين يتريكون كمت امشي ع كيف دخلت للمطبخ.... جريت نفسس براحه توني كاعده ع الكرسي ودخلن بنات ساميه ثلاثتهن وياه دخلتهن نزل فيصل شافهن اجه عليهن انه من يمي طفرت وتبعدت عنه شكله هو عصبي ويريد يكتلني ما تروح من بالي......

فيصل....... وين جنتتن توجن جايات

ميس..... عد بيت عمي

فيصل..... ماتعرفن ترجعن ويه امجن

رقيه..... خذتنه النومه ماكدرنه نجي وياها

فيصل.... هذا الحجي ضحكن بي ع ابوي مو عليه ترا لحد هسه ما ناسي انتن جنتن بايتات ع بيت عمي بخطوبة زهراء ومارجعت غير لمن شبعتن

ميس..... امي وابوي يدرون

فيصل..... جذب لا تجذبين ابووي يدري رحتن ورجعتن مايدري بايتات هناك انه مو ناهيجن ضله عدهم ماتبقن كايل لو لا

هنه مدنكات وهو يصيح ويحجي ع ساميه وع خواته ابنه بس اباوع بعيوني جان صرخ... جييبن تلفووناتجن... هنه نخلسن طلعت شهد تلفونها ونطته ورقيه كذالك اله ميس ماقبلت

فيصل...... تلفووونج

ميس.... انه جبيرة تلفوني ماانطي

فيصل..... لازم خايفه نعرف فضايحج بت ساميه

ميس..... بصوت عالي اشرف منك ومن اي واحد يحاول يدوس ع شرفي

فيصل..... تلفوونج بعد مااعييد كلاميي

هيه خايفه وترجف وفيصل متعصب وساميه كامت وكفت بوجها حتى تستر ع بتها بس هو عاط بيها وكلها..... انه وخواتي نتجازه انتي لا تدخللين دفعهاا وخذ تلفون ميس وكلها الرمز شكد وهيه ماقبلت تكول الرمز هو راد يضربهاا وصاح عمي

الشيخ رافد......فييصل اييدك لا اكسرهاا

فيصل..... تعال بويه الله جتبك هاي ثقتك بناتك شوف وين وصلتنه تعال شوف بنتك المصونه شنو من سالفه مسويه وخايفه تنفضح

الشيخ رافد......احترمي انه واكف وادري كلش زين اختك ما تسويها ولا تطلع منها العيبه

فيصل..... خير بويه كلها تفتحلي جهازها ونتأكد اذا هيه ماعدها شي ليش خايفه لهل درجه  ترا عصابي واصلا حدها اذا اكضها انهيهى وربي

الشيخ رافد...... فتحي جهازج ميس

ميس..... برجفه ماعندي شي بويه والله

الشيخ رافد..... فتحي الجهاز خلي نضهر برائتج

ساميه..... شيخ تشك بتربيت بنتك

الشيخ رافد...... لا تحجين حجي مو كده انه ماشاك بيها لا اريد اطلع برائتها يلا بنتي فتحي

جان فيصل حامي وجنه متاكد هيه عدها شي ضل الكل يباوع ع ميس وهيه لازمه تلفونها وترجف وتخاف تفتحه صاح فيصل.... يلللا فضيهاا.... فتحته ودموعها تصب انطته لفيصل هو خذا منها بنتر وباوع بي وتعصب كلش وهيه ركضت لبدت ورا امهاا...

........ يتتبع...... لا تنسو التصويت 🌟