رواية :شريط الذكريات
(حب قاتل)
الكاتبة " رواية"
〰️〰️〰️〰️〰️〰️〰️〰️
"غدا ستشرق الشمس في مضاربنا وتزهر اشجارنا ونودع كل المآسي ونرتوي بأمطار صبرنا"
.............................
طيبة
فزيت على صوت أوزليم
حجيت بصوت متحشرج بسبب النعاس
- يمعودة اوزا بعد وقت والله الساعة سته ونص دوامي بالتسعة
ردت بملل
_ تكومين تسوين تمارين صباحية مدة نص ساعة وترحين تسبحين وتجين تتريكين وتراجعين متلحكين تصير الساعة ٩ بعد شكو
_ ههفففف هسا اكوم
كمت سويت مثل مكالت كُل يوم الصبح هذا الروتين مستحيل تقبل اوزليم نهمل الرياضة ولازم يومية الصبح نسبح ونرجع نراجع
كملت مراجعة فتت للغرفة
جانت ريام نايمة الحقيرة اليوم معدهه دوام بس احنا هفففف شيصير لو عطلة مالي خلك اروح كعدت اباوع عليهه
بسيطة ما اخليج تنامين
دغيتهه بكتفهه وحجيت
_كعدي كعدي كافي نوم
ردت
- هممم بس شوية
_كومي ولج كومي احتركنا راح تحتركين كعدي النار جلبت بالبطانية كعدي راح تتشوهين
دفرت البطانية وكامت تصرخ
احتركنا يمااا احتركنا ما اريد اتشوه اوزا لحكيييي احتركنا
تفتر مسوية دأئرة حول نفسهه وتفتر وتصرخ
متت ضحك نمت واني لازمة بطني واضحك بخنك
وكفت تباوع شوية واستوعبت
باوعتلي بغضب وهين تصك سن بسن حجت
_ شنو تضحكين علية هبطتيني عبالي من صدك احتركنا ادبسزز بسيطة
جانت ع الميز بطل مي بااارد توني شربت منه وخليته جابته وشمرته علي خلتني اكمز واصيح توبة لان كعدتهه بهالطريقة كمت جلبت بشعرهه وهيه عاضتني شوي وانفتح الباب ما احس اله تغركنه بالمي البارد يموت بحيث كمت اكمز واصيح
_ لا لا يمااا بردد برددت يماا جمدت ولك مصطفى
رد بخبث
_ حتى بعد متتعاركن من الصباحيات خزيتنا تصرخن اوزليم كالت روح شوف شغلك واني اجيت شفت شغلي
ردت ريام بتهديد
_ ايي عزيزي تشوف شغلك مو بسيطة اصبرلي
وشالت البطانية وشمرتهه علية
اجا يريد يركض وزلك ووكع اني فقدت من الضحك مابية اشيل ايدي بعد اباوع عليهم وميته ضحك
ريام لازم مصطفى وتعض براسة
انفتح الباب وفاتت اوزليم
حجت بغضب
_ هاي شجاي يصير هنا انتو شوكت تكبرون هبصتونا يومية الصبح انتو على هالرنة طويبة اني مو كتلج كومي بدلي وراج دوام الساعة تسعة الة عشرة ترحين مشي عقوبة الج وحتى مصروف ماكو يلله كومي
وافترت على ريام
_ وانتي شكو تعضين براسة انجلبتي كوموا لابارك الله بيكم شلعتوا كلبي وراكم دوام
وعاطت بصوت عالي خلتني اكمز من مكاني مرعوبة
_ ولكككككك مطفىىىىى اني مو كتلك روح اشمر الحاوية كاعد هنا شكوووووووو
طفر مصطفى يركض نزل يسوي روحة خايف
حجة ببكاء مصطنع
_ اسف اسف لاتكتليني
حروح اشمرهن هسا اوكي حبيبتي وهو يمسح بدموع التماسيح
أوزليم
تخصرت واني اباوع عليهم بعدم رضا حجيت بتعب
_ يلله طيبة روحي لمدرستج انتضري مصطفى يبدل وروحوا وانتي طيبة سوي الغدا وديري بالج على بيبي اني حروح تأخرت
طلعت من البيت اخذت تكسي ورحت لدوامي فتت للكلية اني هسه مرحلة ثالثة قسم تربية انگليزي رحت لقسمي جنت متأخرة على المحاضرة الاولى دكيت الباب واستأذنت من الاستاذ وفتت
كملت المحاضره وطلعت جانن بنات القسم يحجن بيناتهن
_ لج انتي شفتي غير يموت انوب ثكييل بشكل اووويليي يخبول هههه
_ عزا بعينج مصارلة شهر من اجه وانتي حطيتي عينج علية صح حلو وشخصية وكاريزما بس شبيج نخبصتي لو يصحلج ترحين تحضني
حجيت بفضول
_ شبيكم بنات شصاير؟
_ ولج اوزا عيني الحكيني
_ هسه غير نفهم شصاير؟
حجت البنية الثانية
_ اوزليم هاي راح تخبلني تعرفين الاستاذ الجديد الي اجة قبل شهر
_ ايي اعرفة استاذ آدم شبي
_ هاي كتلتني تعوف محاضرتنا وتطلع تروح للمرحلة الثانية لان هو يدرسهم
حجيت بملل
_ اهوو هاي دوم هيج ملكوفة عبالي مادري شنو طلعت مخلية عينهه ع الاستاذ هو صح مرتب بس مو لدرجة انو اترك محاضرتي واروح وررا هههه عزا بعينج رُبى
رفعت عيني وشفت الاستاذ نفسة يباوع علية ورافع تك حاجب كأنوا سمعني شحجيت
يلله واذا سمع هي هاي الحقيقة
تركتهن وكمت دخلت للقاعة
شوية وفات استاذ آدم
حجة بأبتسامة
_ شباب أني أستاذ آدم مصارلي شهرين من انتقلت لبغداد وانتقل دوامي هنا عرفوني عليكم
حجت رُبى وهي تتموع
_ شرفتنا أستاذ أني رُبى بس انت مو تاخذ طلاب المرحلة الثانية
_ ايي اخذتهم كم محاضرة وهسة راح اخذكم من اليوم ورايح جان يحجي ويباوع علية
حجيت بداخلي
_ هذا شبي معلك عيونة علية كبر حتى كبر
استأذنت وطلعت رحت للكافتريا تريكت وكعدت بالحديقة اراجع شوية وطلع اجة وراي
_ ممكن أكعد يمج شوي
سويتلة مكان وكملت مراجعتي ولا كأنما موجود
_ أحم اوزليم
_ نعم استاذ
_ ليش تركتي المحاضرة ؟
_ عندي امتحان وجاي اراجع والمحاضرة الي تركتهه مو مهمة يعني مجنا ندرس بس جنت تتعرف ع الطلاب
_ ايي صح بس جنت اريد اتعرف عليج
حجيت بملل
_ أوزليم عمري 21 سنه
_ العمر كُلة انتي ليش هيج مغرورة
تنهدت بعدم رضا وتركته ورحت
صااح
_ اويلي يااابة اروح فدوة لهالعيون
حجيت بداخلي
كبر زمال ادب سزز صايع تف ع هالشكل
امتحنت وطلعت للبيت
ريام
بعد مطلعت اوزليم كمت كملت شغلي وراجعت دروسي فتحت الانستا جان جايني طلب متابعة من ولد
شوي واجتي رسالة من نفس الولد الي متابعني
دز
هلو ريومة شلونج💬
أنتَ منو وشون عرفت اسمي ⁉️
اني ليث زميلج شبيج معرفتيني💬
دزيت
اهلا ليث محتاج شي ؟
سلامتج بس ردت اسأل عليج ليش ممداومة اليوم💬
الله يسلمك معجبني اداوم اليوم ماكو دروس مهمه💬
ايي هم صحيح يلله اني استأذن💬
حذفت المحادثة واني افور شون عرف حسابي اكيد من البنات بسيطة بعدين احاسبهن
رأساً سجلت خروج من الحساب وحذفته وسويت حساب جديد وضفت اوزليم ومصطفى وطيبة وبيجات ملابس ومضفت احد ثاني يولن الادبسززيات ولا اضيفهن شكو ينطنه حسابي
كملت دروسي ثاني يوم داومت ورحت رزلت البنات وطلعت للحديقة جنت كاعدة
وشفته يمشي رأساً ختلت
انتضرته يروح ورحت ركض للقاعة غيرت مكاني وكعدت بالاخير بين البنات حتى ميشوفني أشو هذا راح كعد يم اساور ولا اهتم ولا سأل عني كمت من الاخير ورجعت المكاني اني على شنو انغثيت وليش ركزت افففف خلص نفضت هالافكار من راسي وركزت واني اسمع الاستاذ يشرح شوي ولتفتت اشوفه يباوع علي بس حس انو اني انتبهت نزل عينه على ساعته
شوية وخلصت
خلصت المحاضرة بقيت كاعدة بمكاني ماتحركت طلعت كتابي وبقيت اراجع اني مرحلة اولى قانون شوية عندي صعوبة بالمواد كملت مراجعة جان ليث كاعد يم اساور ويراجعون ثنينهم سوية
احتركت فرت ما اعرف شصابني مسحت وجهي وزفرت بضيق التفت يباوع شافني عكد حاجبة حجة بتساؤل
_ خير رييام خمابيج شي ؟
_ سلامتك مابية شي
هز راسة والتفت ما اعرف شحاجة اساور وطلع
ليث عمرة تقريباً 25 سنه تارك الدراسة هذا الي سمعته عنه انو جان تارك وهسا رجع تركت القاعة وطلعت للبيت اني لازم احاجي اوزا ما اعرف شديصيرلي
اوزليم
جنت كاعدة بالحديقة اراجع المحاضرة باجر اني راح القي المحاضرة بدل الاستاذ رفعت عيني جانت ريام جاية مرتبكة عرفت عدها شي من تتوتر لازم يكون صاير شي
حجيت بجدية
_أحجي ماما شعندج؟
_ أنتي ليش تكولين ماما تخوفيني تره اكبر من بسنتين بس تطولين ماما تره انصعق اخاف
_ ههه ما اعرف الساني ماخذ على هالكلمة وبعدين ليش اني مو امج ؟
جاوبت بتوتر
_ اوزا انتي مو بس امي واختي وصديقتي انتي كُل شي بالنسبة الي انتي اماني
بصراحة اني اريد اكولج شي
وخايفة ما اعرف شون احجي
لزمت ايدها بين ايدية وحجيت بأبتسامة
_ أحجي ولتخافين اني امانج وانتي بيت اسراري
_ شوفي هذا شسمة اكو ولد شسمة هذا
_ هسه شنو خلصتيهه عليه شسمة وهذا فضيني شبي الولد يريد يتقدملج ؟
حجت بصدمة
_ ههه يمعودة شيخطبني لا مو هجي
_ لعد شنو؟
_ شوفي هو اني ما اعرف قبل فترة راسلني ع الانستا وسأل ليش ممداومة واني جاوبته ورحت بعدين حذفت حسابي وسويت حساب جديد
_ ومن سألتج ليش غلقتي الحساب تكولين تبند
_ مو ما اعرفت شكول
_ المهم هسا شنو ؟
_ ايي اني اليوم رحت للدوام اشو هذا لا سأل عني ولا اهتملي وخلصهه ويه بنية ويانه بالقسم واني متت ما اعرف شصارلي انقهرت لان ما سأل علي
_ ريومة شيلي هالولد من راسج ولتفكرين بي نهائياً اهم شي هسا دراستج ومستقبلج حاولي شكد متكدرين تبتعدين انتِ حاليا معجبة بي ياريت تصرفين نضرج عنه حتى اطمأن عليج اوكي حبيبتي
_ اوكي تمام بس شون اوزا ما اعرف ليش جاي انقهر
_ ريامممم سدي الموضوع واهتمي بدراستج ما اريد سوالف حب وعشق وتنهمل الدراسة احنه ما النه غير دراستنا ومستقبلنا اذا هملناها يتحطم ريام لا تخليني اقدم اوراقج بكلية اهلية بس علمود ابعدج عنه انسي ابتعدي مفهموووم حجيتها بشبة عصبية
_ مفهوم اني ا س اسفه م ممتنعاد
_ افهميني ولتزعلين اني اردي مصلحتج اول شي اهتمي بالدراسة وبين من تكملين الكلية تزوجي وسو يالي تريدي
_ اني بس حجيتلج عن الدا احس بي وانتي عصبتي
_ ريوم ريومة حبيبتي اني ههف اسفة بس حاولي تغضين نضر اوكي
_ اوكي اني اكوم ابدل وانام راسي يوجعني
تركتني وراحت
متعرف شنو صارلي من حجت عن احساسها هو نفسة الي دا احس بي تجاه استاذ آدم وجاي احاول ابتعد بس هو مجاي يتركني بحالي خفت على مستقبل اختي لان ان ينفسي جاي اهمل دراستي بسبب آدم هفف يارب صبرك
شوية وفات صوفي
حجة بتوتر
_ أاا أوزا عندي شي اريد احجي ...........
يتبع في الفصل الرابع
أعزائي لاتنسوا التصويت والتعليق ♥️
الكاتبة "رواية "
(زينب)
يوزر أنستگرامي _ekk313
دُمتم في حفظ الرحمن ورعايته🖤🙏