برهم رفع راسه شاف أجرام وجهه صار اصفر
واحنه خربانين من ضحك ادهم عاف برهم وكام وكف
برهم كعد وتربع
برهم :- شوف خويه لو تكتلنا اني وادهم لو تعوفنا ثنينا
أجرام :- ههههههههههههه هاي منتهين منا
صاح عليه أجرام
أجرام :- نور جيبلي جفجير من المطبخ
داروح وعاط عليه ادهم
ادهم :- والله لو رحتي بعد لا مرتي ولا اعرفج
أجرام :- الف واحد يتمناها واني اطلكها منك هم
عفتهم ورحت ركض جبتله جفيجر وجيت وبرهم ع كتعدته ويباوع علي وادهم يخزر بيه
أجرام :- ها برهم مراح تطفر
برهم :- لا هو اني مكتول مكتول
ضحك أجرام قرب من يم برهم
برهم غمض عيونه
نباوع ع أجرام عافه وراح الادهم وادهم يتوسل بي
ادهم :- بعد اخوك اني جبير والعباس
أجرام :- ههههههههه متمشي يمي هاي سالفه اخوك جبير وماعرف شنو
مسار منزلت عينها عن أجرام حتى ابتسامه ماكو ع وجهه
ادهم :- بداعت مسار شبيك
أجرام :- بس جفجير واحد ع طي.. وهاهيه
ادهم :- كول والله
أجرام :- والله
ادهم قرب يم أجرام بسرعه أجرام ضربه وذاك عاط خربنه من ضحك
برهم بعده ع كعدته ومغمض شكله يضحك راح يمه أجرام وكعد وتربع كدامه ويباوع علي وذاك ابد ولا فتح عيونه ولا حجه كلمه
أجرام :- برهم دتحضر الجن
فتح عيونه شاف أجرام كباله كمز
برهم :- خرعتنييي شبيييك هسه لا انت الكاتلني ولا انت لمخليني
أجرام :- عفيت عنك شبيك
برهم :- ههههه عليك الله
أجرام :- ايي والله
كمز ع أجرام ويبوس بي وخربانين من ضحك كل ما تصير عيوني ع مسار الكاها صافنه ع اجرام وكلمه ما حجت
باوع عليها أجرام ابتسملها وهي دارت وطلعت من الديوان كام يصيح ادهم تعاي نور بربج شوفي طي.. يمكن انطعج
خربنا من ضحك علي عافنه أجرام وطلع
.
.
.
.
مسار :- عفتهم وصعدت لغرفتي كلش ضايجه من أجرام يكلي احبج ويضحك عليه سهله أجرام فتحت شعري وضفرته من اضوج اضفر شعري وافتحه وارجع اضفره خليت مسكاره وحمره ورديه بس اثار ضرب لسه بوجهي كمت داطلع وأجرام فتح الباب جفلني
مسار :- اييييي هييي شنووو تدخل هيييج يجوز بدون ملابس
رفع حاجبه وسد الباب
أجرام :- اعرف شوكت ادخل وشوكت لا وشعندج قابل بدون ملابس بلغرفه
مسار :- شتريد دخلت
أجرام :- باجر اخطبج من جدي
مسار :- مو بكيفك واني مارييدكك تكلي احبج وجنت متواعد
سحبني اله ويحجي بكل هدوء وحب
أجرام :- يابه والله ممتواعد وجذاب ادهم جنت بشغله والله يعني متصدكيني
مسار :- اخاف اصدكك وتخذلني وبعد مابي حيل كسره
أجرام :- اوعدج مسار اكون الج أمان وابد مراح اخذلج
-ابتسمت الكلامه بعد كذلتي عن وجهي وابتسم
أجرام :- هسه شكلتي
مسار :- على شنو ؟
أجرام :- باجر اكول الجدي اريد اخطب مسار
مسار :- بكيفك
أجرام :- يعني موافقه ؟
_هزيتله راسي حضني بدون سابق انذار بقيت مصدومه من ردت فعله
حس ع نفسه وابتعد
أجرام :- اسف والله
مسار :- ابتسمتله وهزيت راسي جرني من ايدي ونزلنا جوا بلديوان
كلهم كاعدين ادهم واكف ولزم هههههه
البقيه كاعدين ويضحكون شافونه راح اجرام كعد واني كعدت يم البنات
همستلي نور وضحكت
نور :- تراضيتو هههه
مسار :- اشش
باوعت ع أجرام مبتسم
أجرام :- تعال ادهم اكعد اريد احجي موضوع
ادهم :- اكل تبببن عاررر وين إكدر اكعد
أجرام طكها بضحكه وبرهم ونور وكعو بلكاع من ضحك
أدهم :- الله لا يوفقكم
اجرام :- المهم انجب اسمعوني شراح احجي جبتلكم خبر عالمي
برهم :- خير إنشاء الله
أجرام :- قررت اخطب مسار من جدي باجر
كلهم فرحو وباركونا وكلش خجلانه منهم ماعرف ليش
أجرام :- ادهم صح متوجع بس سمعنا يلا
ادهم :- كلووووووووشششس
خربنا من ضحك شلون يهلهل النسوان ما يهلهن مثله
اجه جدي تقريبا ب10 بليل كعدنا يمه
أجرام :- جدي باجر اريدك بموضوع
الجد :-, إنشاء الله خير وليدي
أجرام :- اي جدي
كعدو يحجون بكعداتهم وجدي قليل انشوفه جده نهائياً مشايفتها وعمي علي ومرته ميجون وعلاقتنه ويا بيت عمي محمد مكطوعه وحسن اي شي مسمعت عنه بعد
اجه صبح
وكعدنا بديوان
أجرام :- ايي جدي اني اريد اخطب مسار
ابتسم جدي
الجد :- اي وليدي قابل الك احسن من الغريب عاد يمي ثنينكم
أجرام :- اي جدي كام
كام باس راس جدي اني كلش خجلت نضراتهم كلهم عليه
الجد :- بنيتي انشاء الله مرتاحه
مسار :- اي جدي الحمدلله
أجرام :-, لعد باجر نعقد عقد سيد وراها بيومين الخطوبه شتكولون ؟
الجد :- اي احسن
ادهم :-, ايي احسن
باركلي البنات وكلش فرحانت
كعدنا كلنا بغرفت ادهم
هاي لغرفه لزم يوميه ننجمع بيها
أجرام شال فهودي يلعب بي صار عمره 3 اشهر فدوه وكلش حلوو
ادهم :- منعزم احد أجرام بيناتنه .
أجرام :- بكيف مسار شتريد يصير
نور :- شتكولين مسار ؟
مسار :- بيت عمي محمد ماريدهم كلهم والبقيه بكيفكم
ابتسملي أجرام واخذ ادهم وبرهم وطلعو
كعدنا اني ونور وسيرين
مسار :- صدك نور حيصير سنه يمكم ابد مشفتج رايحه الاهلج ولا جاين الج
باوعت عليه ونزلت دموعي
مسار :- شكوو شبييج ليش هلدموع حبيبتي
سيرين :- سالفه طويله تعاي نحجيلج
نور مسحت دموعها وكعدت تحجي
.
.
.
قبل خمس سنين في بغداد
في جامعه بغداد
نور :- كاعده ع لكرسي بلحديقه مال الجامعه اباوع ع لورد شلون حلو ولهوى لبارد يجنن
حسيت ع احد يمي رفعت راسي وشفت ولد
نور :- تفضل محتاج شي
ادهم :- ايي عادي احجي وياج بموضوع
نور :- لا .. عفته وكمت صارله فتره يلاحكني خبلني
يصيح وراي واني مغلسه حسيته ديركض كمش ايدي عطت علي وهد ايدي
نور :- انت شلون تتجراء وتلزم ايدي هيييج
خزرني
ادهم :- صوتتتج نوررر صار فتره بس اريد احاجيج وانت متنطيني مجال
نور :- يلا احجي
ادهم :-, متشوفين عيونهم شلون علينه
نور :- هسه شتريد
ادهم :- بليل ادزلج مسج واحجي وياج
ونور :- وانت منو كلك انطيك رقمي ؟
ادهم :- هه عندي رقمج ترا
نور :- لك انت شكد حيوان
خزرني وصك ع سنونه ويحجي
ادهم :- هلمره اتجازوتي لمره ثانيه اكص السانج فهمتي ؟
نور :- ايي تايهتلك عفته ومشيت خلص دوام واجه اخوي اخذني
رجعت للبيت بوست امي وصعدت الغرفتي ارتاح وصلني مسج
_ منو اجه اخذج ؟
- بلا زحمه منو انتي او انت ؟
_اني ادهم
- انت شلون تتجرء ودزلي
- بلا هلكلام اني اريد احجي وياج بموضوع
-بعديين
شمرت التلفون ورحت غسلت وبدلت وتمددت
فتحت التلفون كعدت العب لعبه الحيه
رجع اجاني مسج
_كملتي ؟
- ايي تفضل احجي ؟
- نور اني احبج ومن زمان تعبت واني اركض وراج والله
فتحت عيوني بصدمه گلبي يدك كلش سريع
رجع دزلي
_نور احجي
-ادهم اني ممفكره بلحب والارتباط اتمنى تشيل هلفكره من راسك
_ماكدر نور صعبه وحاولات اهواي قبل جربي تحبيني
_ماكدر ادهم واني اريد اكمل دراستي وبعدني صغيره كل عمري 19 سنه
_صدكيني اذا عاشرتيني راح تحبيني
كمت وحضرته بدون ما رد
اريد انام ماكدر كلامه يدك براسي وكلبي يدك سريع
غفيت وحسيت ع امب تكعدني ع لعشه
كمت غسلت ومشطت شعري فتحت تلفوني لكيت رسائل من رقم غريب فتحتهن
_عيب عليج تحضريني واني ما سويت شي غلط
_نور لتحضريني حبابه
- نور والله احبج وروح امي
- نور ردي لاتكفريني بالله
كمت وهم حضرته نزلت جوا امي واخويا وبابا كاعديين بابا سئلني ع دوام
بابا كلش حباب وحنين بس قاسي اخويا مثله وامي حنينه وكلشي احجيلها
صارت دنيا ليل صعدت الغرفتي
لكيت رقم متصل عليه عرفته ادهم
رحت هم حضرته
داومت ثاني يوم كملت المحاضرات ورحت للكفتريا اكل لكيت ادهم واكف ويباوع عليه ويخزر عفته دادخل وجرني من ايدي قوي ومشى الطلاب يباعون علينه وصلنه للحديقه عطت بي
نور :- لك ليش تلزمنييي هيييج
ادهم :- نورر صوتجج لج انت شايفه نفسج نورر كافييي تعبتتت حسييي بيه حسسسي
نور :- ماريد احس وخر
دامشي رجع جرني من ايدي
ادهم :- صدكيني مراح تلكين شخص يحبج بكدي واني من بدايه السنه احبج نور احبج حييل
عفته ومشيت وكلامه يدك بكلبي نبره صوته والغصه لتطلع منها من يكلي حسي بيه حسيت گلبي حيطلع من مكانه
حتى نسيت جوع خلص دوام ومن دنطلع لكيته واكف يدخن وعينه عليه ونضرته الي كلها خيبه
اخذني اخويا ورجعت للبيت كلش مختنكه صعدت بدلت وتمدد ع جربايه غصه بكلبي من كلامه كلش اتاثرت نزلت دموعي فتحت الفون فتحت الحضر ودزيتله اسفه شافها ومرد رجعت دزيتله
_كتلك اسفه شبيك ادهم
_نور شنو شبيه شفتي ذله ذليتيها الي
_ترا حقي واني ماعرفك كله صار يومين من كتلي احبج
-ايي واني هسه اريد اخطبج ؟
اتلبكت حييل من كال هييج
_ثواني
نزلت لامي صحتها وصعدتها فوك
ام نور :- شكو بنيتي
نور :- يمه اكو ولد وياي بلجامعه اعترفلي
ام نور. :- يمه وانت تعشكي ؟
نور :- لا يمه لسه بس لولد حييل يحبني ويريد يجي يخطبني
ام نور :- بنيتي بعدج صغيره انت
نور :- ايي يمه اعرف
ام نور :- البي خير الله يقدمه
ابتسمتلها وانزلت
_وين رحتي نور
_جنت احجي الامي عليك
_علييجج الله
_ايي
_ وشكالت ؟
-كالت بعدج صغيره
-اممم
سديته وداومت بدت الايام تمشي وعلاقتنه قوت وسويه بلجامعه وحبيته حييل وهو فد انسان روعه صار 5 شهور احنه علاقه بيوم بلجامعه دنمشي وكامشين اديين بعض صارت عيوني ع اخويه جاينه ركض بسرعه هديت ايده اجه بسرعه وضرب ادهم بوكس
فارس : لك عااارر
ادهم :- انت منو
نزلت دموعي
نور :- فارس بس خلفهمك
فارس :- نوررر ولا كلمه احسابج بلبيت
كمش ادهم بقى يضرب بي وادهم يردله الضربه اتلمو الطلاب بس يباعون اجوي الامن طلعو ادهم بره وفارس جرني من ايدي
عيوني تجري وفارس عصبي نار دفعني بسياره ويصيح ويكفر
وصلنا للبيت سحبني من ايدي وشمرني يم رجل بابا
فارس :- هايي بنتك العار داخله جامعه تصادق وتتمعشك
ابو نور :- شكووو شبيك
فارس :- يابه ماخليها عايشششه والله
اجتي امي كمشتني واني ابجي واشهك وبابا واكف بس يريد يفهم
فارس :- يييابه بنتك رحت اجيبها من الجامعه من وكت لان عندي شغله دخلت والكاها كامشه ايد واحد ويمشون كدام خلق الله كله
باوعلي بابا
نور :- بابا بس خلفهمك عليك الله
ابو نور :- اششش اتصرف فارس
جرني فارس للغرفه وامي تتوسل بي نضرات ابويا كلها خيبه دخلني للغرفه مال امي وسد الباب
نور :- فارس بس اسمعني والله خوش ولد وحباب ومد وهليام يجي يخطبني والله
فارس :- لججج نوررر كل ثقه منطيها الج وانت شسويتيييي لججج نورررر شسويتيييي
جاب صونده كطعني تكطع كمت ما حس بجسمي عافني وطلع دخلت امي تلطم
ام نور :- لجج صخام شسويتيي
نور :- يمه مادري بي راح يجي والله
ام نور :- اتصلي ع هذا ادهم كليلي هسه تجيب اهلك وتجي تخطبني
نور :- يمه فارس أذه
ام نور :- كتلج اتصلي
امي جابتلي تلفون واني جسمي موتني نار يطلع منه حتى خشمي طك دم
اتصلت علي مره ومرتين وبالثا اجاني صوت رجال خشن
-ها
-اني نور
_ايي اعرفج اني أجرام اخو ادهم
_اجرام فدوه كول لادهم خليجي اخوي موتني وامي تكول خليجيب اهله ويجون
_ ساعه ويمكم
سديته اني مصدومه من كلام اخو تكلي معقوله راح يجون
صدك ساعه واندكت لباب امي راحت واني الوب جسمي موتنييي
نسمع بس صوت صياح بره اجتي امي تركض
ام نور :- لج هذا اخو يمكن عصابجي جايب ٦ مدري شكد ويا بس هذا ماهو
نور:- احجيلي شصار
ام نور :- شوفي اول ما دخل سلمو بس فارس وجهه ميكصه سيف اني كاعده يم لباب اسمعهم اخذلهم الجاي وبدو يحجون
أجرام :- شوف عمي اني جاي اطلب ايد بنتك لاخوي واخوي ابن شيوخ واحنه من البصره واخوي عاشك بنتك عمي
فارس :- بس اختيي صغيره واخوك باي حق يقشمر ع اختي
اجرام :- يقشمر ع اختك شنو شو متعرف تحجي انت
فارس :- اعرف احجيي وتفضلو اطلعو
حجه واحد من الموجودين عيب عليك تطردنا واحنه بيتك
ابو نور :- عيب ابني اكعد امسحوها بوجهي
أجرام :- عمي شتردون حاضريين وبنتك لاخوي جبير ادهم .
ابو نور :- الله كريم كم يوم وانطيكم خبر
راحو العالم بس ابوج ناوي نيه كشره
نور :- يمه اذا صار شي ع ادهم اموت والله
ام نور :- إنشاء الله خير
كمت صعدت لغرفتي كوه امشي دخلت سبحت واحس روحي تطلع من الوجع وطكع البجسمي
رحت كعدت وابجي بالي يم ادهم ليش ما اجه اخاف بي شي
ثاني يوم اجاني ابوي
ابو نور :- نورر شوفي اجوي العالم البارحه نور كسرتي ثقتي بييج والله
كلي هلكلام وراح واحس نار تشعل بصدري كعدت ابجي واشهك صعدتلي امي تركض
ام نور :- لجج فراسس ديخطط هو وجماعته يقتلون ادهم
لطمت ع خدي
نور :- يمه لا اموت والله
نزلت ركض الفارس
نور :- فارس اذا سويت شي الادهم والله اقتل نفسي وابليكم
فارس :- لججج شهل صلافه مالتج
ضربني راشدي وجرني من شعري
فارس :- والله امحيكم ثنينكم عارات
نور :- هدنيي لككك صاير رجال عليه اياك ثم اياك تطخ ادهم والله احركمم
فارس :- صلفه والله
ولزمني كسرني اجه بابا وامي تتوسل بي
امي دخلتني الغرفتها
اتصلت ع ادهم
ام نور :- يمه ادهم نور حتموت وديخططون يقتلونك
مسمعت شكللها سدته وتباوع عليه وتبجي
شويه ونسمع صوت عراك بره وصياح امي طلعت ركضض
واني روحي تلوب زحفت للمطبخ واشوف ادهم جاي ركض وجهه مدمه شافني بلكاع وخشمي ينزف وحلكي تخبل ركض عليه سحبني الحضنه وبرا الهوسه بعدها وصياح
ادهم :- سوده بوجهي يروحي
دخل اخو ادهم وفارس مدمه وابويا ركض عليه جرني من شعري وادهم تخبل
ادهم :- عوفهااا عميييي
ام نور :- داخلين البيتي وتاخذون بنتي
اباوع ع ادهم وعيوني يجرن
أجرام كامش فارس يريد يهد ع ادهم وامي بس تبجي وتلطم
نور :- يابه عوفنيي اني اريد ادهم احبه والله احبه
ام نور :- ع جثتي والله
دفعت ابويا وركضت اخذت جداحه وركضت فوك كل الحيل اجاني وصلت للبيتونا ركض وهم وراي اخذت نفط بسرعه ذبيته عليه
ادهم :- نور لا اموت والله
نور :- ادهم كافي لهنا وبس
ام نور :- لج يمه لا يمه تردين تموتيني
ادهم :- نور اياج اموت والله
بابا بس يباوع هو وفارس اباوع ع ادهم بس دموعه يجرن ويتوسل بيه ما سويها بس شيطان خلاص نام بعقلي
ادهم :- نور فدوه لا نورررر لااااا لتخبليني
ابتسمتله وملت راسي
نور :- اسفه ادهم
داعلك جداحه
_________________________________
اسفه ع صار وع لهبطه ههههههه وانشاء الله ع فراغي اكتبلكم ويكون يوميه نشر وبكد هلبارت
احبكم ♥️🥺🪐.
حسابي الانستا : mream_.98